مرحباً بكم أصدقائي وأحبابي عاشقي القراءة والقصص والروايات حيث نغوص اليوم مع رواية رومانسية مصرية للكاتبة المميزة دعاء عبد الرحمن, وموعدنا اليوم علي موقع قصص 26 مع الفصل الثانى من رواية إغتصاب ولكن تحت سقف واحد - بقلم دعاء عبد الرحمن
رواية إغتصاب ولكن تحت سقف واحد - الفصل الثانى
ﻭﻗﻒ ﻋﺒﺪ ﺍﻟﺮﺣﻤﻦ ﺃﻣﺎﻡ ﻣﻜﺘﺐ ﻭﺍﻟﺪﻩ ﻭﻃﺮﻕ ﺍﻟﺒﺎﺏ ﺑﺨﻔﻪ ﺛﻢ ﺩﺧﻞ ﻭﺃﻏﻠﻖ ﺍﻟﺒﺎﺏ ﺧﻠﻔﻪ ﻧﻈﺮ ﺍﻟﻴﻪ ﻭﺍﻟﺪﻩ ﻗﺎﺋﻼ : ﺗﻌﺎﻟﻰ ﻳﺎ ﻋﺒﺪ ﺍﻟﺮﺣﻤﻦ
ﺩﺧﻞ ﻭﺟﻠﺲ ﻓﻰ ﻣﻮﺍﺟﻬﺘﻪ ﻭﻗﺎﻝ ﺑﺄﺩﺏ : ﺧﻴﺮ ﻳﺎ ﺣﺎﺝ ﺣﺴﻴﻦ ﺑﻌﺘﻠﻰ ﻟﻴﻪ
ﺍﻟﻮﺍﻟﺪ : ﻣﺮﻭﺣﺘﺶ ﺍﻟﻤﻄﺎﺭ ﺍﻟﻨﻬﺎﺭﺩﻩ ﻟﻴﻪ
ﻋﺒﺪ ﺍﻟﺮﺣﻤﻦ ﻓﻰ ﺿﺠﺮ : ﻳﺎ ﺑﺎﺑﺎ .. ﻳﺎ ﺑﺎﺑﺎ ﺣﺮﺍﻡ ﻛﺪﻩ ﺑﻘﺎﻟﻰ ﺳﻨﻴﻴﻦ ﺑﺮﻭﺡ ﺍﻟﻤﻄﺎﺭ
ﻭﺃﻃﻠﻊ ﻋﻠﻰ ﻛﺸﻮﻓﺎﺕ ﺍﻟﻘﺪﻭﻡ ﻭﺍﻟﻤﻐﺎﺩﺭﻩ ﻣﻦ ﻣﺼﺮ ﻟﻤﺎ ﺻﺎﺣﺒﻰ ﺯﻫﻖ ﻣﻨﻰ ﻭﻗﺎﻟﻰ ﺃﻧﺖ ﺑﺘﺠﻴﻰ ﻣﻊ ﺍﻟﻘﺒﺾ ﻛﻞ ﺷﻬﺮ ﻭﻻ ﺃﻳﻪ
ﺍﻟﻮﺍﻟﺪ : ﻳﻌﻨﻰ ﺍﻳﻪ ... ﻫﻮ ﻳﻌﻨﻰ ﺑﻴﻮﺭﻳﻬﺎﻟﻚ ﺑﺒﻼﺵ ﻭﺑﻌﺪﻳﻦ ﻣﺎﻟﻚ ﻣﻀﺎﻳﻖ ﻛﺪﻩ .. ﻣﺒﻘﺘﺶ ﻋﺎﻭﺯ ﺗﺪﻭﺭ ﻋﻠﻰ ﻭﻻﺩ ﻋﻤﻚ ﻭﻻ ﺃﻳﻪ .. ﺃﺭﻭﺡ ﺍﻧﺎ ﺑﻨﻔﺴﻰ ؟
ﻋﺒﺪ ﺍﻟﺮﺣﻤﻦ : ﺍﻟﻌﻔﻮ ﻳﺎ ﺑﺎﺑﺎ .. ﺑﺲ ﻛﻔﺎﻳﻪ ﻛﺪﻩ ﻟﻮ ﻛﺎﻧﻮﺍ ﻫﻴﻨﺰﻟﻮﺍ ﻣﺼﺮ ﻛﺎﻧﻮﺍ ﻧﺰﻟﻮﺍ ﻣﻦ ﺯﻣﺎﻥ ﻟﻜﻦ ﻃﺎﻟﻤﺎ ﺑﻘﺎﻟﻬﻢ ﺳﻨﻴﻦ ﻳﺒﻘﻮﺍ ﺃﺳﺘﻘﺮﻭﺍ ﺧﻼﺹ
ﺍﻟﻮﺍﻟﺪ ﻓﻰ ﻋﺼﺒﻴﻪ : ﺍﻧﺖ ﻣﻠﻜﺶ ﺩﻋﻮﻩ ﺍﻋﻤﻞ ﺍﻟﻠﻰ ﺑﻘﻮﻟﻚ ﻋﻠﻴﻪ .. ﺗﺮﻭﺡ ﺗﻄﻠﻊ ﻋﻠﻰ ﺍﻟﻜﺸﻮﻓﺎﺕ ﺑﻨﻔﺴﻚ ﺃﻧﺎ ﻣﺒﺜﻘﺶ ﻓﻰ ﺻﺎﺣﺒﻚ ﺩﻩ
ﻋﺒﺪ ﺍﻟﺮﺣﻤﻦ ﻣﻬﺪﺋﺎ : ﺣﺎﺿﺮ ﻳﺎ ﺑﺎﺑﺎ ﺣﺎﺿﺮ ﻫﺮﻭﺡ ﺑﻜﺮﻩ ﺍﻟﺼﺒﺢ ﻋﻠﻰ ﻃﻮﻝ .. ﻋﻦ ﺃﺫﻧﻚ
ﺧﺮﺝ ﻋﺒﺪ ﺍﻟﺮﺣﻤﻦ ﻓﻰ ﺿﻴﻖ ﻣﻦ ﻣﻜﺘﺐ ﻭﺍﻟﺪﻩ ﻭﻫﻮ ﻳﺰﻓﺮ ﺑﺸﺪﻩ
ﺍﻟﻘﻰ ﻧﻈﺮﺓ ﻋﻠﻰ ﻫﻨﺪ ﺍﻟﺘﻰ ﺗﺨﺘﻠﺲ ﺍﻟﻨﻈﺮ ﺍﻟﻴﻪ ﻣﻦ ﺧﻠﻒ ﺷﺎﺷﻪ ﺍﻟﺤﺎﺳﻮﺏ ﺛﻢ ﺗﻌﻮﺩ ﻭﺗﻜﻤﻞ ﻋﻤﻠﻬﺎ ﻣﺮﻩ ﺃﺧﺮﻯ
ﻭﻗﻒ ﻓﻰ ﻣﻮﺍﺟﻬﺘﻬﺎ ﻭﺍﺗﻜﺄ ﻋﻠﻰ ﻣﻜﺘﺒﻬﺎ ﻭﻫﻮ ﻳﻘﻮﻝ : ﻣﺶ ﻧﺨﺎﻟﻴﻨﺎ ﻓﻰ ﺷﻐﻠﻨﺎ ﻭﻻ ﺃﻳﻪ
ﻧﻈﺮﺕ ﺍﻟﻴﻪ ﻗﺎﺋﻠﻪ : ﺧﺎﻟﻴﻚ ﻓﻰ ﺣﺎﻟﻚ
ﺍﺑﺘﺴﻢ ﻭﻗﺎﻝ : ﻃﺐ ﻫﺘﺘﻐﺪﻯ ﻣﻌﺎﻳﺎ ﺍﻟﻨﻬﺎﺭﺩﻩ
ﻫﻨﺪ : ﻻ .. ﺛﻢ ﺗﺎﺑﻌﺖ ﻫﺎﻣﺴﻪ .. ﻣﺎﻣﺎ ﻋﺎﻣﻠﻪ ﻣﺤﺸﻰ ﺍﻟﻨﻬﺎﺭﺩﻩ ﻳﺠﻨﻦ ﺟﺒﺘﻠﻚ ﻣﻌﺎﻳﺎ
ﻧﻈﺮ ﻋﺒﺪ ﺍﻟﺮﺣﻤﻦ ﺣﻮﻟﻪ ﻭﻗﺎﻝ : ﻣﺤﺸﻰ ﻳﻨﻬﺎﺭ ﺍﺑﻴﺾ ﺩﻩ ﺃﺣﻨﺎ ﻣﻤﻜﻦ ﻧﺘﻘﻔﺶ ﺑﻴﻪ ﻭﻧﺮﻭﺡ ﻓﻰ ﺩﺍﻫﻴﻪ ..
