مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة هاجر عبدالحليم علي موقعنا قصص 26 و موعدنا اليوم مع الفصل الثالث و العشرون من رواية اختلاف القلوب وتحدى القدر بقلم هاجر عبدالحليم.
رواية اختلاف القلوب وتحدى القدر بقلم هاجر عبدالحليم - الفصل الثالث و العشرون
اقرأ أيضا: رواية عشق الزين (الجزء الأول) بقلم زيزي محمد
 |
| رواية اختلاف القلوب وتحدى القدر بقلم هاجر عبدالحليم |
رواية اختلاف القلوب وتحدى القدر بقلم هاجر عبدالحليم - الفصل الثالث و العشرون
عدلية بندب:ياحزنى..بنتى راحت منى...ليه كدة ياحاج..ليه ترميها لواحد منعرفهوش.علشان الفلوس يلعن ابو الفلوس اللى يخلى اب يعمل كدة ف بنته...اه يارب...لا انت تروح وتجيبلى بنتى...ولو مروحتش انا اللى هروح...مش هعرف انام ف البيت وهى مش فيه....انت لسة واقف..بقولك روح هاتلى بنتى يلة
العارف بعصبية:ف ايه ياولية انتى...بنتك خلاص متجوزة وعايشة ف قصر اد الحارة بتاعتنا دى ويمكن اكتر شوية...وبعدين خلاص احنا جبرنا...مش عندنا بنات...انسيها وخلينا نتهنا شوية...نسافر..نجدد العربية القديمة دى ونجيب عربية جديدة...ونغور من الحارة المعفنة دى...تعرفى هو ايدانى كام...2 مليون جنيه...انتى متخيلة الرقم..وكمان نقدر نعمل وديعة ف اابنك تجيبلنا فلوس كل اول شهر..نعيش بيهم ولا الحوجة ل حد
عدلية بصدمة:2 مليون جنيه..ليه واحد غنى ومقتدر زى الراجل دة...والف واحدة من نفس نوعه بيترموا تحت رحليه..ومش بيوافق عليهم..يتجوز واحدة زى بنتى...لا الموضوع فيه حاجة
العارف:ولا حاجة ولا محتالة..انتى بس اللى قطاعة ارزاق...ولية فقر صحيح...خلينى اكلم الراجل دة خلينى اخد منه الفلوس وامشى من الحارة دى بقا
عدلية بخوف:طب حسونة ياحاج؟! هنعمل معاه ايه؟!
العارف بخوف:العمل عمل ربنا...ربنا يستر انا هحاول اتكلم معاه بالعقل ولو ان اللى زيه ميعرفوش حاجة الا البلطجة
عدلية:طب امانة عليك ياخويا...خلينى اشوف بنتى..قلبى واكلنى عليها
عارف:هشوف صرفة كدة واخليكى تشوفيها...ورينى عرض كتافك بقا..وخدى البطاقة وانزلى جيبى عيش...وحاولى متتاخريش
عدلية:حاضر
عند ميار واسر
اسر:يخربيت الزن..البنى ادم دة مش طبيعى...هو مش هيرتاح غير لما ياخد فلوسه..انا هكلم واحد صاحبى يتصرف هو معاه...انا مش فاضى للراجل المخبول دة
ميار:مفيش حد بيختار عيلته يااسر...وللاسف الراجل دة ابويا واسمى ع اسمه...مش هقدر اغير دة
اسر:طيب يلة خلينا ننزل..نشوف ماما وبابا اكيد تحت دلوقتى
ميار:يلة
وهما نازلين ميار كانت هتتكعبل بس هو مسك ايدها وشدها ليه قبل متقع
بصتله بحب هو حس بنظرتها ليه...بعد عنها بسرعة وقال:انتى كويسة
ميار بكسوف:اه كويسة
اسر:خدى بالك بعد كدة..واحسبى خطوتك قبل متمشيها...علشان متقعيش.
