مرحباً بكم أصدقائي وأحبابي عاشقي القراءة والقصص والروايات مع روايات رومانسية مصرية ورواية رومانسية جديدة للكاتبة المتألقة مها جعفر علي موقعنا قصص 26 و موعدنا اليوم مع الفصل الثامن عشر من رواية بنت الاكابر بقلم مها جعفر.
رواية بنت الاكابر بقلم مها جعفر - الفصل الثامن عشر
اقرأ أيضا: رواية فارس عشقي بقلم سحر فرج
 |
| رواية بنت الاكابر بقلم مها جعفر |
رواية بنت الاكابر بقلم مها جعفر - الفصل الثامن عشر
نادر يضحك:ما هو ده االي لايق عليكي
فريده:انا حاسه ان االي لايق غصبان
نادر يضحك:لا يا حبيبي انتي حلوه
مهاب:نقوم ونسيبكوا طيب
نادر:يا بابا خليك ف حالك
مهاب يضحك:حبيبي
نادر:انا جعان
فريده: وانا كمان
وفاء:الايس بوكس فيه اكل
فريده:طيب هقوم أجيب.. حد هياكل غيرنا
الكل يقول لا وتروح فريده ناحيه الايس بوكس
مهاب:عصفورتين كناريا يا ناس
يوسف:يا ابني انت جاي تقر علينا
مهاب:يا عم بحبكوا يا عم
يوسف:حبنا ف سرك
تالا:بتجيب لنفسك الكلام
يوسف يضحك
مهاب:يا بنتي انا جوزك دافعي عني
تالا:والله
مهاب:احم
الكل يضحك
دانا:انا طبعا بعتذر ع اللي حصل
وفاء:ولا يهمك يا حبيبتي بس كله تمام
دانا تهز راسها بالايجاب مع أشاره بعنيها ف وفاء تفهم ان كل حاجه اتصلحت بينها وبين يوسف
وفاء تبتسم:ربنا يسعدكوا يارب
الكل:ياارب
••••••••••••••••••••••••••••••
يقضوا فتره المصيف والكل حياته تتصلح وتبقي احلي فتره قضوها ف حياتهم ويرجعوا... فريده ونادر يتنقلوا البيت الجديد وتالا شغلها كله مع جوزها وفريده ونادر كمان شغلهم يتحسن ويجيلهم شغل بأسمهم وحالتهم الماديه تتحسن ويكبروا مع بعض
............
تالا:حبيبي
مهاب:قلب حبيبك
تالا:فاكر يوم فرحنا
مهاب:ابوس ايدك ارحميني
تالا:لا بحب افتكره اوووي
مهاب:كان يوم اسود
تالا تضحك:اخرس وتبدأ تفتكر
فلاش باك
تالا:انا حلوه يا چو صح
يوسف:قمر يا حياة چو
دانا:ماشاء الله عليكي يا تالا ربنا يحفظك
تالا تحدفلها بوسه:حياتي
موبايل يوسف يرن ويكون مهاب بيبلغه انه وصل
دانا:عجبتني فكره انك عملتيه الصبح
تالا:بجد
دانا:اه والله عجبتني جدا
يوسف:يالا يا تالا مهاب تحت
تالا:يالا يا حبيبي
وينزلوا وتكون تالا ماسكه ف ايد يوسف
مهاب:هي دي تالا
يوسف يضحك:تخيل
مهاب:لا يا عم دي حلوه انا عايز شعنونتي
يوسف يضحك
تالا:لا والله
مهاب:حبيبتي
تالا:لا خلاص يالا يا يوسف نطلع
مهاب:لا والله ما اقدر
تالا ترفع ايدها ل شفايف مهاب
مهاب يمسك ايدها ويبوسها:بحبك
تالا:وانا بموت فيك
يوسف:انا واقف كيس جوافه
مهاب:يا عم دي مراتي
يوسف:طب سامو عليكوا
مهاب وتالا ودانا يضحكوا ويوسف يسلمه تالا ويركبوا العربيه ويوصلوا الفيلا اللي عاملين فيها الفرح
فريده:مبروك يا قلبي
تالا تحضنها:الله يبارك فيكي يا ديدا
نادر:ايه يا صاحبي
مهاب:حبيبي...عقبال عيالك
نادر:ايه ده ف ايه
الكل يضحك
وتبدا الاغاني ويبدأ الكل يرقص والفرح يبقي كله بهجه ويصوروا سيشن فرحهم ف نفس المكان وتيجي الرقصه السلو ويرقصوا لوحدهم مره والمره التانيه الكل يرقص معاهم
نادر:بفكر نعمل فرح
فريده: ل مين
نادر:لينا
فريده تضحك:انت مجنون
نادر:معملناش فرح والله بفكر تفكير جاد
فريده:انا بحبك اوووي
نادر:وانا بموت فيكي
.........
