مرحبا احبابي متابعين قصص 26 أهلا بكم معنا في روايات رومانسية كامله ورواية "العشق الضال" بقلم فاطمة محمد رزق ... تقدروا تتابعوا الفصل الحادي عشر من هنا
أغلقـت قلبـها الى وللأبـدد ولـم تهتم يوماً بتلك اللعنة التى يقال عنـها "الحب" .. لم تعتقد لوهلـة أنه قد يأتي اليوم الذي تـدخل فيه عالم "الحب" .. منعتـها كل الظروف عن إبدائها لمشـاعرهـا -لقد عشقهـا لم يعد يرتـوي إلا بحـبها يقول لقد عشـقت حنـانها .. لم أره على أيٍ من البشر الحقودين الذين تلوثت قلوبهم بالعفن .. قلبها الصافى النقي .. روحها السمحة .. ضحكتـها أآآآه من ضحكتـها إنها وللحـق ملاك يعيش على ارضنا هذه .. لقد أبديت لها عشقي بأفعالي ولكن لم اعطها تلميحاً بسبب تلك .. الظروف ! هـل ستظل الظروف هى الحاجز بين حبهما ؟! أم هـل يستمر ذاك العذاب طويلا ؟! بل هل سيتركها ترحـل من بين يديه بعد أن ملكها ؟! أم يتمسك بعشقه الضآل .. هذا ما ستجيبه أحداث الروايه لنا .. أتمنى لكم قضاء أوقات ممتعه معنا ...
العشق الضال
الحلقه الثانية عشر
تنهدت فرحه بأسى قائله:اتجوز ثم تابعت:ياسين
محمد بصدمه:نعم؟
اسماء:ازاى يعنى
ياسين:انا موافق ياعمى عادى المهم نرجعه وبعدها نطلق حتى
محمد:بس يابنى،،
ياسين مقاطعا:انا بابا وافق
فجأه رن الهاتف برقم غير مسجل
ياسين بسرعه:مين يافرحه،،؟
فرحه:دا دا نفس الرقم
ياسين:طب ردى بسرعه
اجابت فرحه بسرعه
فرحه بلهفه:الو
الخاطف:عدى ساعه من الوقت اللى ادتهولك الوقت بيجرى تيك تاك تيك تاك
فرحه ببكاء:طب سمعنى صوته حتى
الخاطف:اكيد ليه لا حتى عشان تتأكدى
فجأه سمعت صوت يوسف يقول:فرحه متنفذيش اللى بيقولولك عليه فرحه سيبك منهم
فرحه وقد بدأت تنهار:يوسف انت كويس،،؟ عملولك حاجه ياحبيبى،،؟! ما متخافش انا هطلعك من المكان دا
يوسف:لا يافرحه لا متطلبيش من حد يتجوزك دول عاوزين يهينوكى بس فرحه اطلبى حتى البوليس لا فر،،،
لم يكد يكمل كلمته حتى سمعت صوت الخاطف يقول:مشهد مؤثر كله من وقتك ياحلوه
فرحه ببكاء:طب لو انا اتجوزت هترجعوه امتى،،؟!
