مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة هاجر عبدالحليم علي موقعنا قصص 26 و موعدنا اليوم مع الفصل الخامس من رواية اختلاف القلوب وتحدى القدر بقلم هاجر عبدالحليم.
رواية اختلاف القلوب وتحدى القدر بقلم هاجر عبدالحليم - الفصل الخامس
اقرأ أيضا: رواية عشق الزين (الجزء الأول) بقلم زيزي محمد
 |
| رواية اختلاف القلوب وتحدى القدر بقلم هاجر عبدالحليم |
رواية اختلاف القلوب وتحدى القدر بقلم هاجر عبدالحليم - الفصل الخامس
دخلت الاوضة وانا متوترة اوى ومش عارفة رد فعل ميرا هيكون ايه لما تشوفنى
دخلت لقيتها قاعدة ع اللاب توب وشكلها مشغولة عليه
احم احم
لقيتها لفتلى ب استغراب وقالت:انتى مين؟!
الخدامة قالتلها:البيه والدك بيقولك خلى الست الجميلة دى عندك ف الاوضة لحد بكرة وهو قالى انه هيقولك ع السبب بعدين
ميرا بصتلى وقالت:مع انى مش فاهمة حاجة لكن ماشى هعمل اللى بابا عايزة منورة ياقمر خشى تعالى روحى انتى ياشمس
الخدامة قالتلها:حاضر ياست العرايس
مشيت وسابتتى مع ميرا اللى بصتلى وقالت:بقولك ايه انا مش باكل الستات علشان تخافى كدة وكمان انا واحدة مش متنكة لا انا باخد ع الناس بسرعة جدا فنصيحة منى ليكى علشان نعمر مع بعض فوكى كدة اعتبرينى صديقة طفولتك ماشى ياجميل
كانت بتتكلم بهزار الصراحة ارتحت للبنى ادمة دى جدا وشها بشوش وحبوبة
متخافيش منى انا جاية من طرف اسد باشا...بس انتى لو عايزة تعرفى ايه اللى جابنى؟! هتعرفى من اسد نفسه
ميرا قالتلى:مفيش حاجة بتستخبا ف الدنيا دى يالى معرفش اسمك ايه
ضحكت وقولت: اسمى أية
ضحكت وقالت:عاشت الاسامى يااية بقولك ايه اعتبرى نفسك ف اوضتك خدى راحتك ع الاخر خشى الحمام خدى دوش سخن كدة يريح اعصابك...وهتلاقى ف الدولاب هدوم تناسبك والله كان بودى اقعد معاكى بس مروة بتزن ع ودانى علشان اجيلها اصل عيد ميلادها انهردة تحبى تيجى معايا
قولتلها بسرعة:لا انا هقعد هنا اصل الصراحة تعبانة اوى وعايزة انام متزعليش منى
قالتلى:لا ياروحى براحتك
لقيتها قامت وفتحت الدولاب وطلعت فستان وبصتلى وقالت:بقولك ايه...ايه رايك ف الفستان دة؟!
قولتلها:حلو جدا
قالتلى وهى بتبص ع الفستان بحيرة:اومال ليه انا حاسة انه مش حلو...خطيبى جابهولى وطلب منى البسه ف العيد ميلاد فعلشان مزعلوش منى خته مع انى مش مقتنعة
قولتلها:مش عارفة الصراحة..لو عايزة رايي البسيه طالما ختيه منه
قالتلى:هشوف اعمل ايه..خشى كدة خدى دوش ولو حبيتى تنام براحتك السرير مريح وواسع
قولتلها:تمام
ف قصر الرملى
ف اوضة مروة
كنا قاعدين بنهزر ونضحك مع مروة
مروة قالت لميرا:مش بذمتك حلو الفستان....ابيه رعد دايما ذوقه حلو
ميرا ضحكت جامد وقالت:ابيه.. عيشنا وشوفنا مروة بتقول لرعد ابيه...طب بذمتك انتى عاجبك كدة؟!