ميار:حاضر
وهما بيتكلموا عبدالرحمن شافهم فضل مبلم من الصدمة ومش عارف ينطق
ميار خدت بالها ف بعفوية مسكت ف دراع اسر...هو استغرب..فبص مطرح م هى بصت..لقا والده
عند اسد واية
اية صحيت من النوم لقت اسد نايم وحاطت ايده ع راسه ونايم ع جنبه...بصتله شوية بحيرة
بعد كدة تنهدت بتعب وقامت جابت هدومها من الدولاب..وراحت علشان تطمن ع نوح لقيته نايم..فراحت الحمام علشان تاخد شاور
شوية واسد صحى حط ايده ع راسه من الصداع..وشاف مكان الجرح لقاه كويس
سمع عياط نوح..قام وشاله وفضل يطبطب عليه ويملس ع شعره بهدوء..لحد م هدى
قعد ع السرير وقعد نوح ع حجره وفضل يلعب معاه
لحد م اية خرجت من الحمام..لقت اسد بيلعب معاه ونوح عمال يضحك بصوت عالى..واسد بيضحك بصوته الرجولى مع ضحكه..وواخد باله من اية وهى متابعة اللى بيحصل ب ابتسامة هادية ورقيقة
اسد وهو لسة بيلعب مع نوح ومش حاطت عينه ف عين اية
تصدقى نوح دة مش طالعلك خالص..واحد بيحب الضحك والفرفشة مش زيك واحدة نكدية
اية كانت هتتكلم بس اللى وقفها صوت خبط الباب
اسد:روحى افتحى
اية:حاضر
وراحت فتحت لقت جيسى واقفة ع الباب وعينيها حمراء من كتر العياط..ولسة بردو بتعيط بصوت عالى وبتقول:اسد ليك انا بدى ياك هلا اذا بتريد
عند مروة
مروة كانت بتلبس علشان تروح درس التاريخ
افتكرت انها لازم تخلى رعد يتاكد من مشاعره ناحيتها
وقالت انها هتحاول تعمل كدة..وان شاء الله هتنجح
افتكرت ان مراد كان مديها رقمه فرنت عليه
مراد:الو
مروة:ايوة يامراد...ازيك انا مروة
مراد بفرحة:ايوة يامروة...انا مسجل رقمك ع فكرة...كنتى عايزانى ف ايه
مروة:انا حاليا رايحة درس تاريخ ف سنتر........ف كافيتريا قريبة منه اسمها......كنت عايزة اتكلم معاك ف موضوع مهم...فلو ممكن تقابلنى هناك
مراد بقلق:طب ممكن تدينى نبذة عن الموضوع اللى انتى عايزانى فيه؟! علشان الصراحة قلقتينى
مروة:حاضر..الحقيقة هو يخصنا احنا...كنت عايزة اقولك قرارى بخصوص اللى طلبته منى..وف كلام مينفعش ف التليفون محتاجة اشوفك وش ل وش فاهمنى
مراد بتفهم:خلاص يامروة قوليلى عايزانى ابقا ف الكافيتريا الساعة كام
مروة:يعنى 3 سعات من دلوقتى حلو...هستناك اوكى
مراد:ان شاء الله هاجى متقلقيش...واى قرار انتى ختيه صدقينى هفهمه وهقدر موقفك
مروة ضحكت وقالت:تمام
ف اوضة رعد
رعد بيلعب ضغط بسرعة كبيرة ومواقفه مع مروة ك انها شريط قدامه
شوية وتليفون رعد رن
رعد:الو...مين؟!
