مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة دودو محمد علي موقعنا قصص 26 و موعدنا اليوم مع الفصل الرابع و الثلاثون من رواية تمرد صحفية بقلم دودو محمد.
رواية تمرد صحفية بقلم دودو محمد - الفصل الرابع و الثلاثون
اقرأ أيضا: رواية عشق الزين (الجزء الأول) بقلم زيزي محمد
 |
| رواية تمرد صحفية بقلم دودو محمد |
رواية تمرد صحفية بقلم دودو محمد - الفصل الرابع و الثلاثون
فى مكتب فادى
دخل فادى ومعاه رودينا وأبوها وبص لابوها وقال
فادى :- اتفضل اقعد
ابو رودينا :- ممكن بس ادخل الحمام اصل السكر عندى مبهدلنى ربنا يكفيك شره
فادى :- اه الحمام عندك بره اتفضل
ابو رودينا :- عن اذنك
رودينا :- وقفت
ابو رودينا :- رايحه فين يا حبيبتى
رودينا :- هطلع استناك بره
ابو رودينا :- لاء يا بنتى استنى هنا انا مش هغيب
رودينا :- مش هينفع يا بابا
ابو رودينا :- يا بنتى اسمعى الكلام خلينى اروح الحمام بقى
رودينا :- اتنهدت وقال حاضر يا بابا
فادى :- كان متابع اللى بيحصل
ابو رودينا :- خرج من المكتب راح الحمام
رودينا :- قعدت بتوتر وبصت فى الارض وهى عماله تدعك ايديها فى بعض من التوتر
فادى :- كان بيبص عليها وعمال يخبط بالقلم على المكتب وقال شايفك رجعتى تظهرى على الساحه من تانى يا ترى المرادى قررتى تعملى ايه تانى
رودينا :- رفعت راسها بصدمه وبصت ليه وقالت الكلام ده ليا انا
فادى :- شايفه فيه حد غيرك موجود فى المكتب
رودينا :- والله اخوك اللى كلم بابا ورجع الشغل معاه من تانى يعنى احنا مجرناش ولا حد
فادى :- وشايف لسه فيكى نفس الوقاحه بجد ليها نسها
رودينا :- لا عاش ولا كان اللى يكتم نفسى انا طول عمرى ليا نفس ومحدش هيقدر يكسرنى ولو بنتكلم على الوقاحه فأنت اللى وقح وستين وقح ناسى انت عملت فيا ايه وكنت بسببك هيحصلى ايه
فادى :- لاء بريئه يا بنتى حوشى جناحاتك اللى ماشيه تخبطى بيهم فى الناس دى انتى بتتكلمى على اللى عملتوا وناسيه انتى عملتي ايه انتى حراميه يا هانم وسرقتى ملفات من الشركه وبعتيها لحد تانى
رودينا :- والله والناس التانيه دى تبقى مين يا استاذ فادى مش ابوك برضه ولا بيتهيألى
فادى :- قام وقف وراح مسكها من دراعها وداس على سنانه وقال حسك عينك تقولى الكلام ده لادهم مفهوم
رودينا :- شدت دراعها من ايد فادى وقالت والله ولما انت تخبى حاجه زى كده على اخوك مش خيانه برضه ولا هو حرام ليا وحلال ليك
فادى :- هو بيدوس على سنانه انا بعمل كده علشان الدنيا متقدش نار ما بين اخويه وابويه إنما انتى عملتى كده علشان مصلحتك
رودينا :- هههه انت مقتنع بالكلام ده ولا شكلك اصلا شغال مع ابوك ضد اخوك وعامل فيها شريف لو خايف على مصلحة اخوك بجد كنت بلغته ونبهته لشر ابوك علشان يقدر يأمن نفسه منه ياريت بلاش توب الفضيله اللى انت لبسه ده علشان مش لايق عليك
فادى :- كلامها وجعه مسكها من دراعها جامد ولسه هيتكلم دخل ابو رودينا عليهم بعد عنها ورجع قعد على مكتبه من تانى
رودينا :- بصت بقرف لفادى وقالت ياريت تخلصنا علشان المكان هنا بيخنق
فادى :- داس على سنانه بغيظ وقال عينيا وطلب المحامى يجى ليه ومعاه العقود