الخاطف:انتى مراقبه على مدار 24 ساعه لو اتجوزتى هنعرف وقبل ما ترجعى البيت هيبقى اخوكى قدام البيت ولو طلبتى البوليس بردو هنعرف ودا مش هيكون من مصلحتك خالص لانهم مش هيلاقونا وافتكرى دايما الوقت تيك تاك تيك تاك تيك تاك
ثم انهى المكالمه
جلست فرحه على ركبتيها وهى منهاره فى البكاء
ياسين بقلق:فرحه اهدى بس قالك ايه،،؟
محمد:اهدى يابنتى بس مش كدا
فرحه ببكاء:بيقول عدى ساعه على الوقت و وكلمت يوسف
جلست اسماء بجانبها وهى تبكى هى الاخرى وتقول:يارب طلعنا من المصيبه دى ورجع ابنى بالسلامه يارب
فجأه وقفت فرحه بسرعه ولاتزال الدموع لاتفارق وجنتيها ثم قالت:انا هرجعه هو قالى اول ما نتجوز هيرجعوه عند البيت على طول
ياسين بسرعه:طب يلا نروح للمأذون
تنهدت فرحه ثم قالت:يلا
حب لايجوز شرعاً "الفصل الواحد والعشرون" عشق ورومانسية بدون وجه حق
وبالفعل خرجت فرحه وياسين ووالديها حتى يكونان شهودا
وعند خروجهم وجدو جنى امامهم والدموع لم تترك جزء من وجهها اسرعت جنى الى فرحه
جنى ببكاء:فرحه يوسف فين،،؟؟ بالله عليكى قوليلى يلا
فرحه:تعالى اركبى معانا وهقولك فى الطريق
جنى ببكاء:طب هو كويس،،؟
فرحه:اه كويس واحنا رايحين نرجعه اركبى يلا
اومأت جنى راسها ودخلت الى السياره
وعند وصولهم كانت حبيبه وعاصم بإنتظارهم
عند رؤيه حبيبه لفرحه وياسين شعرت بالحزن من اجلهم فقد زهر ذلك جليا من ملامحها
حبيبه بحزن:هو مفيش حل الا دا،،؟
ياسين:لا يلا ندخل
فرحه بحزن:يلا
دخل الجميع الى الداخل وبالفعل تم الزواج وبمجرد الانتهاء جاء فرحه اتصال اخر من الخاطف
ياسين:دول ال
فرحه مقاطعه:اه هما
ياسين:طب شغلى الاسبيكر
اومأت فرحه رأسها واجابت وفتحت المكبر
فرحه:رجعوه بقا انا نفذت المطلوب
الخاطف:اخوكى رجع هو دلوقت قدام البيت ونسيت اقولك لو حصل واطلقتو قبل 5 شهور هقتله بس المره دى مش يوسف بس
ياسين بغضب:ياحيواااااان انا اصلا مش راجل انت عاوز ايه منها
الخاطف:عاوز اذلها ومش هى بس انت كمان
فرحه ببكاء:طب احنا عملنا ايه لكل دا
الخاطف:انا نسيت اقولكم على حاجه مهمه جدا،،من واجبك كزوجه ياسين دلوقتى انك تروحى معاه على بيته
اتسعت عيناها فى صدمه بالغه ثم قالت:ايه،،؟!!!
الخاطف:دا جوزك دلوقت ولازم تروحى معاه والا،،
ياسين بغضب:انا هوريك ياحيوان ياكلب ياحقير انا هعرفك قدرك
الخاطف:تؤتؤتؤ دا مش من مصلحتكو على فكره لاحظو انكم لسا مشوفتوش يوسف
جنى بقلق:بالله عليك اسكت دلوقت ياياسين
فرحه:طيب المهم متأذيهوس
الخاطف:باى باى ياحلوه
ثم انهى الاتصال
اسرعت فرحه قائله:يلا نروح
محمد:اه يلا بسرعه
ياسين موجها حديثه لوالده واخته:طيب انتو روحو دلوقت وانا هشوف انا هعمل ايه
حبيبه بإصرار:لا احنا هنروح نتطمن عليه معاكو
ياسين:معلش ياحبيبه انا هبقى اطمنكو روحو انتو بس دلوقت
حبيبه:بس،،
عاصم مقاطعا:خلاص ياحبيبه يلا انتى عشان اروحك
حبيبه بضيق:طيب ماشى
ذهبت فرحه مع ياسين بينما ذهب محمد واسماء وجنى سويا
