قصص رومانسية جريئة ممنوع دخول الأطفال

مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة دودو محمد علي موقعنا قصص 26 و موعدنا اليوم مع الفصل الثالث و الثلاثون من  رواية تمرد صحفية بقلم دودو محمد. 

رواية تمرد صحفية بقلم دودو محمد - الفصل الثالث و الثلاثون

اقرأ أيضا: رواية عشق الزين (الجزء الأول) بقلم زيزي محمد

رواية تمرد صحفية بقلم دودو محمد

رواية تمرد صحفية بقلم دودو محمد - الفصل الثالث و الثلاثون

فى بيت منتهى

وصل علاء على بيت منتهى ورن الجرس بتاع الباب وفتحت ليه ام منتهى ورحبت بيه ودخلته اوضت الصالون وقعدته وراحت بلغت ابو منتهى وبعد كده راحت لمنتهى فى اوضتها

ام منتهى :- دخلت الاوضه عند منتهى وقالت علاء جه بره
منتهى :- بتوتر عارفه بس ربنا يستر انا خايفه من بابا ليقول ليه كلمه تزعله
ام منتهى :- كلمت ابوكى قبل ما علاء يجى وطلبت منه بلاش يشد معاه
منتهى :- يعنى انتى مش عارفه بابا يا ماما وعارفه دماغه
ام منتهى :- عارفه يا بنتى اهو عملت اللى عليا ربنا يستر بقى
منتهى :- طيب روحى شوفيهم يا ماما وحاولى تهدى الأمور ما بينهم
ام منتهى :- ماشى يا حبيبتى وخرجت وسابتها
منتهى :- راحت وقفت وراه باب اوضتها وفتحته فتحه صغيره وبصت منه على اوضت الصالون علشان تشوف علاء وكان قاعد قصاد الباب علطول وشافته واتنهدت وقالت ربنا يهديك يا بابا عليه

فى اوضت الصالون

ابو منتهى :- وحضرتك لسه فاكر تيجى تتقدم لبنتى دلوقتى بعد ما الناس أكلت وشى علشان شافوه بنتى معاك فى الحفله
علاء :- كان عندى ظروف تمنعنى أن اجى اتقدم لبنتك
ابو منتهى :- والظروف دى مظهرتش غير بعد فضيحة بنتى ولا حجه علشان تتهرب من الموضوع
علاء :- داس على سنانه بغيظ وقال لو كنت عايز اتهرب من الموضوع مكنتش جيت النهارده
ابو منتهى :- جيت لما عرفت انها خلاص هتتجوز واحد غيرك
علاء :- لاء جيت لما الظروف اللى عندنا اتظبطت الحمدالله
ابو منتهى :- وفين أهلك مش حابين الجوازه ولا ايه علشان احنا على قد الحال ومش قد المقام
علاء :- بص حضرتك انا بحب اكون صريح ومش بحب اللف والدوران امى مش موافقه على الجوازه دى لأسباب كتير وانا علشان ربنا أمرنا بطاعة الوالدين مكنتش حابب اكسر كلامها وكنت بحاول أقنعها بس طبعآ حضرتك مش صابر وده من حقك كأب تعمل كده علشان تحافظ على سمعة بنتك بعد اللى حصل فى الحفله فكنت بستأذن حضرتك نقراه فاتحه دلوقتى وتبقى خطيبتى لحد ما اقنع امى تيجى تطلب بنتك معايا ونلبسها الشبكه
ابو منتهى :- بص ليه ومردش عليه
علاء :- خير حضرتك عندك اعتراض على اى كلمه قلتها
ابو منتهى :- اتنهد وقال بص على قد ما كنت متغاظ منك بعد اللى عملته فى الحفله وسبت بنتى كل ده ومسألتش فيها بس كلامك دلوقتى أثبت ليا انك راجل بجد وانك هتصون بنتى وتراعيها ومدام بتخاف على رضى امك ومش عايز تزعلها ومدام فيك الخير لامك يبقى مخفش على بنتى منك ربنا يبارك فيك ويحميك ويحرسك لشبابك
علاء :- يعنى افهم من كلام حضرتك انك موافق
ابو منتهى :- على خيرة الله يلا نقراه الفاتحه
علاء :- قراه الفاتحه بفرحه كبيره وحمد وشكر ربنا أن هو استجاب دعائه ومنتهى بقت ليه
ام منتهى :- اول ما خلصوا قراية الفاتحه زغرطت ودخلت باركة لعلاء
منتهى :- اول ما سمعت صوت زراغيط امها قعدت تنط من الفرحه وتقول الف حمد والف شكر يا ربى اخيرآ اتحقق حلمى الحمدالله الحمدالله وقعدت تنط بفرحه لحد ما الباب اتفتح ودخلت امها حضنتها
ام منتهى :- بفرحه مبروك يا حبيبتى ربنا يهنيكى ويسعدك يارب
منتهى :- بفرحه الله يبارك فيكى يا ماما
ام منتهى :- يلا تعالى معايا
منتهى :- بصدمه اجى معاكى فين يا ماما
ام منتهى :- تيجى معايا الصالون عند عريسك ابوكى هو اللى قالى كده
منتهى :- هطلع بمنظرى ده
ام منتهى :- ماله منظرك ما انتى زى القمر اهو يا حبيبتى وبعدين الجمال فى البساطه مش فى البهرجه يا بنتى
منتهى :- حاضر يا ماما وخرجت معاها وراحت الصالون ودخلت معاها وهى بصه فى الارض
ابومنتهى :- تعالى اقعدى جنبى يا بنتى
منتهى :- بكسوف ح.ح.حاضر يا بابا وقعدت جنبه وهى بصه فى الارض
ابو منتهى :- هسيبكم شويه مع بعض عن اذنكم وخرج وسابهم مع بعض وساب الباب مفتوح
علاء :- بحب مبروك يا توته
منتهى:- وهى بصه فى الارض بكسوف قالت ا.ا.الله يبارك فيك
علاء :- هى السجاده عجباكى اوى كده
منتهى :- بصت ليه وقالت بأستغراب ليه
علاء :- اصل شايفك من ساعة ما دخلتى وانتى بتبصى عليها
منتهى :- ضحكة وقالت سورى مأخدش بالى
علاء :- تعرفى أن ضحكتك حلوه اوى
منتهى :- بكسوف ش.ش.شكرآ
علاء :- شوفتى بقى انا صدقة معاكى ازاى
منتهى :- ربنا يخليك بس هى مامتك وافقت على جوازنا
علاء :- بزعل لاء لسه بس اتفقت مع ابوكى أننا هنقراه فاتحه دلوقتى لحد ما أقنعها ونيجى البسك الشبكه ونتفق على أمور الجواز
منتهى :- أن شاءالله
علاء :- فرحانه يا منتهى أن انا وانتى خلاص هنبقى لبعض
منتهى :- هزت راسها بمعنى ايوه وقالت فرحانه جدآ
علاء :- ربنا يقدرنى واخلى الضحكه دى مرسومه تملى على شفايفك
منتهى :- ابتسمت ليه وبصت على الأرض
علاء :- تانى هتبصى على السجاده تانى
منتهى :- هههههه خلاص خلاص
علاء :- بحبك
منتهى :- كانت بتضحك وسكتت مره واحده اول ما سمعت علاء قال الكلمه دى وقالت ها
علاء :- بحبك وبحلم باليوم اللى هيتقفل علينا باب واحد ونكون انا وانتى شخص واحد وكيان واحد
منتهى :- وشها احمر من كتر الكسوف وسكتت مردتش عليه
علاء :- ساكته ليه
منتهى :- احم ه ه.هقول ايه
علاء :- قوليلى بحبك
منتهى :- احم م.م.مش دلوقتى
علاء :- ليه بس
منتهى :- ك.ك.كده
علاء :- خلاص مش هضغط عليكى وكفايه أن انا شايف الكلمه دى فى عينيكى
وفى الوقت ده دخل ابو منتهى وقال
ابو منتهى :- تتعشا معانا بقى
علاء :- شكرآ يا عمى انا همشى بقى
ابو منتهى :- مش هتمشى غير لما تتعشا الاول ام منتهى بتحضر العشا بره وبص لمنتهى وقال روحى ساعدى امك يلا
منتهى :- حاضر عن اذنكم وخرجت وسابتهم راحت المطبخ عند امها وحضروا العشا واتعشوا كلهم مع بعض وبعد وقت مشى علاء ودخلت منتهى اوضتها وهى فرحانه نامت على سريرها وابتسمت بفرحه وغمضت عينيها
~•~•~•~•~•~•~•~•~•~•~•~•~•
عند فاطمه واكرم وممدوح

