قصص رومانسية جريئة ممنوع دخول الأطفال

تحكى قصة لعنة الحقد وقوة الحب وهى من أحسن قصص الحب فى هذا الجزء من القصة المثيرة بقوة الحب والاصرار تصر الفتاة بانقاظ حبيبها من أثر السحر الذى لحق به من أعز أصحابها وتتعرض لأقسى وأخطر ظروف فى مواجهة الموقف لكى تنقذ حب عمرها عمرو تعالو بينا نتابع هذا الجزء من القصة .

#لعنة الحقد وقوة الحب

فورا الشرطة راحو على بيت ام تالا وخلعو الباب ودخلو على هديك الغرفة واخدو لميس وسمر لعند تالا عالسجن حتى يحاكموهن وقت شافو الفديو تأكدو تماما انو تالا قتلت امها ولما فتشو مكان الحادثة(السطح) الكاميرات ما كانت موجودة سيلا: انا انا ماني مسدقة 

مجد: شو اللي مانك مسدقتيه سيلا: انتي إيمت اجيت مجد: قبل ما روح بدي اتشكرك لأنك ساعدتيني لآخد حقي من المرأة اللي قتلتني سيلا: بس شو مشان لميس هي مادخلا مجد: سيلا انتي ليش قلبك طيب زيادة ، ام تالا كانت متل الفيروس واكيد عدواها رح تصيب بناتا ويصيرو متلها 

سيلا: اذا كلنا بدنا نقسي قلوبنا هالعالم حيصير غابة مجد: اي يمكن معك حق بس انا حقدي عليها عمى عيوني سيلا: وهلأ؟ مجد: هلأ بقدر ارجع لقبري مرتاح

سيلا: مابعرف شو لازم قول ، الله يرحمك؟ مجد: اي ادعيلي وحاولي تنسيني وتنسي أم تالا وكل هالشي اللي صار وكملي حياتك ، شايفك مصدومة وتعبانة حاولي تنسي وارجعي لحياتك الطبيعية وعمر اليوم حيرجعلك لازم تفرحي

سيلا: مابظن أني حأنسى، في كتير ناس متلك ماتو ظلم ، انا عأدعيلك وادعيلهن كمان بلكي بيقدرو ياخدو حقهن متلك مجد: سيلا انا بتشكرك كتير سيلا: هاد كان واجبي وكنت مجبورة اكتر صح ، تتذكر لما جبرتني وافق لتدلني على مكان النبتة 

مجد: اي بتذكر ، اصلا هاد كان من اسبوع بس سيلا: انا حسيت بهالاسبوع مرّ وكأنو سنة مجد:اي صح بالنسبة لهديك النبتة هي ماتت وانتي لازم تروحي اليوم للمقبرة وتحرقي بقاياها وتطفي نارها بمية الشيخ 

سيلا بتعب: اي ماشي مجد: صار لازم روح ، شكرا ألك مرة تانية سيلا: العفو مجد واختفى مجد لآخر مرة كانت سيلا تعبانة كتير وطول الليلة الماضية ما نامت ولا اكلت شي مشيت لعند الشباك اخدت نفـس طوييل وتطلعت عالسما يارب انا تعبانة كتير حاسة حالي منهكة القوة يارب بس بدي شوي قوة لروح للمقبرة يا الله شقد نعسانة، بس انا مارح غمض عيوني إلا بعد ماشوفك يا عمر تطلعت عالساعة كانت 7:30 غسلت وجها بسرعة وراحت لغرفة سليم 

لعنة الحقد وقوة الحب (الجزء الأول)

سيلا: سلييم بعدك نايم، فيق يلا سليم: شوو في سيلا: شو نسيت أنو بدنا نروح عالمقبرة ، يلا بسرعة لازم نروح ونرجع قبل ماحدا يحس سليم: اي عنجد نسيت، اسف اختي يلا خمس دقائق وبلبس بس بدنا نطلع بدون فطور 

لعنة الحقد وقوة الحب

سيلا: لك سليم لا تجنني، انا عالباب لحقني طلعو بالسيارة ومشيو سليم: هفف كأنو المقبرة صايرة بعيدة، امس كانت اقرب سيلا: سليم عنجد تعبانة كتير وماني ناقصتك سوق السيارة بسرعة وانت ساكت سليم: اي عنجد مبيين عليكي؛ صايرة متل الزومبي وصلو عالمقبرة 

سيلا: يلا تعال بسرعة سليم: انا ماني متذكر مكان القبر منيح سيلا: انا متذكرة لحقني ليكو قبر مجد سليم: ميين مجد؟ سيلا بأرتبك: يعني مين مجد صاحب هل القبر والنبتة كانت فوقه

