مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة هاجر عبدالحليم علي موقعنا قصص 26 و موعدنا اليوم مع الفصل الثانى عشر من رواية اختلاف القلوب وتحدى القدر بقلم هاجر عبدالحليم.
رواية اختلاف القلوب وتحدى القدر بقلم هاجر عبدالحليم - الفصل الثانى عشر
اقرأ أيضا: رواية عشق الزين (الجزء الأول) بقلم زيزي محمد
 |
| رواية اختلاف القلوب وتحدى القدر بقلم هاجر عبدالحليم |
رواية اختلاف القلوب وتحدى القدر بقلم هاجر عبدالحليم - الفصل الثانى عشر
قولتلها:جيسى مش وقت الكلام دة دلوقتى...خلى المناسبة دى تعدى الاول..وبعد كدة نقعد بهدوء نتكلم
بصتلى بحدة وقالت:لا يااسد ما فى كلام بينا بنوب..ليك انت جرحتنى كتير..وما فى مرة بها الدنيا تقبل اللى انت عم تعملوا هلا فينى...ليك خلاص انا كلمت اهلى وبكرة اكيد راح ييجوا
اية بصتلها برجاء وقالت:لو سمحت ياجيسى استهدى بالله كدة وبلاش تقررى حاجة وانتى متعصبة علشان اول متهدى صدقينى هتندمى...اسد بيحبك واذا كان ع اللى حصل فدة رد فعل طبيعى انتى مكنتيش ف وعيك وكنتى محتاجة حد يفوقك
لقيت جيسى بصتلها بغل وغيرة واضحة جدا ع وشها وانا بحلفلكوا لو مكنتش موجود كانت زمان جيسى واية دلوقتى مسكين ف بعض
جيسى بصتلى بحدة وتهديد..ومشيت
اية بصتلى وقالت:هتعمل ايه؟!
بصتلها وقولت:ولا حاجة..هسيب الدنيا تمشى زى م هى عايزة..انا اتخنقت ومش هفضل احايل فيها..براحتها بقا اللى يريحها تعملوا
قالتلى:زى منت عايز.انا هروح اشوف نوح..عن اذنك
قولتها:اتفضلى
مشيت وكان ف عنيها الندم...كانت حسة انها السبب ف كل حاجة بتحصل
بصيت ناحية جيسى لقيتها ماسكة ازارة ويسكى وعمالة تشرب فيها ومش حسة بالدنيا
جريت عليها ومسكتها من كتفها وقولت:يخربيت دماغك...انتى جرا لعقلك حاجة..ليه شربتى الكمية دى كلها...ازازة كاملة يامفترية
زقتنى بضعف وقالت:ما تتدخل فيا..روح لعند حبيبة القلب...واتركنى لحالى..اعمل اللى بدى ياه..انت بالنسبة الى ولا شى...راح نتطلق مو هيك.خلاص بقا اتركنى لحالى وفيل هلا يلة روح ليش واقف
كانت هتمشى بس الكعب كان هيوقعها روحت مسكتها وقولت بعصبية:انتى مش عايزة تطلقى خلاص هعمل اللى انتى عايزاه..بس دة مش معناه انك تتصرفى زى منتى عايزة..طالما انتى ف بيتى يبقى تتصرفى ب احترام..تعرفى لو ليلة اخويا دى مش عدت ع خير هعمل فيكى ايه...هطلعك من القصر دة ع نقالة..فاهمة ولا افهمك ب اسلوبى
بصيتلى بخوف وقلعت الكعب من رجلها ومسكته ب ايدها وراحت ع الحمام
قولت ف سرى:مين المجنون ابن المجانين اللى عايز يتجوز اتنين يارب انا ارضى مين ولا مين...الاتنين يحلوا من ع جبل المشنقة ومش عايز اخسر ولا واحدة فيهم طماع انا عارف بس فعلا مش عايز اخسرهم ولو خيرونى ما بينهم اختيارى هيكون واضح وضوح الشمس وهو......