مهاب:عارفه يا شعنونتي
تالا:قلب شعنونتك م جوا
مهاب:بجد عمري ما كنت أتخيل اننا نكون ل بعض
تالا:انا كنت يأست منك والله
مهاب:كنت تقيل انا صح
تالا:جدااااا
مهاب:طول عمري
تالا:لا بس ع مين جبتك انا بردو
مهاب:لا وعرفتي تخليني اغيير
تالا:اي خدمه... مش عارفه م غيري كان ممكن تعمل اي ف حياتك
مهااب:ايه ده ايه ده
تالا تضحك وتحضنه:ربنا يحفطك ليا
مهاب يضمها:ويحفظك ليا يا توتي ويشيلها ويلف بيها
..........
دانا:لسه عقابك ليا مخلصش
يوسف:لا ومش هيخلص
دانا تمسك وشه وتلفه ناحيته:ومينفعش يخلص ف الفرح واما نروح رجعه تاني
يوسف:لا
دانا:وعشان خاطري
يوسف يحضنها وهي تضمه ويكملوا رقصتهم
باك
مهاب:احكيلك انا بقي اللي حصل اما روحنا
تالا تضحك
°°°°°°°°°°°°°°°°°°°°°°°°°°°°
فريده:مساء الخير
وفاء:مساء النور يا حبيبتي
فريده:نادر لسه مجاش ولا ايه
وفاء:لا جيه ونايم
فريده:كلتوا طيب
وفاء:لا نادر مرضيش وانا قولت هستناكوا
فريده:تمام
وفاء:انا هقوم اروح ل دانا
فريده:اجي معاكي طيب
وفاء:لا خليكي عشان نادر... انا هاخد السواق
فريده:ماشي سلميلي عليها
وفاء:الله يسلمك
فريده:هطلع اشوف نادر بقي
وفاء:ماشي
وتطلع فريده
فريده:نادر
نادر يفتح عنيه
فريده:انا جيت يا حبيبي
نادر:حمد الله ع سلامتك
فريده:مالك
نادر:مفيش يا فريده
فريده تقعد:مفيش!!
نادر:انتي بقيتي تتاخري ف شغلك ...بقيت باجي قبلك وطبعا بتبقي تعبانه ف بتنامي انا مبقتش عارف أقعد معاكي يا فريده
فريده:يا حبيبي انت عارف اني عايزه اثبت نفسي ف شغلي ومش قصدي اني اتشغل عنك بس الشغل ده عندي حاجه مهمه جدا يا نادر... هو اللي بيحسسني اني فريده
نادر هيتكلم فريده تحط ايدها ع شفايفه
فريده:انا اسفه....هحاول متأخرش تاني واخد بالي
نادر يمسك ايدها ويبوسها
فريده:بحبك
نادر:وانا بموت فيكي
فريده:قوم يالا نحضر الاكل سوا
نادر:يالا
وينزلوا الاتنين ويبدأوا يعملوا الاكل
نادر:انتي كويسه
فريده تقعد:دايخه شويه
نادر:طيب اطلعي ارتاحي...وانا هكمل
فريده تقوم:لا وقبل ما تكمل كلامها تيجي تقع نادر يمسكها بين دراعه
نادر بقلق:فريده
مفيش استجابه منها ف يشيلها ويطلع الصالون ينيمها ع الكنبه ويروح يجيب مايه ويفوقها وهي تستجيب معاه واحده واحده
نادر:انتي كويسه؟!