ابو رودينا :- مضى العقد وقال إن شاءالله نحقق مع بعض أكبر مكسب بإذن الله
فادى :- بص بقرف لرودينا وقال اهم حاجه خد بالك من الوشوش الكدابه اللى بتعرف تضحك عليك بكل سهوله
ابو رودينا :- ربنا يكفينا شرهم يا ابنى
فادى :- كتر من الدعوه دى كتير علشان الوشوش كلها بقت خداعه
رودينا :- وقفت بغيظ وقالت مش خلاص يا بابا يلا بينا بقى
ابو رودينا :- وقف وقال يلا يا حبيبتى وسلم على فادى وخرج ولسه رودينا هتخرج وراه ابوها
فادى :- انسه رودينا
رودينا :- وقفت مكانها من غير ما تبص ليه
فادى :- راح عندها ووقف قصادها وقال لو ادهم عرف بكلمه واحده من اللى حصلت بينك وبين ابوه مش هيحصلك كويس مفهوم
رودينا :- بصت ليه بقرف وقالت على فكره انا مش بخاف من حد واللى فى دماغى بعمله عن اذنك وسابته ومشيت
فادى :- بغيظ ماشى يا رودينا ابقى ورينى هتقدرى تقول لادهم ازاى وراح قعد على مكتبه علشان يشوف شغله
~•~•~•~•~•~•~•~•~•~•~•~•~•
فى فيلا تامر
فى اوضت تامر
صحى من نومه على صوت تليفونه بيبص فيه لاقه رقم حمزه اتخض وقام قعد ورد عليه بسرعه وقال
تامر :- حمزه عامل ايه
حمزه :- بزعل مش كويس يا تامر
تامر :- مالك يا حمزه صوتك بيقول ان فيك حاجه
حمزه :- انا تعبان اوى يا صاحبى
تامر :- فيك ايه طيب قولى
حمزه :- مراتى مشيت من البيت ومش لاقيها وهتجن عليها
تامر :- ازاى بس انتو متخانقين مع بعض ولا ايه
حمزه :- ايوه انا ظلمتها اوى وجرحتها بالكلام وبقت تترجى فيا علشان أصدقها وانا كنت حمار وغبى ولما وصلت للحقيقه رجعت لاقتها مش فى البيت انا مقدرش اعيش من غيرها يا تامر
تامر :- اتنهد بزعل على صاحبه وقال اهدا بس وان شاءالله هتلاقيها
حمزه :- تامر بالله عليك دور عليها عندك فى اسكندريه علشان انا مش لاقيها فى الصعيد فأحتمال تكون رجعت شقتها اللى فى اسكندريه شوفها وطمنى بالله عليك صاحبك هيموت لو بعدت عنه
تامر :- حاضر والله هقوم اللبس هدومى وانزل اروح مكان شقتهم القديمه واشوفها وانت دور تانى عندك كويس وشوف الكاميرات اللى عندكم يمكن تقدر توصل لحاجه وربنا يرجعها ليك يا صاحبى
حمزه :- يارب يا تامر يارب وقفل معاه
تامر :- قام دخل الحمام اخد شاور واتوضه وخرج لبس هدومه واده فرضه ومسك تليفونه اتصل بدينا وانتظر الرد
دينا :- الو
تامر :- صباح الخير يا حبيبتى عامله ايه
دينا :- بزعل صباح النور
تامر :- مالك يا قلبى صوتك حزين ليه
دينا :- داليا يا تامر راحت المصحه النهارده وكانت تعبانه اوى
تامر :- لا حولا ولا قوة الا بالله مش عارف انا العيله دى مالها برضه اخوها واقع فى مشكله كبيره وتعبان
دينا :- والله صعبت عليا اوى ومكانش هاين عليا اسيبها وامشى وادهم زعلان جدآ عليها بس مش عايز يظهر ده
تامر :- ربنا يهونها عليها داليا قويه وهترجع احسن من الاول
دينا :- يارب يا تامر
تامر :- ماشى يا حبيبتى انا هقفل معاكى بقى علشان رايح مشوار
دينا :- رايح فين
تامر :- مشوار يخص حمزه صاحبى اخو داليا
دينا:- ماشى خلى بالك على نفسك
تامر :- حاضر مع السلامه وقفل السكه وخرج من اوضه ونزل ركب عربيته وراح على بيت ميرفت القديم وقعد يخبط على الباب خرجت جارتهم وقالت
