مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة هاجر عبدالحليم علي موقعنا قصص 26 و موعدنا اليوم مع الفصل العاشر من رواية اختلاف القلوب وتحدى القدر بقلم هاجر عبدالحليم.
رواية اختلاف القلوب وتحدى القدر بقلم هاجر عبدالحليم - الفصل العاشر
اقرأ أيضا: رواية عشق الزين (الجزء الأول) بقلم زيزي محمد
 |
| رواية اختلاف القلوب وتحدى القدر بقلم هاجر عبدالحليم |
رواية اختلاف القلوب وتحدى القدر بقلم هاجر عبدالحليم - الفصل العاشر
ف اوضة اسد
كنت بلبس البدلة وانا سعيد ومعرفش ايه سبب السعادة دى...يمكن علشان البنت اللى كدا مدا بتبعد عنى هتكون مراتى ع سنة الله ورسوله...مش مصدق خلاص هيتقفل علينا باب واحد بحلال ربنا
فجاه لقيت جيسى دخلت متعصبة وقفلت الباب قفلة جامد
قولت ف سرى:الله اكبر
بصتلى من فوق لتحت بعصبية شديدة
قولتلها:ف ايه ياجيسى؟!
بصتلى بصدمة:انت بكييل عقلك عم تقيلى شو فى؟! لا سلامتك ما فى اى شى بنوب بس شى كتير صغير ها الاد بتعرف شو هو
وكملت بزعيق:انى راح اطربق الدنيا ع دماغك انت وها البنت
جاية تمشى بس مسكتها شديت ايدى وبعدتها عنها بعنف وقالت بحدة :الله لا يوفقك يااسد...انت عن جد حدا خاين ولعوب بتحب اكتر من واحدة....انت ليش عم تتزوج ها البنك ليك فهمنى...ليش ما تديها مصارى وتطلع من حياتنا..انت ليش عم تعمل هيك ما بدك تطلقنى ولا تبعد ها البنت عن حياتنا...انت شو بدك ليك فهمنى
كانت بتزعق وكل اللى مسيطر عليها الغيرة وبس
قولتلها بنفاذ صبر:بعنى انت عايزة ايه دلوقتى بس علشان اريحك وتريحينى؟!
بصتلى بصرامة وقالت:بدى تطلقنى
قولتلها بثبات:مش هطلقك ياجيسى
قالتلى:انت شو يااخى...ليك انت شو...بتحب طوب الارض...بدك تكون متجوز اتنين مو واحدة...ليش ما تكتفى بواحدة ليش
قولتلها:اطلعى برة وبكرة نبقى نتكلم
قالتلى بزعيق:مافى بكرة يااسد....انا راح اجرحرك بالمحاكم...والله اعملها
جملتها استفزتنى كنت هتهور واضربها بس اللى نجدها من ايدى ان الباب خبط كان رعد وريان دخلوا لقوا الدنيا مش مظبوطة ودة كان واضح...جيسى قررت تمشى ورزعت الباب رزعة جامد وراها
ريان قال بهزار:اموت انا ف الست العنيفة
بصتله بحدة وقولت:ولا
لقيته رقص بهزار خلانى اضحك بصوتى كله
ولا ولا ولا ولا... الاندال يلا.. كله شمال يلا ...مش جدعان يلا...ولا ولا ولا ولا
وحضنى جامد وقال:مبروك ياشقيقى عقبال الجوازة التالتة...والحمد لله خليتك تضحك ع كدة بقا انا واد جامد
رعد قرب منى وقال بجدية:هو انت ماشى بمدا امراة واحدة لا تكفى ولا ايه؟!
بصتله وقولت:انت هتستهبل..منت عارف البير وغطاه
قالى بمكر:اه عارفه...بس اعرف كمان انك منجذب ل اية ازاى بقا وانت بتقول انك بتحب جيسى انا اعرف انك راجل والراجل ممكن يحب اتنين عادى معندوش اى مشاكل
ريان بص ل رعد وقال بهزار:ياحلاوة...يحب اتنين عادى ايه ياعم...الراجل لما بيحب بجد بيحب واحدة...مش لما مثلا بيقى ف البينج بينادى ع حببته ويقول مثلا هنادى هنادى تعالى هنادى
ضحكت بصوتى كله لدرجة انى وقعت ع الكرسى من الضحك وقولت:اه هتنادى...بس هتنادى ع مين بقا؟!
