مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة دودو محمد علي موقعنا قصص 26 و موعدنا اليوم مع الفصل الثامن عشر من رواية تمرد صحفية بقلم دودو محمد.
رواية تمرد صحفية بقلم دودو محمد - الفصل الثامن عشر
اقرأ أيضا: رواية عشق الزين (الجزء الأول) بقلم زيزي محمد
 |
| رواية تمرد صحفية بقلم دودو محمد |
رواية تمرد صحفية بقلم دودو محمد - الفصل الثامن عشر
داليا :- اخس عليك يا حمزه نهون عليك كل ده متسألش فينا ولا ترد علينا طيب اسأل على الراجل الكبير اللى هيتجن عليك
حمزه :- ايه يا بنتى ابلعى ريقك بكابورت واتفتح عليا ارمى السلام الاول
داليا :- ايوه علشان انت قلبك قاسى اوى علينا يا حمزه
حمزه :- والله غصب عنى اليومين اللى فاتو دول كنت مشغول اوى وكنت بحاول اتأقلم فى المكان اللى انا فيه ده
داليا :- ربنا معاك يا حبيبى ويهونها عليك وترجع لينا هنا بألف سلامه
حمزه :- يارب يا حبيبتى اخبارك ايه مع عريس الغفلة بتاعك
داليا :- اهو كويسه خلاص الوقت قرب على الفرح ربنا يستر
حمزه :- متخافيش انا جنبك وميقدرش يعمل اى حاجه ليكى
داليا :- ربنا يخليك ليا يارب
حمزه:- بابا ايه أخباره والولا مؤمن
داليا :- بابا هيتجن عليك وعايز يسمع صوتك
حمزه :- جنبك هو
داليا :- ثوانى اخليك تكلمه وقامت من على سريرها وخرجت من الاوضه وقالت بابا انت فين
سعيد :- انا هنا فى المطبخ يا حبيبتى عايزه حاجه
داليا :- تعال كلم حمزه على التليفون
سعيد :- جه يجرى واخد التليفون وقال ازيك يا حبيبى عامل ايه انت كويس
حمزه :- انا كويس يا بابا الحمدالله حضرتك عامل ايه
سعيد :- كويس طول ما شايفك انت واخواتك مرتاحين
حمزه :- متزعلش منى يا حبيبى أن انا معرفتش اكلمك اليومين اللى فاتو دول بس والله غصب عنى
سعيد :- عارف يا حبيبى انا كنت قلقان عليك بس الحمدالله أن اطمنت عليك ربنا يعينك يا حبيبى على اللى انت فيه ده وترجع وسطنا من تانى بالسلامه
حمزه:- ربنا يخليك لينا يا حبيبى الولا مؤمن عامل معاك ايه
سعيد:- مؤمن ده اخرة صبرى مطلع عينى بس اهو بينفعنى كتير فى البيت
مؤمن :- ده انا بقى عليا طشة ملوخيه ولا اجدعها ست الشهقه فيها بتسمع الشارع اللى جنبا وربنا
حمزه:- ههههههههه هات أكلمه يا بابا
سعيد :- خد كلم اخوك
مؤمن :- حمزتى واحشتنى
حمزه :- انت اكتر يا حبيبى عامل ايه
مؤمن :- عامل حتة مسقعه تاكل صوابعك وراها
حمزه :- ههههههههه مالك بتتكلم شبه الستات كده استرجل يلا عرتنا
مؤمن :- قول لابوك كام مره اقوله اشترى ليا واحده بيريل علشان استرجل يستخسر فيا الفلوس وميرضاش
حمزه:- يخربيت جنانك
مؤمن :- الله يجبر بخاطرك يا قادر يا كريم بس قلبى مش مسامحك
حمزه :- ههههههههه ليه
مؤمن :- بقى تمشى يا راجل وتسبنى لواحدى ما ابوك واختك
حمزه :- ههههههههه وفيها ايه
مؤمن :- واحد عايش دور الاب المستبد والتانيه عايشه دور الاخت المدلعه
سعيد:- اخد التليفون من مؤمن وقال امشى يا ابن الكلب لسانك ده عايز قاطعه
مؤمن :- سجل يا تاريخ اشهد يا زمان اب بيعامل ابنه معاملة الابن اللقيط اه يا انى يا مظلوم يا ااااااانى
سعيد :- اقفل يا ابنى روح شوف شغلك مش هتخلص من هبل اخوك ده
مؤمن :- تشكر يا حاج اما اروح اخد فومين الغسيل اللى فى الحمام دول ومسك وسطه وقال اه يا وسطى المكسور يا انى
حمزه :- ههههههههه ربنا يعينك عليه خلى بالك من نفسك ومن صحتك يا بابا فى رعاية الله
سعيد :- مع السلامه يا حبيبى وقفل السكه ومد أيده بالتليفون لداليا وقال خدى يا حبيبتى
داليا:- اخدت التليفون وقالت ماشى يا حبيبى هدخل اصلى عايز منى حاجه
سعيد :- لا يا حبيبتى ربنا يتقبل منك يارب
داليا :- دخلت اوضتها اتوضت وأدت فرضها ولبست هدومها وخرجت من الاوضه دخلت المطبخ وقالت محتاجين مساعده
مؤمن :- لولولولولولوى اخيرآ تكرمتى ودخلتى مطبخنا المتواضع
داليا :- ههه خفه يا خويا
سعيد :- خدى الاطباق حطيها على السفره وانا واخوكى هنجيب الاكل
داليا :- ماشى يا بابتى هات واخدت الاطباق حطتها على السفره
مؤمن :- ياريت كان أسمى داليا كان أخرى اخد الاطباق واحطها على السفره
سعيد :- اكتم وخلص اللى فى ايديك يلا
مؤمن :- حاضر ابابى وحضرو الفطار وقعدو يفطرو وبعد وقت انتهو من الاكل وكل واحد نزل داليا راحت الجريده ومؤمن راح المدرسه
~•~•~•~•~•~•~•~•~•~•~•~•~•
فى فيلا خالد الحناوى
