قصص رومانسية جريئة ممنوع دخول الأطفال

#إغفرى_ لى قصة حب زوجة تحب زوجها ومفكرة نفسها تعيش حياة مستقرة وفى بيت سعيد ولكن فجأة تكتشف خيانة زوجها وتكتشف الكذبة الكبيرة التى أوهمت نفسها أنها تعيش قصة حب مع زوجها 

إغفرى لى قصة مسيرة وشيقة تعالوا نحكى أحداث الجزء الثانى من القصة ونكتشف كيف إكتشفت الخيانة من خلال موقعنا قصص 26 

#إغفرى_ لى

دقيت لاختي و قلتلها انت مرة كنت تاخدي دواء ليزيد وزنك و بتذكر انك وقفتيه لدوا لانو عملك تعب و ارهاق و نعاس و تقرحات فموية

قلتلي اي صح شو بدك فيه ما كويس ابدا تعبني كتير

قلتلها بعرف بس جارتي بدها تزيد وزنها ودكتورة وصفتلها على دواء حسيت بيشبه يلي كنت تاخديه لهيك قلت أسالك قبل ما تبلش فيه ويصير معها نفس ما صار معك و قلتلي اسمه ..

نزلت عالصيدلية و اشتريت علبتين منه و نصحتني صيدلية بنوع افضل لزيادة الوزن لانو هالدواء اعراضه الجانبية كتيرة و متعبة مع انه اله فائدة بزيادة الوزن عالمدى البعيد ..

اقرا أيضا الفصل الأول من قصة شتاء الحب

خلال فترة الاسبوعين ما خليت زوجي يقرب علي ابدا ما بس لانه هالشي جزء من الخطة بس لانه كمان ما كنت طايقة ريحته ولا حتى نفسه وما كتير رح تفرق معه بما انه عم يعوض طلبه برا و بلشت افرطله نص حبة دواء بالاكل كبداية لتبلش اعراض خفيفة معه وزيدها تدريجيا كل فترة لتقوى الاعراض و يقتنع انو هو مريض و عم تسوء حالته بعد أسبوعين من اعطائي اله للدواء وزيادته عن جرعته المفروضة زوجي تعب كتيرر و خاصة خلال أسبوعين كان عم يشتكي من تعب و خمول و أعتقد هالشي من تعبه بالشغل و الشغلات الوسخة التانية بعدين بلشت التقرحات تطلع بتمه و وصل بيومين لدرجة قعد بالبيت و ما بقا راح على شغله من الارهاق

#إغفرى_ لى

و انا كان هيك بدي لبلش أعمل يلي رسمته براسي

قلتله اقعد إرتاح انت بدك راحة

قلي بدي روح عند دكتور أعرف شو عم يصير معي قلتله خلص انا بحكي الدكتور يجي لعندك لانك بجوز توقع ودوخ عالطريق

قلي ماشي

وفعلا رحت دقيت للدكتور وقلتله زوجي تعبان وما قادر يجي عالعيادة يا ريت لو انت بتجي وبتعاينه بالبيت

وافق الدكتور و طلبت منه انو بس يشخص حالته يطمنه و يقلو انو وضعك منيح وما في شي بخوف وما يقله شو حالته بالضبط لانو زوجي موسوس بالامراض و انه يقلي الي وانا بوصل لزوجي وضعه بطريقة مناسبة

#إغفرى_ لى

وافق الدكتور واجا وعاينه وقلي مشكلته ما واضحة بس على ما يبدو المشكلة بمعدته لهيك لازم ينزل عالعيادة حتى افحصه اكتر بالاجهزة الطبية

قلتله اي طبعا

راح الدكتور و فتت عند زوجي وسالني شو حكيتي مع الدكتور قلتلو طلب مني تحاليل دم الك

قلي ليش

قلتلو ما بعرف ليش وقت سالته قلي لبعد النتائج منحكي و قلي انو بكرا رح أبعتلك شب من المخبر و يسحب منه سيرانك دم و هو بياخده و بحلله

قلتلو ما تخاف بظن الدكتور شاكك معك نقص حديد

وتاني يوم قلتلو انا نازلة عالسوق جيب اغراض للبيت ونزلت ومريت عالسوق جبت كام غرض و تابعت على مخبر طبي و حكيت وضع زوجي للشب انو تعبان و حالته نفسية سيئة وما خرج يجي هو ياريت لو تبعتو حدا معي يسحب الدم منه

و تفهم الوضع تماما و وافق و وقت سالني الشب شو تحليل الدم يلي طالبتيه نعمله لزوجك

قلتلو تحليل ايدز

انصدم الشب و قلي هيك تحاليل خطرة واذا طلع زوجك معه ايدز نحن منخبر الشرطة لتجي تاخده و تحطه بالمركز الطبي يلي بيحجزه و بيعالج هيك حالات

قلتلو اوك ما في مشكلة بس يا ريت ما تخبره بانك عم تسحبله الدم كرمال هيك حتى ما يهستر و يجن و يهرب

#إغفرى_ لى

قلي ماشي ..

جيت عالبيت و بعد ساعة اجا الشب يلي بده يسحب الدم من زوجي وساله زوجي للشب ليش سحب الدم قلو كرمال نعرف اذا معك نقص حديد و فقر الدم و النتيجة بعد اسبوع بتبين ..

زوجي بلش يصير معه تعب نفسي طغى على التعب الجسدي و بلشت الوساوس تشتغل شغلها معه

اما انا كنت فعلا خايفة كتير انو هاللعبة تقلب حقيقة و بالتالي انا كمان رح كون مريضة ايدز ..

خلال فترة اسبوع كنت زودلو عيار الدوا بس حسه تحسن وخففله بس حسه ساء وضعه كتير ولانو زوجي ما غبي ابدا بلش يشك انو سحب الدم ما كرمال فقر الدم وانو كرمال شي تاني كان خايف بينه وبين حاله يعترف بهالشي

و خلال هالاسبوع قبل ما تطلع النتيجة فاجئني وقت قلي ساعديني لقوم اتوضا و صلي وانا استغربت كتير من طلبه وبعد ما صلى قلي اعطيني القران اقرا فيه

(زوجي كان بيقدر يقوم و يمشي بس انا اشتغلت على افكار قنعتو فين بانو اذا قمت احتمال دوخ وتوقع وانو حرارتك مرتفعة و شغلات كتير ما الها اساس من الصحة بس انا وهمته فين لانو الوهم بيقتل صاحبه)

نتابع أحداث الجزء الثالث من القصة فقط تابعونا علىصفحتنا على الفيس بوك