مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة هنا عمرو علي موقعنا قصص 26 و موعدنا اليوم مع الفصل الرابع من رواية جمعتنا صدفة بقلم هنا عمرو.
رواية جمعتنا صدفة بقلم هنا عمرو - الفصل الرابع
رواية جمعتنا صدفة بقلم هنا عمرو - الفصل الرابع
هدي بتعب. ااااااه رجلي
اسر بقلق. معلش هي اتفتحت والدكتور خاطيتها وهتبقي كويسه
هدي بعياط. اا ف ف فاادي كان عايز..
اسر. عارف وانا كنت عارف كل حاجه عبد الرحمن قالي وكنت مظبط كل حاجه بس مكنتش اعرف ان الازاز هيتكسر وتتعوري كدا
هدي بصريخ. ااااااااااه مش قاادره رجلي اااااه
اسر بزعيق. دكتور بسرعه هدي معلش استحملي شويه
الدكتور دخل واداها بنج ونامت واسر اتصل علي كريم وكريم قال لجميله وشادي وكلهم راحوا المستشفي يشوفوها قبل ما يوصلوا هدي فاقت بس لسه بتخترف من البنج
هدي. اسر ااه انت حضنك حلو هههههه
اسر بيضحك عليها وعارف انها بتخترف. اه ما انا واخد بالي هههه
هدي. احضني تاني
اسر. هااا
هدي وهي بتشده من ايده تعالي تعالي
اسر اتصدم وقرب منها وهي نايمه علي السرير وحضنها وهي نامت تاني وبعد عنها وبصلها و
اسر. هو انا ليه بس بكدا وانا جنبك ليه طول عمري محبتش واحده ولا انشديت ليها
دخل كريم وجميله ومازن وشادي ودنيا و
جميله. مالها يا اسر
اسر حكلهم الي حصل و
كريم. لازم الواد دا يتحبس
اسر. البوليس مسكه و اترفد خلاص
فاقت هدي من البنح تماما و
هدي. ااااه
جميله. هدي انت كويسه يا بنتي
هدي بتعب. اااه انا كويسه بس رجلي تعباني شويه
اسر. متخافيش الدكتور قال إنها اسبوع وهتفك الغرز وكتبلك علي ابر لازم تاخديها
جميله. الابر ديه كل اد ايه
اسر. تقريبا كانت كل 5 ساعات
كريم. جميله انت بتعرفي تدي ابر
جميله. لا وحتي مفيش صيدليه قريبه مننا
دنيا. بابي انا بعرف ادي ابر اتعملتها لما كنت في كروس التمريض وانا في الاجازه
كريم. متأكده يا دنيا
اسر. وليه نغامر ممكن نقول للدكتور يبعت معاها ممرضه وخلاص
دنيا. لا لا انا بعرف والله وكمان عشان اخلي بالي منها
جميله. طيب يا دنيا تعالي معانا يلا
كريم. لا يا جميله خلي هدي تيجي معانا وتقعد مع دنيا في اوضتها وتخلي بالها منها متخافيش عليها وكلها كام اسبوع وهنكتب الكتاب خلاص
جميله. اا لا انا عيزاها معايا يا كريم
مازن وشادي قالوا لبعض انهم يكتبوا الكتاب دلوقتي ويعملوا الحفله بعد كدا وقرروا يقوللهم
مازن. احم انا عندي الحل
كريم. قول يا ابو العوريف
مازن. حضرتك وطنط جميله تكتبوا الكتاب دلوقتي وبعدين بعد ما هدي تخف نعمل حفله كبيره
شادي. وبكدا ينفع كلنا نقعد في الفيلا وماما هتكون قريبه من هدي
كريم. والنبي انت واد ميه ميه اول مره تقول حاجه صح
جميله. ايه دا هو سلق بيض انا مقولتش لبابا وماما
