اهلاً بكم أصدقائنا زوار موقعنا قصص 26 وهنكون معاكم في قصص رومانسيه علشان نكمل قصتنا الحلقه اللي فاتت قصص رومانسية | حب لايجوز شرعاً "الفصل السادس"وعشق ورومانسية بدون وجه حق واللي شوفنا فيه ازاي مها فاجأت جاسر انها في مكتبه وهتشتغل معاه وشوفنا اللي اتعرضتله سلمى وازاي مازن حماها ودافع عنها ولما راحت اول يوم الجامعه والمفاجأه اللي حصلتلها وشافتها واحنا كمان هنعرفها النهارده مش هحرقلكم الأحداث تابعونا ... واتمني قصتنا اليوم من حب لا يجوز شرعاً للكاتبه الجميلة ورد سليـــم تنال اعجابكم ..
حب لا يجوز شرعا
البارت السابع
في شركة توفيق علام
جاسر:صباح الخير يامني لوسمحتي خليهم يبعتولي قهوة علي مكتبي.. وقبل مني ما ترد عليه كان دخل المكتب ليتفاجاء
جاسر انتي.. انتي ايه اللي جابك هنا بيتهيألي قولتلك مش عايز اشوف وشك لو حتي صدفة وايه مقعدك علي مكتبي اصلا
مها بضحكة مستفذة:هههههههه قلبك ابيض يا بشمهندس كان كان مكتبك دلوقتي بقا مكتبي دورلك علي مكتب غيره بصراحة ده عاجبني وموقعه كويس بالنسبالي
مها بتتكلم مع جاسر بعند كده بعد ما عانت معاه يعتبر يوميا بتنتهز اي فرصة انها تفهمه انها مجبرة علي الجوازة بس هو دايما يصدها...... وطبعا هو من حقه لانها دلوقتي فنظره مها اللي كان مستعد يبيع العالم كله علشانها وهي باعته ربما انها معتقدة ان ابوه عنده فلوس اكتر من جاسر اكيد هو في موقف لا يحسد عليه الانسانة اللي كانت تكتسح المركز الاول في حياته كحبيب دلوقتي بردو بتكتسح المركز الاول بس كعدوة مش حبيبة( نرجعلهم)
جاسر بصوت عالي:نععععم هو ايه اللي مكتبك انتي مين اصلا سمحلك تدخلي هنا من الاساس
وقبل ما مها ترد عليه كان توفيق دخل عليهم المكتب الوضع هنا حرج للغاية
توفيق:جاسر في ايه صوتك عالي ليه(ملحوظة مها طلبت من توفيق ان محدش يعرف في الشركة انها مراته علي اساس انها تبني نفسها بنفسها وميبقاش في محسوبية وكلام من ده بس طبعا الكلام ده غلط هي خايفة علي مشاعر جاسر)
جاسر :بابا انا اللي اسال في ايه ايه اللي جاب المدام هنا مكتبي
توفيق:جاااااااسر متنساش انت بتكلم مين
الكلمة نزلت علي جاسر كانها جبل وجع نزل علي قلبه وكأن عمره فحياته متجرح قد انهاردة
جاسر بحزن وهو باصص لمها :متخفش يا بابا انا عمري فحياتي ما هنسي
وبعد لحظات صمت عدت وكان كل واحد فيهم بيخطف من الزمن نظرة عتاب للتاني بس كل واحد نظرته مختلفة جاسر اللي شايف مها صدمته وجرحته ومها اللي بتعاتب جاسر انه رافض يسمعها قررت تتكلم مها
مها:ودلوقتي اتفضل شوفلك مكتب تاني غير ده
جاسر:انا مش هسيب مكتبي و الكلام ده مش للنقاش
