قصص رومانسية جريئة ممنوع دخول الأطفال

مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة دودو محمد علي موقعنا قصص 26 و موعدنا اليوم مع الفصل الحادى و العشرون من  رواية تمرد صحفية بقلم دودو محمد. 

رواية تمرد صحفية بقلم دودو محمد - الفصل الحادى و العشرون

اقرأ أيضا: رواية عشق الزين (الجزء الأول) بقلم زيزي محمد

رواية تمرد صحفية بقلم دودو محمد

رواية تمرد صحفية بقلم دودو محمد - الفصل الحادى و العشرون

فى الصعيد

رجع حمزه من شغله وفتح الباب ودخل وقفله وراه وبص فى الشقه ملقاش ميرفت موجوده راح عند باب اوضتها وخبط وقال

حمزه :- ميرفت بس محدش رد عليه خبط تانى وقال ميرفت ردى عليا عايزك بس ملقاش رد خبط تانى وقال لو مردتيش هفتح الباب عليكى وادخل بس قلق المرادى لما محدش رد عليه خبط تانى وقال ميرفت انا بتكلم بجد ردى عليا بدل ما افتح الباب بس لما محدش رد عليه قرر يفتح الباب فتح الباب و اتفاجئ أن الاوضه فاضيه ومحدش موجود فيها خرج يجرى من الاوضه وخبط على الحمام ومحدش رد عليه فتح الباب برضه مكانش حد موجود طلع يجرى ودور فى البلكونه وآخر ما دور فى الشقه وملقاش حد راح عند باب الشقه ولسه هيفتح الباب لاقه ورقه.مكتوبه من ميرفت انها زهقت ونزلت تتمشى شويه اتعصب حمزه وقلق عليها علشان نزلت لوحدها فتح الباب ونزل يجرى يدور عليها وركب العربيه الخاصه بالشغل وقعد يدور عليها فى كل حته فى البلد بس ملقهاش قلق اكتر عليها بس مكانش فى أيده حاجه رجع تانى البيت على أمل أنها تكون روحت البيت بس اول ما روح البيت دور من تانى ملقهاش رجعت قعد على الكنبه بتوتر وقعد يهز فى رجله ويبص على الباب منتظر رجوعها من بره بس بعد ما مر الوقت ومجتش ميرفت قلبه وجعه من القلق عليها نزل يجرى ودور على الأماكن اللى موجود فيها كاميرات وطلب منهم تفريغها بصفته ظابط وبعد وقت من التفريغ ومكانتش ظاهره ميرفت خالص فى الكاميرا وبعد ما فقد الامل شاف فى اخر الشريط ميرفت وهى خارجه من البيت ومشيت شويه وقبل ما تدخل الشارع اللي جنب البيت عربيه وقفت وكتفتها وركبتها وطلعت تجرى حمزه اتعصب وقال
حمزه :- يا ولاد****** ودينى ما انا سيبكم وقرب على رقم العربيه واخده وراح عند المرور وجاب كل المعلومات اللى تخص العربيه وعرف انها بتاعة خال ميرفت وتتبعها وعرف مكان ميرفت ركب عربيته وطلع يجرى على المكان اللى هى فيه وبلغ الفريق بتاعه على المكان وكانت فى مكان مهجور وراقب المكان كويس ومشى براحه ودخل المكان ده من غير ما حد يشوفه واتفاجئ بميرفت مربوطه فى الكرسى ومتكتفه دخل يجرى عليها وقال ميرفت ا.ا.انتى كويسه
ميرفت :- بدموع انا كويسه بس فكنى بسرعه قبل ما حد يجى
حمزه :- وهو بيفكها ودينى ما هرحم حد فيهم
احمد :- هههههههههه لاء راجل اوى
ميرفت :- بصت بصدمه لحمزه وبخوف
حسن :- انت مفكر نفسك راجل وهتقدر تاخد اختى منى ده انت بتحلم
حمزه :- رجع ميرفت وراه ضهره وقال لاء هقدر وهخدها وهمشى من هنا ورونى هتقدرو تعملوا ايه
ميرفت :- كانت خايفه ومسكه فى هدوم حمزه
احمد :- انت مفكر اننا مكناش عارفين بوصلك هههههههه ده احنا اللى سيبينك تدخل هنا برجليك علشان يبقى دخلت لقضاك برجليك ههههههههههه ووجه المسدس قصاد حمزه وقال ودعها بقى يا حلو
ميرفت :- بدموع لالالا ارجوكم بلاش تؤذو
حسن :- راح وقال امشى يا بت بس قبل ما أيده توصل لميرفت
حمزه :- اياك تفكر تمد ايدك عليها فاهم
حسن :- بص لأحمد وقال خلصنا يلا
ميرفت :- لاء يا حسن ا.ا انا مستعده اطلق منه بس محدش يأذيه
حمزه :- كان بيسحب أيده براحه علشان يخرج سلاحه من جيبه
احمد :- شافه وقال عندك اياك تتحرك فاهم وبص لحسن وقال هات سلاحه
حسن :- ماشى ولسه هيمد أيده علشان ياخد السلاح
حمزه :- لف دراعه وراه ضهره ولف دراعه التانى حاولين رقبت حسن وخنقه وحطه قصاده وقال ارمى سلاحك يا روح امك بدل ما اطلع روحه فى ايدى
احمد :- هههههههه خوفتينى الصراحه ما فى داهيه انا المهم عندى بنت عمتى خطيبتى والدهب بتاعى
حسن :- وهو مخنوق ايه اللى انت بتقوله ده يا احمد انا هموت
ميرفت :- بدموع ارجوك يا حمزه بلاش تأذى اخويه
حمزه :- خايفه عليه وهو سبب كل المصايب دى مش هو ده اللى اخد الدهب منك وقال انك انتى اللى اخديه مش هو ده اللى كان بيضربك ويهينك
ميرفت :- بدموع بس فى الاخر اخويه
وفى الوقت ده سكتت فاجئه لما شافت الرصاصه بتيجى فى حمزه صرخت بصوت عالى وقالت حمزززززززززززززه
حسن :- يخربيتك كنت هتموتنى انا
احمد :- متخفش انا عارف بعمل ايه هات اختك ويلا بينا بسرعه قبل ما الشرطه توصل
حسن :- انا صدقت كلامك انك بعتنى
احمد:- اخلص مش وقته
حسن :- حاضر حاضر وراح مسك أخته من شعرها وقال انجرى قدامى يا فجره
حمزه :- وهو الدم نازل منه مسك حسن من رجله علشان يسيب ميرفت
حسن :- زقه وقال ما تغور يا شيخ بقى
ميرفت :- حمزه ابوس ايدك يا حسن سبنى اخده اقرب مستشفى حرام عليكم
حسن :- اخرسى وانجرى قدامى وهما خارجين الحكومه وصلت وطلعت تجرى وراهم
احمد:- قدر يهرب منهم وحسن اتمسك و ميرفت طلعت تجرى على حمزه وقعدت وحطت راسه على رجليها وخبطت على وشه وقالت لالالا فوق ارجوك اوعى تموت وتسبنى زى ما بابا عمل انت الوحيد اللى حسيت معاه بالأمان حمزه رد عليا ارجوك وفى الوقت ده دخل رجالة الإسعاف وشاله وخرجو حطوه فى عربية الإسعاف وركبت معاهم ميرفت وراحو على المستشفى
~•~•~•~•~•~•~•~•~•~•~•~•~•
فى اسكندريه