مروة قالت:والله ابدا..بس اعمل ايه يعنى هو حابب كدة وكمان انا مش عارفة هو ليه عايز كدة
ميرا قالتلها:اقول ايه وانتى فيكى كل العبر...ياغبية هو بيعمل كدة علشان يقطع اى حاجة ممكن تقربكوا من بعض...رعد مش حابب علاقتكوا تكون حبيب وحبيبة لازم تفوقى وتعرفى كدة بدل متقعى ع جدور رقبتك....مترخصيش مشاعرك علشان واحد ميستهلش
بصيت ناحية مروة لقيتها ع وشك انها تعيط بصيت ل ميرا وقولتلها:خلاص ياميرا بلاش كلام يحرق الدم ف يوم زى دة....وانتى يامروة ياحبيبتى انتى لسة صغيرة واكيد لو ليكى نصيب ف رعد محدش هيقدر يفرقكوا لازم تعرفى كدة كويس
مروة بصتلى بحسرة وقالت:لا يااميرة انا عارفة ان رعد مش بيحبنى بس انا عندى امل انه ممكن يحبنى...انا مش طفلة يااميرة انا لو عايزة ابقى واحدة ست حلوة هبقى ع فكرة
ميرا ضحكت وقالت:اه ب امارة اللبس الكرتون اللى بتلبسيه صح..يابت انا خايفة عليكى ع راى اميرة انتى لسة صغيرة لسة الحياه قدامك هتقابلى ناس كتير وصدقينى ربنا هيرزقك بشخص انتى هتكونى بالنسباله الكون كله
ضحكت وقولت:فيلسوفة زمانك والله العظيم. الله عليكى بجد
قالتلى:هو انتى هتلبسى ايه انهردة
قولتلها:اللى عندى بقا وخلاص يعنى اعمل ايه ملحقتش انزل اجيب هدوم
قالتلى:هههههه بنت حلال طلبك عندى...عندى ليكى فستان انما ايه..ع فكرة هو معايا دلوقتى ايه رايك تلبسيه
قولتلها بفرحة:بجد ياميرا...ربنا يخليكى ليا يارب...طب ورهولى مستنية اية
ميرا قالتلى:هههههه حاضر ثوانى
راحت وجابت الفستان وقالت:ايه رايكوا
مروة صفرت وقالت:حلو جدا وهيبقى ع اميرة تحفة بجد...بقولك يااميرة البسيه كدة خلينا نشوفه عليكى
قولتلهم:طب اقفلوا الباب كويس علشان انا مش بحب اغير هنا ف القصر اتاكدى يامروة وحيات ابوكى
ميرا قالت:متخافيش يابت...والبسى الفستان بسرعة خلينا نشوفه عليكى
قولتلهم:تمام
لبست الفستان الصراحة كان تحفة عليا...حتى مروة وميرا مدحوا فيه جدا...وفعلا قررت البسه بليل..وياريتنى م عملت كدة
بليل
ف عيد ميلاد مروة
كنت واقف مع رعد ودماغى كانت بتفكر ف اية وايه الخطوة اللى هعملها بعد عيد الميلاد ميخلص
رعد قالى:بطل تفكير شوية
بصتله وقولتله:وانت بطل تتكلم معايا ممكن
رعد قالى:ف ايه يااسد مالك...انت اللى وقعت نفسك فى النصيبة دى...حد قالك تعمل فيها سبع الرجال وتقف قصاد اهل اية
بصتله بحدة وقولت:فوكك منى الساعادى يارعد مش عايز اتخانق معاك..واتكل من هنا علشان جيسى جاية
قالى:تمام يااسد انا مراعى ظروفك علشان كدة مش هحاسبك ع الطوب اللى عمال تحدفه ف وشه دة...عن اذنك
بصيت لقيت جيسى جاية وملامح السعادة ع وشها
قالتلى بفرحة:شو رايك...عملت متل ما بدك..فستان واسع ومانه ضيق بنوب
بوست ايدها وقولت:حبيب قلبى ياناس بعشقك والله وانتى بتسمعى الكلام
قالتلى:انا كتير فرحانة بتعرف ليش؟!
قولتلها:ليش ياعمرى؟!
