مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة هاجر عبدالحليم علي موقعنا قصص 26 و موعدنا اليوم مع الفصل الثامن من رواية اختلاف القلوب وتحدى القدر بقلم هاجر عبدالحليم.
رواية اختلاف القلوب وتحدى القدر بقلم هاجر عبدالحليم - الفصل الثامن
اقرأ أيضا: رواية عشق الزين (الجزء الأول) بقلم زيزي محمد
 |
| رواية اختلاف القلوب وتحدى القدر بقلم هاجر عبدالحليم |
رواية اختلاف القلوب وتحدى القدر بقلم هاجر عبدالحليم - الفصل الثامن
حسان ونعمان قاعدين ف جنينة السرايا
نعمان:جول للبلوة اللى فوج ديه تجيبلى الشيشة دماغى هتتفرتك مخبرش ليه
حسان:يابوى جولى اخرة دة كله ايه..مرت عمى بجالها مدة جاعدة معانا زيها زى الخدامين وحمزة مشغله ليل نهار ف الارض
نعمان بعصبية:ولسة التجيل جاى...انا لسة معلمتش حاجة واصل... لسة لحد دلوج البت مش ف يدى..ولو حوصل ساعتها سيدة هتيجى تحت رجلى انى هعمل كل اللى اجدر عليه علشان اخلي عيونهم كليتها دموع وقهر...اللى عملته فيا مش هين ياولدى
حسان:يابوى انت مخبرش ايه اللى بيحصل ف السرايا..امى مش سايبة مرت عمى ف حالها واصل..ع طول بتجر شكلها
نعمان:يابوووووى...جينا بجا لشغل النسوان...ف ايه بس ياولدى خلينا ف اللى احنا فيه...جولى بس ايه اخبار الارض اياها
حسان ب استغراب:انى ارض يابوى...ايوة ايوة انت تجصد ارض الحاج طايع والله يابوى لسة مش عاوز مع انى جولتله هدفع المبلغ اللى انت تعوزه مخبرش منشف دماغه ليه
نعمان بمكر:ليه حج هى ارض مينفعش يتفرط فيها واصل
حسان:جصدك ايه يابوى
نعمان:لاع ياولدى مجصدش حاجة روح لمرتك الوجت اتاخر تصبح ع خير
حسان ف سره:ايه سر الارض دى بس يارب...لاع الموضوع فى انة وانى هعرفه
حسان:ماشى يابوى وانت من اهله
مشى حسان ونعمان مسك تليفونه ورن ع
الو.....ايوة بجولك ايه شوفلى موضوع ارض الحاج طايع دى.......انى عاوز الارض تكون ليا ف اسرع وقت....منى عارف هو مش عايز يبيع الارض دى ليه.......حل ايه ياواكل ناسك انت.......ايه بتجول ايه........اروحله واتفج معاه انت اتخلبت عايزنى انى اروح لطايع.........ماشى ماشى هشوف الموضوع دى واكلمك سلام
قفل معاه وقال:ليه حج يعمل اكده....م ارض تحتيها اثار...ماشى انى هروح واتفق معاه معنديش اى حل تانى دلوج
ف قصر الرملى
نزلت من اوضتى وانا سامع زعيق تحت ف الصالة لقيت الكل متجمع بلا اسثناء
بابا بصلى وقال:الحقنى يارعد مروة مش ف اوضتها ...مقالتش لحد هى راحت فين
اتصدمت وقولت:يعنى ايه مش ف اوضتها مروة راحت فين ياماما
ماما بصتلى وعيطت وقالت:والله يبنى معرف....ياحبيتى يابنتى انا كنت عارفة ان دة هيحصل...هى بقالها فترة متغيرة مبقتش تضحك زى الاول..بقت عصبية ومش طايقة حد وع طول حبسة نفسها ف اوضتها ب حجة انها مشغولة ف دروسها
لقيت اسد قرب منى وقالى:عملت فيها ايه يارعد؟!
بصتله بصدمة وقولت:عملت فيها ايه؟!هههههههه وانا هعمل فيها ايه بقا ان شاء الله.....انت عارف مروة طفلة وممكن تتهور وتغلط...وبعدين انت ب اى حق تتهمنى ان انا السبب ف اللى حصل معاها؟!