الجاره :- مين بيخبط
تامر :- انا يا حاجه كنت عايز الناس الموجوده هنا
الجاره :- يااااااه يا ابنى دول بقالهم زمن سيبين البيت ده وعايشين فى الصعيد
تامر :- محدش فيهم رجع خالص
الجاره:- لاء يا ابنى من يوم ما مشوا ومحدش فيهم رجع تانى
تامر :- شكرآ يا حاجه
الجاره :- العفو يا ابنى طيب اتفضل شويه اشرب حاجه
تامر :- الله يكرمك يا حاجه عن اذنك ومشى راح على مكتبه وبلغ حمزه أن مفيش حد فى البيت وقعد يشوف شغله
~•~•~•~•~•~•~•~•~•~•~•~•~•
فى بيت سعيد
صحى مؤمن من نومه وخرج من اوضه وراح على اوضت ابوه وخبط على الباب
سعيد :- فتح الباب وقال تعال يا ابنى ادخل
مؤمن :- مالك يا بابا قاعد النهارده فى اوضك ومخرجتش حضرت الفطار زى كل يوم
سعيد :- قلبى مقبوض على اخواتك مش عارف ليه قولت اقعد اقراه فى المصحف شويه علشان ارتاح و القلق اللى عندى ده يروح
مؤمن:- متقلقش يا بابا هما كويسين بس تلاقيهم مشغولين فى حياتهم ومش قادرين يتصلوا بيك
سعيد :- اتصلت على اختك ردت عليا اخت جوزها قالت إنها نايمه اتصلت على اخوك حمزه مش بيرد على تليفونه
مؤمن :- شوفت زى ما قولتلك يا بابا هما مشغولين مش اكتر
سعيد :- ربنا يطمن قلبى عليهم
مؤمن :- يارب يا حبيبى يلا هروح احضر الفطار ليا وليك
سعيد :- معلش يا حبيبى أفطر انت انا مليش نفس
مؤمن :- اخس عليك يا سعيد اهون عليك تسيب ابنك جعان كده لو كانت داليا ولا حمزه كنت قعد فطرت معاهم علطول
سعيد :- يا حبيبى متوجعش قلبى معاك والله ماليا نفس كل انت
مؤمن :- لا اكل انا ايه هاكل لوحدى يعنى انا هلبس ونازل المدرسه عن اذنك وسابه وراح على اوضه
سعيد :- بص على مؤمن لحد ما دخل اوضه وقال ربنا يطمنى عليكم يا ولاد ودخل يكمل القراءن
مؤمن :- قعد على حرف السرير ومسك تليفونه واتصل على سندس وانتظر الرد
سندس :- صباح الخير
مؤمن:- صباح النور
سندس :- مال صوتك شكلك مضايق
مؤمن :- مفيش بس بابا قلقان على اخواتى علشان محدش فيهم بيتصل بيه وحتى الفطار مرضاش يفطر
سندس :- معلش يا مؤمن هو اب برضه وغصب عنه بيقلق على ولاده
مؤمن :- والله انا مش زعلان منه انا زعلان على اللى هو فيه وقلقه علطول على داليا وحمزه وهما بينشغلوا عنه علطول ومش فى ايدى حاجه اهونها عليه
سندس :- معلش هما برضه معذورين كل واحد عند حياته وشغله والله اعلم عيشها ازاى اكيد مش هيمنعهم عن ابوهم غير الشديد القوى
مؤمن :- عندك حق
سندس :- روق انت بس وكل حاجه هتتحل أن شاءالله وربنا هيطمنه عليهم
مؤمن :- انتى نعمه كبيره اوى من عند ربنا يا سندس بجد حياتى اختلفت من يوم ما دخلتى فيها
سندس :- انا بحاول ارد ليك لو جزء صغير من اللى انت بتعملوا ليا وعلى الفراغ اللى مليته ليا ضحك وهزار وعلى الاهتمام اللى اديتهونى فى وقت كنت بدور على الاهتمام ده من اهلى
مؤمن :- ربنا يخليكى ليا
سندس :- ويخليك ليا يارب
مؤمن :- يلا اجهزى علشان تروحى المدرسه بتاعتك
سندس :- انا جهزت خلاص ومستنيه الباص
مؤمن :- ماشى خلى بالك على نفسك هقفل انا بقى علشان لسه هجهز نفسى للمدرسه
سندس :- حاضر لا إله إلا الله
