مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة هاجر عبدالحليم علي موقعنا قصص 26 و موعدنا اليوم مع الفصل الأول من رواية اختلاف القلوب وتحدى القدر بقلم هاجر عبدالحليم.
رواية اختلاف القلوب وتحدى القدر بقلم هاجر عبدالحليم - الفصل الأول
اقرأ أيضا: رواية عشق الزين (الجزء الأول) بقلم زيزي محمد
 |
| رواية اختلاف القلوب وتحدى القدر بقلم هاجر عبدالحليم |
رواية اختلاف القلوب وتحدى القدر بقلم هاجر عبدالحليم - الفصل الأول
صباح الخير ياست مروة
بصتله ب فرحة كبيرة مقدرتش اخبيها
صباح الفل ياعم فتحى ايه التاخير دة يومين بحالهم ياقاسى مش بشوفك
ضحك ضحكة عفوية منه ع الرغم من الحزن الظاهر ع وشه
متزعليش منى ياست مروة والله ربنا وحده العالم بظروفى مراتى تعبت فجاه والنصيبة اكتشفت انها عندها يعنى بعيد عن السامعين كلى ولازم تغسل 3 ايام ف الاسبوع وانتى عارفة غسل الكلى غالى ازاى يلة ربنا يقوينى عليها بس امانة عليكى ياست مروة قولى لرعد بيه ميخصمش حاجة من الفلوس اللى بيدهانى دة الواحد ف عرض قرش
حسيت بشفقة ع الراجل الطيب اللى قدامى دة
متزعلش ياعم فتحى اصبر ع قضا ربنا وان شاء الله هو هيحلها من عنده ومش عايزاك تشيل هم الفلوس ابدا احنا اهل لازم تعرف كدة كويس
بصلى ب اهتمام وقال بحسرة:لا ياست مروة اوعى تفتكرى انى بقولك كدة علشان اخليكى تدينى فلوس حاشا لله انا بس بفضفض معاكى شوية علشان بحسك زى بنتى انتى عارفة انى ربنا مرزقنيش بعيال
بصتله بصدمة بس حاولت اهزر معاه شوية ع الاقل اخفف عنه الحرج دة شوية
شوف الراجل بيقولنى كلام مقولتوش ازاى...ياعم فتحى انا زى بنتك ولو احتجت حاجة من العين دى قبل العين دى
ضحك ضحكة خفيفة وقال:ربنا يخليكى يابنتى وجودك بيخلينى احس انى مش لوحدى ف الدنيا دى...تربية رعد صحيح
ضحكت بصوتى كله وقولت:ماشى ياعم فتحى يلة بقا روح شوف شغلك علشان تعوض اليومين اللى فاتوك
قالى ب استسلام:حاضر ياست البنات
ومشى وسابنى ف حيرة من امرى الحمد لله يارب ع نعمة الصحة والستر اللهم ديمها نعمة
فجاه تليفونى رن ببص لقيتها صاحبتى ميار
الو عايزة ايه يابت ع الصبح
يالهوى ...بت هو انتى عندك زهايمر ياعينى عليكى ياحبيتى... لسة صغيرة معلش هى الدنيا كدة
كانت عاملة نفسها مصدومة وزعلانة عليا
قولتلها بسخرية:ميصعبش عليكى غالى ياغالية وبعدين انا مش عندى زهايمر ولا حاجة..بس الفكرة انى مينفعش اروح الدرس دة ابدا...علشان بعيد عليا ورعد مش موافق قالى ييجى عندك يااما لا
حاولت تسخنى عليه وفعلا نجحت ف دة
ياسلام هو مين اصلا علشان يتحكم فيكى دة حيالة ابن عمك
قاطعتها وقولتها:لا ياميار دة مش ابن عمى بس دة هو اللى ربانى
قالت بسخرية:ايه الاوفر دة..دة فرق السن مابينكوا عشر سنين مش خمسين سنة...وبعدين انا هكون معاكى وهخلى بابا يعدى عليكى ياخدك وكمان هيوصلك للقصر تانى عايزة ايه اكتر من كدة..وبعدين دة درس خصوصى ومادة صعبة فلازم تروحى الدرس دة...والله مدرس تحفة جدا بجد
اقتنعت وقولت:بس خايفة من رعد...قسما بالله هيشلحنى لوعرف
ههههههههههه بت هو انتى متاكدة انك من عيلة الرملى...جيبنى اللفظ دة منين
