مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة هنا عمرو علي موقعنا قصص 26 و موعدنا اليوم مع الفصل الثالث عشر من رواية جمعتنا صدفة بقلم هنا عمرو.
رواية جمعتنا صدفة بقلم هنا عمرو - الفصل الثالث عشر
رواية جمعتنا صدفة بقلم هنا عمرو - الفصل الثالث عشر
ياسين. انت ياواد اصحي الساعه 5
اسر. سيبي قولولها مات
ياسين. بعد الشر عليك قوم بس اعتبرها حفله ملهاش قيمه
اسر. امبارح كلامها يقطع القلب يا ياسين وجعتني اوي
ياسين. كل دا عشانها لازم تخطبها عشان نعرف مين بيعمل كدا
اسر جاله رساله
. مبروك يا عريس يلا قوم عروستك جايه الساعه 7 ومنتساش كل حاجه طبيعيه.
اسر. اتفو عليك يا شيخ
ياسين. هات الرقم بسرعه
ياسين بعت الرقم لصاحبه عشان يشوف صاحبه وبرضو الخط اتكسر
ياسين. ملوش وجود
اسر. اوعي خليني اتنيل البس
اسر لبس بدله سودا وقميص اسود وملبسش جرافته وكان مربي دقنه
ياسين. حلو الي انت لابسه
اسر. بتتريق انا مش طايق نفسي ابعد عني فضلوا قاعدين في الاوضه بتاعتهم ونزلو الساعه 6
الكل تحت كان جهز جميله لابسه طقم عادي مش فستان وكريم لابس بدله سودا وقميص ابيض شادي لابس تيشرت ابيض وبنطلون اسود ومازن لبس بنطلون اسود وتيشرت نبيتي ودنيا لبست فستان بسيط وعادي لونه وردي وحجاب نفس اللون
اما هدي مكنتش هتنزل بس لما صمموا لبست فستان رقيق مفيهوش اي حاجه لونه اسود وطرحه دهبي.
هدي نارله علي السلم لقت محمود واقف مع ياسين ومعاه اسر لما محمود شافها جري عليها
محمود. تنط ادي تنط اي شتيني (طنط هدي طنط هدي وحشتيني)
هدي حضنته اوي وكانت هتعيط. وانت كمان يا حوده وحشتني اوي اوي
محمود. انتي اش تيجي اند انكل اسر ليه انا ايت هناك اتير (انتي مش بتيجي عند انكل اسر ليه انا جيت هناك كتير)
هدي بصت لاسر وبعدين بصت لمحمود. معلش يا حبيبي هشوفك الفتره الجايه كتير ان شاء الله
محمود شدها لعند ياسين واسر
محمود. بابي تنط ادي بتغنيلي وثوتها حو اوي يا بابي (بابي طنط هدي بتغنيلي وصوتها حلو اوي يا بابي)
ياسين. اه بصراحه يا هدي انتي صوتك تحفه انا سمعته يوم الفرح
هدي. شكرا ليك
محمود. غنيلي يا تنط (غنيلي يا طنط)
هدي. حوده هغنيلك واحنا لوحدنا ماشي
محمود. لا وقتي
اسر. اه دلوقتي يلا
هدي. حوده بجد هغنيلك بس لوحدنا
محمود بدأ يعيط
هدي. طيب خلاص خلاص اهدي هغنيلك
محمود. هيييييي
مكنش حد من الضيوف جه وكانوا قاعدين في الفيلا لسه
هدي قعدت علي الكنبه ومحمود علي رجلها وكان وشه ليها وهي بدات تغني اغنيه من البدايه لحماقي
هدي. من البدايه قولتلك انو مش دايما يكون الحب كافي والحياه ليها حسبه تانيه يومها نزلت دمعه منك فوق كتافي
هدي كانت بتغني باحساس ووجع وعنيها كانت مدمعه وهي بتبص لمحمود الي مش فاهم حاجه بس عجبه صوتها ولما لقاها هعيط حضنها وحط راسه علي صدرها وبدأ يعيط هو كمان