سليم: اي ليكا شفتها سيلا: هي دبلانة وميتة سليم: هاد بيعني انو السحر خلص تدمر سيلا: اي بس لسى في شغلة .. سليم: شو؟ جمعت سيلا بركة تراب حولين النبات الميت وشغلتو بالنار سليم: سيلا شو عم تعملي سيلا: ..... سليم: ليش جابية معك قنينتين مي 

سيلا: اخي خليني اعرف اخلص بئى طفت النار بالمية تبعت الشيخ متل ما قللها مجد وردمت فوقها التراب غمضت عيونها وقالت: الحمد لله يارب واخييييرااااا وقربت من قبر مجد سقته بالمي من القنينة التانية وقرأت على روحه الفاتحة سيلا بتعب: خلصت سليم خلينا نمشي وفقدت سيلا وعيها .

#لعنة الحقد وقوة الحب

ووقعت بالارض سليم: سيلا سيلا اشبك اختي قومي شو صرلك صار يحاول يصحيحا بدون فائدة حملها للسيارة واتجه بسرعة للمشفى سليم: دكتورة اختي شبها الدكتور: شوصار معها بالتحديد سليم: كانت تعبانة كتير وفجأة وقعت عالارض مابعرف 

الدكتورة: لاتخاف مافي شي خطيرر مجرد ارهاق وتعب مو اكتر ، علقنالها سيروم ولازم ترتاح وتاخد كفايتها من النوم احتمال يكون صاير معها فقر دم من قلّة الاكل والراحة وهلأ بشوف التحاليل 

سليم: فيني ادخل شوفها الدكتورة: حاليا لأ ، بتقدر بعد شوي سليم: طيب يعطيكي العافية دكتورة سليم اتصل بأمو وبدانية وخبرهن انو سيلا بالمشفى وبسرعة أجو كلهن ام سامر: خبرني شبا سيلا ووين رحتو من الصبح بكير !! سليم: ماما اهدي نحنا بس كنا عم نتمشى الصبح وسيلا تعبت وفقدت وعيها ، الدكتورة قالت انها منيحة كانت متمددة عالتخت والسيروم بإيدها والتعب غلب كل ملامحها البريئة ، نايمة متل الطفلة وبعد خمس ساعات بدأت تستعيد وعيا فتحت عيونها بأرهاق كان في حدا ماسك بإيدها وشادد عليها حاولت تديير وجها للجهة التانية تشوف ميين ووين هي ... 

دارت وجها وشافتو آعد عالكرسي وماسك بإيدها بقوة كان هو كمان تعبان كتير ومغمض عيونو حست بغرق حسّت بمحلامحو رجعت حنونة ودافية متل قبل بدأوو دموعها ينزلو لا إراديا حست بفرحة كبيرة لمست قلبا وكأنها رجعت طفلة سيلا: عمر عمر حبيبي فيق صحي بسرعة 

#لعنة الحقد وقوة الحب

وبلهفة قلها: سيلا ي عمري انتي منيحة سيلا: اي عمر اي انا منيحة تجلست شوي وحضنتو سيلا: عمر ما بتعرف اديش شتأقتلك 

لاعاد تروح عمكان ضلّك جنبي عمر: اهدي ي عمري خلص انا هون وبوعدك ماعد اتركك ، خلص لبقى تبكي وبعدا سكتو شوي وهنن صافنين ببعض ... سيلا: عمر انا آسفة كتيير عمر: على شو ليكي حبيبتي انا مابدي نحكي اي شي حاليا ، بس بدي ياكي ترتاحي ومعنا كل الوقت لنحكي 

سيلا: بس .... عمر: يلا غمضي عيونك ولاعاد تفكري بشي غير فيني انا وبس ، بعرف هيك حترتاحي 

سيلا: هههه اكيد عمر: تسلملي هالضحكة سيلا: عمر وانتي كمان تعبان ولا تحاول تخفي عني تعبك روح ارتاح عمر: انا جنبك مرتاح حبيبيتي ودخلو أهل سيلا وأهل عمر ام سامر: الحمد الله عسلامتك ي قلبي ام عمر: ماعقلبك شر يا بنتي سيلا: تسلمي خالة ام سامر: بنتي انتي بخير موهيك؟ 

سيلا: اي ماما سدقيني انا كتيير منيحة سليم: اختي عنجد خوفتيني عليكي سيلا: يعني خفت اكتر من افلام الرعب سليم: اي هيك شي دانية: الحمد الله عسلامتك سيلو ، قومي طيبي بسرعة حتى احكيلك شو صار برفيقتك تالا سيلا: بترجاكن لاعاد حدا يجبلي سيرتا او يذكرا قدامي عمر: ليش حبيبتي 