قالى بتاكيد:علشان انا عارف علاقتك انت ومروة عاملة ازاى انت عارف ان مروة بتحبك ومش بعيد تكون صارحتك وصدتها ودة السبب ف انها تكون مشيت من القصر
مش عارف انطق اقول ايه....العيلة كلها عارفة مشاعر مروة وانا الوحيد اللى مكنتش اعرف...ودلوقتى اخويا بيتهمنى ان انا السبب ف جرج قلبها
بابا قالى:رعد كلام اخوك مظبوط؟! قولنا ايه اللى حصل معاكم
بصتله وقولت بعصبية:اللى حصل يابابا ان انا مروة قالتلى انها بتحبنى ف قولتلها لا..وفهمتها بالعقل بس هى بقا مجنونة انا ذنبى ايه...وبعدين متقلقوش اكيد هترجع هى ملهاش مكان غير هنا
ريان قال:ايه ياض البرود دة....انت مش مستوعب مين مروة صح....مروة اللى ربيتها ع ايدك...مروة اللى لما كنت بتعيط هى كانت بتيجى وبتعيط جمبك...هى اللى كل متشوفك تجرى عليك وتطلب انك تشيلها وتنام ف حضنك بالساعات....انت اللى كنت بتذاكرلها...وبتلعب معاها..ازاى تجرح مشاعرها كدة ازاى
بصتله بعصبية وقولت:محدش ليه دعوة...انا مش عايزها ف حياتى...مش بحبها انتوا ليه مش عايزين تفهموا....دى طفلة ياجدعان
ريان قالى:انت شايفها طفلة غيرك لا يارعد..مروة واحدة حلوة واى حد يتمناها.....لو ضاعت منك مش هتعرف ترجعها تانى....وبعدين مروة من النوع العنيد...وانت غلط لما عملت اللى عملته
ماما قالتلى:لما تيجى مروة بسلامة هنشوف حل ف الموضوع دة....بس هى تيجى يارب جيب العواقب سليمة يارب
انا قلبى بيتقطع حتت من خوفى ع عليها...نبض قلبى هيقف...حاسس انها هيحصلها حاجة
وفجاه لقينا الباب بيخبط روحت انا فتحت لقيته شادى
اتصدمت من وجوده ف ساعة زى دى
انت....جاى ليه؟! وعايز ايه؟!
قالى:انا اسف انى جيت ف وقت زى دة بس انا مجبور...تعالى معايا مروة بتضيع نفسها....مش واعية بالى بتعمله
خوفى زاد اكتر ومسكته من هدومه وقولت بزعيق:مروة فين ياشادى انطق...ليتها مش هتعدى ع خير لو حصلها حاجة ولا انت هيطلع عليك صبح...انطق هى فين
قالى:هقولك
ف الجنينة
كنت واقفة ف الجنينة لقيت ماما بتقولى انها داخلة تنام علشان هى تعبت اوى قولتلها انا هقف شوية وداخلة ع طول
دخلت ونامت وسابتنى واقفة
احم احم
غمضت عينى جامد اكيد ريان عايز ايه دة دلوقتى
لفيت بس لقيته اسر مش ريان
ضحكت وقولت:اهلا يااسر
اسر ضحك وقال:قاعدة لوحدك ليه
قولتله:بحب اقعد مع نفسى شوية.
