قصص رومانسية جريئة ممنوع دخول الأطفال

مرحبا احبابي متابعين قصص 26 أهلا بكم معنا في روايات رومانسية كامله ورواية  "العشق الضال" بقلم فاطمة محمد رزق تقدروا تتابعوا الفصل الثاني من هنا
أغلقـت قلبـها الى وللأبـدد ولـم تهتم يوماً بتلك اللعنة التى يقال عنـها "الحب" .. لم تعتقد لوهلـة أنه قد يأتي اليوم الذي تـدخل فيه عالم "الحب" .. منعتـها كل الظروف عن إبدائها لمشـاعرهـا -لقد عشقهـا لم يعد يرتـوي إلا بحـبها يقول لقد عشـقت حنـانها .. لم أره على أيٍ من البشر الحقودين الذين تلوثت قلوبهم بالعفن .. قلبها الصافى النقي .. روحها السمحة .. ضحكتـها أآآآه من ضحكتـها إنها وللحـق ملاك يعيش على ارضنا هذه .. لقد أبديت لها عشقي بأفعالي ولكن لم اعطها تلميحاً بسبب تلك .. الظروف ! هـل ستظل الظروف هى الحاجز بين حبهما ؟! أم هـل يستمر ذاك العذاب طويلا ؟! بل هل سيتركها ترحـل من بين يديه بعد أن ملكها ؟! أم يتمسك بعشقه الضآل .. هذا ما ستجيبه أحداث الروايه لنا .. أتمنى لكم قضاء أوقات ممتعه معنا ...

العشق الضال

الحلقه الثالثه

يوسف:طبعا يافروحه انتى اصلا محدش زيك اصلا ثم تابع بابتسامه:على فكره انا واثق انك هتنجحى فى المقابله دى وهتبقى مذيعه قد الدنيا
فرحه بابتسامه:ان شاء الله روح انت بقا على شغلك
يوسف:ماشى ياحبيبتى مع السلامه
فرحه:مع السلامه
دخلت فرحه الى محطه الاذاعه لتجد جميع الفتيات يرتدين ثيابا تظهر اكثر مما تخفى شعرت بانها فى نعمه كبيره لان اهلها قد علموها اصول الدين وماذا يجب على المسلمه ان ترتدى لكى لا تكون نموزجا سيئا لديننا الحنيف ..
قالت فى نفسها:هما ازاى كدا!! يعنى ازاى عارفين يمشو كدا !! ياسبحان الله ويخلق ما لا تعلمون!!!
جائت فتاه تدل ثيابها على انها مثلهم واقتربت من فرحه ثم قالت
الفتاه بصوت خافت:اهلا انا ريم
فرحه بابتسامه:تشرفنا
ريم:اومال انتى جايه هنا ليه ؟
فرحه:نعم !
ريم:اقصد انتى جايه عشان ايه!! ماهو مستحيل تكونى جايه عشان الفحص!
فرحه:تصورى ان المستحيل حصل
ريم:هههههه مش مصدقه وقد ارتفع صوتها وهى تقول:بصو يابنات العسل دى جايه عشان الفحص
ارتفعت ضحكات الفتيات عليها وقالت فتاه منهم
الفتاه:ههههههه بجد ياريم دى جايه عشان ايه ب اللى هى لابساه دا !!!
ريم:عشان الفحص ياسلمى تصورى
فتاه:يعنى بالهدوم دى وعامله فيها شيخه وجايه تتفحص ياماما احنا هنا جايين للفحص بتاع الاذاعه مش شغالين فى فرن عيش !
فرحه بابتسامه الثقه:انا عارفه والله انه عشان الاذاعه مش عشان كزنو مثلا! الهدوم دى مديقاكو عشان مش مبينه حاجه من جسمى دا الفرق بينى وبينكو !
ثم تركتهم فى غضبهم وذهبت من امامهم لتجلس وحدها
سلمى تنظر لريم فى غضب وتقول:ايه دا انتى سبتيها تمشى كدا عادى انا من امتى حد بيكلمنى بالشكل دا !!!