فى شركة أدهم الحناوى

كانت رودينا فى مكتب ادهم ومره واحده الباب اتفتح اتخضت وقالت

رودينا :- ف ف.فادى
فادى :- بأستغراب رودينا انتى بتعملى ايه فى مكتب ادهم
رودينا :- ها و.و.ولا حاجه ب.ب.بس اه كنت بنضف المكتب بتاعه علشان ميتعصبش عليا
فادى :- بشك والله
رودينا :- ا.ا.ايوه امال هكون بعمل ايه يعنى وقربت منه وقالت انت بتشك فيا
فادى :- بص فى عيونها وقال ها
رودينا :- انت بتشك فيا يا فادى
فادى :- بتوتر احم ل.ل لاء طبعآ بس انا اتفاجئت بوجودك فى المكتب
رودينا :- بزعل مزيف لو شاكك فيا قول انا ممكن اسيب الشركه حالا على فكره
فادى :- لاء مش قصدى وعمومآ يا ستى حقك عليا
رودينا :- ماشى عن اذنك وخرجت تجرى من المكتب
فادى :- خرج وراها وقال خلاص بقى متزعليش انا كنت بسألك سؤال عادى
رودينا :- بدموع مزيفه خلاص يا فادى سبنى لوحدى ارجوك
فادى :- قعد على حرف المكتب بتاعها وقال لاء مش هسيبك وانتى فى الحاله دى وقرب أيده على خدها ومسح دموعها وقال حقك عليا انا حمار مبفهمش علشان اكون سبب فى دموع القمر
رودينا :- اتوترت من لمسة ايد فادى وقامت وقفت وقالت احم خ.خ.خلاص انا مش زعلانه
فادى :- راح وقف قصادها وقال طيب اثبتى ليا انك مش زعلانه
رودينا :- قصدك ايه
فادى :- يعنى ورينى ضحكتك الحلوه
رودينا :- ضحكة ليه بكسوف وبصت على الأرض
فادى :- مد أيده عند تقنها ورفع وشها ليه وقال تعرفى أن ضحكتك حلوه اوى
رودينا :- بصت فى عينه وحست بتأنيب الضمير ورجعت بصت تانى فى الارض واتنهدت وقالت احم ممكن بس تمشى علشان محدش فى الشركه يتكلم عليا
فادى :- احم اه طبعآ عن اذنك وسابها ومشى
رودينا :- قعدت على الكرسى وحطت ايديها على وشها وقعدت تعيط
~•~•~•~•~•~•~•~•~•~•~•~•~•
فى شقة سعيد