قولتلها ببراءة:من التليفزيون هيجيبه منين يعنى..بقولك ايه هو رعد اصلا مش موجود معرفش اصلا هو بيروح فين...هروح استاذن من مرات عمى واكيد هى مش هتمانع ومستنياكى اوك
اوك ياروحى يلة سلام موقت
سلام
قغلت معاها وانا قلقانة حرفيا بس انا مش بعمل حاجة غلط...دة درس خصوصى مش رايحة ديكسو انا علشان يقلق عليا ويفضل عايشلى ف دور سى السيد طول الوقت
روحت واستاذنت منها كانت مترددة شوية بس لما عرفت ان والد ميار هيودينى ويجيبنى اتطمنت وفعلا روحت وخت الدرس الصراحة استفدت جدا اى نعم الشارع كان صعب اوى وضيق وريحته لا تطاق بسبب ريحة الشيشة والسجاير اللى طالعة من القهاوى...وكمان المعاكسات اللى بتخلينى احس بغثيان كلامهم مقرف اوى..بس الحمد لله روحت القصر وياريتنى موصلت
طيب انتوا كدة عرفتونى وعرفتوا رعد اسيبكم بقا مع اسد ومراته جيسى اسد يبقى اخو رعد والاتنين شغالين ظباط شرطة بس رتبة اسد اعلى من رتبة رعد نلتقى بقا مع بعض ف خناقتى انا ورعد
فى اوضة اسد
صحيت من النوم لقيت مراتى وحبيبت قلبى ف حضنى بوست راسها وانا بدعى ان ربنا يديمها نعمة ف حياتى قربت منها وهزيتها بخفة علشان تصحى
جيسى.حبيتى اومى ايه هنقضى اليوم كله نوم ولا ايه
لقيتها دفنت راسها ف صدرى وقالت بصوت ناعس
شو بدك منى هلا الله يرضى عليك بدى نام
ضحكت من طريقة كلامها وقولت بمكر
تمام طالما حبيتى عايزة تنام يبقى نوم بنوم بقا
قربت منها هى اتكسفت وقامت مرة واحدة من ع السرير
عن جد حدا كتير غليظ انت شو كينت عم تعمول
غمزتلها وقولت كنت بصحيكى ياروحى ع العموم كويس انك صحيتى ف موضوع عايز اتكلم معاكى فيه
قربت منى وقعدت ع طرف السرير وقالت:فى شى صاير معك مو منيح..احكيلى
حسيتها قلقانة مسكت ايدها وقولت:مفيش حاجة ياجيسى بطلى القلق دة...انا بس كنت عايز اتكلم معاكى بخصوص علاقتك مع اهلى احنا اهو دخلنا ع شهرين متجوزين وانتى مش بتتكلمى معاهم خالص حتى مروة اللى الناس كلها بتاخد عليها بسرعة
قالتلى بحسرة:انت مفكير انه انا ما بدى اقرب من عيلتك لا الموضوع مو هيك بنوب...انا بس خايفة منون عن جد...خايفة يصدونى وما يتقبلوا الكلام معى مشان هيك ما حبة اتكلم معون
حبيتى دول اهلى وانا عارفهم كويس...ناس طيبين ومش عايزك تفتكرى علشان انتى لبنانية ومسيحية الديانة هما مش هيتقبلوكى الموضوع ملهوش علاقة ولا ب دين ولا ب بلد انتى فاهمة بس احنا علشان اتجوزنا بسرعة وف لبنان فجيت قولتلهم اتجوزت عايزة يعملوا ايه بقا
حسيتها ارتاحت بسبب كلامى وقالت:خلاص راح اعمل اللى بدك ياه
بوست راسها وقولت:ربنا يخليكى ليا
فى صالة القصر
البت دى ناوية ع قتلها اقسم بالله هى ليه مش بتسمع الكلام هى فاكرة انى اقدر اعمل فيها حاجة وحشة... دى بنتى اللى بخاف عليها من الهوا...مش بقدر استحمل عليها حاجة...ودلوقتى ارجع الاقيها عملت اللى فدماغها وراحت ماشى يامروة
خرجنى من تفكيرى صوت اسد وهو بيقول:براحة عليها يارعد
بصتله بحدة وقولت:هتخاف عليها منى
بصلى بصدمة وقال:مين قال كدة....انا بس عارفاك عصبى وخايف تتهور عليها
اتهور عليها...اتهور ع حتة منى