فى اوضت دينا
كانت نايمه ورن تليفونها مدت ايديها اخدته من جنبها وبصت فيه لاقته رقم تامر اتوترت وقامت قعدت على السرير وهى محتاره ترد عليه ولا لاء وتسمع كلام أدهم وسكت التليفون اتنهدت براحه بس تليفونها رن تانى برقم تامر ردت عليه بتوتر وقالت
دينا :- ص.ص.صباح الخير
تامر :- احلى صباح على احلى عيون فيكى يا اسكندريه
دينا :- هههههههه على الصبح كده
تامر :- انتى المفروض الواحد يقعد يتغزل فيكى اربعه وعشرين ساعه متواصله وبرضه مش هيخلص فيكى الكلام
دينا :- احم م م.ماشى انا هقفل بقى
تامر :- ايه ده بسرعه كده
دينا :- ها ا.ا اه علشان يعنى لو وراك شغل ولا حاجه
تامر :- يا ستى فى ستين داهيه الشغل حد يسمع صوت الكروان ده ويفكر فى شغل
دينا :- على فكره انت مجنون اوى
تامر :- مجنون بيكى انا عمرى ما كنت أتخيل أن أحب حد كده
دينا :- يعنى عمرك ما حبيت قبل كده
تامر :- لاء والله انتى أول وآخر حب فى حياتى
دينا :- بكسوف م.م.ماشى روح شوف وراك ايه بقى
تامر :- مش ورايا غيرك ده انا بشوفك قدامى تملى واقعد اتكلم معاكى علطول حتى انا ماسك ايدك اهو
دينا :- هههههههه لالالا حالتك ميتسكتش عليها دى بقت صعبه خالص
تامر :- خالص مالص وحياتك عندى
دينا :- طيب اخلص بقى وأقفل
تامر :- طيب مش هشوفك النهارده
دينا :- ولا بكره
تامر :- بصدمه ليه
دينا :- ها ا.ا.اصل انا مش هقدر أخرج اليومين دول
تامر :- يارب صبرنى على اليومين دول
دينا :- يارب يلا باى
تامر :- مع السلامه يا قلبى
دينا :- قفلت التليفون وقامت تجرى فتحت الباب فتحه صغيره اتأكدت أن أدهم مش واقف ولا سمعها وقفلت تانى الباب ورجعت نامت على السرير وبصت على السقف وافتكرت كلام تامر ليها ابتسمت وغمضت عينيها
~•~•~•~•~•~•~•~•~•~•~•~•~•
فى الصعيد
فى القسم
كان حمزه قاعد فى مكتبه وبيشوف شغله وفى الوقت ده الباب خبط واذن ليه بالدخول
العسكرى :- فى واحد بره عايز حضرتك يا باشا
حمزه :- واحد مين ده
العسكرى :- بيقول اسمه احمد ومعاه واحد اسمه حسن
حمزه :- اه عايزين ايه دول
العسكرى :- عايزين حضرتك يا باشا
حمزه:- دخلهم
العسكرى :- تمام يا فندم وخرج من المكتب ودخلهم وقفل الباب
حمزه:- ها خير
احمد :- احنا قلبنا اسكندريه يا باشا مش لاقينها وبعدين فى ناس بيقولو أنهم شافوها هنا مع واحد
حمزه :- بتوتر ناس ناس مين دول
حسن :- يا باشا ناس معرفه شافو اختى راكبه عربيه مع واحد بليل هنا فى الصعيد
حمزه :- تلاقى دى واحده شبها لأن انا متأكد من خلال التحريات انها نزلت اسكندريه فى نفس يوم الاختفاء
احمد :- لاء يا باشا هى ميرفت اللى كانت فى العربيه اللى شافها أكد لينا الكلام ده ابوس ايدك يا باشا دور عليها تانى ممكن تكون نزلت اسكندريه ولما ملاقتش حد رجعت هنا تانى
حمزه :- تمام اتفضلو امشو ولو عرفت حاجه او جدد حاجه تانى فى القضيه هبلغكم بيها علطول
حسن :- ارجوك بسرعه يا باشا ابوها تعبان اوى وعايز يشوفها قبل ما يموت
حمزه:- ربنا يسهل اتفضلو بقى علشان ورايا شغل
احمد :- اسفين يا باشا اخدنا من وقتك كتير وازعجناك
حمزه:- ولا يهمك شرفتونى
حسن وأحمد :- بصو لبعض وخرجو من المكتب
حمزه :- نفخ وقال اعمل ايه بس لو قولت ليها على موضوع ابوها ده ممكن تعرض نفسها للخطر علشان خاطر تطمن على ابوها وقام وقف اخد تليفونه ومفاتيحه وراح على الشقه خبط على باب الشقه الاول وبعد كده فتح الباب دخل لاقه الشقه مترتبه وشم ريحة اكل طالعه من المطبخ دخل على المطبخ وقال الله الله على الروايح الحلوه دى
ميرفت :- ايه رجعك بدرى كده
حمزه :- ها مفيش خلصت شغلى ورجعت
ميرفت :- عمومآ انا خلصت البيت والأكل فاضل شويه صغنين عليه على ما تدخل تغير هدومك يكون خلص احضرك تاكل
حمزه:- ابتسم وقال مكانش ليه لزوم تتعبى نفسك فى البيت والأكل
ميرفت :- حاجه تسلينى بدل ما قاعده فى البيت علطول ومش بعمل حاجه
حمزه :- معلش هى فتره وهتعدى
ميرفت :- عارف انا واحشنى بابا اوى اوى مش عايزه اى حاجه من الدنيا غير أن انا اشوفه واترمى فى حضنه بس
حمزه :- سكت شويه وقال ربنا يسهل عن اذنك هروح اغير هدومى
ميرفت :- ماشى
حمزه :- دخل اوضه وقلع هدومه ودخل الحمام اخد شاور وخرج قعد يدور على التيشيرت بتاعه ملاقهوش لبس البنطلون وخرج نده على ميرفت
ميرفت :- خرجت من المطبخ علشان ترد عليه واول ما شافته عريان من فوق أدته ضهرها وقالت ا.ا.ايه اللى انت عامله ده
