مرحباً بكم أصدقائي وأحبابي عاشقي القراءة والقصص والروايات مع روايات رومانسية مصرية ورواية رومانسية جديدة للكاتبة المتألقة مها جعفر علي موقعنا قصص 26 و موعدنا اليوم مع الفصل الخامس عشر من رواية بنت الاكابر بقلم مها جعفر.
رواية بنت الاكابر بقلم مها جعفر - الفصل الخامس عشر
اقرأ أيضا: رواية فارس عشقي بقلم سحر فرج
 |
| رواية بنت الاكابر بقلم مها جعفر |
رواية بنت الاكابر بقلم مها جعفر - الفصل الخامس عشر
دانا:يا فريده والنبي سيبي الحب اللي مولع ف الدره ده وركزي معايا النهارده
فريده تبصلها:دانا
نادر يضحك:هنولع واحنا واقفين
دانا تضحك:لا ربنا يحفظكوا بس النهارده فرحي ومتوتره وورايا مليون حاجه
فريده تتجهه ناحيتها:خلاص يا حبيبتي انا جهزت اهو... يالا
نادر:اوصلكوا
فريده:لا انا طلبت كريم
دانا:بتطلب كريم وانت موجود...ينفع كده
فريده تضربها ع كتفها:يا كلبه
نادر يضحك ويتجهه ناحيه فريده
دانا:طيب انا تحت يا ديدا
فريده تهز راسها يالايجاب ودانا تنزل
نادر:انا طبعا مش قلقان م اي حاجه لاني عارف انك مبتحبيش الميك اب والكلام ده ف انا واثق فيكي
فريده تبتسم
نادر: بس هتلبسي الفستان اللي اخترته
فريده:تاني يا نادر
نادر:هو عاجبني وبما انك كده كده هتلبسي فستان عشان فرح اختك ف انا عايز اشوفك باللي اختارته
فريده:هفكر
نادر يقرب منها:لا م غير تفكير
فريده تتكسف وتبص ف الارض:ان شاء الله
نادر يضحك ويبعد عنها:خلاص م غير ما تحمري
فريده:عايز حاجه قبل ما انزل
نادر:بلاش اقولك اللي انا عايزه
فريده تبصله وتضربه ف كتفه وتمشي م قدامه وهو واقف مكانه بيضحك
فريده:يالا يا ماما
وفاء:يالا يا حبيبتي
وتنزل فريده ووفاء يركبوا العربيه متجهين للبيوتي سنتر ويقابلوا تالا هناك
تالا:اختك بتنور
دانا تبتسم:الحب يا أختي
تالا:باين عليها اوووي
دانا:جدا رغم انها لسه بتنكر ده
تالا:ربنا يسعدها يااارب
دانا:چو لسه زعلان منك
تالا:مبيكلمنيش زي الاول يا دانا م ساعه اما كنت مسافره شرم
دانا:يا ستي متقلقيش هيكلمك بس هو بيعاقبك
تالا:الصراحه الله يكون ف عونك يا دانا.. انتي تخلي بالك م اي حاجه يا دانا لان چو زعله بجد وحش
دانا:متخوفنيش بقي يا تالا هو اصلا لحد دلوقتي ناشف معايا وبيعاقبني
تالا:ربنا يتولاكي
دانا تضحك ويفضلوا يهزروا وفريده ووفاء يدخلوا معاهم ف الكلام ويجهزوا ويجي الليل
تالا:يالا وصلوا
وفاء:يالا يا فريده اطلعي شوفي نادر فين عشان هو اللي يسلم دانا لعريسها
فريده:ما تطلعي تشوفيه يا تالا
تالا:لا يا اختي وانا مالي
فريده:ايه النداله دي
الكل يضحك وتطلع فريده تفضل تدور بعينها ع نادر وتبتسم اما يظهر قدامها ويتجهه ناحيتها
نادر:هو ده الفستان اللي اختارته
فريده:اه
نادر:هو كان لازم تلبسي فستان النهارده ما كنتي حلوه ف لبس الرجاله
فريده تضحك
نادر:خلصتوا
فريده:م بدري.. انتوا اتأخرتوا ليه
نادر:عربيه العريس عطلت
فريده:ربنا يستر