خرجوا التلاته مع بعض وركبوا العربيه وكان أكرم متغاظ من وجود ممدوح معاهم وجت فاطمه تركب قدام جنب أكرم ممدوح ركب وقال ليها

ممدوح :- اركبى وراه يا حبيبتى معندناش حريم تقعد جنب الرجاله
أكرم :- بغيظ حبك برص متقولش لمراتى يا حبيبتى وبعدين انت مال أهلك هى هتقعد جنب حد غريب انا جوزها على فكره
ممدوح :- جوزها مع ايقاف التنفيذ يا حبيبى
أكرم :- اللهى يوقف قلبك وارتاح منك يا شيخ وبعدين مش عندك العربيه بتاعتك ما تروح تركبها
ممدوح :- عبيط انا اروح اركب عربيتى واسيبكم هنا مع بعض وتزوغ وتخدها وتختفى وتستفرط بالمسكينه يا وحش يا كاسر انت
أكرم :- ياربى انا عملت ايه فى دنيتى بس علشان توعدنى بواحد غلس زى ده وبص على فاطمه فى المرايا لاقها بتضحك قال اضحكى يا اختى خليكى فرحانه بيه وشغل العربيه ومشى بيها راح عند كافيه ونزل من العربيه من غير ولا كلمه وفتح الباب لفاطمه علشان تنزل ومد ليها أيده
فاطمه :- بصت لايد أكرم ومدت ايديها ليه ونزلت
أكرم :- مسك ايد فاطمه ومشى وساب ممدوح فى العربيه
ممدوح :- نزل من العربيه وقال انت يا اخ ناسى أن معاك ابن عمها
أكرم :- اللهم طولك يا روح لاء مش ناسى عايز ايه يعنى
ممدوح :- هعوز منك ايه يعني بس من الأدب تقولى اتفضل يا ممدوح باشا
أكرم :- يا ايه يا خويه
ممدوح :- يا ممدوح باشا
أكرم :- تصدق هتصدق أن شاءالله شكلى امى دعت عليا وقالت اللهى ربنا يوعدك بمصيبه وكانت ابواب السما مفتوحه علشان الدعوه استجابة ووعدنى بيك
ممدوح :- متشكر متشكر مفيش داعى لكلام ده اصل انا بتكسف
أكرم :- العن ابو غلاستك ومشى هو وفاطمه ومشى وراه ممدوح وقعدوا التلاته على الترابيزه وقال تشربى ايه يا حبيبتى
ممدوح :- انا عايز هوت شوكليت
أكرم :- عايز ايه يا خويه
ممدوح :- هوت شوكليت
أكرم :- بصوت واطى الله يرحم المرحوم كان بيشرب الشوربه بالخرطوم
ممدوح :- بتقول حاجه يا كرومتى
أكرم :- هوف لاء وبص لفاطمه وقال تشربى ايه يا حبيبتى
فاطمه :- زى ممدوح
أكرم :- نعم يا اختى
ممدوح :- بتقولك زى ممدوح يعنى زى انا
أكرم :- داس على سنانه وقال الصبر من عندك يارب وطلب الطلبات وقعد يبص لممدوح بغيظ وقعدو ساكتين لحد ما جت المشروبات وشربوها وحط أكرم أيده على خده وهو متغاظ وعمال يبص ليهم بغيظ
ممدوح :- مالك بس يا اكرم شكلك مضايق أو متغاظ من حاجه
أكرم :- بغيظ لا وانا هتغاظ من ايه بس ما الدنيا لذيذه اهو مفيهاش حاجه تغيظ
فاطمه :- كاتمه ضحكتها
أكرم :- خطر بباله فكره استأذن منهم وقام
ممدوح :- بأستغراب راح فين ده مش مطمن ليه
فاطمه :- يا ابنى صفى النيه يمكن راح يتكلم فى التليفون ولا حاجه
ممدوح :- ممكن بس ايه رأيك فى اللى انا عامله فيه ده
فاطمه :- هفطس على نفسى من الضحك يخربيتك ده انت طلعت عينه والله صعب عليا خف عليه شويه
ممدوح :- يا حنينه يا اختى ما تنشفى كده يا بت
فاطمه :- علشان خاطرى يا توحه براحه عليه شويه
ممدوح :- اتنيلى واسكتى خلينى اخلص منه اللى عمله فيكى
فاطمه :- يا عم انا مسامحه اهدا انت عليه بس
ممدوح :- وانا مش مسامح فى حق اختى وهطلع عينيه ولو انتى مش عجبك هطلع عينيكى انتى كمان
فاطمه :- خلاص انت حر اعمل اللى عايز تعمله بس براحه عليه بليز
ممدوح:- بصلها بقرف وقال اللعن ابو المحن اللى انتى اتعلمتيه فى الأواخر ده
فاطمه :- هههههههههه حبيبى يا توحه