..... ﺑﺼﻰ ﻟﻤﺎ ﺃﺑﻮﻳﺎ ﻳﻨﺰﻝ ﺭﻧﻰ ﻋﻠﻴﺎ ﺍﺟﻴﻠﻚ ﺻﺎﺭﻭﺥ ﺍﺳﺘﻔﺮﺽ ﺑﺎﻟﻤﺤﺸﻰ ﺩﻩ ﻟﻮﺣﺪﻯ
ﻗﺎﻟﺖ ﻓﻰ ﺩﻟﻊ : ﻳﻌﻨﻰ ﻫﺘﺎﻛﻞ ﻟﻮﺣﺪﻙ
ﻗﺎﻝ ﺑﺨﻔﻮﺕ : ﻻ ﻃﺒﻌﺎ .. ﺛﻢ ﻏﻤﺰ ﻟﻬﺎ ﻭﺗﺎﺑﻊ : ﻫﺒﻘﻰ ﺃﺩﻳﻜﻰ ﻭﺍﺣﺪﻩ
ﺍﺣﻤﺮﺕ ﻭﺟﻨﺘﻴﻬﺎ ﻭﻗﺎﻟﺖ : ﻋﻴﺐ ﻛﺪﻩ ﻳﺎ ﻋﺒﺪﺍﻟﺮﺣﻤﻦ ﺃﺣﻨﺎ ﻟﺴﻪ ﻣﺨﻄﻮﺑﻴﻦ
ﻗﺎﻝ ﺑﺨﺒﺚ : ﺍﻧﺘﻰ ﻓﻬﻤﺘﻰ ﺃﻳﻪ .. ﺍﻧﺎ ﻗﺼﺪﻯ ﺃﺩﻳﻜﻰ ﻭﺍﺣﺪﺓ ﻣﺤﺸﻰ ﻳﻌﻨﻰ .
. ﺃﻧﺘﻰ ﻧﻴﺘﻚ ﻭﺣﺸﻪ ﻋﻠﻰ ﻓﻜﺮﻩ ﻭﺿﺤﻚ ﻭﺍﻧﺼﺮﻑ ﺍﻟﻰ ﻣﻜﺘﺒﻪ
ﺩﺧﻞ ﻣﻜﺘﺒﻪ ﻓﻮﺟﺪ ﻳﻮﺳﻒ ﺟﺎﻟﺲ ﻳﻨﺘﻈﺮﻩ .. ﺃﻳﻪ ﻳﺎ ﻋﻢ ﻛﻨﺖ ﻓﻴﻦ ﺑﻘﺎﻟﻰ ﺳﺎﻋﻪ ﻣﺴﺘﻨﻴﻚ
ﻋﺒﺪ ﺍﻟﺮﺣﻤﻦ ﻭﻫﻮ ﻳﺠﻠﺲ ﺧﻠﻒ ﻣﻜﺘﺒﻪ : ﺳﺎﻋﺔ ﺃﻳﻪ ﺃﻧﺖ ﻫﺘﻔﺸﺮ ﺩﻩ ﺃﻧﺎ ﻣﻜﻠﻤﺘﺶ ﺭﺑﻊ ﺳﺎﻋﻪ ..
..... ﻟﺨﺺ ﻋﺎﻭﺯ ﺃﻳﻪ ﺳﺎﻳﺐ ﻣﻜﺘﺒﻚ ﻭﺟﺎﻯ ﺗﺮﻣﻰ ﺑﻼﻙ ﻋﻠﻴﺎ ﻟﻴﻪ
ﻳﻮﺳﻒ : ﻛﺪﻩ ﻳﺎ ﻋﺒﺪﻩ ﺩﻩ ﺍﻧﺎ ﺃﺧﻮﻙ ﺑﺮﺿﻪ
ﻋﺒﺪ ﺍﻟﺮﺣﻤﻦ : ﺍﻩ ﺷﻜﻠﻨﺎ ﻣﺶ ﻫﻨﺨﻠﺺ ﺍﻟﻨﻬﺎﺭﺩﻩ .. ﻋﺎﻭﺯ ﺍﻳﻪ ﻳﺎﺑﻨﻰ ﺧﻠﺺ ﺑﺪﻝ ﻓﻴﻠﻢ ﺍﻟﺤﺮﻣﺎﻥ ﺩﻩ
ﻳﻮﺳﻒ : ﺍﺑﻮﻙ ﻛﺎﻥ ﻋﺎﻭﺯﻙ ﻟﻴﻪ؟
ﻧﻈﺮ ﺍﻟﻴﻪ ﻓﻰ ﺩﻫﺸﻪ ﻗﺎﺋﻼ : ﻫﻮ ﻣﻔﻴﺶ ﺣﺎﺟﻪ ﺗﺴﺘﺨﺒﻰ ﻓﻰ ﺍﻟﺸﺮﻛﻪ ﺩﻯ .. ﺍﺑﺪﺍ ﻳﺎ ﺳﻴﺪﻯ ﺑﻴﺴﺄﻟﻨﻰ ﻣﺮﻭﺣﺘﺶ ﺍﻟﻤﻄﺎﺭ ﻟﻴﻪ ﺍﻟﺸﻬﺮ ﺩﻩ
: ﻳﻮﻭﻭﻩ ﻫﻮ ﻟﺴﻪ ﺣﺎﻃﻂ ﺍﻣﻞ ﻓﻰ ﺍﻟﺤﻜﺎﻳﻪ ﺩﻯ
ﻋﺒﺪ ﺍﻟﺮﺣﻤﻦ : ﻣﺶ ﺃﻣﻞ ﻭﺑﺲ .. ﺩﻯ ﺍﻣﻞ ﻭﻋﻤﺮ ﻛﻤﺎﻥ
: ﻭﻃﺒﻌﺎ ﺍﻧﺖ ﻣﺼﺪﻗﺖ ﺗﺮﻭﺣﻠﻪ ﻟﻤﺎ ﻃﻠﺒﻚ ﻋﻠﺸﺎﻥ ﺗﺸﻮﻑ ﻫﻨﺪ
ﻋﺒﺪ ﺍﻟﺮﺣﻤﻦ : ﺑﻄﻠﻮﺍ ﻗﺮ ﺑﻘﻰ .. ﻣﺶ ﺍﺣﺴﻦ ﻣﻘﻌﺪ ﻓﺮﺩﺍﻧﻰ ﺯﻳﻚ ﻛﺪﻩ
ﻳﻮﺳﻒ ﺑﺘﻬﻜﻢ : ﻓﺮﺩﺍﻧﻰ .. ﺳﻨﺠﻞ .. ﺍﻫﻮ ﺍﺣﺴﻦ ﻣﻦ ﺍﻟﺤﺮﻳﻢ ﻭﺧﻼﺹ
ﺗﺎﺑﻊ ﻋﺒﺪ ﺍﻟﺮﺣﻤﻦ : ﻫﺘﻔﻀﻞ ﻃﻮﻝ ﻋﻤﺮﻙ ﻣﻌﻘﺪ .. ﺍﻟﻠﻰ ﻳﺸﻮﻓﻚ ﻛﺪﻩ ﻳﻘﻮﻝ ﺍﻧﻚ ﻛﻨﺖ ﺑﺘﺤﺐ ﻭﺧﺪﺕ ﺑﻤﺒﻪ
: ﻻ ﻳﺎﻋﻢ ﻭﻻ ﺍﺣﺐ ﻭﻻ ﺑﺘﺎﻉ ﺍﻧﺎ ﻛﺪﻩ ﻛﻮﻳﺲ ﺍﻧﺎ ﻣﺎﻟﻴﺶ ﺧﻠﻖ ﻋﻠﻰ ﺍﻟﺴﺘﺎﺕ ﺍﺳﺎﺳﺎ
ﻋﺒﺪ ﺍﻟﺮﺣﻤﻦ : ﺍﻧﺖ ﻫﺘﻘﻮﻭﻭﻟﻰ ... ﺍﻟﻤﻪﻡ ﺍﻧﺖ ﻛﻨﺖ ﺟﺎﻯ ﻟﻴﻪ ﺍﺻﻼ
: ﻭﻻ ﺣﺎﺟﻪ ﻭﻟﻴﺪ ﺍﺑﻦ ﻋﻤﻚ ﻛﻠﻤﻨﻰ ﻭﻋﺎﻭﺯﻧﺎ ﻧﺨﺮﺝ ﺷﻮﻳﻪ
ﻋﺒﺪ ﺍﻟﺮﺣﻤﻦ : ﺃﺧﺮﺝ ﺍﻧﺖ ﻳﺎ ﻋﻢ ﺍﻧﺖ ﻓﺎﺿﻰ ﺍﻧﺎ ﻋﻨﺪﻯ ﺷﻐﻞ .. ﻭﺍﻟﻠﻪ ﺍﻧﺎ ﻣﺶ ﻋﺎﺭﻑ ﺍﻧﺖ ﻣﺼﺎﺣﺐ ﻭﻟﻴﺪ ﺍﺯﺍﻯ