كانت فرحه جالسه فى المقعد الامامى فى السياره بجانب ياسين وكانت
اغرورقت عيناها بدموع سرعان ما مسحتها قائله فى نفسها:مالك يافرحه انتى عملتى كل دا عشان اخوكى اجمدى شويه
اوقظها من تلك الافكار صوته وهو يقول
ياسين بصوت حان:فرحه اهدى متخافيش انا مش هضايقك وحتى لو اضطريتى تروحى البيت معايا انسى ان احنا متجوزين بطلى تعيطى بقا
مسحت فرحه دموع انسابت على وجنتيها قائله بإبتسامه باهته:انا مش خايفه منك اصلا اللى انت عملته دا كبير اوى ومش اى حد يقدر يعمله
ياسين مازحا يحاول التخفيف عنها:هنفضل زى ما احنا نتشاكل بقا الفتره اللى مش بنتشاكل فيها بحس ان حاجه نقصانى
ثم قال فى نفسه:اقصد الفتره اللى مش بشوفك فيها
فرحه بإبتسامه:لا خلاص معدناش هنتشاكل انسى مقدرش اتشاكل اصلا معاك بعد كده
شعر ياسين بضيق من تلك الكلمه ولا يدرى لماذا
اوقف ياسين السياره قائلا
ياسين:احنا وصلنا
فرحه:طيب يلا ننزل
كان الجميع قد وصلو حين اذ وعند مدخل منزلهم وجدو يوسف فاقد وعيه على الارض
اسرعت جنى وفرحه اليه وتبعهم محمد واسماء وياسين
جنى ببكاء:هو ماله؟؟
فرحه بسرعه:دا اكيد منوم هما حطينهوله
جنى ببكاء وهى تضع يدها على وجهه:يوسف قوم يلا
محمد:يلا نشيله ندخله جوا
ياسين:ايوا يلا
حملوه جميعا وادخلوه الى غرفته ووضعوه على السرير
اسماء:انا هتصل بالدكتور
جنى:اه بسرعه
ذهبت اسماء لتهاتف الطبيب بينما كانت جنى جالسه وممسكه يد يوسف بقوه
وكانت فرحه جالسه على جانب من السرير تنظر الى جنى ويوسف وتبتسم
فرحه لنفسها:انا كنت واثقه انها بتحبك يايوسف لو بس تشوفها دلوقت
نظر لها ياسين وهى تبتسم شعر براحه كبيره لم يدرى ماسببها وفهم ما ترمى اليه تلك الابتسامه
بعد مرور القليل من الوقت جاء الطبيب وفحص يوسف
الطبيب:متخافوش هو كويس جدا بس هو اترش عليه منوم او اى ماده مخدره لكن مفيش اعراض جانبيه
جنى بإرتياح:شكرا يادكتور يعنى هو كويس،،؟
الطبيب بإبتسامه:مية فل وهيصحى شويه كده ان شاء الله
محمد:شكرا يادكتور
الطبيب:الشكر لله
محمد:اتفضل اوصلك انا
الطبيب:ماشى
ذهب محمد لايصال الطبيب بينما كانت اسماء جالسه على الجانب الاخر وممسكه بيده الاخرى
فجأه بدأ يوسف يحرك عيناه
جنى بسعاده:يوسف صحى
فتح يوسف عيناه ليجد جنى امامه فإبتسم لها وكأنه نسى كل ما كان
جنى وقد بدأت تبكى من جديد:يوسف انت صحيت،،؟
يوسف بإبتسامه:اه ياحبيبتى
بدأ يحاول الجلوس فساعدته جنى حتى جلس
التف حوله الجميع وبدأ يوسف بتذكر ماحدث ثم قال بسرعه
يوسف:فرحه انتى سمعتى كلامهم،،؟
ثم فجأه نظر اليهم فوجد ياسين بينهم
فرحه:ارتاح انت دلوقت يايوسف بس
يوسف بحزن:بما انك هنا يبقى اكيد سمعت كلامهم
ياسين:يوسف محصلش حاجه كام يوم وهنتطلق عادى وبعدين انا اللى طلبت انها تتجوزنى
يوسف بضيق:كل دا بسببى
ياسين بإبتسامه:يابنى انت متضايق كده ليه هو انت اللى اجوزت ولا احنا الله
تنهد يوسف ثم اغمض عيناه قائلا:انا اسف انى حطتكو فى الموقف دا