وتقول اخرى:اه مينفعش اللى هى قالتو دا !
ريم:اهدو اهدو هروح اجبلكو حقكو واحبطها وهخليها تمشى استنو انتو بس هنا واتفرجو
وذهبت ريم وجلست بجانب فرحه وهى تقول:انا مكنش قصدى اضايقك ابدا بس كنت بوضحلك انهم مش هيخدوكى بالهدوم دى او الحجاب هما عاوزين بنات متحرره زينا كده
نظرت لها فرحه بابتسامه وهى تقول:ممكن اسألك سؤال !!
ريم:اتفضلى
فرحه:انتى مسلمه ؟؟
ريم:اه طبعا !
فرحه:ايه يأكد ؟؟؟
ريم:مش فهماكى !!
فرحه:بتصلى ؟؟؟
ريم بدهشه:لا ليه !!
فرحه:ايه يأكد بقا انك مسلمه !!
ريم بغضب:تحبى اجبلك بطاقتى اوريكى !
فرحه:لا انا عارفه انك مش كدابه والله بس انا هفهمك حاجه كون انك مسلمه دا بيحملك مسؤليه كبيره مسؤليه انك تطلعى للناس مثال للبنت المسلمه بجد سواء بهدومها او كلامها او اخلاقها عشان تكونى مثال يحتذى به عشان يوم ماتقابلى ربنا تبقى عملتى الى يدخلك الجنه دايما اسألى نفسك انا هقدر اواجه ربنا يوم القيامه
ريم وقد بدى عليها علامات الاقتناع:هو انتى بتقولى كدا ليه !
فرحه بابتسامه صادقه:بنصحك ياحبيبتى بس والله عشان محدش عارف هو هيموت امتى ممكن دلوقت او بكرا او بعد سنه ساعتها الاوان يكون فات
ريم بدهشه:انا اول مره حد يقولى الكلام دا !
فرحه:يمكن لانك مصاحبه ناس عمرها مااتقلها الكلام دا !!؟ ذهبت ريم من امامها بدون كلمه واحده وجلست فى مكان بعيدا عن الجميع وما هى الا لحظات حتى جاء المدير
سلمى:المدير وصل
احدى الفتيات:ظبطو كل حاجه ياجماعه المدير وصل
أتى جاسم ممسكا ببعض الاوراق فى يده وقال بصوت جهوري:انا عاوز اوراق الفحص كامله تجيلى على المكتب
قالت السكرتيره:حاضر يافندم
ودخل جاسم الى مكتبه وما هى الا لحظات حتى دخلت السكرتيره واحضرت الاوراق
جاسم:بصى يا سمر انتى هتدخليهم بالدور هما كام
سمر وهى تفحص الاوراق:هما 40 يافندم
جاسم:كويس مش كتير يارب اختارهم النهاردا واخلص
سمر:انا على حسب خبرتى يافندم فيهم كتير تمام ولما يدخلو هتشوف
جاسم:ان شاء الله دخلى اول واحده يلا
سمر:حاضر
وخرجت من مكتبه وبدات بمنادات الاسم الاول
سمر:دنيا السيد محمد تدخل ...
****
فى احدى المنتزهات
حبيبه:ياخويا الى يشوفنا يقول واحد وحبيبته مش واحد واخته
ياسين:هههههههه اللى يقول يقول بس ايه رايك المكان حلو !
حبيبه:والله ما احلى منك الملاهى دى العشق اصلا
ياسين:كنت عارف انك هتفرحى يلا بقى اختارى هنركب ايه وبعدها انا اختار مره ومره
حبيبه:ههههههههه ماشى امممم انا عاوزه اركب دى ..
****
فى مكتب جاسم
جاسم:لا انا اسف مش هقبلك لانك معندكيش المؤهلات ياانسه سلمى !
سلمى:ازاى معنديش لا عندى على فكره وبدأت ! تقترب منه
جاسم:حضرتك بتتكلمى عن انهو مؤهلات بالظبط انتى ورقك مش كامل اصلا والشهاده دى مزوره !
