قصص رومانسية جريئة ممنوع دخول الأطفال

قصة المهندس والدكتور وال 100 دولار

حكايتنا إنهارده حكاية جميلة من القصص المضحكة حكاية المهندس والدكتور و ال 100 دولار  تعالوا نشوف مع بعض اية حكايتهم مع الدولارات ومين اذكي من التاني .

في يوم من الايام كان في مهندس اسمه حسن ودكتور اسمه حازم اتقابلوا بالصدفة في رحلة بالطائرة و الرحلة كانت طويلة جداً "طبعاً الرحلة هتبقي مملة لو هنفضل قاعدين ساكتين كده" ده كلام الدكتور حازم لنفسه فقرر انه يعمل حاجة يسلي نفسه هو والمهندس حسن اللي قاعد  جمبه في الطيارة ومكنش يعرف انه اللقاء ده هيقلب بقصة مضحكة المهم عرض الدكتور حازم علي المهندس حسن انهم يلعبوا لعبة يسلوا وقتهم ويغيروا جو شوية فقاله ما تيجي نلعب لعبه الاسئلة ؟

 بمعني كل واحد هيسأل سؤال لو معرفش يرد يدفع 10 دولار والعكس صحيح. لكنه اتفاجئ من رد المهندس حسن بالرفض وقاله انا مش عاوز العب ورجع بالكرسي لورا وخد وضع النوم وغمض عينيه علشان ينام  ,مكنش متوقع الدكتور حازم رد المهندس حسن انه هيكسفه ويقوله لأ بالطريقة دي بدون ما يرد عليه حتي بطريقة كويسة .

وقت ما المهندس حسن كان نايم الدكتور حازم مكنش قادر يقعد ساكت كان متضايق جدا وعمال يأنب نفسه علي الموقف اللي حصله  وانه لازم يرد عليه رد يفحمه او يلاعبه ويكسبه علشان يرضي غروره وقرر انه لازم يلفت انباهه مرة تانية بشدة فقاله دي لعبة مسلية جدا وهتعجبك خالص وعلشان اشجعك انا لو سالتك سؤال وانت معرفهوش هتدفع 10 دولار بس وانا لو انت سالتني سؤال معرفتهوش هدفعلك 100 دولار إية رأيك ؟ 

طبعاً وافق علطول المهندس حسن لما سمع ال 100 دولار وبكده يكون الدكتور حازم ارضي غروره ونفذ اللي هو عاوزه وفرح خالص انه عرف يجزب المهندس حسن ويجبره يلعب معاه.

بدات اللعبة وسال المهندس حسن سؤال الدكتور حازم قاله (ما هو الشئ الذي يستطيع صعود جبل مرتفع على ثلاثة أقدام والنزول على أربعة أقدام فقط؟ )

فكر الدكتور حازم كتير في حل للسؤال بس للأسف فشل في الحل فطلع 100 دولار واداها للمهندس حسن.

وجه الدور في السؤال علي الدكتور حازم فسأل المهندس حسن قاله ( انا عاوز اعرف اية هو بقي هو الشئ الذي يستطيع صعود جبل مرتفع على ثلاثة أقدام والنزول على أربعة أقدام فقط؟ ) .

بدون تفكير وبدون رد طلع المهندس حسن 10 دولار من جيبه واداها للدكتور وبضحكة ساخرة  رجع نام تاني وساب الدكتور حازم دمه بيغلي .
 

وبكدة تكون انتهت القصة المضحكة قصة المهندس والدكتور وال 100 دولار تابعونا للمزيد من القصص المضحكة و المسلية.