اسر قلبه وجعه عليها وكان حاسس ان الكلام هو المقصود بيه وبص لياسين الي حط ايده علي كتفه عشان يهون عليه
هدي كملت الاغنيه وهي دموعها في عنيها وبعد ما خلصت بصت لمحمود الي كانت بيعيط بدون صوت
هدي. بتعيط ليه يا محمود
محمود. عثان انتي بتعيطي يا تنط ادي انا حبك مث تعيطي (عشان انتب بتعيطي يا طنط هدي انا بحبك مش تعيطي)
هدي خضنته وعيطت وبعدت عنه ومسحت دموعه ودموعها
هدي. خلاص مش هعيط وانت كمان متعيطش ماشي
محمود بابتسامه. ماثي (ماشي)
جميله وكريم زعلانين علي عيالهم جدااا
بعد وقت بدا يوصل الضيوف ووصلت دارين
اسر من باب الزوق يمد ايده ياخدها من العربيه
دارين كانت لابسه فستان دهبي قصير جدا وليه ديل طويل وتوب ومسيبه شعرها وميكب كامل
اسر اخدها وراخوا قعدوا علي الكوشه
دارين. اسوره انت ليه محلقتش
اسر. ملكيش دعوه
دارين.ليه كدا بس
اسر. بصي خلينا نعدي اليوم دا علي خير ها
هدي قاعده مع محمود ومازن واميره
مازن. بت ملازقه
اميره اووي يعني حاجه نيله
هدي. ملناش دعوه
محمود. تنط لزقه هههههههه(طنط ملازقه)
هدي. هههههههههه يخرب بيتك يا مازن بوظت الواد
مازن. هههههه حتي والواد الصغير نطق
دارين قامت راحت الاوضه الي بتظبط فيها هدومها
مازن غمز لاميره
اميره. طيب انا هقوم اخش التواليت
هدي. اوك
اميره راحت عند دارين و دارين كانت في التوليت وقلعت الجزمه
اميره. انا هوريكي يا امو اربعه واربعين انتي
اميره كان معاها اله حاده وبدات انا تكسر كعب الحزمه بس لسه موجود بمعني انها لما تمشي خطوتين او اكتر يتكسر بيها
خرجت اميره قبل ما تطلع
اميره رجعت عندهم وغمزت لمازن بمعني تمام
مازن. انا هروح لاسر
اميره. اشطا
مازن راح لمنظم الحفله و
مازن. بص عايزك تنزل التورته دلوقتي
المنظم. بس لسه بدري
مازن. ملمش دعوه نزلها بس وحطها هناك كدا قدام انسه دارين بالظبط
المنظم. حاضر يا فندم
مازن رجع وظبطوا كل حاجه
ياسين راح لل DJوطلب منه يشغل الاغنيه السلو اول ما دارين تمشي بعد ما التورته تنزل. (ياسين متفق مع مازن واميره)
دارين رجعت وطلعت قعدت وبعدها بفتره قليله اعلن المنظم عن
نزول التورته اسر استغرب وبص لياسين وياسين غمزله اسر فهم ان في حاجه هتحصل
التورته نزلت وكانت قدام دارين وهي نازله من علي السلالم بتاعه الكوشه
اميره. ايوه ايوه انزلي يا بيضه يا بيضه
دارين نزلت اول سلمه التانيه كان الكعب بتاع الفردتين اتكسروا ونزلت علي التورته والفستان باظ والميك اب والكل بيضحك حتي اسر ضحك وهدي ضحكت ضحكت
دارين رفعت وشها وطلعت تجري علي جوه والعاملين لموا التورته والاغنيه اشتغلت هدي كانت واقفه قريب من الاستيدج واسر واقف علي الاستيدج اميره زقتها ومازن نفس الحكايه مع اسر في اقل من ثانيه كانوا في وش بعض والاغنيه اشتغلت
ياسين بصوت عالي. ارقص معاها ارقص معاها
مازن وشادي ودنيا واميره وكريم وجميله والناس كلها بقت بتقول كدا. ارقص معاها ارقص معاها.