عند مروة ورعد
كنت واقفة مع طنط ثريا
قولتلها:ها ياطنط هنعمل اللى اتفقنا عليه امتى
قالتلى:اكيد مش انهردة يامروة بكرة ان شاء الله هييجى عمرو وهيقول انه عايز يتجوزك وهنشوف رد فعل رعد ايه ساعتها بس حاليا هنقوله الفكرة بس...علشان نتطمن ولو فعلا بيحبك ممكن يعرض عليكى الجواز علشان يضمن انك هتكونى بتاعته وبس
قولتلها بفرحة:بجد هبقى مراته ...ونبى صحيح...دة يوم المنا..يالهوى ع اللى هعمله دة انا هقوم الدنيا ومش هقعدها من كتر فرحتى...بس هو رعد فين؟!
وفجاه سمعنا صوت بيقول:بتنموا ع مين من خلق الله؟!
اكيد عرفتوا مين يعنى..اهاا رعد
طنط ثريا بصتله وقالت:تعالى يارعد ف موضوع عايزة اتكلم معاك فيه
قرب منها وباس راسها وقال:اومرينى ياست الكل
بصتله بحب وقال:مش يومر عليك عدو ابدا يانور عينى...بس انت عارف ان مروة خلاص كبرت وبقت ماشاء الله عليها عروسة...ومفيش واحدة مش تتجوز علشان كدة انا عايزاك تقعد مع عمرو
رفع حواجبه ب استغراب وقال:عمرو مين؟!
قالتله:دة واحد جاى من معرفة عزيز شاف مروة وعجبته وكلم عزيز علشان يتجوزها ع سنة الله ورسوله
قالها:شافها فين؟!
قالتله:يوووو يارعد شافها يبنى وخلاص...انت مش بتقول ان مروة دى بنتك واختك يبقى لازم نقعد مع عمرو وتقيمه وتشوف هينفع لمروة ولا لا؟!
قالها بهدوء مميت:من غير مشوفه ولا اقيمه هو انا رايح اشترى جهاز عروسه علشان اقيم وازفت...وبعدين هو مش هينفع لمروة ..ريحى نفسك...مروة عايزة نوع خاص اعتقد مش هتستريح معاه
لقيت نفسى بقوله:وانت مين قالك الكلام السخيف دة...طب ايه رايك بقا انى شوفت عمرو وفعلا عجبنى وانا حبة اخد الخطوة دى...انا مش صغيرة يارعد لازم تفهم دة كويس..انا بقيت 17 سنة
ضحك بسخرية وقال:فعلا مش طفلة...وانا ايه المطلوب منى اقعد معاه صح..طب افردى انا شايف
مش خليته يكمل الجملة قولتله:لا مش هتشوف حاجة...انت هتقعد معاه تشوفه وتحدد ميعاد قراية الفاتحة وتشوف ناوى ع ايه من ناحية دراستى ولا اقولك مش مهم هو عارف انى هكمل دراستى وهعرف اوفق بين دراستى وبيتى وقالى انه هيساعدنى علشان نعرف نتخطى الموضوع سوا
لقيته زعقلى وقال:انت بتقاطعى كلام يامروة دى اخرتها...ماشى يامروة قسما بالله لهوريكى الظاهر انى اتساهلت معاكى كتير واهى النتيجة بتردى عليا بكل بجاحة..وانا بقول مفيش عرسان مش هتتجوزى يامروة الا ف حالة واحدة وهى موتى..انتى فاهمة
لقيت طنط ثريا مسكته من دراعه وقالت:اهدا الله يخليك يبنى الناس.. وفرح اخوكد. ابوس ايدك اتحكم ف نفسك شوية هى البت قالت ايه غلط يعنى...ع العموم كفايا كلام دلوقتى وبكرة قبل م عمرو ييجى اقعد مع عزيز
وشوفوا ايه دنيتكوا
لقيته شد ع ايده جامد وكان ناوى يضربنى انا عارفة رعد كويس بس مسك نفسه وبص ف عينى وقال:انا هروح اشوف ريان بدل مولع الدنيا باللى فيها دلوقتى
عند اميرة وريان
مبروك يااميرة
بصتله وقولت:الله يبارك فيك ياريان
بصلى بحسرة وقال:هى دى النهاية صح؟..معقولة هتخلص بالسرعة دى...ولا انتى فعلا مش كنتى نصيبى من الاول
بصتله بوجع وعتاب وقولت:انت السبب ف كل اللى بيحصل دة...لو مش كلمت ميرا وخليتها تتعلق بيك مكنش دة حصل
قالى:مكنتش اعرف ان فى مشاعر جواكى ليا...من واحنا صغرين وانتى مش بتهتمى بيا...وكل كلامك وفسحك مع اسر...انا كنت بغير عليكى منه...بس مكنتش قادر اتكلم علشان كنت طفل..وكمان كنت شايفك انتى كمان حبة وجودك جمبه..اول مجيت مشاعر جوايا اتحركت ليكى انتى.حاولت الجمها كتير معرفتش
قولتله:لو سمحت ياريان..بلاش كلام ف الموضوع دة...لازم تعرف حاجة طالما ايدى اتحطت فيها دبلة اسر يبقى كلامك معايا بحدود والافضل مش تتكلم معايا اصلا
كنا بتكلم فجاه لقيت ايد اتحطت ع عينى
استغربت وقولت:مين..انتى مروة صح
لقيته بصلى وقال:لا اسر مش مروة...بس ايه الجمال دة...معقول الجمال دة كله بتاعى وليا...اكيد امى بتحبنى علشان ربنا رزقنى بيكى.