كان قاعد سعيد بيقراه فى المصحف صدق بالله العظيم وحط أيده على قلبه وقال اللهم اجعله خير قلبى انقبض كده ليه ربنا يستر يارب وقام خرج من اوضه راح خبط على اوضت مؤمن
مؤمن :- فتح الباب وعيونه كلها دموع وقال نعم يا بابا
سعيد:- بخضه مؤمن انت بتعيط حد من اخواتك حصله حاجه
مؤمن :- هو فيه حاجه هتحصل اكتر من اللى حصلنا ده البيت اللى كان كله ضحك ولعب وهزار بقى ساكت ومفيش فيه روح زى الاول
سعيد :- طبطب على كتفه وقال يا حبيبى لا اعتراض على أمر الله بكره الأمور تتصلح واختك تهدى اعصابها وترجع تانى وسطنا واخوك ربنا يهونها عليه وتخلص فترة عقابه ويرجع تانى والروح ترجع بيتنا من تانى بس خليك واثق فى ربك
مؤمن :- ونعمه بالله ممكن يا بابا بعد اذنك انزل اتمشى شويه علشان مخنوق
سعيد :- روح يا حبيبى وخلى بالك على نفسك
مؤمن :- حاضر يا بابا ودخل اخد تليفونه ونزل يتمشى فى الهوا
~•~•~•~•~•~•~•~•~•~•~•~•~•
فى فيلا خالد الحناوى

فى اوضت دينا

كانت قاعده ودموعها على خدها وفى الوقت ده باب اوضتها خبط فكرت اخوها ادهم طلعت تجرى تفتح الباب بس اتفاجئت لما لاقته تامر قالت

دينا :- انت ايه جابك هنا يا تامر وازاى تطلع لحد اوضى كده
تامر :- لازم نتكلم يا دينا وانتى رافضه تردى علي التليفون مكانش قدامى غير أن اجيلك لحد عندك
دينا :- وعايز منى ايه اللى عندى قولته ليك مستحيل هتجوزك من غير موافقة اخويه ادهم
تامر :- طيب واخوكى رافض اعمل انا ايه دينا انا مستحيل اعيش من غيرك انا بقيت لا عارف اشتغل ولا عارف اركز فى اى حاجه انا بحبك ومستعد اعمل اى حاجه علشان اعيش الباقى من عمرى جنبك
دينا :- دخلت وقعدت على السرير وقالت وانا مستحيل هوافق طول ما أدهم رافض
تامر :- دخل وقعد جنبها ومسك ايديها وقال دينا هو انتى مش بتحبينى
دينا :- اتوترت وقالت انت بتسأل ليه السؤال ده
تامر :- بلاش تردى على سؤالى بسؤال انتى بتحبينى
دينا :- وقفت وقالت احم ع.ع.على فكره مينفعش وجودك فى اوضى كده لو ادهم جه وشافك هنا مش هيحصل كويس
تامر :- وقف قصادها وقال متهربيش من السؤال
دينا :- يا تامر بقى اطلع بره الاوضه لو سمحت
تامر :- قرب اكتر ليها وقال مش خارج غير لما اسمع ردك
دينا :- اتوترت اكتر وقالت تامر
تامر :- قلب تامر ردى عليا
دينا :- بكسوف ا.ا.ايوه أخرج من الاوضه بقى
تامر :- ايوه ايه طيب
دينا :- والله العظيم ولو مخرجتش دلوقتى حالا هصرخ واقول انك بتتهجم عليا
تامر :- هههههههه اصرخى مامتك تحت هى اللى سمحت ليا اطلعلك
دينا :- تامر ارجوك بلاش توترنى اكتر من كده
تامر :- حاضر هعتبر انك قولتيلى بحبك وانا علشان خاطرك مستعد ارمى نفسى فى النار وهفضل وراه اخوكى أدهم لحد ما يقتنع ويوافق عليا ربنا يهديه بقى
دينا :- بكسوف ش.ش.شكرآ
تامر :- شكرآ حاف كده
دينا :- تامر بطل قلة ادب واطلع بره
تامر :- اوعى تفهمينى صح
دينا :- ده انا فهماك صح الصح اطلع بره الاوضه
تامر :- بس تصدقى اوضك حلوه اوى
دينا :- ادهم
تامر :- ها فين فين
دينا :- هههههههههههههه يا جبان
تامر :- احم مش جبان ولا حاجه انا خوفت عليكى مش اكتر يلا اسيبك بقى فكرى فيا ماشى
دينا :- ههههههههه اطلع بره بقى
تامر :- حاضر حاضر بس متزقيش ومشى لحد الباب ووقف وقال اه صح لما اتصل بيكى ردى عليا علشان متجنش واجيلك اوضك تانى والمره الجايه مش مسؤول على اللى هيحصل
دينا:- هههههههههه قليل الادب وزقته وقفلت الباب وقالت بصوت واطى بحبك وبموت فيك واتنهدت وراحت قعدت على سريرها
~•~•~•~•~•~•~•~•~•~•~•~•~•
فى الجريده

