أهلا بيكم حبايبي الحلوين في قصة جديدة قصة حماده الولد الصغير اللى عنده 7 سنين
حماده بيحب الاكل الكثير وياكل من غير تفكيرمن وقت ماتزقزق العصافير
 |
ودايما ماما تقوله بلاش ياحماده الاكل الكتير اللي من غير تفكير..يضحك ويقول انا عايز ابقا كبير
وفى يوم حماده صحى من النوم يصرخ!!ويقول!!! ااه ااه يابطنى
بطنى بتوجعنى اه يابطنى
على طول مامت حماده اتصلت بالدكتور وقالتله الحقنا يادكتور حماده بيتالم
وصل الدكتور بسرعه لبيت حماده وحط السماعه على بطن حماده عشان يكشف عليه
يااااه!! ايه دا؟؟ياخبر ياخبر
الدكتور قال كل اصدقاءك زعلانين منك ياحماده
حماده استغرب اوى وقال للدكتور اصدقائى مين؟!
الدكتور قال المعده زعلانه اوى وزعقت للمرىء وقالتله حرام عليك انا تعبت من الاكل اللى بترميه عليا كل دقيقه
المرء قالها متزعليش منى يامعده دا البلعوم صديقنا هو اللى بيبعتلى الاكل دا وانا بوصله
يابلعوم يابلعوم كفايه بقا حرام عليك
البلعوم قال مين اللى بينادى عليا؟
انا مليش ذنب انا بوصل الاكل اللى بيوصلنى من فم حماده
وينادى الاصدقاء الثلاثه المعده والمرىء والبلعوم على الفم
ويقولوله حرام احنا تعبنا
يقول الفم انا اللى اسنانى تعبت من كتر المضغ واللسان تعب من البلع والتذوق
حلويات على شكولاتات ومشروبات سخن وبارد دا غير الشيبسى
كلها اكلات مش مفيده وبتتاكل من غير نظام وفى كل الاوقات
ياريت حماده ياكل اكل مفيد زى الفاكهه والخضروات
واتفق اصدقاء حماده انه يزعلوا منه ومش يعملوا شغلهم
لان هو عذبهم كتير
الدكتور فهم حماده غلطه وقاله لازم يختار الاكل الصح وياكل صح عشان اصدقاءه مش يزعلوا تانى
وقال الدكتور لحماده لازم تحافظ على اصدقاءك وكمان تحافظ على جيشك
حماده سال الدكتور..فين جيشى دا؟!!
لو عايزين تعرفوا فين جيش حماده تابعونا القصه الجايه....باى باى ياحلوين ...ماما نونا
إرسال تعليق
يسعدنا تلقي اقتراحاتك أو تعليقك هنا