ضحكت بصوت انثوى جذاب
قولتلها بعصبية:بلاش الضحكة دى..اياكى تعملى كدة تانى...الضحكة دى تضحكيها ف الاوضة مش هنا فاهمة
قالتلى:بموت فيك وانت هيك عليا بتغار.يالله منك راح تموتنى عن جد...كتير بحبك يااسد قلبى انت
كل مدا وخوفى بيزيد مش عارف رد فعل جيسى هيكون ايه؟! ربنا يستر
كنت واقف مع صحابى مستنى ميرا تنزل نفسى اشوفها وهى لابسة الفستان اللى اخترتهولها...بس صدمتى لما شوفت اميرة هى اللى لابسة الفستان...هسيبكوا انتوا تخمنوا رد فعلى...تفتكروا واحد ف مكانى هيعمل ايه؟! وهيتصرف ازاى
نزلت وانا لابسة الفستان وانا فرحانة بيه جدا فجاه لمحت ريان وهو جاى عليا وملامحه مش بتبشر بخير ابدا
قرب منى وعينه بتبص ع الفستان من فوق لتحت بعصبية
وبصلى بصة لو كانت حقيقية قسما بالله كنت موت
قولتله:ف ايه ياريان؟! انت هتموتنى ولا ايه؟! مالك بتبصلى كدة ليه؟!
قالى:مين اللى خلاكى تلبسى الفستان دة؟!
قولتله بتوتر:دة دة اصل هو هو دة
قالى بعصبية:اعدلى لسانك دة وكلمينى عدل مش بحب الاسلوب دة...سوال وعايز جواب مين اللى خلاكى تلبسى الفستان دة
قولتله بسرعة وخوف:دة بتاع ميرا...هى اللى طلبت منى البسه...وبعدين متتعصبش عليا كدة...انا معملتش حاجة...انا محدش على صوته عليا قبل كدة...وبعدين هو انت متعصب كدة ليه ممكن تفهمنى
ميرا...ميرا هى اللى خليتك تلبسى الفستان...طب ليه...هى مش عاجبها ذوقى..هو ايه اللى بيحصل...طب كانت تقولى بدل مشوف الفستان ع واحدة تانية
قولتلها:انا اسف متزعليش منى
قولتله بعياط:انا مليش حق ان ازعل منك اصلا...انا ماشية ولو سمحت ملكش كلام معايا تانى...انا مش حبة اتكلم معاك...علشان انت خوفتنى منك بجد
مشيت وعينها تقريبا كدة بتدور ع حد وهتموت وتلمحه لما شوفت اسر قرب منها وحط ايده ع كتفها واترمت ف حضنه عرفت ان عينها كانت بتدور عليه...مش فاهم ايه سر القرب الشديد دة...اميرة خدامة هنا ف القصر..ازاى قدرت تاخد قلوب كل الناس بالشكل دة..فضلت عينى مراقباهم حسيت انهم قريبين جدا من بعض...معرفش فى احساس وحش حسبته لما اسر خد اميرة ورقصوا مع بعض بطريقة كانت بتوجعنى ومش عارف ايه السبب...وفجاه لقيت بابا طلب من الديجى يشغل اغنية رومانسية والضوء كان حواليهم هما فدة بيدى الاحساس بالرومانسية ميرا جات وسققت وحطيت ايدها ع دراعى وبتقولى:شوفهم ياريان..شوفهم قد ايه حلوين
مشيت وانا بعيط وعينى بتدور ع اسر فينك اتاخرت كدة ليه..انا مش مكلماك وقولتلى انت مش هتتاخر..فجاه لقيت ايد مسكت كتفى لفيت لقيته اسر
قالى:يخرببتك هو انتى لما بتعيطى بتبقى حلوة اوى كدة...لا لو كدة عيطى كل يوم
حضنته وقولت:اتاخرت كدة ليه
قالى:وحشتك صح
ضربته ف خفة ع صدره وقولت:جدا ع فكرة انا عايزة اعرف ايه المفجاه..هى مش عايزة تتعرف ليه؟!