........ ﺩﻩ ﺍﻧﺖ ﻣﻦ ﺳﻜﻪ ﻭﻫﻮ ﻣﻦ ﺳﻜﻪ
ﻫﻮ ﻳﻤﻮﺕ ﻓﻰ ﺍﻟﺴﺘﺎﺕ ﻭﺍﻧﺖ ﺑﺘﻜﺮﻫﻬﻢ ﻋﻤﻰ
ﻳﻮﺳﻒ : ﺍﻳﻪ ﻫﻮ ﻣﻦ ﺳﻜﻪ ﻭﺍﻧﺎ ﻣﻦ ﺳﻜﻪ ﺩﻯ ﻫﻮ ﻃﺎﻟﺐ ﺍﻳﺪﻯ ﻭﻻ ﺍﻳﻪ
ﻭﺍﺷﺎﺭ ﻟﻪ ﻭﻫﻮ ﻳﺘﺠﻪ ﻟﻠﺒﺎﺏ ﻳﺎﻻ ﺳﻼﻡ ﺍﺷﻮﻓﻚ ﺑﺎﻟﻠﻴﻞ ﻓﻰ ﺍﻟﺒﻴﺖ
ﺗﻨﻬﺪ ﻋﺒﺪ ﺍﻟﺮﺣﻤﻦ ﻭﻫﻮ ﻳﻔﺘﺢ ﺍﻟﻤﻠﻔﺎﺕ ﺍﻣﺎﻣﻪ ﻗﺎﺋﻼ : ﺳﻼﻡ ﻳﺎ ﺭﺍﻳﻖ
ﺟﺎﺀﺕ ﺳﺎﻋﺔ ﺍﻟﻐﺬﺍﺀ ﻭﺃﻧﺼﺮﻑ ﺍﻟﻌﻤﺎﻝ ﻭﺍﻟﻤﻮﻇﻔﻴﻦ ﻟﻠﺮﺍﺣﻪ ﻭﺧﺮﺝ ﺍﻟﺤﺎﺝ ﺣﺴﻴﻦ ﻣﻦ ﻣﻜﺘﺒﻪ ﻭﻫﻮ ﻳﻘﻮﻝ ﻝ ﻫﻨﺪ : ﺳﺎﻋﻪ ﻭﺭﺍﺟﻊ ﻳﺎ ﻫﻨﺪ
ﻫﻨﺪ ﻭﻫﻰ ﺗﻘﻒ ﺑﺎﺣﺘﺮﺍﻡ : ﻣﻊ ﺍﻟﺴﻼﻣﻪ ﻳﺎ ﺣﺎﺝ
ﺍﺳـﺪﺍﺭ ﻭﻫﻮ ﻳﻘﻮﻝ : ﻭﺍﻧﺘﻰ ﻳﺎ ﺑﻨﺘﻰ ﻣﺶ ﻫﺘﺮﻭﺣﻰ ﺗﺘﻐﺪﻯ ﻭﻻ ﺍﻳﻪ .. ﻟﻮ ﻭﺭﺍﻛﻰ ﺷﻐﻞ ﺳﻴﺒﻴﻪ ﻟﺤﺪ ﻣﺎ ﺗﺘﻐﺪﻯ ﻭﺍﺑﻘﻰ ﻛﻤﻠﻴﻪ ﺑﻌﺪﻳﻦ
ﻫﻨﺪ ﺑﺤﺮﺝ : ﻻ ﺍﻧﺎ ﻫﺘﻐﺪﻯ ﺑﺲ .. ﺑﺲ ﺧﻤﺲ ﺩﻗﺎﻳﻖ ﻛﺪﻩ
ﺍﺑﺘﺴﻢ ﺍﻟﺤﺎﺝ ﺣﺴﻴﻦ ﻭﻗﺪ ﺷﻌﺮ ﺑﺄﺣﺮﺍﺟﻬﺎ : ﻃﻴﺐ ﻳﺎ ﺑﻨﺘﻰ .. ﺍﻟﺴﻼﻡ ﻋﻠﻴﻜﻢ
ﻫﻨﺪ : ﻭﻋﻠﻴﻜﻢ ﺍﻟﺴﻼﻡ
ﺃﺧﺮﺟﺖ ﻫﺎﺗﻔﻬﺎ ﻭﻫﺎﺗﻔﺖ ﻋﺒﺪ ﺍﻟﺮﺣﻤﻦ ﻭﺃﺧﺒﺮﺗﻪ ﺍﻥ ﻳﺄﺗﻰ ﻟﻠﻐﺬﺍﺀ ﻣﻌﻬﺎ
ﺣﻀﺮ ﻋﺒﺪ ﺍﻟﺮﺣﻤﻦ ﻓﻰ ﺳﺮﻋﻪ ﻭﻭﺟﺪﻫﺎ ﺟﺎﻟﺴﻪ ﺍﻣﺎ ﺍﻟﻄﺎﻭﻟﻪ ﺍﻟﻤﻮﺟﻮﺩﻩ ﺍﻣﺎﻡ ﻣﻜﺘﺒﻬﺎ ﻭﻭﺍﺿﻌﻪ ﻋﻠﻴﻬﺎ ﻋﻠﺒﻪ ﻣﺘﻮﺳﻄﺔ ﺍﻟﺤﺠﻢ
ﻧﻈﺮ ﻋﺒﺪ ﺍﻟﺮﺣﻤﻦ ﺍﻟﻴﻬﺎ ﻗﺎﺋﻼ : ﺍﻟﻠﻪ ﺍﻟﻠﻪ ﻣﻦ ﻗﺒﻞ ﻣﺎ ﺍﻛﻞ ﺗﺴﻠﻢ ﺍﻳﺪﻙ ﻳﺎ ﻗﻤﺮ
ﻫﻨﺪ ﻭﻫﻰ ﺗﺸﻴﺮ ﻟﻪ ﺍﻥ ﻳﺠﻠﺲ : ﻳﺎﻻ ﺑﺴﺮﻋﻪ ﺯﻣﺎﻧﻪ ﺑﺮﺩ
ﺟﻠﺲ ﻭﺃﺧﺬ ﻳﺄﻛﻞ ﻓﻰ ﻧﻬﻢ ﺷﺪﻳﺪ ﻭﻫﻰ ﺗﻨﻈﺮ ﺍﻟﻴﻪ ﺃﻧﺘﺒﻪ ﻋﺒﺪ ﺍﻟﺮﺣﻤﻦ ﺍﻟﻴﻬﺎ ﻭﺍﺑﺘﺴﻢ ﻗﺎﺋﻼ : ﻭﺍﻧﺎ ﺍﻗﻮﻝ ﻟﻴﻪ ﻛﻞ ﻣﺮﻩ ﺗﻌﺰﻣﻴﻨﻰ ﻋﻠﻰ ﺍﻻﻛﻞ ﺑﻄﻨﻰ ﺗﻮﺟﻌﻨﻰ ﺍﺗﺎﺭﻳﻜﻰ ﻋﻴﻨﻚ ﻓﻴﻪ
ﻫﻨﺪ : ﻳﻌﻨﻰ ﻭﻻ ﻗﻠﺘﻠﻰ ﻛﻠﻰ ﻳﺎ ﺣﺒﻴﺒﺘﻰ ﻭﻻ ﺣﺎﺟﻪ ﺧﺎﻟﺺ ﺷﻔﺖ ﺍﻟﻤﺤﺸﻰ ﻧﺴﻴﺖ ﺍﻟﺪﻧﻴﺎ
ﻋﺒﺪ ﺍﻟﺮﺣﻤﻦ ﻭﻫﻮ ﻳﺘﺎﺑﻊ ﺍﻻﻛﻞ : ﻫﻨﻌﺰﻣﻮﻛﻰ ﻓﻰ ﺑﻴﺘﻚ ﻳﺎ ﺷﺎﺑﻪ ﻛﻠﻰ ﻛﻠﻰ
ﻫﻨﺪ ﺑﺪﻟﻊ : ﻃﺐ ﻣﺶ ﻫﺘﺄﻛﻠﻨﻰ ﺑﺄﻳﺪﻙ
ﺍﻃﻠﻖ ﻋﺒﺪ ﺍﻟﺮﺣﻤﻦ ﺿﺤﻜﻪ ﻋﺎﻟﻴﻪ ﻭﻫﻮ ﻳﻘﻮﻝ : ﻃﺐ ﻭﺍﻧﺎ ﺁﻛﻞ ﺑﺄﻳﻪ
ﻧﻈﺮﺕ ﻟﻪ ﻓﻰ ﺣﻨﻖ : ﺍﻧﺖ ﻣﺶ ﺭﻭﻣﺎﻧﺴﻰ ﻋﻠﻰ ﻓﻜﺮﻩ
: ﻟﻴﻪ ﺑﺲ ﻳﺎ ﺣﺒﻴﺒﺘﻰ
ﺗﺎﺑﻌﺖ ﻫﻨﺪ : ﻣﺶ ﻋﺎﺭﻓﻪ ﻳﺎ ﻋﺒﺪ ﺍﻟﺮﺣﻤﻦ ﺍﻧﺎ ﺑﺤﺲ ﺍﻧﻚ ﻣﺶ ﻣﻬﺘﻢ ﺑﻴﺎ ﺧﺎﻟﺺ ...