كانت فاطمه قاعده بتتكلم مع منتهى وقالت

فاطمه :- عرفتى اخر الاخبار
منتهى :- ايه
فاطمه :- مش ادهم فض الشراكه اللى ما بينه وبين أكرم
منتهى :- لاء بجد طيب ليه
فاطمه :- لانه عرف بالخطه اللى ما بين أكرم وداليا وده السبب اللى خلاه عمل كده وميحضرش الفرح
منتهى:- ااااه وده عرف ازاى
فاطمه :- سمع أكرم وهو بيتكلم مع داليا وبيتفق معاها على الخطه
منتهى :- الواطى الندل الجبان ومهما حصل ازاى يكون سبب فى كسرة قلبها بالشكل ده
فاطمه :- نفس الكلام ده قولته لأكرم
منتهى :- ربنا ينتقم منه على فضيحتها وكسرة فرحتها ووجع قلبها
فاطمه :- علاء متكلمش معاكى
منتهى :- بزعل كلمنى ونهيت الموضوع
فاطمه :- يا بت المجنونه نفذتى كلامك برضه
منتهى :- ايوه يا فاطمه ده زعلان علشان اخوه وعلشان بقولو هيتعمل كده فى اخواته البنات
فاطمه :- انتى عبيطه يا بت ما لازم يزعل ما أدهم اخوه برضه والبنات دول ما اخواته هما كمان ده انتى غريبه اوى عايزه تقوليلو كده وهو يقولك اللهم امين
منتهى :- معرفش بقى ده اللي حصل لازم يعذرنى انا واحده زعلانه على صديقة عمرها واللى حصلها على ايد اخوه
فاطمه :- انتى بتحبيه ولا ده كان مجرد اعجاب يا توته
منتهى :- احم لا طبعآ حبيته يا فاطمه
فاطمه :- طيب ليه عملتى كده كلنا زعلانين على داليا بس مش لدرجة أنك تبعدى عن الشخص اللى بتحبيه
منتهى :- وهو لو بيحبنى بجد هيستحمل عصبيتى وزعلى على داليا
علاء :- اكيد طبعآ هستحملك وعلشان كده انا بقيت عليكى وجيت لحد عندك
منتهى :- بصدمه علاء
علاء :- هههههههه اه علاء اللى اتقفل فى وشه السكه
منتهى :- اتكسفت وبصت فى الارض
فاطمه :- وقفت وقالت احم عن اذنكم
علاء :- انا اسف يا فاطمه نسيت اسلم عليكى
فاطمه :- لاء عادى ولا يهمك عن اذنكم وسابتهم وخرجت
علاء :- ايه هتفضلى ساكته كده كتير
منتهى :- احم ه.ه.هقول ايه
علاء :- ما انتى كنتى بسبع السانه فى التليفون
منتهى :- احم سورى ب ب.بس انا زعلانه علشان داليا
علاء :- وانا مقدر ده ومش زعلان منك بس عايزك تعرفى حاجه واحده بس أن عمرى ما هبعد عنك ولا قلبى هيختار غيرك فاهمه
منتهى :- بصت فى الارض بكسوف وهزت راسها بمعنى اه
علاء :- ولما تكونى متعصبه اذكرى ربنا فى سرك علشان تهدى وتقدرى تتحكمى فى اعصابك
منتهى :- ح.ح.حاضر
علاء :- لسه قدامك كتير فى الشغل
منتهى :- احم لاء خلاص انا همشى
علاء :- تعالى نتغدا مع بعض وبعد كده اروحك
منتهى :- ش.ش.شكرآ بس لازم اروح البيت علشان متأخرش
علاء:- متخفيش مش هأخرك
منتهى :- احم م.م.ماشى واخدت شنتطها ونزلت مع علاء وهى فرحانه من جواها أن علاء مسبهاش زى ما طلبت منه ركبت معاه العربيه وراحو المطعم اتغدو وبعد كده روحها البيت
~•~•~•~•~•~•~•~•~•~•~•~•~•
عند فاطمه

نزلت من الجريده لاقت أكرم واقف ليها وساند على عربيته نفخت وقالت
فاطمه :- استغفرالله العظيم على فرقع لوز ده كل شويه هينط ليا احسن حاجه اتجاهله وامشى وبصت ليه بقرف ومشيت
أكرم :- قعد يضحك على طريقتها
فاطمه :- اتغاظت ورجعت تانى ليه وقالت ممكن اعرف بتضحك على ايه
أكرم :- الله انا حر اضحك براحتى محدش ليه عندى حاجه
فاطمه :- لاء لما تشوفنى وتضحك وأنت بتبص عليا يبقى الضحك ده عليا انا
أكرم :- هههههههههه اه بضحك على جنانك ماشيه بتكلمى نفسك وبعدين احنا مش كنا سيبين بعض واحنا سمنه على العسل ايه حصل خلاكى اول ما تشوفينى تعملى نفسك مش شيفانى وتمشى علطول
فاطمه:- بكلم نفسى من عمايلك وانت عامل زى فرقع لوز وكل شويه بتنطلى فى اى مكان
أكرم :- يعنى انا غلطان أن قولت أن ده وقت خروجك اجى اخدك اروحك بدل ما حد يتعرضلك وانتى ماشيه
فاطمه :- لاء شهم اوى يا خويه متخفش عليا انا أقدر احمي نفسى كويس اوى وبعدين مين هيبصلى اصلا قول كلام معقول الله لا يسيئك
اكرم :- مين هيبصلك؟ انتى مستقليه جمالك ولا ايه؟
فاطمه :- الله يجبر بخاطرك عايز حاجه عن اذنك
اكرم :- يخربيت ام الجنان يا بنتى انتى استنى هنا
فاطمه :- يا نعمين
أكرم :- تعالى ربنا يهديكى اركبى العربيه
فاطمه :- لاء
أكرم :- يا بنتى متوجعيش قلبى معاكى
فاطمه :- بنتى شكرآ يا بابا عن اذنك
أكرم :- وربنا لو مركبتيش العربيه هشيلك
فاطمه :- احم ايه شغل الجنان ده
أكرم :- لاء انتى لسه مشوفتيش منى اى جنان بس انا بحاول اطول روحى معاكى وانا مخنوق اصلا وعلى أخرى هتركبى ولا اشيل
فاطمه :- حست بالجديه فى كلامه بصت على العربيه وراحت ركبت العربيه من سكات
أكرم :- ابتسم على شكلها وراح ركب عربيته وراح يوصلها البيت
~•~•~•~•~•~•~•~•~•~•~•~•~•
فى الملجأ