وبص ل ريان وقال:يلة ياريان علشان نلبس البدل...عمالين ينادوا علينا
ريان قال:يلة...بس فين ميرا مش باينة
اسر قال:واقفة مع مروة قالتلى اسيبها معاها شوية..يلة خلصنى وتعالى
ريان قاله:حاضر
ميرا جت ومسكت ايد ريان وقعدنا ع الكراسى المخصصة لينا وسمعنا تسقيف من الناس وفعلا طلعوا البدل واسر لبسهالى وهو فرحان وباس ايدى وقالى:مبروك
ضحكت مجاملة مش اكتر وقولت:الله يبارك فيك
واللى حصل معايا حصل مع ريان وميرا
الكل جوم وسلموا علينا واتصوروا كمان
شوية واسر قام ومسك الميكروفون وقال:انى انا وريان هنغنى بمناسبة الخطوبة
اتحرجت ومكننش عايزة اغنى بس ريان لقيته قام وجاب الجيتار وقال انه هيهدى الاغنية دى لحبيته الموجودة هنا
مسك ايد ميرا اللى فعلا الابتسامة كانت ع وشها ومش عايزة تفارقها
مسك ايدها وطلعوا للمكان المخصص للرقص وبص ع اسر وطلب منه ان احنا نيجى كمان نرقص
اسر مسك ايدى وروحنا للمكان دة وفعلا ابتدينا نرقص
ريان قعد ع كرسى ومسك الجيتار وابتدا يغنى
بهرب ف حضن عنيكى
تايه ونفسى الاقيكى
عايش ف بعدك عنى
مشتاق ل لمس ايديكى
نفسى ب شوقى تحسى
تمحى ب ايدك جرحى
واللى دة فات ننساه
وابدا معاكى فرحى
ياملايكة ف دنيتها
ولا حد يفكر يعرضها
كل اللى بتطلبه يتحقق
دى حاجة خارج ارداتها
دى مش تطلب تتمناه
دى حور ونازلة من الجنة
النظرة منها تدوخ ناس
وليها بس الكون جنة
ياورد مكانها ف البستان
يااية نازلة من الرحمن
ياخفة دم موصوفة
تتباهى بشوق وحنان
ياوردة مكانها ف البستان
يااية نازلة من الرحمن
ياخفة دم موصوفة
تتباهى بشوق وحنان
انا كنت سرحانة ف صوته اللى فعلا خدنى لمكان تانى...حسيت الاغنية دى ليا انا...وفعلا ريان كان حسسها اوى...اول مخلض سمعنا تسقيف وكمان اسر صفر ل ريان اللى بصلى وقرب منى وقالى بتحدى:دورك
قولتله بتوتر:لا مش عايزة
لقيته سقف وخلى الناس كلها تنادى ب اسمى وبصلى بتحدى وكرر جملته:دورك
بصيت ل اسر وميرا لقيتهم فعلا حبين دة
ملقتش قدامى حل غير انى اغنى
ما بدى تقرب ليا
وتسلم عادى عليا
كانى حدا عرفته
وخلصت الخبرية
حس بشى يكرهنى
عصب لما تلمحنى
اتطلع بقسوة فيا
ساعتها بتريحنى
انا ما بدى ياك
بس ما بدى تنسانى
اللى تعيشوا معى ممنوع
تعيشوا ما حدا تانى
ضلك تحبنى عن بعد
وتخيل انينا مع بعض
حس انى قدامك
انه وقفت فيك الارض
بعدك بس بيمروا اسمى
بيخلق جواك ازمة
ضلك ضعيف ايبالى
حسسنى انى مهمة
اكرهنى وقتا بتثبتلى
انه م قدرت تلاقى مثلى
وانه اللى عرفتا بعدى
م قدرت تاخد محلى
انا ما بدى ياك
بس ما بدى تنسانى
اللى تعيشوا معى ممنوع
تعيشوا مع حدا تانى
ضلك حبنى عن بعد
وتخيل انا مع بعض
حسسنى انى قدامك
انه وقفت فيك الارض
تانى يوم
ف اوضة ريان
كنت قاعد وحاطت ايدى ع راسى وباصص ف السقف وانا م شغل اغنية اليسا كرهنى دى نفس الاغنية اللى غنيتها اميرة