هدي اتكسفت وكانت هتمشي بس مسك اديها والاغنيه اشتغلت
_لمستك نسيت الحياه وانت الي بحلم اعيش يوم معاه والليله هي البدايه وخليك معايا دا عمري الليله دي ابتدي
اسر وهدي بيرقصوا وهدي بتبصله بعيون دامعه
هدي بصوت مبحوح. عملت كدا ليه
اسر. عشانك
هدي. عشاني تعمل كدا
اسر. سيبك خليني استمتع وانتي معايا
هزي بعدت عنه وبصوت عالي. لا لا يعني ايه تخطب واحده وتقولي سبيني استمتع وانتي معايا انت عارف انت بتقول ايه الي انت بتقوله معناه اني رخيصه في نظرك
اسر. اهدي بس انا مكنش قصدي كدا خالص والله
هدي. الي بتقوله ملوش معني غير كدا يا اسر ابعد عني يا اسر انا مش هبقي رخيصه تاني انا عندي كرامه وعشان كرامتي هدوس علي قلبي
هدي سابته ومشيت وياسين ومازن جم حواليه
ياسين. هببت ايه
اسر. مش عارف قولت كدا ازاي
مازن. قولت ايه يا منيل
اسر.قولتلها سبيني استمتع وانتي معايا
ياسين بيحط ايده علي دماغه. هتفضل طول عمرك دبش واهبل
اسر.بس بقا انا مش ناقص
اميره راحت لهدي لقتها بتعيط
اميره. اهدي يا هدي عشان خاطري اهدي
هدي. شايفني رخيصه عشان بحبه بقيت رخيصه
اميره. لا انت عارفه اسر هو اكيد ميقصدش كدا
هدي. ولا يقصد معدتش فارقه انا خلاص لازم الغيه من حياتي لازم
دارين خرجت ولبست فستان تاني لونه احمر بحمالات وقصير
دارين. يلا يا بيبي لبسني الدبله
اسر ماسك الدبله وهيلبسها لدارين بس الدبله وقعت وفضلت تتحرك لحد هدي.
هدي بتبص للدبله كان نفسها تكون في ايديها هي، اسر شاف هدي وهي ماسكه الدبله
دارين. اهي مع هدي
اسر. عارف
اسر نزل يجيبها منها، وقف قصادها وادته الدبله وهو اخدها ولبسهالها وبعدها اخدها تاني من غير ما حد يشوف
هدي. انت بتعمل ايه ابعد
اسر. كان لازم انتي تكوني اول واحده تلبس دبلتي
اسر سابها ومشي وراح لدارين.
وتمت الخطوبه
دارين. يلا نخرج
اسر. لا انا عندي شغل بكره مش هينفع
دارين.اسر بطل بقا
اسر. نبقا نخرج يوم تاني
اسر وصل دارين ورجع البيت لاقي مازن ودنيا وشادي قاعدين علي النجيله بيلعبوا الشايب
مازن. عااااااا كسبت يا هدي
هدي. يووووه اطلب عايز ايه
مازن. غنيلي
هدي. تصدق انا كرهت نفسي
مازن. دا حكم يا حلوه يلا
هدي. طيب
هدي قامت وقفت وغنت اغنيه انا مش هفرض نفسي غنت بصوت عادي وجت عند الحته ديه وعلت صوتها
هدي. هتقووووول ظروف قله فضااا والدنيا وخداك مش كدااا حفظت منك كل داااااا هتقولي ايه تااااني اييييه
غنت هدي لحد ما خلصت
وشادي قام حضنها وهي حضنته
هدي. شادي خلاص انا مش هبقي ضعيفه تاني انا خلاص هروح اشتغل عادي وهرجع اجري زي زمان ومش هسمح لحاجه تكسرني
شادي بعد عنها. ايوه بقا هي دي هدهود
مازن. وكلنا هنقاطع اسر علي فكره
هدي باندفاع. لا لا اوووعي يا مازن اوووعي دا اخوك وهيفضل طول العمر اخوك سامع لو عملت كدا والله انا الي هقفلك سامع
مازن. بجد انتي مفيش زيك ولا في طيبه قلبك
هدي. كفايه بقا يلا ننام انا تعبانه وعندي شغل الصبح يلا
كلهم طلعوا واسر كان سامعهم وكره نفسه وطلع غير واخد دش وقعد علي السرير وفتح فيس جاله رساله
. شاطر بتسمع الكلام مبروك يا اسر وابعت 2مليون علي حساب.......... ولو مبعتش انسي القطه.
اسر. الموضوع كبر اوي ايه دا
.......
تاني يوم اسر راح البنك يحط الفلوس وسال عن اسم الحساب طلع باسم واحد اسمه مجدي وملوش بيانات.
