مرحباً بكم أصدقائي وأحبابي عاشقي القراءة والقصص والروايات مع روايات رومانسية مصرية ورواية رومانسية جديدة للكاتبة المتألقة مها جعفر علي موقعنا قصص 26 و موعدنا اليوم مع الفصل الحادى والعشرون من رواية بنت الاكابر بقلم مها جعفر.
رواية بنت الاكابر بقلم مها جعفر - الفصل الحادى والعشرون
اقرأ أيضا: رواية فارس عشقي بقلم سحر فرج
 |
| رواية بنت الاكابر بقلم مها جعفر |
رواية بنت الاكابر بقلم مها جعفر - الفصل الحادى والعشرون
وفاء:قلب ماما.. اتبسطت النهارده
حمزه:اه جدا
وفاء:هات حضن بقي
حمزه يحضنها
وفاء:فريده اهتمت بيك
حمزه:اه وشوفت النهارده اللي كان ف الصوره
فريده تزعق:حمزه اطلع ع اوضتك
حمزه بهمس:هو انا غلطت
وفاء:لا يا حبيبي بس اسمع الكلام واطلع غير هدومك عشان تبقي جوود بوي
حمزه:حاضر
ويطلع حمزه
وفاء:انتوا شوفتوا نادر فعلا
فريده:معرفش طلعلي منين
وفاء:وحصل ايه
فريده تتنهد وتحكيلها اللي حصل
وفاء:حقه يا فريده
فريده:انا عارفه انك هتقولي كده وعارفه انك هتيحي ف صفه
وفاء:انا بقول الحق يا فريده
فريده تزعق:والحق اللي هو وفريد عمله... الحق انه كان يضحك عليا ويبقي بيلعب عليا عشان ينقل كل اخباري ل فريد.. الحق انه يبقي قاعد معايا ونايم معايا ف نفس السرير وهو طاعني ف ضهري وبيتجسس عليا
وفاء:انتي مسمعتيهوش يا فريده... كل دي استنتاجات وبعدين انتي سمعتي فريد وهو بيقول انه مكملش معاه اللعبه... يبقي فيه حلقه مفقوده ومش هتتعرف الا اما تسمعيه.. سبيه يدافع ع نفسه
فريده:لا يا وفاء.... لا هسمعه ولا هديله فرصه.. ومش هيشوف حمزه...ولا هسمحله يقرب مننا... فريده الصياد مبتتكسرش ومش الحب هو اللي هيغيرني او هيهدني... سمعتي يا وفاء
وفاء:انتي كرهك ل فريد عماكي... انتي م جواكي مصدقه ان فيه حاجه غلط... ومصدقه ان نادر مش خاين.. بس عشان فريد موجود ف الصوره انتي بتعاندي
فريده تخبط الكوبايه اللي ع التربيزه توقعها ع الارض وتقوم تروح ع اوضه الرياضه المنقذ الوحيد ليها ف الاوقات دي
•••••••••••••••••••••••••••••
نادر:كنت عايز اعرف عنوان مسيز فريده الصياد او رقم تلفونها
الريسبشن:بس حضرتك انا مينفعش اطلع حاجه زي دي
نادر:محدش هيعرف بس لو سمحت انا عايزها ف حياة او موت...
