قصص رومانسية جريئة ممنوع دخول الأطفال

اهلاً بكم أصدقائنا زوار موقعنا قصص 26 وهنكون معاكم في قصص رومانسيه علشان نكمل قصتنا الحلقه اللي فاتت قصص رومانسية | حب لا يجوز شرعا "الفصل العاشر" حب ورومانسية بدون وجه حق وشوفنا غيرة جاسر ازاي لدرجه خليته أصرف تصرف أستغرب نفسه فيه لما خبط ع باباه علشان ينجد مها من ايده وكلنا كنا مستنيين نعرف مازن شاف مها بتعمل ايه خله اتفاجئ دا اللى هنعرفه النهارده في الفصل الحادي عشر من حب ورومانسيه بدون وجه حق في قسم قصص رومانسية أتمني تقضوا معانا اجمل الأوقات .....

حب لا يجوز شرعاً

الفصل الحادي عشر

يوم جديد في الجامعة
مازن كان رايح الجامعة مبسوط جدا لانه هيقابل سلمي ويطلب معاد من باباها يتقدملها فيه ولسة بينزل من العربية لقي سلمي واتصدم من اللي شافه

مازن جاي من بعيد وشايف سلمي واقفة تهزر مع طارق طبعا ماذن اتغاظ جدا وانفعل وراح عندهم

مازن.. عن ازنك يا كابتن طارق......... وراح شادد سلمي وسط زمايلها وخدها ومشي بعيد

(هما اصلا صحاب مها وزمايلها ملاحظين اعجاب مازن بيها بس ده مايمنعش انه هو طبعا تصرف همجي وغير لائق بس اللي بيحب بجد بيبقي مجنون مش عارف هو بيعمل ايه مش مهم عنده الوسيلة ازاي اهم حاجة الغاية)

سلمي وهي بتشد اديها منه.. ايه اللي انت بتعملو ده

مازن.. قولي لنفسك انتي ايه اللي انتي كنتي بتهببي ده حضرتك واقفة ناسية نفسك وهاتك ياهزار وضحك مع الاستاذ طارق

سلمي.. اولا طارق زميلي وكان بقولي علي حاجة ثانيا احنا واقفين وسط الجامعة بحالها مش بعمل حاجة غلط عشان ادارى منها ولا حتي اخاف منك

مازن.. حاجة ايه اللي توقفك معاه لوحديكم

سلمي بعند.. كان ممكن اقولك قبل اللي انت عملته ده انما دلوقتي لا

مازن بنرفزة.. سلمي متنرڤزنيش عليكي كان بيقولك ايه

سلمي.. كان عايز يعرف هي منار مرتبطة بحد ولا لا لانه بيحبها

مازن بعصبيه.. وده يخليكم واقفين تضحكو مع بعض بالشكل ده

سلمي.. انهو شكل يامازن هو حضرتك ظابطتنا بوضع مخل ولا ايه

مازن.. ساعتها مكنتش هقف اتناقش زي دلوقتي كان زمانك مقري عليكي الفاتحة

سلمي.. وبعدين انت باي حق تشدني كدا من ايدي وسط زمايلي وباي صفة مفكرتش هبص فوشهم تاني ازاي

مازن.. بصفتي خطيبك طبعا انا كنت جاي انهاردة علشان تاخديلي معاد من باباكي عشان اقابله

سلمي.. ومين قالك اني هوافق علي واحد بيشك فيا

مازن.. سلمي انا مش بشك فيكي وانتي عارفة كويس انا بغير عليكي قد ايه انا اشعرفني اللي واقف معاكي ايا ان كان نيته ايه سلمي انا راجل وعارف تفكير الرجالة ازاي

سلمي.. تفكيركم مريض......... وبعدين الرجالة اللي انت عارف تفكيرهم دول اللي عنيهم فارغة بس لكن نسيت حضرتك ان في ناس محترمة

مازن.. يعني ايه ياسلمي

سلمي.. يعني لما احس انك واثق فيا ابقي اقبلك تتقدملي واوافق عليك بعد ازنك............ وقبل مايرد عليها كانت سابته ومشيت

بس بعد ما مشيت فكرت حبة ولقيت انها مأڤورة شوية فقررت تروح لما.ن المكتب اللي بيقعد فيه عقبال ما المحاضرة بتاعته تبتدي

تابع من هنا: جميع حلقات رواية حب لايجوز شرعاً للكاتبة ورد سليم

(في الشركة داخل مكتب جاسر)
مها كل يوم بتروح قبل جاسر علشان تتفرج علي مكتبه وصوره وكل حاجة تخصه وهي علي راحتها

جاسر دخل مكتبه لقي مها قاعدة مكانه
مها طبعا متغاظة منه بسبب موضوع سهي.. ايه ده مش تستاذن الاول قبل ماتدخل