نادر:يارب ...يالا هاتي دانا
فريده:ماما قالت اندهلك عشان انت اللي تسلم دانا ل يوسف
......:وانا روحت فين
فريده ونادر يبصوا ناحيه الصوت بصدمه
فريده ب عصبيه:انت ايه اللي جابك
فريد:عيب تكلمي بابا كده قدام الناس
فريده هتتكلم نادر يمسك ايدها
نادر:اهدي يا فريده عشان الناس
فريده ترجع لورا
فريد:انا مش جاي اعمل قلق انا بس جاي اتفرج
فريده تجز ع سنانها:محدش قالك اننا فُرجه
فريد:ما تهدي مراتك يا نادر
نادر يبصله ويشدها ويدخلوا البيوتي سنتر
فريده:مسبتنيش اطرده ليه
نادر:يا فريده مينفعش عشان الناس
فريده تتنهد:انا مش هنكد ع دانا ف يوم زي ده ومش هسمح لحد يعمل كده
نادر:هنتكلم معاه براحه هو اكيد جاي يستفزك وخلاص
فريده:ما يا تاخده يارب يا تاخدني
نادر:بعد الشر يا فريده... متقوليش كده تاني
فريده:انا زهقت
نادر:خلاص اهدي وانا هطلع اتكلم معاه
فريده:لا هاجي معاك
نادر يهز راسه بالايجاب ويطلعوا يفضلوا يدورا عليه
مهاب:بتدوري ع مين واتاخرتوا ليه
نادر:انت مشوفتش فريد
مهاب:فريد مين
نادر:ابو دانا وبتردد(وفريده)
مهاب:اه اللي كان واقف معاكوا م شويه
نادر:اه
مهاب:شوفته ركب عربيه ومشي
نادر يبص ل فريده:قولتلك بيستفزك مش اكتر
فريده تتنهد براحه:طيب يالا عشان احنا اتاخرنا اووي
نادر يبتسم:يالا
ويدخلوا ياخدوا دانا ونادر يمسك ايدها ويخرجوا
نادر:احم ...خلي بالك منها وحطها ف عينك دي الفراوله بتاعتنا
يوسف:خلص انت هتمثل
مهاب:ده بيقولك فراوله
تالا:ايه يا حبيبي انت جاي تهدي النفوس
الكل يضحك ويركبوا عربيتهم ويروحوا الاوتيل اللي فيه الفرح ويبدأوا فرحهم
نادر:مش هتعترفي بقي
فريده بأستغراب:بأيه
نادر:بحُبك
فريده تبص قدامها بكسوف
نادر:يااااارب
فريده:ششش ..هتفضحنا
نادر:ع فكره انا ليا فرح عندك
فريده:فرح عندي
نادر:اه ...احنا يعتبر معملناش فرح
فريده:اعتبر اننا عملنا
نادر:لا مفيش الكلام ده
فريده تبصله:يا سلام... ما انت يومها قعدت ترخم وتعاكس ورقصنا
نادر:انا اللي كنت رخم
فريده:وقتها يعني
نادر:كنت رخم اووي يعني
فريده:شويه صغيرين
نادر:شويه صغيرين أووى يعني
فريده تضحك
..............
دانا:بتحبني اد ايه يا يوسف
يوسف:ملكيش دعوه وبعدين انا قولتلك اني جيت اتقدمت عشان حسيت ان حصل مشكله لما اختك شافتنا نازلين مع بعض
دانا:ع فكره بردو انت ممكن تفك وشك ده كام ساعه
يوسف:وافكه ليه
دانا:عشان ده فرحنا مثلا
يوسف:هو كده لو عاجبك
دانا:انا مغصبتش عليك
يوسف:بس انا مش طايقك
دانا بدموع:چو ..ممكن تنسي عقابك ليا النهارده خالص واما ابقي ف بيتك اعمل اللي انت عايزه بس ده يوم ف العمر
يوسف يشوف الدموع ف عنيها والترجي ويستسلم ويقرر ينسي ع الاقل الكام ساعه دول ويقوم يمسك ايدها وتشتغل الاغنيه السلو ويبدأوا يرقصوا وهنا تقريبا يوسف يتحول ل شخص تاني خالص... يبقي يوسف اللي بيحب مش يوسف المتعصب او اللي زعلان م حبيبته
.........