المتصل:اهلا..رعد باشا...انا واحد يهمه مصلحتك..ف بقولك خاف ع اللى منك وابعد عن قضية تجارة الاعضاء بتاعة المرحوم غسان احسلك
رعد بلا مبالاه:مش ناقصة استزراف ع الصبح يالا...مش رعد الرملى اللى يتهدد وانا اهو بقولك اخرك اعمله وانا عارف ان المنظمة هى اللى قتلت غسان علشان بقا كارت محروق بالنسبالهم ومش هيعرفوا يستفادوا منه ف اى حاجة بعد كدة..ف انا اهو بقولك مش هبعد نفسى عن القضية دى الا وهى مقفولة وانتوا ف الحجز ومحكوم عليكوا ب الاعدام ساعتها هنام وانا مستريح..وصدقونى هجيبكوا واحد واحد...متقلقش. .فات الكتير مبقاش الا القليل
المتصل:طب لو قولتلك ان حبيبة القلب ممكن تضيع منك ف غمضة عين؟! احنا لو عايزين نخلص منك...الموضوع هيخلص ف خلال 24 ساعة مش اكتر..والدة البت اللى ماتت اللى انت جيبتها علشان تشهد ع اللى حصل...هتموت واى خيط هتحاول تجيبه هينتهى وانت هتتنهى معاه...ف انا اهو بقولك ابعد عننا والا انت والسنيورة هتبقوا ف الباى باى..سلام يااا.يارعد باشا
رعد قفل معاه وكان قلقان اوى...لبس بسرعة وخرج من الاوضة لقا ثريا
رعد:فين مروة ياماما
ثريا:لسة خارجة من القصر مكملتش عشر دقايق
رعد بقلق:يادوب الحقها...انا مش هخليها تتحرك خطوة..وهى مش معايا...ولو وصلت انى اجيبلها بادى جارد يبقى معاها هعمل كدة
ثريا:ف ايه يبنى قلقتنى؟!
رعد باس راس امه وقال:متقلقيش ياست الكل...انا همشى دلوقتى معلش...انا عارف ان انا واخواتى مقصرين ف حقكوا..بس والله حاجة ملناش يد فيها..بس ان شاء الله الاوضاع هتتحسن..هى مروة راحت الدرس لوحدها؟!
ثريا:لا يبنى بتتمشى هى و3 صحابها...متقلقش عليها هى مش لوحدها
رعد براحة:كويس...انا قلبى هياكلنى عليها...وهى لوحدها...خلاص انا هروح شغلى..وهبقا اجيبها من الدرس
ثريا: ان شاء الله يبنى
عند ميار واسر
عبدالرحمن بصدمة:ايدة
اسر مسك ايد ميار ونزل من ع السلم بثقة وبقا ف مواجهة والده وبيقول:ميار يابابا...مراتى
ياسمين كانت ماسكة صنية فيها كوبايات ازاز واول م شافتهم اتصدمت وصدمتها زادت لما اسر قال كلامه
وقعت الصنية ع الارض وقالت بصريخ:مراتك...مراتك مين يااسر؟! انت اتجوزت...طب واميرة...ليه تجرح قلبها كدة...ليه تخليها تكرهك وتكرهنا....ليه تصغر ابوك قدام عمك...مين البت دى اللى فضلتها ع اميرة...اتجوزت من ورانا...ليه يبنى تعمل فينا كدة...ليه نخلينا نوطى راسنا قدام الناس والاهم قدام عمك...اتجوزت واحدة شوارعية اكيد شوارعية باين ع شكلها...احنا منعرفش هى مين..ولا جاية منين..ولا حتى مين عيلتها...قولى انت مين ابوها تاجر ولا رجل اعمال ولا شحات ولا ايه بالظبط اتكلم يااسر
ميار كانت بتعيط بصوت عالى
اسر بزعيق بصلها:بطلى عياط بقا...دماغى هتتفجر منك
ميار اترعبت ورجعت لورا خوف منه
عبدالرحمن بشدة:مش تزعق للبنت كدة قدامنا...ليكوا اوضة تتكلموا فيها...انت قولت ان ميار دى مراتك صح؟! اتجوزتها امتى
اسر:امبارح
عبدالرحمن بصدمة:امبارح...طب ازاى وليه عملت كدة...انت تعرف البنت دى منين؟!