قولتله:اسد محدش يدخل بينى وبين بنتى انا اللى ربيتها لما عمك سافر علشان يتجوز واحدة اجنبية بعد م مراته ماتت وهى بتولد مروة...وسابها ليا...مروة بنتى انا وبس فاهم
لقيته ضحك بصوته كله وقال:بقا رعد اللى بس اسمه بيتسمع بيتهزله رجالة بشنبات...حتة بت تعمل فيه كدة....وبعدين مروة مراحتش كدة من نفسها هى استاذنت من ماما فبلاش تكبر الموضوع
قولتله:لما تيجى بس يحلها حلال...اه صح انهردة ريان جاى من السفر هنخلص الشغل وبعد كدة هنروح نجيبه تمام
قالى:وحشنى ابن الايه
قولتله:وحشنا كلنا والله ياأسد
لقيت اسد بص ف الساعة:انا رايح ع القسم ساعة كدة وحصلنى
قولتله:تمام
مشى اسد وسبنى واقف ف مكانى مستنى الهانم...وفعلا جات
فى المطبخ
انا أميرة 25 سنة خريجة اعلام بس قاعدة مش بشتغل بساعد ماما ف شغلها..ايوة احنا بنشتغل خدامين ف قصر الرملى بس الصراحة عمرى محسيت الاحساس دة ابدا..بحس انى قاعدة ف بيتى...مروة بحبها وهى بتحبنى وسواء رعد وأسد بحسهم اخواتى وسندى لكن ريان...ااااه انا بعشقه... سافر وبعد عنى 10 سنين عرفت انه هبيجى انهردة قد ايه انا فرحانة جدا ونفسى اطير طيران لا انا بطير فعلا...انا ممكن ع فكرة اشتغل بس انا مش حبة امشى من القصر دة انا روحى فيه وع امل ابقى واحدة من عيلته ف يوم من الايام
فى الصالة
دخلت القصر لقيت رعد قدامى ووشه مش بيدل ع الخير ابدا
قرب منى وقال بحدة:كنتى فين
بلعت ريقى بصعوبة عينى بتدور ع مرات عمى مش لاقياها...يارب انجدنى من المصيبة دى
لقيته زعق وقال:كنتى فين يامروة انطقى لسانك اللى اطول منك دة ساكت ليه...قوليلى عصيتى امر من اوامرى ليه
لقيت طنط ثريا وجيسى مرات اسد قدامى
يارب حد ينجدنى من الرعد اللى قدامى دة
لقيت طنط ثريا قالت:فى ايه يبنى مالك...هى راحت درس ومكنتش لوحدها كانت معاها واحدة صحبتها انت مكبر الموضوع ليه
لقيت رعد بيكلم والدته بس لسة حاطت عينه ف عينى:انا مكبر الموضوع علشان مروة جات وقالتلى وانا قولتلها لا علشان الحارة اللى كانت بتاخد فيها الدرس كانت مشبوهة..فكان ممكن يحصلها حاجة
قولتله:انا اهو قدامك مفيش حاجة حصلتلى...خلاص عدى الموضوع
لقيته زعق ف وشى وقال:لا مش هعديه يامروة وانتى هتتعاقبى ع اللى عملتيه
اتصدمت من كلامه عقاب...عقاب ايه؟! انا مش صغيرة علشان اتعاقب هو فاكر نفسه مين؟!
حاولت اكون شجاعة قدامه حتى لو كانت مش دى الحقيقة
مش هتعاقبنى يارعد انا مش عيلة صغيرة وبعدين والد ميار صاحبتى مسابناش كان معانا خطوة بخطوة اى نعم كان فى ناس شكلهم شمال بس ربنا كان حامينى...رعد كفايا لو سمحت
جيت امشى بس لقيته مسك دراعى وشدنى ليه تانى وقرصنى جامد.لقيت نفسى بعيط اصل القرصة كانت جامدة اوى
اااااه رعد ايدك تقيلة...حرام عليك انت ليه هتخلينى اكره عيشتى معاك
بصلى بحدة وقال:انا كل اللى بعمله دة علشان خايف عليكى ياغبية...بقولك ايه اطلعى اوضتك ومتخرجيش منها من غير مقولك
بصيتله ومعلقتش لقيته زعقلى للمرة التالتة وقال:خشى يامروة بلاش حرقة دم انا مش ناقص
اترعبت وطلعت اوضتى وانا ف قلبى حسرة مش فاهمة الشخص دة بحبه ازاى؟!