حمزه :- مقصدش حاجه والله بس بدور على التيشيرت بتاعى مش لاقيه
ميرفت :- احم انا اخده غسلته ونشرته فى البلكونه عندك ولسه مبلول طلع واحد تانى من عندك فى الدولاب
حمزه :- ماشى ودخل الاوضه فتح الدولاب لاقه مترتب اخد تيشيرت ولبسه وقفل الدولاب تانى وخرج من اوضه ودخل المطبخ عند ميرفت وقال محتاجه مساعده
ميرفت :- خد الاطباق حطهم بره وانا هجيب الاكل وجايه
حمزه :- ماشى وهو بيعدى يجيب الاطباق وهى بتلف خبطو فى بعض ولحقها حمزه قبل ما تقع فى الارض وشدها وقعت فى حضنه وقعد يبص فى عينيها وقرب منها
ميرفت :- اتكسفت من قرب حمزه ليها واول ما لاقيته بيقرب ليها بعدت عنه وقالت بكسوف ا.ا.اسفه مأخدش بالى وخبطك
حمزه :- ها ع.ع.عادى ولا يهمك واخد الاطباق وخرج بسرعه من المطبخ
ميرفت :- نفسها سرع وقعدت تهوى على وشها واخدت نفس وخرجته براحه وراحت اخدت الاكل وخرجت وراه حمزه وقعدو الاتنين وحطت ميرفت الاكل فى الاطباق ومدت ايديها بالطبق لحمزه
حمزه :- جه يمسك الطبق أيده لمست ايد ميرفت ووقع الطبق من ايديها
ميرفت :- بتوتر ا.ا.اسفه
حمزه :- احم ولا يهمك المهم انك انتى كويسه
ميرفت :- احم و.و.وقع غصب عنى
حمزه :- حصل خير ولسه بيقوم علشان يجيب حاجه يمسح الارض وفى نفس الوقت اللى جت تقوم ميرفت فيه علشان تجيب حاجه برضه تمسح الارض الاتنين خبطو فى بعض تانى والمرادى كانت أقرب من المره اللى فاتت
ميرفت :- كانت حاسه انها مش قادره تقف على رجليها من كتر التوتر وكانت هتقع من بين ايد حمزه
حمزه :- قربها اكتر ليه علشان متقعش منه ونفسه سرعه وبص على شفايفها وقرب منهم ولسه هيبوسها
ميرفت :- انتبهت للوضع اللى هى فيه واول ما لاقت حمزه بيقرب من شفايفها زقته وطلعت تجرى على اوضتها وقفلت الباب وراها وقعدت فى الارض وسندت ضهرها على الباب
حمزه :- خبط بأيده على الترابيزه ونفخ وراح عند باب اوضت ميرفت وخبط عليها وقال احم ا.ا.انا اسف يا ميرفت معرفش كنت هعمل كده ازاى مش اخلاقى والله
ميرفت :- مردتش عليه
حمزه :- ميرفت ردى عليا
ميرفت :- ممكن تسبنى لوحدى
حمزه :- حاضر ودخل اوضه وقعد على السرير وقال انت واحد ضعيف وغبى ازاى تعمل كده ازاى وبعدين قال الوضع ده هيبقى صعب علينا احنا الاتنين ا.ا.انا لازم اتصرف وراح فتح الدولاب بتاعه ومد أيده فى جيب البنطلون بتاعه المتعلق وطلع منه ورقه وخرج من اوضه وفتح باب الشقه ونزل
ميرفت :- سمعت صوت الباب اتفتح واتقفل عرفت أن حمزه نزل فتحت الباب وخرجت من الاوضه واتأكدت من أن حمزه نزل وراحت جابت فوطه ومسحت مكان ما الطبق وقع وشالت الاكل من على الترابيزه ودخلت تانى اوضتها وقفلت على نفسها الباب
~•~•~•~•~•~•~•~•~•~•~•~•~•
فى اسكندريه
فى شركة خالد
وصلت رودينا عند سكرتير مكتب خالد وطلبت منه انها تقابله ودخل السكرتير وبلغ خالد وطلب منه أن هو يدخلها فورآ وخرج السكرتير ودخلت رودينا
خالد :- تعالى يا بنتى نورتينى
رودينا :- مرسى ليك ممكن ندخل فى التفاصيل
خالد :- انتى مالك سريعه كده طيب خدى نفسك
رودينا :- مفيش وقت ممكن الشرطه تاخد بابا فى اى وقت
خالد :- متقلقيش الإجراءات بتاخد وقت
رودينا :- بس برضه نسرع الموضوع محدش يعرف اللى اسمه أدهم ده ناوى على ايه
خالد :- ده واحد شرانى اسألينى انا عنه مش انا ابوه بس ممكن يأذينى فى اى لحظه علشان الفلوس
رودينا :- فعلا ده بنأدم معندهوش رحمه المهم ايه اللى مطلوب منى
خالد :- تبقى موجوده فى شركته بأستمرار وتنقلى ليا أخباره اول ب أول ولو عرفتى تجيبى ليا صور كل الملفات المتعلقه بصفقات ادهم فى الأيام الجايه يبقى كويس اوى وفيه طلب كمان بس مش هطلبه منك دلوقتى
رودينا :- بس هدخل الشركه عنده بصفتى ايه
خالد :- معرفش انتى وشطارتك بقى
رودينا :- سكتت شويه وقالت اوك عرفت هدخل ازاى بس المهم تدفع لبابا الشرط الجزائى
خالد :- بكره هيكون كل حاجه خالصه
رودينا :- وقفت وقالت وانا من بكره هبدء الشغل
خالد :- وقف ومد ايديه وقال ربنا معاكى
رودينا :- سلمت عليه ومشيت
خالد :- بص على رودينا وهى خارجه وضحك ضحكة شر وبلغ انعام بالخبر وبدء يشوف شغله
~•~•~•~•~•~•~•~•~•~•~•~•~•
فى الصعيد
كانت ميرفت نايمه فى الاوضه بتاعتها وسمعت صوت الباب بتاع الشقه بيتفتح عرفت أن ده حمزه اتنهدت وغمضت عينيها تانى بس شمت ريحة ابوها وحست أن هو جنبها دموعها نزلت منها وقالت