كانت داليا قاعده فى الاوضه الخاصه بيها ضمه رجليها عند صدرها وسنده دقنها عليهم ودموعها على خدها وكانت بتفكر فى اول مقابله ما بينها وبين أدهم ولما حاول يتهجم عليها ولما اهانها واتهمها بالسرقه وحاجات كتير جت فى بالها اللحظه دى بس خرجها من تفكيرها صوت تليفونها وندمت انها فتحته بصت فيه لاقته رقم اخوها مؤمن قفلت الصوت ورجعت تانى بتفكيرها بس رن تانى اتنهدت وردت عليه وقالت
داليا :- عايز ايه يا مؤمن انت مش عارف ان مبحبش حد يتصل بيا وانا فى المك
مؤمن :- قطعها وقال بدموع الحقينى يا داليا انا فى مصيبه
داليا :- وقفت بخضه وقالت مالك يا مؤمن انطق
مؤمن :- بدموع تعالى حالا انا فى شارع (.......) بس بسرعه بالله عليكى
داليا :- ماشى انا جايه حالا وقفلت معاه ولبست هدومها بسرعه وخرجت تجرى وقفت تاكسى وراحت على العنوان اللى قال عليه مؤمن لاقته قاعد فى شارع مقطوع وجنبه واحد عمال ينزل فى دم طلعت تجرى عليه وقالت مالك يا مؤمن
مؤمن :- اترمى فى حضنها وقال الحقينى يا داليا انا فى مصيبه سوده ا.ا انا مكنتش اقصد اضربه ه.ه.هو قعد يعيرنى بيكى مستحملتش الكلام اللى قالو عليكى اعصابى فلتت منى وضربته بالطوبه الكبيره دى فى دماغه
داليا :- بدموع يا خبر اسود ومنيل وطلعت تجرى عليه وحطت أيدها على رقابته وقال الحمدالله عايش انا هتصل بالاسعاف
مؤمن :- بدموع انا خايف يا داليا انا ممكن يضيع مستقبلى واتحبس
داليا :- أرجع البيت يا مؤمن
مؤمن :- ايه
داليا :- امشى حالا واللى يسألك قول انك كنت فى البيت
مؤمن :- وانتى
داليا :- انا هفضل معاه وهقول أن انا اللى عملت فيه كده
مؤمن :- هز راسه بدموع بمعنى لاء وقال مستحيل يا داليا اعمل كده مستحيل
داليا :- مؤمن اسمع كلامى مفيش وقت امشى مؤمن يلا امشى
مؤمن :- لاء يا داليا لاء
داليا :- بص فى عنيا يا مؤمن انت عملت كده بسببى يبقى انا لازم اتحمل النتيجه انت لسه قدامك المستقبل يا مؤمن وحياة اغلى حاجه عندك امشى حالا واوعى تعرف بابا حاجه امشى يا مؤمن يلا علشان خاطرى امشى
مؤمن :- مشى وهو بيعيط وبقى يبص على داليا وهو دموعه نازله منه
داليا :- بقت تبتسم ليه علشان تطمنه وتحرك شفايفها بصوت واطى وتقولو أمشى
مؤمن :- طلع يجرى وهو دموعه على خده ويقول لنفسه جبان جبان وفضل يجرى لحد ما بعد عن المكان نهائى وقعد على الرصيف وقعد يعيط ويصرخ
داليا :- قعدت فى الارض وجست بأيديها النبض عند رقابته واطمنت أن هو لسه عايش وفى الوقت ده وصلت عربية الإسعاف والشرطه لما الإسعاف بلغت عن جريمة محاولة اعتداء واخده اقوال داليا وقالت أن هو ضايقها بالكلام فضربته بالحجاره فى دماغه واخدت الإسعاف الجريح والشرطه اخدت داليا وراحو على القسم
~•~•~•~•~•~•~•~•~•~•~•~•~•
فى فيلا ادهم

كان قاعد قصاد اللاب بتاعه وبيتابع الأحداث اللى بتحصل وبيضحك بشر وماسك فى أيده كوباية العصير وفى الوقت ده وصل ليه تليفون وقال ليه أن كل شئ تمام قفل اللاب توب بتاعه وقام وقف وخرج من الفيلا ركب عربيته ومشى بيها على القسم
~•~•~•~•~•~•~•~•~•~•~•~•~•
عند داليا

