مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة هاجر عبدالحليم علي موقعنا قصص 26 و موعدنا اليوم مع الفصل الثلاثون (الاخير) من رواية اختلاف القلوب وتحدى القدر بقلم هاجر عبدالحليم.
رواية اختلاف القلوب وتحدى القدر بقلم هاجر عبدالحليم - الفصل الثلاثون (الاخير)
اقرأ أيضا: رواية عشق الزين (الجزء الأول) بقلم زيزي محمد
 |
| رواية اختلاف القلوب وتحدى القدر بقلم هاجر عبدالحليم |
رواية اختلاف القلوب وتحدى القدر بقلم هاجر عبدالحليم - الفصل الثلاثون (الاخير)
عبدالرحمن بصدمة:انت بتتكلم عن مين
اسر بزعيق:بتكلم ع اميرة..فاكرانى واحدة مختوم ع قفايا..فاكرة ان الموضوع مش هينكشف ليا...لا.. والله لهاخد حقى منها..هى ازاى تعمل فيا كدة..دة جزاه الواحد اللى بيحب بجد...مفيش حد كان هيخاف ع زعلها ادى...ريان انانى وهياذيها..دة واحد مستهتر مش عارف يعنى ايه مسؤولية..ع طول بياخد كل حاجة منى من واحنا صغيرين اميرة كانت بتاعتى انا..وكنت راضى بيها..لكن ياخدها منى..لا مش هقبل
وفضل يكسر كل حاجة بتقابله ف الاوضة..جتله حالة نفسية ومش عارف ولا حتى قادر يسيطر عليها
فضل يصرخ ويقول:اميرة...اميرة انتى هتجيلى برجليكى...هتجيلى راكعة وهتبوسى رجلى علشان ارجعلك وساعتها هذلك...وهخليكى تبكى بدل الدموع دم
ابوه مصدوم ومش قادر يتخيل ان اسر اللى بيحب الهزار ويحب الخير لكل الناس..يعمل كدة
جرى عليه وحاول يهديه..مسكه جامد..وهو فضل يصرخ ب اسم اميرة
عبدالرحمن بصريخ:اهدا..اهدا يبنى بالله عليك...ايه اللى حصلك دة...ايه اللى خلاك تضرب ميار بالشكل دة...مش هتعرف تسامحك حتى لو هى عايزة كدة...انت بطريقتك دى خسرت البنى ادمة الوحيدة اللى فعلا حبتك بجد..اسؤ اهدا
اسر بصريخ:اااااااه...انا تعبااااان...مش عايز حد معايا..سيبونى استنى موتى...انا عايز اموت
ووقع وفضل يتشنج ويصرخ...ابوه برق عينه من الصدمة ودمع غصب بن عنه
عبدالرحمن بخوف وزعيق:اسر..اسر رد عليا...ياسمين بسرعة كلمى الدكتور...ابنى بيروح منى...اسر
ف اوضة ميار
ميار كانت بتعيط فجاه سمعت صريخ عبدالرحمن لبست بسرعة وجريت بلهفة تشوف ف ايه
ف الصالة
ياسمين جريت تكلم الدكتور وعنيها شلال علشان خاطر ابنها...كلمته وجريت عليه وحضنته وهى عمالة تعيط
اسر بهمس متعب:اميرة..اميرة...انا عايز اميرة
ياسمين بصت ل عبدالرحمن بصة معناها انا مش هسيب ابنى لحد م يروح منى...انا لازم اعمل حاجة
اسر بصريخ:اميراااااااا..لييييييييه يااميرة...حرام عليكى ليه..ااااااه يااامى....خانتى ياامى...هقتلها والله هقتلها
وفضل يتشنج وابوه يكتفه من ايده لحد م فقد الوعى
ميار جريت لقت اسر وهو ف الحالة دى..عيطت جامد وحطت ايدها ع بقها بتحاول تكتم صريخها...وفعلا هى مش عارفة ايه اللى وصل اسر المرحلة دى
جريت وسندت اسر مع عبدالرحمن وهى بتبصله بخوف ولفهة وبتدعى ف سرها انه يكون كويس..ومكنش فارق معاها وجع جسمها اللى هو سببها ليها
ف الاوضة
ميار ماسكة ايد اسر والدكتور بيكشف عليه
ميار:ف ايه يادكتور؟! بالله عليك طمنى
الدكتور:دى حالة نفسية موقتة مش دايمة باجماعة محدش يقلق..ان شاء الله ساعة وهيفوق...بس ياريت محدش يتناقش معاه ف اى حاجة هو عملها وهو ف الحالة دى علشان حالته متتدهورش زيادة