قالى:لقيتلك شغل حلو اوى...وكمان ف المجال اللى انتى بتحبيه
بحلقت فيه جامد وفضلت اتنطط واسقف بطفولة وفرحة رهيبة:هييييه انت بتتكلم بجد اخيرا يااسر...بجد متشكرة اوى...انت بجد انسان جميل..حبيب هارتى يااسورة والله
قالى بعيون كلها حب اول مرة اخد بالى منها
انا مش عايز غير انك تكونى مبسوطة يااميرة...انا طلع عينى عقبال ملقيتلك الشغل اللى انتى عايزاه...لكن معلش كله يهون قصاد ضحكة منك
قولتله:ترقص معايا
ارقص...ايه الهبل اللى انا قولتله دة...بس معرفش لقيت لسانى قالها...لان اسر دة الوحيد اللى بيخلينى مبسوطة
قالى:تكرم عينك يااميرة قلبى انتى...يلة بينا
مسك ايدى وروحنا المكان المخصص للرقص..وشوية لقيت الدنيا ضلمت والضوء كان حوالينا انا وبس ورقصنا انا واسر
ع اغنية رومانسية الى ابعد الحدود...
اسر كان ببتمايل معايا بكل حرية وعينه كانت مليانة حب انا كنت مستغربة نظراته دى...وكان ف دماغى ميت سوال
معقولة يكون بيحبنى.اااه لحد امتى هفضل اتصدم يارب انا مش عايزة اجرح قلبه
لقيتنى ببص ف عنيه كانى بعتذر او بستفسر او محتاجاه يقولى هو بيفكر ف ايه؟!
اول م خلصنا رقص لقيت الناس سقفت
طنط ثريا جات وقالت:معلش بقى ياجماعة مش قادرة استتى اكتر من كدة...بقولك ايه يااميرة ايه رايك ف انك تتجوزى اسر وتبقى واحدة من عيلتنا بجد
الصدمة الجمت لسانى مش عارفة ارد
لفيت ميرا وريان جوم وريان فضل يبصلى بصات كلها غامضة ومش فاهمة منها حاجة
ميرا بفرحة:ها يااميرة قولى بقا موافقة تكونى مرات اخويا ولا ايه النظام
بصيت ل اسر حسبت ان فكرة جوازى منه ف مصلحتى هو اكيد بيحبنى وهيرعانى هعوز ايه اكتر من كدة
قولت:موافقة
اسر قرب منى وقال بفرحة:بتتكلمى بجد...موافقة فعلا
حضنى ودوخنى قصاد الناس كلها وقصاد العيلة نفر نفر
بحباااااك يااميرة قلبى وحياتى ودنيتى كلها
الناس سقفت حتى مروة فضلت تصفر جامد اوى
رعد بصلها وقال:كفايا تصفيير ودنى اتخرمت بطلى طفولة شوية بقا
الظاهر زعلت منه ومشيت من غير متعلق
ميرا قربت منى وحضنتى وقالت بعياط:مبروك ياحبية قلبى ان شاء الله يكون فرحنا انا وانتى ف نفس اليوم
عمى عبدالرحمن قرب منى وقال:ايه رايك نكتب الكتاب وخلى الفرح ف اى وقت انتى تحدديه...علشان انا عارف ان الموضوع جى بسرعة اوى...بس اللى شجعنا نقول ان احنا عارفين انك انتى واسر قريبين من بعض...واحنا عايزينك ف عيلتنا ايه رايك يااميرة
ممكن حد يفهمنى ايه اللى بيحصل هنا...هو ف ايه...ايه الدنيا اللى عمالة تضرب فيا دى...حاسة انى فلعبة وفى حد بيتحكم ف حياتى انا مليش راى انا كل اللى عليا اقول
حاضر للعيلة اللى خليتنى احس بقيمتى عمرى محسيت بنقص والعيلة دى حواليا...لازم اردلهم الجميل حتى لو ع حساب سعادتى
قولتلهم:موافقة ياعمى
كلهم فرحوا جدا اما ريان كان ساكت معرفش ليه؟! حسيته محتار او بيفكر ف حاجة غامضة..خلاص ياريان هنساك...صدقنى