اسر بص ل ميار وقال بغموض:ميار تبقى صاحبة مروة اعجبت بيها وب اخلاقها لما شوفتها معاها...حسيتها بنى ادمة كويسة ومحترمة..وهتدينى كل حاجة انا عايزه منها...عارف انى غلط لما اتجوزت من وراكوا وكمان مرة واحدة من غير طقوس زى قراية الفاتحة والشبكة والخطوبة وكدة..احنا حتى لما روحنا علشان نكتب الكتاب اتعطلنا علشان ميار كانت ناسية البطاقة خليت واحد صاحبى يكلم ابوها ويجيب البطاقة منه
ياسمين بصدمة اكبر:هما اهلها مكنوش معاكوا
اسر:لا ياماما ميار اهلها غلابة اوى وظروفها هى اللى اجبرتنا نتجوز بالشكل دة..وبالنسبة ل اميرة انا مش ظلمتها...اللى حصل دة احسن ليها بكتير..خلى ميار تقعد معاكى وهى هتفهمك ع كل حاجة...وانا عارف انك هتحبيها
عبدالرحمن:انا مش فاهم حاجة...انت ازاى تعمل كدة..ايه ملكش كبير ولا ايه؟!
اسر:العفو يابابا متقولش كدة...انت تراب جزمتك فوق راسى..اخر الكلام ميار مراتى وهتفضل مراتى لو حابين تعملوا فرح انا معنديش مانع..وتفرحوا بيا من الاول وجديد..وبالنسبة للسؤال انا عملت كدة ليه؟! اقعدوا مع ميار وهى هتفهمكوا...اما بالنسبة ل اميرة ف بلاش نسبق الاحداث هتعرفوا انهردة ع اى حال...اجهزوا انتوا بس خلينا نروح عند عمى علشان نص الحكاية لسة مش خلص
ياسمين:جرالكوا ايه...ياولاد عيلة الرملى....انتوا مالكم ف ايه؟! ميار دى مش هتكون ف بيتى...انا قولت ل عبدالرحمن..ان انا اللى هختار عروستك..انت كدة حطيتنى قدام الامر الواقع
اسر:ماما ميار هتكون ف البيت دة...لو مراتى ملهاش مكان فيه...يبقى انا كمان مليش مكان فيه
عبدالرحمن:ثريا خلاص اللى حصل حصل...مش هنعرف نغير حاجة...طيب يااستاذ اسر..فرحك ع ميار هيبقى مع عمر وميرا...وانت بتقول ان نص الحكاية مش خلصت صح...طب ممكن ننهيها علشان نخلص من الحوار دة
اسر:هتتنهى يابابا بس البسوا خلينا نروح عند عمى
ياسمين كانت بتبصله بصدمة وعياط..عبدالرحمن شدها وطلعوا للاوضة
ميار بصت ل اسر وقالت بتوتر:تفتكروا اتقبلوا الموضوع
اسر بحيرة:مش عارف...بس اعتقد اه...هما مش عندهم اى اختيار تانى...خلاص انا كدة دورى انتهى دورك انتى بقا هو اللى ابتدا حاولى تخليهم يقبلوكى ويحبوكى..هو مش صعب بس هياخد شوية وقت...محتاجة تكونى صبورة
ميار:تمام..حاضر
اسر:يلة احنا كمان... نطلع خلينا نلبس
ميار:يلة
وفضلوا يمشوا وهما سرحانين مش عارفين القدر مخبى ليهم ايه تانى..وهما ماشيين ايدهم اتلمست بعدوا بسرعة ومدوا ع الاوضة بتوتر
ف اوضة اسر وميار
ميار جابت هدومها ولبست ف الحمام
وخرجت لقت اسر جهز
ميار ف سرها:لا منا لازم اتصرف هو حاليا جوزى..لازم اخرجه من الماضى اللى هو فيه دة...واحاول اكسبه بكل الطرق...هو زى الصنم مش هيتحرك ناحينى...وانا اللى هحركه بس بطربقتى الخاصة
اسر:يلة ياميار
ميار بتمثيل حطت ايدها ع راسها وقال بتعب مزيف:يلة بااسر
اسر بقلق:تحبى اجيبلك اى برشام صداع تخديه...ان شاء الله هتتحسنى
ميار حطت ايدها الاتنين ع كتفه ....هو اتوتر ومش عارف يبعدها ولا..