الريسبشن:مش عارف هلاقي معلومات عنها ولا ايه
نادر:لا اكيد فيه معلومات.. فيه شغل بينكوا هنا واكيد عندك ع الاقل رقم تلفونها او اه انت اكيد عارف اسم شركتها
الريسبشن:حضرتك كده هتعملي مشاكل
نادر:عارف انت لو خلصت بسرعه محدش هياخد باله ومش هيحصل اي مشاكل
الريسبشن بأستسلام:حاضر بس اسمي ميجيش
نادر:حاضر
الريسبشن يطلع كل المعلومات ع فريده ويكتبهم ف ورقه ويديهم ل نادر
نادر:شكرا جدا بجد
ويطلع يجري يركب عربيته ويتجهه ع بيت فريده
°°°°°°°°°°°°°°°°°°°°°°°°°°°
دانا:يا بنتي اقعدي انتي بايته عندنا عشان تتعبي نفسك
تالا:ملكيش دعوه يا اختي
دانا:مليكه نايمه
تالا:اه ...وانا خلصت اهو هجيب حاجه نتسلي فيها واحنا قاعدين
دانا:ماشي
وتالا تروح وترجعلها تاني وتقعد جنبها
تالا:بردو مامتك مش بتكلمك ع رقم ولا قالتلك ع عنوانهم دانا:لا كل كلامها ليا ع طريق السوشيال ميديا وفيديو كول عشان معرفش هما فين
تالا:بتكلمي حمزه
دانا:اه كله نادر يا تالا
تالا:مانا شوفته مره
دانا:حتي ده فريده منعاه عننا... ماما بتخليني اكلمه م ورا فريده
تالا:ناصحه ....خايفه ناخد صوره ليه ونوريه ل نادر
دانا:اه ...ربنا يهديها والله انا بدعي م كل قلبي ان نادر يلاقيهم
تالا:وانا والله... اتعذب ببعدهم عنه... ولف عليهم كتير وصعب عليا أصلا.. دفن حياته ف الشغل عشان يحاول ينسي
دانا:ينسي ايه يا تالا.. ده كلام بيتقال كده.. محدش هينسي ابنه... لو نسي فريده ..ف عمره ما ينسي حمزه...
تالا:ربنا يجمعهم ع خير تاني
دانا:يااارب
•••••••••••••••••••••••••••••
وفاء:حمزه افتح الباب
حمزه ميردش عليها
وفاء تقوم وتتجه ناحيه الباب:ربنا يهديكوا يارب وتفتح الباب
وفاء بفرح:نادر
نادر يسلم عليها ويبوس ايدها:وحشتيني يا امي
وفاء:وانت كمان يا ابني عامل ايه
نادر:الحمد لله يا حبيبتي
والكوره تتحدف عليهم وهما واقفين
وفاء:حمزه عيب كده
حمزه يقف ورا وفاء
نادر:مش هتسلم عليا
حمزه يبص م ورا وفاء
نادر يضحك وينزل ف مستوي حمزه:مش هتشوف جبتلك ايه طيب
حمزه:دي ليا
نادر:اكيد
حمزه بفرح:هييييه
نادر يضحك(يكون جايبله عربيه لعبه بالريموت)
حمزه:انت طيب اوووي يا اونكل ...شكرا
نادر تتحول ملامح وشه للضيق ووفاء تلاحظ
وفاء:يالا يا حمزه خدها وروح العب
حمزه:خلي اونكل يلعب معايا طيب
وفاء:هنخلص كلام ويلعب معاك زي ما انت عايز
حمزه:ماشي وياخد اللعبه ويبعد عنهم شويه وهما يدخلوا يقعدوا
وفاء:متزعلش يا ابني اني مطلعتش اد كلمتي ومكنتش بطمنك عليهم
نادر:ولا يهمك يا ماما... انا عارف انه غصب عنك
وفاء تبتسم:انا عايزاك تاخد فريده براحه...هي بتحبك وطالما بتحبك يبقي عايزاك بس كبريائها بقي
نادر يبتسم:متخافيش ...انا هعرف اتعامل
وفاء:وانا واثقه فيك
نادر:هي فين بقي
وفاء:بتعلب رياضه
نادر:متغيرتش
