مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة دودو محمد علي موقعنا قصص 26 و موعدنا اليوم مع الفصل التاسع و العشرون من رواية تمرد صحفية بقلم دودو محمد.
رواية تمرد صحفية بقلم دودو محمد - الفصل التاسع و العشرون
اقرأ أيضا: رواية عشق الزين (الجزء الأول) بقلم زيزي محمد
 |
| رواية تمرد صحفية بقلم دودو محمد |
رواية تمرد صحفية بقلم دودو محمد - الفصل التاسع و العشرون
كانت ميرفت نايمه فى حضن حمزه وهى مكسوفه وحمزه كان سعيد ومبسوط باللحظه دى رفع وش ميرفت ليه وابتسم وقال
حمزه :- مبروك عليا انتى يا قلبى
ميرفت :- بكسوف ا.ا.الله يبارك فيك
حمزه :- انا النهارده اسعد واحد فى الدنيا دى بحالها علشان جوازنا بقى حقيقى مش مجرد حبر على ورق وبقيتى مراتى بجد اوعدك انك مش هتندمى عمرك على اللحظه دى وهخليكى اسعد واحده فى الدنيا دى كلها
ميرفت :- احم ر.ر.ربنا يخليك ليا بس كنت عايزه اسألك سؤال
حمزه :- أسألى يا عمرى
ميرفت :- هما أهلك عارفين انك اتجوزت
حمزه :- لاء مجتش فرصه علشان اقولهم بسبب موضوع جواز اختى داليا بس هعرفهم أن شاءالله فى أقرب وقت ومتقلقيش اهلى هيفرحوا اوى بالخبر ده
ميرفت :- انا مش قلقانه منهم بس خايفه يزعلوا منك علشان اتجوزت من غير ما هما يعرفوا
حمزه :- لاء متخفيش أبويه طيب اوى ومدام فيه خير ليا هيفرح علشانى
ميرفت :- ربنا يخليه ليك يارب ولسه هتقوم
حمزه :- شدها فى حضنه وقال رايحه فين وهتسبينى
ميرفت :- احم ه ه.هدخل الحمام اخد شاور
حمزه:- ومستعجله ليه بس هو احنا لسه عملنا حاجه
ميرفت :- ق.ق.قصدك ايه
حمزه :- شدها نيمها على المخده وقرب من شفايفها وبسها برقه وقال يعنى لسه ورانا كلام كتير اوى وبسها فى رقابتها وقال واحتمال تبقى مشاورات وبسها فى خدها وقال واحتمال المشاورات دى تقعد اسبوع وبسها فى خدها التانى وقال أو اسبوعين وبسها برقه تانى على شفايفها وقال او ممكن تكون شهر ولا شهرين خلى المشاورات تاخد وقت وقتها مش مستعجل خالص مالص
ميرفت :- ح.ح.حمزه سبنى ا.ا.اقوم بقى
حمزه :- على جثتى ده انا هخلص فيكى القديم والجديد على اللى عملتيه فيا وجسمى اللى كنتى تملى تخليه مش على بعضه ومولع نار
ميرفت :- والله العظيم انت قليل الادب
حمزه :- اموت انا فيها هههههههه وقرب من شفايفها وبسها بوسه طويله و(سكتت شهرزاد عن الكلام الغير المباح 😉😉)
~•~•~•~•~•~•~•~•~•~•~•~•~•
فى اسكندريه
عند أكرم وفاطمه
كانت فاطمه متعصبه من اللى عملوا أكرم وان هو بسها وعلشان مد أيده على ممدوح وحاولت تنزل من العربيه بس هو منعها وقال
أكرم :- فاطمه انا بح بس فى الوقت ده جه ممدوح وفتح الباب وشد فاطمه من ايديها نزلها من العربيه وقال
ممدوح:- بعصبيه امشى معايا يا فاطمه
أكرم :- نزل ومسك ممدوح من هدومه وقال سيب ايديها فاطمه مش هتمشى معاك
ممدوح :- زقه وقال روح يا شاطر العب بعيد يلا امشى يا فاطمه
أكرم :- انت شكلك بتحب الضرب بقى ولسه هيضربه تانى بالبوكس
فاطمه :- مسكت أيده وقالت بلاش يا اكرم ارجوك
أكرم :- بص على ايديها اللى ماسكه أيده وبعدين بصلها وقال طيب تعالى معايا علشان خاطرى
فاطمه :- مش هينفع انا جيت مع ممدوح وهروح مع ممدوح
أكرم :- بترجاكى بلاش تروحى معاه تعالى انا هوصلك لحد البيت
ممدوح :- ما قالت ليك جت مع ممدوح وهتمشى مع ممدوح مش بتفهم عربى ولا ايه
أكرم :- اللهم طولك يا روح انت طلعتلى من اى مصيبه
ممدوح :- من الفانوس يا ظريف
فاطمه :- امشى يا اكرم دلوقتى ومسكت ايد ممدوح ومشيت معاه
أكرم :- اول ما شاف ايد فاطمه فى ايد ممدوح اتجن وقعد يخبط برجله العربيه وراح ركب عربيته ومشى بيها بسرعه جنونيه مبقاش عارف يروح فين وبعد وقت لاقه نفسه قدام فيلا ادهم بص على الفيلا من بره مده طويله واخد قرار ونزل راح عند الباب ورن الجرس بس محدش فتح ليه جرب كذا مره ومفيش حد فتح فكر أن مفيش حد جوه لف ضهره ولسه هيمشى الباب اتفتح رجع بص تانى لاقه ادهم
ادهم:- فتح الباب لأكرم وسابه ودخل
أكرم :- دخل وقفل الباب وراه لاقه ادهم قاعد على الكرسى بتاعه وعمال يهزه قال ولما انت قاعد وسامع الجرس مقومتش فتحت ليه علطول
ادهم:- بصله ومردش عليه
اكرم:- يا اخى رد عليا بلاش طريقتك المستفزه دى
ادهم :- جاى ليه يا اكرم
أكرم:- قعد على الكنبه بزعل وقال مخنوق يا ادهم وانت اكتر واحد بحكيله طول عمرى ايه اللى مضايقنى