مؤمن :- محمد رسول الله باى وقفل معاها وقام حضر نفسه للمدرسه واده فرضه وراح على مدرسته
~•~•~•~•~•~•~•~•~•~•~•~•~•
فى فيلا خالد الحناوى
فى اوضت علاء
صحى علاء من نومه بص فى الساعه عنده فى التليفون قام دخل الحمام اتوضه وخرج اده فرضه وغير هدومه وقعد على حرف السرير ومسك تليفونه واتصل على منتهى وانتظر الرد
منتهى :- السلام عليكم
علاء :- وعليكم السلام عامله ايه يا توته
منتهى :- الحمدالله
علاء :- ايه نازله الشغل النهارده ولا لاء
منتهى :- اه نازله بابا سمح ليا الحمدالله أن انا انزل الشغل
علاء :- خلاص اجهزى وانا هاجى اخدك بالعربيه و اوصلك
منتهى :- لالالا بلاش تتعب نفسك انا هركب تاكسى زى كل يوم وهروح بيه
علاء:- من النهارده مفيش ركوب تاكسى انا موجود وتحت امرك فى اى وقت
منتهى :- ش.ش.شكرآ
علاء :- منتهى انتى متعرفيش بقيتى ايه فى حياتى وجودك فيها أداها معنى جميل خلانى ابقى بنى أدم تانى خالص برقتك ملكتى قلبى بأدبك ملكتى احساسى ربنا يجمعنا ببعض على خير يا قلبى
منتهى :- سكتت ومعرفتش ترد عليه
علاء :- ساكته ليه يا توته
منتهى :- م.م.مش عارفه ارد واقول ايه
علاء :- قولى كل اللى انتى حاسه ليا
منتهى :- م.م.مش عارفه بس كل اللى انا بحس بيه ببقى مبسوطه اوى وانا جنبك بحس أن الدنيا ليها طعم تانى ببقى عايزه أمسك الوقت علشان ميمشيش طول ما انت معايا وحاجات كتير اوى بحسها بس مش عارفه اوصفها
علاء :- كلمة بعشقك مش كفايه عليكى نفسى الاقى كلمه تقدر توصف حبى ليكى
منتهى :- احم ا.ا.انا لازم اقفل دلوقتى علشان بابا بينادى عليا
علاء :- ماشى شوفيه واجهزى وانا اول ما اجى تحت البيت هرن عليكى تنزلى علطول
منتهى :- حاضر باى
علاء :- مع السلامه وقفل السكه ونزل من اوضه كانت أمه وابوه واخته قاعدين بياكلوا
قال صباح الخير
كلهم :- صباح النور
علاء :- امال فين فادى
إنعام:- نزل من بدرى شكله راح الشغل
علاء :- شكله ليه هو مقالش ليكم رايح فين
إنعام :- قاطع الكلام معانا خالص اليومين دول حتى الاكل مش بياكل معانا
علاء :- ليه حصل حاجه
إنعام :- محصلش حاجه هو لوحده عمل كده.
علاء :- ربنا يهديه
إنعام :- وانت كنت فين بليل كده
علاء :- ها ك.ك.كنت عند أهل منتهى
إنعام:- منتهى مين
علاء :- البنت اللى بحبها يا ماما
إنعام :- البنت اللى بتحبها هما عرفوا يضحكوا عليك
علاء :- يا ماما محدش ضحك عليا كل الحكايه أن اهل البنت اتفضحوا بسبب اللى قولتوا فى الحفله وربنا أمرنا بالستر روحت قرية فاتحه بس واتفقت معاهم مش هنعمل اى حاجه غير برضاكى يا امى
إنعام :- لاء رضايه ايه ما انت روحت هزيت طولك وخطبة لنفسك ما هو خلاص البيت ده مبقاش ليه كبير كل واحد بقى يعمل اللى على مزاجه
علاء :- يا امى أهدى بالله عليكى انا مش عايز اعصيكى وفى نفس الوقت مش عايز ابعد واسيب البنت اللى قلبى اختارها ارجوكى وافقى
إنعام :- سامع ابنك يا خالد راح وخطب لنفسه اعتبارنا مش موجودين فى حياته
خالد :- البنت دى تسيبها حالا يا اما كده يا تنسا الشركه ومتجيش الفيلا دى تانى
علاء :- ايه يا بابا انت بتطردنى من الفيلا والشركه علشان عايز اتجوز البنت اللى انا بحبها على سنة الله ورسوله