ياسمين:والتشنجات اللى جتله دى يادكتور..دى فعلا حالته مكننش طبيعية..دة ضرب مراته بقسوة رهيبه ولما ابوه ساله عملت كدة ليه...فضل يتكلم عن واحدة تانية خالص
الدكتور:ايوة..دى حالة نفسية الظاهر كان فى هم وحزن ع قلبه ومش قادر يخرجه...وكانت الضحية مراته هو اتخيلها البنت دى شكل البنت دى جرحته اوى...وخرج كل العصبية من قلبه فيها...وشكلكوا ضغطوا عليه فجتله حالة التشنجات دى...بس ان شاء الله هتختفى
عبدالرحمن:متشكر اوى يادكتور
الدكتور:العفو
عبدالرحمن وصل الدكتور للباب علشان يخرج
ميار بصت ل اسر...بعد كدة بصت لياسمين بصة هى معرفتش تحدد معناها..بعد كدة سابت ايد اسر..جاية تمشى بس اسر مسك ايدها..بصتله بصدمة جت تضحك بس تلاشت بمجرد م اسر همس ب اسم اميرة
عيطت عياط مكتوم ممزوج بالحسرة...بعد كدة خرجت من الاوضة
ياسمين باست ايد اسر وقالت:يارب اومه بسلامة...مش عايزة حاجة تانية غير كدة
ف اوضة مروة
مروة:نهاااار اسوح
ميار بعياط:انا مكنتش اعرف انه بيحبها اوى كدة
مروة:لا ياختى دة كان بيعشقها...انتى متعرفيش حاجة...دول كانوا مش بيفارقوا بعض ابدا...زى الواحد وضله كدة...مكنش بيستحمل يشوفها زعلانة..تعرفى كان هو اللى بيعمل الواجب بدالها مرة اتضربت واتزنبت هو جى وزعق للمدرس وهو كان صغير ساعتها بردو مش كبير..مكنش بيسمح حتى للهوا انه ييجى جمبها..مكنش بيسمح لاى شاب انه يتعرض ليها
ميار بعياط:حرام عليكى يامروة ارحمينى..انا بحبه يامروة
مروة بعصبية:واللى عمله فيكى..هتعديها بالساهل كدة...مش كفايا انه كان المفروض فرحكوا كان هيتعمل انهردة بس بجبروته منع دة...دة اللى عمله شغل حيوانات لا الحيوانات ارحم منه...يفرق ايه عن ابوكى...دة يمكن اخطر منه...
ميار:مكنش ف وعيه يامروة.كان تعبان واللى حصله محدش يستحمله..جرح القلوب وحش...وانا اكتر واحدة حسة بيه
مروة:لا ياميار كله الا كرامتك..وهو لازم يحس بقيمتك..والا هو ميستاهلش حتى ضفرك...لازم تربيه وتبعدى عنه فترة لحد ميحس انه محتاجك فعلا
ويرجعلك وف النهاية القرار قرارك بردو انا مليش دعوة
ميار بحيرة:سلام يامروة
مروة:سلام
ف فلة عبدالرحمن
ف الصالة
عبدالرحمن:لا ياعزيز متقولش حاجة للولاد خليهم يفرحوا
عزيز:لا ياعبدالرحمن..اسر زى ابنى..ويعز عليا اشوفه كدة...خلاص مفيش افراح انهردة...لازم يكون ف الكوشه زيه زى ريان
عبدالرحمن:ياعزيز افهم الموضوع مش مستاهل انك تاجل الفرح..الدكتور طمنا وقال انه ساعة وهيفوق...وعلشات تطمن انا هاجى الفرح واسر هيكون معايا...دة فرح بنتى بردو ياعزيز...مش عايز اى حاجة تتاجل...كله هيمشى زى م هز
عزيز:مش عايزك تزعل من ريان..عارف انك شايل منه علشان اتخلى عن ميرا...وكمان اتسبب ف جرح ابنك الوحيد..بس مش عايزك تزعل...لو ريان خد ميرا..واسر خد اميرة..كان الموضوع هيدخل ف منحنيات صعبة محدش هيستحملها والاهم ان ربنا عوض اسر بميار وميرا بعمر.وصدقنى هيدوهم الحب اللى كانوا مستنينوا
عبدالرحمن:ربنا يسهل الحال...جهز انت كل حاجة...وانا هجهز وهحصلك ع القاعة
عزيز:ان شاء الله
ف اوضة اسر