ادهم :- وقف ولع السيجار بتاعه واخد نفس وخرج الدخان فى الهوا وبص على السيجار وقال بتعجب اهو السيجار ده من اغلى أنواع السيجار الكوبي ملهوش اى فايده عندى بنفخه منى بخرج دخانه فى الهوا زى البنأدمين بالظبط ساعات كتير لما بتعمل ليهم قيمه وبتدفع فيهم غالى ويفكروا نفسهم حاجه ويشدوا نفسهم عليك بس بنفخه واحده منى امحيهم من على وش الارض
أكرم :- لو كلامك ده يخصنى انا فشكرآ ليك وانا على فكره من غيرك ولا حاجه مش خوف منك لاء حب ومعزه انت صديق عمرى يا ادهم يعنى لو طلبت عمرى مش خساره فيك انت عندى اغلى من اخويه مكرم انت اللى لما اكون زعلان بجرى عليه اول واحد احكيله وأخرج ليه كل اللى جوايا اوقات كتير مش بنحس بقيمة الناس العزيزه علينا غير لما نحس أنهم هيرحوا مننا
اما بقى بالنسبه لكلامك ده لو لناس تانيه فا مش كلهم وحشين فيه منهم اللى بيحبك بجد ومستعد يضحى حتى بعمره علشانك وفيه ناس أقل من اللى بيتلبس فى الرجلين ودول اللى يستاهلوا كلامك اللى قلته بجد فوق يا ادهم واعرف مين عدوك ومين حبيبك مش الناس كلها بتكرهك وبتتمنى ليك الشر فيه ناس كتير حاوليك بيتمنوا رضاك ومهما عملت فيهم هيفضلوا جنبك ومش هيسبوك وانا واحد منهم
ادهم :- هههههه كله محصل بعضه مش فارقه معايا يا اكرم انتو كلكم بالنسبه ليا ولا حاجه انا اهم حاجه عندى نفسى وبس
أكرم :- بس كده تبقى انانيه منك يا صاحبى
ادهم :- انا واحد انانى ايه المشكله هعيش لوحدى يعنى احسن بكتير لما اعيش فى وسط ناس غشاشه وخداعه
أكرم :- يا ابنى افهم بقى احنا كلنا بنحبك مش معنى فيه ناس بتكرهك يبقى كلنا كده عارف ان اللى شوفته فى حياتك مش قليل وان الغدر بيجى من اقرب الناس ليك بس فكر شويه فينا احنا اللى بنحبك وبنخاف على مصلحتك اقولك على حاجه انا عارف ليه قولت كده علشان داليا طلبت منك الطلاق فى ظروفك دى واتخلت عنك بس هى من حقها تعمل كده انت ظلمتها ووجعتها كتير وده رد فعل طبيعى لواحده اتوجعت منك انا لو مكانها واتعمل فيا ربع اللى انت عملته فيها كنت هرفض اقف جنبك وابعد عنك واسيبك لكل فعل رد فعل يا ادهم
ادهم :- وهو بيدوس على سنانه قال وانت فاكر أن انا هرحمها ده انا هوريها النجوم فى عز الضهر هعرفها مين أدهم الحناوى بجد
أكرم :- يا ابنى حرام عليك انتقمت منها بما فيه الكفايه ارحمها بقى وسبها فى حالها ولا انت اصلا بتعمل كده علشان بتحبها وكبريائك منعك تعترف بده فتعذب فيها اكتر واكتر علشان تخاف منك وتفضل جنبك
ادهم :- سبق وقولتلك انا مبحبش حد غير نفسى كلكم ولا حاجه عندى
أكرم :- بص انا اى كلمه هتقولها دلوقتى مش هاخد عليها عارف ليه علشان انت مخنوق ومضايق من اللى حصلك بس اهم حاجه متنساش خطوبتى يوم الجمعه ان شاءالله هستناك يا صاحبى تقف جنبى فى يوم زى ده عن اذنك وخرج وسابه
ادهم :- بص عليه لحد ما خرج واتنهد بوجع وقعد على الكرسى بتاعه وقعد يهزه ويبص لسقف
~•~•~•~•~•~•~•~•~•~•~•~•~•
مر اليومين بدون احداث تذكر
انتقلت دينا للعيشه مع ادهم فى فيلته وكان رافض ادهم أن دينا تعيش معاه بس بعد كلام كتير من دينا وافق على أنها تعيش معاه والخدامه بدأت عندهم لشغل فى الفيلا
داليا :- لسه حزينه وبتحاول تدارى قدام الكل وجعها نزلت دورت على شغل بس الكل كان بيرفض يشغلها خوف من ادهم
ميرفت وحمزه :- عايشين مبسوطين ونزل حمزه الشغل تانى من جديد
دينا وتامر :- منتظرين موافقة ادهم على جوازهم وكل يوم حبهم لبعض بيكبر
علاء ومنتهى :- بدأت علاقتهم تتوتر بسبب ضغط أهل منتهى عليها علشان يجى يتقدم ورفضه لحد ما أمه توافق على الجوازه دى
سندس ومؤمن :- بيتكلموا يوميآ يطمنوا على بعض وسندس حست بفرق كبير فى حياته بعد دخول مؤمن فيها
خالد وإنعام:- مشين على خطتهم مع ادهم ومنتظرين الوقت المناسب
فادى :- لسه بيتعذب من جواه بسبب حبه لرودى ومش قادر يغفر ليها الخطأ اللى عملته فى حق اخوه ادهم
رودينا :- من ساعة اللى حصل مش بتخرج من البيت وحابسه نفسها فى اوضتها ودموعها على خدها
ممدوح :- أجل سفره لبعد خطوبة فاطمه وقرر يساعد فاطمه فى موضوع أكرم بعد ما اتأكد من حب أكرم ليها
أكرم :- كان حاسس بفرحه كبيره علشان هتبقى خطوبه رسمى وهيموت من الغيره على فاطمه من ممدوح
فاطمه :- كانت حزينه جدآ كانت بتتمنى أن الخطوبه دى تكون بحق وحقيقى مش مجرد تمثيليه على الناس وعلى أهلها