فريده تهز دماغها بالايجاب
نادر:هتقدري تقومي طيب نروح للدكتور
فريده:لا انا كويسه
نادر:متأكده
فريده:اه يا حبيبي متقلقش ده اكيد اجهاد بس مش اكتر
نادر:طيب انا هروح احضر السفره وناكل
فريده تبتسم:استني طيب اقوم معاك
نادر:لا خليكي مرتاحه
فريده:ماشي لو احتجت حاجه قولي
نادر يبوس راسها ويبتسم ويقوم يحط الاكل ويقوم فريده ويبداوا ياكلوا
••••••••••••••••••••••••••••••
دانا:يا چو
يوسف:ايه يا حبيبتي
دانا:افتح الباب انت مش سامعه
يوسف:ما تفتحيه يا دانا انتي
دانا:يوسف انا ايدي مش فاضيه
يوسف:دول خمس دقايق
دانا جايه م جوا:خليك قاعد قدام البلايستيشن ليل ونهار كده وتروح تفتح الباب
دانا بفرح:ماما
وفاء:كل ده يا بنتي
دانا:معلش يا حبيبتي انا كنت جوا ف المطبخ
وفاء تسلم عليها وتدخل:ربنا يحفظك يا حبيبتي يارب
دانا:يارب يا مامتي
يوسف يقوم:وانا بقول ايه النور ده
وفاء:حبيبي منور بيكوا
يوسف:مقولتيش ليه انك جايه اجي اخدك
وفاء:جيت مع السواق
يوسف:كنتي سيبتي ل نادر وفريده السواق يمكن يحتاجوا
وفاء:مانا بعته تاني ليهم واما اعوز اروح هتصل بيه
دانا:باتي معانا يا ماما النهارده
وفاء:لا يا حبيبتي عشان خاطر فريده
دانا تقاطعها:يعني فريده هيجرالها ايه يا ماما... والنبي بقي وفاء تضحك:عليه افضل الصلاه والسلام
دانا تحضنها:يبقي هتباتي
وفاء:مبتكبريش يا دانا
دانا:حبيبتي
ويقعدوا ويفضلوا يدردشوا ووفاء تبات معاهم
°°°°°°°°°°°°°°°°°°°°°°°°°°°°
نادر:احسن دلوقتي
فريده:اه يا حبيبي
ويقطع كلامهم جرس الباب
نادر:خليكي هفتح
فريده:ده تلاقي صفوت المحامي
نادر:انتي عايزاه ولا ايه
فريده:اه يا نادر مانا حكيتلك
نادر يخبط رأسه بأيده:اه افتكرت ويروح يفتح الباب ويطلع صفوت فعلا ويسمحلوا بالدخول
فريده:اخبارك ايه
صفوت:الحمد لله يا فريده هاانم.. انتوا ايه الاخبار
نادر:الحمد لله
فريده:انا كنت جيباك عشان عايزه افتح شركه بس المره دي صغيره وهبدأ اكبرها وراس المال معايا
صفوت:طيب حضرتك هتبقي فيها لوحدك
فريده:لا هتبقي تالا ونادر شركاء معايا فيها
صفوت:تحت امرك يا هانم
فريده:خلاص انا هسيب الموضوع عليك
صفوت:حاضر ..بس المره دي لازم اتابع كل حاجه عشان ميحصلش زي اللي حصل قبل كده وفريد بيه ياخد الشركه تاني
فريده بصدمه:فريد مين اللي خد الشركه
صفوت بتوتر يبص ل نادر
فريده تبص ل نادر:فريد الصياد اخد االشركه
نادر:طيب يا صفوت اتفضل انت وهنبقي نكلمك
صفوت:حاضر تحت امرك
نادر:الامر لله
ويمشي صفوت
فريده ب عصبيه:ممكن تفهمني ايه اللي قاله ده
نادر:ممكن تهدي وتقعدي
فريده:فهمني طيب
نادر:البنك بعد اما حجز ع كل حاجه عرض كل حاجه ف مزاد وفريد اشتراهم
فريده بصدمه:اشتري الفيلا والشركه والشقه
نادر:الفيلا والشركه بس
فريده:انت ازاي تعرف حاجه زي دي ومتقليش
نادر يتنهد:مكنتش عايز اضايقك
فريده بعصبيه:وانت مالك أصلا ولا انت مين عشان تتابع اخبار تخصني وتخبيها وتستوعب اللي قالته وتسكت
نادر بصدمه:انا مين؟! انتي بجد مستوعبه اللي قولتيه... فريده انتي مش ملاحظه انك كل اما بيبقي معاكي فلوس بتنسي نفسك... بتتكبري عليا وبتبقي شايفه نفسك عليا... انتي متخيله انتي بتعملي ايه....انا بقيت احس ان الفلوس دي لعنه ف حياتك... فريده فوقي انا مش نادر الموظف اللي شغال عندك ف الشركه ...انا هنا جوزك وحبيبك زي ما بتقولي.. وبعدين بصي حواليكي كده...احنا ف المستوي ده عشان انا مكنتش عايز انزلك لمستوي اقل م مستواكي ...انتي كنتي رافضه وانا اللي اقنعتك... كل ده انا عملته م شغلي...كل ده ب مجهودي وفلوسك مباخدش منها ولا باجي جنبها وكل ده عشان بحبك... ومع ذلك لسه شايفاني صغير كده... لسه شايفه نفسك انك بنت الاكابر وانا حته الموظف اللي كان شغال عندك
فريده:انت بتعايرني
نادر بصدمه اكبر:ده كل اللي اخدتيه م كلامي وده كل اللي فهمتيه!!