ميار بصتله وقالت:حسة بدوخة والدنيا بتلف بيا...اقعدى يااسر...وروح انت ع القصر..وانا اول م حس براحة هاجى..مش هتاخر متخافش
ميار بخبث حاولت تقرب منه بحجة تعبها...وحطت راسها ع صدره وحضنته وقالت بخفوت:انا تعبانة اوى
اسر كان متوتر وحاول يبعد عنها ويقول:ميار..مينفعش كدة
ميار اتعصبت منه وكان هاين عليها تضربه ف صدره بس مثلت التعب اكتر وعملت نفسها مغمى عليها
اسر بصلها بخوف:ميار..ميار
اسر بضيق شالها وقال:يادى النيلة عليا...انا ايه اللى خلانى اتجنن واتجوز..منا كنت عايش ملك زمانى
شالها وحطها ع السرير وجاب برفيوم وفوقها...اول محس انها كويسة وبتفوق..كان عايز يهرب ويقول:انا همشى وانتى حصلينى...سلام
وجرى بسرعة البرق خرج برة الاوضة
ميار:يووووووه....ماشى يااسر...والله لسرق من عنيك النوم..والله لدوبك واخليك تقول حقى برقبتى
عند اية واسد
اسد جرى ناحية جيسى وحضنها وقال:مالك ياجيسى ايه اللى حصل
جيسى بعياط: ليك انا كتير خايفة يااسد..امى مانا بترد ع الفون..اتصلت فييا كتير..وما بترد عليا...ما بعرف شو عن اعمل
اسد حاول يهديها ويملس ع شعرها ويقول:طب اهدى هى هتكون بخير متقلقيش..اكيد مش سامعة التليفون..شوية ورنى ان شاء الله هتلاقيها ردت
جيسى حضنته وقالت:اسد تعى ل عندى الاوضة بدى احكى معك شوى .بقالك فترة مش بتيجى ل عندى...انا بدى حقى فيك يااسد
اسد بص ل اية لقاها بتبصلهم بغيرة واضحة
تنهد بتعب وبص لجيسى:حاضر ياحبيتى...ان شاء الله اول ماجى من الشغل هبات عندك انهردة
جيسى:اوك..كيرمال بدى ياك ف موضوع كتير مهم...ها الموضوع راح يخلى رابط ها العلاقة اقوى..وما فى شى راح يفرقنا عن بعض بنوب
اسد بفضول:موضوع ايه دة؟!
جيسته باسته ف خده وقالت:لما تيجى لعندى...راح احكى معك...ما تقلق بنوب حبيبى..باى
ومشيت
اسد بص ل اية وقال:ايه يابنتى...ايه هتاكلينى ولا ايه؟!
اية بغيرة:انت تخرج برة الاوضة دى حالا ومشوفش وشك خااص لمدة اسبوع لا عشر ايام..لا لا شهر كامل
اسد :حبيتى طب انا عايزة البس خلينى اروح الشغل..وبعدين انت ليه غيرانة كدة...هو انتى مش بتحبينى ولا عايزانى..مش دة كلامك
اية جابت هدومه من الدولاب ورميتها ف وشه
هو مسكها وقال:ايه اللى بتعملى دة يامحنونة؟!