~•~•~•~•~•~•~•~•~•~•~•~•~•
فى فيلا أكرم
بدأت الناس تتجمع لحضور خطوبة أكرم وفاطمه وكان أكرم فى اوضه بيلبس جاكت البدله بتاعته وفى الوقت ده الباب خبط راح فتحه لاقها أخته ايه قال
أكرم :- ايه عايزه ايه
ايه :- صفرت ببؤقها وقالت ايه يا ابنى الحلاوه دى يخربيتك قمر ما شاءالله
أكرم :- شكرآ على رأيك بس انا عارف ان انا جميل من غير ما انتى تقولى
ايه :- يالهووووووى على الغرور من تواضع لله رفعه
أكرم :- ونعمه بالله اخلصى عايزه ايه مش ناقص رخمتك انا
ايه :- انا رخمه صح طيب شوف مين اللى هيروح يشوفلك فاطمه خلصت ولا لاء
أكرم :- ها م.م.مش قصدى قصدى انتى رحمه من عند ربنا ربنا يخليكى ليا يا قمر منور سمايا
ايه :- والله على فكره بقى باين اوى عليك انك مأفور
أكرم :- خلصى بقى يا يويو روحى شوفى طمطم خلصت ولا لاء
ايه:- تدفع كام
أكرم :- اللى انتى عايزاه يا رخمه
ايه :- امممممم تعزمنى على العشا بعد الخطوبه اصل عصافير بطنى بتصوصو وماما قافله على الاكل معرفش ليه
أكرم :- هههههههه ماشى يا طفسه اخلصى بقى
ايه :- عونيا الجوز وسابته ومشيت وراحت عند اوضت فاطمه وخبطت على الباب وقالت بغنى
عم يا عم الحج جوزني بنتك أعم الحج، عم الحج ياعم الحج أنا شوفتها و القلب أترج.
عم الحج ياعم الحج قولي موافق مش هحتج، على قدي وظابط حالي ويا عمي أحلف بحياتك المهر عليا غالي.
لو بنتك تبقى حلالي والله لأسعد أوقاتك، لو بتك تبقا حلالي والله لاسعد آوقاتك.
دي الدنيا أنا شقيان فيها واللقمة انا بجري عليها انا حلم حياتي يا عم بنتك ديا أهنيها
دي الناس كلها محتاجة وبقول ربي يقويني و بقول ربــي يقويني
العفش مش كل حاجة ده انا حالف اشيلها في عيني وفي بيتي لازم أستتها وهكمل نص ديني
عم الحج جوزني بتك أعم الحج أنا شوفتها و القلب أترج قولي موافق مش ححتج
ممدوح :- فتح الباب وبص ليها بأستغراب
ايه :- من انت يا عم الحج
ممدوح :- انا اللى كنتى بتغنيله
ايه :- نعم مين انت اخلص
فاطمه :- من جوه سيبها تدخل يا ممدوح متغلسش عليها
ممدوح :- وسع ليها الطريق وقال اتفضلى يا مطربه بس بالحق مين اللى كنت بتغنيله ده
ايه :- حمو بيكا فتا احلام كل بنات مصر
ممدوح :- رفع حواجبه بأستغراب وقال حمو بيكا
ايه :- ايه ده انت متعرفهوش ولا ايه
ممدوح:- لاء محصليش الشرف اصل انا عايش فى تونس مش هنا
ايه :- ازاى متعرفهوش وقالت بصوت منى ذكى فى المسرحيه ده مشهووووور اوووووى
ممدوح :- انتى بتتكلمى كده ليه قرفانه من حاجه ولا عندك اللوز تعبانه
ايه :- هههههههههه لاء ده انا بقلد منى ذكى فى المسرحيه
ممدوح:- ههههههههه عارف انا مش منقرض لدرجاتى اكيد عارف المسرحيه
فاطمه :- هو فيه ايه انتو بتتعرفوا على بعض على الباب ولا ايه
ايه :- يا نهار ملحوس العروسه نسيتها ودخلت تجرى
ممدوح :- بص عليها بأبتسامه ودخل وراها عند فاطمه
فاطمه :- انتو كنتوا بتعملوا ايه كل ده
ايه :- سيبك انتى ده انتى طالعه موووووووزه ربنا يستر على الولا لما يشوفك والصراحة ويستر عليكى انتى كمان لما تشوفى كرومتى حتة تشيز كيك يهبل ابن اللذينه طالع ليا
فاطمه :- اه طبعآ ومين يشهد للعريس غير أخته
ممدوح :- أخته انتى اخت المعتوه اللى جوه ده
فاطمه وايه :- فى صوت واحد معتوه فى عينك
ممدوح:- فيه ايه منك ليها ده انا حسيت للحظه انك انتى وهى رايا وسكينه
ايه :- بصوت رايا متخفيش يا شابه ده احنا هنريحوكى
فاطمه :- بغنى حسره عليها يا حسره عليها ما جت رجليها ما جت رجليها
ممدوح :- وانا حسب بالله هههههههههه
ايه وفاطمه :- ههههههههههه
ممدوح :- لاء بجد انتى ازاى اخت أكرم ده فيه فرق جامد ما بينكم
ايه :- لاء بالعكس انا طالعه كلى شبه أكرم حتى فى طريقة الكلام واحد بس الحاجه الوحيده المختلفه ما بينا العيون الملونه بس بالنسبه ليا مش فارقه لان بجيب لينسيز نفس لون عيونه وبحطها ابقى نسخه منه بالظبط
فاطمه :- انتى اصلا عسل يا يويو من غير اى حاجه
ايه :- شكرآ يا طمطم ده من ذوقك وبعدين قالت نهار اسوح وملحوس بنوتيلا ده انا نسيت انا جايه هنا ليه
ممدوح :- وهو ماسك ضحكته قال وانتى كنتى جايه ليه يا نوتيلا
ايه:- علشان اكرم عايز يعرف اذا كان فاطمه خلصت ولا لاء وبعدين بصت لممدوح وقالت الله نوتيلا هييييييييح دى العشق كله ميرسى ليك بجد انك أطلقت عليا الاسم ده يا اخ