فريده:كلامك معناه انك بتعايرني بكل اللي حصل
نادر يتنهد وياخد مفاتيحه وموبايله ب عصبيه ويمشي م قدامها ويرزع الباب وراه وفريده تقعد سانده راسها ع ايدها
••••••••••••••••••••••••••••••
ف صباح اليوم التالي
دانا:يا چووووو
يوسف:يا بنت...
دانا تضحك:ولد عيب
يوسف:امشي م قدامي
دانا:اصحي يالا عشان الشغل
يوسف:دانا انا قولتلك اني النهارده اجازه
دانا:اووف ..نسيت
يوسف يضربها بالمخده:هقطع ف مره الخلف بسبب اللي بتعمليه ده
دانا:بعد الشر عليك يا بيبي
يوسف:انتي مش امك هنا
دانا:اه يا قلبي
يوسف:طيب روحي بقي اقعدي معاها
دانا:هات بوسه وانا اسيبك نايم طيب
يوسف:مالك يا دانا ع الصبح
دانا:بحبك يا حياتي
يوسف:يا طنط
دانا:ششش يخربيتك
يوسف:هنده لامك وهقولها انك بتتحرشي بيا
دانا تضحك بهستريه ويوسف يضحك ع ضحكها
دانا تخبطه بالمخده:اتخمد خلي النوم ينفعك
يوسف:هينفعني
دانا تضحك وتخرج وتقفل الباب وراها
•••••••••••••••••••••••••••••
فريده تصحي تلاقي نفسها نايمه ع الكنبه ف تبص ف الموبايل تلاقي الساعه 7 ف تقوم وتدور ع نادر ف الاوض كلها ومتلاقيهوش ف تمسك موبايلها وتيجي تتصل بيه تقفل بسرعه وتقرر تاخد شاور وتنزل تروح الشغل وبالفعل تعمل كده
............
تالا:مهاب
مهاب:يا بنتي
تالا:اصحي يالا
مهاب:مش رايح الشغل
تالا:يالا يا مهاب بلاش كسل
مهاب:اسكتي وهقعد معاكي واخرجك
تالا:والله اونكل هيطردنا م الشركه بتاعته
مهاب يضحك:لا متخافيش
تالا:ما تيجي نروحلهم
مهاب يبص ف الساعه:دلوقتي
تالا:ه يالا
مهاب يطبطب ع كتفها:نامي يا تالا
تالا هتتكلم بس موبايلها يرن ف تبصله
مهاب:يالا بقي اسرحي شوفي مين
تالا:اما ارجعلك بس
وتنزل تالا تمشي ورا صوت موبايلها لحد اما تلاقيه وترد
تالا بقلق:خير يا فريده
فريده:صحيتك
تالا:لا يا حبيبتي كنت صاحيه
فريده:طيب انا كنت عايزه خدمه
تالا:ايه يا حبيبتي قولي
فريده:ممكن تخلي مهاب يتصل ب نادر
تالا:ليه ف ايه انتوا اتخانقتوا
فريده:لا ...وتتنهد.. اه يا تالا وانا مش عايزه اتصل بيه اشوفه فين ف خلي مهاب يكلمه ويحاول يعرف هو فين م غير ما يحسسه ب حاجه
تالا:حاضر
فريده:ابقي طمنيني ها
تالا:حاضر متخافيش
وتقفل فريده وتالا تطلع ل مهاب تصحيه وتقوله
مهاب:مش غريبه ان فريده تكلمنا وتقريبا دي اول مره تدخلنا ف حياتها او ع الاقل تدخلك
تالا:هو غالبا ده بالنسبه ليها ارحم م أنها تكسر كبريائها+فريده دلوقتي بتحب وقلقانه ع حبيبها ف لازم تتنازل ع حاجه م قوانينها عشان تطمن عليه
مهاب:اقنعتني
تالا تضحك:يالا كلمه وزي ما قولتلك
مهاب يمسك موبايله ويتصل ب نادر
مهاب:ايه يا عم عامل ايه
نادر:الحمد لله انت ايه اخبارك
مهاب:الحمد لله...فينك مش باين
نادر:موجود اهو
مهاب:ايوه يعني فين
نادر:مالك يا عم ف البيت
مهاب:اللي ف الزمالك
نادر باستغراب:اه