رعد بصلنا وقال:يخربيت الالش بتاعكوا فاكرين انك دمكوا خفيف وهو ف الحقيقة يلطش...انا ماشى وانت ياعم اسد انجز مكننش بدلة ف سناتها هى
ف اوضة اية
كنت بلبس الفستان وحواليا بنات العيلة كلهم
لقيت اميرة بتقول لمروة:بت انتى اومى بدل منتى قاعدة كدة
قالتلها:سيبينى اقعد مع العسل دة شوية... بصى بيضحك ازاى ههههههههه....يالهوى انا مش هقوم من جمبك ابدا....هات سكر يلة
قالتلها:وايه سكر دى كمان
قولتلها:متعرفيش يعنى ايه سكر؟! هات سكر يعنى هات بوسة...وسيبى مروة تقعد مع نوح شوية ع الاقل ساكت مش بيعيط
مروة بصتلى وقالت:جهزتى ولا لسة؟!
قولتلها بتوتر:اه جهزت يلة بينا
لقيت اميرة مسكتنى وقالت:يلة بينا ايه استنى...لسة طنط ثريا هتيجى علشان تاخدك وتنزل وكمان لسة اسد مش جهز ثوانى بس وهتنزلى
قولتلها:تمام
قالتلى:هو انا ليه شايفاكى قلقانة ولا كانك هتروحى تتعدمى؟!
قولتلها بصدمة:اتعدم ايه؟! اعوذ بالله ليه كدة بس يااميرة؟!
قالتلى:ههههههه بهزر والله...ع العموم مش عايزاكى تخافى ابدا...اسد انسان متفاهم وان شاء الله تقدروا تفهموا بعض
قولتلها:ان شاء الله
ف الصالة
عبدالرحمن:مبروك ل ابنك ياعزيز
عزيز:الله يبارك فيك ياعبدالرحمن....مع انى مش مطمن والله
عبدالله:ليه بتقول كدة...اية انسانة كويسة ومفيش منها قلق ولا انت تقصد جيسى وعلاقتها مع اسد
عزيز:ايوة جيسى انت عارف مفيش ست تستحمل ان جوزها يتجوز عليها...هى دلوقتى عايزة تتطلق وعاملة مشاكل ملهاش اول من اخر...وابنى مش عايز يطلقها بيقول بيحبها...انا مش فاهم دماغ الواد دة فيها ايه بصراحة
عبدالرحمن:والله ياعزيز ابنك دة سو....بص هو اكيد حيران ف مشاعره ...مش عارف بيحب مين فيهم...سيبه يتاكد وهو اللى هيتصرف..اكيد عارف مصلحته اكتر مننا
ثريا قربت منهم وقالت:يلة الولاد نزلوا والماذون خلاص وصل....اعملوا بقا كل الاجراءات وانا هطلع اجيب البنات ونازلة ع طول
عزيز:تمام اطلعى
راحت فعلا وجابت البنات اللى كل واحدة فيهم ف صراع مع نفسها
كنت واقف مستتى اية تيجى وعينى ع السلم
وفعلا لقيتها نزلة.. كانت حورية جت من الجنة مخصوص بس علشان تكون ليا وبتاعتى
كنت بصة ف الارض وبدعى ربنا انه يعدى الليلة دى ع خير
لقيت والدة اسد بتقول:يلة ياحبيتى علشان كتب كتابك هيتكتب دلوقتى
قولتلها:حاضر
روحت وقعدت ع الكرسى وفعلا ابتدوا
لقيت الماذون بيقول:مين وكيل العروسة؟!