اسر فتح عينه ببطء وحط ايده ع راسه من التعب وتاوه تاوهات بسيطة...ومرة واحدة جى ف دماغه لحظة م ضرب ميار بلا رحمه وكمان شتم فيها وتف عليها..استحقر نفسه وحس بندم عمره م حسه...بس هو ازاى قدر يعمل كدة...كان ايه اللى مسيطر عليه...هو لقا نفسه بيضربها بعصبية كانه بيفش غله فيها
ياسمين شاقته فرحت وفضلت تملس ع وشه بفرحة وتقول:اسر..اسر حبيتى انت كويس
اسر:ميار فين
ياسمين:ميار....حبيبى انت تعبان نام شوية واول م تصحى هناديهالك
اسر بتعب:ماما انا عايز ميار بالله عليكى هاتيهالى انا تعبان ومش قادر اتكلم
ياسمين:حاضر هناديها
ياسمين ف سرها:ياترى هتعملى ايه ياميار...هتكونى عند حسن ظنى ولا هتعملى الحاجة اللى انا خايفة منها...ربنا يسترها ويعديها ع خير
ف اوضة جيسى
جيسى صحيت من النوم وافتكرت لما اية ساعدتها..ضحكت ضحكة بسيطة بعد كدة قامت علشان تلبس وتجهز نفسها للفرح
عند اية نفس الحال جهزت وجهزت نوح
ترن ترن
اية:الو
اسد:يلة انا تحت بالعربية..اجهزى بسرعة وخبطى ع جبسى شوفيها لبست ولا لا.
اية:حاضر
اسد:فستان محترم..مكياجك خفيف وشعرك تغطيه
اية بصدمة:بس انا مش محجبة
اسد:بسيطة اتحجبى..وبعدين انا مش فاهم ايه اللى خلاكى متلبسيش الحجاب لحد دلوقتى.. دة فريضة وهتتحاسبى ع كل شعرية بانت للناس
اية:انا مفكرتش البس طرح خالص...بس انا لبسى واسع ومش ضيق وعمر محد علق ع لبسى
اسد:حلو...وزينى شكلك بالحجات...خليه حاجة غالية مش اى حد يشوفه..افتحى الدولاب هتلاقى طرحة حلوة البسيها وانا واثق انك هتطلعى ملاك
اية:حاضر..بس هو مفيش حد خالص ف القصر ليه؟!
اسد:مهو علشان يااذكى اخواتك الكل راح القاعة وريان وعمر جوم خدوا الكل وراحوا..بس اسر الصراحة معرفش اى حاجة عنه
اية ب استغراب:ليه هو مش المفروض فرحوا انهردة...دة حتى ميار محدش شافها من البنات خالص انهردة والكل قلقوا بس معرفوش يروحوا يطمنوا عليها
اسد:كله هيبان..متشغليش بالك اهم حاجة اعملى اللى قولتلك عليه
اية:تمام
ف العربية
اسد وهو بيحرك المفاتيح يمين وشمال وهو بيفكر ازاى يخلى اية تحبه وف نفس الوقت تتقبل وجود امراه تانية ف حياته..لقا انه لازم يخلى اية تقرب من ربنا..علشان عصبيتها تهدا شوية..ويحاول يشجعها ويشجع نفسه كمان ع دة
ف اوضة اية
بصت ع نفسها ف المرايا وهى بالحجاب ضحكت ضحكة واسعة..ازاى لحد دلوقتى مفكرتش نلبس الحجاب..ازاى مش قادرة تستوعب ان الحجاب زينة وبيجمل البنت..وبيجعلها عفيفة ف نظر ربها واللى حواليها..شعرها دة لازم اللى يشوفه حلالها وبس مش اى حد تانى..حقيقى زادت جمال فوق جمالها..واستغربت ليه اسد طلب منها الطلب دة والوقت دة بالذات..خرجت من تفكيرها ع صوت خبط الباب
مسكت نوح اللى كان نايم..واول م شالته نام ع كتفها
راحت فتحت لقيتها جيسى
فضلوا يبصوا لبعض بصات تحمل معانى كتير اوى..نظرات محدش هيفمها الا الست اللى ف مكانهم
جيسى:طلعة كتير حلوة..مين يالى اقترح ها الفكرة
اية بتوتر:دة اسد
جيسى بحسرة:عن جد اسد طلب منك هيك...اكيد ف شى بمخه نحنا ما نعرفه..بس اكيد خير...انتى عن جد طلعة ملاك...بتمنى ما تندمى ع ها القرار..وتقلعيه الحجاب عن جد بيدى للواحدة عفة
اية مستغربة من طريقة كلامها وحسرتها اللى واضحة ف عنيها مش دى جيسى اللى بتتكلم...ياترى ايه اللى حصل معاها
اية:انتى كويسة؟!