ممدوح :- أسمى ممدوح وبيدلعونى ويقولو ليا يا توحه
ايه :- عاشت الاسامى يا ممدوح وبعدين بصت لفاطمه وقالت ها خلصتى ولا لسه
فاطمه :- انا خلصت من بدرى يا بنتى انتى شايفه حد موجود فى الاوضه غيرنا احنا التلاته
ايه :- لاء هههههههههه هروح ابلغ كرومتى بقى علشان يجى يخدك
ممدوح.:- اللى بياخد ربنا مش كرومتك
ايه :- بعد الشر عليها مين ده يا طمطم
فاطمه :- احيه بقالك ساعه بتتكلمى معاه ومش عارفه هو مين
ايه :- وانا هعرف منين الاخ توحه ده يبقى مين
فاطمه :- ابن عمى وأخو
ممدوح :- قطع كلامها وقال وأخو بنت عمها شوفتى الصدف بقى
ايه:- ياااااه صدفه غريبه فعلا أن ابن عمها يبقى اخو بنت عمها انا كبهير انبهرت الصراحه
فاطمه :- ههههههههه روحى شوفى اخوكى احسن زمانه ولد هناك
ايه:- اه صح اخويه نسيته عن اذنكم وخرجت تجرى من الاوضه راحت بلغت أكرم أن فاطمه جهزت خلاص
ممدوح :- البنت دى غريبه جدآ سبحان الله يعنى شكلها يقول انها هاديه بس أفعالها مجنونه وشعنونه جدآ
فاطمه :- ايه دى عسل دمها خفيف اوى تحب الضحك والهزار وروحها حلوه
ممدوح :- روحها حلوه طيب اتنين بيره للمرحومه هههههههه
فاطمه :- هههههههههه اتلم يا غلس
ممدوح:- وربنا طالعه زى قمر لاء زى القمر ايه انتى القمر نفسه
فاطمه :- قامت حضنته وقالت ربنا يخليك ليا يارب يا توحه
وفى الوقت ده جه أكرم واتغاظ وداس على سنانه وقال
أكرم :- انا جيت فى وقت مش مناسب ولا حاجه
فاطمه :- بعدت عن ممدوح وقالت حاجه زى كده
أكرم :- مسك دراعها وقال بغيظ وعامله عليا شريفه وزعلتى اوى لما بوستك ما انت مقضيها اهو
ممدوح :- اتغاظ وشد أيده بعدها عن فاطمه وقال لو سمعتك قولت كده تانى هندمك على اليوم اللى اتكتب فى بطاقتك ذكر فاطمه اشرف منك ومن عشره زيك
فاطمه :- وهى حابسه دموعها فى عينيها قالت سيبه يا ممدوح ده واحد حمار مش بيفهم وعمومآ انت اخرك معايا النهارده تخلص الخطوبه وكل واحد مننا فى طريق
أكرم :- بغيظ احسن برضه اتفضلى امشى
فاطمه :- مشيت قدامه وخرجت من الاوضه
ممدوح :- صعبت عليه فاطمه واتنهد وقال يخربيت غبائك راجل فى حد يلاقى حد بيحبه كده وميخدش باله اللهى تنشك فى معاميعك يا بعيد وخرج وراهم
فاطمه :- قعدت فى المكان المخصص ليها هى واكرم من غير ولا كلمه
وفى الوقت ده وصلت داليا ومنتهى مع بعض وراحوا عند فاطمه
فاطمه :- اول ما شافتهم طلعت تجرى عليهم ودموعها نزلت منها وقالت واحشتونى اوى انا مبسوطه انكم جيتوا النهارده
منتهى :- واحنا نقدر منجيش ليكى فى يوم زى ده يا بطه مبروك يا حبيبتى ربنا يسعدك ويهنيكى يارب
داليا :- مسحت دموع فاطمه وقالت وبعدين فى عروسه زى القمر كده تعيط
فاطمه :- كنت محتاجكم بجد جنبى فى وقت زى ده
داليا :- احنا طول عمرنا جنب بعض على المره قبل الحلوه وهنفضل علطول كده.يا طمطم وراحت عند اكرم وسلمت عليه وقالت مبروك
أكرم :- الله يبارك فيكى يا داليا عقبال ما ربنا يصلح ما بينك وبين أدهم الحال وترجعوا لبعض
داليا :- مش وقته الكلام ده يا اكرم
منتهى :- مبروك يا اكرم
أكرم :- الله يبارك فيكى يا منتهى
داليا :- روحى يا طمطم اقعدى جنب خطيبك
فاطمه :- لاء انا عايزه اقعد معاكم انتو
منتهى :- انتى عبيطه يا بنتى روحى يا فاطمه ربنا يهديكى وانتى شبه الاطفال كده
فاطمه :- طيب خليكم قاعدين للآخر علشان عندى كلام كتير اوى عايزه اقولوا ليكم ومحتاجه اعرف كل اللى فات عنكم
داليا :- هههههههه اللى فيه طبع عمره ما يبطله روحى اقعد يا حشريه ههههههههه
فاطمه :- الله يحرقكم واحشتونى يا شله نحس
منتهى :- فى دى عندك حق نحس وبالثلث كمان ههههههههه
داليا :- بس اهم حاجه أن خلاص فاطمه هتتجوز دى كانت قرفانه بموضوع الجواز ده هههههههه
فاطمه :- بصوت واطى اللى ميعرفش يقول عدس وسابتهم وراحت قعدت جنب أكرم من غير ولا كلمه
داليا:- هو الفرح ده مفيهوش حاجه تتشرب ولا ايه
ممدوح :- تحت امرك يا فندم
داليا :- توحه عامل ايه يا ولا مالك طولت كده وبقيت أطول مننا كلنا
ممدوح :- وحياة امك ما انا طول عمرى اطول واحد فيكم يا شلة اوزعه كلكم وبص لمنتهى وقال اذيك يا توته
منتهى :- الحمدالله يا ممدوح اتجوزت ولا لسه
ممدوح :- لاء لسه عندك ليا عروسه
داليا :- دى مين دى اللى هترضى بيك
ممدوح :- ليه بقى أن شاءالله ما انا شاب حليوه وجسم رياضى ومفتول العضلات اهو