ذهبت فرحه وجلست بجانبه قائله:انت مجنون اكيد انا اعمل اى حاجه عشانك يابنى وبطل هبل بقا لحسن اقسم بالله هضربك
جنى:حرام عليكى يابت
فرحه:دافعى انتى عنه دافعى
يوسف:هههههههه مجانين وربنا
اسماء:ههههههه اه والله فعلا
ياسين:طب انت حاول تقولنا اى معلومات عن اللى خطفوك احكيلنا عشان نقدر نوصلهم
يوسف:انا كنت رايح عند واحد صاحبى بعد ماوصلت فرحه على البيت قامت عربيه وقفت قدامى فجأه فأضطريت اقف وقومت نزلت من العربيه عشان اقولهم يمشو من قدامى،،اول مانزلت حد جه رش عليا حاجه ومفوقتش الا وانا مربوط فى كرسى وكان فيه راجل قاعد عمال يتكلم فى التليفون كان مش باين لانه كان لابس حاجه على وشه بس انا فاكر كان بيتكلم مع واحده اسمها اسمها مش فاكر
محمد:حاول تفتكر يايوسف ممكن دا يساعدنا
يوسف:لحظه واحده هو كان بيقولها الواد عندنا يا "سلمى" اه كان اسمها "سلمى"
فجأه تذكرت فرحه كلام سلمى حين اخبرتها بأنها ستنتقم منها لكنها صمتت لتتابع الحديث
يوسف متابعا:كان عمال يكلمها عنى بيقولها انهم خلاص خطفونى وبعدين لما شافو انى صحيت قام قفل معاها على طول وجه عندى وقالى بصوت عالى:انت سمعت ايه
يوسف بغضب:مسمعتش حاجه انا هنا بعمل ايه،،؟
اقرأ ايضاً ... حب لايجوز شرعاً "الفصل العشرون" عشق ورومانسية بدون وجه حق
الرجل بسخريه:بتتفسح
يوسف بغضب:بقولك انا هنا بعمل ايه،،؟
الرجل بغضب وهو يضربه بقوه فى بطنه:صوتك دا ميعلاش انت هنا مخطوف لحد ما ناخد الى احنا عاوزينه ولو عاوز تعيش مش عاوز اسمع صوتك
وبعدها مشى هو ورجلين معه ملثمين وقفلو الباب عليا وفضلت لليوم اللى بعده محدش دخل عليا الا لما انا كلمتك وبعدها بشويه تانين جهم عليا وشربونى كوبايه مايه ومش فاكر الا انى صحيت لقيتكو حوليا بس انا كنت سمعتهم من برا بيقولو انهم عاوزين يذلوكى اسم البت ايه دى،،؟
فرحه بسرعه:سلمى
يوسف:اه سلمى دى هى الى طلبت كده
فرحه بحزن:اصلا كله منى انا يعنى انا لولايا مكنش حصل كل دا
ياسين بسرعه:بطلى غباء دى شكلها واحده مختله عقليا
يوسف:بت انتى حصلك حاجه فى عقلك مش كفايه الى ورتطك فيه
فرحه بإبتسامه باهته:ولا يهمك انا شويه وراجعه
خرجت فرحه من الغرفه وتوجهت الى الحمام لتغسل وجهها وعندما غسلت وجهها نظرت الى المرآه الآن انا متزوجه لم اعد كسابقى اشعر بالحزن لاجله فقد تورط معى بالتأكيد الان هو يشعر يشعر لا ادرى بما يشعر الآن ولكن كل ما اعلمه ان ذاك الذى فعله شئ كبير جدا
نزلت دمعه من عينها فغسلت وجهها مره اخرى لتمسحها وخرجت من الحمام لتتفاجأ به امامها ينظر اليها نظره غريبه لم ترها من الكثير من البشر من قبل
فرحه:عاوزه حاجه ياياسين عطشان اجيبلك،،
ياسين مقاطعا:انا مش عاوز حاجه انتى كويسه،،؟
فرحه بإبتسامه باهته:اه كويسه الحمد لله مالى
ياسين:فرحه والله متخافى منى انا عمرى ما هضايقك واتصرفى معايا زى قبل كده عادى
فرحه:والله ياياسين ما خايفه منك ولا حاجه
ياسين:اومال مالك،،؟!