جيسى ضحكت ضحكة انثوية صارخة خلت اية تتحرج جدا وتفتكر ان هى قالت حاجة غلط
جيسى:ليش عم تقولى هيك..ههههههههههههه...مستغربة كلامى معك مو هيك...ليك والله انا مستغربة حالى....والله تعبت من كل شى...بدى احكى مع اى حدا..اى حدا...حتى لو انتى..قلبى كتير واجعنى
اية بحزن ع حالها
خلاص ياحبيتى انا معاكى وف اى وقت حبة تتكلمى معايا فيه..انا موجودة...صدقينى انا مفيش جوايا اى مشاعر وحشة ليكى غير
جيسى:غيرة مو هيك..هاد كتير طبيعى..ولو انتى ما حسيتك ها الاحساس.هيك انتى مانك طبيعية بنوب
اية:احم احم...وانا عند كلامى لو حبيتى تتكلمى معايا انا موجودة وهسمعك وهنصحك لوجه الله
جيسى:ابنك نايم ولا شو؟!
اية:اه نايم
جيسى:تسمحيلى احمله
اية:ايوة طبعا اتفضلى
جيسى شالت نوح وبتطبطب عليه...نوح حس بيها..فتح عينه وبص عليها ب استغراب...وفجاه ضحك..وحط ايده ع صدرها..جيسى بعدته ب احراج وكسوف
جيسى:شو هاد...شو عم يعمل ها الولد
اية:هههههههه...عايز يرضع منك...بس الغريبة انه عمل كدة..مشوفتيش بصلك ازاى...كانه حاسس انك مستحيل تشيليه
جيسى بصتله وفضلت تلعبه وهو يضحك معاها..اية سرحت ف اللى بيحصل ب ابتسامه بسيطة ومعلقتش
ترن ترن
اية:جيسى يلة اسد عمال يرن
جيسى:اوك...تسمحيلى احمله واخليه معى..ما تخافى عليه معى
اية:براحتك خالص...انا مش متضايقة ولا هتضايق
ف عربية اسد
اسد بيبص ف ساعته وبيقول:بيعملوا ايه كل دة؟!