داليا :- مفتول ايه يا اخويه يا ابن فوق دا انا طول عمرى بدافع عنك وبضرب العيال لما يجوا يضربوك فى المدرسه خلينى ساكته بقى
ممدوح :- يا كسوفك يا توحه اخبى وشى فين يا توحه طااااب يا جماعه شرفتوا وانستوا ولسه هيمشى
داليا :- استنا هنا يااض هات لينا حاجه نشربها
ممدوح :- يا سلام انت تأمر يا جميل وسابهم ومشى
منتهى :- دمه خفيف زى ما هو متغيرش
داليا :- توحه نسخه من فاطمه يحب الضحك والهزار علطول
وفى الوقت ده دخل أدهم بكل هيبه وراح عند اكرم وقال
ادهم :- مبروك
أكرم :- من الفرحه قام نط وراح حضن أدهم وقال الله يبارك فيك يا صاحبى مش مصدق نفسى انك جيت
ادهم :- انا جيت ابارك ليك وماشى علطول
أكرم :- طيب خليك شويه لحد ما البس الدبل حتى
ادهم:- لاء انا ماشى
داليا :- اول ما شافت ادهم داخل اتوترت
منتهى :- اخدت بالها من توتر داليا وقالت مالك يا بنتى فيه ايه
داليا :- بصى عند فاطمه واكرم
منتهى :- بصت لاقت ادهم وقالت ادهم غريبه دى اللى انا اعرفه أن فيه مشاكل بينه وبين أكرم
داليا :- ايوه دى حاجه غريبه
ممدوح :- جاب العصير وقال احلى عصير لاحلى مزز فى الفرح كله ده انا دفعت فيه دم قلبى وحياتكم
داليا :- انت هتصيع علينا ده من البوفيه يا اخويه
ممدوح :- ايه ده بجد
داليا :- بتوتر اه بجد
ممدوح :- استرى على اخوكى اللهى تنسترى
منتهى :- متقلقش محدش هيعرف انك بتاع اشتغالات هههههههه
ممدوح :- مد أيده وقال خدوه العصير بقى
داليا :- اخدت العصير وهى بتبص على ادهم وهو ماشى بس مع توترها وقع من ايديها
ممدوح :- اتخض عليها لما شاف خضتها ومشى أيده على دراع داليا وحسس عليه وقال أهدى يا داليا حصل خير مفيش حاجه تستاهل خضتك دى
ادهم :- اول ما شاف ايد ممدوح على دراعه اتغاظ وراح عند داليا ومسكها من دراعها وجرها وراه من غير ولا كلمه
ممدوح :- لسه هيروح وراهم
منتهى :- استنا يا ممدوح ده جوز داليا
ممدوح :- هى داليا اتجوزت
منتهى :- ايوه بس فيه شوية مشاكل ما بينهم
ممدوح :- اااااه علشان كده ربنا يصلح حالهم يارب وانتى يا توته متجوزتيش
منتهى :- لاء لسه ولا حتى اتخطبت
ممدوح :- حطى خيبتك على خيبتى يا اختى
منتهى :- ههههههههه حطتها يا اخويه حطتها
عند داليا وادهم
ادهم :- كان عمال يسحب داليا من ايديها من غير ولا كلمه
داليا :- ايديها وجعتها وقالت سيب ايدى يا حيوان
ادهم :- كان ماشى من غير ولا كلمه
داليا :- حاولت تسحب ايديها من أيده وقالت سيب ايدى بقولك وقربت أيده من بؤقها وعضته
ادهم :- وقف وساب ايديها ومسك أيده بص على مكان العضه
داليا :- مسكت ايديها ودعكتها بألم من مسكت ايد ادهم وقالت انت عايز ايه مش خلصنا بقى وكل واحد راح فى طريق
ادهم :- ههههههههه خلصنا انت لسه شوفتى حاجه منى
داليا :- هو انت لسه فيك النفس بعد كل اللى حصلك ده يخربيت كده لسه جبروت زى ما انت
ادهم :- انا عمرى ما انكسر انا اكسر بس انا ادهم الحناوى يا بتاعه انتى
داليا :- وانا داليا سعيد يا ادهم اللى مفيش حد فى الدنيا دى يقدر يكسرها حتى انت يا ادهم يا حناوى
ادهم :- قرب منها وقال خليكى بقى قد كلامى وامشى قدامى
داليا :- امشى فين معاك انت عبيط ولا بتستعبط
ادهم :- لمى لسانك وهتمشى معايا بصفتى جوزك
داليا :- نعم يا اخويه جوزى ازاى ما انت طلقتينى فى القسم ولا ناسى
ادهم :- هههههههه لاء فاكر بس حسيت أن انا مزاجى عايز يرجعك رديتك تانى لعصمتى
داليا :- وازاى تعمل كده.من غير ما تقولى انا بكرهك ومش عايزه اعيش معاك يا بارد
ادهم :- مزاجى بقى اللى عايز كده لتكونى زعلتى علشان عايزه تقضيها مع كل واحد شويه
داليا :- لم لسانك يا ادهم انا اشرف منك مليون مره
ادهم :- والله بأمارة اللى كان بيحسس على دراعك ده لاء فعلا شريفه اوى
داليا :- تصدق احسن حاجه أن الواحد يتجاهل امثالك ولسه هتمشى
ادهم:- مسكها من دراعها وقال رايحه فين انتى هتروحى معايا
داليا :- بعيد عن شنبك يا ادهم انا هروح بيت أبويه وأعلى ما فى خيلك اركبه وشدت ايديها من ايد ادهم وسابته ومشيت
ادهم :- اتعصب وقال ماشى يا داليا ورجع تانى الخطوبه
داليا :- دخلت تجرى على الحمام ودموعها نزلت منها وبصت على نفسها فى المرايا وضحكت بحزن وقالت اعمل انا ايه دلوقتى افرح علشان رجعنى تانى لعصمته ولا ازعل علشان رجعت لذول والاهانه والوجع من جديد افرح أن هعيش من تانى جنبه ولا ازعل علشان كل مره اشوفه فيها يقلل من قمتى ويكسرنى ااااه يا وجع قلبى منك يا ادهم واتنهدت ومسحت دموعها وظبطت الميكاب بتاعها وخرجت من الحمام لاقته قاعد بصت ليه وسابته ومشيت راحت عند ممدوح ومنتهى