ومديت ايدى وقولت:امسك ايدى يااسر
لقيته مسك ايدى
وعينى بقت ف عنيه وقولت:بتحبنى يااسر
اسر ضحك وقال:انتى بتسالينى يااميرة...دة انتى لو لفيتى الدنيا دى كلها مش هتلاقى حد بيحبك قدى...دة انا مستنى اليوم اللى تكونى فيه مراتى وملاكى وعروستى اللى هتزين بيتى فرحة وسعادة وراحة بال...انا بحب صديقة طفولتى...اللى اتربينا سوا وعارفها اكتر من نفسى
دموعى نزلت معرفش ليه ونزلت وشى ف الارض
هو رفع وشى ليه وقالى:انا مش هفرض نفسك عليكى يااميرة وصدقينى مش هتندمى لو بقيتى ليا وبتاعتى...انا مش هخليكى تحتاجى اى حاجة ابدا
قولتله بعياط:بس انا حبة اتكلم معاك بخصوص موضوع مهم....حبة اتكلم معاك فيه اوى...علشان خانقنى وحبة ارتاح...احضنى يااسر ارجوك انا مخنوقة اوى بجد
حضنى جامد وانا حضنت وسطه وعمالة بعيط ومش عارفة القدر مخبيلى ايه ف لحظة ضعف منه بعدنى عن حضنه وباسنى ف شفايفى.....برقت عينى جامد ازاى هو يعمل كدة
بعد بسرعة وبص ف عينى وقال:انا اسف بس كنت عايز اثبت لنفسى وليكى انك بتاعتى
وباس راسى وقال:اعملى حسابك بكرة بليل هخرخك خروجة مش هتشوفى زيها ابدا....تصبحى ع خير
قولتله:وانت من اهله
سابنى وانا ف حالة سرحان وبصيت ناحية شفايفى وعيطت واستغفرت ربى كتير...حسيت انى غلط...لا لازم اعصم نفسى من الغلط دة...انا لازم اخد قرار
لفيت واتصدمت ب ريان مبحلق فيا جامد وقابض ع ايده جامد قرب منى بسرعة ملحقتش اهرب منه وبدون اى مقدمات لقيته ضربنى قلم
وشدنى من دراعى وقال بعصبية:تعرفى انك رخيصة...تعرفى كدة ولا لا...ازاى تسمحيله ان يقرب منك كدة....انتى فاهمة اللى عملتيه دة ممكن هو ذات نفسه يفكر فيكى ازاى....انتى ازاى تعملى فنفسك وفيا كدة؟!
بصتله بصدمة وقولت:اعمل فيك كدة...وبعدين متعملش فيها محترم اوى منت وميرا كنتوا ف المطعم بتعملوا اسوا من كدة انا شوفتكوا بعيونى دى...وبعدين انا مش رخيصة ياريان لان اسر دة هيبقى جوزى وانا علشان الغلط دة ميتكررش تانى هكتب كتابى ف اسرع وقت ممكن
ريان بصلى وقال:تكتبى كتابك...تمام يااميرة اعملى كدة..مش فارق معايا اصلا
قولتله:طالما مش فارق معاك ليه القلم دة ممكن تفهمنى....ليه ضربتنى القلم دة...كانى خونتك وخونت عهدى ليك
لقيت بص ف عنيا وهز فيا جامد وقالى بعصبية:علشان انتى خنينى فعلا...اللى انتى عملتيه دة خيانة.....انتى متعرفيش كان ايه مشاعرى وهو بيقرب منك كدة
لقينى بقوله:ليه انا بالنسبالك ايه...ليه اتضايقت اتكلم وفهمنى
لقيته قالى:علشان بحبك....بحبك ياغبية.....بحبك من وانتى صغيرة.
برقت عينى جامد جيت اتكلم بس لقيته دخل القصر
علشان بحبك....بحبك ياغبية
بيحبنى....بيحبنى انا هههههههههههه ريان بيحبنى...طب ليه هرب....طب وميرا واسر.....يارب ساعدنى وخليك معايا وقولى اعمل ايه...مش هجرح اقرب الناس ليا...ليه ياريان كدة
ف اوضة ريان
فضلت رايح جاى كل مغمض عينى وافتكر ان اسر كان قريب منها كدة ببقا عايز اروح اقتله واقتلها واكسر كل حاجة قدامى...لا انا مش هستنى اميرة تضيع منى...انا لازم اعمل حاجة
ف الشارع
انت متاكد ان دة الديسكو اللى هى فيه
شادى قالى:ايوة متاكد
قولتله وانا هموت واخش اجيبها من شعرها
تمام
دخلت الديسكو وسط المزيكا العالية والناس اللى بترقص ومش دارية بالدنيا عينى كانت عمالة بتدور عليها بقلق وخوف وفجاه سمعت اغنية شعبى ببص لقيت واحدة بترقص ع الطربازة وحواليها الشباب اللى هياكلوها بعنيهم..ببص لقيتها مروة الدم غلى ف عروقه خاصة لما لقيتها بتتمايل بحرية وكان شكلها سكران