بص عليهم لما جيسى ماسكة نوح وهو بيص عليها ويضحك..اتبسط من جواه...وعينه راحت ع اية وهى بالحجاب مقدرش يشيل عينه من عليها..نزل من العربية ولسة عينه ع اية...جيسى لاحظت دة....ابتسمت بحسرة ومعلقتش
اسد:تبارك الخالق
اية بكسوف:شكرا
اسد:العفو
وبص ع جيسى وقال:طالعة بتاخدى العقل حبيتى..الله يحميكى الى
جيسى:انا راح اركب مع نوح ورا..واية معك قدام..اوك
اسد بص ع اية وغمزلها بص جيسى مش شافته
اسد:زى متحبى حياتى
وفتح لجيسى العربية بعد كدة ل اية
وركب وساق العربية علشان يروح القاعة
جيسى كانت بتلعب مع نوح..وحاولت تشغل نفسها معاه
واية بصة عليها ف المرايا...وبتفكر ف حالتها..وايه اللى حصل معاها..وناويه ع ايه
اسد مسك ايد اية وساق..واية معلقتش وسابته يمسك ايدها..هو بصلها ب استغراب..لانه كان متوقع تبعد ايدها عنه..بعد كدة كمل طريقه يصمت وكل شوية يختلس ليها النظرات
عند ميار واسر
ميار دخلت اوضة اسر وكان معاها ياسمين وعبدالرحمن
اسر:انا عايز ميار بس
عبدالرحمن:يبنى ميار مش عايزة تبقى معاك لوحدها
اسر بتعب:ميار لو سمحتى انا محتاجك
ميار بصتله بشفقة ع حالته بعد كدة راحتله وقعدت جمبه...هو بصلها بندم وهى بصتله بعتاب
عبدالرحمن:تعالى ياياسمين ننزل تحت
ياسمين:حاضر
اسر:اسف
ميار:وانا مش قابلة اسفك
اسر:ليه...انا مكنتش ف وعيه...ومش عارف انا ايه اللى خلانى اضربك الضرب دة...هو انا مريض نفسى ياميار؟!
ميار:ايوة..انت مريض...كنت عمال تضرب فيا بغل وقسوة..مكنش فارق معاه انى بصرخ وبتوسل ليك علشان تسيبنى انا مش جارية عندك علشان تعمل فيا كدة...كله الا كرامتى يااسر...انت مش بتعبرنى مراتى..انا اشتريتك وانت بعتنى....يبقى خلاص انا مش عايزة اعيش معاك..انت لسة بتحب اميرة صح؟!
اسر بعصبية:لا طبعا مش صح..انا بكره البنى ادمة دى..بكرها..وانتى مش عايز اسمع منك سيرة البعد دى تانى فاهمة
ميار بعصبية:اللى انت عملته دة مستحيل اسامحك عليه...انا مش عايزة اعيش معاك..تفرق ايه عن ابويا ها..كلكم حيوانات
اسر:بتقارنينى انا ب ابوكى ياميار...هى وصلت لكدة...طب بصى بقا اللى انتى عايزة تعمليه اعمليه...لكن طلاق مش هطلق..بعترف انى مش حابب وجودك جمبى كزوجه لكن انا محتاجك عايز احتواءك ليا
ميار:لا انت فعلا مريض...مش بتحبنى وعايزنى ازاى...هو انت فاكر انى ضعيفة علشان اعيش معاك بعد الضرب اللى ضربتهاله...تفتكر ان اعيش معاك بعد م وصفتنى بالخاينة وتفيت عليا كانى فعلا خونتك...هعيش معاك وانا عارفة انك واخدنى بس علشان تغيظ ست الحسن بيا...هعيش معاك وانا عارفة ان فى واحدة تانية بتتافسنى ع قلبك...لا يااسر...انا مش هعيش معاك
وسابته جت تفتح الباب بس هو لحقها وقفل الباب تانى
ميار:افتح الباب
اسر:لا مش هفتح حاجة
ميار بصريخ:افتح الباب
اسر بصريخ:لا
ميار لقت نفسها من العصبية لفت وضربته برجليها ف بطنه جامد..اسر وقع ف الارض وبصلها بصدمة وكان هيضربها بس لما شاف ف عنيها الوجع والعتاب بعد عن القرار دة
ميار بصريخ:حيوان
ومشيت وسابته ودخلت الاوضة لمت هدومها وهى بتعيط...نزلت من ع السلم لقت ياسمين ف وشها
ياسمين:تقدرى تروحى تقعدى مع والدتك ف شقة اسر اللى هو م اجرها.تقعدى كام يوم لحد م اعصابك تهدا وترجعى
ميار:مش هرجع
ياسمين:قولى الكلام دة لجوزك..انا مليش دعوة
ميار:فعلا انتى ملكيش دعوة ب اى حاجة..هتفضلى كدة طول عمرك...مش هيبقوا ليكوا دور ف حياه عيالكوا..انا هروح فعلا الشقة وياريت ورقتى توصلى والا سواد عيشته هتبقى ع ايدى قداموا يومين لو مطلقنيش ساعتها هيبقا ليا تصرف تانى هيشوف ميار تانية هو ميعرفهاش سلام
ياسمين بعياط:استر يارب