ممدوح :- ايه ده هو انتى لسه عايشه ده انا قولت انك موتى والحمدلله
داليا :- لاء عايشه وقعده على قلبك كمان
ممدوح:- يا سلام وانا اطول لما الجمرايه دى تقعد على قلبى وتربع واااااااه يا قلبى ااااه يا قلبى الواد ده جراحنى فى قلبى اااااه يا قلبى
منتهى وداليا :- ههههههههههه
ادهم :- كان بيتابع اللى بيحصل مع داليا ومتغاظ من ممدوح وبيدوس على سنانه بغيظ
عند أكرم وفاطمه
راحت ايه عندهم وقالت
ايه :- وحدوووووووه
أكرم وفاطمه :- لا إله إلا الله
ايه :- فيه ايه يا جماعه ده انتو لو كنتو قاعدين فى عزاه كنتو هتضحكوا شويه
فاطمه :- نضحك على ايه يعنى
أكرم :- بص بغيظ لفاطمه وقال اه هنضحك على ايه
ايه :- اضحكوا عليا انا اعتبرونى اراجوز
أكرم :- ايه امشى ابوس ايدك مش ناقصه غلاستك
ايه :- لاء بجد شكلكم باين أن فيه حاجه وناس فرحانه اوى بكده وبصت على جاسمين وقالت بلاش تدو الفرصه ليها تفرح فيكم
فاطمه :- والله شئ ميخصنيش تفرح بقى ولا متفرحش ربنا يخلصنا بقى من ام دى حكايه
ايه :- قصدك ايه بيخلصك من ام دى حكايه مش فاهمه
أكرم :- داس على سنانه وقال يارب يا اختى نخلص بقى
ايه :- هو فيه ايه انتو الاتنين
فاطمه واكرم :- فى صوت واحد مفيش
ايه :- بصت ليهم هما الاتنين وهزت كتفها بأستغراب ومشيت وسابتهم
أكرم :- بص لفاطمه بغيظ وقال كلها كام ساعه ونخلص بقى
فاطمه :- بغيظ دول هيبقوا اتقل كام ساعه فى حياتى
أكرم :- اه ما هو علشان رجعلك حبيب القلب من جديد
فاطمه :- ايوه بالظبط زى ما قولت كده ممدوح مش بس حبيب قلبى لاء ده روحى من جوه
أكرم :- داس على سنانه وقال اهو عندك اشبعى بي وفى الوقت ده امه جابت الشبكه وقالت
وفاء :- لبس الشبكه يا عريس
أكرم :- بص بقرف لفاطمه واخد الشبكه من ايد أمه وبدء يلبسها واحده واحده والكل فرحان وهى لبسته الدبله مع الصور ومره واحده الموسيقيه وقفت وسمعوا صوت فى الميكرفون بص لاقه ابوه بيتكلم وبيبارك ليه على خطوبته من فاطمه ووصاه عليها وبارك لفاطمه ووصاها عليه وقال
منير :- الكل ينتبه ليا هنا اولا ببارك لابنى حبيبى ونور عينى على الخطوبه السعيده دى وبتمنى ليك السعاده والهنا تملى واياك تزعل عروستنا القمر دى من هنا ورايح انا اللى ابوها واى حاجه تعملها وتزعلها فيها انا اللى هقف ليك مش ابوها وانتى يا عروستنا الواد أكرم ده شليه فى عيونك اصل الولا ده طيب اوى اوى طول عمره مش علشان ابنى لا والله بس أكرم اطيب قلب فى ولادى حطيه فى عينك فاهمه وهديتى ليكم مع الاتفاق مع ابو العروسه كتب كتابكم النهارده ايه رأيكم فى المفاجئه دى
أكرم وفاطمه :- بصوا لبعض بصدمه
فاطمه :- بصت كتير لأكرم وقالت استنا كده يمكن مقعش واغمى عليها الكل اتخض وجرى عليها
أكرم :- بضحك لا متخافوش اوى كده انا متعود على كده وشالها حطها على الكرسى وفوقها بالرفان اللى جبته ايه
فاطمه :- بصت حاوليها وقالت هو ايه حصل
أكرم :- كالعاده يعنى اغمى عليكى
فاطمه :- استنا بس هو اللى انا سمعته ده حقيقى ولا كنت بحلم
داليا :- هههههههههه حقيقى يا متخلفه خضتينا عليكى
أكرم :- عادتها ولا هتشتريها
منتهى :- هههههههه عندك حق متبقاش فاطمه لو مكانش يغمى عليها
ممدوح :- سلامتك يا قلبى وقرب من ودنها وقال مكتوبالك يا بنت المحظوظه
أكرم :- بغيظ ياريت يا اخ انت شوية هوا وزقه بعيد عن فاطمه
منير :- طيب يلا يا جماعه علشان المأذون مستنى
فاطمه :- لاء مأذون ايه استنوا بس
أكرم :- قومى معايا يا فاطمه عايزك فى كلمتين
فاطمه :- اتنهدت وراحت مع اكرم وقالت افندم عايز ايه
أكرم :- انا عارف ان الطلب ده صعب عليكى بس ارجوكى وافقى على كتب الكتاب
فاطمه :- انت عبيط يا اكرم ولا شكلك كده احنا اتفقنا كان على خطوبه لحد ما الزفته بنت عمك تمشى وبعد كده كل واحد فى طريق بس كتب كتاب وجواز وطلاق متفقناش عليهم
أكرم :- طيب هنرفض دلوقتى قدام الناس دى كلها ازاى ولو قولنا الحقيقه الفضيحه هتبقى ليكى انتى علشان انتى بنت
فاطمه :- يا سلام يعنى انا كده ادبست
أكرم :- مش قدامنا غير أن احنا نوافق
فاطمه :- انا اللى غلطانه من الاول لما وافقت العب معاك اللعبه دى
أكرم :- يلا علشان منتأخرش عليهم اكتر من كده ومشى قدامها وهو حاسس بفرحه
