قصص رومانسية جريئة ممنوع دخول الأطفال

الحب الافتراضي هكذا اطلق عليه دائما ..فهو ليس اكثر من نوع من انواع التعود..ممكن يكون تعود على صوره رسمنها بخيالنا 

,صوره تكون بعيده كل البعد عن ارض الواقع ..ترددت كثير قبل ان افتح هذا الملف , ملف الحب عن طريق النت ..لكن ازدادت الرسائل بشكل مرعب وكل هذه الرسائل تتمحور حول نفس الفكره (حب الانترنت).

وصلتني رساله من فتاه فى عمر الزهور تقول فيها؛-

انا فتاه عمري 20 عام حبيت واحد عن طريق الفيس بوك..اول مااتعرفت عليه عن طريق احد الجروبات

كنت رافضه تماما بس هو قدر يخليني احبه وهو قالي بحبك في الاول 

بعد كدا كنت عايزه اشوف صورته قبل مانكون بنحب بعض كان لسا الموضوع ف الاول 

شوفت صوره ليه وهو ف الشغل واتعلقت بيه جدا ,طلبت كمان واحده لان ملامحه مكنتش واضحه قالي مش بتصور مش بيحب الصور خالص ومفيش عنده ولا صوره تانيه.

 في الاول الموضوع كان بالنسبالي عادي يوم عن يوم شهر خلاص انا عايزه اشوف اللي بحبه ده كنت بطلب كتير اوي بس مافيش فايده بردو في الاول كان بيكلمني ومهتم بيا مره عن مره قل كل ده كنت عايزه اشوفه وطلبت نخرج مع بعض كان بياجل الموضوع ده رغم اننا من نفس البلد علي كلامه وروحت الشغل بتاعه وبحثت عنه علشان اوصله ومعرفتش اوصل واتصل على تليفونه مقفول وروحت وعرفته ومهتمش خالص ونزلت تاني ورنيت عليه وقالي مش هاجي يلا روحي ورفض يشوفني لحد دلوقت مبقاش عندي اي امل كرهت نفسي كل يوم ف خناق بسبب ان عايزه اشوفه وهو رافض. وصلت لدرجه اني بطلب منه يفتح فديو اشوفه مبيوافقش بيقولي كاميرا التليفون بايظه 

كل ده كوم وان انا معرفش عنه حاجه خالص بيرفض يتكلم معايه حتي عن حياتنا لما نتخطب ده لو حصل .

انا عندي احساس ان ده واحد بيلعب بيا بس بموت فيه والله بحبه جدا جدا جدا انا حاليا مش بكلمه عشان قلبي واجعني بموت والله العظيم مش عارفه ابعد عنه بردو 

لدرجه اني طلبت منه صوره البطاقة رفض .انا مخنوقه ومش عارفه اعمل ايه؟

راى ماما نونا

حبيبتى انتى مش بتحبيه انتى اتعودتى عليه فقط..اتعودتى على اهتمامه بيكى وكلامه الحلو..ابنتى الغاليه انتى غلطانه..باى وجه حق تذهبى تبحثى عنه؟ 

انتى اتعلقتى بشخصيه وهميه رسمتيها فى خيالك وهو بعيد كل البعد عن الصفات دى ممكن جدا يكون راجل كبير ومتجوز وممكن يكون شاب مراهق والاكيد ان الصوره اللى ارسالها ليست صورته.كونى ملكه ياعزيزتى ولا تنساقى وراء العواطف وحكمى عقلك..وخديها قاعده,اللى هيحبك هيبحث عنك وهيدخل بيتك من الباب.

يسعدنا تواصلكم معانا ونرحب باي تعليقات على مشكلة اليوم.

ممكن تتواصلوا معانا دايما هنـــــــــــا

او على صفحتنا فى فيس بوك