وفاء:اهو بقي
نادر:طيب معلش فين الاوضه
تقوم وفاء ونادر وراها ويبتسم اول اما يشوف فريده بتلعب رياضه ووفاء تسيبه وترجع ل حمزه ونادر هنا يدخل الاوضه
نادر:كل ده عشان شوفتيني
فريده تتصدم اما تسمع الصوت وتبصله
نادر يقرب منها:مانا قولتلك مش هسيبك
فريده ب عصبيه:ايه اللي جابك
نادر:جاي ل حبيبتي
فريده:بقولك ايه
نادر يمسك دراعها:ارخي اعصابك
فريده:ملكش دعوه بيا
نادر:ارخي اعصابك
فريده بتحاول تفك دراعها منه:سيب ايدي
نادر يقرب منها اكتر:ارخي اعصابك
فريده ترفع ايدها التانيه عشان تضربه بس هو يكون اسرع منها ويمسك ايدها يرفعها ع الحيطه اللي وراهم ويبقي مكتف حركتها
فريده:سيب ايدي
نادر:تعرفي يا فريده ...انا ببقي مستمتع جدا اما مبتعرفيش تعملي معايا حاجه
فريده ترخي اعصابها:نادر كفايه بقي
نادر يقرب م ودنها:بحبك
فريده:وانا بكرهك
نادر:كدابه
فريده هتتكلم لكن حمزه يقطع كلامهم
حمزه:ديدا
نادر يسيب فريده ويبصله
حمزه:انتوا بتتخانقوا
نادر يبتسم:لا يا حبيبي احنا كنا بنلعب زي ما ماما بتدربك... مش انت بتلعب معاها
حمزه:لا فريده بتقولي هدربك بس بتنسي وكله شغل
نادر ينزل ف مستواه:طيب ايه رأيك ادربك انا
حمزه بفرح:بجد
نادر يضحك:اه بجد
حمزه:طيب هروح اغير هدومي واجي بسرعه اوعي تمشي نادر:لا متخافش انا هنا
حمزه:ماشي ويجري حمزه م قدامهم
فريده:حمزه براحه وانت طالع
حمزه:حاضر
نادر:بتبقي حاجه تانيه قدامه زي ما بتبقي حاجه تانيه قدامي بردو
فريده:انت عايز ايه يا نادر
نادر:فريده انتي بجد بتسألي
فريده تتنهد وتقعد ع الارض وهو يقلع جاكت البدله ويقعد جنبها
نادر:انا مش راضي اتكلم غير لما انتي تطلبي كده... ومستحمل وساكت وانا بسمع ابني وهو بيقولي يا عمو عشان لازم امهدله الموضوع لانه طفل
فريده:انا لا هسمعك ولا هسمحلك تقرب م ابني
نادر:انك متسمعنيش دي حاجه تخصك لكن ابني ميخصيكيش لوحدك
فريده بتلقائيه:يعني انت هنا عشان ابنك
نادر يبصلها:انتي عايزاني ابقي هنا ليه
فريده تتوتر وتقوم وتيجي تخرج م الاوضه نادر يمسكها
نادر:انا بحبك يا فريده ...ومكنتش عارف اعيش م غيرك كل الفتره دي... اللي انا فيه ده بسبب اني كنت بحاول اشغل تفكيري كله ف الشغل وبردو معرفتش... انا لسه عايزك يا فريده وهفضل عايزك طول عمري
فريده تفضل بصاله وساكته ويقطع نظراتهم وصول حمزه
حمزه:يالا يا اونكل انا جاهز
نادر يسيب ايد فريده وهي هنا تهرب م قدامه وتطلع اوضتها تحاول تستجمع قوتها تاني...
(لكن عندما يوجد نادر لا توجد قوة فريده)
نادر:كفايه بقي
حمزه:اه انا تعبت
نادر يضحك:طيب يالا
وياخد حمزه وبخرجوا بره
وفاء:هتقعد تتعشي معانا بقي
نادر:لا مرم تانيه بقي يا ماما
حمزه يرفع حاجبه:هو انت بتقولها ليه يا ماما
نادر:عشان انا بحبها واعرفها وبعتبرها زي ماما بالضبط