عند أكرم قام وهو متغاظ وبعد عن الترابيزه اللى قاعدين عليها فاطمه وممدوح ومسك تليفونه وطلب رقم أخته ايه وانتظر الرد

ايه :- كرومتى حبيبى واحشتنى
أكرم :- انتى اكتر يا ايوش عامله ايه يا حبيبتى
ايه :- الحمدالله يا اكرم بس البيت وحش اوى من غيرك مش هترجع بقى
أكرم :- ربنا يسهل مش وقته الكلام ده عايزك فى مهمه صعبه
ايه :- مهمة ايه دى
أكرم :- عارفه الواد الملزق الرذل ده
ايه :- اللى هو مين
أكرم :- ابن عم فاطمه اللى اترزع علقه من ادهم فى الفرح
ايه :- اه اه ماله ده
أكرم :- قاعد على قلبى انا وفاطمه ومش عارفين ننطق ولا كلمه والصراحه محتاج غلاستك دلوقتى مفيش غير غلاستك هى اللى هتنفع معاه
ايه :- اممممم يعنى بتشتمنى بس بطريقه مهذبه ما علينا ادينى العنوان يا ريس وانا هخليه يولع فى نفسه
أكرم :- الله اكبر انا قولت مش هينفع معاه غير حد اغلس منه خدى العنوان اهو (........)
ايه :- ربع ساعه واكون عندكم واطلعلك عينيه وقفلت معاه
أكرم :- ببصت غيظ ورينى هتعرف تتصرف مع غلاسة اختى ازاى ورجع تانى وقال سورى يا جماعه أتأخرت عليكم
فاطمه :- كنت فين يا أكرم
أكرم :- ها ك.ك.كنت فى الحمام
ممدوح :- بس الحمام مش من هنا
أكرم :- بقرف لا متشغلش بالك اصل انا بحب اتصرف جنب اى حيطه
فاطمه :- بكسوف أكرم
أكرم :- اسف يا حبيبتى
ممدوح :- احترم نفسك وخلى بالك من كلامك معانا بنت قاعده
أكرم :- بصوت واطى قاعدوا عليك بططوك يا بعيد وبعد وقت من السكوت قام أكرم بغيظ وقف وقال فاطمه تعالى معايا
ممدوح :- تروح معاك فين انت اتهبلت
أكرم :- وهو بيدوس على سنانه هنقعد على ترابيزه تانيه عندى كلمتين عايز اقولهم لمراتى عندك مانع ومد أيده وقف فاطمه ولسه هيمشى
ممدوح :- انت يا أخينا وفى الوقت ده وصلت ايه وقالت
ايه :- أكرم اخويه مش معقول قلبى هيوقف عليا من الفرحه يا محاسن الصدف اهئ اهئ اهئ واترمت فى حضنه
ممدوح :- ايه الاڤوره دى
أكرم :- فى ودنها تمثيلك اوڤر اوى الله يحرقك
ايه :- احم سورى يا جماعه قلب الاخت بقى اخويه واترمى رميت الكلاب فى الشارع واتبهدل واتشرد فى الشوارع قلبى واجعنى عليه اوى اااااااااه يا اخويه اهئ اهئ اهئ
أكرم :- تصدقى انا غلطان وعايز ضرب الجزم أن انا لجأت ليكى
فاطمه :- وهى بتكتم ضحكتها قربت من ممدوح وقالت جت لحد عندك يا ابن المحظوظه
ممدوح :- بصوت واطى قال بعد كلمة رميت الكلاب دى والحركات الاوڤر اللى حصلت دى انا هعيد التفكير تانى يا طمطم
فاطمه :- هههههههههه طيب والله البت عسل ودمها زى الشربات
ممدوح :- ومين يشهد لاخت جوزها
فاطمه :- طب والله خساره فيك
أكرم :- بغيظ والله اجبلكم شجره واتنين ليمون
ممدوح :- لاء شكرآ لو امكن هات اتنين عصير فراوله
ايه :- اه سورى يا جماعه مسلمتش عليكم وسلمت على فاطمه وبستها وقالت واحشتينى يا طمطم
فاطمه :- انتى اكتر يا روحى
ايه :- مدت ايديها وقالت ازيك يا استاذ ممدوح ووشك عمل ايه بعد علقة الموت اللى اخدها فى الفرح ههههههههه
فاطمه واكرم:- ههههههههههههه
ممدوح :- مد أيده وسلم عليها وقال انا على فكره سبته يضربنى بمزاجى
ايه :- يا رااااااجل قول كلام غير ده انت كنت ميت فى أيده
أكرم :- بفرحه طيب انا هاخد مراتى واقعد على الترابيزه اللى قصادكم
ايه :- استنا هاجى معاكم
أكرم :- بصدمه تيجى معانا فين
ايه :- على الترابيزه بتاعتكم
أكرم :- قرب عليها وقال انا جايبك علشان تبعدى عننا الغلس ده مش تغلسى شبه واخد فاطمه وراحوا قعدوا على ترابيزه لواحديهم
ممدوح :- ضحك ليها وقال افهمى يا بنتى هو جايبك علشان تبعدينى عنهم مش تغلسى عليهم
ايه :- بصدمه انت عرفت
ممدوح :- اكيد فهمت من تمثيلك الاوڤر ده أن هو اتصل بيكى علشان تيجى بس عارفه الحاجه الوحيده اللى عملها صح فى حياته أن هو جابك
ايه :- احم يا كسفتك يا قرمط
ممدوح :- اقعدى اقعدى
ايه :- قعدت وقالت شكرآ
ممدوح :- العفو
ايه :- بس شكلك مطلع عين أكرم اخويه أصله مش طايقك خالص
ممدوح :- انا غلبان ولا بعمل ليه حاجه خالص
ايه :- ههههههههه لا ما هو واضح الصراحه بأمارة أن انت مش سايبهم يخرجوا مع بعض لواحديهم
ممدوح :- الله مش بنت عمى
ايه :- ومراته على فكره
ممدوح :- عارف بس لازم اطلع عينه علشان يعرف يحافظ عليها لما تبقى معاه
ايه :- عندك حق ربنا معاك فى اللى بتعمله فى اخويه احب انا الشغل ده ههههههههههه
ممدوح :- شكلك بتحبيه اوووووووى
ايه :- اوى والله بس هى الرجاله كده تديها على دماغها تمشى صح مع الواحده
ممدوح :- احم مش كلهم
ايه :- لاء كلهم على فكره
ممدوح :- لنفسه ايه المعقده دى
ايه :- بتقول حاجه
ممدوح :- لاء خالص
ايه :- بس وشك بقى كويس اهو بعد علقة الفرح هههههههه
ممدوح:- يادى النيله ما تنسى بقى
ايه :- اصل كان شكلك مسخره الصراحه ههههههههه
ممدوح :- ههه خفه سبحان الله انتى واخوكى دمكم شربات
ايه :- طبعآ ده احنا شربات فيتراك ههههههههههه
ممدوح :- ههه يا سكر
ايه :- ههههه يا شاى مش هتسلك معايا اصل انا الافاهات والحاجات التافه دى شغلتى هههههههههه
ممدوح :- هههههههههه على فكره بجد دمك خفيف
ايه :- يا ابنى من غير ما تسبلى عارفه والله أن انا دمى خفيف تبآ لتواضعى هههههههه
ممدوح :- بصلها شويه وقال ايه
ايه :- نعم
ممدوح :- انتى مرتبطه
ايه :- اتصدمت وقالت ها
ممدوح :- يعنى فيه حد فى حياتك
ايه :- احم ل.ل.لا
ممدوح :- طب كويس
ايه :- بتسأل ليه
ممدوح :- ها بطمن بس
ايه :- بتطمن على ايه
ممدوح :- ها و.و.ولا حاجه وحب يغير الموضوع قال تشربى ايه نسيت أسألك
ايه :- احم هوت شوكليت
ممدوح :- هههههههههههه
ايه :- بتضحك على ايه
ممدوح :- اصل ده مشروبى المفضل ولسه مدبس اخوكى فيه
ايه :- هههههههههه وانا كمان ده مشروبى المفضل
ممدوح :- حلو فيه حاجه ما بينا مشتركه
ايه :- بكسوف طيب ايه مش هتطلب المشروب
ممدوح :- ها ا.ا.اه هطلبه وطلب المشروب لايه وشويه وقال بصى كده عند أكرم وفاطمه