اسر جرى ع السلم وهو بيصرخ ب اسمها...جرى اوى لدرجة انه وقع من ع السلم..امه صرخت ب اسمه واسم عبدالرحمن علشان يلحقه معاها
عبدالرحمن جرى بسرعة وشال اسر مع ياسمين والاتين بيعيطوا ع حالته
ف شقة ما
طراااااااخ
ميار:انتى بتضربينى ياماما
عدلية:واكسر رقبتك كمان...هى حصلت تعملى كدة وتسيبى بيت جوزك ف المحنة اللى هو فيها دى...حتى لو ضربك المفروض تغفرى ليه اى ذنب..دة هو السبب ف اللى احنا فيه دة..لولاه الله اعلم نصيبك كان هيبقى ايه...روحى لجوزك
ميار بزعيق:لا مش راجعة...خلى يعرف قيمتى ساعتها هروحله...انا عمرى مهكون اذية ليه ولا هقبل لنفسى انه اجرحه بس هو لازم يتربى..علشان وجع قلبى مش هين...فاهمة ياماما...مش هين
ودخلت الاوضة مسكت الموبايل ورنت ع معتز وقالتله انها موافقة ع العرض بتاعه وهتبقى هى الوجه الجديد لشركته
معتز فرح جدا وايداها ميعاد علشان تروح شركة الانتاج وتشوف الدنيا فيها ايه
ف قصر الرملى
اسر بتعب:ميار انا عايز ميار حد يجيبلى ميار
ياسمين بعياط:يبنى حرام عليك نفسك ليه كدة...ليه غاوى تعذب نفسك كدة..يبنى اوم وشوف حالك وروح فرح اختك وعرف اللى وجعت قلبك كدة انها مش فارقة معاك...والله يبنى مهيفرحوا يوم بسبب اللى عملوا فيك
اسر:انا مش قادر اروح ف حتة روحوا انتوا
عبدالرحمن:يبنى احنا مينفعش نسيبك...بنتنا مع جوزها ومتطمنين عليها...هنسيبك لوحدك ازاى..لا احنا مش هنمشى...تعالى يبنى ف حضنى
اسر حضن ابوه وفضل يعيط بحرقة وااااااه من عياط الرجال
فضلوا يعيطوا ع حالته دى وبيدعوا ان ربنا يعوضه ويصلح حاله..ويهدى ميار ليه
ف القاعة
مروة قاعدة لوحدها زهقانة علشان رعد قالها متتحركش
شافها مراد وراح علشان يقعد معاها
مراد:ايه الجميل قاعد لوحده ليه
مروة:ابدا...رعد قالى خليكى قاعدة عقبال ماجى...معرفش راح فين
مراد بيعلى صوته علشان تسمعه:الاغانى شغالة اهى...والمفروض تقفى مع البنات
مروة:لا خلينى قاعدة مش عايزة اتخانق معاه
مراد:اوك براحتك
رعد كان بيتكلم ف التليغون شاف مروة قاعدة مكانها ضحك وراحلها وفضلوا يتكلموا كتير وبيسترجعوا ذكريا كتيرة مرت بيهم..وقالها انه كلم احمد وحدد ميعاد الجواز فرحت اوى وفهمت انها كدة خدت قلب رعد..بس هى حاسة ان فيه حاجة مش مظبوطة هتحصل..بس متعرفش ايه هى
عند عمر وميرا
ميرا:انا صدعت
عمر:خلاص ياحبيتى شوية وهنمشى
ميرا:منا رقصت اهو واتصورنا وشربنا العصير فاضل ايه تانى
عمر:خلاص هكلم نص ساعة وهنمشى استحملى علشان خاطرى
ميرا:حاضر
عند اميرة وريان
ريان:تعرفى احلى فيكى ايه
اميرة:اية
ريان:بتحلى اى شى عنيكى تيجى فيه
اميرة:ههههههههه لا والله
ريان باس ايدها وقال:مبروك...بس انا ليه شايفك زعلانة
اميرة بتوتر:زعلانة...لا انا مش زعلانة هزعل ليه
ريان ف سره:يمكن علشان اسر مجاش انهردة
ريان طول الفرح كان متضايق علشان اميرة كانت متضايقة علشان اسر وميار مجوش هو ترجم كدة ودى فعلا الحقيقة..خافت ليكون حصلهم حاجة
اما عند اسد واية مفيش اى حاجة مهمة تذكر
كان يوم عادى الكل حاول فيه يكون مبسوط بعيد عن اى احداث تضايقهم
مكنوش عارفين بالى مستنيهم ف الفترات الجاية
خلص الجزء الاول من رواية اختلاف القلول وتحدى القدر
جيسى ايه اللى حصلها؟! ممكن فعلا تقرر تخرج من حياه اسد؟! ممكن تتخلص من الجنين ولا هتربيه لوحدها؟! ممكن اسد يقدر يحسس الاتنين انه بيحبهم فعلا ويقدر يعدل ما بينهم ولا هيضطر يضحى بواحدة ما بينهم؟! ياترى عيلة اية اللى ف الصعيد هيرجعوا تانى ولا لا؟! جوزها الاولانى عايش ولا ميت؟! ولو عايش ايه اللى هيحصل؟! اية هتحب اسد ولا هتختار حياتها الاولى؟!