ع فكرة محدش يقول عليا قاسى انا مغلطتش معاها واللى عملته شى طبيعى...هى لسة عيلة صغيرة مش فاهمة حاجة...لما تكبر وتتجوز ساعتها انا هعفى نفسى من مسوءليتها لكن لحد م اليوم دة ييجى هى هتفضل بنتى.سيبت والدتى ومرات اسد واقفين ومشيت برة القصر رايح ع القسم
فى المطبخ
كنت قاعدة بتكلم مع ماما لقيت طنط ثريا جات
أميرة اطلعى لمروة شوية
كنت عرفة انها عايزانى اواسى مروة...اصلا صوت رعد ومروة كان عالى اوى
قولتلها:حاضر ياطنط..عن اذنك
خرجت من المطبخ بس لقيت نفسى وقفت لما سمعت سيرة ريان
ثريا:بقولك ياسميرة عايزاكى تكترى ف الاكل انهردة ع قد متقدرى وبالذات المحشى انتى عارفة ان ريان بيحبه من صغرة
سميرة:من عينى ياست ثريا الواحد والله مش مصدق ان ريان بيه اخيرا البيت هينور بيه من تانى
ثريا بفرحة:بقا دكتور قد الدنيا....هييجى يلاقى كل حاجة مستنياه وكمان عروسته اللى دايما بيكلمنى عنها...انا جهزتله كل حاجة
سميرة بفضول:مين دى ياست ثريا
ملحقتش اعرف اسم مين اللى بيتكلموا عنها علشان الباب كان بيخبط فروحت افتح...مين دى اللى هتاخد ريان منى...لا يستحيل انا مش هسمح بدة..ريان حبيبى انا
روحت علشان افتح الباب لقيت ف وشى ميرا بنت عم اسد ورعد ومروة واعز صديقة عندى...منخرجين مع بعض شغالة صحفية قد الدنيا...بس انا مش بحب مجال الصحافة انا بحب تصميم الحفلات ع الطريقة الهندية وكمان تصميمات الملابس ب كل انواعها...ونفسى احول حلمى دة لحقيقة ف يوم من الايام
ميرا بصت عليا وحضنتى وفضلت تلف بيا وصوت ضحكاتها مالى القصر
قولتلها وانا بضحك:فى ايه مجنونة مالك..فهمينى
قالتلى:يييااااى انا مبسوطة اوى اوى مش مصدقة انى خلاص هتجوز حب حياتى...انا خلاص ف طريقى لقفص الزوجية
بصتله بصدمة وقولت:اه ياندلة بتحبى من ورايا...وياترى مين سعيد الحظ اللى هياخدك
بصلتلى وقالت:بتتريقى عليا...ع فكرة هو فعلا سعيد الحظ..ومش هتصدقى مين ريان...ريان يااميرة اللى كان بيلعب معانا واحنا صغيرين دلوقتى بقا دكتور قد الدنيا واول مييجى هيكلم بابا ويحدد ميعاد كتب الكتاب والفرحة الكبيرة
وحضنتى وقالت:مش عايزاكى تزعقلى منى اصلى كنت عايزة اعملهالك مفجاه...وليكى انتى بالذات علشان كنتى بتقولى ان ريان مستحيل بحبنى علشان كنت مسترجلة وانا صغيرة هههههههه شوفتى الدنيا
انا مكنتش ف الدنيا اصلا اسم ريان بقى صدا بسمعه ف كل انحاء ااقصر...معقولة اعز صديقة عندى اللى كل منايا اشوفها مبسوطة الاقيها بتحب ريان...يارب اعمل ايه...ليه يارب حكمت عليا ان احب واحد قلبه مش معايا...ااااه اللهم لا اعتراض صبرنى يارب