فرحه:مالى مفيش
ياسين:انا عارف ان الموقف دا صعب بس انتى قويه وهتعديه واول ما نقدر نمسك اللى خطفوه وعمالين يهددونا هنتطلق ونرجع زى زمان عادى بس مجبورين نسمع كلامهم بس عشان سلامة الكل
فرحه:شكرا يا ياسين عشان مش اى حد يعمل الى انت عملته انا كده وقفت فى طريقك واتورطت معايا و،،
ياسين بحزم:فرحه انتى لو قولتى الكلام دا تانى انا هزعل منك بجد
فرحه:حاضر
ياسين بإبتسامه:تيجى نتفق اتفاق،،؟
فرحه:اتفاق ايه،،؟!
ياسين:نكون أصحاب ماشى على الاقل الفتره دى
فرحه بإبتسامه خفيفه:اكيد
ياسين بإبتسامه:طب يلا نروحلهم عشا،،
قاطعهم اتصال من هاتف ياسين برقم مجهول
ياسين:ايه الرقم دا،؟
فرحه:رد نشوف
ياسين:ماشى
واجاب ياسين على الاتصال
المتحدث:قررت اغير من فرحه لياسين بما انهم بقو متجوزين اكيد هيكونو سوا دايما
ياسين بغضب:انت ياحقير عاوز ايه تانى،،؟
الخاطف:اهدى بس ياعم عاوزك تاخد عروستك الحلوه وتروحو ع البيت
ياسين بغضب:انت ايه مبتحسش،؟
الخاطف:قدامكو ساعه تروحو فيها والا حبيبه اختك هتدخل فى اللعبه معانا
اتسعت عيناه فى صدمه:ايييييه،،؟ ايه دخل حبيبه؟؟
صدمت فرحه عند سماع كلام ياسين
الخاطف:ساعه تروحو فيها فاضل منها 58 دقيقه
ياسين بقلق على اخته:طيب ماشى هنروح
اغلق ياسين الهاتف
ونظر الى فرحه قائلا:بيقولى قدامنا ساعه نروح وهددنى ب حبيبه اختى
تنهدت فرحه بحزن ثم قالت:يلا نروح
ياسين:معلش والله بس،،
فرحه:ايه اللى معلش انا اللى بيحصل بسببى كل دا تعالى بسرعه ندخل نقولهم
ياسين:تعالى
دخلو سويا اليهم
فرحه:انا هروح معاه دلوقت
بدى على وجوه الجميع الصدمه والجمته بدون ان يتحدثو لمعرفتهم ان الامر مفروغ منه
ثم قال يوسف
يوسف:هتروحى معاه فين؟؟
فرحه:البيت
يوسف بغضب:انتى بتقولى ايه اكيد لا طبعا
فرحه:لا لازم اروح معاه دا كان شرط من الشروط كمان
يوسف بضيق:طب ازاى توافقى بكده لا يافرحه مش هتروحى ويعملو اللى يعملوه
فرحه:مينفعش يايوسف اتصل تانى وهددنا بحبيبه اخت ياسين
وضع يوسف يده على رأسه فى عضم اجم ثم قال:حتى اخته دول عاوزين ايه دول؟
ياسين:متخافش يا يوسف على اختك معايا
يوسف:طب خلى بالك منها يا ياسين الله يخليك اما نشوف الموضوع دا هيخلص امتى
ياسين:ان شاء الله احنا هنمشى احنا دلوقت مع السلامه
يوسف بحزن:مع السلامه
ابتسمت لهم فرحه ابتسامه خفيفه ثم ذهبت معه
شعرت اسماء ان قطعه منها قد سلبت منها ولم تستطع التحمل فخرجت من الغرفه ذاهبه الى غرفتها وخرج محمد خلفها ليهدأها
يوسف بحزن:انا زعلان اوى دلوقت فرحه هتفضل حاسه بأنه ليه فضل عليها انا عارف اختى كويس مش بتحب حد يعمل معاها معروف متعرفش ترده
جنى بحزن:وانا كمان زعلانه اوى عليها بس انا حاسه ان ياسين
يوسف:ياسين ماله؟؟
جنى:حاسه انه بيحبها يعنى مسبهاش للحظه وساعدها وكده مش اى حد يعمل كده