عند أكرم وفاطمه

أكرم :- اخيرآ خلصت من ابن عمك الغلس ده
فاطمه :- أكرم متغلطش فيه لو سمحت
أكرم :- اموت واعرف ليه بتحبيه اوى كده وبتزعلى علشانه ده دمه يلطش
فاطمه :- ع.ع.علشان يبقى اخويه
أكرم :- اخوكى ازاى مش فاهم
فاطمه :- انا وممدوح اخوات فى الرضاعه
أكرم :- اخوات فى الرضاعه!
فاطمه :- ايوه زمان كان عمى وبابا عايشين فى شقه واحده مع بعض واتجوزو هما الاتنين فى ليله واحده فى نفس الشقه دى وماما حملت الاول فيا وبعدها بأيام مرات عمى حملت فى ممدوح واتولد الاول ممدوح وكانت مامته تعبانه وبعدها بأيام امى ولدتنى وماما كانت كويسه ماما اخدت ممدوح ورضعته معايا لحد ما خرجت أمه من المستشفى ومرات عمى اصلا منزلش عندها لبن فأمى بقت ترضعنى وترضع ممدوح فى وقت واحد وعشنا مع بعض اخوات لحد ما ممدوح كبر شويه وعمى قرر يسافر واخد ممدوح وسافر وساب لينا الشقه وكبرنا وبقى ممدوح كل فتره ينزل اجازه ويقعد معانا
أكرم :- بصدمه يعنى ممدوح اخوكى وليه مقولتيش ليا كده من الاول
فاطمه :- انت متدنيش فرصه اقولك من اول مره شوفته وانت مش طايقه
أكرم :- الصراحه كنت بغير عليكى منه وده سبب من اسباب كرهى ليه وطبعآ دمه التقيل ولزقته لينا دى مكرهانى فيه اكتر
فاطمه :- هههههههههه ممدوح عسل وهو بيحبينى اوى وانا كنت قايله ليه كل حاجه حصلت ما بينا من الاول علشان كده بيعمل معاك كده وبيطلع عينيكى
أكرم :- اممممم قولتيلى بقى يعنى بينتقملك منى
فاطمه :- ههههههههه ايوه
أكرم :- حلو يبقى كده اللعب على المكشوف
فاطمه :- ليه ناوى تعمل فيه ايه
أكرم :- كل خير إن شاءالله
وفى الوقت ده جت الصحافه عند أكرم وفاطمه وقالوا
صحفيه :- استاذ أكرم ممكن اعمل مع حضرتك ومع المدام لقاء حصرى لمجلة (......)
أكرم:- اه طبعآ اتفضلى
الصحفيه :- ممكن اعرف سبب الخلاف اللى ما بين حضرتك وبين أدهم الحناوى
أكرم :- مفيش اى خلاف ما بينا
الصحفيه :- بس انتو فصلتوه الشركات عن بعض
أكرم :- عادى فصلناهم عن بعض بطريقه وديه ومحصلش اى خلاف ما بينا لا على المستوى الشخصى ولا العملى
الصحفيه :- بس حضراتكم مش بنشفكم مع بعض نهائى زى ايام ما كنتوا شركه
أكرم :- ده طبيعى لأن انا اليومين دول بجهز لفرحى ومفيش وقت كافى لنتقابل مع بعض
الصحفيه :- ربنا يتمم لحضرتك على خير امته أن شاءالله الزفاف
أكرم :- على اخر الشهر ده
الصحفيه :- بصت لفاطمه وقالت وحضرتك تركتى الصحافه يا مدام فاطمه علطول ولا وقت مؤقت
فاطمه :- لاء لوقت مؤقت وان شاءالله هرجع تانى بعد الفرح
الصحفيه :- أن شاءالله هل جوازكم ده عن حب
أكرم :- اكيد طبعآ فاطمه خطفت قلبى من اول مره شوفتها فيها
الصحفيه :- ماشاءالله مسكت الخشب اهو ههههههههه ربنا يسعدكم ويهنيكم
أكرم :- شكرآ
الصحفيه :- ممكن بقى صوره حلوه لحضرتك والمدام علشان ننزلها على غلاف المجله
أكرم :- اه طبعآ وقرب من فاطمه
الصحفيه :- لاء انا عايزه صوره نوصل بيها مشاعركم لناس بسهوله
أكرم :- ازاى
الصحفيه :- قرب اكتر ليها وقرب شفايفك من خدها
فاطمه :- اتكسفت وقالت ايه اللى انتى بتقوليه ده
الصحفيه :- عادى مش انتو كاتبين الكتاب
أكرم :- ايوه مفيهاش حاجه يا فاطمه
فاطمه :- م.م.ماشى
أكرم :- قرب من فاطمه وقرب شفايفه عند خد فاطمه وغمض عينه وهو بيبوسها
الصحفيه :- اخدت كذا صوره ليهم وشكرتهم ومشيت
فاطمه :- احم ي.ي.يلا بينا نروح عند ممدوح وايه
أكرم :- مستعجله ليه ما تصبرى شويه
فاطمه :- وهى مكسوفه وبصه فى الارض م.م.ماشى
أكرم :- مسك ايديها ورفع وشها ليه وقال مكسوفه ليه
فاطمه :- اصل الصحفيه دى وقحه طلبت مننا كذا صوره صعبه
أكرم :- وفيها ايه انتى مراتى يا طمطم وبعدين انتى صحفيه وعارفه أن ده بيبقى شغلها ولازم تنزل صور ملفته وتحطها على الغلاف علشان تحقق ربح كبير للمجله
فاطمه :- احم ع.ع.عارفه
أكرم :- طيب مدام عارفه يبقى فكى بقى وبلاش الكسوف ده
فاطمه :- م.م.ماشى
أكرم :- قرب منها
ممدوح :- كان بيتابع اللى بيحصل هو وايه
أكرم :- قرب اكتر من ودنها وقال اقفلى الزرار بتاع البلوزه كويس علشان جسمك باين ورجع قعد تانى مكانه
فاطمه :- بأحراج ح.ح.حاضر وقفلت الزرار بتاع البلوزه
ممدوح :- اخوكى ده بأف
ايه :- نعم
ممدوح:- اه والله زى ما بقولك ده انا فكرته هيبوسها
ايه :- بصدمه وكسوف ايه
ممدوح :- مصدومه ليه هو لو فكر يعمل كده كنت قومت كسرت دماغه بس طلع اصلا بأف ومش بيفهم قومى قومى يلا علشان نروح
ايه :- ح.ح.حاضر وقامت وقفت وراحوا عندهم ورواحوا ايه الفيلا والتلاته رواحوا على شقة فاطمه
~•~•~•~•~•~•~•~•~•~•~•~•~•
اشرقت شمس صباح يوم جديد بنورها الساطع فى سماء الصعيد لتبدء ميرفت بفتح عيونها بصت حاوليها بأستغراب وحاولت تتذكر ازاى جت اوضتها وهى كل اللى فكراه أنها كانت بتعيط وهى قاعده فى الارض فى الصاله لحد ما عينيها راحت فى النوم بس مفتكرتش اى حاجه قامت بصعوبه من على السرير خرجت من الاوضه دخلت الحمام واتوضت ودخلت تانى اوضتها أدت فرضها وخرجت من اوضتها راحت عند اوضت حمزه فتحت الباب براحه ودخلت لاقته نايم على السرير دخلت براحه قعدت جنبه على السرير وقعدت تبص عليه ومشيت ايديها على شعره ودموعها نزلت منها