.. ﻳﻌﻨﻰ ﻣﺜﻼ ﺍﺣﻨﺎ ﻟﻮﺣﺪﻧﺎ ﺩﻟﻮﻗﺘﻰ ﺍﻟﻤﻔﺮﻭﺽ ﺗﺴﺘﻐﻞ ﺍﻟﻔﺮﺻﻪ ﻭﺗﻘﻮﻟﻰ ﻛﻼﻡ ﺣﻠﻮ ... ﻟﻜﻦ ﺍﻧﺖ ﻧﺎﺯﻝ ﺍﻛﻞ ﻛﺄﻧﻰ ﻣﺶ ﻣﻮﺟﻮﺩﻩ
ﺭﺑﻂ ﻋﺒﺪ ﺍﻟﺮﺣﻤﻦ ﻋﻠﻰ ﻣﻌﺪﺗﻪ ﻭﻫﻮ ﻳﻘﻮﻝ : ﺍﻟﺤﻤﺪ ﻟﻠﻪ .. ﻭﺍﻟﻠﻪ ﺍﻟﻮﺍﺣﺪ ﻛﺎﻥ ﺟﻌﺎﻥ ﺍﻭﻯ
ﻗﺎﻣﺖ ﻫﻨﺪ ﻓﻰ ﻋﺼﺒﻴﻪ ﻗﺎﺋﻠﻪ : ﻭﻛﻤﺎﻥ ﻣﺶ ﻣﻌﺒﺮﻧﻰ
ﺗﻨﻬﺪ ﻋﺒﺪ ﺍﻟﺮﺣﻤﻦ ﻭﺗﻮﺟﻪ ﺍﻟﻴﻬﺎ ﻭﻗﺎﻝ ﻫﺎﻣﺴﺎ : ﻣﺘﺰﻋﻠﻴﺶ ﻳﺎ ﺣﺒﻴﺒﺘﻰ ﻭﺍﻟﻠﻪ ﻣﺎ ﻗﺼﺪﻯ ﺣﺎﺟﻪ ...
... ﻛﻞ ﺍﻟﺤﻜﺎﻳﻪ ﺑﺲ ﺍﻧﻰ ﺑﺤﺘﺮﻡ ﺍﻧﻰ ﻣﻮﺟﻮﺩ ﻓﻰ ﻣﻜﺘﺐ ﺍﺑﻮﻳﺎ ﻣﺶ ﺍﻛﺘﺮ ﻣﻦ ﻛﺪﻩ
ﺍﺳﺘﺪﺍﺭﺕ ﻫﻨﺪ ﻭﻫﻰ ﺗﻘﻮﻝ : ﻳﺎ ﺳﻼﻡ ﻫﻮ ﺍﻧﺎ ﻃﻠﺒﺖ ﻣﻨﻚ ﺣﺎﺟﻪ ﻭﺣﺸﻪ
ﻋﺒﺪ ﺍﻟﺮﺣﻤﻦ : ﻻ .. ﺑﺲ ﺍﻧﺎ ﻟﻮ ﻗﻠﺘﻠﻚ ﺍﻟﻜﻼﻡ ﺍﻟﻠﻰ ﺍﻧﺘﻰ ﻋﺎﻳﺰﺍﻩ ﻭﺍﺣﻨﺎ ﻟﻮﺣﺪﻧﺎ ﻛﺪﻩ ﺍﻟﻤﻮﺿﻮﻉ ﻣﻤﻜﻦ ﻳﺘﻄﻮﺭ
ﻧﻈﺮﺕ ﻟﻪ ﺑﻄﺮﻑ ﻋﻴﻨﻴﻬﺎ ﻭﻗﺎﻟﺖ ﺑﺪﻻﻝ : ﻭﺍﻧﺖ ﺑﻘﻰ ﺧﺎﻳﻒ ﻋﻠﻰ ﻧﻔﺴﻚ ﻭﻻ ﺍﻳﻪ
ﺗﻌﺠﺐ ﻋﺒﺪ ﺍﻟﺮﺣﻤﻦ ﻣﻦ ﻫﺬﻩ ﺍﻟﻜﻠﻤﻪ ﺟﺪﺍ
ﻓﻠﻢ ﺗﻜﻦ ﺗﻌﻨﻰ ﺍﻻ ﺷﻴﺌﺎ ﻭﺍﺣﺪﺍ .. ﺍﻧﻬﺎ ﻻ ﺗﻤﺎﻧﻊ
"""" """""""""""""""""""""""""""""""""""""""""""""" """"""""""""""""""""""""
: ﻓﺮﺣـــــــــﻪ ﻳﺎ ﻓﺮﺣـــــــــــــﻪ ..