ميرفت :- بدموع انت فين يا بابا من كتر ما انت واحشنى بشم ريحتك وبحس بوجودك معايا فى المكان
ابو ميرفت :- انا فعلا موجود معاكى يا حبيبتى بقلبى وروحى وبدعواتى ليكى
ميرفت :- ب.ب.بابا وطلعت تجرى عليه وحضنته وقالت بدموع ا.ا انت موجود بجد ا.ا.انا حاسه ان انا بحلم وبعدت عنه ومسكت وشه بين ايديها وقالت اتكلم يا بابا قولى أن انا مش بحلم واترمت تانى فى حضنه وقالت واحشتنى اوى يا بابا واحشنى حضنك اوى ضمنى اكتر كمان خلينى احس بالامان اللى بحسه وانا جوه حضنك ياااااااااه يا بابا ياااااه قد ايه الدنيا وحشه اوى اوى من غيرك
ابو ميرفت :- ضمها اكتر ليه وباس راسها وقال وانتى يا بنتى واحشانى اوى اوى واحشنى ضحكت عنيكى برائتك فى الكلام انتى النسمه اللى بتحلى ايامى انتى نعمه كبيره اوى فى حياتى ربنا يخليكى ليا يا حبيبتى وميحرمنيش منك ابدآ يارب
ميرفت :- ا.ا.انت عرفت مكانى ازاى
حمزه :- انا اللى جبته
ميرفت :- انت طيب وصلت ليه ازاى
حمزه :- من الورقه اللى اخدها منك امبارح
ميرفت :- افتكرت وقالت اه صح الورقه اللى كنت كاتبه فيها رقم بابا شكرآ ليك بجد رديت روحى فيا من جديد لما شوفته قصاد عينى وضمنى فى حضنه
ابو ميرفت :- قعد على السرير وقعد ميرفت جنبه ومسك ايديها وقال ربنا بيحبك وقف ليكى واحد ابن حلال زى حمزه وعلى قد ما كنت قلقان عليكى على قد ما اطمنت عليكى اوى لما حمزه كلمنى فى التليفون وقال ليا خطه علشان اهرب منهم واقابله ويجبنى ليكى انا لو كان حصلك حاجه انا كنت مش هسامح نفسى لأن انا اللى قولتلك اهربى
ميرفت :- متقولش كده يا حبيبى انا مهما يحصلى بسببك هفضل احبك اكتر من الاول
حمزه :- احم طيب هسيبكم مع بعض شويه وخرج وسابهم
ابو ميرفت :- بص لميرفت بصه هى فهمتها
ميرفت :- بلاش بصتك دى انا فاهمها قول اللى عايز تقوله
ابو ميرفت :- مش ده الظابط اللى شوفتيه فى قضيه أخته وكنتى معجبه بيه
ميرفت :- ششششش بس يا بابا احسن ما يسمعنا
ابو ميرفت :- هو ولا مش هو
ميرفت :- احم هو بس صدفه غريبه لما فوقت ولاقيته قصاده حسيت نفسى بحلم بس صوته وريحته أكدت ليا أن انا صاحيه ولما عرفت أن الصدفه هى اللى اختارت نتقابل تانى مع بعض بالطريقه دى وفى الوقت ده بالذات حسيت انها صدفه غريبه شويه وراها حكمه من ربنا
ابو ميرفت :- فعلا حكمه كبيره من ربنا أن يبعته ليكى فى الوقت ده وان يجى يطلب ايدك منى فى وقت زى ده حاجه هتفرحك اوى ربنا حنين اوى على عباده اللى حصل ده كله كان امتحان من ربنا علشان يكافئك بحاجه انتى بتحبيها
ميرفت :- بصدمه طلب ايدى منك
ابو ميرفت :- ايوه لما اتقابلنا واتكلمنا مع بعض طلب ايدك منى ولما سألته السبب قال علشان ميديش فرصه لشيطان يضعفكم وتغضبو ربنا لان النفس اماره بالسوء وساعتها كبر اوى فى نظرى وعرفت انتى ليه حبتيه من اول نظره وفرحت أن ربنا استجاب ليا دعايه وبعت ليكى ابن الحلال اللى هيسعدك ويعوضك ايام عمرك اللى فاتت كلها انا كده لو مت هموت وانا مرتاح ومطمن عليكى
ميرفت :- بدموع بعد الشر عليك يا بابا ربنا يديك طولت العمر ويخليك ليا يارب
ابو ميرفت :- ربنا يسعدك ويهنيكى يا بنتى يارب
وفى الوقت ده خبط حمزه على الباب ودخل عليهم وقال المأذون وصل
ميرفت :- بتوتر م.م.مأذون ايه ده
حمزه:- احم هو حضرتك مقولتش ليها يا عمى
ابو ميرفت :- بصلها وقال مش لسه قايلك يا بنتى أن حمزه طلب ايدك منى
ميرفت :- ا.ا ايوه بس متوقعتش أن بسرعه كده
حمزه :- لازم اكتب الكتاب النهارده يا ميرفت مينفعش نعيش فى بيت واحد من غير جواز مش ده كلامك
ميرفت :- دعكت ايديها بتوتر وقالت م.م.ماشى
حمزه :- بصلها شويه وهى خدودها حمرا من الكسوف وبعدين بص لابوها وقال يلا يا عمى
ابو ميرفت :- يلا يا ابنى وخرجو الاتنين مع بعض وسابو ميرفت متوتره فى الاوضه
~•~•~•~•~•~•~•~•~•~•~•~•~•
فى اسكندريه
فى الجريده كانت قاعده داليا على مكاتبها وشغاله وشمة ريحة برفان ادهم بس حاولت تكدب نفسها وسمعت صوته وهو بيقول
ادهم:- السلام عليكم
داليا :- من غير ما تبص قالت لاء ده كده جنان رسمى يعنى اشم ريحة برفانه واسمع صوته كمان ده انا حالتى ميتسكتش عليها ابدآ
منتهى :- داليا يا داليا
داليا :- ايييييه عايزه ايه من زفتت الطين داليا وبعدين وقفت مصدومه وقالت ادهم