اما انا كنت واقفة ع جنب بعيط بفتكر كلام ميرا..فعلا هبفضل بيعاملنى كانى طفلة...انا تعبت لازم يعرف انى بحبه مش يمكن يطلع بيحبنى وخايف مكونش ببادله نفس المشاعر لا انا خلاص هقوله ف اقرب وقت ممكن
فجاه لمحت ميار داخلة هى وشادى...شادى..ايه اللى جابه دة؟! معقولة يكون...يانهار اسود
روحت وسلمت عليهم وانا ف قمة توترى
شادى قدملى هدية وقال:كل سنة وانتى طيية..والعمر كله ليكى
قولتله:متشكرة اوى ياشادى....ملهوش لزوم التعب دة
قالى:تعبك راحة يامروة...انا مبسوط اصلا علشان جيتلك..كنت حابب كدة الصراحة
قولتله:تنور ف اى وقت ياشادى
قالى:طب ممكن تفتحى الهدية قدامى لو مفيش ازعاج
قولتله:لا طبعا ازعاج ايه بس....حاضر هفتحها
فتحتها لقيت خاتم دهب بصيتله بصدمة وقولت:ايه دة ياشادى...خاتم دهب
قالى:دى قيمتك يامروة...اتمنى تاخديه
قولتله ب احراج: متشكرة ياشادى جدا مش عارفة اقولك ايه ميرسى انت ذوق اوى ع فكرة
قالى:وانتى حلوة اوى ع فكرة
لما لقانى اتصدمت لقيته ضحك بصوته كله وقال:بهزر بهزر....بلاش البصة دى...خلاص مش ههزر معاكى تانى
.بقولك ايه يامروة ممكن اسالك سوال بس متغهمنيش غلط
قولتله:انا قربت اقلق منك ع فكرة هههههههه فى ايه ياشادى
لقيته بيبص وقال: فى واحد داخل علينا
ببص لقيته رعد
كنت بتمشى بدور عليها انا عارف انها دلوقتى اكيد بتعيط انا اللى ربيتها وعرفها كويس لقيتها واقفة مع شاب وبنت..الصراحة انا عارف البنت دى شوفت مروة معاها اكتر من مرة...بس الشاب دة انا اول مرة اشوفه
روحتلهم وانا مش عارف ايه اللى ناوى اعمله بس كل اللى اعرفه ان انا حاليا عفاريت الدنيا يتنطط ف وشى
بصيت بصدمة وقولت:رعد لا لا اقصد ابيه رعد
رعد بص لشادى وقال:مين دة يامروة
بصيت لشادى بتوتر وانا بقول:دة دة...انت مين ياعم انت اااه دة شادى انت مش اسمك شادى
لقيت شادى ضحك وكان بيمسك بطنه وبيقول:ههههههه مش قادر والله بص يااستاذ رعد هههههه احم معلش اانا اسف بس البت دى دمها زى السكر والله...انا شادى ابقى ف كلية هندسة الفرقة التانية وابقى بمثل ف مسرح المدرسة بتاعت مروة وكمان بمثل ع مسارح كتير جدا
رعد بص لشادى وقال:ايوة تشرفنا...انت بقا ايه علاقتك ب مروة
شادى بصلى بصات كلها حب ودة كان واضح
بلعت ريقى ب صعوبة وقولت ل رعد: اصل شادى يبقى ابن عم ميار وانا شوفته معاها اكتر من مرة فتعرفنا ع بعض...مش كدة ياميار...ميار يابنتى
كانت سرحانة معرفش ليه
ها اهااا شادى يبقى ابن عمى...عن اذنكم ياجماعة ثوانى
بصتلها وقولت:اه يابنت المجنونة...اكيد راحت تكراش ع واحد
رعد بصلى وبص ع الهدية اللى معايا وبعد كدة بصلى بحدة وقال:انا ماشى
ومشيت فعلا بس بعد خطوة واحدة سمعت شادى بيقول لمروة:ايه رايك ترقصى معايا وهغنيلك بصوتى كمان...وعايزك تاخدى كل كلمة بقولها عليكى