فاطمه :- بصت عليه وهو ماشى واتنهدت وقالت ايه اللى بيحصلى ده ياربى لما نشوف الايام مخبيه ايه ومشيت راحت قعدت مكانها وقعد أكرم قصاد ابوفاطمه وحطوا أيديهم فى ايد بعض وبدأوا يقولوا وراه المأذون وفى الاخر قال المأذون الدعاء بتاعه واخد ممدوح الورق ومضت عليه فاطمه وبارك لفاطمه وسلم أكرم على ابو وعلى ابو فاطمه وباركوا ليه وراح عند فاطمه وقال
أكرم :- مبروك يا فاطمه
فاطمه :- مبروك على نجاح التمثيليه ولا مبروك على ايه بالظبط
أكرم :- لاء مبروك علشان بقيتى مراتى
فاطمه :- وانت مصدق نفسك مصدق كلامك ده ما انت عارف وانا عارفه انها لعبه اتفاق وفى الاخر كل واحد هيروح فى طريق
أكرم :- وليه كل واحد يروح فى طريق فاطمه انا بح
وفى الوقت ده بتاع الدجى طلب من فاطمه واكرم أن هما يجوا يقفوا على الاستدچ علشان يبدأو بالرقصه السلوا
أكرم :- لعن الحظ اللى تملى يقاطعوا وقام وقف واخد فاطمه وحط أيده فى وسطها وهى حطت ايديها على كتفه بتوتر وبصت فى الارض وهى مكسوفه وبدأت ترقص مع اكرم على انغام الموسيقى
فاطمه :- كانت مش عارفه تفرح ولا تزعل من اللى حصل ده بس كل اللى كانت حاسه بي قلبها اللى بيدق جامد من قرب أكرم ليها
أكرم :- مالك
فاطمه :- من غير ما تبص ليه مفيش
أكرم :- طيب ليه بتبصى فى الارض ومش بصه ليا
فاطمه :- عادى يعنى
أكرم :- بصي ليا يا فاطمه
فاطمه :- رفعت وشها وبصت فى عيون أكرم وبلعت ريقها بصعوبه وقالت بتوتر ن.ن.نعم
أكرم :- وهو بيبص فى عيونها قال فاطمه انا بح
بس قطعه تانى الدجى وطلب من الكابلز يشاركوا فى الرقصه
أكرم :- بغيظ لاء ده مستقصد امى بقى
فاطمه :- هو مين ده
أكرم :- ها ولا حاجه
عند داليا
كانت واقفه بتتفرج على أكرم وفاطمه ومبسوطه علشانهم وفى الوقت ده جه ممدوح وقال
ممدوح :- ممكن القمر العسل ده يتكرم ويجى يرقص معايا
داليا :- مش خايف الناس تحسدك عليا
ممدوح :- يا واد يا واثق انت
داليا :- هههههههه امال ايه يا ابنى ده انا داليا سعيد
ممدوح :- تبآ لتواضعك
داليا :- هههههههه وراحت معاه وبدأوا يرقصوا مع بعض تحت نظرات ادهم الناريه
ممدوح :- هو انتى مش بترقصى مع جوزك ليه
داليا :- مزاجى كده ههههه
ممدوح :- مزاجك كده ايه هو احنا بنحشش
داليا :- ههههههههه لاء اكتر من الحشيش وحياتك هههههههه
ممدوح :- اقولك على حاجه انا حاسس ان عمرنا قرب ينتهى على ايد جوزك
داليا :- ليه
ممدوح :- جوزك فضله تكه ويطلع نار شبه التنين بعيد عنك ده بيبص ليا بصه لو متجوز أمه مكانش بصها ليا كده
داليا :- بصت على ادهم وبعد كده بصت لممدوح وقالت تصدق عندك حق هههههههههه الله يرحمك يا توحه
ممدوح :- وصيتك هيفاء وهبى اصل انا بحبها اوى
داليا :- نانسى عجرم احلى على فكره ههههههه
ممدوح :- عارف بس عايش على أمل أن انا لما اشوفها تقولى أن انا صاحب رجب اللى كانت بتغنى ليه رجب حوش صاحبك عنى رجب صحبك جنينى اهو انا صحبه ده اللي جنينها بقى
داليا :- لاء انت رايحه منك على الاخر يا توحه متسكتش على نفسك يا ابنى وروح اتعالج
ممدوح :- اه ما انا هروح اتعالج فعلا بس من الكسور اللى هتحصل ليا على ايد جوزك اللى جاى علينا حالا
داليا :- بتبص لاقت ادهم جاى عليهم ومسكها من دراعها شدها وراه ومسك ممدوح وقعد يضرب فيه والناس اخدوه منه بالعافيه
ادهم :- شد داليا من ايديها وراه واخدها معاه فى العربيه ومشى بيها من غير ولا كلمه
داليا :- نزلنى يا حيوان بقولك نزلنى
ادهم :- مردش عليها وزود سرعة العربيه وبعد وقت وصل الفيلا بتاعته ونزل وفتح الباب عند داليا وشدها من دراعها نزلها وجرها وراه وفتح الباب وحدفها فى الارض
دينا :- اتخضت وقالت ايه ده داليا فيه ايه يا ادهم
ادهم :- اسكتى انتى يا دينا مسمعش نفسك
دينا :- طيب افهم بس فيه ايه
ادهم :- ديناااااااااا
دينا :- بصت ليه بخوف وسكتت
داليا :- انت واحد معندكش دم ولا عندك ريحة الذوق
ادهم :- اه معنديش دم علشان قطعت وصلة المسخره اللى بينك وبين البنأدم التافه ده صح
داليا :- لآخر مره بقولك انا محترمه احسن من عشره زيك والمسخره دى انت اللى تعرفها مع بنات الليل اللى بتسهر معاهم يا ادهم
ادهم :- لاء اقنعتينى الصراحه انك واحده شريفه
داليا :- والله مش مشكلتى تقتنع ولا لاء المهم انا مقتنعه بده