حاولت اكون مرحة رغم السكاكين اللى بتنهش فيا
الله يسهله ياعم...وع كدة كنت بتتكلموا مع بعض من ورايا
فصلت تزغزغنى وانا اجرى منها واضحك وخايفة الضحك يقلب معايا بعياط
هههههه خلاص ياميرا
قولى مش زعلانة قولى بسرعة
ههههه خلاص مش زعلانة كفايا بقا
سابتنى وقالت:اومال المجنونة بتاعتنا فين
ضربت راسى بخفة وقولت:يالهوى دة انا نسيت خالص دى كانت لسة متخانقة مع رعد حالا
قولى حاجة جديدة يابنتى دول 24 ساعة خناق
مسكت ايدها وقولت:بطلى لماضة ويلة خلينا نطلع نشوفها
فى القسم
كنت قاعد ف المكتب انا وعمر بنتكلم مع بعض
قالى:عرفت توصل لحاجة يارعد
قولتله وانا بفرك دقنى دليل ع التفكير:لا معرفتش
قالى:هههههه ياسلام وعمال تفرك ف دقنك...دة انا قولت الواد هيجيب فكرة ف الجون نعرف نمسك بيها اللى ميتسمهاش
قولتله:ياعم معندناش اى دليل ضده...لازم نلاقى دليل او حتى واحد قريب منه نعرف نوقعه من خلاله
قالى:ع فكرة سهلة
قولتله ب اهتمام:هى ايه دى اللى سهلة
قالى:لما ييجى اسد هيقولك كل حاجة...بس ع فكرة الراجل دة لازم يقع تحت ايدينا ف اسرع وقت ونشمعله المستشفى اللى هو فرحان بيها دى بالشمع الاحمر
قولتله:اخلص واتكلم بسرعة...انا ع اعصابى
مرة واحدة لقيت اسد داخل علينا
صباح الفل
قعد ع الكرسى اللى قدامى وقال:اتفضل شوف ملف البت دى
بصيت ع الملف وبحلقت فيه جامد بصتله وقولت:ايه دة
قالى بتركيز وعملية:نوسة شغالة رقاصة ف كباريه.......هى دى اللى تقدر توقع بيها الزفت غسان
قولتله ب اهتمام:ازاى بقا ياحدق
غمزلى وقال:انت ادرى ياساحر النساء
ضحكت وقولتله:ااااه فهمتك بس انت ايش عرفك انها هتقدر توصلنى لحاجة
قالى:مش هتخسر لو جربت بس حاسب اوعى تغلط اظن فاهمنى
ضحكت بصوتى كله وقولت:لا ياراجل اومال هروح عندها علشان العب معاها استغماية مثلا
قالى:لا يارعد حاول تتفادى غلطة زى دى وبعدين حاول تروح الكباريه وبطريفتك توديها للمكان المطلوب بس حاسب علشان رجالة غسان
لا من ناحيادى اطمن....بس نوسة دى ليها علاقة قوية بغسان
قالى:عشقيته وتعرف كل حاجة عنه من الالف للياء بس اجهز انت علشان هتعمل الموضوع دة بكرة ومتنساش دى قضيتك انت....يعنى الترقية هتعود عليك مش عليا انا بس بساعدك
قولتله:خلاص تمام..خير ان شاء الله
قالى:ان شاء الله
فى شقة مشبوهة نايم واحد وفحضنه واحدة وباصص ف السقف وبيشرب سجاير فجاه تليفونه رن
الو
ايوة ياباشا عندى ليك خبر بمليون جنيه
خبر ايه دة
لا ياباشا انا عايز حلاوتى الاول
اسمع الخبر الاول وبعد كدة هشوف موضوع حلاوتك دة ايه
ماشى ياباشا وقاله كل اللى سمعه وهو بيتصنت ع رعد واسد