بصيت ل اسد بصدمة وخوف لقيته رد عليه وقال:وكيل العروسة يبقى عمى عبدالرحمن
تنهدت تنهيدة ارتياح وبصيت لعمى عبدالرحمن نظرات شكر وامتنان لقيته قرب منى وباس راسى وقال:مبروك ياحببتى
مكنش قدامى اى رد فعل اعمله غير انى اعيط من الفرحة ان ربنا رزقنى بعيلة زى العيلة دى
شوية ولقيت الماذون بيقول
بارك الله لكما وعليكما وجمع بينكما ف خير
بعد كدة سمعت زغاريط والبنات جوم حضنونى
وانا عينى بتدور ع جيسى معرفش حالتها بتبقى عاملة ازاى دلوقتى
لقيت اسد قرب منى وباس ايدى وقال:مبروك
نزلت راسى ف الارض بكسوف وقولت:الله يبارك فيك
وبصتله وقولت:فين جيسى؟!
لقيته بيدور عليها بعنيه وقال بقلق:معرفش..بس اكيد ف اوضتها....متقلقيش هتصرف معاها
قولتله:تمام
عند مروة ورعد
كنت واقفة ع جنب بتفرج ع الناس فجاه لقيت رعد واقف قدامى وقال:حلو الفستان دة.. انا اول مرة اشوفك لابساه
قولتله:اه هو جديد...لسة شارياه مع اميرة
قالى:قولتى لحد انك رايحة؟!
قولتله:طبعا قولت لطنط ثريا وعمى عزيز..ابيه كنت عابز اقولك حاجة
قالى:اتفضلى قولى مليون حاجة
قولتله:انا عايزة امثل ف عرض تحفة..الصراحة حبة اشترك فيه..وكمان انا هبقى البطلة
قالى ب استغراب:لا مش موافق
قولتله بزعل:ليه مش موافق..ادينى سبب مقنع لا ياابيه انا هشترك ف العرض دة.وبعدين انت ب اى حق ترقض اصلا...انا قولت لعمى عزيز وهو موافق
لقيته قالى بحدة:وانا بقول لا...تمثيل ايه بلاش كلام فارغ ركزى ف دراستك احسن...انتى ف سنة تحديد مصير...ركزى علشان تجيبه مجموع وتدخلى كلية كويسة
قولت بعناد:لا انا هشترك ف العرض...ودة اخر كلام عندى
لقيته قالى:مش عايز اتعصب عليكى كفايا اللى شوفتيه منى لحد دلوقتى...كفايانا عناد.
قولتله:اوف دى عيشة تقصر العمر وتجيب الضغط والسكر والمرارة اقولك ع حاجة انا هشترك انا اصلا خلاص سجلت اسمى ومش هتقدر تعمل حاجة انت خطيبى لا جوزى لا حبيبى لا يبقى تعارض ع اى اساس بقا فهمنى...يلة سلام خلينى اشوف صحابى اصلى الصراحة زهقت من الكلام معاك
جاى امشى بس لقيته شدنى لمكان هادى
اتصدمت واتوترت من قربه وقولت:بلاش جنان وسيبنى
قالى:طريقتك مستفزة بشكل رهيب...وبيخلينى ع اتم استعداد انى احبسك ف الاوضة وبالمرة اجيب حبل واكتفك بيه
قولتله:ها وبعدين
قالى ب استغراب وصدمة:وبعدين ايه مش فاهم؟!
همست ف ودنه وقولت:اللى ف دماغك دة يعنى جو تكتفنى ف السرير وتعمل فيا ما بدالك....دة مينفعش اصلك انت ابيه وانا اختك ااصغيرة فحرام يعنى....دة عايز واحد ومراته
وبعدت عنه وشوفت ملامح الصدمة ع وشه
قولت ببراءة زاءفة:ابيه....هو انا قولت حاجة غلط...مش دة اللى ف دماغك
قالى وهو لسة ف حالة سرحان:عليا الطلاق ابدا...مش دة اللى ف دماغى
ضحكت بصوتى كله وقولت:بتحلف بالطلاق...هو انت اتجوزت من ورايا ولا ايه..ع العموم كفايانا عناد انهردة وبكرة نكمل اصلى تعبت
واقولك ع حاجة
بوسته ف خده وقولت:احبك انا
وجريت جرى بدل ميتهور عليا ويجرحنى تانى
ايدة هى باستنى ف خدى...ايه البت المجنونة دى...وبردو بتقولى بحبك...هى مش بتفهم ليه....خلاص انا هفهمها بطريقتى...هى مش هترتاح غير لما تتاكد انها مش فارقة معايا
عند ريان واميرة
كنت وقفة ف اابلكونة فجاه لقيت ريان جالى وبص للقمر وقال:واقفة لوحدك ليه؟!