دخلت عند الظابط علشان يتحقق معاها وبالصدفه كان الظابط ده تامر بصلها بصدمه وقال
تامر :- داليا بتعملى ايه هنا
داليا :- بدموع ضربت واحد ودخل المستشفى
تامر :- وليه عملتى كده
داليا :- حاول يضايقنى بالكلام
تامر :- اقعدى بس واهدى وطلب ليها واحد ليمون وبدء التحقيق معاها وبدء ياخد اقولها وفى الوقت ده دخل العسكرى وبلغ تامر أن أدهم الحناوى عايز يدخل ليه اتفاجئ بوجود أدهم وبص لداليا وقال خدها المكتب اللى جنبى ده ومحدش يجى جنبها
العسكرى :- تمام يا فندم واخد داليا وخرج بيها وفى اللحظه دى اتقابلت عيون ادهم وداليا
ادهم :- راح عندها وقرب من ودنها وقال ادفعى حق القلم اللى مديتى ايدك عليا بي وسابها ومشى
داليا :- بصت ليه بدموع وصدمه من كلامه وقالت لنفسها لالالا مستحيل يكون ليه يد فى الموضوع ده ده لو هو بجد ده يبقى غلب الشيطان فى تفكيره وشره
ادهم :- دخل وقعد وولع سيجار من غير ما يقول ولا كلمه
تامر :- منورنا يا ادهم باشا
ادهم:- انا عايز اقابل البنت الصحفيه دى على انفراد
تامر :- عايز تقابل داليا ليه ممكن اعرف السبب
ادهم :- حاجه متخصكش
تامر :- لاء تخصنى لما الموضوع يخص اخت صاحبى يعنى زى اختى تمامآ يبقى يخصنى
ادهم :- وخطيبتى متنساش
تامر :- لاء حضرتك اللى متنساش يا باشا انها كانت خطيبتك وانت اللى نهيت الموضوع لما محضرتش فرحك عليها
ادهم :- بلاش تتحدانى لأن انا ممكن اطلبها فى بيت الطاعه بالعقد اللى معايا هاتها احسن ليكى وليها
تامر :- بص ليه بحيره وبقى مش عارف يتصرف ازاى ومحتار ومتأكد أن أدهم ممكن يعمل اى حاجه وقف وقال حاضر بس مش هتقعد معاها كتير وياريت بلاش تضيقها وخرج وسابه فى المكتب وراح لداليا فى المكتب التانى وبلغها بطلب ادهم وبتهديده ليهم وبعد ما رفضت اقنعها تامر انها تروح تقابله وخرجت مع تامر ودخلت المكتب عند ادهم ووقفت والدموع نازله من عينيها ومش بتقول ولا كلمه
ادهم :- بصلها من فوق لتحت ووقف وراح عندها وقرب منها وقال شايفك ضعيفه ومهزومه عايزك قويه كده علشان تصدى على انتقامى منك مش واخد عليكى ضعيفه يا دودى
داليا :- غمضت عينيها وقالت بضعف عايز منى ايه يا ادهم مش خلاص وصلت للى انت عايزه وصلت انك تكسرنى وتذلنى وصلتنى لمرحلة الهزيمه عايز منى ايه تانى
ادهم :- لف حاوليها وقال مستحيل انتى نفسك قصير اوى انا لسه ملحقتش اعمل معاكى حاجه ده كل ده تسخين لكن التقيل لسه مجاش
داليا:- ليه كل ده علشان وقفت قصادك علشان قولتلك لاء علشان اول واحده متخفش منك وحطت عينيها فى عينك صح ما ازاى ادهم الحناوى تيجى واحده زي تتحداه لازم يمحيها من على وش الارض بس عارف اكتر حاجه مفرحانى ايه انك اتكشفت على حقيقتك انت واحد جبان ملكش اى علاقه بالرجوله بتحاول تثبت وجودك بأذية الناس انتى واحد مريض يا ادهم مريض خيانة امك لابوك وظلم مرات ابوك ليك خلاك بنأدم انانى سيادى عايز تثبت وجودك بأذية الناس
ادهم :- مسكها من دراعها وقال اخرسى
داليا :- لاء مش هسكت يا ادهم انا تعبت تعبت وانا بثبت ليك أن الستات كلها مش امك ومرات ابوك تعبت اثبتلك أن الدنيا فيها الوحش وفيها الكويس تعبت وانا بحاول ادور جواك على الشخص الكويس تعبت وانا بكشف حقيقتك قصاد عينك علشان تشوف انانيتك وتشوف تكبرك على خلق ربنا نصيحه منى لوجه الله روح عالج نفسك علشان انت من كتر اذيت الناس هيجى عليك يوم وهتأذى نفسك انا بقولك شابوه ليك بجد قدرت تكسرنى وتذلنى قدرت تنفذ وعدك ليا وتكرهنى فى نفسى وتكرهنى فى صنف الرجاله كلها بجد برفعلك القبعه وبقولك انت اللى فوزت فى الاخر
ادهم :- لاء استنى اللعبه لسه منتهتش وخرج تليفونه وقال بصى على ده كده
داليا :- اتفرجت على فيديو اخوها وهو بيضرب الشاب بالحجاره وهى مصدومه وقالت ا.ا انت جبت الفيديو ده منين
ادهم :- لالالا ده شغلى انا بقى
داليا :- بشك انت ليك يد فى الموضوع ده.
ادهم :- قعد على الكرسى وحط رجل على رجل وقال انتى شايفه ايه