حمزه:طيب مش المفروض بقي تسمع كلام مامتك وتقعد تاكل... عيب متسمعش كلام مامتك
نادر ووفاء يضحكوا
نادر:مش هقدر اتكلم والله
وفاء:وانا هقولهم يحطوا الاكل
نادر:اتفضلي وتمشي وفاء
حمزه:ممكن تيجي معايا افرجك ع اوضتي واغير هدومي يا اونكل
نادر:طيب ممكن متقولش يا اونكل
حمزه:اقول ايه
نادر يسكت شويه:قولي يا نادر
حمزه:ماما وفاء بتقول عيب
نادر:لا متخافش انت بس
حمزه:ماشي يا نادر يالا
نادر يضحك:يالا
وحمزه يشده م ايده ويطلعوا فوق وحمزه يفضل يفرج نادر ع كل حاجه ف اوضته وصوت ضحكهم مالي البيت وفريده تسمع ضحكهم وهي معديه م قدام الاوضه ف تقف وتفضل واقفه ورا الباب بتتفرج عليهم وم قلبها فرحانه
حمزه:فريده
نادر يبص ع الباب
فريده:احم ...يالا يا حمزه عشان تاكل وتنام
حمزه:نادر يا فريده قال انه هيخرجني يوم الاجازه ونلعب مع بعض
فريده:مين قال اني موافقه
حمزه:بليز يا فريده
فريده:حمزه نبقي نتكلم بعدين
حمزه:ماشي
فريده:يالا ننزل
وينزلوا التلاته
فريده ب همس:انت مش مسافر
نادر:مش هرجع غير بيكوا
فريده:مش عندك شغل
نادر:انتوا اهم عندي م اي حاجه
فريده:كفايه جنان بقى
حمزه:بتقولي حاجه يا فريده
نادر:انت ليه بتقولها يا فريده... قولها ي ماما
حمزه:فريده هي اللي طلبت مني كده
نادر يبص ل فريده:ليه ...مش عايزه تباني انك اتجوزتي وخلفتي
فريده تبصله بصدمه
وفاء:هي فريده بتاعت الكلام ده بردو يا نادر
الاتنين يبصولها
حمزه:هو انت تقرب ل فريده
وفاء:اه يا حمزه هو قريب فريده جدا
حمزه:يعني هو يقربلها زيي
وفاء ونادر يضحكوا
وفاء:يالا بقي ناكل وبطل كلام
الكل يتجه للسُفره ويقعدوا ياكلوا ف جو صامت تكسره وفاء
وفاء:انت جاي هنا ليه بقي يا نادر
نادر:كان عندي اجتماع شغل
وفاء:ماشاء الله... انت فتحت شركه صح
نادر:اه يا ماما
وفاء:ربنا يحفظك ويوفقك
نادر:ويخليكي لينا
وفاء:يارب
ويفضلوا يدردشوا وبعدها نادر يستأذن ويقوم
وفاء:ما تقعد يا ابني
نادر:لا معلش هاجي وقت تاني بقي
وفاء:خلاص اللي يريحك
نادر ينزل ف مستوى حمزه:هكلمك بقي عشان نتفق
حمزه يبتسم:ماشي ..هستني
نادر يضحك ويحضنه
وفاء:يالا يا حمزه نطلع نغير وننام
وتاخد وفاء حمزه ويطلعوا
نادر:اكيد مش هتعترضي اني اكلمه
فريده تتنهد:كلمه يا نادر بس بلاش الولد يلاحظ حنيتك دي وحبك ليه وبلاش تقوله دلوقتي
نادر:فريده لو سمحتي بلاش انتي تدخلي ف علاقتي بيه بقي عشان انا بجد تعبت ومتخافيش انا مش هقوله اي حاجه لاني فاهم انه غلط عليه
فريده:تمام
نادر:تصبحي ع خير
فريده:وانت م اهله
وينزل نادر وفريده تقفل الباب وتطلع تاخد شاور وتقد ف سريرها بتتفرج ع صورها هي ونادر وف الاخر تروح ف النوم
°°°°°°°°°°°°°°°°°°°°°°°°°°°
ف صباح اليوم التالي
دانا تصوت:بتتكلم بجد يا چو
يوسف:اه والله شافهم
دانا تحضنه:الحمد لله يااارب..