اية:انت لو مش مشيت حالا دلوقتى هوريك الجنان ع اصله...روح استحمى والبس عند مراتك..واياك تيجى عندى
اسد قرب منها هى حطت صباعها ف وشه وقالت:ها احنا فينا من قلة الادب دى...اياك تقرب ولا تتحرك خطوة..والا انا مش المسؤلة ع اللى هيحصل
اسد مسك صباعها وباسه ببطء هى اتوترت وبعدت عنه وقالت:اياك تلمسنى تانى
اسد:انا لسة مش لمستك من الاساس
اسد شد اية ليه وقال:انهردة الاقيكى لابسة الساعة 6 هاخدك ونخرج شوية بعيد عن اى حاجة
اية:بس انا مش عايزة اخرج
اسد بمكر:ماشى كلامك..لو جيت ومش لقيتك لابسة هعتبر دى دعوة صريحة منك..انك عايزة اتمم جوازى منك
اية بصدمة:انت قليل الادب
اسد:وحياتك سافل كمان مش قليل الادب بس..ولو مش مصدقانى هثبتلك....بس اتحدينى يااية وهتشوفى انا ممكن اعمل ايه...وهاخد هدومى فعلا وهلبس عند جيسى...يلة سلام
خرج من الاوضة وهو بيصفر بلا مبالاه
اية بخوف:هو كان بيتكلم بجد...لما قالى كدة..يالهوى لا وع ايه..خلينى البس واخرج معاه بكرامتى احسن..هو رايح عندها..ماشى يااسد...وبردو مش هتاخد منى حاجة الا لما اكون انا بس اللى مراتك..خليك ع حالك كدة
ف اوضة جيسى
جيسى حضنت اسد من ضهره وقالت:وحشتنى كتير يااسد...كتير متلفهة للمستك الى...ليش بعدت عنى كل ها الفترة..ليش
هو كان بيسرح شعره وبيسمعها بحيرة
مسك ايدها ونزلها من ع ضهره وبصلها وباس ايدها وقال:خلاص ياحبيتى متزعليش انا عارف انى مقصر..بس قوليلى اعمل ايه علشان ترضى عنى
جيسى حضنته من رقبته وقالت بصوت مغرى:ليك انت عارف شو اللى بدى ياه..بدى ياك انت..بدى ترجع اسد حبيبى اللى بيحبنى..وما بيبعد عن حضنى لحظة
وهمست ف ودنه وقالت:بدى ياك تعيد كل لحظة حلوة بحياتنا..بدى اجيب عيل منك يااسد..بدى ياك تقرب منى كتير
وحاولت تفك ازار قميصه هو وقفها بسرعة وقال:معلش ياحبيتى انتى بردو والله وحشانى اوى..بس انا عندى شعل ومينفعش اتاخر عليه اكتر من كدة...ف ان شاء الله بليل اول ماجى هعملك اللى انتى عايزاه
جيسى بغضب مكتوم:اوك حبيبى
ف القسم
رعد:انا عايز كل المعلومات عن غسان..وكمان الملفات بتاعة المرضى اللى كانوا بيتعالجوا عنده وعايز تقرير مفصل..عن حالتهم الصحية
عمر:كل دة عندك ف المكتب..انا منمتش بقالى فترة بحاول اجمع معلومات ع قد مقدر
رعد:وعرفت توصل لحاجة
عمر:عرفت اوصل لحاجات مش حاجة واحدة...عيلة نوسة كانت تعرف غسان من زمان..كان متقدم ل اختها بس اهلها رفضوا علشان كان سكرى ع الرغم من انه دكتور كبير..اختها كانت بتحب غسان حب مرضى من الاخر...ف لما عرفت ان نوسة هربت علشان تتجوز غسان انتحرت..وهتقولى ازاى؟! نوسة كانت بتحب غسان من اول مرة شافته فيها ولما اهلها رفضوا غسان استغلت دة ووقعته ع بوزه وخدها وهرب..عيلة نوسة كرهوا بنتهم واعتبروها ماتت..غسان بقا خد نوسة وشغلها رقاصة وكمان بتمول البنات للضعارة...لواحد اسمه الملك
رعد:الملك؟! دة اكيد مش اسمه الحقيقى
عمر:بالظبط كل العمليات المشبوهة كانت بتتم عن طريق واحد اسمه الملك عملنا تحريات كتير معرفناش نوصله خالص...كله بيتم عن طريق ناس تانية للاسف الملك دة مش بيظهر ف الصورة...واكيد غسان كان عضو من الاعضاء بس كان واقف لقمة ف الزور بالنسبالهم ف كان لازم يخلصوا منه....هو كان بيمول الناس علشان يبيعهم اعضاء بشرية عن الطريق المستشفى بتاعته ف اكيد لما مات جابوا دكتور تانى...بس للاسف مش عارفين نوصل للمستشفى دى خالص...بس بنحاول نعمل جهدنا وان شاء الله هنوصل لحل