توفيق:خلاص يا مها نشوفلك اوضة تانية في الشركة ونعملها مكتب
جاسر:معندناش يابابا كل المكاتب مشغولة وراح باصصلها بتحدي احنا اصلا مش محتاجين موظفين
توفيق:خلاص يا مها في اوضة صغيرة جنب مكتب جاسر هخليهم يوضبوها ويحطو فيها مكتب
جاسر:لا طبعا الأوضة دي من داخل مكتبي ولما بتعب بدخل اريح فيها شوية
توفيق:كلامي خلص هقولهم يحضرو المكتب فيها
لتنظر له مها بانتصار
((في خارج المكتب))
مروان :ايه يا مني الصوت العالي اللي فمكتب جاسر ده
مني:ده توفيق بيه جايب موظفة جديدة
مروان:بس احنا مش محتاجين موظفين.....!! موظفة جديدة هنا؟
مني :ايوة
مروان:حلوة
مني :مرواااان
مرران:قلب مروان ايوة بقا بتغيري؟
مني:لا غيرة ولا حاجة
مروان:يا بت باين في عنيكي اهو
مني:طب اتفضل بقا عشان الموظفين حد يدخل
مروان :حبيبتي يا منمن خايفة علي اسمي
مني:لا طبعا ياخفبف خايفة علي اسم ابويااللي مستكتر تحط ايدك في اديه
مروان: مني انتي مش حافظة الا موضوع الجواز
مني بابتسامة سمجة:حضرتك هو ده الطريق اللي انا اعرفه قادر تمشي فطريقي امشي انما لو هتمشي عكس اتحمل المخالفات اللي هتقابلك
مروان:طب اقفلي بقا اشارة المرور اللي فاتحتيهالنا هنا دي
مني :طب اتفضل علي مكتبك بقا
مروان:يابت انا مديرك ولا انتي بس يالا كله يهون علشانك يا قمر بس دماغك تلين
مني:مفيش فايدة فيك بنفخ في اربة مقطوعة
مروان:بتجيبي الكلام ده منين بس مش عارف
((في بيت الاستاذ سامي ابو مني))
الباب بيخبط
تقي:طيب ياللي عالباب في ايه ((تقيبنت جميلة وهي اخت مني الكبيرة عندها 25سنة واكبر من مني بسنتين ورافضة الجواز لانها مستنية اللي بتحبه لما يكون نفسه))
وبعد ما فتحت الباب
تقي:مني ايه بتخبطي ليه كده ماللك
مني:...............
تقي :بت يا مني مالك مسهمة ليه كدا
مني :ماما وبابا فين الاول وبابا مشي انهاردة بدري ليه من الشركة
تقي:بابا كان عنده معاد انهاردة عند الدكتور انتي ناسية
مني:اه تصدقي نسيت خالص كنت هروح معاه
تقي :خلاص ماما راحت معاه ها مالك بقا
مني: تعبت مع مروان ع الاخر
تقي :انا مش عارفة يا مني انتي ايه اللي مصبرك عليه سيبك منه ده باين عليه موارهوش غير الستات والكباريهات وحاجة اخر ارف
مني :ما هو ده السبب اللي مدايقني مروان لعبي ومش عاقل ابدا
تقي :طب وانتي ايه اللي مصبرك علي بلاويه
مني:انتي ايه اللي مصبرك علي حسام
تقي:لاني بحبه ومقدرش اتخيل حياتي من غيره
مني: انا بردو نفس السبب وضيفي عليه اني عارفة ان هو كمان بحبني بس ايه اللي مش بخليه يتحرك معرفش
تقي:طيب ربنا يهديلك المجنون ويبقا عاقل زيك كده
مني :يااااارب
((في الجامعة))
سلمي اول ما شافت الدكتور اتصدمت
سلمي :مازن؟؟؟؟؟؟؟!!!!!