خالد :- ايوه بتطردك لما الاقى واحده جربوعه بتلعب على ابنى علشان فلوسه يبقى احرمه من كل حاجه لحد ما يفوق لنفسه وينتبه لحاله
علاء :- ضحك بأنكسار وقال بس حضرتك غلطان انا عمرى ما هسيب منتهى ولا هبعد عنها واه منتهى مش جربوعه ولا طمعانه فى فلوسى منتهى عينيها مليانه ومؤدبه جدآ واهلها ناس كويسين وعمومآ مهما حصل هتفضل انت أبويه وهى امى وهسأل عليكم علطول ووقت ما تحتاجونى هتلاقونى جنبكم براعيكم وحط مفاتيح عربيته وكل حاجه تخص الشركه والفيلا وخرج وقف تاكسى وراح عند بيت منتهى رن عليها نزلت ليه ركبت معاه التاكسي بأستغراب وقالت
منتهى :- انت جاى فى تاكسى ليه يا علاء
علاء :- هقولك تعالى بس فى كافيه
منتهى :- ماشى ومشى التاكسى بيهم ونزلوا عند كافيه ودخلوا قاعدوا على الترابيزه وطلبوا عصير وقهوه
علاء :- انا سبت الفيلا
منتهى :- بصدمه ايه طيب ليه عملت كده
علاء :- انا معملتش كده من نفسى يا منتهى أبويه خيرنى بينك وبين الفيلا والشغل فى الشركه اختارتك انتى يا منتهى انا اقدر اعيش من غير فيلا وشركه بس مقدرش اعيش من غيرك
منتهى :- بدموع يعنى انا السبب فى المشاكل اللى حصلت بينك وبين أهلك
علاء :- ارجوكى امسحى دموعك دموعك غاليه عليا اوى اللى حصل ده اختبار من ربنا وانا صابر عليه وان شاءالله الخير كله عند ربنا يا منتهى امى وابويه مهما عملوا فيا مقدرش ازعل منهم لأن ربنا أمرنا بالطاعه ليهم بس بجد مش هقدر ابعد عنك يا منتهى انتى بقيتى النفس اللى بتنفسه لو بعد عنى اموت
منتهى :- انا اسفه ليك بجد على كل المشاكل اللى حصلت ليك بسببى
علاء :- تانى يا توته الكلام ده
منتهى :- طيب هتعمل ايه دلوقتى هتقعد فين هتعيش ازاى
علاء :- متقلقيش هروح اقعد عند اخويه ادهم
منتهى :- هيرضه يقعدك
علاء :- اه طبعآ ليه بتسألى سؤال زى ده
منتهى :- اصل يعنى أدهم صعب اوى وحاسه أن قلبه قاسى وممكن يرفض يقعدك عنده
علاء :- هههههههه ادهم ! ده ادهم ده اطيب واحد على الأرض عمر ما حد فينا طلب مساعدته الا ومد أيده بالمساعده وعمره ماانتظر مننا مقابل
منتهى :- الصراحه مش قادره اصدق الكلام ده على ادهم ده كفايه العذاب اللى معيشه لداليا
علاء :- لاء صدقى واللى ادهم بيعملوا مع داليا ده دليل على حبه ليها
منتهى :- حبه ليها ازاى دى
علاء :- هو بيحبها بس كبريائه منعه يعترف بده علشان كده بيعذب فيها علشان يثبت لنفسه قبل اى حد أن مفيش واحده تقدر تخترق قلب ادهم الحناوى
منتهى :- بس الحب عمره ما كان كده الحب بيلين القلوب الجامده بيخلى كل واحد يتنازل عن كبريائه مقابل ما يعترفوا بحبهم لبعض
علاء :- طيب هسألك سؤال
منتهى :- أسأل
علاء :- هل داليا جت واعترفت بحبها لادهم لحد فيكم من أصحابها يعنى
منتهى :- احم لاء عمرها
علاء :- وهى مش باين فى عينيها أنها بتحبه
منتهى :- ايوه باين
علاء :- يبقى برضه نفس الحكايه بتحبه بس بتكابر لو واحد فيهم بس اتنازل عن كبريائه واعترف بحبه التانى هيلين ويعترف هو كمان إنما الطرفين عندهم كبرياء فظيع وهيتعذبوا لحد ما واحد فيهم يتنازل عن تمرده وكبريائه
منتهى :- ربنا يصلح حالهم ويصلح الأمور بينك وبين أهلك يارب