حمزه :- حس بيها فتح عينه وبص الاتجاه التانى وبعد عن ايديها
ميرفت :- قامت وقفت وقالت ارجوك يا حمزه بلاش تتعامل معايا بالطريقه دى والله مظلومه
حمزه :- قام وقف وقال اطلعى بره
ميرفت :- راحت وقفت قصاده وقالت بدموع طيب بص فى عينيا وانت هتشوف قد ايه انا بحبك ومستحيل افكر اكدب عليك ولا اخونك
حمزه :- بص الاتجاه التانى وقال قولتلك اطلعى بره
ميرفت :- راحت وقفت قصاد عينيه وقالت يا حمزه ارجوك بلاش تجاهلك ليا ده بيقتلنى
حمزه :- داس على سنانه بغيظ ومسكها من دراعها وقال عايزانى اعاملك ازاى ها وانتى واحده وسخه وخاينه عايزه حقك الشرعى معنديش اى مانع
ميرفت :- بدموع انا مش خاينه يا حمزه اقسم بالله عمرى ما خنتك انت بتظلمنى وربنا مش بيحب الظلم انا لو عايزه اعمل كده كنت روحت ليه ومهربتش ولا حصل كل اللى بيحصلى ده بس انا عمرى ما حبيته ومن يوم ما شوفتك وانا مش بتمنى حد غيرك وربنا شاهد على كلامى ده يا حمزه
حمزه:- وتسمى اللى شوفته ده ايه انا شوفتك بعنيا نايمه معاه على سريرى وشوفت الدهب اللى انتى قولتى مش معايا فى الدولاب بتاعك كل ده محصلش ها انطقى
ميرفت :- بدموع كل اللى انت شوفته ده انا مظلومه فيه اللى شوفته على السرير ده كان غصب عنى كان بيحاول يعتدى عليا والدهب ده هو اللى حطه علشان انت تشوفه ويوقع ما بينا ونجح فى كل ده
حمزه:- والله ودخل هنا ازاى اصلا مش انتى اللى فتحتى ليه الباب ولا دخل وهو لابس طقية الاخفه من غير ما تشوفيه خلاص يا ميرفت مش هتعرفى تضحكى عليا تانى
ميرفت :- بدموع ووجع والللله ما اعرف دخل ازاى صدقنى يا حمزه ارجوك والله العظيم انا مظلومه
حمزه :- وانا مش مصدقك يا ميرفت
ميرفت :- بصت ليه بوجع وقالت بدموع خلاص طلقنى يا حمزه مدام انت شيفنى واحده خاينه وكدابه
حمزه :- هو ده اللى هعمله فعلا بس لما ارد ليكى كل وجع حاسس بيه بسببك
ميرفت :- بدموع مش هقولك غير انك كده بتظلمنى و مسيرك هتعرف الحقيقه بس ساعتها مش هكون موجوده فى حياتك وسابته ودخلت تجرى على اوضتها وقفلت الباب وقعدت وراه تعيط
حمزه :- بص عليها لحد ما دخلت الاوضه واتنهد وقعد على الكنبه وحط راسه ما بين ايديه وافتكر حسن اخو ميرفت قام فتح باب الشقه وخرج منه نزل ركب عربيته ومشى راح القسم وجاب حسن عنده وقال اقعد يا حسن
حسن :- بتعب حاضر يا باشا وقعد على الكرسى
حمزه :- انت عرفت أن أحمد مات
حسن :- ا.ا.ايوه يا باشا امى قالت ليا
حمزه :- قولى بقى ايه الخطه اللى انتو كنتوا متفاقين عليها مع بعض
حسن :- م.م.مفيش خطه يا باشا
حمزه :- وقف وراح عنده وقال هتقول الحقيقه ولا اخلى المخبرين يقوموا معاك بالواجب
حسن :- يا باشا ما انا قولت كل حاجه فى التحقيق
حمزه :- رجع قعد مكانه وقال مليش دعوه بالكلام ده انا عايز اسمع منك دلوقتى
حسن :- بص يا باشا بأختصار كده احمد جه يتقدم لاختى ميرفت وهى وابويه مكانوش موافقين وانا وامى غصبنا عليها وتحت الضغط مننا وافقت ولما جه احمد علشان يخطبها مكانش موافق يدينا الدهب وقال إننا هنسافر الصعيد ويعمل كتب الكتاب والفرح فى الصعيد بس انا وامى غصبنا عليه يلبسها الشبكه ودخلت علشان تحضر الشنطه بتاعتها ودخلت امى وراها واخدت منها الدهب بتاع احمد بحجة أنها هتخليه معها ونزلنا كلنا وركبنا العربيات بس اتفاجئنا بأحمد بيتصل وبيقول أنها هربت منه اتفقنا انا وامى نقول ليهم أن الدهب مع ميرفت وحاولنا نضلل احمد علشان ميوصلش لميرفت بسهوله وناخد احنا الدهب ده بس فى يوم جه احمد وقال إن هو عرف مكانها فين بعد ما كان بيراقبها بعد موت ابويا وقال إننا هنخطفها ونطلقها منك ويهرب بيها فى مكان بعيد بس قال لينا هسألكم سؤال ولو قولتوا الحقيقه هيبقى ليكم نصيب منى لكن لو كذبنا هينتقم مننا وسألنا عن الدهب مكانش قدمنا غير نقول ليه الحقيقه مدام قدر يوصل لميرفت واخد مننا الدهب واخدنا منه مبلغ محترم وساعده يخطفها وحضرتك طبعآ عارف الباقى يا باشا انا اتمسكت وهو هرب ومعرفش اى حاجه تانيه
حمزه :- يعنى اختك ملهاش اى علاقه بالدهب ولا باللى اسمه احمد ده
حسن :- لاء يا باشا ملهاش اى علاقه بيه
حمزه :- وهو بيدوس على سنانه قال عارف لو اكتشفت انك بتكذب عليا هعمل فيك ايه
حسن :- وانا هكذب عليك ليه يا باشا كده كده انا مشرف معاكم فى الحبس مش هخسر حاجه يعنى
حمزه :- أمر العسكرى يخده وقام يجرى نزل ركب عربيته وطلع يجرى على شقته وبعد وقت وصل ونزل يجرى من العربيه طلع على شقته وفتح الباب وقال ميرفت يا ميرفت انا عرفت الحقيقه وعرفت انك مظلومه يا ميرفت ميرفت وفتح باب الاوضه بتاعتها ملقهاش فكرها فى المطبخ برضه ملقهاش وفضل يدور عليها فى الشقه كلها ملقهاش قعد بصدمه على الكنبه ودموعه نزلت منه وقال ليه سبتينى ومشيتى يا ميرفت انا من غيرك اموت وقام فتح باب الشقه ونزل ركب عربيته فضل يدور عليها فى الشارع بس ملقهاش فى اى مكان
~•~•~•~•~•~•~•~•~•~•~•~•~•
فى فيلا ادهم الحناوى