امسكت سلمى يده وهى تقول:على فكره انا عمى بيشتغل ظابط فى الجيش وبابا لواء كل دا مش مؤهلات !!
أفلت جاسم يده بقوه
قائلا بكل غضب:احنا هنا محطه محترمه مستحيل نرضى باللى بيحصل دا اتفضلى اطلعى برا
سلمى:انا اسفه والله يافندم مكنش قصدى حاجه و..
جاسم مقاطعا بغضب:قلتلك برا
سلمى بغضب:انت ازاى تكلمنى كدا !! انا هقول لبابا
جاسم:انا مبتهددش يلا اتفضلى برا
خرجت سلمى وهى غاضبه بينما جلس جاسم ووضع يده على رأسه فى غضب وهو يقول:ايه البنات دى فين الحياء فين يارب صبرنى معدليش مزاج اكمل
ورفع السماعه بجانبه واتصل بسمر
جاسم:تعاليلى فورا
دخلت سمر وهى خائفه من نبره صوته
سمر:نعم يافندم جاسم:انتى ازاى تقبلى بورق مزور ومش كامل !!
سمر بدهشه:فين دا حضرتك ؟؟
جاسم:اللى اسمها سلمى دى كان ورقها ناقص بصى انا خلاص صبرى جاب اخره ومليت مش عاوز اكمل !
سمر:معلش يافندم بس معدش الا اتنين بس وحرام كدا نظلمهم
جاسم:يارب صبرنى طب دخليهم
ثم نظر لها لاول مره من الصباح واستعجب من شئ ما ثم تابع:بسرعه معلش
سمر:حاضر يافندم
خرجت سمر ونادت الاسم
سمر:فرحه محمد البدرى ؟
فرحه:انا !!
نظرت لها سمر بابتسامه:ادخلى
اومأت باسمه وهى تقول:حاضر
دخلت فرحه ببعض التوتر الذى تحاول جاهده اخفائه
جاسم:اتفضلى اقعدى
فرحه:حاضر يافندم
نظر لها جاسم وهو مندهش لانها الفتاه الاولى التى ترتدى مثل تلك الثياب

جاسم:عرفينا بحضرتك
فرحه بابتسامه:انا فرحه 20 سنه الشهاده دى هتبينلك وكنت الاولى على الدفعه بتاعتى واتفضل دا ورق التخرج من الجامعه بتاعتى
جاسم وهو ينظر للاوراق:كدا تمام اوى واعطاها ورقه بها بعض الكلام وتابع:اقرأى عاوز اسمعك وانتى بتقرأى
بدأت فرحه:"السلام عليكم ورحمه الله وبركاته
النهاردا حلقه جديده من برنامج الحياه العامه بيحكى عن حياتنا ومش بيتناول موضوع واحد بالعكس هى مواضيعه منفتحه جدا .. لكل يوم موضوع جديده وتقدرو تشرفونا بعدها بإتصالتكم"
جاسم:انا يشرفنى انك تشتغلى هنا بجد اول واحده تدخل احترمها جدا واقدرها
لم تتوقع فرحه ذلك الرد ابدا لانها ظنته كما اخبروها بالخارج
فرحه بابتسامه:يعنى انا اقدر اشتغل هنا من امتى!
جاسم:من بكرا الشغل الساعه 10 الصبح البرنامج بتاعك بيبدأ الساعه 11 لازم تتواجدى هنا 10 مبحبش التأخير
فرحه:حاضر يافندم البرنامج او هقول ايه او كدا
جاسم:اسم البرنامج الحياه العامه كل يوم انتى اللى هتجهزى موضوع وتقوليه بنفس الطريقه اللى قرأتى بيها قدامى
فرحه:تمام اقدر امشى!
جاسم:اتفضلى
خرجت وعلى وجهها ابتسامه كبيره من سعادتها
رأتها ريم فسألتها
ريم:ايه الى حصل ؟؟
فرحه:هشتغل من بكرا
ريم:اشمعنا انتى ؟!!