لفيت وانا ف قمة غضبى وممكن اتحول لرعد فعلا يهدم كل حاجة حواليا
لقيتها بصتلى كانت خايفة منى ودة اللى متاكد منه بس معرفش ليه اتشجعت وراحت معاه ترقص شديت ايدى جامد..واستغربت نفسى هو انا متعصب ليه...لا دى بنتى مش هسمحلها تغلط ابدا
روحت معاه علشان نرقص
حط ايده ع وسطى وشدنى جامد خلة ايدى تتحط ع كتفه وقال:لازم تعرفى انى معجب بيكى جدا يامروة علشان كدة حبيت ارقص معاكى وكمان هغنى بصوتى
بصتله بصدمة وقولت:ايه الجراه دى...معجب بيا ايه...انت واعى للكلام اللى بتقوله دة...انا لسة صغيرة ولسة ورايا هم ميتلم
قالى:انا عايزك ع سنة الله ورسوله يامروة...انا شوفتك اكتر من مرة.. عجبنى فيكى البراءة اللى مش موجودة دلوقتى...انا بحبك يامروة
قولتله:طب سيبنى خلينى امشى...انا مش عايزة ارقص
قالى:انا طالبك بالحلال...انا عارف ان احنا لسة ورانا دراسة بس انا فضلى سنين وابقا مهندس بترول وهشتغل ومش هخليكى تحتاجى حاجة مفيش سبب يخليكى ترفضينى الا لو فى حد ف حياتك
بصتله شوية وقولت:لا مفيش حد ف حياتى بس ممكن تدينى وقت افكر
قبل م شوف رد فعله لقيت رعد شد ايدى جامد وبعدنا عن الحفلة حتى شادى استغرب من رد فعله...وكان هيوقفه بس شاورت ب راسى لا متعملش حاجة ملكش دعوة بينا
انا سمعت كل الكلام اللى اتقال...انا مش عارف مالى...عايز اهد الدنيا باللى فيها
بعدنا انا ومروة عن الناس وشدتها ع الحيطة جامد وقولت بعصبية:العيل دة كان بيقولك ايه انطقى
قالتلى بشجاعة ولا اقول بجاحة مش عارف احكموا انتو بقا
دة عايز يتجوزنى وانا قولتله هفكر...الصراحة ياابية انسان مينفعش يتقاله لا...بفكر اقول لعمى عزيز انت ايه رايك
بصتلها بحدة وقولت:انتى اتجننتى يابت انتى...جواز ايه وزفت ايه...انت لسة ف 2 ثانوى..ولسة وراكى تعليم مفيش كلام ف الموضوع دة غير لما تخلصى وتاخدك شهادتك الموضوع منتهى
قولتله وانا بحاول اخليه يتكلم ويعترف بحبه ليا
بس ياابيه انا موافقة عليه...انا عايزاه
قالى:بتحبيه
بصيت ف عنيه ومش قادرة اتكلم...انت اللى بحبه يارعد افهم بقا
زعق ف وشى وقال:ردى عليا يامروة بتحبيه
مسكت ف قميصه جامد وقولت بعياط:انت ايه يااخى مببتفهمش انا تعبت يارعد تعبت والله....انا بحبك انت...مفيش حد يقدر يملة عينى غيرك...انا عايزة اعرف هو انا متحبش...قولى اعمل ايه علشان تحس بيا...قولى يارعد انك بتحبنى...انا بحبك يارعد بحبك
كانت بتصرخ انا مسكت بقها وقولت وانا بحاول اكون ثابت رغم اللى سمعته اللى خلانى تايه ومش عارف المفروض اتصرف ازاى
بصيت ف عنيها وقولت:مروة مش عايز كلام عبيط..دة شغل مراهقة والصراحة مش فاضى ليه ابدا...امشى طفى الشمع خلى اليوم دة يعدى ع خير
بصتلى بحسرة وقالت:عبيط..مشاعرى وحبى ليك بالنسبالك عبط....لا يارعد احنا موضوعنا كبير ومش هيخلص فى يوم وليلة لينا كلام بس بعد اليوم دة ميخلص