داليا :- طلعت تجرى عليه وقعدت تضرب فيه وتقولو انت ايه انت شيطان يا اخى شيطان ليه كل ده حسبى الله ونعمه الوكيل فيك فيه ربنا اقوى منك يا شيخ قادر ينتقم منك اشد انتقام
ادهم :- مسكها من ايديها وداس عليها جامد وقال ليها وهو بيدوس على سنانه اسمعى كلامى كويس اوى لو نفذتيه محدش هيشوف الفيديو ده وهتخرجى انتى كمان من هنا نشفتى دماغك الفيديو ده هيتقدم فى النيابه ومستقبل اخوكى هيروح
داليا :- بدموع حرام عليك بقى انا تعبت عايز ايه تانى مننا مش كفايه فضحتنا ارحمنا بقى
ادهم :- انا معايا عقد عرفى موثق يعنى اقدر اطلبك فى بيت الطاعه بس انا قلبى طيب مش هعمل كده هجيب مأذون وهتجوزك رسمى
داليا :- بعينك يا ادهم
ادهم :- يبقى انتى اللى جنيتى على مستقبل اخوكى الفيديو ده هيبقى فى النيابه والولد هيعترف أن اخوكى هو اللى ضربه مش انتى
داليا :- زقته وقالت بأنهيار انت ايه حرام عليك تعبت من يوم ما شوفتك وقابلتك وانا حياتى كلها بقت سوده حرام عليك بقى حرام ووقعت فى الارض واغمى عليها وبعد وقت فاقد داليا وبصت حاوليها لاقت نفسها فى المستشفى وابوها واخوها حاوليها قامت قعدت وقالت بابا انت جيت هنا ازاى
سعيد :- مقولتيش ليه الحقيقه يا بنتى
داليا :- خوفت عليك يا بابا
سعيد :- تروحى ترمى نفسك فى النار ياحبيبتى
داليا :- مش مهم انا يا بابا المهم مستقبل مؤمن ميضيعش
مؤمن :- بدموع انا اسف يا داليا انا السبب فى اللى انتى فيه ده
داليا :- شدته من ايديه وقعدته جنبها وضمته فى حضنها وقالت انت ملكش ذنب يا مؤمن دى لعبه قذره من واحد زباله متحملش نفسك الذنب اكتر من كده
مؤمن :- مسح دموعه وقال قصدك ايه بكلامك ده
داليا :- اقصد اللى عمل كده اد وسكتت فاجئه لما شافت ادهم داخل عليها ومعاه المأذون
مؤمن :- بعصبيه انت ايه جايبك هنا اطلع بره
ادهم :- بس يالا بدل ما افعصك تحت رجلى
سعيد :- عيب يا ابنى متتكلمش مع حد اكبر منك بالاسلوب ده وبص لادهم وقال ايه جيبك هنا تانى بعد اللى عملتو
ادهم :- وانت مالك
سعيد :- عيب يا ابنى انا لسه قايل قدامك لابنى متتكلمش مع حد اكبر منك بالاسلوب ده يعنى احترمنى انا راجل قد ابوك
ادهم :- بص ليه بقرف وقال بقى انت يا جربوع انت تكون اب لادهم الحناوى ههههههههههه ده انت جرئ اوى الصراحه
سعيد :- كلنا ولاد تسعه يا ادهم باشا واخرنا نومه تحت التراب
ادهم :- كلام الناس العواجيز ده وبص للمأذون وقال ابدء اكتب الكتاب
سعيد :- كتب كتاب مين
ادهم :- انا وبنتك
سعيد :- بس انا مش موافق على الجواز ده
ادهم:- بنتك اصلا مراتى واقدر اطلبها فى بيت الطاعه بس قولت كفايه عليكم فضايح لحد كده وقولت امشيها رسمى
سعيد :- انت تطلقها يا ابنى والورقه دى قطعها وانسى انك قبلت حد فى حياتك اسمها داليا انا الاول كنت موافق على الجوازه دى وقولت ان معدنك طيب لكن بعد اللى حصل منك مستحيل اقبل بجوازك منها نهائى اتفضل يا ابنى من غير مطرود
ادهم :- قعد على الكرسى وحط رجل على رجل وولع سيجاره وشرب منها وطلع الدخان فى الهوا وقال طيب مش تسأل العروسه نفسها يمكن ليها رأى تانى وبص لداليا اللى كانت دموعها نازله منها ومقهوره
سعيد :- انا عارف رأى بنتى ايه وبقولك نيابة عنها مش موافقه
داليا :- بدموع بس انا موافقه يا بابا
سعيد ومؤمن :- بصو ليها بصدمه
سعيد :- ايه اللى انتى بتقوليه ده يا داليا
داليا :- اسفه يا بابا أن كسرة كلام حضرتك ارجوك وافق
مؤمن :- ازاى تنزلى من نفسك وكرامتك وتعملى كده هتقبلى تعيشى مع واحد كسر فرحتك فى اكتر يوم البنات بتتمناه
داليا :- انا عارفه بعمل ايه كويس اوى وبصت لابوها وقالت ورحمة ماما وافق يا بابا
سعيد :- لله الامر من قبل ومن بعد وبص للمأذون وقال اتفضل شوف شغلك يا شيخنا
وبدء المأذون يكتب الكتاب وحط ايد سعيد فى ايد ادهم تحت دموع داليا وبعد وقت خلص كتب الكتاب وجابوا اتنين شهدو على عقد الجواز ومضت داليا وايديها بتترعش ومشى المأذون ودخل تامر وقال بأستغراب
تامر :- هو المأذون كان بيعمل ايه هنا
سعيد :- كنا بنكتب كتاب داليا
تامر :- بصدمه اللى هو ازاى