قولتله:عادى يعنى قولت اقف اشم هوا شوية...انا كنت داخلة اصلا
مشيت بس وقفنى صوته وهو بيقول:انا كلمت عمى عبدالرحمن...وخطوبتى ع ميرا بكرة....اصله عايز علاقتنا ناخد منحنى جدى
لفيتله بصدمة لقيته طلع سجاير وكان عايز يدخن قربت منه وشديت من ايده السجاير وقولت:بلاش سجاير مش بحب البنى ادم اللى بيشربها....وبعدين غلط ع صحتك ثم انا مالى تخطب تتجوز تحب تفشكل تطلق شى ميخصنيش
ضحك ضحكة ماكرة وقال:يعنى لو بطلت السجاير هتحبينى؟!
قولتله بصدمة:انت عايز ايه ياريان.؟! هو انت مش بتحب ميرا؟! اعتبرنى مش موجودة ف حياتك..اخطب ميرا واتجوزها وخلف كمان منها وانسانى
لقيت قرب منى وباس كف ايدى وقال:بس انا مش شايف نفسى مع واحدة غيرك انتى؟! انتى اللى ليكى الحق فيا مش حد تانى
قولتله بوجع:لا ياريان كلامك غلط...انت ممكن تنسانى ومش هتبذل اى مجهود لدة...انت بتحب ميرا وكنت معاها كويس يمكن مشاعرك اتلغبطت لما شوفتنى تانى بس اوعدك انا هحاول اخليك متشوفنيش وهحاول ابعد عنك ع قد مقدر
بصيت ف عينه لقيته بصلى بحسرة وقال:تمام....تمام يااميرة
وفجاه لقينا ميرا بتصرخ ب اسم ريان لفينا احنا الاتنين بخضة لقيتها جت واترمت ف حضنه وعمالة تعيط ريان بصلى بخوف وقلق وانا بادلته نفس النظرة
هو حاول يهدى ميرا بطريقة خلتنى عايزة امشى من المكان دة بسرعة بس قلقى وخوفى ع ميرا خلانى افضل واقفة
قربت منها وملست ع شعرها وقولت:مالك ياميرا؟!
بعدت عن حضن ريان وبصت ف عنيه وقالت:انا حياتى ف خطر ياريان
ريان بصلها بصدمة وقال:حياتك ف خطر ازاى يعنى؟! فهمينى وقوليلى ايه اللى حصل معاكى؟
قالتله بعياط:انا كتبت مقالة بتهم فيها واحد اسمه غسان ان بيستغل المستشفى بتاعته ف تجارة الاعضاء بس للاسف محاولاتى كلها بقت ف الارض بسبب ان مفيش اى دليل ضده وكمان كل ممسك دليل ف ايدى الاقيه بيقع منى معرفش ليه اخر مرة عرفت من واحدة ان غسان هيعمل عملية لشاب كان مفهمه انه يعنى هيعمله تحاليل علشان يتاكد انه مفيش عنده اى امراض وتحاول تعرفلى ميعاد العملية امتى..كلمتنى فعلا وشكلها كانت عندها اخبار بس سمعت ضرب نار واكتشفت انها ماتت ورموا جثتها ف النيل ولحد دلوقتى مش عارفين يلاقوها....وانهردة حد كلمنى وبيهددنى ومش عارفة اعمل ايه
من الصدمة حسيت لسانى واقف ومش قادر انطق معقولة ميرا تدخل ف موضوع كبير زى كدة
شديتها لحضنى وقولت:متخافيش كل شى هيتحل...محدش هيعرف يقرب منك...دة انا اقتلهم قبل ميفكروا يعملوا حاجة
لقيتها مسكتنى جامد وحطت راسها ف صدرى وقالت:متسيبنيش ياريان...انا بحبك ومحتاجة وجودك ف حياتى...دول هددونى انهم ف خلال 48 ساعة هيصفونى..وفضلوا يهددونى وقالولى لو مجيبتيش الفلاشة قولى ع نفسك يارحمن يارحيم
قولتلها:فلاشة ايه ياميرا...بصيلى وفهمينى انا مش فاهم حاجة
بعدت عن حضنى وقالت:معرفش انا معنديش اى معلومات بخصوص الفلاشة دى ولا اعرف حتى فيها ايه؟!