فاطمه :- ده بقاله ساعه واقف وانتى عماله تكلمى نفسك ولا هنا
داليا :- ا.ا.انت جاى تعمل ايه هنا
ادهم :- امشى ورايا
داليا :- على فين انا ورايا شغل
ادهم :- كلمه واحده امشى ورايا
داليا :- مش همشى غير لما تقولى رايحين فين
ادهم :- مسكها من دراعها ونزل بيها ركبها العربيه وركب هو كمان ومشى بالعربيه
فاطمه :- هييييييييييح حمش
منتهى :- ما تتلمى يا بت ده خطيب داليا وبعدين بتبصى لحد تانى غير أكرم ليه مش مالى عينك ولا ايه
فاطمه:- عارفه أن هو خطيب داليا ومقصدش حاجه مش هبص لخطيب صديقة عمرنا انا بهزر مش اكتر وبعدين أكرم ايه دخله فى الموضوع
منتهى :- مش طلب ايدك انتى اللى قولتى كده بلسانك امبارح فى المكتب لما فوقتى
فاطمه :- اللى ميعرفش يقول عدس اسكتى يا اختى الله يخليكى متقلبيش عليا المواجع
منتهى :- ليه طب فهمينى
فاطمه :- اتنهدت وقالت هقول ايه سبينى باللى انا فيه ومتسأليش كتير
منتهى :- راحت قعدت على المكتب بتاع فاطمه قصادها وقالت مالك حاسه انك فيكى حاجه ومزعلاكى ومش عايزه تقوليها احنا طول عمرنا صحاب وبنقول لبعض كل حاجه احكيلى يا طمطم وقولى اللى جواكى
فاطمه :- دموعها نزلت منها وقالت انا بتقطع من جوايا يا توته عارفه حاسه ان روحى بتتسحب منى مش عارفه اقولك ايه بس شكلى حبيت أكرم عارفه على قد ما كنت واخده الموضوع ضحك وهزار على قد ما عرفت انا قد ايه بحبه لما شوفته بيرقص مع بنت عمه كان هاين عليا اقوم واقطعها بسنانى بس مسكت نفسى بالعافيه واللى وجعنى اكتر أن أكرم نفسه عمره ما هيفكر فيا هو مش شيفنى قدامه غير اراجوز بس فقره مضحكه هيضحك عليها شويه لكن عمره ما شافنى واحده ليها احساس ومشاعر ودى اكتر حاجه واجعانى انتى عارفه انا كتير أو بكره شخصيتى بحس الناس بتشوفنى عبيطه هبله معنديش احساس ولا شعور علشان بضحك واهزر علطول مفكرنى مبسوطه ومش شايله هم حاجه فى الدنيا خالص مع ان انا والله جوايا هموم الدنيا وبحاول ادارى وجعى بضحكتى
منتهى :- متقوليش كده يا فاطمه احنا كلنا عارفين انتى قد ايه شخصيه طيبه جدآ وحساسه اوى وعارفين انك تملى بتحبى تضحكى وتهزرى وده شئ كويس مش وحش لأنك بتخلى المكان كله بهجه وفرحه ملهاش حدود واى حد يقول غير كده يبقى بنأدم غبى ومش بيفهم وفى الوقت ده دخل أكرم وقال
أكرم :- السلام عليكم
فاطمه :- اهو البنأدم الغبى وصل
منتهى :- مقدرتش تمسك نفسها من ضحك وقالت هههههههه لاء فعلا واضح أن حضرتك بتظبط نفسك على كلام معين
أكرم :- تقصدو ايه
فاطمه :- لاء متشغلش بالك انت اول مره تيجى بس مش على كلمة عريس
أكرم :- لاء ما انا جيت على كلام انيل ده كلمة عريس كانت ارحم
منتهى :- هههههههههههه عن اذنكم هههههههههه وخرجت وسابتهم
فاطمه :- خير حضرتك جاى ليه فيه حاجه جدد
أكرم :- ايوه امبارح روحت الفيلا لاقتها نار من جاسمين كانت مولعه ومتغاظه منك وجيت انبهك لان هى كده حطتك فى دماغها ومعنى كده أن خطتنا ماشيه صح وآخر ما هتزهق هترجع امريكا ونرتاح منها بقى بس خلى بالك لأنها مش سهله وهستفزك كتير وممكن تخرجك عن شعورك من الغيظ
فاطمه :- لاء متقلقش لا هى ولا عشره زيها يقدرو يستفزونى انا استفز بلد بحالها سيب انت بس الموضوع ده عليا ومتشغلش بالك
أكرم :- بجد شكرآ يا فاطمه مش عارف اقولك ايه بجد
فاطمه :- متقولش حاجه بس ورينى جمال خطوتك
أكرم :- نعم
فاطمه :- ايوه اتفضل يلا ورايا شغل
أكرم:- مالك يا فاطمه حاسس انك مبقتيش تتكلمى وتضحكى معايا زى الاول
فاطمه :- ده على اساس اننا كنا صحاب الاول
أكرم :- مش قصدى بس حاسس انك متغيره معايا مش زى الاول
فاطمه :- انا كده بحب التغير علشان كده هتلاقينى متغيره كل شويه معاك اتفضل بقى
أكرم :- بصلها ومشى لحد الباب ورجع بصلها وقال صحيح يا فاطمه هو مين ده البنأدم الغبى اللى مش بيفهم
فاطمه:- واحد جبله بعيد عنك متشغلش بالك انت بس
أكرم :- فاطمه
فاطمه:- امممم
أكرم :- احم م.م.ماما عزماكى النهارده على العشا عندنا فى الفيلا
فاطمه :- نعم يا روح النونه فيلا مين انا مستحيل اروح معاك الفيلا بتاعتكم انت هتستعبط ولا ايه
أكرم :- احم علشان خاطرى يا طمطم
فاطمه :- بصت لعيونه وقالت ها
أكرم :- علشان خاطرى تعالى النهارده معايا الفيلا
فاطمه :- وهى سرحانه فى عيونه قالت عايزنى الساعه كام
أكرم :- على الساعه سابعه كده
فاطمه :- م.م.ماشى هستناك فى نفس المكان بتاع امبارح