يوسف بإبتسامه:اه ما انا حاسس بكده بردو كنتى شايفاه بيبصلها ازاى؟
جنى:انت خبره نفس النظره
يوسف:ههههههههه طب اسكتى بقا
نظرت له جنى ثم بدأت عيناها تدمعان
يوسف:مالك لا مقصدش اخليكى تعيطى
فجأه ضمته جنى بقوه وهى تبكى لم يستوعب للحظه ماحدث ثم حاوطها بيداه
يوسف وهو يربت على رأسها:مالك ياجنى فيه ايه،،؟
جنى ببكاء:انا كنت عماله ارن عليك من يومها وتليفونك كان مقفول كنت هموت من الخوف عليك و،،
يوسف بحنان:طب انا كويس اهو ياحبيبتى دلوقت متخافيش عليا
ثم شدد من ضمه لها قائلا:وانا اقدر ابعد عن حبيبتى بردو
جنى ببكاء:ولا انا اقددر ابعد عنك
يوسف بمزاح:على كده بقا يومها اما قولتلك تحضنينى كنت لازم اتخطف
جنى وهى تضمه بقوه:بس يامجنون انا هفضل فى حضنك بس انت تفضل بخير
ابتسم يوسف لتذكره فرحه عندما اخبرته انه سيكتشف حبها له بنفسه ثم قال:بحبك يابت والله
جنى بإبتسامه:وانا كمان بحبك ..
****
كان ياسين مع فرحه فى السياره
كان ياسين ينظر اليها بين الحين والآخر ليجدها لا تزال شارده ناكسه رأسها تنظر الى النافذه ..
كانت تنظر من خلال نافذه السياره شارده فى عالم اخر تفكر،،كيف لى الآن ان آآآ ان اكون زوجه لأحدهم انا لم افكر فى يوم من الايام طيله حياتى بالزواج كان دوما هدفى الدائب هو تحقيق النجاح فى دراستى والوصول الى هدفى لكن لكن الزواج
عند تلك النقطه تذكرت المأذون وهو يقول "بارك الله لكما وبارك عليكما وجمع بينكما فى كل خير"
عادت من ذكراها تقول يا الهى ماذا افعل؟ لم ..لم اعد لهذا من قبل بل لم افكر فيه يا الهى ساعدنى
خرجت من شرودها فى واقعها البائس على صوته وهو يقول:بتفكرى فى ايه؟؟
نظرت اليه ثم اتبعت قائله:آآ انا م مفيش مكنتش بفكر
نظر لها ياسين وابتسامه ثقه تعلو وجهه وقال:واثقه،،؟
فرحه بتردد:آآآ اه
اوقف ياسين السياره عند جانب من الطريق ثم اسند رأسه الى الخلف حتى وصل الى ظهر الكرسى وتنهد ثم قال:فرحه
فرحه بذهول لايقافه السياره:نعم،،؟!
ياسين وهو ينظر امامه:انتى خايفه من ايه،،؟
فرحه:مش خايفه
ياسين:احنا دلوقت مش صحاب!!
فرحه بسرعه:اه طبعا
ياسين:يبقى قولى انتى متضايقه من ايه؟
فرحه بتردد:م مش مت،،
ياسين مقاطعا:فرحه متقوليش مش متضايقه تانى
فرحه بخجل:معرفش ازاى اكون متجوزه اق اقصد ان انا عمرى ما رتبت للفكره دى و..
ياسين بتفهم مقاطعا:فرحه انا مش قلتلك احنا صحاب بس متحسسيش نفسك بأنك متجوزه اليوم دا من حياتك لو بيضايقك اوى امسحيه من ذكرياتك وافتكرى احنا صحاب بس و..............................!!!!؟؟
اتمنى تكون الحلقه النهارده دخلتكم في جو حب ورومانسية جميل واللي حابب يتايعها هتنزل كل يوم في نفس المعاد وتقدروا تتابعوها من خلال صفحتنا على الفيس بوك
إرسال تعليق
يسعدنا تلقي اقتراحاتك أو تعليقك هنا