جاسر.. مش ملاحظة انك قاعدة علي مكتبي وانا قولت 100مرة ده مش مكانك

سلمي بصت في عنيه وجاسر حس انها عايزة تقوله حاجة وقبل ما تنطق

جاسر.. لا

مها.. هو ايه اللي لا

جاسر.. لا مش عايز اسمع منك مبررات

مها.. طب خلاص قولي مبرراتك انت في اللي عملته امبارح

جاسر ارتبك.. ايه هو اللي عملته امبارح

مها بمكر.. لا ابدا ولا حاجة و بالمناسبة كنت عايزة اشكرك انك ندهتني امبارح

جاسر.. ماما اللي كانت عايزاكي ابقي اشكريها هي ودلوقتي اتفضلي اطلعي برا

مها. مكتبي جوا علي فكرا

جاسر.. اتفضلي علي مكتبك ايا ان كان مش فاضيلك سهي جايالي انهاردة وعايز اخلص شغل بدري

مها.. سهي وتخرج معاها ليه ان شاء الله

جاسر.. لا حضرتك السؤال ده مش اختصاصك انتي واتفضلي بقا علي مكتبك

*****************************
مروان حاور نفسه كتيييير انه يكلم مامته علشان تكلم توفيق وفي الاخر قرر انه يجيب من الاخر ويكلم هو توفيق بنفسه

في مكتب توفيق الباب خبط ومروان دخل توفيق كان معاه مكالمة خلصها وبص لمروان

توفيق.. خير يا مروان في حاجة

مروان.. مفيش يا بابا كنت عايز حضرتك بس ف موضوع مهم

توفيق.. يخص الشغل

مروان.. لا يابابا ده موضوع شخصي بس هو مهم جدا عندي وانا بصراحة مش قادر استني لما نروح

توفيق.. طيب ادخل في الموضوع علي طول

مروان.. بابا انا قررت اخطب

توفيق ..هايل جدا وبنت مين دي بقا اللي عايزني اخطبهالك ياسيدي

مروان بخوف.. مني السكرتيرة

توفيق بتعالي.. مني بنت سامي اللي شغال عندي عايزني احط ايدي فايد سامي موظف صغير عندي

مروان.. بابا انا هتجوزها هي مش هتجوز اهلها

توفيق.. بص يا ابني انا مليش صلحيات عليك لدرجة اني ارفض او اوافق بس كل اللي هقدر اقولهولك اني مش هحط ايدي فايد موظف عندي وانت براحتك لو عايزها انسي اني اجي معاك

مروان.. يعني ايه يا بابا

توفيق.. زي ما سمعت انت لو ابني انا كنت استحالة ارضي بالجوازة دي تماما((طبعا هنا راي توفيق فيه تناقض كبير جدا مروان لاحظه لان مها بنت بسيطة زي مني لكن اللي الفرق هنا ان مروان حب مني انما توفيق اشتري مها من ابوها))

مروان خرج من عند توفيق كاره دنيته اكتر يعني عقده من الجواز طول عمره وجاي دلوقتي يرفض مني خرج من عنده ومن الشركة كلها وهو مش عارف رايح فين

تابع من هنا: جميع حلقات رواية حب لايجوز شرعاً للكاتبة ورد سليم

في الجامعة سلمي قررت تروح لماذن ودخلت لقيت واحدة واقفة معاه فكرت شوية وقررت تعمل معاه نفس الفصل اللي عمله فيها علشان يحس وفنفس الوقت اللي هي دخلت فيه ماذن شافها وهي بصاله بغيظ وبتبص للبت اللي كانت واقفة وخرجت علي طول

سلمي.. نهارك اسود يا ما.ن ممكن اعرف ايه اللي انت بتهببه ده

مازن.. ايه يا مجنونة اللي انا عملته دي طالبة وبتسألني فحاجة

سلمي.. ومتسالكش في المحاضرة ليه

مازن بيغظها.. اللي حصل بقا وبعدين هو اانتي مش كنتي مخصماني من شووية وقولتي كلام غريب زيك كدا ولا ايه ولا هو كان اي هبل في الجبل ولا ايه

سلمي.. لا بقا يا مازن كان كلام بجد وانا مش عايزاك خلاص

مازن ببرود.. احسن ببردو ولا انا كمان عايزك يالا بقا اتفضلي اطلعي برا يالا يابت من هنا

سلمي.. هاااااااااااااااااااا بقا كده يامازن بتقولي كدا بعد ده كله

مازن .. ده كله ايه يامجنونة اناعملتلك حاجة يالا يا بت برا لنترفد احنا الاتنين برا وقولتلك خلاص مش عايز مواعيد