اسر. مين مجدي دا
.................................
تاني يوم الصبح بدري قامت هدي وهي كلها نشاط وكانت مقرره انها هتشتغل وتدرس وهتنجح في حياتها وهتنسي اسر الي وجعها وكسرها وهي للاسف مش عارفه السبب.
قامت اخدت شاور وصلت ولبست بنطلون جينز وشميز ابيض طويل وكوتش ابيض وطرحه ملونه واخدت شنتطها ونزلت وعلي وشها ابتسامه الكل افتقدها جدا
هدي بابتسامه.صباح الخير
كريم متفاجأ. صباح النور يا هدي
جميله. هدي انتي كويسه
هزي باستغراب. ايه يا جماعه مالكوا
مازن. اصل يعني الي يشوفك امبارح ميشوفكيش دلوقتي
هدي. ببساطه اني خلاص هرجع زي ما انا تاني ومش هسمح لحاجه تكسرني تاني هشتغل وادرس وكل الي حصل دا انا السبب فيه لاني حبيت الشخص الغلط حبيت الشخص الي كسرني ووجعني واني سمحتله يتخطي حدودوه معايا فا انا الغلطانه بس خلاص انا بقيت تمام وهرجع هدي تاني وهرجع اجري واروح الجيم واشتغل
جميله وهي تحضنها. حمد الله على السلامة يا قلبي
هدي بابتسامه. الحمد لله اني رجعت لنفسي تاني
كريم. طيب ايه يلا عندنا شغل كتير متاخر وخصوصا بعد ما تشوفي مين هيدبرك
هدي. اسر مين يعني
كريم. لا انا هغيره و
هدي. لا اسر هيفضل مديري في الشغل والحجات الشخصيه ملهاش دعوه بالشغل لو سمحت يا بابا
كريم. زي ما تحبي يا هدي
اسر كان نازل وسمعها. للدرجه ديه حبتيني وانا كسرتك والله يا هدي علي عيني والله
اسر نزل وسلم عليهم
اسر. انا نازل عايزين حاجه
الكل عدا هدي. سلامتك يا حبيبي
هدي. ماما انا ماشيه ماشي باي
جميله. في حفظ الله يا حببتي
نزلت هدي بعد اسر كان لسه بيركب العربيه، ركبت العربيه واتحركت قبله وفي العربيه عندها بتكلم نفسها
هدي. ياربي انا تعبانه اوي مش عارفه جبت الجرأه ديه منين بس انا للاسف لسه بحبه وعيزاه بس هو كسرني اوووف يارب بقي ريحلي قلبي
هدي وصلت وطلعت سلمت علي مني وعبد الرحمن
عبد الرحمن. انسه هدي هي انسه سهي مبقتش بتيجي ليه
هدي باستغراب. هي مش بتيجي
عبد الرحمن. اه بقالها اسبوع
هدي. غريبه اوي هكلمها طيب وارود عليك
هدي كلمت سهي كتير مش بترود خالص
هدي. هي مش بترود بس انا ان شاء الله بكره هروحلها واشوفها
عبد الرحمن. ياريت تبلغيها سلامي يا انسه هدي
هدي. حاضر يا عبد الرحمن بعد ازنك
هدي مشيت وراحت عند اسر لان في ورق عايز يكمل تبع الوفد الالماني الي جاي كمان اسبوع
هدي دخلت عنده لقته بيتكلم مع ياسين بس سكتوا اول ما دخلت
هدي. اا انا اسفه هاجي في وقت تاني
اسر. لا اتفضلي
هدي دخلت
هدي. الورق دا عايز يكمل
اسر. طيب سبيه وانا هكمله وابعتلك لما يخلص
هدي. تمام يا مستر اسر
ياسين. هدي محمود تحت علي فكره
هدي. تحت فين
وهما بيتكلمو محمود طلع من تحت الكرسي كانه بيخوفها
محمود. عوووووووو
هدي. هههههههه حوده حضتني يا عم الديناصور
محمود. ههههههه شتيني تنط ادي (وحشتيني طنط هدي)
هدي. وانت كمان يا روحي يلا تعالي معايا
ياسين. بلاش مش هتعرفي تشتغلي خالص
هدي. لا لا متقلقش هعرف اشتغل
ياسين. طيب متعملش شقاوه يا دودو
محمود. حاضر يا بابي
طلعت هدي بمحمود وراحت مكتبها