ضحك بمكر وقال:للاسف فاكرين نفسهم اذكيا وهما اغبيا..خليك هناك واعرف كل الاخبار وقولى عليها اول ب اول...ومتنساش حلاوتك هتوصلك
طب ممكن اعرف ايه اللى فى دماغك
اللى ف دماغى حاجات كتير بس ع حسب تصرف نوسة انا هتصرف يلة اقفل بلاش وجع دماغ
اشطا ياباشا يلا سلام
قفل معاه ورن على
الو....بقولك تبقى ف الكباريه بكرة...وعينك متنزلش ع نوسة...واوعى تعرف حد انك مراقبها....انت فاهم.....اى غلطة هتكون حياتك هى التمن...سلام
فى العربية
كنت سايق العربية ومش بتكلم خالص
فجاه اخويا اسد اتكلم وفتح معايا كلام
قالى بهزار:رعد هو انت مش ناوى تتجوز ولا ايه...ع فكرة البنات كتير اوى...وكمان أمى عايزاك تتجوز ف اسرع وقت..حبة تشيل عيالك
كلامه صدمنى وف نفس الوقت اثار اهتمامى
بصتله وقولتله:انا مش هتجوز الا لما مروة تتجوز واطمن عليها دة اول حاجة تانى حاجة ان مفيش بنت لحد دلوقتى قدرت تخطف قلبى ف هتجوز ع اى اساس بقا؟!وبالنسبة ان والدتك حبة تشيل عيالى انا ...لا تقدر انت تخلف وتشيل عيالك بدالى
بصلى بحسرة وقال:وهخلف منها ازاى مش الاول اهلى يرضوا عنها..انا عارف انى اتجوزت بسرعة اوى ومراعتش وجود اى حد ف العيلة بس هى خطفتتى ولقيت نفسى تانى يوم عرفتها فيه بطلب منها الجواز
حسيت بحسرته فقولتله كلام ناتج عن حبى ليه
اسد صدقنى اهلنا ناس كويسين وع فكرة لو جيبت الغيل اللى هما بيحلموا بيه صدقنى كل شى هيتغير وانت قول لمراتك تحاول تقرب من عيلتتا وان شاء الله خير
حاول يغير مجرى الموضوع معرفش ليه السبب
وقال:ع فكرة احنا عندنا ليك عروسة حلوة
قولتله بفضول:مين؟!
قالى وهو ببراقب ملامح وشى ب اهتمام
مروة
انتوا سمعتوا اللى قالوا مروة...مروة اللى بحبها زى بنتى...اتجوزها..سيبكوا من كل دة اتجوز طفلة.. لا يستحيل...انا مش بحبها الحب اللى هما فاكرينه...دى اتربت ع ايدى
قولتله وانا بحاول متعصبش عليه لمجرد طرح الفكرة السخيفة دى
اسمع يااسد كانى مسمعتش اى كلمة قولتها.واقفل بقا ع الموضوع وخلينا نروح المطار نجيب ريان الوقت بيسرقنا
قالى:براحتك انا عملت اللى عليا
وفضلت سايق وانا عمال بفكر ف مروة..مش عايزة تطلع من دماغى
فى قصر الرملى
ف المطبخ
ثريا كانت واقفة ف المطبخ مع سميرة فجاه تليفون البيت رن فراحت علشان تشوف مين
ثريا:الو
عبدالرحمن:ايوة يامدام ثريا هو عزيز مش هنا
ثريا:لا والله مس هنا..بس دة ميعاده ع العموم ممكن ييجى دلوقتى ان شاء الله..وبعدين تعالوا احنا مستنينكوا علشان ريان اول مييجى يلاقوا عيلة ميرا مستنين وجوده ويقدر يتكلم معاكوا بخصوص جوازه منها
عبدالرحمن:هى ميرا عندكوا مش كدة؟!