تالا نازله م فوق بتجري:ف ايه
دانا بتطنط بفرح:نادر لقي فريده وماما وحمزه
يوسف:بس اهدي
تالا بفرح:ده بجد
يوسف:اه يا جدعان وانا هكدب عليكوا
تالا تحضن دانا:الحمد لله ...ده دعانا يا بت
دانا:انا بجد فرحانه اوووي
تالا:تعالي بقي يا چو احكيلنا لاقاهم ازاي
يوسف:انا عايز افطر طيب
تالا:لا بس احكي الاول وهجهزلك احلي فطار
يوسف:لا انا جعان
دانا بدلع:چوووو
يوسف:عيون چو
دانا:احكي يا قلبي وبعدها نفطر
يوسف:لا اذا كان كده ماشي
تالا:طب ايه تحب اسيبكوا لوحدكوا ما تتلم يا بابا انت وهي
يوسف يضحك:انتي مش غريبه بقي
تالا:وحياه امك
يوسف:خلاص يالا هحكيلكوا
تالا تبص ل دانا:ده سحر دانا ده ولا ايه... يوسف قبل ما يتجوز مكنش بيعمل اي حاجه وهو جعان... كان عنده انه ياكل اول حاجه ولو مكلش ممكن يكسر البيت ع اللي فيه ودلوقتي عادي
دانا:يالهووي قل اعوذ برب الفلق.... هنولع واحنا واقفين
تالا ويوسف يضحكوا ويقعدوا ويبدأ يوسف يحكيلهم اللي حصل
تالا:محدش كان يصدق انه ممكن يلاقيهم صدفه كده بعد اما لف عليهم ف كل حته خمس سنين
دانا:بالضبط
يوسف:سبحان الله بقي
ويقطع كلامهم عياط مليكه
تالا:هطلع اجيبها وتطلع تالا
يوسف:ايه
دانا:جتك اوا يا حياتي
يوسف:ايه يا بت الرمانسيه دي
دانا:حبيبي
يوسف يضحك:انا جعان بجد
دانا:طيب يالا نقوم نحضر الفطار سوا
يوسف:لا انا جعان
دانا تبصله:مانا بقولك نحضر الفطار
يوسف يغمزلها:مفيش تصبيره
دانا تضحك:لا يا بابا مفيش
يوسف يقرب منها:انتي بقيتي قاسيه اوي
تالا:انت قلبك قاسي اوي أوي
دانا تبصلها:بسم الله الرحمن الرحيم بيطلعوا امتي
يوسف يبعد ع دانا:احم ...طب ايه نحضر الفطار
دانا وتالا يضحكوا
مليكه:يو
يوسف:لا يوسف مين...يالا يا ماما
تالا:يو وحش يا مليكه
مليكه:ايف
يوسف يمسكها م قفاها:مين ده اللي قرف يا بنت مهاب
مليكه تضحك:هاب
دانا تمسكها م ايده:حرام عليك يا چو
يوسف:انتي مش شايفه البت
تالا:عايز ياخد دروس ف كيفيه التعامل مع الاطفال
دانا:بالضبط
يوسف:واتعامل معاهم ليه
دانا:عشان اللي جاي يا ...ويقطع كلامها بانها تصوت
تالا تمسك مليكه اللي بتشد دانا م شعرها:مليكه عيب
مليكه:لا
يوسف بضحك هستيري:احسن
دانا:بقي انا بدافع عنك يا كلبه
مليكه:نا
دانا:لا نا زعلانه منك
مليكه:نا حوه (دانا حلوه)
دانا:لا
مليكه تميل عليها وتبوسها
دانا تضحك:لا اتصالحت خلاص
الكل يضحك ويوسف ياخد مليكه وتالا ودانا يروحوا يحضروا الفطار ويبدأوا يفطروا مع بعض
•••••••••••••••••••••••••••••
فريده:حمزه بطل زن
حمزه:يا فريده هروح معاه
فريده تزعق:حمزه خلاص بقي
حمزه يبص ف الأرض
فريده تمسح ع وشها ب عصبيه:روح ع اوضتك
حمزه يسمع كلامها وبالفعل يروح اوضته
وفاء:وبعدين يا فريده
فريده:ماما لو سمحتي انا مش عايزه ادخل ف نقاش
وفاء هتتكلم لكن جرس الباب يقاطعها والشغاله تفتح
وفاء:ادخل يا نادر
نادر يدخل:صباح الخير
فريده تبصله م فوق ل تحت
وفاء:صباح النور... نازل تعمل رياضه ولا ايه
نادر:اه وجاي اخد
فريده تقاطعه:حمزه مش رايح ف حته
نادر:مين قال كده
فريده:انا
نادر يتنهد:انتي امبارح
فريده تقاطعه:انا امبارح وافقت انك تكلمه لكن مش تاخده وتروح ف حته
نادر بأستغراب:انا مش هخطفه