قولتلها:متخافيش..انا هكلم رعد واكيد هنلاقى حل
مسكت ايدى وشبكت ايدى ف ايدها والنصيبة ان كل اللى حصل دة قدام اميرة
قالت:ربنا يخليك ليا وميحرمنيش منك ابدا
انا كنت وقفة ومش عارفة المفروض اعمل ايه
لقيت نفسى بخرج من البلكونة وبحاول امسح دموعى
وبدون اى مقدمات لقيت حد شايلنى وبيلف بيا
انتوا اكيد عرفين مين...اسر طبعا
نزلنى وقال:حبيب قلبى عامل ايه
قولتله وانا ماسكة راسى:حبيب قلبك دايخ....ايه لزومه اللى عملته دة افرد حد شافنا
قالى بمكر:طب ميشوفنا...ع فكرة خطوبتنا بكرة مع ريان وميرا فبلاش الكسوف دة دلوقتى وفريه لوفت تاتى
كنت هعترض بس لقيت نفسى قولت:ان شاء الله
روحت ووقفت مع ميار وشادى
شادى قالى بهزار:الله يسهله...كان بيقولك ايه؟!
قولتله:ياعم اتنيل...دة احنا عمالين زى القط والفار...وكمان لما قولتله ع حوار العرض دة رفض...بس لا انا مش هستسلم ولو حصلت انى اروح من وراه هعمل كدة
قالى:لا يامروة بلاش جنان....احنا عايزين تكونوا كويسين لكن بطريقتك دى هتولعيها
قولتله:ياعم هى ولعة اصلا...انا تعبت منه...انا هعيش سنى وحياتى...عايزة اتنفس شوية بعيد عنه...بس اهم حاجة هات ال script علشان اقراه
قالى:اتفضلى.... هنعمل بروفة بكرة... بعد كدة هحدد الميعاد النهاءى للعرض تمام
قولتله:تمام
بصيت لقيت ميار سرحانة وباين عليها الزعل والحسرة
هزتها وقولت:ياحجة...انتى يابت مالك؟!
بصتلى وقالت:هو ابن عمك دة خاطب؟!
قولتلها:ابن عمى مين؟! ااااه قصدك اسر...اه خطوبته بكرة ان شاء الله
قالتلى:تمام...ربنا يتتمله ع خير
حسيتها اتضايقت.. اصلى دى صاحبتى وعارفاها كويس.... معقولة اتضايقت لما عرفت ان اسر هيخطب
عند ريان وميرا
قعدت مع ميرا وطلعت مناديل وقولتلها:خدى امسحى دموعك دى
مسحت دموعها وبصتلى بخوف وقالت:هنعمل ايه ياريان؟!
بصتلها وقولت:هما مش ايدوكى مهلة يومين؟! باذن الله قبل اليومين دول ميخصلوا هنشوف حل
سكت شوية بعد كدة بصتلها وقولت:ميرا هى الست اللى ماتت دى جتلك البيت قبل كدة؟!
سكتت شوية كانها بتفكر ف حاجة:ثانية كدة..اااه جت مرة قبل متموت بحوالى اسبوع...بس بتسال ليه؟!