فتح ادهم عيونه لاقه نفسه نايم على السرير بهدوم الخروج وعنده صداع رهيب قام بصعوبه من على السرير دخل الحمام اخد شاور ولبس هدومه وخرج من اوضه راح على اوضت داليا لاقه دينا نايمه على الكرسى وهى قاعده قصاد سرير داليا خبط على كتف دينا وقال

ادهم :- دينا اصحى يا دينا
دينا :- فتحت عينيها وقال صباح الخير يا ادهم
ادهم :- صباح النور داليا عامله ايه دلوقتى
دينا :- نايمه من ساعة ما اخدت الحقنه وانت عامل ايه دلوقتى شكلك امبارح كنت تعبان اوى ووشك دلوقتى اصفر
ادهم :- انا كويس المهم دلوقتى نغير ليها هدومها علشان تروح المصحه
دينا :- ماشى بس ساعدنى اقلعها الهدوم اللى عليها الاول
ادهم :- احم ماشى وقرب من داليا ورفعها وفتح ليها زراير البلوزه بتاعتها وقلعها ليها بتوتر وغمض عينه وقال يلا يا دينا هاتى الهدوم
دينا :- حاضر جايه اهو وجت دينا ولبست البلوزه لداليا وقالت حاول توقفها علشان اغير ليها البنطلون
ادهم :- ها
دينا :- يلا يا ادهم مفيش وقت
ادهم :- رفع داليا واخدها فى حضنه وغيرت ليها دينا البنطلون
دينا :- خلاص يا ادهم نزلها
ادهم :- نزلها على السرير بتوتر وقال احم روحى اجهزى انتى كمان علشان تيجى معانا
دينا :- اوك وسابت ادهم فى الاوضه مع داليا وراحت تجهز نفسها
ادهم :- قعد جنب داليا على السرير ومشى أيده على وشها ورجع بيها على شعرها وقعد يبص عليها شويه ومشى أيده على شفايفها وقرب منها ولسه هيبوسها داليا حركة راسها قام وقف بسرعه وربع أيده على صدره وفضل يبص عليها
داليا :- فتحت عينيها وحطت ايديها على راسها بألم شديد
ادهم :- عامله ايه دلوقتى
داليا :- بصت ليه بوجع وقالت راسى هتفرتك منى عندى صداع فظيع
ادهم:- ماشى قومى يلا علشان خارجين
داليا:- خارجين فين
ادهم :- رايحين مشوار
داليا:- بصعوبه قدرت توقف على رجليها وقالت بتعب ماشى ولسه هتمشى وقعت فى حضن أدهم
ادهم :- بص ليها فى عيونها وبص على شفايفها وغمض عينه ولسه بيقرب منها علشان يبوسها دينا فتحت الباب وقالت
دينا :- انا جاه بس قطعت كلامها لما شافت داليا فى حضن أدهم وقالت احم س.س.سورى شكلى جيت فى وقت غير مناسب
ادهم :- تعالى يا دينا مفيش حاجه داليا كانت هتقع وانا مسكتها
دينا :- اه ماشى يلا بينا
داليا :- تعالى يا دينا امسكينى
دينا :- ما أدهم ماسكك اهو
داليا :- لاء تعالى انتى
دينا :- ادهم تعال عايزه اقولك حاجه وبصت لداليا وقالت هجيلك يا داليا
ادهم :- قعد داليا على السرير وراح عند دينا وقال عايزه ايه
دينا :- انا مش مطمنه لهدوء داليا ده ممكن يكون واخده حاجه
ادهم :- وهتجيبه منين
دينا :- معرفش وانا نمت محستش بحاجه ممكن تكون صحيت اخدت ونامت تانى
ادهم :- الدكتور هيعرفنا اخدت حاجه ولا لاء يلا بينا بس علشان منتأخرش وراحوا عند السرير ملاقوش داليا قاعده والباب بتاع الأوضه مفتوح خرجوا الاتنين يجروا من الاوضه ونزلوا لاقوا داليا قاعده بتشرب عصير وقالت
داليا :- مالكم نازلين بتجروا كده ليه
دينا وادهم بصوا لبعض بأستغراب
دينا :- انتى نزلتى ازاى هنا
داليا :- عادى نزلت على رجلى كنت عطشانه وقولت للخدامه تعمل ليا واحد عصير على ما تخلصوا كلامكم مع بعض
دينا :- داليا انتى واخده حاجه
داليا :- حاجة ايه مش فاهمه
دينا :- لاء انتى فاهمه يا داليا
داليا :- ههههههههه انتو مصدقين كلام الدكتور برضه يا بنتى انا كويسه ومش فيا حاجه اهو
