مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة لولو الصياد علي موقعنا قصص 26 و موعدنا اليوم مع الفصل الثالث من رواية صخر بقلم لولو الصياد.
رواية صخر بقلم لولو الصياد (الفصل الثالث)
اقرأ أيضا: رواية زواج بالقوة بقلم لولو الصياد
 |
| رواية صخر بقلم لولو الصياد |
رواية صخر بقلم لولو الصياد | الفصل الثالث
ركبت روفيدا وهي تشعر بالغضب من حديث صخر لها
تالين وهي تنظر لها بتعجب
تالين ...هموت واعرف ليه كل ما انتي وصخر تتكلموا تبقي متعصبه كده
روفيدا ...عشان اخوكي ده مستفز
تالين .....هههههههه طيب ايه هنروح فين الاول
روفيدا ...هنروح النادي وبعدين نروح لدكتور جنب النادي سمعت عنه كتير للتخسيس
تالين ...اوك
اخبروا السائق عن وجهتهم وانطلقوا .....
............
في مجموعه شركات العراقي هاهو صخر العراقي يدخل ويرتدي بدله باللون الكحلي كان رائع الجمال يمشي بكل ثقه وكبرياء ولكن عقده حاجبيه تلك لو يبتسم قليلا فقط لكان رائع الجمال اكثر واكثر
كان يجلس بغرفه مكتبه يراجع بعض الاوراق
حين دخل عليه مساعده الخاض وهو من ايام جده ولكن لا يشعر بالراحه له يدعي كامل رجل في الخمسين تقريبا ولكن تصرفاته تجعل الشك يصيب صخر من ناحيته
كامل ...صباح الخير
صخر وهو يرجع ظهره الي الخلف وينظر له بتقطيبه ...صباح النور
كامل وهو يجلس امامه
كامل .....الاجتماع جاهز
صخر ...اه كويس وانت واثق من الشركه دي .
كامل ...متقلقش علي ضمانتي
صخر في نفسه .. ماهو ده اللي مخوفني .
صخر بجديه ...عمتا هنشوف
كامل بلهفه ....انتم هتمضوا العقود انهارده صح
صخر ...بنفي .. لا انهارده انا جيبهم عشان نتكلم وبصراحه حابب اقيم شخصيتهم
كامل ...بتوتر. ..اه .
صخر ....وبعدين نشوف
كامل ....دي صفقه هتجيب فلوس كتير .
صخر .. ومين قال اني بكره الفلوس لا طبعا بس لما ابقي مش مرتاح لحد مش هشتغل معاه غير لما اشيل عدم الارتياح ده
كامل .. بس من وجهه نظري شركه ممتازه وصفقه كويسه
صخر ..وهو ينهي الكلام. ما قلتلك هنشوف
كامل.....بضيق ...عمتا براحتك ذي شركتك وانت حر .
صخر... خمس دقائق واكون في غرفه الاجتماعات
كامل . تمام
خرج كامل بينما نظر صخر خلفه وهو يشعر ان خلف ذلك الرجل سر ما ولكن سيعلمه ويكتشف حقيقته قريبا
........
كانت روفيدا وتالين ينتظرون بالخارج حتي ينتهي الطبيب من الحاله التي تسبقهم
واخيرا حان دورهم دخلت روفيدا وتالين
نظرت روفيدا لطبيب كانها تعرفه وهو ايضا نظر لها بتدقيق من تلك الفتاه
واخيرا تحدثوا بصوت واحد
ماجد ...روفيدا
روفيدا ...ماجد
تالين بتعجب ...انتم تعرفوا بعض
حينها اقتربت منه روفيدا دون شعور وارتمت بحضنه فكان هو شقيقها الاكبر الذي لن تنساه ابدا نزلت دموعها بينما ابتسم ماجد وقال
ماجد بمشاكسه ...انتي علي طول كده غاويه تبوظي هدومي
ابتعدت عنه روفيدا ونظرت له كان يرتدي بالطوا ابيض ولكنه رائع الجمال بشعره البني المصفف بعنايه وعيونه العسليه الفاتحه وبشرته القمحيه وذقنه الخفيفه كان جميل جمال شرقي رائع يشبه الي حد كبير احمد عز الممثل
روفيدا ...اخبارك واخبار طنط سميره
ماجد ...كويسه عارفه دايما تجيب سيرتك
تالين ...احم ...نحن هنا علي فكره انا المريضه .انفجروا بالضحك من كلام تالين
جلست تالين وروفيدا بينما جلس هو خلف مكتبه
روفيدا ...عمري ما توقعتك تطلع دكتور كنت مفكره هتكون بلطجي
ماجد بضحك ...وانا عمري ما كنت اصدق انك تسرحي شعرك ههههههههه
روفيدا بغضب ...ماجد
ماجد ..وهو يمثل الخوف
.خلاص خلاص اسف مش عاو اضرب زي زمان
بينما كانت تالين تتابعهم
وتضحك واخيرا نظر لها ماجد كانت رغم انها سمينه ولكن يري الحياء بها والجمال والابتسامه الرائعه ولا ينكر انه انبهر بجمال روفيدا ولكن حين نظر الي تالين وجد الجمال الحقيقي
ماجد ....انتي بقي بتاكلي ازاي
حكت له تالين كل شيء عن اكلها وعند خزنها تاكل اكثر وانهت لا تستطيع الانتظام علي رجيم
نظر لها ماجد بدقه وابتسم ...ده حال كل البنات بس صدقيني المره دي هتختلف لان هكون معاكي خطوه بخطوه وانا عندي نظام مختلف كل يوم هتيجي هنا ساعتين العياده عامل جزء هنا لاجهزه التخسيس وبتابع الحالات وايه الجهاز المناسب وهكون معاكي وهتخسي يعني هتخسي
تالين ...وهي تاخد نفس عميق ووجها احمر من الخجل لنظر ماجد لها
تالين ...وانا معنديش اعتراض طالما هخس فعلا
........
علي الجانب الاخر
كان صخر يجلس بتعب بمكتبه بالشركه حين دخلت السكرتيره عليه
السكرتيره....صخر بيه
صخر وهو ينظر لها ويخلع نظارته فقد كان يقرا احدي الملفات ولا يستطيع القراءه دونها
صخر ...نعم
السكرتيره ...في واخد بره عاوز حضرتك
صخر ..بتعجب ...مين ده
رد صوت من خلف السكرتيره ....انا
........
*********************
إلي هنا ينتهي الفصل الثالث من رواية صخر بقلم لولو الصياد
تابعوا صفحتنا على الفيس بوك للمزيد من الروايات الأخري
أو أرسل لنا رسالة مباشرة عبر الماسنجر باسم القصة التي تريدها
تابعوا صفحتنا على الفيس بوك للمزيد من الروايات الأخري
أو أرسل لنا رسالة مباشرة عبر الماسنجر باسم القصة التي تريدها
اقرأ أيضا: رواية ملاذى بقلم دينا إبراهيم (روكا)
إرسال تعليق
يسعدنا تلقي اقتراحاتك أو تعليقك هنا