ﺍﻧﺘﺒﻬﺖ ﻓﺮﺣﻪ ﻋﻠﻰ ﻧﺪﺍﺀ ﻭﺍﻟﺪﺗﻬﺎ ﻓﺄﻏﻠﻘﺖ ﺍﻟﺤﺎﺳﻮﺏ ﻭﺫﻫﺒﺖ ﺍﻟﻴﻬﺎ
: ﻧﻌﻢ ﻳﺎ ﻣﺎﻣﺘﻰ ﺑﺘﻨﺎﺩﻯ
ﻋﻔﺎﻑ : ﺑﺘﻌﻤﻠﻰ ﺍﻳﻪ ﻟﻮﺣﺪﻙ ﻛﻞ ﺩﻩ
ﻓﺮﺣﻪ : ﺍﺑﺪﺍ ﻳﺎ ﺣﺒﻴﺒﺘﻰ ﻛﻨﺖ ﺑﺘﺸﻐﻞ ﻋﻠﻰ ﺍﻟﻜﻤﺒﻴﻮﺗﺮ ﺷﻮﻳﻪ
ﻋﻔﺎﻑ : ﻳﺎﺩﻯ ﺍﻟﻜﻤﺒﻴﻮﺗﺮ ﻫﻮ ﺍﻧﺘﻰ ﻳﺎ ﺑﻨﺘﻰ ﻣﻔﻴﺶ ﻓﻰ ﺣﻴﺎﺗﻚ ﻏﻴﺮ ﺍﻟﺮﺳﻢ ﻳﺄﻣﺎ ﻋﻠﻰ ﺍﻟﻮﺭﻕ ﻳﺎ ﺍﻣﺎ ﻋﻠﻰ ﺍﻟﻜﻤﺒﻴﻮﺗﺮ
ﻓﺮﺣﻪ : ﻃﺐ ﺍﻋﻤﻞ ﺍﻳﻪ ﺑﺲ ﻳﺎ ﻣﺎﻣﺎ ﻣﻨﺎ ﻣﺎﻟﻴﺶ ﺻﺤﺎﺏ ﻛﺘﻴﺮ ﻭﻣﺶ ﺑﺤﺐ ﺍﺧﺮﺝ ﻋﻤﺎﻝ ﻋﻠﻰ ﺑﻄﺎﻝ ﻭﺑﻌﺪﻳﻦ ﺯﻫﻘﺖ ﻣﻦ ﺍﻟﺠﻨﻴﻨﻪ ﻟﺴﻪ ﻛﻨﺖ ﺗﺤﺖ ﺍﻟﺼﺒﺢ ﻭﻛﻤﺎﻥ ﺍﻧﺎ ﺑﻼﻗﻰ ﻧﻔﺴﻰ ﻓﻰ ﺍﻟﺮﺳﻢ ﺍﻭﻯ
ﺗﺎﺑﻌﺖ ﻋﻔﺎﻑ ﻃﻬﻴﻬﺎ ﻭﻫﻰ ﺗﻘﻮﻝ : ﻃﺐ ﻣﻴﻨﻔﻌﺶ ﺗﻼﻗﻰ ﻧﻔﺴﻚ ﻓﻰ ﺍﻟﻤﻄﺒﺦ ﺷﻮﻳﻪ ﺑﺪﻝ ﻣﺎ ﺍﻧﺘﻰ ﺳﺎﻳﺒﺎﻧﻰ ﻣﺤﺘﺎﺳﻪ ﻛﺪﻩ
ﺍﻗﺒﻠﺖ ﻓﺮﺣﻪ ﻭﻫﻰ ﺗﻘﺒﻞ ﻭﺍﻟﺪﺗﻬﺎ ﻋﻠﻰ ﺧﺪﻳﻬﺎ ﻭﻗﺎﻟﺖ : ﻳﺎ ﺣﺒﻴﺒﺘﻰ ﺍﻧﺘﻰ ﺗﺆﻣﺮﻳﻨﻰ ﻋﺎﻭﺯﺍﻧﻰ ﺍﻋﻤﻞ ﺍﻳﻪ؟ ﺗﺤﺒﻰ ﺃﺳﺨﻦ ﺍﻟﺴﻠﻄﻪ؟
ﻧﻈﺮﺕ ﻟﻬﺎ ﺍﻣﻬﺎ ﺑﺘﻌﺠﺐ : ﻧﻌﻢ ﺗﺴﺨﻨﻰ ﺍﻟﺴﻠﻄﻪ .. ﺍﻟﻠﻪ ﻳﻜﻮﻥ ﻓﻰ ﻋﻮﻧﻪ
ﻓﺮﺣﻪ ﻣﺘﺴﺎﺋﻠﻪ : ﻫﻮ ﻣﻴﻦ ﻳﺎ ﻣﺎﻣﺎ
ﻋﻔﺎﻑ ﺿﺎﺣﻜﻪ : ﺍﻟﻠﻰ ﺍﻣﻪ ﺩﺍﻋﻴﻪ ﻋﻠﻴﻪ ..
ﺛﻢ ﺗﺎﺑﻌﺖ ﻗﺎﺋﻠﻪ : ﻃﺐ ﻣﺘﻠﻮﻳﺶ ﺑﻮﺯﻙ ﻛﺪﻩ ﻭﺗﻌﺎﻟﻰ ﺳﺎﻋﺪﻳﻨﻰ ﺍﺑﻮﻛﻰ ﻭﺍﺧﻮﺍﺗﻚ ﺯﻣﺎﻧﻬﻢ ﺟﺎﻳﻴﻦ ﻣﻦ ﺍﻟﺸﺮﻛﻪ
ﻓﺮﺣﻪ ﻓﻰ ﺿﺠﺮ : ﻣﺎﻫﻰ ﻟﻮ ﺟﺎﺕ ﻋﻠﻰ ﺑﺎﺑﺎ ﺣﺒﻴﺒﻰ ﻭﺍﺧﻮﺍﺗﻰ ﻛﻨﺎ ﻗﻠﻨﺎ ﻣﺎﺷﻰ ﻟﻜﻦ ﺍﻧﺘﻰ ﻳﺎ ﻣﺎﻣﺎ ﻋﺰﻣﻪ ﻣﻌﺎﻫﻢ ﻋﻤﻰ ﺍﺑﺮﺍﻫﻴﻢ ﻭﻣﺮﺍﺗﻪ ﻭﻭﻻﺩﻩ
ﻋﻔﺎﻑ ﺑﻨﻔﺎﺫ ﺻﺒﺮ : ﺍﺷﺘﻐﻠﻰ ﻭﺍﻧﺘﻰ ﺳﺎﻛﺘﻪ
ﻭﺍﺳﺘﻄﺮﺩﺕ ﻗﺎﺋﻠﻪ : ﻭﺑﻌﺪﻳﻦ ﻓﻴﻬﺎ ﺍﻳﻪ ﻟﻤﺎ ﺍﻋﺰﻣﻬﻢ ﺍﺑﻮﻛﻰ ﺑﻴﺒﻘﻰ ﻣﺒﺴﻮﻁ ﻭﺍﻟﻌﻴﻠﻪ ﻛﻠﻬﺎ ﺣﻮﺍﻟﻴﻪ
ﻓﺮﺣﻪ ﻭﻫﻰ ﺗﻘﻄﻊ ﺍﻟﻄﻌﺎﻡ : ﺍﻳﻮﺍ ﻳﺎ ﻣﺎﻣﺎ ﺑﺲ ﻃﻨﻂ ﻓﺎﻃﻤﻪ ﺩﻯ ﻛﻞ ﻣﺎ ﺗﺸﻮﻓﻨﻰ ﺗﻘﻌﺪ ﺗﺪﺧﻞ ﻓﻰ ﺧﺼﻮﺻﻴﺎﺗﻰ ﺑﻄﺮﻳﻘﻪ ﻏﺮﻳﺒﻪ
ﻋﻔﺎﻑ : ﻣﻌﻠﺶ ﻳﺎ ﻓﺮﺣﻪ ﺩﻯ ﻣﺮﺍﺕ ﻋﻤﻚ ﺑﺮﺿﻪ ﺍﺳﺘﺤﻤﻠﻴﻬﺎ ﻭﺑﻌﺪﻳﻦ ﺩﻩ ﻃﺒﻊ ﻳﺎ ﺑﻨﺘﻰ ﻫﻨﻌﻤﻞ ﺍﻳﻪ
ﻓﺮﺣﻪ ﻓﻰ ﺿﺠﺮ : ﺍﻧﺎ ﻋﺎﺭﻓﻪ ﻟﻴﻪ ﻛﻠﻨﺎ ﺳﺎﻛﻨﻴﻦ ﻓﻰ ﺑﻴﺖ ﻭﺍﺣﺪ ﻛﺪﻩ ... ﺃﺣﻨﺎ ﻓﻰ ﺩﻭﺭ ﻭﻋﻤﻨﺎ ﻓﻰ ﺩﻭﺭ ﻻ ﻭﻛﻤﺎﻥ ﺳﺎﻳﺒﻴﻦ ﺍﻟﺪﻭﺭ ﺍﻟﻠﻰ ﻓﻮﻗﻴﻨﺎ ﻓﺎﺿﻰ ﻋﻠﺸﺎﻥ ﻭﻻﺩ ﻋﻤﻰ ﻋﻠﻲ ﺍﻟﻠﻰ ﻟﺴﻪ ﻣﻨﻌﺮﻓﻠﻬﻤﺶ ﻃﺮﻳﻖ ﺍﺻﻼ