قولتلها بشك:ابدا...اصلى شاكك كدة ف حاجة..ممكن الست دى جتلك وخبت الفلاشة عندك ف الفلة...علشان نتاكد...عايزك تتدورى كويس اوى ع الفلاشة دى...اكيد فيها كل بلاويهم
لقيت ملامح الفرح والامل ظاهرين ع وشها وقالت:ياريت كلامك يكون صح..انا مش هنام الا لما اتاكد...واكيد هبلغك لو وصلت لاى جديد
قولتلها:تمام
وشوية سمعت صوت بيقول:مرحب بينا ولا نمشى
لفيت لقيت اسر لافف دراعه حوالين كتف اميرة...حاولت ابقى بطبيعى ...اومت وقولت بهزار:تعالى ياعم شوف اختك جبتلى العصبى بتصرفاتها دى
ميرا قامت وقالت:ياسلام....مش انت حبيبى والمفروض لو حصل اى مشكلة تقف جمبى وتساعدنى...خاصة انها مش مجرد مشكلة بسيطة دى كارثة هتودى الكل ف داهية
اسر بصلى وقال:ريان متعرفش هنعمل ايه ف الحوار دة...انا قلقان ع ميرا اوى
قولتله:متقلقش يااسر..اللى متاكد منه انهم طالما متاكدين ان ميرا عندها حاجة تخصهم يبقوا مش هيقدروا يعملوا حاجة
اسر قال بهزار:عارفة يااميرة فى حاجات كتير متعرفيهاش عن ريان...هو بيحب العزف والغنا جدا زيك تمام
بصتلى ب استغراب وقالت:اول مرة اعرف بالحكاية دى....اصل مش شوفتك بتغنى قبل كدة خالص
قولتلها:تحبى تشوفى
بلعت ريقى بتوتر بعد كدة بصيت ل اسر وقولت:هو يقصد ايه بجملته دى يااسر؟!
الكل ضحك ع سذاجتى بس مش سذاجة ع فكرة دة استعباط منى....علشان انا عارفة هو يقصد ايه يجملته دى
ماشى يااميرة...انا هوريكى ريان الرملى هيعمل ايه؟!
قولت بهزار:اقصد تحبى تسمعى صوتى وبالمرة تقوليلى رايك..واسر وميرا يحكموا بينا ويقولوا مين فينا عنده احساس احلى من التانى
اسر قالى:دلوقتى ياريان....خليها بكرة يوم خطوبتنا هتبقى احلى بكتير
اتصدمت من كلمته...انت بتهزر يااسر...اميرة ليا لوحدى...انا لازم اخليها تعترف بدة ف اسرع وقت...هى اللى لازم تاخد الخطوة دى...وانا هساعدها تكمل..كفايا اوى ختها منى طول السنين دى
اسر بص ل اميرة بنظرة حب...خلانى عندى استعداد اتخانق معاها وخلى الناس كلها تتفرج علينا
انا عايز اوريكى حاجة هتعجبك اوى...اعتبريها هدية منى بمناسبة العرض اللى عرضوا عليكى مدير الشركة
بصتله ب فضول وقالت:هدية ايه يااسر
مسك ايدها ب احتواء شديد خلانى ابصلهم وبعد كدة ابص لايدهم اللى متشبكة ف بعض وانا بشد ايدى وارخيها
تعالى وانا هوريهالك....عن اذنكم ياجماعة
لقيت ميرا مسكت ايدى وقالت:ربنا يسعدهم.صدقنى اسر بيحبها اوى...وكان بيحلم باليوم اللى تكون اميرة ف مراته
قولت ف سرى:وهيفضل حلم وعمره مهيتحقق ابدا...انا لازم اشوف هما بيعملوا ايه
ف الجنينة
كنت ماشية واسر مغمضلى عينى ومش عايزنى اشوف حاجة
ايه يااسر...عينى وجعتنى.. هتخلينى افتج امتى
قالى:خلاص يااميرة ثوانى بس وهخليكى تفتحى...خلاص وصلنا....تقدرى تفتحى عينيكى
فتحت عينى واتصدمت بالى شوفته كانت عربية سوداء وفخمة جدا...بصتله بصدمة وفرحة ف نفس الوقت...مش مصدقة ان اسر يفكر يعمل حاجة زى كدة...اسر بيعمل كل اللى يقدر عليه علشان يخلينى مبسوطة وانا بديله جرح وخيانة ايوة بخونة لما افكر ف واحد تانى غيره..اكيد دى خيانة
اسر بصلى وقال:ايه رايك