علاء :- كل حاجه هتتصلح طول ما انتى جنبى ومعايا
منتهى :- اتكسفت وبصت فى الارض
علاء :- العيون الحلوين دول ميبصوش فى الارض أبدآ خليهم تملى بصين ليا انا وبس
منتهى :- احم م.م.ممكن بقى امشى علشان اتأخرت على الشغل
علاء :- ممكن تعالى يلا اوصلك ودفع الحساب ووصل منتهى الجريده وراح عند ادهم الشركه
~•~•~•~•~•~•~•~•~•~•~•~•~•
فى المصحه
فاقت داليا من نومها وحست بنفس الصداع مسكت دماغها من عزم الالم وبصت حاوليها لاقت نفسها فى مكان غريب قامت تجرى على الباب لاقته مقفول بالمفتاح قعدت تخبط جامد على الباب وتصرخ وتقول
داليا :- افتحوا الباب انتو يا بنى ادمين افتحوا الباب همووووووت وقعدت تخبط على الباب وتصرخ لحد ما لاقت الباب بيتفتح والدكتور داخل ليها زقته وحاولت تجرى من الباب بس الدكتور مسكها كويس وجم الممرضين ساعدوه ونيموها وربطوها فى السرير
داليا :- ابعدوا عنى سبونى ابوس ايديكم هموووووووت ادهمممممممممممممم
الدكتور :- هات الحقنه بسرعه واخدها أداها فى ايد داليا
داليا:- بدأت تفقد القدره على الكلام وهى بتقول ا.د.ه.م وراحت فى النوم
الدكتور :- فكوها بقى وخرج وساب الممرضين يفكوه داليا
~•~•~•~•~•~•~•~•~•~•~•~•~•
فى بيت فاطمه
صحى أكرم على صوت تليفونه بيبص فيه لاقه رقم ابوه قام بسرعه ورد عليه وقال
أكرم :- بابا ازيك يا بابا
منير :- الحمدالله يا اكرم فينك دلوقتى
أكرم :- انا نايم عند أهل فاطمه
منير :- ارجع الفيلا يا ابنى امك هتتجنن عليك
أكرم :- بس يا بابا هرجع الفيلا ازاى وجاسمين فيها صعب
منير :- جاسمين راجعه النهارده امريكا
أكرم :- بجد
منير :- ايوه رفضت تقعد معانا تانى بعد اللى حصل
أكرم :- خلاص يا بابا بعد ما تسافر انا هرجع
منير :- طيب ما تيجى سلم عليها قبل ما تسافر
أكرم :- مش هينفع نتقابل انا وجاسمين مع بعض تانى يا بابا لما تسافر هرجع الفيلا
منير :- اللى يريحك يا ابنى سلملى على فاطمه ولو عرفت تجبها معاك اشوفها هاتها
أكرم :- حاضر يا بابا مع السلامه وقفل التليفون وهو فرحان
ممدوح :- خير الحج رضى عليك وهيرجعك الفيلا ويريحنا منك بقى
اكرم :- ما انت سامع المكلمه بودنك بتسأل كتير ليه
ممدوح:- مش مصدق ودانى يا اخى بتأكد
أكرم :- اه يا خويه سيبها ليك مخضره
ممدوح :- ياااااااه اخيرآ بقى هنام براحتى فى اوضى من غير شخير ولا صداع بليل
أكرم :- لا استنا هنا انت قولت من غير ايه هو مين فين اللى بيشخر بليل انا ولا انت
ممدوح :- اكيد انت ده انا نومى زى النسمه محدش بيحس بيا
أكرم :- طيب قومى يا نسمه يلا ماما حلوه
ممدوح :- طيب ما تجوزهانى ونفرقع ابوك
أكرم :- وحياة امك وحدفه بالمخده
ممدوح :- اااااخ يا ابن المجنونه
أكرم :- لم لسانك بدل ما اقطعهولك يا اخى وقام من على سريره وراح يضرب فيه
ممدوح :- ااااااااه يخربيت ايدك التقيله دى ههههههههههههه خلاص خلاص
وفى الوقت ده دخلت عليهم فاطمه وقالت
فاطمه :- والله عيب عليكم اللى يشوف اللى انتو بتعملوا ده يقول عليكم اطفال مش رجاله أبدآ
أكرم :- ما هو اللى لسانه طويل وبيغلط
ممدوح :- طيب ما انت ايدك تقيله وبتوجع
أكرم :- انا نفسى اكسرك دماغك دى