أكرم :- شكرآ يا بطه اسيبك بقى تشوفى شغلك ومشى وسابها
فاطمه :- فاقت من سرحانها وقالت نهااااااار اسوح ايه اللى انا عملته ده ازاى اوافق اروح معاه الفيلا انا ايه حصلى لما بصيت فى عنيه وربنا انتى غبيه وتستاهلى اللى بيحصل فيكى ده وحدفت القلم من ايديها على المكتب ونفخت وحطت ايديها على وشها بزعل
~•~•~•~•~•~•~•~•~•~•~•~•~•~
عند داليا وادهم
كانت داليا متعصبه من ادهم وقالت ليه
داليا :- بعصبيه انت ازاى تشدنى من دراعى كده قدام الناس كلها فى الشغل وتخدنى معاك بالعافيه
ادهم:-ساكت و مردش عليها
داليا :- بغيظ بكلمك على فكره رد عليا
ادهم:- بصلها وبعدين بص تانى على الطريق
داليا :- عااااااااا بارد تنح رد عليا
ادهم :- ششششش اسكتى شويه بقى
داليا :- انت بجد بنأدم مش طبيعى عندك كمية استفزاز فظيعه
ادهم:- حطى لسانك جوه بؤقك واحترمى نفسك
داليا :- انا محترمه غصب عنك فاهم
ادهم :- اللهم طولك يا روح
داليا :- بعد الشر قول اللهم قصرك يا روح علشان اخلص منك وارتاح
ادهم :- وقف العربيه وقال بعصبيه انتى عايزه ايه بالظبط شكلك عجبك نظامى فى سكوتك ومش عايزه تسكتى غير بالطريقه دى
داليا :- بكسوف وتوتر ا.ا.انت واحد قليل الادب ولو فكرت تعملها تانى مش هيحصلك كويس فاهم
ادهم :- لاء براحه عليا علشان بخاف وقرب منها اوى وقال انا لو عايز اقرب منك واخد اى حاجه هخدها بس انا مش هتجوزك علشان اللمسك انتى اخر واحده افكر اقرب ليها انا هتجوزك علشان اوريكى الويل على اللى عملتيه معايا وبعد عنها وشغل العربيه ومشى بيها من غير ولا كلمه
داليا :- كلام أدهم جرحها ووجعها بصت من الشباك وهى حبسه دموعها فى عينيها وبعد وقت وصل أدهم عند الفيلا بتاعته ونزل وفتح الباب ليها وقال
ادهم:- انزلى
داليا :- بصت ليه ومرضتش تنزل
ادهم :- مسكها من دراعها ونزلها وجرها وراه
داليا :- سيب دراعى لو سمحت ومتلمسنيش
ادهم :- ششششش مسمعش حسك ودخل الفيلا وقال الفيلا دى تتمسح وتتنفض فى اسرع وقت
داليا :- نعم ليه شيفنى خدامه
ادهم :- ضحك ضحكة استفزاز وقال امال انتى مفكره نفسك ايه انتى هتعيشى هنا خدامه ليا وبس
داليا :- انا مش خدامه لحد ومش هعمل حاجه عن اذنك ولسه هتمشى
ادهم :- مسكها من دراعها وقال مفيش خروج من هنا غير لما الفيلا دى كلها تتنضف انتى ناسيه أن فرحنا اخر الاسبوع ده يا عروسه
داليا :- قولتلك سيب دراعى متلمسنيش وانا مش ملزومه انضف الفيلا هات اى شغاله تنضفها
ادهم :- قعد وحط رجل على رجل وولع السيجار بتاعه وقال ما الشغاله موجوده اهى وشاور عليها وقال وانا اجيب شغاله ليه وانا عندى خدامه هتمسح جزمتى
داليا :- بعينك يا ادهم
ادهم :- لاء بأشاره واحده من ايدى يا داليا
داليا :- ده ايه الثقه اللى بتتكلمى بيها دى يا اخى متفكرش نفسك قوى لانك مهما تكون قوى فيه اللى اقوى منك فيه ربنا اقوى من الكل وقادر يجيب ليا حقى منك فى غمضة عين
ادهم :- وقف وقال ههههههههههه انتى مفكره وجودى عندكم ده من فراغ لاء طبعآ انا دخلت وسطكم علشان اعرف كل واحد فيكم ايه وبأشاره واحده منى امحيكى وامحى أهلك كلهم من على وش الارض بالنسبه لحمزه انا اكتفيت بنقله الصعيد بس لو منفذتيش كلامى هخليه يقعد جنب ابوكى يقشره بصل واخوكى مؤمن اللى فرحان بنفسه ده انا ممكن اخليه يقشر هو كمان التوم ويبقى ملوش مستقبل اما ابوكى بقى كفايه عليه يشوف مستقبل أولاده اللى بيروح منهم ويتحرم من بنته دلوعته نور عيونه
داليا :- انت ايه يا شيخ شيطان مفكر نفسك أن الدنيا هتفضل مطلعاك السما تبقى عبيط الدنيا مش مضمونه وممكن فى لحظه توقعك على الارض على جدور رقبتك تكسرها ليك ده ربك رب المظلومين يكفى أن كلمة حسبى الله ونعمه الوكيل بتتهز ليها سبع سموات وربنا بيقولك وَعِزَّتِي وَجَلالِي لأَنْصُرَنَّكِ وَلَوْ بَعْدَ حِينٍ " انا مش خايفه منك لان معايا اللى اكبر من الكل معايا ربنا
ادهم:- بصلها ومعرفش يرد عليها
داليا :- عارف انا هنضف الفيلا كلها ولوحدى مش خوف منك بس علشان دى كلها كام يوم وهتكون مقبرتى وانا مش واخده اعيش فى مكان مش نضيف حتى لو فيها ناس زباله
ادهم :- اتعصب ومسكها من دراعها بغيظ وقال ودينى وما اعبد لاندمك على كل كلمه قولتيها يا داليا