رعد:احنا ماشيين كويس..علشان واحد منهم كلمنى وهددنى انى لو مش بعت عن القضية دى هيخلصوا عليا
عمر:هههههه اتعودنا ع كدة..انا عملت فعلا تقرير مفصل عن الحالات اللى ماتت..وعندك ملفات الضحايا وكل المعلومات عنهم ف المكتب يمكن تعرف توصل لحاجة
رعد:تمام
ف مكان ما
هى البت فين
هى حاليا ف سنتر اسمه............ متقلقش ياباشا من ساعت اللى حصل واحنا مراقبين البت...لو عايزها تبقى ف ايدك انهردة اعتبروا حصل
الرجل وهو بيشرب السجاير وحاطت رجل ع رجل:عايزها تبقى ف ايدى انهردة بليل..ولو محصلش تبقوا انتوا كدة بتشتروا كرهى...وانا عدواتى وحشة
متقلقش ياكينج..كل شى هيبقى ف السليم
تمام جدا
عند اميرة
اميرة كانت قاعدة وسرحت ف ذكرياتها مع ريان
فلاش باك
ف مدرسة مشتركة للغات
اميرة كانت بتعيط ف حوش المدرسة
ريان شافها بتعيط ف جرى عليها
ريان:مالك يااميرة
اميرة:مفيش
ريان:انتى كدابة...لو مفيش حاجة يبقى بتعيطى ليه بقا؟! فى حد ضايقك قوليلى وانا هاخدلك حقك منه
اميرة بعياط:ابلة ميرفت بتاعة الموسيقى زعقتلى جامد علشان مش عرفت اعزف كويس ع الالة...وجابت واحدة تعزف بدالى..وكمان كنت انا اللى هغنى ف الحفلة بردو رفضت وجابت الرخمة سالى...وهى بتغنى طلعتلى لسانها وفضلت تشتم فيا اومت اتعصب فضربتها الابلة شافتنا وضربتنى 10 عصيان ف ايدى شوفت حمرا ازاى وجبتلى استدعاء ولى امر
ريان:ياحلاوة...كل الموال الطويل دة...علشان معرفتيش تعذفى ع الالة...دة سبب تافه اوى..متزعليش يااميرة هى اللى خسرانة مش انتى...صوتك حلو ومفيش حد يقدر ينافسك فيه
اميرة:انا بكره سالى دى اوى...هى بتسفذنى وهى قاصدة..علشان اتعصب عليها والابلة تعاقبنى...انا مش هروح المكان دة تانى...ريان خدلى حقى منها
ريان:البنى ادمة دى مش تستاهل انك تتعصبى وتتعبنى نفسك علشانها..هى بتكرهك علشان انتى احسن منها..كل المدرسين بيمدحوا فيكى وبيحبوكى وبينصحوكى من غير اى حاجة..هى بقا من النوع الحقود كبرى دماغك ولو كبرتى دماغك منها انتى كدة هتخليها تتضايق يلة بقا اضحكى علشان اجيلك ايس كريم بنكهة الفراولة
اميرة ضحكت وفعلا نسيت كل حاجة وبعد المدرسة ريان خدها وجبلها ايس كريم وراحوا ع الباص وروحوا
باك
اميرة ضحكت وقالت:ربنا يباركلى فيك ياريان
طق طق
اميرة:ادخل
ريان:يلة يااميرة علشان اسر وعمى ومرات عمى جوم
اميرة بخوف:ماشى انا جاهزة اصلا..يلة بينا
*********************
إلي هنا ينتهي الفصل الثالث و العشرون من رواية اختلاف القلوب وتحدى القدر بقلم هاجر عبدالحليم
تابع من هنا: جميع فصول الرواية
تابع من هنا: جميع فصول الرواية
تابع من هنا: جميع فصول رواية عشق الزين الجزء الأول
تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها
أو أرسل لنا رسالة مباشرة عبر الماسنجر باسم القصة التي تريدها
اقرأ أيضا: رواية شهد الحياة بقلم زيزي محمد
إرسال تعليق
يسعدنا تلقي اقتراحاتك أو تعليقك هنا