مهاب:عقبالنا يا توتي
تالا:ياااارب بقي
مهاب يضحك:بحبك
تالا:وانا بموت فيك
مهاب:تعرفي يا توتي
تالا:ايه يا قلب توتي
مهاب:انا كنت بموت اما بشوفك مع يوسف قبل ما اعرف انه اخوكي
تالا:طيب خد دي بقي
مهاب:استر
تالا:انا كنت قاصده اعمل كده عشان تعترف ب حبك
مهاب بذهول:ده بجد
تالا:اه والله...الغيره بتجيب م الاخر
مهاب يضحك:وهي جابت فعلا
تالا:عيب عليك... ده انا توتي
مهاب يقرب منها:مش سهله خالص
تالا:مهاااب الناس
مهاب:انا مش شايف
تالا تضحك وتزقه وتتجه ناحيه تربيزه فريده ونادر
تالا:هنفضل مقضينها نظرات كتير
نادر:بس يا ماما
تالا تحط ايدها ع بوقها
نادر:ربعي ايدك
تالا تربع ايدها
مهاب:ايه ده ف ايه
فريده تضحك:خطيبتك بتتأدب
مهاب يضحك
تالا:يوسف ودانا شكلهم حلو اووي
فريده:اه ماشاء الله ربنا يحفظهم
وفاء:ما تقوموا يا شباب شاركوا العرسان وارقصوا معاهم
نادر:فريده مش موافقه
تالا:يا ابني فريده دي تتحط قدام الامر الواقع
فريده:بقي كده
تالا:حياتي
وتقوم تالا تقومها ونادر يمسك ايدها وتالا ترجع ل مهاب
تالا:تسمحلي بالرقصه دي
مهاب يضحك ويقوم مع تالا والكل يبدأ رقصه جديده مع بعض
.........
يوسف:عارفه انا كنت بتمني اليوم ده م امتي
دانا:م 4 سنين
يوسف:وبجد مش مصدق انه اتحقق وان اليوم ده جيه
دانا تحط ايدها ع خده:بتحبني اد ايه يا چو
يوسف:تعرفي حب الام لبنتها
دانا تضحك:اه
يوسف:وحب الاب ل بنته
دانا:مجربتوش بس حساه
يوسف:وحب الطفل ل مامته
دانا تهز راسها بالايجاب بفرح
يوسف:وحب فريده ليكي
دانا تهز رأسها بالايجاب
يوسف:وحبي ل تالا
دانا:اممم
يوسف:وحبك ليا
دانا تدمع:اه
يوسف:انا بقي بحبك اد دول كلهم... بحبك اد حب الام لبنتها والاب لبنته والطفل ل مامته وحب فريده ليكي وحبي ل تالا وحبك ليا ....انتي متجمعه ف ده كله
دانا هنا بتلقائيه تحضنه وهو يضمها
دانا:وانا بموت فيك
والكل يكمل رقص
نادر:حبيبي
فريده تشيل دماغها م ع كتف نادر وتبصله
نادر:بحبك
فريده تبتسم
نادر:ثواني راجع ع طول ويمشي قبل ما ترد عليه وبعد شويه يرجعلها ويشاور تشتغل رقصه التانجو
فريده بكسوف:نادر
نادر يمسك ايدها ويبدأ يحركها وهي تتحرك معاه بسهوله ونادر يتفاحئ انها بتعرف ترقص تانجو
°°°°°°°°°°°°°°°°°°°°°°°°°°°°°
يخلصوا الرقص والكل يسقفلهم وهنا فريده تتكسف وتخرج بره والباقي يكمل رقص عادي ونادر يخرج وراها
نادر يضحك:يا بنتي استني
فريده ماشيه ومش راضيه تقف
نادر يجري وراها لحد اما يوصلوا جراچ العربيات ويوقفها
نادر:قطعتي نفسي
فريده باصه ف الارض وحاطه ايدها ع وشها
نادر يضحك ويمسك ايدها ينزلها:يخربيت الكسوف
فريده:هعيط والله
نادر:لا متعيطيش
فريده:انا ازاي رقصت كده
نادر يضحك:بس كنتي هايله
فريده:نادر بس بقي