فاطمه :- بس بس خلاص مش بتزهقوا
ممدوح:- يلا كده كده اخر يوم ليه النهارده
فاطمه :- اخر يوم ليه فين
ممدوح :- ابوه اتصل بيه وراجع الفيلا النهارده
فاطمه :- بصت لأكرم وقالت بزعل بجد
أكرم :- ايوه يا فاطمه راجع الفيلا النهارده
فاطمه :- عيونها دمعة وقال عن اذنكم ودخلت تجرى على اوضتها
اكرم:- بصلها بأستغراب وبعدين بص لممدوح وقال دى مالها دى
ممدوح :- زعلانه علشان انت هتمشى يا بأف روح شوفها
اكرم :- طلع يجرى وراها وقال فاطمه يا فاطمه بس هى دخلت اوضتها راح خبط على الباب وفتحه ودخل لاقها مرميه على السرير وعماله تعيط قعد جنبها ومشى أيده على ضهرها وقال فاطمه
فاطمه :- زقت أيده ومردتش عليه
أكرم :- بصى ليا طيب
فاطمه :- اطلع بره يا اكرم وسبنى لوحدى
أكرم:- قرب اكتر ليها ورفع جسمها وبص فى عينيها وقال مقدرش اسيبك لوحدك يا طمطم ممكن افهم الدموع دى ليه
فاطمه :- علشان انا اخد على وجودك فى وسطنا اخد افتح عينى واشوفك اخد على صوتك فى البيت اخد على ضحكك وهزارك معايا ومع ممدوح
أكرم :- حط راسها على صدره ومشى أيده على شعرها وقال غصب عنى يا طمطم أن انا هبعد واسيبك ما انا اخد على وجودك معايا كل يوم فى البيت بس لازم ارجع الفيلا علشان اجهز الدور اللى هنتجوز فيه انتى ناسيه أن كلها ايام وتبقى معايا فى نفس المكان علطول ورفع وشها ليه وغمز ليها وقال وعلى نفس السرير
فاطمه :- اتكسفت وزقته وقامت وقفت وقالت بطل قلة ادب
أكرم :- وقف وراح عندها ومسكها من دراعها وبص فى عينيها وقال ده انا بحلم باليوم ده اوى ونفسى يجى النهارده قبل بكره نفسى بقى تبقى فى حضنى ومتبعديش عنه ولا ثانيه
فاطمه :- احم ع.ع.على فكره بابا لو جه وشافك هنا فى الاوضه هينيل الدنيا
أكرم :- وهو بيقرب اكتر ليها قال وفيها ايه مش انتى مراتى
فاطمه :- اتوترت من قربه ليها وقالت ا.ا.اكرم
أكرم :- وهو بيقرب اكتر ليها قال عيون أكرم قلب أكرم من جوه وغمض عينه وقرب شفايفه من شفايفها ولسه هيبوسها
ممدوح :- قلبى يا دى العار يادى الفضيحه ام جلاجل بنت عمى وجوزها فى اوضه واحده وبيبوسها دى مهزله ده استهتار
فاطمه :- زقت أكرم وراحت عند ممدوح وقالت شششششش باااااس ابوس ايدك احسن ما حد يسمع
ممدوح :- خلى كل اللى فى البيت يسمعوا ويشوفه الست هانم المحترمه
أكرم :- انت عبيط يالا ما انت بتقول بنت عمى وجوزها يعنى مش راجل غريب وانتى يا اختى تعالى هنا خايفه من ايه احنا مش بنعمل حاجه حرام
فاطمه :- اصبر بس يا اكرم لو بابا عرف هينيل عشتى
ممدوح :- وهو بيكتم ضحكته ناس متجيش غير بالعين الحمرا
أكرم :- والله العظيم غلس وبارد ده انا هستربح النهارده من غلاستك دى تملى تقطع علينا اللحظه الحلوه بنى أدم فصيل أن شاءالله ربنا هيوعدك بواحد يعمل فيك زى ما بتعمل معانا بالظبط
ممدوح :- ههههههههههه متقلقش عليا انا اغلس اه بس محدش يقدر يغلس عليا هههههههههههه
أكرم :- اللعن ابو شكلك
فاطمه :- الصراحه يا ممدوح انت غلس انا فكرتك بتتكلم بجد وقعت قلبى فى رجليه
اكرم:- اخيرآ اقتنعتى بكلامى أن هو بنى أدم غلس
ممدوح :- قعد على السرير وقال ربنا يخلينى وأفضل اغلس عليكم واطلع عينيكم