مهاب:خلف انت بتكدب
نادر يضحك:ايه ده ف ايه
مهاب:م الاخر مراتك اتصلت عايزه تعرف انت فين
تالا:يخربيتك
نادر:وانت بقي الشيخه خديجه المغربية لرد الحبيب
مهاب يضحك:دي غلطتي يعني اني خايف عليك
نادر:هي قالت ايه بقي
مهاب:كانت قلقانه عليك واتصلت ب تالا عايزاني اتصل بيك
نادر:طيب
مهاب:انت فين بقي
نادر:ملكش دعوه ويالا هش بقي
مهاب يضحك:طب يا عم براحه
نادر:سلام
ويقفل نادر
تالا:اعمل فيك ايه
مهاب:مكنش راضي يقول هو فين
تالا:وهو كده قالك يعني
مهاب يبص ف السقف
تالا:والله
مهاب يضحك
تالا:قوم يالا خرجني
مهاب:الساعه 8 الصبح
تالا:وماله
مهاب يمسك ايدها:تالا ابوس ايدك سبيني انام شويه
تالا تضحك:خلاص صعبت عليا
مهاب:الحمد لله
تالا تضحك وتنزل ومهاب يكمل نوم
°°°°°°°°°°°°°°°°°°°°°°°°°°°
"وبعد مرور الوقت"
فريده:مساء الخير
وفاء:مساء النور يا حبيبتي
فريده:جيتي امتي
وفاء:م ساعتين كده
فريده:اتبسطي عند دانا
وفاء:اه يا حبيبتي...انتي مالك؟!
فريده تبصلها:مالي
وفاء:مش عارفه حساكي مش طبيعيه وبعدين جايه بدري
فريده تبوس دماغها:لا انا كويسه يا حبيبتي متخافيش عليا يمكن عشان منمتش بس
وفاء:طيب روحي ارتاحي
فريده:حاضر عايزه حاجه
وفاء:لا يا حبيبتي سلامتك
فريده تبتسم وتطلع اوضتها وتقعد ع السرير وتفتكر اللي حصل
فلاش باك
فريده:ايه يا دكتور موضوع الدوخه دي
الدكتور:لا مفيش حاجه بسيطه متقلقيش كده
فريده تبتسم:يعني سببها ايه
الدكتور:مبروك يا فريده هانم.. انتي حامل
فريده بصدمه:ايه
الدكتور يضحك:انتي حامل ف شهرين
فريده:لا اكيد فيه حاجه غلط اكشفي تاني
الدكتور:مالك يا فريده هانم انتي كويسه
فريده تسند ضهرها ع الكرسي وتمسح ع وشها
الدكتور:فيه حاجه اجبلك مايه
فريده:لو سمحتي
الدكتور تجبلها مايه وفريده تشرب وبعدها تستأذن م الدكتور وتمشي
فريده:ايه يا تالا عرفتوا حاجه
تالا:لا يا فريده مرضيش يقول ل مهاب هو فين
فريده:طيب يا تالا شكرا
تالا:عيب عليكي يا بنتي
فريده تبتسم وتقفل تركب العربيه وتفضل سرحانه شويه وبعدها تدور العربيه وتطلع ع البيت
باك
فريده تفوق م شرودها وتقرر تنام يمكن تقوم والخوف اللي جواها ده يروح
*********************
إلي هنا ينتهي الفصل الثامن عشر من الرواية
تابع من هنا: جميع فصول رواية بنت الاكابر بقلم مها جعفر
إلي هنا ينتهي الفصل الثامن عشر من الرواية
تابع من هنا: جميع فصول رواية بنت الاكابر بقلم مها جعفر
تابع من هنا: روايات رومانسية مصرية كاملة
تابعوا صفحتنا على الفيس بوك للمزيد من روايات رومانسية مصرية
أو أرسل لنا رسالة مباشرة عبر الماسنجر باسم القصة التي تريدها
أو أرسل لنا رسالة مباشرة عبر الماسنجر باسم القصة التي تريدها
اقرأ أيضا: رواية قصر البارون بقلم دينا السيد
إرسال تعليق
يسعدنا تلقي اقتراحاتك أو تعليقك هنا