اسر. شوفت بقت عامله ازاي
ياسين. اي واحده مكانها هتعمل كدا بصراحه
اسر. لا مشوفتهاش بتتكلم ازاي الصبح كانها خلاص كرهتني
ياسين. لا مشوفتش بصتها ليك هي بتعمل كدا عشان تبان قويه قدامك وانك ولا تفرق معاها
اسر. ربنا يعدي الموضوع دا علي خير، المهم عرفت مين مجدي
ياسين. والله بندور متقلقش وكمان انا باعت واحد بيراقب دارين مش مرتحلها
اسر. يكون احسن
عند هدي
قاعده بتلعب مع محمود شويه وتشتغل شويه وبعدين تعبت وقعدت معاه تغنيله لحد ما نام علي صدرها حضنته وبتشغل عادي لحد ما جه معاد الانصراف ومحمود نايم قررت انها هتوديه لاسر عشان يكلم ياسين
خرجت هدي من المكتب وعلي كتفها محمود ورايحه عند اسر دخلت لقته قاعد نايم علي المكتب
هدي. يادي النيله انا ناقصه
هدي. اسر اسر اسسسسسسر
اسر بخضه وكانه كان بيحلم. هدي هدي لا لا لا سبها لا
هدي. اسر اصحي انت كويس
اسر قام مخضوض وبيبصلها وقام حضنها جامد اوي
اسر. انت كويسه صح
هدي بصدمه. اسر ابعد انا كويسه
اسر بعد عنها. احم انت انت بخير
هدي. اه والله اتصل بياسين عشان ياخد محمود
ياسين دخل لاقي هدي شايله محمود ومتربكه واسر عرقان وشعره منكوش
ياسين. في ايه انتو بتتعركوا
اسر. بطل هزارك دا وخد ابنك
هدي ادته محمود بعد ما باسته
هدي. انا مروحه يلا باي
خرجت هدي واخدت شنطتها ومشيت روحت البيت
عند اميره في بيتها قاعده فاتحه فيس لقت حد بعتلها صوره لمازن ومعاه واحده في وضع مش كويس
اميره اتصدمت جداا لما شافت الصوره وفضلت تعيط كتير جدا
وكلمت مازن
مازن. ميرا عا..
اميره. مش عايزه اعرفك تاني يا حيوان يا حقير
مازن. في ايه يا اميره فهميني
اميره. مش عايزه اعرفك تاني
وقفلت الموبيل وانهارت في العياط
......... في مكان راقي
عمر.هههههههه اتصدمت يا عيني
تالين. ايوه طبعا طيب انت يا عموره هتستفاد ايه
عمر. اكسرها زي ما بهدلتني قدام الجامعه كلها
تالين. طيب مش ممكن نتكشف
عمر. لا لا متخافيش
تالين. اوعي تكون بتحبها
عمر. احب مين بس انت هبله دا انتي الي في قلبي
تالين. حبيبي يا عموري
................
اسر نزل بعدها ودخل الفيلا سمع جميله بتزعق في التليفون
جميله. مجدي كفاياك فلوس بقا وسبنا في حالنا بقا احنا عملنالك ايه
مجدي..........
جميله. لا ملكش دعوه باسر حاضر حاضر هبعتهم
جميله قفلت لقت اسر في وشها
اسر. ماما مين مجدي وعايز مني ايه
جميله بارتباك. اااا لا دا عادي
اسر. ماما فهميني كل حاجه دلوقتي حالا
جميله. خايفه عليك
اسر. متخافيش احكيلي حالا
جميله.........
*********************
إلي هنا ينتهي الفصل الثالث عشر من رواية جمعتنا صدفة بقلم هنا عمرو
تابع من هنا: جميع فصول رواية جمعتنا صدفة
تابع من هنا: جميع فصول رواية جمعتنا صدفة
تابع من هنا أيضاً: جميع فصول رواية قسمتي بقلم أسماء سليمان
تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها
أو أرسل لنا رسالة مباشرة عبر الماسنجر باسم القصة التي تريدها
اقرأ أيضا: رواية فارس عشقي بقلم سحر فرج
إرسال تعليق
يسعدنا تلقي اقتراحاتك أو تعليقك هنا