نادر:يا بنتي والله كنتي حلوه جدا
فريده:ما دي المشكله انا عمري ما ظهرت كده قدام الناس
نادر:خلاص أنسى والله الناس هتنسي وبعدين ده فرح اختك ف عادي
فريده:وانت هتنسي
نادر يقرب منها:انا مش عايز انسي قربي منك
فريده تبص الناحيه التانيه بحذر:نادر
نادر:قلب نادر
فريده بحذر:هعيط
نادر يضحك:لا خلاص بحبك
فريده بتلقائيه سريعه:وانا كمان وبعدها تستوعب وتحط ايدها ع شفايفها
نادر:وحياه امك قولتي ايه
فريده تلف وتديله ضهرها وحاطه ايدها ع وشها
نادر يلف ويقف قدامها:لا بصيلي هنا
فريده م غير ما تبصله:والنبي اعترف انك شربتني حاجه
نادر يضحك بهستريه وفريده تضحك ع ضحكه
نادر:فريده
فريده تبصله
نادر:انا عايز جوازنا يبقي حقيقي
فريده تتوتر وتفضل تفرك ف صوابعها
نادر يمسك ايدها:اهدي ...انا مش مستعجل عليكي وعارف انه صعب عليكي... بس انا معاكي... وزي ما عرفتي تسيبي قلبك ليا... ف هتعرفي تعملي كده
فريده:نادر انا وتسكت
نادر يهز رأسه عشان تتكلم
فريده:انا بجد بحبك...ومش عارفه م غيرك كنت هعمل ايه... كنت فاكره اني قويه... بس اكشفت اني قويه بيك
نادر:لا هيغمي عليا... كل الكلام الحلو ده مره واحده
فريده تضحك وتضربه ف كتفه
نادر يحضنها:وانا بموت فيكي... يا فريدتي
فريده تبتسم وتضمه وبعد شويه تبعد عنه براحه
نادر:نرجع الفرح
فريده تهز دماغها بالايجاب ويدخلوا والفرح يكمل ببهجه غير طبيعيه.. بهجه كانت مفقوده ف عيلة الصياد واخر الليل ينتهي
يوسف:معلش روح تالا
مهاب:انت اهبل يا عم... اكيد
يوسف:خلي بالك منها
مهاب:مالك يا عم اومال لو كنت مسافر هاني موون
تالا:قولوا وبعدين ما انت كنت مسافر يا عم وسايبني متخافش
يوسف يبتسم
تالا تحضنه:مش هتسامحني بقي ياچو
يوسف يضمها ويبوس راسها:انت بنتي يا توتي
مهاب:ايه يا عم بغيير انا
يوسف:بس ياض
تالا تضحك
دانا:فريده خديني معاكي
نادر:تاخدك معاها فين يالا يا ماما
دانا تضحك
وفاء:خلي بالك م نفسك يا دانا
دانا:حاضر
فريده:وياريت بلاش تتشعبطي ف رقبه يوسف وانتي نايمه هو مش امك
نادر:ايه ده.. بت متسمعيش كلامها.. اتشعبطي براحتك
الكل يضحك وفريده تضرب نادر ف كتفه وهو يحاوط وسطها بأيده
نادر:بحبك والله
فريده تتكسف وتبص الناحيه التانيه
دانا:خلاص يا روميو
نادر:تصدقي يا ديدا البيت هيبقي هاادي اوووووي
دانا:بقي كده
نادر:لا بهزر
دانا:حبيبي
ويخلصوا هزار ويوسف ياخد دانا ويطلعوا السويت اللي حجزه والباقي يروح
دانا:الاوضه حلوه
يوسف:اه...انا هدخل اغير
دانا تهز رأسها بالايجاب
ويقوم يدخل الاوضه يغير وينام ودانا تفضل قاعده بره واما تلاقي اتأخر تخبط وتتدخل وتتفاجئ اما تلاقيه نايم ف تفضل واقفه شويه بصاله
دانا:مستنيه ايه يا دانا... اذا كان ف الفرح كان لطيف معاكي بالعافيه...