فريده:وانا مش عايزاه ينزل
نادر:مش بمزاجك
فريده:انا امه وانا المسئوله عنه
نادر:ولو انتي ناسيه ف احب افكرك اني ابوه اللي انتي حرمتيه منه 5 سنين بدون اي وجه حق
فريده:كنت اسيبه معاك وتعلمه الخيانه صح
نادر بعصبيه:انا مش خاين
فريده هترد وفاء تقاطعها
وفاء تزعق:بس انتوا الاتنين
فريده:ماما لو سمحتي
وفاء:بس يا فريده...نادر ليه حق ف حمزه زي ما ليكي... ومتدخليش الولد بينكوا
فريده:نادر ملوش حق ف اي حاجه
وفاء:وانتي ملكيش حق تحكمي ع حد وانتي مسمعتيهوش
فريده هتتكلم وفاء ترفع ايدها ف وشها ف تسكت
وفاء:حمزه ...يا حمزه
حمزه ينزل م فوق ونادر اول اما يشوفه ينزل ف مستواه
نادر:بتعيط ليه
حمزه ميردش عليه
نادر:طيب قولي مالك
حمزه:فريده زعقتلي ومكنتش عايزاني اروح ف حته وانا معملتش حاجه
نادر:طب خلاص حقك عليا انا...بطل عياط بقي
حمزه يبتسم ويمسح دموعه:حاضر
نادر:يالا يا بطل بقي اطلع غير عشان هنعمل رياضه
حمزه يبص ل فريده
وفاء:اطلع يا حمزه غير وتعالي هتروح مع نادر
حمزه بفرح:حاضر
ويطلع حمزه جري ع فوق يغير هدومه وينزل
حمزه:يالا
نادر يضحك:يالا بس انا كنت عايز حاجه
وفاء:ايه يا ابني
نادر:كنت عايز هدوم يغيرها بعد اما نخلص عشان عايزوا يقضي اليوم معايا
فريده:نعم!!
وفاء:طبعا يا نادر
فريده:ماما
وفاء تتجاهلها وتنده للشغاله وتخليها تطلع تجيب هدوم لحمزه وتحطها ف شنطته وتنزل
نادر:شكرا يا ماما
وفاء:العفو يا ابني
نادر:متقلقوش عليه
وفاء تبتسم ونادر ياخد حمزه وينزلوا
فريده:ممكن افهم ايه ده
وفاء:فريده كفايه بقي
فريده:لا يا ماما لازم يندم ع
وفاء تقاطعها:مكنتش حابه اشوف النظره دي يا فريده
فريده:نظره ايه
وفاء:نظره فريد... مكنتش حابه تكوني شبهه بس انتي للاسف كلك منه... انتي بتعملي نفس اللي فريد بيعمله انه بيأذي وبس ونادر هو النسخه التانيه مني اللي بيتأذي بس لسه مستعد يسامح
فريده تزعق:بس ...انا مش شبه فريد ولا هبقي شبهوا
وفاء تقاطعها:اثبتيلي ...اثبتيلي انك شبه وفاء واسمعي نادر.. سبيه يدافع ع نفسه... متهديش كل حاجه زي ما فريد عمل
فريده تجز ع سنانها وتمشي م قدام وفاء تتجهه لاوضه الرياضه تفرغ غضبها هناك
•••••••••••••••••••••••••••••••
مهاب:انت مراتك تحمل انا اتحرم م مراتي
يوسف:بتقول حاجه ياض
مهاب:متغلاش عليك يا حبيبي
تالا تشهق:بقي كده
مهاب:حياتي والله
تالا:قلبي
مليكه:هاب
مهاب ياخد مليكه:حياه وعيون وقلب مهاب
مليكه تضحك ضحكتها الطفوليه
تالا:انا هروح بقي يا چو مع مهاب
يوسف:ليه يا بنتي خليكي قاعده
تالا:لا يا عم انا جوزي وحشني
دانا:اهي دي البجاحه بقي
تالا:حبيبتي
يوسف يضحك:خلاص يا اختي روحي انتي اصلا طابقه ع نفسنا
دانا:اه يا تالا بجد الواحد روحه بقت ف مناخيره
تالا تحدفهم بالمخده:يا جزم
الكل يضحك
مهاب:شوفتي ...خيرا تعمل شرا تلقي
يوسف:لا يا باشا دي حبيبتي وتقعد هنا طول العمر ومزهقش منها
تالا تقوم تحضن يوسف:حبيبي يا چو
يوسف يضمها
مهاب:ايه الاحراج ده
دانا:شكلك وحش اووي
مهاب يضحك ودانا كمان وبعدها مهاب ياخد تالا وبنته ويروحوا
يوسف:مش ملاحظه انك زوديتها النهارده
دانا تبصله:زودتها ف ايه بالضبط
يوسف:ف هزارك مع مهاب
دانا بصدمه:انا!! ....