ادهم :- ماشى يا داليا انا هوريكى النجوم فى عز الضهر وقال لدينا تطلب ليه فنجان قهوه وتطلعه عنده فوق وسابهم وطلع على اوضه
دينا :- راحت عند داليا وقالت معلش متزعليش ادهم عصبى شويه بس طيب والله العظيم
داليا :- ميهمنيش اذا كان طيب ولا لاء انا عايزه اخلص من الجوازه الهم دى بقى
دينا :- استهدى بالله بس واطلعى اوضك وان شاءالله يتصلح حالكم انتو الاتنين وهجيب ليكى عصير تشربيه
داليا :- أن شاءالله ربنا هيخلصنى منه قريب وسابتها وطلعت على اوضتها
دينا :- راحت طلبت من الخدامه واحد قهوه وواحد عصير وتطلعهم فوق فى اوضت أدهم واوضت داليا وراحت قعدت على الكرسى وكملت كلامها مع تامر
تامر :- قفلتى ليه فيه حاجه حصلت ولا ايه
دينا :- ده ادهم جايب داليا معاه تانى شكله ردها ليه غصب عنها
تامر :- اخوكى ده مش ناوى يتهد شويه على خلق ربنا
دينا :- تامر اتكلم عدل على ادهم اخويه
تامر :- حاضر بس بجد اخوكى غريب جدآ الغرور والكبرياء اللى عنده مشوفتهوش عند حد أبدآ وده هيضيع حاجات كتير من بين أيده مش هيحس بقيمتها دلوقتى خالص
دينا :- عارفه والله بس أدهم طيب اوى فوق ما تتصور بس محتاج حد يفهموا كويس
تامر :- ربنا يهديه بس خلى بالك على داليا يا دينا دى اخت صاحب عمرى وهى زى اختى بالظبط
دينا :- داليا فى عينيا يكفى انها هى الوحيده اللي وقفت جنبى وقت شدتى
تامر :- يسلملى ابو قلب طيب
دينا :- باى بقى بدل ابو قلب طيب يتكسر على ايد ابو قلب قاسى
تامر :- قصدك ادهم صح ههههههه
دينا :- بهزر طبعآ
تامر :- يا خراشى على ام الرقه دى يا ناس
دينا :- باى يا عم النحنوح وقفلت السكه وقعدت تضحك
~•~•~•~•~•~•~•~•~•~•~•~•
فى الحفله
بعد ما الكل اطمن على ممدوح كل حاجه رجعت لطبيعتها وقعدوا فاطمه واكرم على الكرسى وقال
أكرم :- والله مش خساره فيه العلقه اللى اخدها ادهم فش غليلى الصراحه
فاطمه :- اللهى يتشل فى أيده اللى ضربه بيها بنأدم همجى معندهوش رحمه الله يكون فى عون داليا منه الصراحه
أكرم :- بعد الشر على ادهم انشالله الرخم ده يارب
فاطمه :- متدعيش على ممدوح لو سمحت
أكرم :- وانتى متدعيش على صاحبى لو سمحتى
فاطمه :- ده صاحب ده ده واحد ميعرفش غير مصلحته وبس
أكرم :- ملكيش دعوه انا راضى وقال بصوت واطى ياريت كان طلع روحه وخلصنا منه للابد
عند ممدوح
كان نايم على الكنبه فى الفيلا وايه قاعده جنبه وحطه ليه تلج على وشه وبتحاول تكتم ضحكتها على منظره
ممدوح :- ااااه ما براحه يا ست الكتكوته انتى بتعملى وشى عصير ولا ايه
ايه :- احم سورى
ممدوح :- انتى كاتمه ضحكتك ليه اضحكى يا اختى اضحكى ما انا كنت مضحكه لناس كلها
ايه :- هههههههههه لاء الصراحه مش قادره منظرك فظيع هههههههههه وداست بالتلج على وشه جامد
ممدوح :- ااااااه العن ابو كده هاتى البتاع ده انا اللى همسكه واخد منها التلج وحطه هو على وشه
ايه :- ده انت وشك عايز إعادة تأهيل من اول وجديد ههههههههههه
ممدوح :- اشوف فيك يوم يا الا بحق اسم الاخ اللى ضربنى ده ايه
ايه :- ههههههههههه ادهم الحناوى
ممدوح :- اشوف فيك يوم يا ادهم يا ابن الحناوى يارب على وشى اللى باظ ده اسافر ازاى انا بوش المجرمين ده يقولوا عليا ايه بنات تونس اقصد أهل تونس يقولوا أن انا روحت اضربت فى بلدى وجيت يا شماتة شباب تونس فيا يا اختييييييييي
ايه :- ههههههههههه احسن شكلك مش سهل وبتاع بنات
ممدوح :- انا ده انا غلبان
ايه :- فعلا ما هو واضح اهو
ممدوح :- مفيش مرايا فى ام الفيلا دى
ايه :- ليه
ممدوح :- عايز اشوف وشى
ايه :- بلااااااش
ممدوح :- لاء عايز اشوف وشى
ايه :- قولتلك بلااااااش
ممدوح :- انتى مالك هو وشى ولا وشك انتى
ايه :- انت حر هطلع اجبلك مرايا من اوضى بس افتكر أن انا قولتلك بلاش وسابته وطلعت على اوضتها بس مره واحده صرخت وقالت حد يلحقنى بسرررررررعه
*********************
إلي هنا ينتهي الفصل التاسع و العشرون من رواية تمرد صحفية بقلم دودو محمد
تابع من هنا: جميع فصول رواية تمرد صحفية بقلم دودو محمد
تابع من هنا: جميع فصول رواية تمرد صحفية بقلم دودو محمد
تابع أيضاً: جميع فصول رواية انتقام ثم عشق بقلم لولو الصياد
تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها
أو أرسل لنا رسالة مباشرة عبر الماسنجر باسم القصة التي تريدها
اقرأ أيضا: رواية من أجلك فقط بقلم لولو الصياد
إرسال تعليق
يسعدنا تلقي اقتراحاتك أو تعليقك هنا