ادهم :- قومى يلا يا داليا
داليا :- اقوم اروح فين
ادهم :- قولتلك رايحين مشوار
داليا :- راحت عنده ونامت على كتفه وقالت سيبك انت من المشوار ده وتعال فوق فى اوضتنا احسن ومش هتندم
دينا :- بصت بصدمه وفتحت بؤقها وقالت ها
ادهم :- بعدها عنه وقال ماشى تعالى دلوقتى نمشى وبليل نطلع اوضتنا
داليا :- قربت تانى ليه ونامت على صدره وقالت تعال بس انا عايزاك فى موضوع ورفعت راسها ليه وغمزتله
دينا :- كانت مش مصدقه اللى بيحصل ومصدومه
ادهم :- اتنهد وميل عليها وشالها
داليا :- لفت دراعها حاولين رقابته ونامت على كتفه وقالت ايه هنطلع الاوضه
ادهم :- لاء هنخرج الاول ومشى بيها
داليا :- بسته فى رقابته وقالت بحبك يا ادهم
دينا :- بصدمه هو فيه ايه يا ادهم
ادهم :- زى ما انتى قولتى واخده حاجه وهى دلوقتى تحت تأثير المخدر
دينا :- طيب يلا بينا بسرعه وخرجوا فتحت دينا العربيه لادهم وحط داليا على الكرسى اللى جنبه وقفل الباب ودينا ركبت وراه وهو ركب العربيه وشغلها ومشى بيها على المصحه
داليا :- طول الطريق ترمى نفسها فى حضن أدهم وتحسس على جسمه وتبوس فى خده
ادهم :- بتوتر من حركات داليا معاه كان بيحاول يبعدها عنه
دينا :- كانت متابعه اللى بيحصل بصدمه وبكسوف من افعال داليا مع ادهم
وبعد وقت وصل أدهم ونزل من العربيه وشال داليا ودخل بيها المصحه وحطها فى اوضت الكشف وبعد شويه جه الدكتور وكشف عليها
الدكتور :- على فكره هى حاليآ تحت تأثير المخدرات
دينا :- ايوه يا دكتور لحظنا كده
الدكتور :- طيب هى قدرت توصل ليه ازاى وانا ادتها حقنه مهدائه تنيمها لصبح
ادهم :- مش عارف
الدكتور :- طيب مفيش حد نام معاها فى الاوضه
دينا :- انا نمت معاها فى الاوضه بس محستش بحاجه
الدكتور :- ما احنا لازم نوصل لسبب المخدرات دى ومين بيوصلها ليها
ادهم :- ما يمكن هى كانت معاها المخدرات دى من الاول
الدكتور :- لاء طبعآ لو كانت معاها مخدرات مكانتش دخلت فى الحاله اللى كانت فيها امبارح المخدرات دى وصلت ليها بعد ما اخدت الحقنه يعنى فيه حد بيوصله ليها ياريت تهتم حضرتك بالموضوع ده علشان لما تبقى كويسه وتخرج من هنا ميحصلش ليها انتكاسه من جديد وترجع ليه بسبب الشخص ده
ادهم :- هشوف انا الموضوع ده
الدكتور :- تمام تقدروا تشوفوها قبل ما ناخدها الاوضه بتاعتها
دينا :- راحت عند داليا لاقتها نايمه بستها فى راسها وقالت انا عارفه انك قويه يا داليا وهترجعى احسن واقوى من الاول ارجعى لينا فى اسرع وقت ارجوكى وبستها تانى ورجعت لوراه وقالت انا خارجه هستناك بره يا ادهم وسابته مع داليا وخرجت
ادهم :- قرب من داليا ومشى أيده على شعرها وبصلها بصه طويله وقال بتوعد كل اللى ليه يد فى اللى حصلك ده مش هرحمه هندمه على اليوم اللى فكر يقربلك فيه انا عايزك ترجعى ليا فى أقرب وقت عايز داليا القويه المتمرده اللى تقف قصادى من غير خوف وقرب اكتر جنب ودنها وقال ارجعى لادهم جوزك يا داليا وبسها فى راسها وبص ليها بصه طويله وخرج وسابها وقال لدينا يلا بينا
دينا :- مش هتقول لابوها
ادهم :- هقوله بس لما اوصل للى عمل كده
دينا :- ماشى ومشوا الاتنين مع بعض وكان ادهم حاسس بتعب جامد فى جسمه بس كان بيحاول يدارى علشان أخته متخدش بالها وركب العربيه وصل دينا الفيلا وراح هو على الشركه
~•~•~•~•~•~•~•~•~•~•~•~•~•
فى فيلا رودينا