ﻋﻔﺎﻑ : ﻛﻤﻠﻰ ﻛﻤﻠﻰ .. ﻟﻮ ﺍﺑﻮﻛﻰ ﺳﻤﻌﻚ ﻫﻴﺰﻋﻞ ﻣﻨﻚ ﺍﻭﻯ ... ﺍﻧﺘﻰ ﻋﺎﺭﻓﻪ ﺍﺑﻮﻛﻰ ﻭﻋﺎﺭﻓﻪ ﺍﺯﺍﻯ ﻳﺤﺐ ﺍﻟﻌﻴﻠﻪ ﻛﻠﻬﺎ ﺗﺒﻘﻰ ﺗﺤﺖ ﻋﻨﻴﻪ .. ﻭﺑﻌﺪﻳﻦ ﺩﻯ ﻭﺻﻴﺔ ﺟﺪﻙ ﺍﻟﻠﻪ ﻳﺮﺣﻤﻪ ﺍﻭﻣﺎﻝ ﻫﻮ ﺑﻨﻰ ﺍﻟﻌﻤﺎﺭﻩ ﺩﻯ ﻛﻠﻬﺎ ﻟﻴﻪ ﻣﺶ ﻋﻠﺸﺎﻥ ﻧﺘﻠﻢ ﻳﻬﺎ ﻛﻠﻨﺎ ﻭﺗﺘﺠﻮﺯﻭﺍ ﻓﻴﻬﺎ ﻛﻤﺎﻥ
ﻓﺮﺣﻪ : ﻋﺎﺭﻓﻪ ﻭﺍﻟﻠﻪ ﺍﻧﺎ ﺳﻤﻌﺖ ﺍﻟﻜﻼﻡ ﺩﻩ ﻛﺘﻴﺮ
ﻋﻔﺎﻑ : ﻃﺐ ﻟﻤﺎ ﻋﺎﺭﻓﻪ ﻛﻞ ﺷﻮﻳﻪ ﺗﻜﻠﻤﻰ ﻟﻴﻪ ﻳﺎ ﻟﻤﻀﻪ ﻳﺎﻻ ﺧﻠﺼﻰ ﺍﻟﻠﻰ ﻑ ﺍﻳﺪﻙ ﺑﺴﺮﻋﻪ
"""" """""""""""""""""""""""""""""""""""""""""""""" """"""""""""""""""""""""""""""""""""""""""""""
ﺍﻟﺘﻒ ﺍﻟﺠﻤﻴﻊ ﺣﻮﻝ ﺍﻟﻄﺎﻭﻟﻪ ﺑﻌﺪ ﺍﻥ ﺍﻧﺘﻬﺖ ﻋﻔﺎﻑ ﻭﻓﺎﻃﻤﻪ ﻭﻓﺮﺣﻪ ﻭﻭﻓﺎﺀ ﻣﻦ ﻭﺿﻊ ﺍﻟﻄﻌﺎﻡ ﻋﻠﻴﻬﺎ ﻋﻨﺪﻫﺎ ﻗﺎﻝ ﺍﻟﺤﺎﺝ ﺣﺴﻴﻦ ﻭﻫﻮ ﻳﻨﻈﺮ ﺍﻟﻰ ﺍﻟﺠﻤﻴﻊ ﻓﻰ ﺑﻬﺠﻪ : ﺭﺑﻨﺎ ﻳﺠﻤﻌﻨﺎ ﺩﺍﻳﻤﺎ ﻳﺎﺭﺏ ﻛﺪﻩ ﻭﻧﻔﻀﻞ ﻃﻮﻝ ﻋﻤﺮﻧﺎ ﻣﻊ ﺑﻌﺾ
ﻧﻈﺮ ﺍﻟﻴﻪ ﺍﺑﺮﺍﻫﻴﻢ ﺍﺧﻴﻪ ﻓﻰ ﺣﻨﺎﻥ ﻭﻫﻮ ﻳﻘﻮﻝ : ﻃﻮﻝ ﻋﻤﺮﻙ ﺑﺘﺤﺐ ﺍﻟﻠﻤﻪ ﻳﺎ ﺣﺴﻴﻦ ﺍﻟﻮﺩ ﻭﺩﻙ ﺗﺠﻴﺐ ﺍﺑﻮﻧﺎ ﺍﻟﻠﻪ ﻳﺮﺣﻤﻪ ﺗﻘﻌﺪﻩ ﻣﻌﺎﻧﺎ ﻋﻠﻰ ﺍﻟﺴﻔﺮﻩ
ﺍﺑﺘﺴﻤﺖ ﻓﺎﻃﻤﻪ ﺯﻭﺟﻪ ﺍﺑﺮﺍﻫﻴﻢ ﻭﻫﻰ ﺗﻘﻮﻝ : ﺍﻩ ﻭﺍﻟﻠﻪ ﺍﻟﻠﻤﻪ ﺩﻯ ﻣﺶ ﻧﺎﻗﺼﻬﺎ ﻏﻴﺮ ﺍﻟﺤﺎﺝ ﻋﺰﻳﺰ ﺟﺎﺳﺮ ﺍﻟﻠﻪ ﻳﺮﺣﻤﻪ
ﻧﻈﺮ ﻟﻬﺎ ﺍﻟﺤﺎﺝ ﺣﺴﻴﻦ ﻣﻌﺎﺗﺒﺎ ﻭﻗﺎﻝ : ﻭﻧﺴﻴﺘﻰ ﺍﺧﻮﻳﺎ ﻋﻠﻲ ﺍﻟﻠﻪ ﻳﺮﺣﻤﻪ ﻳﺎ ﺍﻡ ﻭﻟﻴﺪ
ﺗﻨﺤﻨﺤﺖ ﻓﻰ ﺍﺣﺮﺍﺝ ﻭﻗﺎﻟﺖ : ﺍﻟﻠﻪ ﻳﺮﺣﻢ ﺍﻟﺠﻤﻴﻊ
ﺗﺎﺑﻊ ﺣﻴﻦ ﻛﻼﻣﻪ ﻭﻫﻮ ﻳﻨﻘﻞ ﻧﻈﺮﻩ ﺍﻟﻰ ﺍﻟﺠﻤﻴﻊ ﻭﻗﺎﻝ : ﻭﻭﻻﺩﻩ
ﺭﺑﺖ ﺍﺑﺮﺍﻫﻴﻢ ﻋﻠﻰ ﻛﺘﻔﻪ ﺑﺤﻨﺎﻥ ﻭﻗﺎﻝ : ﺑﻜﺮﻩ ﻧﻼﻗﻴﻬﻢ ﻳﺎ ﺣﺴﻴﻦ ﺍﻟﺼﺒﺮ ﻃﻴﺐ
ﻧﻈﺮ ﻭﻟﻴﺪ ﺍﻟﻰ ﺍﻣﻪ ﻭﻋﻠﻰ ﻭﺟﻬﻪ ﻋﻼﻣﺎﺕ ﺍﻟﺴﺨﺮﻳﻪ ﻭﻗﺎﻝ ﻫﺎﻣﺴﺎ : ﻗﺎﻝ ﻭﻻﺩ ﻋﻤﻰ ﻗﺎﻝ ﻭﺍﺣﻨﺎ ﻧﻀﻤﻦ ﻣﻨﻴﻦ ﺍﻧﻬﻢ ﻭﻻﺩﻩ
ﻟﻜﺰﻩ ﻳﻮﺳﻒ ﻓﻰ ﺟﻨﺒﻪ ﺣﺘﻰ ﻻ ﻳﺴﻤﻌﻪ ﺍﺑﻴﻪ
ﻭﺷﺮﻉ ﺍﻟﺠﻤﻴﻊ ﻓﻰ ﺍﻻﻛﻞ ﺑﺼﻤﺖ
ﻗﻄﻌﻪ ﺣﺴﻴﻦ ﺑﻌﺪ ﺍﻥ ﺍﻧﺘﻬﻰ ﻣﻦ ﻃﻌﺎﻣﻪ ﻭﻗﺎﻝ ﻭﻫﻮ ﻳﻨﻬﺾ ﻣﻦ ﻣﻜﺎﻧﻪ ﻣﺘﻨﺴﺎﺵ ﺑﻜﺮﻩ ﺍﻟﺼﺒﺢ ﻳﺎ ﻋﺒﺪ ﺍﻟﺮﺣﻤﻦ ﺗﺮﻭﺡ ﺍﻟﻤﻄﺎﺭ