فرحه:قالى انتى الوحيده اللي احترمتها وقدرتها !!
ريم:اكيد عشان الهدوم !
فرحه:باين !!
ريم:طب انا اعمل ايه لو دخلت كدا مش هيرضى بيا !
فرحه:طب استنى
وذهبت فرحه الى سمر
فرحه:لو سمحتى هو المدير ممكن يستنى نص ساعه كمان على بال ما ريم تدخل
ريم:اه يقدر هو اصلا كده كده طلب منى نص ساعه
فرحه:طب كويس فرحتينى
وذهبت من امامها مسرعه ووقفت امام ريم
فرحه:بصى ياستى قدامنا نص ساعه نجيب فيها هدوم جديده ليكى
ريم:دا مستحيل انا مش هلحق !!
فرحه:لا بتاع الفساتين جمبنا على طول تعالى بس وامسكت يدها واخذتها معها ..
****
فى المنتزه
ياسين:اااااه راسى صدعت حرام عليكى ياحبيبه
حبيبه:هههههههه معلش ياحبيبى تعيش وتصدعلى اكتر
ياسين:يابت هضربك والله
حبيبه ببرائه:تضرب اختك حبيبتك بردو
ياسين:اه اتمسكنى اتمسكنى
حبيبه:ههههههه بس مش انا حبيبتك بردو
ياسين:انتى اهم حاجه فى حياتى كلها يابت
وكأن تلك الكلمه ذكرتها بشئ ما ف سمعت فى ذكرياتها صوتا لرجل يقول لها:انتى اهم حاجه فى حياتى كلها يابت لا دانتى الحاجه الوحيده المهمه فى حياتى انا لو بعدت عن العالم كله مقدرش يوم ابعد عنك
حبيبه:والله ياخالد انت وياسين كل حاجه فى حياتى .. كل حاجه
خالد:لازم ندخل ياسين فى الموضوع بردو مش مهم ياسين خليكى فيا انا
حبيبه:هههههههه لا انتو الاتنين سوا
خالد:ماشى ياامراتى العنيده وقام بحملها على يده
حبيبه:عااااااا نزلنى احنا فى الملاهى الناس تقول ايه!
خالد:تقول واحد مجنون بعيون حبيبته ولو الناس متكلموش انا هخليهم يتكلموا
حبيبه:اسكت ياخالد انا عارفاك مجنون والله
خالد:لا مش هسكت
ثم تابع بصوت مرتفع:اشهدو ياخلق الله كلكو البت دى انا بعشقها لو خيرونى بينها وبين حياتى هخترها بحبها اوى
تعالت اصوات الضحكات المستمتعه والتصفيق الحار ..
استفاقت حبيبه من ذكرياتها على صوت ياسين
ياسين:حبيبه انتى بتعيطى ليه دلوقت انا قلت حاجه زعلتك!!
بدأت حبيبه تبكى بألم وهى تقول:هو ليه خانى انا عملتله ايه قولى انت ياياسين!
شعر ياسين فى تلك اللحظه بالآم على اخته وعلم ان كل ما فعله منذ الصباح تدمر وعادت الى نفس الحاله البائسه
ضمها ياسين اليه بحنان وقال
ياسين:خلاص ياحبيبتى محصلش حاجه
حبيبه:طب قولى انت ياياسين انا عمرى ضريته طب هو ليه خلانى اعشقه ليه خلانى اعشق كل تفصيل عشناه سوا ليه خلانى مقدرش انساه ويفضل محفور فى قلبى طب ليه هو بعد وخانى كان بيتسلى ايه وجه التسليه ايييه اييييه ؟؟!!!