عن اذنك
مشيت وانا بعيط بحرقة لازم مواجهة معاه...لازم
خلص العيد الميلاد ع ابطالنا
اميرة اتصدمت بحاجة مكنتيش متوقعاها وسلمت نفسها لقدرها
مروة لسة مجروحة من رعد وف دماغها انها لازم تتكلم معاه بكل صراحة علشان المواجهة دى هتحدد حاجات كتير ع اساسها
ريان تايه ومحتار حاسس انه بيتشد ل اميرة بس اللى متاكد منه انه بيحب ميرا ف ليه سر الانجذاب
رعد مش عارف حاجة مش فاهم حاجة غير انه جرح مروة فعلا بس هى لازم تعرف انه عمره مفكر فيها غير انها اخته وبنته
اسر وميرا احنا بقا مش عارفين هيكونوا ضحايا ولا عنصر قوة ل ابطالنا
اول م العيد ميلاد خلص طلعت اوضتى وقضيت اليوم كله عياط ع حب اتهدم قبل ميتبنى
اما انا طلعت ومش عارف مروة ناوية ع ايه؟!..انا مش عايز اجرحها..د ولا عايز اظلم قلبى بجوازى من طفلة
ميرا حست انها عايزة تنام فباستنى ف خدى وقالت:تصبح ع خير
بوست راسها وقولت:وانتى من اهله روحى الحقى عمى ومرات عمى بسرعة
ميرا:تمام...مع السلامة
ميرا مشيت وانا طلعت ف الاوضة ببص من البلكونة لقيت اسر واميرة واقفين وبيتكلموا مع بعض...ولقيته باس ايدها وراسها ومشى
لقيتها بتعيط وبتبص ف السما كانها بتدعى بالظبط
ياترى ايه حكايتك...هموت وافهم...عملتى فيا ايه....انا تايه وفى حاجة بتشدنى حاسس ان روحى متعلقة بيكى...ازاى انا بحب ميرا...انا مش شايف غيرها ولا عايز غيرها تكون مراتى يارب...بس ليه بتعيط...هى مغصوبة ع الجوازة دى...لغزك وغموضك دة هيوضح صدقينى
خلص يوم ملى بالاوجاع والصراعات ع ابطالنا
ياترى القدر مخبى ايه ليهم
اميرة لمين
ريان ولا ل اسر؟!
مين الضحية اميرة ولا ميرا؟!
ريان ولا اسر؟!
مين اللى ليه الحق ف اميرة؟!
اميرة هتختار حب عمرها ولا صديق طفولتها ولا القدر هو اللى هيختار؟!
اسر هيعرف بحب اميرة ل ريان؟!
طب لو عرف رد فعله ايه؟!
ريان بيحب ميرا فعلا؟!
ولا روح اميرة بتوصل ل ريان وبتخليه ببفكر فيها ليل نهار وحاسس انها بتشده ليها زى المغناطيس تمام
مروة هتعمل ايه مع رعد؟!
رعد هيقبل ولا هيرفض حبها؟!
مروة هتتضعف ولا هتقوى؟!
ياترى قصة الحب هنا قصة حب مروة ورعد
ولا مروة وشادى
احداث غير متوقعة ومثيرة ب انتظاركم معى انا ومع ابطالى ابطال رواية اختلاف القلوب وتحدى القدر...
*********************
إلي هنا ينتهي الفصل الخامس من رواية اختلاف القلوب وتحدى القدر بقلم هاجر عبدالحليم
تابع من هنا: جميع فصول الرواية
تابع من هنا: جميع فصول الرواية
تابع من هنا: جميع فصول رواية عشق الزين الجزء الأول
تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها
أو أرسل لنا رسالة مباشرة عبر الماسنجر باسم القصة التي تريدها
اقرأ أيضا: رواية شهد الحياة بقلم زيزي محمد
إرسال تعليق
يسعدنا تلقي اقتراحاتك أو تعليقك هنا