ﻋﺒﺪ ﺍﻟﺮﺣﻤﻦ ﻭﻗﺪ ﻧﻬﺾ ﻫﻮ ﺍﻻﺧﺮ : ﺣﺎﺿﺮ ﻳﺎ ﺑﺎﺑﺎ ﺍﻟﻠﻰ ﺗﺆﻣﺮ ﺑﻴﻪ
ﻭﻫﻨﺎ ﺗﻜﻠﻤﺖ ﻭﻓﺎﺀ ﻣﺘﺴﺎﺋﻠﻪ : ﺍﻧﺘﻮﺍ ﻟﺴﻪ ﺑﺘﺪﺭﻭﺍ ﻓﻰ ﻛﺸﻮﻑ ﺍﻟﻤﺴﺎﻓﺮﻳﻦ ﻭﺍﻟﻌﺎﺋﺪﻳﻦ ﺑﺮﺿﻪ
ﺭﺩﺕ ﻋﻠﻴﻬﺎ ﻓﺮﺣﻪ : ﺍﻳﻮﺍ ﻳﺎ ﻭﻓﺎﺀ ﺭﺑﻨﺎ ﻳﻌﻄﺮﻧﺎ ﻓﻴﻬﻢ ﻳﺎﺭﺏ
ﻛﺎﻥ ﺍﻟﺤﺎﺝ ﺣﺴﻴﻦ ﻓﻰ ﻃﺮﻳﻘﻪ ﺍﻟﻰ ﻏﺮﻓﻪ ﺍﻟﺼﺎﻟﻮﻥ ﻫﻮ ﻭﺍﺑﺮﺍﻫﻴﻢ ﻭﻋﺒﺪ ﺍﻟﺮﺣﻤﻦ ﻋﻨﺪﻣﺎ ﺳﻤﻊ ﺗﻌﻠﻴﻖ ﻭﻓﺎﺀ ﻭﻫﻰ ﺗﻘﻮﻝ : ﻃﺐ ﺍﻧﺘﻮﺍ ﻟﻴﻪ ﻣﻔﻜﺮﺗﻮﺵ ﺍﻧﻬﻢ ﻳﻜﻮﻧﻮﺍ ﻓﻰ ﻣﺼﺮ ﺍﺻﻼ
ﺗﻮﻗﻒ ﻭﺍﺳﺘﺪﺍﺭ ﺍﻟﻴﻬﺎ ﻭﻫﻮ ﻳﻘﻮﻝ : ﻳﻌﻨﻰ ﺍﻳﻪ ﻳﺎ ﺑﻨﺘﻰ
ﻭﻓﺎﺀ ﻣﺘﺎﺑﻌﻪ : ﻳﻌﻨﻰ ﻣﻤﻜﻦ ﻳﻜﻮﻧﻮﺍ ﻣﺴﺎﻓﺮﻭﺵ ﺍﺻﻼ
ﻇﻞ ﻭﺍﻗﻔﺎ ﻓﻰ ﻣﻜﺎﻧﻪ ﻭﻫﻮ ﻳﻘﻮﻝ ﻓﻰ ﺑﻂﺀ : ﺑﻌﻨﻰ ﺍﻳﻪ ﺍﺣﻨﺎ ﻣﺘﺄﻛﺪﻳﻦ ﺍﻧﻬﻢ ﺳﺎﻓﺮﻭﺍ .. ﻭﺗﺎﺑﻊ ﻓﻰ ﺷﺮﻭﺩ ﺍﻟﺒﻮﺍﺏ ﺳﺎﻋﺘﻬﺎ ﻗﺎﻟﻨﺎ ﺍﻧﻪ ﺳﻤﻊ ﺍﺣﻼﻡ ﺑﺘﻘﻮﻝ ﻟﻠﺘﺎﻛﺴﻰ ﺍﻃﻠﻊ ﻋﻠﻰ ﺍﻟﻤﻄﺎﺭ ﻳﺎ ﺍﺳﻄﻰ
ﻭﻓﺎﺀ ﻓﻰ ﺷﻐﻒ : ﻣﻤﻜﻦ ﺗﻜﻮﻥ ﺣﺮﻛﻪ ﺗﻤﻮﻳﻪ ﺯﻯ ﻣﺎ ﺑﻨﺸﻮﻑ ﻓﻰ ﺍﻻﻓﻼﻡ
ﻭﻟﻴﺪ ﻭﻫﻮ ﻳﻀﺮﺑﻬﺎ ﻋﻠﻰ ﺭﺍﺳﻬﺎ : ﺑﻄﻠﻰ ﻫﺒﻞ ﻳﺎ ﺑﺖ ﺍﻧﺘﻰ ﻭﺧﺎﻟﻴﻜﻰ ﻓﻰ ﺍﻻﻓﻼﻡ ﺑﺘﺎﻋﺘﻚ
ﺣﺴﻴﻦ ﻭﻫﻮ ﻳﻨﻈﺮ ﺍﻟﻰ ﺍﺑﺮﺍﻫﻴﻢ : ﺍﺣﻨﺎ ﺍﺯﺍﻯ ﻣﻔﻜﺮﻧﺎﺵ ﻓﻰ ﺍﻻﺣﺘﻤﺎﻝ ﺩﻩ
ﺍﺑﺮﺍﻫﻴﻢ : ﺍﻳﻮﻩ ﻳﺎ ﺣﺴﻴﻦ ﻳﺎ ﺧﻮﻳﺎ ﺑﺲ ﺍﺣﻨﺎ ﻟﻤﺎ ﺳﺄﻟﻨﺎ ﻭﻗﺘﻬﺎ ﻋﺮﻓﻨﺎ ﺍﻧﻬﺎ ﻓﻌﻼ ﺣﺠﺰﺕ ﺗﺬﺍﻛﺮ ﻋﻠﻰ ﺍﻟﻜﻮﻳﺖ
ﺣﺴﻴﻦ : ﺑﺲ ﺍﺣﻨﺎ ﺭﻭﺣﻨﺎ ﺍﻟﺴﻔﺎﺭﻩ ﻭﻣﺤﺪﺵ ﺍﺩﺍﻧﺎ ﻋﻘﺎﺩ ﻧﺎﻓﻊ ﻭﺳﻔﺮﻧﺎ ﻫﻨﺎﻙ ﻭﻣﻌﺮﻓﻨﺎﺵ ﻧﻼﻗﻴﻬﻢ ﻳﻌﻨﻰ ﻣﻤﻜﻦ ﻭﻓﺎﺀ ﻳﻜﻮﻥ ﻋﻨﺪﻫﺎ ﺣﻖ
ﺍﺑﺮﺍﻫﻴﻢ ﻓﻰ ﺗﻔﻜﻴﺮ : ﻟﻮ ﻛﺎﻧﻮﺍ ﻓﻰ ﻣﺼﺮ ﻛﺎﻧﻮﺍ ﺍﻛﻴﺪ ﻟﻤﺎ ﻳﻜﺒﺮﻭﺍ ﻫﻴﺪﻭﺭﻭﺍ ﻋﻠﻴﻨﺎ ﻭﺍﺣﻨﺎ ﺍﺳﻤﻨﺎ ﻣﺶ ﺷﻮﻳﻪ ﻳﻌﻨﻰ ﺑﺴﻬﻮﻟﻪ ﻫﻴﻮﺻﻠﻮﺍ
ﻧﻈﺮ ﺣﺴﻴﻦ ﺍﻟﻰ ﺍﻭﻻﺩﻩ ﻭﻫﻮ ﻳﻘﻮﻝ ﻓﻰ ﻫﺪﻭﺀ ﻣﻦ ﻫﻨﺎ ﻭﺭﺍﻳﺢ ﻣﺶ ﻫﻨﺪﻭﺭ ﻓﻰ ﺍﻟﻜﺸﻮﻓﺎﺕ ﺑﺲ .. ﺍﺣﻨﺎ ﻫﻨﺪﻭﺭ ﻋﻠﻴﻬﻢ ﻓﻰ ﻣﺼﺮ ﻛﻠﻬﺎ
ﺗﺒﺎﺩﻝ ﻋﺒﺪ ﺍﻟﺮﺣﻤﻦ ﻭﻳﻮﺳﻒ ﺍﻟﻨﻈﺮﺍﺕ ﺍﻟﺴﺎﺧﻄﻪ ﺍﻟﻤﺘﺨﻔﻴﻪ ﻭﺃﻭﻣﺄ ﻛﻞ ﻣﻨﻬﻤﺎ ﺑﺎﻻﻳﺠﺎﺏ ﻷﺑﻴﻬﻤﺎ
ﺍﺑﺮﺍﻫﻴﻢ : ﻭﺍﻧﺖ ﻛﻤﺎﻥ ﻳﺎ ﻭﻟﻴﺪ ﻫﺘﺪﻭﺭ ﻣﻌﺎﻫﻢ ..