منار:ايه ده انتي تعرفيه؟
سلمي ها .....اه شوية
منار:ههههههههههههههه هو ايه اللي ها اه شوية تعرفيه
سلمي:اه صاحب واحد قريبي
منار:بس ايه...... الواد باين عليه مز اخر 35حاجة
سلمي:مالك يابت فيه ايه كده
منار:ايه ده. ايه ده ده احنا بنغييير بقا ولا ايه
سلمي:غيرة ايه بس يا هبلة ده.. ده الدكتور بتاعنا
مناربشقاوة:اه..دكتور مز بردو دكتورنا ده
سلمي:طب بس بقا ياختي لحسن ياخد باله
(وطول المحاضرة وهي سلمي عمالة تبصله ومستغربة هو ازاي الدكتور بتاعهم ومنين بيشتغل مع جاسر في الشركة وهو ولا هو هنا منفضلها وعارف ان دماغها عمالة تجيب وتودي نسيبهم يحضرو المحاضرة نرجعلهم شوية كدا)
(وطول المحاضرة وهي سلمي عمالة تبصله ومستغربة هو ازاي الدكتور بتاعهم ومنين بيشتغل مع جاسر في الشركة وهو ولا هو هنا منفضلها وعارف ان دماغها عمالة تجيب وتودي نسيبهم يحضرو المحاضرة نرجعلهم شوية كدا)
في بيت توفيق كان مروان رجع من الشركة وجهاد قابلته
جهاد:عامل ايه ياحبيبي انت راجع بدري يعني في حاجة ولا ايه انت تعبان يا حبيب
مروان:حيلك يا ماما انا مش تعبان ولا حاجة انا بس كنت سهران شوية امبارح ومنمتش كويس
جهاد:يابني صحتك حرام عليك اللي بتعمله فنفسك ده
تابع من هنا: جميع حلقات رواية حب لايجوز شرعاً للكاتبة ورد سليم
جهاد:ربنا يهديك يا ابني
وطلع مروان قوضته غير لبسه ولبس طقم بيتي بنطلون رصاصي وتي شيرت اسود ودخل السرير ولسة هينام التيليفون رن
مروان :الو
مايا:عامل ايه
مروان:مين معايا
مايا :بضحكة خليعة معقولة لحقت تنساني ده حتي كنا مع بعض طول الليل
مروان:مايا.......
مايا:ايوة مايا عايزة اشوفك انت فين
مروان:تشوفيني لا انسي انا عايز اناااااااااام انا جيت من عندك الصبح ع الشغل علي طول ومنمتش
مايا:يبقا هشوفك انهاردة
مروان:هشوف لما اصحي من النوم يعني هنروح من بعض فين
مايا:ماشي باي
وبعد ماقفلت قعد مروان يتكلم مع نفسه
نفسه:وبعدين انت هتفضل في الارف ده كتير وبتعمل الحاجات المقززة القزرة دي
مروان :جري ايه هي البت مني بهتت عليا بعقلها ولا ايه
لا اهدي كده وناملك شوية عشان تلحق تسهر شوية بليل مع مايا عندنا شغل مهم بكرا ولازم نصحي بدري
نفسه :تصدق مني العاقلة دي ضفرها برقبتك وانت متستاهلهاش
مروان:لامن الناحية دي انا عارف انها متستاهلنيش انا تستاهل حد احسن بس انا بحبها
نفسه: طيب لما انت عارف ما تصلح من نفسك بقا وايه اللي مصبرك تتقدملها هتكون نفسك مثلا
وفضل يتخانق مع نفسه لغاية مانام
(في الجامعة)) بعد ما المحاضرة خلصت وهما خارجين سلمي خرجت وراه
سلمي:مازن
مازن:نعععم؟!!!مازن كده عادي اسمي دكتور ماذن
سلمي بصتله باستغراب:انا اسفة اصلي افتكرت اااااا...