ياسين:حبيبه عشان خطرى اهدى متعمليش ف نفسك كدا
حبيبه ببكاء وهى تضرب على صدر اخيها بضعف:مش قادره ياياسين مش قادره كل حاجه بتفكرنى بيه تعبت مش قادره والله
ياسين:طب اهدى بس وتعالى نروح العربيه
لم تبتعد عنه حبيبه لوهله بل لم تقدر ان تبتعد فقد كانت تحتاج الى الحنان
حبيبه ببكاء حاد:فاكر لما انا قلتلك انى كلمته وهزقته انا مكلمتوش مقدرتش لما جيت اكلمه اتصلت بيه ومقدرتش انطق بكلمه قفلت وفضلت اعيط وبعدها
بدقايق هو جه البيت عندنا فاكر اليوم الى جه فيه وفضل يرزع فى باب اوضتى ومرضتش ادخله هو دا نفسه اليوم اللى مقدرتش اكلمه فيه انا مش قادره اروح اقوله ليه بتخونى !! مع انى حبيتك بكل كيانى!
ياسين:تعالى معايا احنا هنروحله دلوقت
حبيبه:لا مقدرش مش هقدر ياياسين
ياسين:ياحبيبتى احنا هنروح نواجهه ونسأله عن اللى حصل بس
حبيبه ببكاء:لا معنديش استعداد اروح اشوفه دلوقت عشان خطرى لو شوفته ممكن يجرالى حاجه
ياسين:ياحبيبتى مجرد سؤال ممكن تكونى فهماه غلط
حبيبه ببكاء حاد:ياريت فاهماه غلط بس ازاى اذاكان انا شوفته معاها انا مش قادره بالله عليك روحنى
ياسين:حاضر ياحبيبتى ..
****
كانت قد احضرت فستانا لريم وجعلتها ترتديه واحضرت لها حجابا ايضا
ريم:هو البتاع دا بيتلف ازاى
فرحه:اولا دا اسمو حجاب وسهل جدا بصى تعمليه كدا
وشرعت فى الباسه لها
فرحه:شكلك حلو اوى بيه
ريم:بجد!
فرحه:اه والله
ريم:هو لسه قد ايه
فرحه:خمس دقايق يلا نروح بسرعه
ريم:اه يلا
وصلت ريم وفرحه فى الوقت المناسب ..
سمر بدهشه:ايه دا هى غيرت هدومها ليه؟؟
ريم:كدا احلى فرحه بتقولى!
سمر بابتسامه:اه كدا احلى بكتير على فكره .. يلا ادخلى
ريم بابتسامه:ماشى
دخلت ريم الى جاسم بينما سمر قالت لفرحه
سمر:هو انتى ليه ساعدتيها دا هى من الصبح خنقتك انا شوفتها
فرحه بابتسامه:بصى انا بحب اقدم الخير لكل الناس حتى لو دايقتنى فى الاول مين عالم يمكن ربنا يهديها ..!!!
****
فى احدى المنازل
كان شاب وفتاه يتحدثان معا
الرجل:ياساره متغيره تماما 180 درجه معدش بترد ولما اروح اقابلها مترضاش تخرج بقالها شهر بس انا بموت نفسى افهم بس مالها!
ساره:طب اهدى انت بس ياخالد كدا واحنا نحاول نوصل لحل
خالد:خلاااااص مش قادر اتحمل وحشتنى ياساره عاوز اشوفها انا اعمل اى حاجه دلوقت بس عشان اشوفها
ساره:طب تعالى نروحلها
خالد:مش هترضى تشوفنى
ساره:ليه يابنى ماانتو كنتو كويسين
خالد:ياساره دى حياتى كلها هى ماما وبابا وكل حاجه انتى عارفه انى وحيد انا مقدرش على غيابها ولا لحظه
وبدأت الدموع تفر من عينيه رغما عنه
ساره بحزن:انا اول مره اشوفك بالضعف دا قوم معايا قوم
وامسكته من يده
خالد:اجى فين؟؟؟
ساره:انت هتروحلها حالا وهتفهم ايه اللى حصل فاهمنى!؟
خالد:مش هترضى تقابلنى
ساره:لا انت هتعمل الى هتقدر عليه قوم يلا ..