سعيد :- معلش يا ابنى بلاش أسأله كتير لان انا مش حمل كلمه واحده اتكلمها دلوقتى
تامر:- حاضر يا عمى عمومآ داليا دلوقتى حره المصاب اعترف أن مش هى اللى عملت كده وان فيه ناس ثبتته بغرض السرقه وضربوه كده وانكر صورة داليا امضى هنا يا داليا
سعيد :- الف حمد والف شكر يا رب
ادهم :- نفخ دخان السيجار بتاعه فى الهوا وضحك ضحكة شر ووقف وقال جهزى نفسك علشان هتروحى معايا
داليا :- لاء انا هروح مع بابا
ادهم :- وقف وقال انا خارج هستناكى فى العربيه تحت ومشى لحد الباب وقال خليكى عارفه مش بحب اقول كلمتى مرتين لو منفذتيش كلامى انتى عارفه ايه هيحصلك وخرج وسابهم
سعيد :- ليه يا بنتى تعملى فى نفسك كده ليه
داليا :- بدموع متخافش عليا يا بابا انا داليا سعيد ومهما كانت شدة الضربه هتقوينى مش هتكسرنى وهو اللى بدء اللعبه يستحمل ممكن تطلعوا بره علشان عايزه اظبط هدومى
سعيد :- ربنا معاكى يا بنتى وانا جنبك فى اى وقت محتجانى فيه هتلاقينى فى ضهرك سندك مهما حصلك
داليا :- ربنا يخليك ليا يارب وخرجو كلهم ودخلت هى الحمام وحطت ايديها على بؤقها وقعدت تصرخ وتعيط وبعد وقت هدية وغسلت وشها وخرجت فتحت الباب براحه وبصت ملاقتش حد خرجت تجرى ونزلت من السلم اللى وراه طلعت تجرى وقفت تاكسى وراحت عن قبر امها وقعدت قصاده وقالت
داليا :- انا تعبانه اوى يا امى كان نفسى تكونى موجوده دلوقتى اترمى فى حضنك واقعد اصرخ أخرج كل الوجع اللى جوايا محتاجه وجودك جنبى يا امى بنتك بتحاول تقف على رجليها بس الحمل زاد اوى عن حده تعبت يا امى تعبت وحطت راسها على قبرها وقعدت تعيط وبعد وقت مسحت دموعها وقالت انا لازم اقوى من تانى يا امى لازم ارجع داليا بتاعة زمان فكره لما قولتى ليا أن لازم اكون قويه لازم متأثرش بالضربه وكل ما الضربه تكون اقوى كل ما اخدها وارجع اقوى من الاول مشيت بكلامك ده طول عمرى لحد ما وقعت فى سكت ادهم بقت كل ضرباته ليا بتضعفنى كل ضربه اقوى من اللى قبلها انا حبيته يا امى ودى اكتر حاجه ضعفتنى اوى يا امى ووقفت وقالت بس بنتك قدها وقدود مبقاش انا داليا سعيد لو مكنتش اعلموا الادب هجيلك اقولك ايه اخبارى اول بأول ولو أن انا عارفه انك شايفه كل حاجه بتحصل ليا وحاسه بيا واحشتينى اوى يا امى ربنا يرحمك يا حبيبتى ومشيت وسابتها وقفت تاكسى وراحت على بيت ابوها مكانش حد لسه وصل دخلت قعدت على الكرسى وقعدت تبص على كل حته فى البيت وهو فاضى ودموعها بتنزل منها وفى الوقت ده الباب اتفتح مسحت دموعها ووقفت
سعيد :- ليه يا بنتى كده خضتينا عليكى
داليا :- اسفه يا بابا بس كنت مخنوقه شويه وعايزه ابقى لوحدى شويه اعيد فيها حساباتى قبل ما اروح الفيلا عند ادهم
سعيد :- بالمناسبه هو مستنيكى تحت بعربيته والشرار بينط من عينيه
داليا :- عارفه انا نازله ليه اهو
سعيد :- خلى بالك على نفسك وطمنينى عليكى علطول
داليا :- حاضر متقلقش عليا خلى بالك من نفسك يا بابا ومن مؤمن وراحت عند مؤمن وحضنته وقالت وانت يا مؤمن خلى بالك على نفسك وعلى بابا
مؤمن :- اتشعلق فى حضن داليا وقعد يعيط فى حضنها وقال خلى بالك انتى من نفسك يا داليا هيواحشنى هزارك انتى مش اختى بس يا داليا انتى امى اللى فتحت عينى عليها
داليا :- بهزار والدموع فى عينيها امك ايه يا ولا ده انت اكبر منى قال امك قال يا شحت انت ده انت اطول منى يا ولا
مؤمن :- ههههههههههه بحبك اوى يا داليا
داليا :- ضمته اكتر ليها وقالت وانا بعشقك يا روح داليا وبسته وسلمت على ابوها ونزلت عند ادهم ركبت العربيه من وراه من غير ولا كلمه
ادهم :- اول ما داليا قفلت باب العربيه شغلها ومشى بالعربيه من غير ما يقول ولا كلمه وراح على الفيلا بتاعته

*********************

إلي هنا ينتهي الفصل الحادى و العشرون من رواية تمرد صحفية بقلم دودو محمد
تابع من هنا: جميع فصول رواية تمرد صحفية بقلم دودو محمد

تابع أيضاً: جميع فصول رواية انتقام ثم عشق بقلم لولو الصياد

تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها

اقرأ أيضا: رواية من أجلك فقط بقلم لولو الصياد