يوسف:اه يا دانا انتي...انا اصلا مكنتش بطلعك تقعدي وهو موجود وم فتره بس وافقت عشان متتخنقيش ومضغطش عليكي تقومي تهزري معاه
دانا:چو انت اكيد بتهزر
يوسف:لا يا دانا
دانا تقاطعه:يوسف انا بجد زهقت ...انا مبقتش بخرج م البيت عشان انت عايز كده... خليتني اتحجب وانا وافقت عشان بحبك ومقدره غيرتك...تقريبا مانع عني كل حاجه... والنهارده عشان قولت كلمه هزار بتقول اني زودتها
يوسف:وطي صوتك
دانا تتنهد وتعدي م جنبه وتطلع بره الاوضه وهو ينزل وراها ويقف قدامها
يوسف:اما اكون بكلمك متسبنيش وتمشي
دانا:يوسف خلاص نقفل الموضوع عشان منشدش قصاد بعض وتيجي تمشي يوسف يمسك دراعها
يوسف:بلاش يا دانا
دانا:اللي انت فيه ده شك يا چو مش غيره ابدا
يوسف:لا يا دانا انا مبشكش فيكي
دانا بدموع:لا يا چو بتشك... بتشك فيا بعد اما اتخليت ع الدنيا كلها عشانك... بتشك فيا بعد اما بطلت كل حاجه بحبها عشان خاطرك...
يوسف:دانا
دانا تمشي م قدامه وتطلع ع اوضتها ويوسف يخبط التربيزه برجليه
•••••••••••••••••••••••••••
حمزه:هي فريده مش بتحبك ليه يا نادر
نادر:ليه بتقول كده يا حمزه
حمزه:انا شوفتها ماسكه صوره وانت معاها وبتعيط وبعدها رميتها ع الارض وقالت انها بتكرهك
نادر يسرح
حمزه:نادر انت سامعني
نادر يفوق م شروده:اه يا حمزه
حمزه:طيب قولي هي ليه بتكرهك
نادر يقف ويوقف حمزه وينزل ف مستواه:ماما بس زعلانه مني عشان غلطت قبل كده لكن هي مش بتكرهني
حمزه:يعني هي بتحبك
نادر يبتسم:حد بيكره صاحبه وقريبه
حمزه:لا
نادر:يبقي هي مش بتكرهني
حمزه هيتكلم نادر يقاطعه
نادر:بطل رغي بقي
حمزه:طيب اخر حاجه
نادر يضحك:قول
حمزه:هو انت مش قريبها وصاحبها يبقي اكيد تعرف بابا فين
نادر:هو انت سألت فريده قبل كده ع بابا
حمزه:هي ع طول بتزعق... وانا عايز اعرف هو فين كل صحابي عندهم بابا وانا لا
نادر يحضنه:انت ممكن تعتبرني انا بابا
حمزه:فريده هترضي
نادر:اه متقلقش
حمزه يبتسم:انا بحبك اوي يا نادر
نادر:اسمها بحبك اوي يا بابا
حمزه يحضنه:بحبك اوي يا بابا
نادر يضمه:وانا كمان بحبك اوي وبعد شويه يبعدوا
نادر:يالا بقي نكمل جري
حمزه:لا انا تعبت م الجري
نادر:انت لحقت
حمزه:انا جعان
نادر يضحك:طيب يالا نروح نغير وناكل بعدها
حمزه:يالا
ويروحوا يركبوا العربيه ويطلعوا ع الفندق يغيروا وبعدها ينزلوا ياكلوا ونادر يفسح حمزه ف كل مكان ف تركيا ويقضوا مع بعض يوم مكنش حمزه يتخيله ابدا
نادر:وصلنا
حمزه:هو انا مينفعش اجي ابات معاك
نادر يضحك:انت عايز فريده تقتلنا
حمزه يضحك
نادر:اتبسطت
حمزه:جدا...انا بحبك اوي ويحضنه
نادر يبتسم ويضمه وينزلوا م العربيه ويطلعوا
وفاء:حبيبي اتبسط
حمزه:اه يا ماما جدا
نادر ووفاء يضحكوا
فريده:يالا يا حمزه اطلع خد شاور وغير هدومك
حمزه:هقعد مع بابا يا فريده
فريده بصدمه تبص لنادر:بابا !
