قصص رومانسية جريئة ممنوع دخول الأطفال

نعود اليكم من جديد والجزء الثانى من مجموعة قصصية كوميدية من القصص القصيرة بعنوان ( الفانوس السحرى ) والتى نقدمها لكم من خلال موقعنا قصص 26 , نستعرض لكم الجزء الخامس والذى تدور احداثه من وحى الخيال حيث تدور احداثها داخل مصر فى اطار من الكوميديا , من الشخصيات الطبيعية التى نقابلها يوميا فى حياتنا .

لقراءة الجزء الاول - الجزء الثانى - الجزء الثالث - الجزء الرابع

الفانوس السحرى .. نصيحة نُصحـى

يجلس زيزو على القهوة وهو يفكر فى هذا المشروع الجديد صحيح هيكسب من وراءه ملايين 

وكان كل مايشغله هو توابع هذا المشروع .. بمعنى أن لو أتجوز مليون شاب مصرى من مليون فتاه صينيه ستختلط الدماء المصريه الفرعونيه بالدماء الصينيه التجاريه 

وبعد عشرين سنه سيتزاوج نسلهم ليصبحوا عشره مليون وبعد عشرين سنه أخرى سيتزايد عددهم ليكونوا 30 مليون 

وتتغير ملامح المصريين لتصبح آسيويه وتضيق أعيونهم السوداء الجميله وتسيح شعورهم على خدودهم ويدينون بالولاء لجنسية جداتهم الصينيات .. 

يبقى كده كملت اصبحنا مخترقين إقتصاديا وتكتمل الحلقة بالغزو البشرى عن طريق العروسه الصينى .. 

هذا المارد حل جميع مشاكله عن طريق دول العالم الثالث ليزداد توحشا وما أدراك يمكن أن يصل لحكم مصر أحد سلالات هذا الجواز العجيب ونصبح ولايه من ولايات الصين فى أفريقيا .. 

وهو فى قمة إستغراقه فى هذه المشكله يجد من يهزه فى كتفه
- مين نُصحى فينك ياراجل وفين أراضيك ..
- خلاص ياعم زيزو اللى عِليّى عِليّى كويس إنك فاكرنى
- مشاغل يانُصحى ياخويا أعمل ايه مفيش وقت زى زمان أجى وأقعد مع حبايبى
أقعد .. تحب تشرب أيه .. عارف طلبك .. شيشه تفاح وشاى فى الخمسينه .. كويس أنى شوفتك عشان عايز آخد رأيك فى موضوع شاغلنى قوى
- خير يا عم زيزو
يحكى زيزو لـ نُصحى حكاية العروسه الصينى بجميع تفاصيلها وعندما ينتهى يكون نُصحى قد شرب أول حجر ويطلب الثانى ويهز رأسه ليقول رأيه وزيزو كله آذان صاغيه ..

نصحى : الشغلانه دى فيها سبوبه وقرشين حلوين
- أيوه يا نصحى فيها قرشين حلوين ومدلعين كمان
- خلاص خدنى معاك فيها أمسك لك مكتب الجواز الصينى
- ياعم نصحى أنا بطلب رأيك مش بعرض عليك شغل
- يازيزو أنا قولت لك رأيى .. طالما شغلانه نظيفه وهنا نضيف  ( يشير على قلبه ) وحيطلع لنا منها قرشين حلوين أتكل على الله ياراجل وسيبك من الأوهام ألا أنت عايش فيها دى كان غيرهم أشطر .. 

أحنا مر علينا فى مصر أشكال وألوان من طوب الأرض من أول الهكسوس والحيثيين والأغريق والرومان والعرب والأتراك والفرنساويين والأنجليز وفضلنا أحنا زى ما أحنا .. 

مصر دى يازيزو زى حجر الطحين أللى يدخل جواها ينطحن ويدوب جوه المصريين وما يتعرفش له أصل من فصل ويبقى مصرى غصب عن عينه .. خلى الصين تبعت بناتها على الأقل حتحل لنا مشكلة الشباب أللى نظره راح أمام الفضائيات والأنترنت عشان يفك عن نفسه .. 

البنات الصينى فكرك أنهم حيسحبوا السجاده من تحت رجلين البنات والستات المصريات وحيوقفوا حالهم بل بالعكس دى حتحل مشكله كبيره وحتخلى البنات المصريات يقدموا تنازلات أكثر من تنازلات بنات الصين وعلى رأى المثل البضاعة الجيده بتطرد البضاعة السيئة من السوق والبلدى يوكل يازيزو هو فيه أطعم ولا أجمل ولا ألذ من الست المصريه حتجيب الفراخ البلدى فى طعمها زى الفراخ البيضاء أو الصفراء
- يعنى أنت يانصحى مش شايف أن ده غزو بشرى لبلدنا وخيانه وطنيه
- أيه ياعم زيزو الكلام الكبير ده .. بقولك يازيزو كان غيرهم أشطر فى الأخر بضاعتهم حتبور مايغركش الكلام أللى بيعملوه ده حياخدوا سنه ولا أتنين فى مصر وكل واحده حتاخد ورقتها وتسحب على بلدها وفى الأخر أحنا المستفيدين .. أولا حركنا سوق الجواز لبنات مصر ثانيا فكينا عقدة الشباب أللى نفسه يتجوز ومش عارف وبالتالى حيضطر يدور على شغل وينحت الصخر ويشيل المسؤليه غير طبعا حتنخفض معدلات الجريمه والتحرش والخطف والبلاوى أللى بنسمع عليها اليومين دول
- خلاص يانصحى نتوكل على الله ونوافق
- ياعم وافق أنت مغسل وضامن جنه وربنا يخلي الصين وعرايس الصين
- بكره تيجى تستلم الشغل وعينتك مدير لمكتب الجواز الصينى بمرتب ومكافأة ياعم
- وأنا من الليله دى حعمل لك حتت دين دعايه عمرك ماسمعتش عليها
- نقرأ الفاتحة

انتظروا معنا الجزء السادس 

نرجو ان تنال قصة الفانوس السحرى من مجموعة قصص قصيرة كوميدية اعجابكم ويسعدنا تلقى ارائكم وتعليقاتكم من خلال التعليقات اسفل القصة او من خلال صفحتنا على الفيس بوك .. دمتم بخير :)