ﻧﻈﺮ ﻟﻪ ﻭﻟﻴﺪ ﻣﺘﻔﺎﺟﺄ ﻭﻗﺎﻝ : ﻫﺎ ...... ﺍﻩ .. ﺍﻩ .. ﻃﺒﻌﺎ ﻳﺎ ﺑﺎﺑﺎ ...
ﺩﺧﻞ ﻋﺒﺪ ﺍﻟﺮﺣﻤﻦ ﻏﺮﻓﺘﻪ ﺑﺪﻝ ﻣﻼﺑﺴﻪ ﻭﺗﺪﺛﺮ ﻓﻰ ﻓﺮﺍﺷﻪ ﻭﺷﺮﻉ ﻓﻰ ﺍﻟﻨﻮﻡ ﻭﻫﻮ ﺗﺒﺪﻭ ﻋﻠﻴﻪ ﻋﻼﻣﺎﺕ ﺍﻻﺭﻫﺎﻕ ﺍﻟﺸﺪﻳﺪ .. ﻛﺎﺩ ﺍﻥ ﻳﺴﺘﻐﺮﻕ ﻓﻰ ﺍﻟﻨﻮﻡ ﻭﻟﻜﻨﻪ
ﻓﺘﺢ ﻋﻴﻨﻴﻪ ﻋﻠﻰ ﺻﻮﺕ ﻫﺎﺗﻔﻪ ﻧﻈﺮ ﺍﻟﻴﻪ ﻓﻮﺟﺪ ﺍﺳﻢ ﻫﻨﺪ
: ﺍﻟﻮ ﺍﻳﻮﻩ ﻳﺎ ﻫﻨﺪ ﻓﻰ ﺣﺎﺟﻪ ﻭﻻ ﺍﻳﻪ
ﻫﻨﺪ ﻓﻰ ﺩﻟﻊ : ﻭﺣﺸﺘﻨﻰ ﻣﻌﺮﻓﺘﺶ ﺍﻧﺎﻡ ﻏﻴﺮ ﻟﻤﺎ ﺍﻛﻠﻤﻚ ﻭﺍﺳﻤﻊ ﺻﻮﺗﻚ
: ﻣﺎ ﺍﺣﻨﺎ ﻟﺴﻪ ﻛﻨﺎ ﻣﻊ ﺑﻌﺾ ﻓﻰ ﺍﻟﺸﺮﻛﻪ ﻭﺑﻌﺪﻳﻦ ﺍﻧﺎ ﻳﺪﻭﺏ ﻛﻨﺖ ﻫﺮﻭﺡ ﻓﻰ ﺍﻟﻨﻮﻡ
ﻫﻨﺪ : ﻳﻌﻨﻰ ﻣﻔﻴﺶ ﺣﺘﻰ ﻭﺣﺸﺘﻴﻨﻰ ﻳﺎ ﺣﺒﻴﺒﺘﻰ
ﺗﺜﺎﺀﺏ ﻭﻫﻮ ﻳﻘﻮﻝ : ﻃﺒﻌﺎ ﻭﺣﺸﺘﻴﻨﻰ ﻣﻔﻴﺶ ﻛﻼﻡ .. ﺑﺲ ﻣﺶ ﻣﻼﺣﻈﻪ ﺍﻥ ﺍﻟﻮﻗﺖ ﻣﺘﺄﺧﺮ ﻋﻠﻰ ﺍﻟﻜﻼﻡ ﺩﻩ
ﻫﻨﺪ ﻭﻫﻰ ﺗﻨﻈﺮ ﻷﺧﺘﻬﺎ ﻋﻼ ﺍﻟﺘﻰ ﺍﺷﺎﺭﺕ ﻟﻬﺎ ﺍﻥ ﺗﺴﺘﻤﺮ : ﻫﻮ ﺍﻟﺤﺐ ﻟﻴﻪ ﻭﻗﺖ ﻳﺎ ﻋﺒﺪﻩ .. ﺩﻩ ﺑﻴﺠﻰ ﻓﻰ ﺍﻯ ﻭﻗﺖ
ﻋﺒﺪ ﺍﻟﺮﺣﻤﻦ .............:
ﻫﻨﺪ : ﻋﺒﺪ ﺍﻟﺮﺣﻤﻦ؟
ﻋﺒﺪ ﺍﻟﺮﺣﻤﻦ : ﺧﺨﺨﺨﺨﺨﺨﺦﺧﺦ
ﻫﻨﺪ : ﻋﺒﺪ ﺍﻟﺮﺣﻤـــــــــــــــــــــــــــــﻦ
: ﻫﺎ .. ﻣﻴﻦ .. ﻓﻴﻴﻦ .. ﺍﺯﺍﻯ
ﻫﻨﺪ ﻓﻰ ﻏﻀﺐ : ﺍﻧﺖ ﻧﻤﺖ ﻭﺍﻧﺎ ﺑﻜﻠﻤﻚ
ﻋﺒﺪ ﺍﻟﺮﺣﻤﻦ ﻭﻫﻮ ﻳﻔﺮﻙ ﻋﻴﻨﻴﻪ : ﻻ ﺍﺑﺪﺍ ﻳﺎ ﺣﺒﻴﺒﺘﻰ ﻣﻌﺎﻛﻰ ﻫﺎ ﻭﺑﻌﺪﻳﻦ
ﻫﻨﺪ : ﻣﻌﺎﻳﺎ ﺍﻧﺖ ﻧﻤﺖ ﻭﺍﻧﺎ ﺑﻜﻠﻤﻚ .. ﻛﺪﻩ ﺑﺮﺿﻪ ﻭﻻ ﻛﻼﻡ ﺣﻠﻮ ﻓﻰ ﺍﻟﻤﻜﺘﺐ ﻭﻻ ﻓﻰ ﺍﻟﺘﻠﻴﻔﻮﻥ ﺍﻳﻪ ﺩﻩ
ﻋﺒﺪ ﺍﻟﺮﺣﻤﻦ : ﺑﺼﻰ ﻳﺎ ﻫﻨﺪ ﻳﺎ ﺣﺒﻴﺒﺘﻰ ﺍﻭﻋﺪﻙ ﺑﻜﺮﻩ ﺍﻟﺼﺒﺢ ﻫﻘﻮﻟﻚ ﻛﻞ ﺍﻟﻠﻰ ﺍﻧﺘﻰ ﻋﺎﻳﺰﺍﻩ .. ﺩﻟﻮﻗﺘﻰ ﻣﺶ ﻗﺎﺩﺭ ﺍﻓﺘﺢ ﻋﻴﻨﻰ ﻳﺎ ﺟﺒﺎﺭﻩ ......
...... ﺃﻣﺸﻰ ﻳﺎ ﺑﺖ ﻋﺎﻳﺰ ﺍﻧﺎﻡ
ﻭﺃﻟﻘﻰ ﺍﻟﻬﺎﺗﻒ ﻋﻠﻰ ﺍﻟﻔﺮﺍﺵ ﻭﻏﻄﻰ ﻭﺟﻬﻪ ﻭﻫﻮ ﻳﻘﻮﻝ : ﺍﻟﺒﺘﺶ ﺃﻧﺤﺮﻓﺖ ﻭﻋﺎﻭﺯﻩ ﺗﺎﺧﺪﻧﻰ ﻣﻌﺎﻫﺎ ﻟﻠﺰﻳﻠﻪ
*********************
إلي هنا ينتهي الفصل الثانى من رواية إغتصاب ولكن تحت سقف واحد
تابع من هنا: جميع فصول رواية إغتصاب تحت سقف واحد
تابع من هنا: جميع فصول رواية الملعونة بقلم أميرة المضحى
تابع من هنا: جميع فصول رواية الملعونة بقلم أميرة المضحى
تابع من هنا أيضاً: جميع فصول رواية الشرف ج1 بقلم قسمة الشبينى
إرسال تعليق
يسعدنا تلقي اقتراحاتك أو تعليقك هنا