كريم. ملكيش دعوه انا هكلمهم
اسر كان متابعهم وعينوا علي هدي وشافها وهي بتتالم وتعبانه
اسر. طيب يلا بينا بقا شوفوا هتعملوا ايه
كريم اتصل بوالد جميله وقالوا الي حصل ومحمد كان معترض في الاول بس وافق عشان هدي وراحوا وكتبوا الكتاب ورجعوا علي المستشفي عشان ياخدوا هدي وجابوا لهدي كرسي ماعرفتش تقعد عليه عشان ركبتها حاولوا يخلوها تمشي لاكن
هدي بعياط. اااااه مش قادره ما ماما اااه
اسر قلبه وجعه عليها وراح شايلها وسط نظارتهم المستفهمه بس هو مهمهوش وهدي استغربت جدااا وكانت بتترعش في طريقهم للخروج كان اسر سابق الكل و (ايه) كانت داخله المستشفي وشافتهم و
ايه. ايه دا يا هدهود وعملانا فيها ست الشيخه
اسر بغضب. وانت مالك انت اصلا
ايه. مالي ايه دا انت شايلها اهو الله هو اعلم حصل ايه تاني
هدي بزعيق. لمي لسانك يا ايه انت عارفه اني مش كدا ودا اسر يبقا ابن انكل كريم جوز ماما وانا زي ما انتي شايفه رجلي مفتوحه فا نلم نفسنا شويه
ايه. برضو مينفعش يشيلك دا مروان هيتفاجأ جدا
هدي. اسر معلش نزلني
اسر. لا طبعا رجلك هتوجعك
هدي. معلش نزلني يا اسر
اسر نزلها ووقف بعيد عشان يسمعها بتقول ايه
هدي. اعتقد يا ايه انتي اخر واحده تتكلمي عني ولا ايه
ايه بضحك. والله بعد الي شوفته سمعتك باظت يعني
هدي ببرود. لا باظت ولا حاجه لما رجلك تتقطع ويشيلوكي هنقول ما هي كانت تعبانه
وفي اللخطه ديه جيه مازن ودنيا وشادي وجميله وكريم وجميله
جميله. ايه دا يا ايه انت هنا
ايه. اه يا طنط وشوفت الي ميتشافش
جميله. شوفتي ايه
ايه حكت لها عن الي شافته
جميله. والله انا شايفه ان دا عادي لانها تعبانه و الكرسي معرفتش تقعد عليه و
هدي. ماما احنا مش مطرين نفسر كلام لحد مش اخر الزمن ديه تقف تحاسبنا
هدي كانت بتتكلم وهي واقفه ورجلها كانت وجعاها جدااا وكانت في بدايه انها تنزف من جديد بس مبينتش
جميله. عيب كدا يا هدي اعتزري لاختك
هدي كانت متغاظه جدااا بس مامتها مش عايزه تعقد الامور اكتر
هدي. حاضر يا ماما
هدي قربت منها ومسكت دماغ ايه و
هدي. وابوس دماغها كمان
اسر كان مستغرب لانها عنيده استحاله تعمل كدا، هدي قربت اكتر ومره واحده راحت ضرباها بالدماغ جامد جدا و
هدي بدوخه بتحاول تخفيها. اتمني تكوني زعلتي اكتر
ايه بوجع. اااااه ماشي يا هدي ماشي
مشت ايه وهي موجوعه بس مشيت عادي
جميله. ايه يا هدي دا عيب كدا مكنش ينفع تعملي كدا خالص
اسر. يا طنط كلام البنت ديه كان وحش جدا علي فكره انا مرضتش اتدخل عشان حضرتك وميحصلش مشاكل
هدي كانت بتنزف بس هما مش شايفين الدم عشان كانت لابسه بنطلون اسود والدم بيزيد وهدي كانت واقفه قد يكون مش شايفه وكانت بتحاول تتماسك و
كريم. يلا بينا نروح يلا وانت يا..
