قصص رومانسية جريئة ممنوع دخول الأطفال

الفقير وابنه

قصة مسلية ومثيرة للغاية من قسم قصص مضحكة هتستمتعوا معانا بقراءتها من خلال السطور الجاية لانها مكتوبه بطريقة كوميدية ساخرة هتجذبك وفي نفس الوقت هتلاقي فيها عبرة وعظة تعالوا مع بعض نستعرض احداث قصتنا من القصص المضحكة قصة الاب الفقير وابنه و هي مستوحاة من احدي قصص جحا وحماره الشهيرة .

الاب كان راجل فقير جداً وفي يوم من الايام قال لآبنه احنا لازم نبيع الحمار علشان نلاقي ناكل هات الحمار نروح نبيعه في السوق وعوضنا علي الله ومكنش يعرف ان المشوار ده هيخليهم احلي قصة مضحكة للسوق كله.

وهما في الطريق للسوق علشان يبيعوا الحمار اللي حيلتهم وكانوا سايبين الحمار ماشي قدامهم وهما ماشيين وراه قابلوا مجموعه بنات راجعين من السوق وفضلوا يضحكوا ويشاوروا عليهم بصوا الراجل وابنه ماشيين وسايبين الحمار ماشي لوحدة وهما الاتنين ماشيين علي رجليهم .

اول ما سمع الاب ضحك البنات عليهم راح قال لابنه اركب انت الحمار وانا همشي وراكم وبالفعل ركب الولد الحمار ومشي الاب وراهم .

بعدها قابلوا اتنين كبار في السن بيتكلموا مع بعض ويشاوروا عليهم وواحد منهم بيقول للتاني بص ادي اخرة الاولاد بيكبروا يهملوا الاباء ويطلعوا عاقين لوالديهم بص الولد راكب هو الحمار ومدلدل رجليه وسايب ابوه المسكين ماشي علي رجليه مفيش ادب ولا حياء خالص وبعدها راح موجه الكلام لولد مباشرة الراجل العجوز وقاله " انزل من علي الحمار خلي ابوك يركب مش شايفه تعبان وكبير في السن انزل " علطول نزل الولد مكدبش خبر وسمع كلام الرجل العجوز وركب والده مكانه .

مشيوا شوية صغيرين بعدها قابلوا مجموعه تانية من الستات واحدة منهم قالت للراجل معندكش رحمة راكب انت وسايب ابنك الصغير ياخدها مشي ركبه معاك راح طلب ابوه منه انه يركب وراه وركبوا هما الاتنين علي الحمار ومشيوا لحد السوق .

اول ما وصوا السوق وقفهم واحد كبير في السن تاني وقلهم " انتوا اية مفيش عندكم رحمة مفيش عندكم رأفه بالحيوان الجو حر وانتوا الاتنين تقال راكبين علي الحمار المسكين ده ارحموا من في الارض يرحمكم من في السماء " وفضل يكرر الجملة دي في وشهم .

نزلوا هما الاتنين وقرروا يشيلوا الحمار علي ظهرهم لحد ما يوصلهم لجوا السوق وفضل طبعا كل اللي في سوق يبص عليهم ويضحكوا بصوت عالي واتقلب السوق لمهرجان من الضحك والهزار عليهم وطبعا وقع منهم الحمار ووقعوا هما كمان وقعدوا علي الارض يبصوا لبعض وقال الاب لابنه " ادي اخرة اللي يمشي وراء كلام الناس " .

وبكده خلصت قصتنا من القصص المضحكة الطريفة تابعوا معانا كل يوم في قصة مضحكة جديدة .

شوف كمان قصة أمي امي من القصص المضحكة جداً .