صحيت ردينا من نومها على صوت ابوها قعدت وقالت

رودينا :- صباح الخير يا بابا
ابو رودينا :- صباح النور يا حبيبتى قومى يلا علشان ننزل الشغل
رودينا :- اتنهدت وقالت حاضر يا بابا نص ساعه واكون جاهزه
ابو رودينا :- وقف وقال ماشى يا حبيبتى انا هستناكى تحت ونزل وسابها
رودينا :- قامت دخلت الحمام واخدت شاور واتوضت وخرجت لبست هدومها وأدت فرضها ونزلت وقالت انا خلصت يا بابا
ابو رودينا :- اقعدى افطرى طيب
رودينا :- مليش نفس يا بابا شبعانه
ابو رودينا :- يا بنتى جسمك نزل خالص من قلة الاكل
رودينا :- يا بابا انا لما بجوع باكل يلا بس علشان منتأخرش على الشركه
ابو رودينا :- بقلة حيله يلا يا بنتى وخرجوا الاتنين من الفيلا وركبت مع ابوها فى العربيه ومشوا بيها
رودينا :- بأستغراب ايه ده يا بابا ده مش طريق الشركه
ابو رودينا :- ايوه يا بنتى احنا عندنا اجتماع فى شركة أدهم الحناوى
رودينا :- اتصدمت وقالت ليه مقولتش ليا يا بابا
ابو رودينا :- مالك يا بنتى ده شغل
رودينا :- نزلنى يا بابا هروح انا على الشركه بتاعتنا وحضرتك روح خلص اجتماع شركة أدهم وتعال براحتك
ابو رودينا :- مش هينفع يا حبيبتى لازم تبقى معايا معقوله عايزه تسبينى لوحدى
رودينا :- اتنهدت وقالت يا بابا ارجوك افهمنى مش هقدر ادخل الشركه دى تانى بعد اللى عملته فيها
ابو رودينا :- يا بنتى يا حبيبتى الراجل اهو خرج من السجن وهو اللى طلب أننا نرجع نشتغل معاه تانى انسى يا بنتى وكأنى مفيش حاجه حصلت
رودينا :- اتنهدت وبصت من الشباك ودموعها نزلت منها وقالت ياريت يا بابا النسيان سهل اوى كده وبعد وقت وصلوا عند الشركه واول ما رودينا شافت الشركه من بره قلبها وجعها وافتكرت فادى
ابو رودينا :- انزلى يا حبيبتى
رودينا :- بصت لابوها وفتحت باب العربيه ونزلت بتوتر ومشيت مع ابوها ودخلوا الشركه وراكبوا الاسانسير ولسه هيتقفل الباب اتفتح تانى ودخل فادى اول ما شافته اتوترت اكتر وحست انا قلبها هيوقف عليها
فادى :- اول ما شاف رودينا اتصدم بس حاول يتجاهل وجودها
ابو رودينا :- ازيك يا ابنى
فادى :- من غير ما يبص ليهم قال اهلا وشغل الاسانسير وطلع على المكتب فوق وخرج من غير ما يبص ليهم نهائى
رودينا :- كانت حاسه بوجع كبير اوى من تجاهل فادى ليها ودخلوا كلهم المكتب عند ادهم
ابو رودينا :- ازيك يا ادهم باشا
ادهم:- اهلا اتفضل اقعد
رودينا وأبوها قاعدوا وكان قاعد قصاد رودينا فادى وكانت عماله تبص عليه وهو مش بيبص اتجاها خالص
ابو رودينا :- انا متشكر جدآ يا ادهم باشا على ثقة حضرتك فينا وان حضرتك رجعت الشغل ما بينا تانى
ادهم :- انا اديتكم فرصه تانيه علشان شركتكم تستاهل بس اى غلطه تانيه منكم حتى لو مش مقصوده عقابها هيكون كبير اوى عندى مفهوم
ابو رودينا :- اكيد طبعآ من حقك وان شاءالله مش هتحصل اى غلطه فى الشغل ما بينا يا ادهم باشا
ادهم :- حس بالتعب عنده بيزيد بص لفادى وقال عندك فادى هيخلص معاكم العقود وكل حاجه اتفضلوا على المكتب بتاعه
ابو رودينا :- تمام ومره تانيه شكرآ جدآ على ثقة حضرتك فينا وواقفوا وقال عن اذنك وخرجوا التلاته من المكتب عند ادهم
ادهم :- دخل يجرى على الحمام وقعد يرجع وخرج من الحمام حدف نفسه على الكنبه وغمض عينه من كتر التعب

*********************

إلي هنا ينتهي الفصل الثالث و الثلاثون من رواية تمرد صحفية بقلم دودو محمد
تابع من هنا: جميع فصول رواية تمرد صحفية بقلم دودو محمد

تابع أيضاً: جميع فصول رواية انتقام ثم عشق بقلم لولو الصياد

تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها

اقرأ أيضا: رواية من أجلك فقط بقلم لولو الصياد