جيسى اتغيرت فعلا ولا لا؟! اية هتتحمل وجود امراه اخرى ف حياه اللى بتحبه ولا لا؟!
رعد ومروة ايه اللى مستنيهم؟! رعد فعلا بيحب مروة ولا حب تملك وابوة؟! ياترى لو اتجوزها مشاعره الحقيقية هتظهر؟! ياترى مروة بتحب رعد فعلا ولا مشاعرها تجاهه مشاعر اخوة وهى اللى ترجمت مشاعرها غلط؟!
مرات ابوها هتقدر تاذيها وتجننها علشان تاخد فلوسها ولا رعد هيحميها؟! طب لو نجحت ف دة؟! ايه اللى هيحصل لمروة؟! ممكن تموت فعلا؟!
مين سراب؟! وايه حكايتها؟! ولما تخش ع حياه رعد ومروة ايه اللى هيحصل؟!
اميرة وريان هيعيشوا حياه وردية ولا هتاتى الرياح بما لا تشتهى السفن؟! ميرا هترجع طبيعية تانى ولا لا؟! ولو رجعت ايه موقفها من اللى عمله ريان..وهتسامحه ولا لا؟!
وهتحب عمر ولا هتتعبه معاها؟! ريان طباعه الحقيقة هتظهر ولا لا؟!
غيرة وعصبية وتجاهل ورغبة هيكونوا من نصيب ريان واميرة ولا الاحترام والمودة؟! ممكن فعلا يكونوا ظلموا اسر وبقا لعنة هتخرب حياتهم ولا لا
لحد امتى هيفضلوا الاباء ملهومش دور ف حياه ابناءهم؟!
عمر فعلا هيقدر يتعامل مع ميرا ولا هيندم ع جوازه من طفلة ذات 10 عام
اسر وميار ايه اللى هيحصل معاهم
ميار لو دخلت عالم الغناء ايه موقف اسر
هيطلقها ولا لا؟! وهيقدر يتعامل مع دة ولا غيرة الرجل الشرقى هتسيطر عليه
ميار حياتها المهنية هتغير شخصيتها ولا لا؟! ممكن قلبها تهدمه ولا هتخليه ينبض بس ب اسم اسر
هتتنازل عن تعلميها ولا لا؟!
هيبقى ف فراق ولا اسر هيحارب علشانها؟! ميار هتسامحه ولا لا؟!
كل الاسءلة دى اجابتها ف الجزء التانى من رواية اخنلاف القلوب وتحدى القدر
*********************
إلي هنا ينتهي الجزء الأول من رواية اختلاف القلوب وتحدى القدر بقلم هاجر عبدالحليم
تابع من هنا: جميع فصول الرواية
تابع من هنا: جميع فصول الرواية
تابع من هنا: جميع فصول رواية عشق الزين الجزء الأول
تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها
أو أرسل لنا رسالة مباشرة عبر الماسنجر باسم القصة التي تريدها
اقرأ أيضا: رواية شهد الحياة بقلم زيزي محمد
إرسال تعليق
يسعدنا تلقي اقتراحاتك أو تعليقك هنا