سيلا: بحكيلك بعدين دانية: ماشي سيلا على راحتك ، يلا يا جماعة البنت بدها ترتاح ، يلا يلا أخي عمر خلينا نطلع عمر: دانية غيرانة؟ دانية: شوووو أنا؟ لا لا أبدا وليش لغار! دخلت الممرضة: اذا سمحتو المريضة بحاجة للراحة لازم تطلعو أم سامر: إيمت منقدر نطالعها من هون
الممرضة: المسا أو بكرا ، بس لتطلع التحاليل عمر: طيب ماشي ، خلونا نطلع ونترك اميرتنا ترتاح سيلا: وانتي كمان يا اميري روح ارتاح طلعو من الغرفة وبقيت 

اقرأ أيضا الجزء الرابع من قصة لعنة الحقد وقوة الحب

سيلا : عمضمت عيونها واسترجعت كل شي صار معها من هداك اليوم بمدينة الملاهي لآخر لحظة بالمقبرة لما فقدت وعيها انا ماني مسدقة هالكابوس خلص و عمر رجع حبيبي رجعلي ، الحمد الله يارب ورجعت غفيت على صورة ضكتو ..... والدنيا مو واسعتها من الفرح 

أم عمر: ابني عمر انتي كمان شوف حالتك روح ارتاح عمر: لأ ماما مابدي اترك سيلا حتى توصل عبيتهن بسلامة ام سامر: ابني انتي بالفترة الماضية ماكنت طبيعي مع سيلا ابدا شو صار هلأ عمر تلبك وماعرف شو بدو يجاوب امها لسيلا ، لانو هو ذاتو مابعرف الجواب تدخل سليم لينقظ الموقف: ماما مانك شايفتيه تعبان كل حدا مننا عندو ظروفو خلص اتركيه تعالي معي لازم ننزل على قسم المحاسبة في أوراق لازم توقعيها أم سامر: ماشي يلا دانية: ماما سيلا صارت منيحة خلينا نرجع عالبيت انا كتير بكره جو المستشفيات وهنن المسا حيطالعو  عمر: طيب يا بنتي عمر: انا ضلّان هون والمسا بلحقكن 

#لعنة الحقد وقوة الحب

دانية: ماشي اخي ام عمر: ابني انتبه عحالك عمر: ماشي ماما قعد عمر عالكرسي وفكر بسؤال ام سامر هنن ليش عم يقولو انو تغير مع سيلا كتير وسيلا ليش بدها تعتذر

 عمر: ماني فهمان شي شو اللي صار لازم احكي مع سيلا وافهم كلشي ليش حاسس حالي كنت بغيبوبة اجت الدكتورة بإيدها التحاليل

 الدكتورة: استاذ عمر التحاليل خاصة الانسة سيلا طلعو عمر: اي! الدكتورة: الانسة سيلا معها فقر دم للأسف وهي بحاجة لتغذية كاملة وفيتامينات ولاتباع حمية خاصة عمر: بس الدكتورة: لا تخاف فقر الدم مانو مرض خطير وبشوية اهتمام حتشفى بسرعة 

عمر: طيب دكتورة وإيمتى منقدر نطالعها الدكتورة: امها قبل شوي وقعت على اوراق التخريج انا هلأ بتطمن عنها وبتقدرو تاخدوها عمر: شكرا الك صار المسا وطلعو من المشفى

 أم سامر: الحمد على سلامتك يا قلبي أنا كان لازم لاحظ أعراض فقر الدم عليكي بس كنت دائما مشغولة عنك سيلا: ماما حبيبتي مو مشكلة يعني هو فقر دم يلا خليني اتدللي شوي ام عمر: بيطلعك تقبريني انا حضرتلك شوربة بإيدي ، لازم تاكلي وتتبعي الحمية لتطيب بسرعة .

سيلا: لاا يا الله حمية! عمر: سيلو اذا مابدك تلتزمي بحميتك انا حروح وماعد تشوفي وجهي سيلا: يعني عم تهدد! اصلا انت وعدتني انك ماعدتروح عمر: يعني

*********************

إلي هنا ينتهي الجزء التاسع من قصة لعنة الحقد وقوة الحب
تابع من هنا: جميع فصول رواية وحوش لا تعشق بقلم رحاب ابراهيم

تابع من هنا: جميع فصول رواية ليالي بقلم رحاب ابراهيم

تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها

اقرأ أيضا: رواية قصر البارون بقلم دينا السيد