****
فى بيت ياسين
وصل ياسين الى البيت وكانت حبيبه نائمه بين يديه ف حملها وادخلها حجرتها ووضعها على سريرها وقرر ان يقوم بخطوه للامام لاجل اخته خرج ياسين من غرفتها وجلس فى الصالون يفكر وهو فى قمه غضبه وحزنه وغضبه من خالد وما فعله بأخته وحزنه الشديد على حالتها
وفجأه وجد الباب يطرق
ذهب ياسين ليفتح الباب ليجد امامه خالد وقد كان خالد الشخص الاخير الذى يريد لقائه فى ذاك الغضب
خالد:انا عاوز حبيبه ضرورى ياياسين عاوز اقابلها
ياسين بغضب:اختى مش هتقابل حد
خالد:معلش ياياسين انا لازم اقبلها ضرورى
وقام بالدخول الى الفيلا
ياسين:اختى نايمه ياخالد نايمه مصدقت نامت بتعيط 24 ساعه بسببك ليه عملت كدا ليه
التفت اليه خالد غير متفهم:عملت ايه !!
ياسين:شافتك وانت بتخونها خلاص اللعبه اتكشفت يابن خالى
خالد بصدمه:اييييه !! انت مجنون انا بعشقها من وانا صغير انت عارف يعنى ايه عشق عارف يعنى ايه واحد يعشق واحده انا عمرى مابصيت لبنت غيرها ابدا انا كنت كل يوم ادعى فى الصلاه تبقالى واول مابقيت قد المسؤليه جيت وطلبت اديها وبتقولى اخونها لااا انت اكيد اتجننت !!!!
ياسين:اختى شافتك وفر على نفسك وانهى كل حاجه اختى قالتلى انها بتكرهك ابعد عنها بقا يمكن تنساك
خالد بغضب:انت اسكت خالص دى حبيبتى وانا عارفها اكتر من نفسى عمرها ما هتقول كدا انا هطلعلها دلوقت واوريك
ياسين:قلتلك نايمه
لم يستمع خالد لكلامه وصعد بسرعه اليها ودخل غرفتها اقترب منها خالد ونزل الى مستواها وبدأ فى افاقتها
خالد:حبيبه اصحى ياحبيبتى عاوز اكلمك حبيبه
استيقظت حبيبه ونظرت امامها لتراه اجل هاذا هو معشوقها ولكن صورته الان ملطخه امامها فلم يعد كما فى السابق بل صار شخصا اخر يخونها صار خائنا !!!
ما ان راته حتى بدأت تبكى
خالد:بتعيطى ليه دلوقت ياحبيبتى قولى لاخوكى يبطل يقول كلام غبى كده قوليله انك لسه بتحبينى وعمرك ماشكيتى فيا قولى انك عمرك ماقلتى انك بتكرهينى وانه هو اللى بيجيب الكلام دا من نفسه
حبيبه ببكاء وصوت مرتفع غاضب:لا مش هقول مش هقوووول حاجه ابعد عنى بقا انا بكرهك بكرهك
رجع خالد خطوات الى الخلف من وقع الكلمه عليه وظلت كلمه "بكرهك" تتردد فى اذنيه لم يستطع خالد التحمل فقام مسرعا وخرج من الغرفه بينما حبيبه قد انهارت باكيه وجلس بجانبها ياسين ليهدئ من روعها وحزنها ..
****
كان تائها لا يعلم الى اين يذهب الى اين تذهب يابن ادم وقد تخلت عنك من كنت تعيش من اجلها .. لك الموت يارجل افضل من تلك الحياه لماذا انا قد اجرحك يوما لم افكر يوما فى ايصال ضرر لك كنت دوما ابحث عن مصدر سعادتك حتى احضره لك ياويلى لماذا تلك القسوه الآن !! ماذا فعلت لاتحمل كل هاذا العذاب .. كان يذهب هنا وهناك بسيارته حتى توقف فى احدى الطرقات ووضع رأسه على المقود ودموعه بدأت تتساقط .........................................................................!!!!!؟؟؟ 

اتمنى تكون البدايه حلوه واللي حابب يتايعها هتنزل كل يوم في نفس المعاد وتقدروا تتابعوها من خلال صفحتنا على الفيس بوك