مازن:ههههههههههههه انتي صدقتي خلاص بضحك معاكي وبعدين ما انا قولتلك كذا مرة نبقا صحاب مرضتيش قال يعني انا اللي هموت ونبقي صحاب
سلمي:انت ايه ما بتفصلش
مازن :من بعض ما عندكم يا ستي
سلمي وبعدين انا مش بقتنع بالصداقة بين الولد والبنت
مازن :افهم من كدا انك شايفاني ولد صغير مش راجل ملو هدومه ونضارته قدامك
سلمي:هههههههههههههه لا مش قصدي خالص
مازن:سلمي انا.............. عايز اتكلم معاكي شوية ممكن اوصلك ونتكلم شوية
سلمي:لا طبعا واقول لمنار ايه والناس فالجامعة
مازن:ناس ايه يابنتي هو انتي حد يعرفك انتي اول يوم انهاردة ليكي ومنار يا ستي قوليلها ده قريبي زي ما قولتيلها
سلمي اتكسفت وبصت في الارض
مازن:هههههههههههه سمعتك علي فكرة وانتي بتتكلمي معاها وعينك منزلتش من عليا طول المحاضرة مش هكسفك بقا اكتر من كده
سلمي:اومال لو هتكسفني هتعمل ايه امشي اتفضل خلينا نمشي من هنا
وفي العربية
سلمي:انا مش عارفة سمعت كلامك ليه الناس تقول عليا ايه دلوقتي
مازن:اولا محدش خد باله ثانيا حتي لو حد خد باله واحد وواقف مع حد يخصه
سلمي:نعم هو عشان انت صاحب جوز اختي قصدي صاحب ابن جوز اختي يبقا اخصك
مازن: جمعي بس الاول وبعدين انا مالي بالحدوتة اللي انتي حكيتيها دلوقتي
سلمي :اومال بتتكلم علي ايه
مازن:سلمي انا بحبك
((في البيت عند سلمي))
احلام :حمدالله ع السلامة يا سلمي اتأخرتي ليه كدا
سلمي :الطريق بقا يا ماما واول يوم دراسة وكدا
احلام:طب غيري هدومك عشان هنروح عند مها
فوزي:سلمولي عليها
احلام:انت ليك عين تسلم عليها ده انت من ساعة ما بعتها وقبضت التمن وانت ما بدورش عليها
فوزي:قبضت ايه يا ولية ده مهرها
سلمي:ياريت نخلص الموشح ده علشان نلحق نروحلها انا داخلة اغير
ودخلت الاوضة وافتكرت الحوار اللي دار بينها وبين ماذن
فلاش باك...........
مازن :انا بحبك
سلمي :انت... انت بتقول ايه
مازن:زي ما سمعتي وعلي فكرة عارف كمان انك بتحبيني
سلمي:ده ايه الغرور ده
مازن :لا ده ثقة مش غرور صعب قوي علي اي حد يفهم او يحس لو كان اللي قدامه بيحب ولا لا... الا اللي بيحب بجد بيحس من همسة اونفس بيفهم من نظرة عين بيكون هو اول واحد في الدنيا يفهم حبيبه بيفكر في ايه ويحس بيه ويحس هو عايز يقول ايه وانا حسيت كل ده معاكي
سلمي:ياااااه كل ده في قلبك ليا
مازن:واكثر ياسلمي اكتر من كده بكتير لو تعرفي اللي جوايا من ناحيتك كنتي انتي اللي جيتي قولتيلي انا من اول مرة شوفتك فيها وانا مش علي بعضي مفيش تركيز غيرفيكي واخدة كل تفكيري وعقلي وقلبي وانا دلوقتي بعرض عليكي اللي باقيلي حياتي وسنيني واسمي تقبلي
سلمي:
مازن:تقبلي ياسلمي انا بحبك ........سلمي تقبلي
سلمي:مازن كل ده مرة واحدة كتيير علي قلبي
مازن:سلامة قلبك يا حياة قلبي
سلمي:طب سيبني افكرشوية
مازن:سلمي من غير تفكير انا لما حبيتك مفكرتش حبيتك عشان مجنونة
يتبع ....
يا ترى جاسر ومها هيعملو ايه ؟
ويا ترى سلمي هترد علي مازن تقوله ايه؟
ومستنيين تعليقاتكم وتوقعاتكم للفصل الثامن من الروايه ولو الروايه نالت اعجابكم نتمنى تشاركوها وتقدروا تتابعونا من خلال صفحتنا على الفيس بوك
تابع من هنا: جميع حلقات رواية حب لايجوز شرعاً للكاتبة ورد سليم
إرسال تعليق
يسعدنا تلقي اقتراحاتك أو تعليقك هنا