اومت بسرعة وانا متعصب..مش عارفة هى كانت تقصد ايه بالاغنية دى...انا دماغى هتنفجر من كتر التفكير...انا ضعيف كنت وقفت قصاد الدنيا كلها علشان اثبت انى فعلا بحب اميرة..انا فعلا بحبها من وهى صغيرة..بس خلاص الحب دة لازم يموت
بصيت ناحية ايدى لقيت دبلة ميرا
غمضت عينى بحسرة ودخلت الحمام اخد شاور وانزل الشغل
ف اوضة رعد
قاعد ع المكتب بهز رجلى من العصبية والغل
طلعت علبة السجاير وعمال ادخن بشراهة...وف دماغى كلام مروة
لبست ونزلت رايح ع القسم
ف الصالة
قولت بعصبية:بردو عملت اللى ف دماغها وجابت حبيب القلب هنا ماشى والله لهوريه
مروة حطيت ايدها ع بقها وقالت بصدمة زاءفة:يالهوى هتعملوا كفته
بصتلها بحدة وقولت:انتى بتهزرى وانا دمى فاير يابجحتك ياشيخة
ماما ضحكت بصوتها كله وقالت:ههههههه والله العظيم انتوا مش ناويين تجيبوها لبر ابدا...خش يبنى الله يهديك شوفوا مش عايزين مشاكل مع ابوك
قولتلها:كمان بابا جوة لا انتوا فعلا مجهزين كل حاجة يعنى بتحطونى قدام الامر الواقع. ماشى.. كله ماشى
مروة قالت:ياعم فواد المهندس خلصنا....عايزة افرح والبس الفستان الا
وقفتها وقولت:اسود... فستان اسود عليكى بس متقطعيش قولى يارب
ماما بصتلى وقالت:رعد حرام عليك متقولش كدة..اسود ايه بس...خش وبطل عند...دة جواز يبنى اهدا كدة وسيب الدنيا تمشى واى اعتراض واقعى قوله واحنا هتشوف هنعمل ايه
بصيت لمروة بحدة وتوعد ودخلت المكتب
ضحكت بصوتى كله وسقفت وبصيت لطنط ثريا وقولت:give me five
فى المطبخ
كنت عمالة بنظف الفراخ بعصبية وسرعة قضيت طول الليل ف عياط مش عارفة ليه الدنيا بتعمل فيا كدة...ليه الدنيا تحكم عليا اعيش مع واحد مش بحبه ولا هحبه...ليه اضحى؟! ليه وعلشان مين
اميرة بت يااميرة
بصيت لماما وقولت:ها حضرتك بتنادى
بصلى ب استغراب وقالت:بنادى ايه دة انتى لو كنتى ف بلد تانية كنتى سمعتينى...بقولك انا تعبانة اوى وضهرى افش عليا اطلعى رتبى الاوض ابتدى ب اوضة ريان بعد كدة رعد متخافيش هما مش فوق
قولتلها:حاضر
ف اوضة ريان
دخلت الاوضة ورتبتها بعد كدة فضلت ابص ع محتويات الاوضة بعنية وايدى مسكت البرفيوم بتاع ريان ورشيت منه ف ايدى وشميته بعد كدة ضحكت فتحت الدولاب لقيت البوم صور خته وقعدت ع السرير وفتحته
لقيت صورى انا وريان واسر واحنا صغرين
غمضت عينى وانا بفتكر احداث عشرين سنة وراء
فلاش باك
اميرة بعياط وهى بتجرى ورا ريان
ريان علشان خاطرى ادينى العروسة..العروسة جعانة لازم تاكل
طلعلها لسانه وقال:لا مش هديكى العروسة علشان انتى خليتى بابا يضربنى بسببك انتى والرخم التانى
اميرة بعياط:متقولش عليه رخم هو طيب وانت لا... انت رخم وغتت يابااااى ع الرخامة
قالها بغيرة:كدة طيب انا هخلى عروستك شكلها وحش