ثريا:ايوة مع البنات فوق...انت عارف هما بيحبوا بعض قد ايه...بقولك ياعبدالرحمن فكرت ف الموضوع اللى اتكلمت معاك فيه؟'
عبدالرحمن:قصدك بخصوص خطوبة اسر واميرة
ثريا:ايوة انت عارف ابنك اسر بيحب اميرة من وهو صغير انا عايزاها تبقى واحدة من العيلة دى ف اسرع وقت انت عارف البنات بيحبوها قد ايه...وهى كمان بتحبهم
عبدالرحمن:بصى اميرة بنت كويسة ومتعلمة وموهوبة وغير دة كله ابنى بيحبها ومش هلاقى عروسة احسن منها لابنى بس نشوف موضوع ريان وميرا الاول...علشان اميرة لسة متعرفش حاجة فنديلها شوية وقت
ثريا:تمام سلملى ع ياسمين عقبال مشوفها انتوا تلبسوا بسرعة وتيجوا تمام
عبدالرحمن:باذن الله..يلة سلام
ثريا:سلام
ف اوضة مروة
كنا قاعدين بنهزر ونضحك فجاه تليفون ميرا رن من ملامح وشها عرفت ان ريان بيتصل..مقدرش اوصف كم الحزن والحسرة اللى ف قلبى بس مش هقدر اتكلم
لقيتها بصيت علينا بفرحة وقالت:دة ريان اللى بيتصل
مروة بهزار:الله عليك يابرنس...بقا عندنا جو اهو
قولتلها:ياهبلة دول بيتكلموا مع بعض من زمان بس للاسف احنا مكناش نعرف
مروة حطيت ايدها ع بقها وهى بتمثل الصدمة:يالهوى اهلك مكنوش عرفين ياميرا
ميرا ضربتها بخفة ع راسها وقالت:لا كل العيلة عارفة بس ميعادها انتى وأميرة كنت حبة اعملها مفجاه ليكوا
غمزتلها وقالت:لا ومش اى مغجاه...دى مفجاه ف الجون...اخيرا ياميرا هتيجى تعيشى ف القصر هنا انا بجد مش مصدقة
ميرا حضنتها وقالت:انا بحبه اوى يامروة ونفسى اشوف اليوم اللى يتقفل علينا ف باب واحد
لا حرام بجد مش عايزة اسمع حاجة تانى...انتوا ايه...محدش حاسس بيا ليه..نجدنى صوت رنة تليفونى
اااه اسر جيت ف وقتك..انا عايزة افضفض مع حد..انت اللى تقدر تخرجنى من المود الرخم اللى انا فيه دة...بس لا...مينفعش اقوله...دة اخو ميرا...لا لازم اللى فقلبى يفضل ف قلبى
رديت عليه ودى كانت المحادثة
الو
ايوة ياحب حياتى انتى
ههههه انت فين..مشوفتكش بقالى اسبوع
ايه وحشتك ولا ايه...وبعدين شغلى رخم وانتى عارفة كدة
...انت عارف ان اليوم مش بيمشى عدل وانت مش فيه يااسر...وبعدين انا مخنوقة اوى وعايزة غزل بنات
هههههه كنت عارف والله انك هتطلبى الطلب دة من عينى يأميرتى انا رايح مع اسد ورعد عل
ماشى خلاص عرفت وبعدين اول متيجى هنخرج وتجيبلى غزل بنات وتودينى اركب مراجيح
حاضر والله ومحضرلك مفجاه هايلة كمان
مفجاه ايه قولى
بطلى فضولك دة هتعرفى انهردة ان شاء الله
اوك انا مستنية سلام
سلام ياقلبى
وقفلت معاه لقيتهم بيبصلولى بصات ذات مغزى
رفعت حاجبى وقولت:مالكم ف ايه
مروة قالت:الحب ولع ف الدرة شكله ولا ايه
ضربتها بالمخدة وقولت:بطلى الفاظك دى شوية مش كدة ياماما...وبعدين انتوا عرفين اسر بالنسبالى ايه...دة صديق طفولتى...وانا بعزه زى اخويا...لا انا بحس اخويا فعلا
ميرا قالت:اخوكى...اميرا اخرجى من هنا اطلعى يابت
يااااه انا عايزة اطلع من هنا فعلا
طيب انا همشى بس بمزاجى ها بمزاجى
وخرجت برة الاوضة وروحت المطبخ علشان اساعد ماما ف تحضير الاكل
فى المطار
مش مصدق ان جيت مصر بعد غياب عشر سنين....اخواتى واهلى وحشونى جدا...الغربة وحشة اوى بجد...خلصت كل الاجراءات وكلمت اسد اشوفه فين
واخيرا رد عليا وقالى:ايوة ياريان احنا اهو واقفين انا شايفك ع فكرة
قولتله:شايفنى فين انا مش شايفك
فضلت ابص حواليا واخيرا شوفتهم