سلمي.. بقا كدا ماذن ماشي ومن غير سلام

واول ما سلمي خرجت ماذن مسك التليفون

مازن.. ايو يا چادو عاملة ايه

جهاد.. يا قليل الادب اسمي طنط

مازن ..يعني الحق عليا بدلعك

جهاد.. مانت ما بتدلعنيش كدا غير لو عايز حاجة ادخل في الموضوع علي طول

مازن.. احبك وانتي فهماني عايز عنوان بيت مها تقدري تجيبهولي

جهاد .. وهتعمل ايه بالعنوان ياذكي ياللي كنت موصلهم قبل كدة ومش عارف العنوان

مازن.. اوووووبس ازاي راحت عن بالي ديه انا فعلا وصلنهم قبل كدا طب سلام بقا ياچيدو

جهاد.. شوف الواد طب مش هتقفل الا لو قولتلي

مازن .. طب هقولك بس متجبيش سيرة لمها عشان عايزها مفجاءة بصي ياستي

****************************
في الشركة بعد ما خلصو شغل سهي جات هي كانت قاصدة تروح لجاسر علشان تفهم منه اللي هي شافته بس اللي حصل كالتالي

 اقرأ ايضاً ... يوميات فارس ومنار أجمل شقاوه ورومانسيه

سهي دخلت مكتب جاسر وهو رحب بيها ومها جوة مكتبها اول ماسمعت صوت سهي قررت تخرج برا

سهي.. يااااه دا انا جيت في معادي بالمظبوووط

جاسر.. فعلا انا لسة مخلص شغل تحبي نروح فين

مها خرجت عليهم... ايه ده انتو خارجين

قبل ماجاسر يرد كانت سهي ردت.. اه خارجين نتغدي تيجي معانا

مها.. لو ميدايئكمش (((هي طبعا اللي هتفرقع)))

جاسر.. اه بس ممكن نتاخر

مها.. لا عادي انا فاضية مواريش حاجة

جاسر.. بس لا يكون بابا عايزك ولا حاجة

سهي.. خلاص بقا ياجاسرقالتلك فاضية

******************
في الكافيه
جاسر.. هاايا حبيبتي تشربي ايه ولا نتغدي علي طول

(جاسر كان بيكلم سهي)

مها.. اي حاجة ( ردت غلط لانها متعودة علي الكلمة منه ومش متعودة عليه يقولها لحد غيرها ولما حست انها عملت حاجة غلط واو نيلت الدنيا قدام سهي بصت لسهي بسرعة ) مش كدة ياسهي ....

سهي.كدة اتاكدت ان في حاجة مش مظبوطة بس عدتها دلوقتي

سهي.. لا طبعا نتغدي الاول

جاسر.. دايما همك علي بطنك

وطلب جاسر الغدا وقعدو يتغدو وجاسر عمال يعمل في حركات وكلام يغيظ مها وطبعا مها قاعدة هتفرقع ومش قادرة تتكلم اصل هتقول ايه هي اللي جابت لنفسها وجع القلب لما فكرت انها تخرج معاهم علشان تبقي قاعدة علي قلبهم اتاريهم هما اللي وجعولها قلبها

خلصو غدا وقعدو شوية وروحو وطو ل الطريق ومها مانعة دموعها بالعافية

*****************************
(في الكباريه)

وليد كان هناك طبعا مهو كمان ما شاء الله عليه خمورجي. وما يا اول ما شافته قاعد ع البار مدايق ومتغاظ راحت عنده

مايا.. مالك يا وليد مش عوايدك اليومين دول متغير علينا ليه انت كمان

وليد وهو ماسك الكاس .. حتة بت متسواش حاجة ترفضني انا.. وعشان مين مروااان الزفت

مايا ..مرواان ..مروووان امجد البحيري االي بيجي هنا

وليد.. هو مروان هبااب اكيد علشان غني

مايا. اممممممم طب ده احنا كدا بقا سكتنا واحدة

وليد.. ازاي يا فالحة

مايا.. انت منمر ع البت وانا منمرة علي مروان

وليد.. قصدك منمرة علي فلوس مروان

مايا.. مش هتفرق كتيير اهم حاجة نزيحه من طريقك

وليد بشر.. هي فكرة بس عايزين ندورلهم علي دخلة نفركشهم بلا رجعة

مايا عايزين بس طرف خيط وانا اكرلك الباقي

***********************

مروان بعد ما ساب توفيق خرج وهو مش عارف رايح فين اخد عربيته ومشي والكل بيدور عليه ومش لاقيه

                         يتبع ...

الحلقة الجاية هتبقي جامدة جداااا
ياتري مروان راح فين ؟
ومازن فعلا هيفاجئ سلمي ويروح يطلبها؟
ومامت مازن هيبقي ايه موقفها من ابو سلمي؟
كل ده هنعرفه في الحلقات الجاية متنسووووش تقولولنا رأيكم وتشاركو روايتنا لوعجبتكم وكمان تتابعونا من خلال صفحتنا على الفيس بوك

تابع من هنا: جميع حلقات رواية حب لايجوز شرعاً للكاتبة ورد سليم