وتتنهد وتدخل تغير هي كمان وتخرج بره تقعد ع الكنبه وتعيط ف صمت تام لحد اما النوم يغلبها مكانها
••••••••••••••••••••••••••••••••
وفاء:يالا تصبحوا ع خير
فريده:اخدتي العلاج
وفاء:اه يا حبيبتي
فريده:طيب
وفاء:عايزين حاجه
فريده:سلامتك
نادر:سلامتك يا ماما
وفاء:الله يسلمكوا
وتدخل اوضتها
فريده:جعان؟!
نادر يعض شفايفه:جدا
فريده:بس يا نادر
نادر يضحك
فريده:انا هدخل انام
نادر:وانا كمان
فريده:طيب خليك هغير
نادر:اشطا
وتدخل فريده تغير هدومها وتخرج
فريده:اعملك نسكافيه معايا
نادر:اوك
ويدخل نادر يغير هدومه ويدخل ل فريده
نادر:خلصتي
فريده تبصله:اممم
نادر:مرتاحه ف شغلك
فريده:جداااا ...ع الاقل احسن م القعده اللي انا مش متعوده عليها
نادر:اي خدمه
فريده:بجد يا نادر مش عارفه اقولك ايه
نادر يقرب منها ويحضنها:انتي بس احضنيني
فريده تبتسم:انت أخبار شغلك ايه
نادر:حلو جدا... واصلا بيطلب مني حاجات كتير بحكم انها عجبت ناس كتير
فريده:ربنا يوفقك يا حبيبي
نادر يبوس رقبتها:يارب يا قلب حبيبك
فريده تبتسم وتلف تبصله:هشوف ماما
نادر يضحك:خلاص متهربيش ...هقف ساكت
فريده تضحك:عارف انا حبيتك ليه
نادر:انا اصلا اتحب
فريده تضحك:لا بجد
نادر:ليه يا فيفي
فريده:عشان انت دايما فاهمني.. م ساعه ما دخلت الشركه وانت فاهمني
نادر:انتي محتاجه اللي يركز معاكي مش اكتر يافريده... اللي هيركز معاكي هيشوف فريده اللي مستخبيه
فريده تبص ف الارض:انا عارفه اني مطاقش... واني صعبه.. واحيانا وحشه جداا
نادر:انتي مش وحشه ....انتي بس بصيتي على نفسك ف المراية الغلط .. بصيلي انا ..انا عمرى ما هطلعك وحشه
فريده تبتسم بحب:ربنا يحفظك ليا
نادر:وميحرمنيش منك أبدا
فريده تبتسم وتعمل النسكافيه ويطلعوا يقعدوا ف الصالون يشربوه ويدردشوا شويه وبعدها يدخلوا يناموا
فريده بتوتر:احم ..ع فكره انت ممكن تنام ع السرير عادي
نادر:وانتي هتنامي فين
فريده بتوتر:ع السرير بردو.. بس عشان متتعبش م الارض نادر يبتسم بتفهم ويتجهه ناحيه السرير ويناموا
°°°°°°°°°°°°°°°°°°°°°°°°°°°°°
ف صباح اليوم التالي
يوسف:اصحي ...يالا قومي
دانا بخضه:ف ايه
يوسف:يالا اصحي انا عايز افطر
دانا تمسك موبايلها وتبص فيه
دانا:الساعه 8
يوسف:يعني!!