فرحت وقولت:ايوة يااسد شوفتك خلاص
روحتلهم وختهم بالاحضان...قعدنا فترة كبيرة ف لحظات اخوية لا تقدر بتمن
بصيت لرعد وقولتله:عامل ايه يارعد...متغريتش لسة ملامحك زى مهى
اسد قرب وحط ايده ع كتفى وقال.:خلاص مش هتسافر تانى
قولتله وانا ببوس ايدى بهزار:لا ياعم نبوس ايدينا شعر ودقن...انا عايز استقر هنا واتجوز بنت عمى..بعشق امها البت دى
لقيت اسر رفع حواجبه وقال:احم احم ع فكرة انا اخو البت اللى بتعشق امها مفيش اى احترام لوجودى ولا ايه
رعد ضحك وقال:الظاهر كدة يااسر...بقولك ايه كلنا عارفين ان ريان هيتجوز ميرا ف اقرب وقت
قولتله:اه صح يارعد مروة كلمتنى وبتشتكى منك...براحة عليها شوية...البت بتحبك
بصلى بصدمة وقال:افندم بتحبنى
اووه شكلى وقعت ف الكلام لقيت اسد قرصنى وقال لرعد:هههه مش بيقصد حب بالمعنى اللى فهمته يقصد انها بتحبك زى ابوها
بصتله بصدمة وقولت:ابوه مين ياعم انت...دة الفرق ما بينهم عشر سنين
اسر بصلى وقال:خلاص ياريان بلاش كلام ف السيرة دى...خلينا فيك انت
قربت منهم وختهم بالاحضان ومثلت انى بعيط:قسما بالله وحشتونى ياعيال قلبى انتوا...يخربيت الغربة اللى بعدتنا ع بعض كل السنين دى....بس انا زعلان منك يااسد...لكن مش هنتحاسب ف المطار لينا بيت نتكلم فيه
اسد بصلى وخد الشنط وقال:يلة بينا بس نروح الاول علشان هيموتوا ويشوفوك
قولتله:تمام يلة بينا
ف قصر الرملى
ف المطبخ
ثريا:قولت ايه ياسميرة
سميرة.يالهوى ياست ثريا.دة انتوا الشرف كله وبعدين انا هلاقى حد احسن من استاذ اسر فين بس
ثريا ب ارتياح:طمنينى فاضل بس راى اميرة واللى مطمنى شوية انها بتعز اسر جدا....فى حاجة كبيرة اوى بينهم مش عارفين نفهمها
سميرة:مش متربين مع بعض ياست ثريا...وحق ربنا يتقال انتوا عمركوا محسستوا اميرة انها بنت الخدامة بتاعتكوا ودة شى بيخلينى احس بالفرحة وبفضل اشكر ربنا كل صلاه انه رزقنا بعيلة زيكوا كدة
ثريا:بلاش الكلام دة وبعدين انتى اللى ساعتينى ف تربية الولاد احنا كلنا اهل...وصدقينى انا مبسوطة اوى علشان اميرة هتبقى من عيلتنا
سميرة:ان شاء الله ياست ثريا
ف اوضة مروة
كنت قاعدة مع ميرا فجاه تليفونها رن كان ريان وقالها ان هما وصلوا فضلت تتنطط ومسكت ايدى علشان انزل معاها بس قولت لا علشان رعد قالى متنزليش من غير مقولك وانا مش ناقصة مشاكل معاه
ميرا سابت ايدى وجريت جرى تشوفهم...وانا بصيت من الشباك لمحتهم داخلين بالعربية عينى مكنتش عايزة تنزل من ع رعد...تفتكروا هيصالحنى ولا انا اللى هروحله مخصوص علشان اصالحه
ف الصالة
كنت بقدم شاى لعيلة اسر وعمى عزيز فجاه لقيت ميرا بتجرى ومسكت ايدى وقالت بفرحة ولهفة:بسرعة يااميرة ريان جى تعالى استقبليه معايا يلة
معرفتش حتى اتكلم شدتنى بسرعة وخرجنا برة القصر وفعلا شوفت ريان واقف قدامى
*********************
إلي هنا ينتهي الفصل الأول من رواية اختلاف القلوب وتحدى القدر بقلم هاجر عبدالحليم
تابع من هنا: جميع فصول الرواية
تابع من هنا: جميع فصول الرواية
تابع من هنا: جميع فصول رواية عشق الزين الجزء الأول
تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها
أو أرسل لنا رسالة مباشرة عبر الماسنجر باسم القصة التي تريدها
اقرأ أيضا: رواية شهد الحياة بقلم زيزي محمد
إرسال تعليق
يسعدنا تلقي اقتراحاتك أو تعليقك هنا