داليا :- مفيش ندم فى حياتى اكبر من ان انا قابلتك فى يوم من الايام ده الندم الحقيقى يا ادهم عن اذنك وسابته ومشيت وهى حابسه الدموع فى عينيها وقعدت تدور على الحمام لحد ما لاقته ودخلت الحمام وحطت ايديها على بؤقها وقعدت تعيط
ادهم :- مسك تحفه وحدفها فى الارض وقال عااااااااا كلكم زباله كلكم صنف واحد وقعد على الكرسى وحط أيده على وشه واخد نفس عميق وطلعه براحه
~•~•~•~•~•~•~•~•~•~•~•~•~•
فى فيلا خالد
كانت دينا قاعده وحطه الهاند فرى فى ودنها بتسمع اغانى ووصلت ليها رساله ابتسمت وفكرتها من تامر فتحت الرساله بس اتصدمت لما شافت الصور القديمه ليها مع أسر حد بعتها ليها اتوترت ومسكت تليفونها وطلبت رقم تامر وانتظرت الرد
تامر :- بجد مش مصدق نفسى حبيبت قلبى بتتصل بيا من نفسها حاسس ان هيغمى عليا من الفرحه
دينا :- بدموع الحقنى يا تامر انا فى مصيبه
تامر :- بخضه مالك يا دينا
دينا :- فيه حد باعت ليا الصور القديمه اللى مع أسر
تامر :- بعتها ليكى ازاى مش فاهم
دينا :- على الفون يا تامر
تامر :- طيب ابعتى ليا الرقم اللى جت منه الرساله
دينا :- الرساله من غير رقم تامر انا خايفه اوى احسن ما الصور دى توصل لادهم ده ممكن يموتنى فيها
تامر :- أهدى بس وان شاءالله خير انا هروح ليه الحجز واعرف منه مين اللى معاه الصور غيره
دينا :- اكيد البت اللى كانت تملى معاه اللى اسمها جيجى دى
تامر :- هدور عليها واجبها من تحت الارض بس اهم حاجه بلاش توترى نفسك واهدى كده
دينا :- اتصرف بسرعه يا تامر ارجوك
تامر :- حاضر يا قلبى متقلقيش
دينا :- يارب استرها من عندك يارب ا.ا.انا هقفل يا تامر وانت اول ما توصل لحاجه طمنى بالله عليك
تامر :- حاضر يا قلبى بس وحياتى عندك أهدى شويه
دينا :- حاضر سلام وقفلت مع تامر وقعدت على السرير وحطت ايديها على وشها وقالت دى تبقى مصيبه سوده لو وصلت الصور دى لادهم استرها عليا يارب وقعدت تعيط
~•~•~•~•~•~•~•~•~•~•~•~•~•
فى الصعيد
فى شقة حمزه
كتب المأذون الكتاب ودخل ابو ميرفت الاوضه ومضى بنته على قسيمة الجواز وخرج من الاوضه وسلم المأذون الاوراق ووصله حمزه لحد الباب وبارك ليه المأذون ومشى ودخل تانى حمزه عند ابو ميرفت وقال
حمزه:- اتفضل اقعد يا عمى
ابو ميرفت :- قعد وقال يا ابنى انا همشى بقى بس عندى ليك كلمتين خلى بالك من ميرفت البت دى غلبانه وحظها فى الدنيا قليل اوى طول عمرها من يوم ما اتولدت وجت على الدنيا دى وهى شايفه الظلم والقهر امها من اول لحظه ولدتها فيها وهى بتكرها لأنها كانت نفسها تجيب ولد تانى ولما جت ميرفت وعرفت انها بنت عذبتها ومنعت نفسها من أنها ترضعها وكانت بتصرخ من الجوع وامها ولا هنا ولما حد يقولها رضعيها كانت ترفض وتقول سبوها جعانه لحد ما تموت وانا كنت فرحان بيها اوى انها بنت كنت استنا امها تنام وانا كنت احضرها اللبن الصناعى ده وارضعها بى وفضلت اعمل كده لحد ما بقت تاكل اعتمد على الاكل ووقفت ليها اللبن ده وفضلت انا مهتم بيها لحد ما كبرت وكانت بتشوف قسوة امها عليها كانت تيجى تترمى فى حضنى وتعيط وتقولى ماما مش بتحبنى كنت اقولها مش كفايه انا بحبك كانت تمسح دموعها وتضحك ضحكتها البريئه دى وتقولى كفايه طبعآ انت اعظم اب فى الدنيا لحد ما فى يوم تعبت وقعد فى البيت من غير شغل وكنت بتألم من الوجع علشان مش بلاقى الفلوس اللى اجيب بيها علاجى وكنت بنزل اشتغل اى حاجه يوميه علشان اسد بؤق مراتى والاقى اجيب العلاج بتاعى ومره الدكتور قال اى مجهود زياده عليا ممكن يأدى لموتى اول ما سمعت كده ميرفت قررت تسيب التعليم بتاعها وتنزل تدور على الشغل وعلشان هى شاطره كانت معاها كذا لغه وفى الوقت ده كانت فيه شركه منزله اعلان انها محتاجه سكرتيره بتعرف تتكلم كذا لغة قدمت فى الوظيفه واتقبلت فيها وبقت هى ملزومه تصرف علينا كلنا من مرتبها كانت بتستخسر تشترى لنفسها فستان ليها علشان توفر فلوسه للبيت وفوق كل ده كان علطول اخوها وامها يضربوها ضرب يكسر جسمها وانا قليل الحيله مقدرش احوش عنها اتعذبت اوى حافظ عليها وعوضها عن وجع السنين اللى شافته خليك انت الحضن الحنين اللى بيحتويها وقت تعبها وزعلها انا عارف ومتأكد انك كويس وعمرك ما هتزعلها علشان انت نتيجه دعايه ليها خليك سندها فى الدنيا واحميها من شر اخوها وامها وابن خالها دول عصابه وممكن يعملو اى حاجه الدهب اخوها اللى اخده هو وأمه بس قايلين لابن خالها أن الدهب معاها هى علشان كده احمد ده عايز ينتقم منها ميرفت امانه فى رقابتك ليوم الدين ووقف وقال معلش طولت عليك فى الكلام بس يا عالم هنتقابل تانى ولا لاء