نادر:يالا يا حمزه اسمع الكلام واطلع
حمزه يبصله:هتيجي بكرا
نادر:انا بكرا عندي شغل
حمزه بزعل:يعني مش هشوفك
نادر ينزل ف مستواه:هكلمك ع الموبايل
حمزه يبتسم:ماشي ويحضنه ونادر يضمه
حمزه:تصبح ع خير
نادر:وانت م اهله
ويطلع حمزه ووفاء تطلع معاه
فريده:بيقولك يا بابا... اوعي
نادر يقاطعها:هو سألني ع ابوه وقال ان صحابه كلهم عندهم بابا وهو لا ف قولتله اعتبرني انا بابا.. بس كده
فريده:انت بتستعبط
نادر يبصلها:فريده ياريت يبقي فيه احترام بينا ...انا لقيتها فرصه كويسه ان يبقي فيه تمهيد ليه
فريده تتنهد:موبايلك مقفول ليه
نادر:موبايلي مش مقفول
فريده:لا مقفول
نادر:ممكن فصل شحن مأخدتش بالي
فريده:مش هسمحلك تخرج معاه تاني يا نادر
نادر يمسكها م دراعها ويشدها عليه:فريده كفايه بقي...كفايه تحكمك ده...وبلاش لبسك وتصرفاتك او انك مسئوله ع ماما وحمزه وكنتي مسئوله ع دانا او رغبتك ف انك تبقي شبه الراجل تنسيكي انك مهما عملتي انتي بنت واني انا الراجل يا فريده مش انتي
فريده بتحاول تخلص نفسها م ايده
نادر:مفهوم
فريده تبصله بتحدي:سيب ايدي
نادر يضغط ع ايدها:مفهوم
فريده تتوجع وتحاول تداري وجعها:سيب ايدي
نادر يزقها:ابني هشوفه زي مانا عايز... انا مش مُذنب يا فريده علشان اتعامل بالطريقه دي...لو انتي مش عايزه تسمعيني ده شئ يخصك ...ولو بردو مش عايزه ترجعي ده شئ يخصك وانا مش هكلمك فيه تاني... بس ابني وعلاقتي بيه ده شئ ميخصكيش...سلام ويسيبها ويخرج ويرزع الباب وراه
فريده تفضل باصه مكانه بعصبيه وتضرب التربيزه بايدها تكسر الازاز وايدها تتعور
وفاء تنزل جري م فوق واول اما تشوف فريده تجري عليها
وفاء:حصل ايه... قومي معايا
فريده بعصبيه:ملكيش دعوه بيا
وفاء:تزعق:قومي يا فريده وتقومها معاها وتعالج ايدها وتربطها بعد كده
فريده:خلاص
وفاء:خلاص انتي يا فريده بقي
فريده:ان شاء الله
وفاء:مفيش فايده فيكي ابدا وتسيبها وتخرج م الاوضه وفريده هنا تسيب دموعها تنزل وتحررهم.. وهي ف الحقيقه مش عارفه هي بعيط ليه بس هي كمان عايزه يبقي خلاص فعلا لانها تعبت
*********************
إلي هنا ينتهي الفصل الحادى والعشرون من الرواية
تابع من هنا: جميع فصول رواية بنت الاكابر بقلم مها جعفر
إلي هنا ينتهي الفصل الحادى والعشرون من الرواية
تابع من هنا: جميع فصول رواية بنت الاكابر بقلم مها جعفر
تابع من هنا: روايات رومانسية مصرية كاملة
تابعوا صفحتنا على الفيس بوك للمزيد من روايات رومانسية مصرية
أو أرسل لنا رسالة مباشرة عبر الماسنجر باسم القصة التي تريدها
أو أرسل لنا رسالة مباشرة عبر الماسنجر باسم القصة التي تريدها
اقرأ أيضا: رواية قصر البارون بقلم دينا السيد
إرسال تعليق
يسعدنا تلقي اقتراحاتك أو تعليقك هنا