كنت عمالة ارقص ومش دارية بالدنيا اصلا....وف دماغى كلام رعد....وميار عمالة تشدنى علشان انزل بس انا مش راضية وعمالة ارقص ع اغنية اسمها دى بت حلوة كانت الصراحة حلوة فرقصت عليها
محستش بنفسى الا وانا ف الهوا ورعد شايلنى بين دراعاته
اتصدمت وقولت بخوف:رعد....انت انا انااا نزلنى
لقيته بصلى وقال بحزم:ولا كلمة صوتك مسمعهوش لحد منروح دة انتى ليلة اللى جابوكى سودة ومش هتعدى ع خير ابدا
لقيته دخلنى ع الحمام وغسلى وشى وفضل يزعق ويقول:فوقى فوقى انتى ايه اللى عملتيه ف نفسك دة وعلشان ايه....ترقصى ف ديسكو وتعرضى جسمك للى يسوا وميسواش وبتقولى محافظة عليه...دة ب امارة ايه بقا فهمينى
عيطت جامد وزقيته بضعف:ابعد عنى انا بكرهك ملكش دعوة بيا...دى حياتى وانا حرة فيها....اتصرف زى منا عايزة فاهم
شدنى من شعرى وقال بعصبية:ايه ياماما سمعينى كدة تانى ااااه طب بصى بقا كدة علشان نبقى ع نور انتى هتروحى معايا دلوقتى تاخديلك العلقة التمام وتتحبسى ف الاوضة كدة كام يوم وهاخد منك التليفون وهنشوف البت اللى بتقول ع نفسها حرة دى هتعمل ايه
بصتله بقرف وقولت:حقير وجبان قسما بالله انت اوس
مكملتش لقيته ضربنى قلم ورا قلم معرفش كان ايه اللى مسيطر عليه ف الوقت دة
كلامها استفزنى كل مفتكرها وهى بترقص ع الطربازة ضربى ليها بيزيد لقيتها مرة واحدة اغمى عليها بين ايديا
شيلتها بخوف وروحت بيها ع القصر وانا واثق ان انا السبب ف اللى حصلها دة
ف اوضة ميرا
ميرا:الو
ايوة انا عرفت ميعاد العملية امتى
ميرا بفرحة:بجد طب قولى بسرعة
بس قبل متتكلم سمعت صريخها ومرة واحدة سمعت ضرب نار ع التليفون...رمته ع الارض بخوف
وهى مش عارفة هتعمل ايه ولا ايه اللى هيحصل؟!
ف قصر الرملى
روحت القصر لقيت الكل مستنى جريوا علشان يطمنوا عليها بس انا رفضت وطلعت بيها ف اوضتها وقولتلهم:هى تعبانة دلوقتى ومحدش هيعرف يتكلم معاها ف الاحسن استنوا لغاية بكرة
وطلعت وسايبهم ف حالة صدمة
ف اوضة مروة
دخلت مروة الاوضة وحطتها ع السرير براحة وقعدت جمبها وفضلت ابصلها بحيرة وحسرة ووجع
ملست ع شعرها وقولت:يلعن اى حاجة تخليكى تعملى ف نفسك كدة....يلعن الحب اللى يذل صاحبه ويهينه ويخليه مش عارف بيعمل ايه....انا عارف انى السبب ف اللى حصلك دة...انا اسف يانور عينى....مش عارف اعمل ايه علشان اخرجك من دة كله
جى امشى بس لقيتها مسكت ايدى وقالت:متسيبنيش يارعد
بصتلها ولقيتها بتعيط
قولتلها:سيبى ايدى انا زعلان منك...اللى عملتيه مش هين ولا اقدر اسامحك عليه
قالتلى:متسينيش يارعد خليك جمبى...لو مش حبيب خليك معايا ك اب وغلاوتى عندك
قعدت بس لقيتها حضنتى وعمالة تعيط...لقيت نفسى بحضنها جامد
محستش بنفسى الا وانا نايم وهى ف حضنى
*********************
إلي هنا ينتهي الفصل الثامن من رواية اختلاف القلوب وتحدى القدر بقلم هاجر عبدالحليم
تابع من هنا: جميع فصول الرواية
تابع من هنا: جميع فصول الرواية
تابع من هنا: جميع فصول رواية عشق الزين الجزء الأول
تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها
أو أرسل لنا رسالة مباشرة عبر الماسنجر باسم القصة التي تريدها
اقرأ أيضا: رواية شهد الحياة بقلم زيزي محمد
إرسال تعليق
يسعدنا تلقي اقتراحاتك أو تعليقك هنا