حمزه :- ربنا يديك الصحه والعمر الطويل وبالنسبه لميرفت متقلقش عليها فى عنيا
ابوميرفت :- هستأذنك بس ادخل اسلم على ميرفت قبل ما امشى
حمزه :- براحتك يا عمى البيت بيتك
ابو ميرفت :- تعيش يا ابنى ودخل الاوضه عند ميرفت لاقها قاعده ومتوتره قعد قصادها وقال مبروك يا حبيبتى ربنا يبارك ليكم فى حياتكم ويرزقكم الزريه الصالحه يارب خدى بالك من جوزك حفظى عليه حمزه بنأدم محترم ومفيش منه اليومين دول عارف انك بتحبيه بس حاولى تعرفيه شعورك اتجاهه ايه علشان يتمسك بيكى اكتر هو دلوقتى بقى حلالك واي شئ مباح ما بنكم خلى مشاعركم هى اللى تتحكم فيكم فاهمه كلامى يا حبيبتى
ميرفت :- هزت راسها بمعنى ايوه
ابو ميرفت :- باس راسها وضمها فى حضنه وقال خلى بالك من نفسك
ميرفت :- رايح فين
ابو ميرفت :- ماشى يا حبيبتى
ميرفت :- لاء خليك عايش معانا ارجوك يا بابا بلاش تبعد عنى تانى
ابو ميرفت :- لو العمر فيه بقيه هكلمك علطول واطمن عليكى انا دلوقتى قلبى ارتاح من نحيتك ووقف وقال خلى بالك من نفسك ولسه هيمشى
ميرفت :- طلعت تجرى علي ابوها واترمت فى حضنه وقعدت تعيط شبه الاطفال وهى ماسكه فى هدومه وتقوله ارجوك يا بابا بلاش تمشى وتسبنى
ابو ميرفت :- ههههههههه بلاش تكونى شبه الاطفال كده اعقلى بقى انتى بقيتى زوجه وربنا يكرمك هتبقى ام
ميرفت :- مليش دعوه خليك معايا
ابو ميرفت :- مينفعش يا حبيبتى كده هيبقى بعدى الأصول مينفعش انام معاكم فى الشقه وانتو لسه عرسان جداد يلا بقى علشان امشى الوقت أتأخر وفتح الباب وخرج وخرجت وراه من الاوضه ميرفت شافت حمزه قدامها اتوترت ومسكت فى ابوها اكتر
حمزه :- هاجى اوصلك يا عمى
ابو ميرفت :- لاء يا حبيبى خليك انت مع مراتك خلى بالك منها يلا السلام عليكم وبص على بنته بصه اخيره وقفل الباب وراه
ميرفت :- سندت على الباب وقعدت تعيط وقالت بابا خليك معايا بلاش تبعد عنى تانى وقعدت فى الارض وحطت ايديها على وشها وقعدت تعيط
حمزه :- صعبت عليه ميرفت راح عندها شدها وقفها وقال أهدى يا ميرفت
ميرفت :- اترمت فى حضنه وقالت بدموع بابا بعد عنى تانى يا حمزه
حمزه :- اتفاجئ من حركة ميرفت واتوتر لما جت فى حضنه مد أيده ببطئ وطبطب عليها وقال أهدى يومين وهجيبه ليكى تانى
ميرفت :- بفرحه بجد ولابتضحك عليا علشان اسكت
حمزه :- هههههههه لاء بجد
ميرفت:- اصل بابا لما يحب يخلينى اسكت من العياط يقولى زيك كده ويوعدنى يجيب ليا الحاجه دى بعد يومين
حمزه :- هههههههه على فكره انا حاسس ان انا بتعامل مع طفله
ميرفت :- اخدت بالها من وضعها فى حضن حمزه بعدت عنه واتوترت وقالت ا.ا انا اسفه مش قصدى اعمل كده
حمزه :- تعملى كده ازاى
ميرفت :- بكسوف احم ا.ا.اجى هنا وشاورت على حضن حمزه
حمزه :- وفيها ايه حتى لو قصدك انا دلوقتى جوزك يعنى مش حرام انك تيجى فى حضنى
ميرفت :- ها م.م.ما انا عارفه ع.ع عن اذنك
حمزه :- رايحه فين
ميرفت :- ه.ه.هدخل انام ولسه هتمشى
حمزه :- وقف قصادها وقال بعد كده هتنامى فى اوضى انا خلاص مبقاش ينفع أن كل واحد مننا ينام فى اوضه لوحده
ميرفت :- وشها احمر من الكسوف وقالت ها ا.ا انت بتقول ايه
حمزه :- بقول اللى هيحصل وقرب منها اكتر وقال بعد كده مش عايز كسوف منى فاهمه وقرب اكتر على شفايفها ولسه هيبوسها
ميرفت :- بعدت عنه وقالت ا ا انت هتعمل ايه م.م.مش هينفع دلوقتى
حمزه:- ليه أن شاءالله
ميرفت :- ها ا ا اصل انا م.م.مش مستعده
حمزه :- اتنهد وقال اللى يريحك يا ميرفت ولسه هيمشى الباب خبط فتح الباب وقال ايوه حضرتك
الراجل :- الراجل اللى لسه نازل من عندكم وقع وهو ماشى مره واحده
ميرفت :- بدموع بابا ونزلت تجرى عنده
*********************
إلي هنا ينتهي الفصل الثامن عشر من رواية تمرد صحفية بقلم دودو محمد
تابع من هنا: جميع فصول رواية تمرد صحفية بقلم دودو محمد
تابع من هنا: جميع فصول رواية تمرد صحفية بقلم دودو محمد
تابع أيضاً: جميع فصول رواية انتقام ثم عشق بقلم لولو الصياد
تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها
أو أرسل لنا رسالة مباشرة عبر الماسنجر باسم القصة التي تريدها
اقرأ أيضا: رواية من أجلك فقط بقلم لولو الصياد
إرسال تعليق
يسعدنا تلقي اقتراحاتك أو تعليقك هنا