دانا:يعني لسه بدري جدا
يوسف:معلش اصل مش كلنا دانا المتدلعه اللي بتصحي 12 الضهر
دانا تتنهد:بتصحيني ليه اصلا... ما تطلب اكل
يوسف:يالا عشان هنروح
دانا:ف ايه يا يوسف ع الصبح
يوسف:يالا يا دانا انا مبحبش حد يناقشني
دانا:ليه سي السيد
يوسف يمسك داعها:اتكلمي عدل
دانا بألم:يوسف ...ايدك بتوجعني
يوسف يسيب ايدها ويزقها:يالا قومي البسي ويخرج بره
دانا هنا تعيط
يوسف لنفسه:دي دانا يا يوسف... دانا طفلتك... دانا اللي كنت بتتمني ترجع بسرعه عشانها... هي اللي عملت كده... هي اللي كسرتني ووجعتني يوم اما حبيت غيري
دانا تقوم تاخد شاور وتلبس وتخرج
يوسف:ناسيه حاجه
دانا تهز رأسها بالسلب
يوسف:مش لازم نبين ل تالا ان فيه حاجه
دانا:يعني؟!
يوسف:يعني تمثلي... تعرفي تمثلي انك مبسوطه...
دانا:ليه القسوه دي كلها
يوسف:مزاجي ...احنا روحنا عشان انا قلقان ع تالا ومش عايزها تقعد لوحدها وانتي كده كده مرتحتيش ف الفندق دا اللي هنقوله ل تالا ولاي حد
دانا بنفاذ صبر:حاضر
ويمشي يوسف ودانا وراها... وينزلوا يركبوا العربيه ويتجههوا للبيت
••••••••••••••••••••••••••••••••
فريده:نادر ...يا نادر
نادر يصحي ويبصلها
فريده:ممكن تسيبني... عايزه اقوم
نادر يبص يلاقي نفسه حاضنها او مكتفها غالبا
نادر يضحك:ايه ده انتي ازاي تحضنيني كده
فريده تضحك:لا والله
نادر يسيبها وفريده تقوم
فريده:شكلك هتنام ف الارض تاني
نادر:ليه بس ده نوم السرير طلع حلو اهو
فريده تضربه بالمخده وتخرج بره
فريده:صباح الخير
وفاء:صباح النور يا حبيبتي
فريده:صاحيه بدري ليه كده
وفاء:قلقت وقومت
فريده:خير يا حبيبتي
وفاء:مش عارفه يا فريده
فريده:صليتي طيب
وفاء:اه الحمد لله
فريده:يبقي سبيها ع ربنا وهو هيسترها... خير ان شاء الله
وفاء:يااارب
فريده:هحضر الفطار
وفاء:اساعدك
فريده:لا يا حبيبتي ارتاحي انتي
وفاء تبتسم وفريده تحضر الفطار وتحطه ع التربيزه وتدخل ل نادر
فريده:نادر
نادر بنوم:ايه
فريده:مش هتروح الشغل
نادر بعصبيه:فريده النهارده الجمعه
فريده تخبط راسها بايدها:نسيت
نادر:ابوس ايدك سبيني نايم
فريده:حاضر وتيجي تخرج ينط م ع السرير يقف قدامها
فريده تبصله بأستفسار
نادر:انا اسف.. اني اتعصبت
فريده:مش فاهمه اتعصبت ليه
نادر يتنهد:اما بكون عايز انام وحد بيصحيني بتعصب
فريده:اول مره اعرف ان لما حد بيصحيك بتتعصب عليه
نادر:عشان دي اول مره تقريبا تصحيني
فريده:صحيتك م نص ساعه معملتش كده
نادر:معرفش بقي.. بس متزعليش
فريده تبتسم:ولايهمك
نادر:بحبك
فريده:وانا كمان..
وتخرج فريده ونادر يكمل نوم
*********************
إلي هنا ينتهي الفصل الخامس عشر من الرواية
تابع من هنا: جميع فصول رواية بنت الاكابر بقلم مها جعفر
إلي هنا ينتهي الفصل الخامس عشر من الرواية
تابع من هنا: جميع فصول رواية بنت الاكابر بقلم مها جعفر
تابع من هنا: روايات رومانسية مصرية كاملة
تابعوا صفحتنا على الفيس بوك للمزيد من روايات رومانسية مصرية
أو أرسل لنا رسالة مباشرة عبر الماسنجر باسم القصة التي تريدها
أو أرسل لنا رسالة مباشرة عبر الماسنجر باسم القصة التي تريدها
اقرأ أيضا: رواية قصر البارون بقلم دينا السيد
إرسال تعليق
يسعدنا تلقي اقتراحاتك أو تعليقك هنا