قولتله بفرحة:حلوة اوى...انت جيبت العربية دى علشانى...دى غالية اوى يااسر
قالى بحب:الغالى يرخصلك يااميرة قلب اسر...وبعدين انتى هتبقى مراتى...فبلاش الحساسية الزايدة دى
قولتله:بس تعرف انا فعلا كنت محتاجة عربية....وقولت هحوش واجيب عربية كدة ع القد...واتكسفت اطلبها منك...تقول دخلة ع طمع ولا حاجة
قالى:طمع!!! فعلا الواحد يعرف العبيط من كلامه..من يومك وانتى بتعقدى المواضيع...ايه اللى هيجرا يعنى لو احتجتى حاجة تكلمينى.العربية دى حاجة تفهة اوى يااميرة...انا عايز اجيبلك الدنيا كلها
قولتله بفرحة:خلاص خلاص اسفة....يلة خلينا نجرب العربية...هموت واركبها
قالى:مبسوطة يااميرة
بصتله ب استغراب وقولت:مبسوطة!!! هههههههه طبعا مبسوطة...لما تكون حواليا ومعايا اكيد هبقى مبسوطة
لقيته قرب منى وباس خدى وهمس ف ودنى وقال بصوت متقطع خلاه جسمى كانه بالظبط كهربا مسكته:انا ب ح ب ك
بصتله وقولت بتوتر:اسر مينفعش كدة
قالى:هههههه خلاص يااميرة..كلها كام يوم وتكونى مراتى وساعتها الكلمة دى مش هتطلع من لسانك ابدا...يلة خلينا نجربها ونمشى بسرعة قبل محد ياخد باله ان احنا مش موجودين
قولتله:يلة
ف اوضة اسد واية
خلصت الليلة دى ع خير...واتوترت زيادة...يعنى انا حاليا لقيت مرات اسد..ودلوقتى هبيجى عندى وهيبقا ليه الحق انه يدخل الاوضة
اومت من ع السرير وفضلت اروح واجى بتوتر واقول
لا مش هيحصل...هو اكيد مش هيطلبها منى...هو بيحب مراته...ومش هيفرق معاه انه يقرب منى
ف الصالة
بابا بصلى وقال:خلى بالك منها...وبراحة عليها
قولتله:هو انا داخل اقتلها ولا اضربها يعنى؟ع العموم كله هيبقى بمزاجها مش هغصبها ع حاجة
بابا قالى بمكر:هو انت اصلا عايز تقرب منها ليه من الاساس...هو انت مش مكتفى بجيسى؟! يبنى انا عارف ان ممكن يكون ف مشاعر جواك تجاه ايه...ومش عيب ع فكرة..بس جيسى مش هيهدالها بال غير لما تطلقها...وانا مش فاهم ليه رافض الفكرة دى...حاولت الاقى اجابة ومعرفتش
مكنتش لاقى كلام اقوله.هجاوبه ازاى انا اصلا مش لاقى اجابة..حاولت اهرب منه وقولت:تصبح ع خير
وطلعت الاوضة وانا باخد نفسى وبستعد لليلة انا عارف انها هتيجى عكس كل التوقعات اللى ف دماغى
انا عارفة ان الحلقة قصيرة بس فعلا انا تعبانة اوى ومش قادرة اكتب حاجة خالص...بس بكتب علشانكوا
انا زعلانة اوى بسبب الملصقات اللى بتبعتوها دى...انا افهم منها ايه..انا عايزة تفاعل مع الاحداث والمواقف...عايزة راى واللى يفرحكوا واللى يصدمكوا تكتبوا وتقولو رايكوا فيه..عايزة اراء وتوقعات لو سمحتم
ومش لقيت بقا بجد هزعل منكم اوى..قدرونى زى مبقدركم
*********************
إلي هنا ينتهي الفصل العاشر من رواية اختلاف القلوب وتحدى القدر بقلم هاجر عبدالحليم
تابع من هنا: جميع فصول الرواية
تابع من هنا: جميع فصول الرواية
تابع من هنا: جميع فصول رواية عشق الزين الجزء الأول
تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها
أو أرسل لنا رسالة مباشرة عبر الماسنجر باسم القصة التي تريدها
اقرأ أيضا: رواية شهد الحياة بقلم زيزي محمد
إرسال تعليق
يسعدنا تلقي اقتراحاتك أو تعليقك هنا