قطع كلامه وقوع هدي كان اسر واقف وراها فا وقعت عليه و
اسر. هدي مالك هدي
الكل اتجمع حوليها ولقوا تحت رجلها بقعه دم كبيره
مازن. بسرعه يا اسر نادي دكتور ديه رجلها بتنزف جامد اوي
اسر شال هدي ومفرقش معاه الدم الي بوظ هدومه، الدكتور غير علي الجرح و اداها مسكن
الدكتور. هي عندها حاله اغماء نتيجه ضربه قويه في الدماغ ورجلها نزفت لانها حملت عليها جامد
جميله. طب هتكون كويسه
الدكتور. اه ان شاء الله كمان 5 ساعات هتفوق بعد ما مفعول المسكن يروح وتقدر تروح
اسر. مينفعش تروح دلوقتي
الدكتور. بلاش احسن خليها هنا
كريم. الي تشوفه يا دكتور
خرج الدكتور وكلهم بعد جدال طويل توصلوا انهم كلهم هيروحوا ويجولها كمان 5 ساعات وبالفعل كلهم اتحركوا وجميله وشادي راحوا شقتهم لموا هدومهم وحجاتهم وقفلوا الشقه لان كريم صمم انهم يجوا عندوا الفيلا خلاص واسر ودنيا وكريم روحوا البيت بعد ما اخدوا جميله وشادي وحجاتهم وراحوا الفيلا وغيروا واستحموا واكلوا واسر نام شويه ومازن ودنيا نفس الموضوع كل واخد في اوضته وجميله رصت هدومها وهدوم شادي وكانت هترص هدوم هدي بس دنيا منعتها وقالت لها انها نفسها ترصها مع هدي بالهدوم الجديده وجميله وافقت بعد حوالي 6 ساعات كانت جميله راحت تشوف هدي واسر وكريم راحوا الشركه وهيخلصوا بدري ويروحوا ياخدوا هدي وجميله اما شادي ودنيا فا كان عندهم درس ومذاكره خصوصا ان الامتحانات قربت علي دنيا وشادي ومازن وهدي، ومازن كان عنده كورس
عند هدي في المستشفي.....
هدي فاقت وقعدت مع مامتها واكلت وجه اسر وكريم ومازن
كريم. حمد الله علي السلامه يا بنتي عامله ايه
هدي. الحمد لله يا انكل انا بخير
اسر. سلامتك
هدي. الله يسلمك شكرا
مازن. هدهود الف سلامه عليكي اكيد حسدوكي يا لوزه
هدي بضحك. ههههههههه عندك حق والله دا انا في عين رشقت فيا
مازن. ان شاء الله هتكوني كويسه
هدي. ياارب
هدي. ماما فين موبيلي
اسر. موبيلك اهو كان واقع في الشركه بعد اا
هدي وقد افتكرت الي حصل وكان ممكن يوصل لايه دمعت بس مازن لحق الموضوع
مازن. اكيد بعد ما وقع يعني مش محتاجه
الكل ضحك عشان بخففوا من حده الموقف
اسر اعطي لهدي التليفون وفتحته لقت اكتر من 100 missed callمن سهي واميره
هدي. يالهوووي سهي واميره هيقتلوني
جميله. كلموني و
قاطعها دخول......ومازن انت.....
*********************
إلي هنا ينتهي الفصل الرابع من رواية جمعتنا صدفة بقلم هنا عمرو
تابع من هنا: جميع فصول رواية جمعتنا صدفة
تابع من هنا: جميع فصول رواية جمعتنا صدفة
تابع من هنا أيضاً: جميع فصول رواية قسمتي بقلم أسماء سليمان
تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها
أو أرسل لنا رسالة مباشرة عبر الماسنجر باسم القصة التي تريدها
اقرأ أيضا: رواية فارس عشقي بقلم سحر فرج
إرسال تعليق
يسعدنا تلقي اقتراحاتك أو تعليقك هنا