وقعلها شعر العروسة ومسك رجلها وكسرها ومسك رقبتها وفضل يدوس عليها برجله ويقول:اهى عروستك اهى اهى...شوفى انا عملت ف عروستك ايه روحى بقا خلى الطيب بتاعك دة يجيبلك عروسة تانية
اميرة بصريخ وعياط وعمالة تتنطط ف الارض:ااااااه يامامااااا عروستى باظت بسببك يارخم انا بكرهك ومش بحبك ولا هحبك
قرب منها وقال:لما اكبر هتجوز احلى منك وهتقول عليا انى حبيبها..مش زيك انتى بتقولى عليا رخم...وانا مش هحبك ابدا...انتى غتتة
وطلع لسانه تانى وقال:مين الغتتة اميرة...مين الغتتة اميرة
اميرة جريت وهى بتعيط
اما ريان فضل يبصلها ويقول:لما اكبر هتتاكدى انى بحبك واللى بعمله دة هزار معاكى...وانا هحوش واجيبلك عروسة جديدة احلى من دى ميت مرة..يااميرة قلبى
باك
مسحت دموعى اللى نزلت وفتحت الدولاب وطلعت بدلة من بتوع ريان وفضلت المسها بحسرة ووجع..وفجاه لقيت الباب اتفتح والصدمة ان اللى فتح الباب كان..........
ف المكتب
دخلت المكتب وعفاريت الدنيا بتنطط ف وشى بصيت ناحية اللى اسمه عمرو دة لقيته فعلا وسيم وشكله محترم دة عصبنى زيادة
قربت منه لقيته مد ايده وقال:اهلا يارعد باشا...انا عمرو
سلمت عليه وقولت ببرود:اهلا
لقيت بابا شدنى علشان اقعد وقال:تعرف يارعد عمرو لما كلمنى وطلب ايد اميرة منى قولتله لازم رعد هو اللى يقرر لانه هو اللى رباها وتعتبر اخته الصغيرة
بصيت لبابا بعد كدة بصيت لعمرو وقولت:هو انت عايز تتجوز اميرة ليه؟! ايه اللى عجبك فيها؟!
ضحك وقال:كفايا بس سيرة عيلتكوا اللى الكل بيحلف بيها...دة غير انها واحدة صاحبة اخلاق ومبادى وكمان تربيتك انت يارعد باشا...وانا حابب اخطبها
قولتله:وانا مش موافق
ابويا بصلى بحدة وقال:ليه يارعد مش موافق؟عمرو بيحبها وهيصونها
قولتله:مروة مش هتتجوز الا لما تاخد شهادتها
قالى بعصبية:ليه تحكم عليها انها تقعد لحد الفترة دى من غير جواز...انت كدة هتضيع عليها فرص كتير...عمرو انا عارفه وهو اكتر واحد هيقدر يحميها وانا شايف انه يستاهل ان اميرة تتكتب ع اسمه وتبقا مراته وام عياله
لقيت نفسى بقول بعصبية:مروة بتاعتى انا ومحدش ليه الحق فيها غيرى انا..انا هتجوز مروة...وعمرو دة يطلع برة بدل مخليه يطلع من غير كرامته ولا صحته
*********************
إلي هنا ينتهي الفصل الثانى عشر من رواية اختلاف القلوب وتحدى القدر بقلم هاجر عبدالحليم
تابع من هنا: جميع فصول الرواية
تابع من هنا: جميع فصول الرواية
تابع من هنا: جميع فصول رواية عشق الزين الجزء الأول
تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها
أو أرسل لنا رسالة مباشرة عبر الماسنجر باسم القصة التي تريدها
اقرأ أيضا: رواية شهد الحياة بقلم زيزي محمد
إرسال تعليق
يسعدنا تلقي اقتراحاتك أو تعليقك هنا