أكرم :- بعد الشر ربنا يقصر فى عمرك
فاطمه :- هههههههههههههه
ممدوح:- بتضحكى بدل ما تقولى ليه بعد الشر على توحه حبيبى
أكرم :- حبك بورص يا شيخ
فاطمه :- يلا يا اخويه انت وهو شطبنا اطلعوا من اوضى
أكرم :- ايه ده يا طمطم بتطردينا
فاطمه :- اه ههههههههههه
ممدوح :- انا بقول نلم كرامتنا اللى اتبعزقت على الأرض دى ونطلع
فاطمه :- يلا اخلصوا
ممدوح :- حط أيده على كتف أكرم وقال يلا بينا يا اخويه وحياتك عندى ما لينا غير بعضشينا وخرجوا من اوضت فاطمه
فاطمه :- هههههههههههه ربنا يخليكم ليا وميحرمنيش منكم يارب
~•~•~•~•~•~•~•~•~•~•~•~•~•
فى شركة أدهم الحناوى
وصل علاء الشركه عند ادهم وسأل على ادهم قالوا ليه أن هو فى مكتبه خبط على الباب محدش رد عليه فتح الباب ودخل لاقه ادهم نايم على الكنبه ومش حاسس بحاجه راح عنده وخبط على كتفه وقال
علاء :- ادهم يا ادهم
ادهم :- كان عرقان وقال اممممم
علاء :- حط أيده على دماغ ادهم وقال ادهم انت كويس
ادهم :- فتح عينه بصعوبه وقال انا كويس وقام قعد
علاء :- بس شكلك تعبان جدآ يا ادهم ومش عوايدك انك تنام فى الشغل كده غير لو تعبان بجد
ادهم :- قام بصعوبه وقال قولتلك انا كويس يا علاء خير جاى ليه
علاء :- قعد على الكرسى وقال انا جاى اقعد عندك يومين
ادهم :- وبتستأذن ليه يا علاء ما الفيلا عندك روح نام فيها وقت ما انت عايز وقعد على كرسى المكتب
علاء :- عارف انك مش هترفض بس خوفت لسبب ليك مشكله مع مراتك ولا حاجه
ادهم :- مفيش مشاكل ولا حاجه البيت بيتك يا علاء ومسك دماغه من كتر الالم
علاء :- ادهم انت مش كويس انت تعبان وبتأوح
ادهم :- يووووه بقى يا علاء روح شوف هتروح فين
علاء :- مش همشى غير لما اخدك لدكتور
ادهم :- علاء متزهقنيش بقى مش هروح لدكاتره اتفضل امشى
علاء :- هتفضل طول عمرك عندى كده حتى مع نفسك الله يكون فى عون داليا منك عن اذنك وسابه مشى
ادهم :- دخل يجرى على الحمام وقعد يرجع وخرج مسك تليفونه وطلب رقم أكرم وانتظر الرد
أكرم :- بفرحه ادهم مش قادر اصدق نفسى انك متصل بيا واحشتنى اوى يا ادهم
ادهم :- أكرم محتاجك تيجى ليا ضرورى
أكرم :- خير يا ادهم فيه حاجه
ادهم :- تعال بس وانت هتعرف كل حاجه بس متتأخرش اقفل معايا وتعال حالا
أكرم :- ماشى ماشى انا جاى ليك مسافة السكه سلام
ادهم :- قفل مع اكرم وقام بصعوبه نام على الكنبه وقال بألم اااااااااه ومسك دماغه وقال الصداع هيموتنى وغمض عينه بوجع
~•~•~•~•~•~•~•~•~•~•~•~•~•
فى إحدى الاماكن بالصعيد كانت قاعده ميرفت على الكرسى ودموعها على خدها
محسن سواق التاكسى :- أهدى يا بنتى شويه من ساعة ما جيتى وانتى مش مبطله عياط
ميرفت :- صعبان عليا نفسى اوى من اللى حمزه عملوا فيا
محسن :- يا بنتى لما انتى بتحبيه اوى كده ليه بعدى عنه وسبتيه
ميرفت :- كان لازم اعمل كده يا عم محسن بعد الكلام اللى قاله ولما قال ليا أن هو هيطلقنى ولو حمزه طلقنى زى ما قال انا هموت انا عندى اهرب وانا على ذمته احسن ما اعيش معاه ومتهدده أن هو يطلقنى فى اى وقت
محسن :- طيب ناويه تعملى ايه بعد كده
ميرفت :- مش عارفه بس هشوف مكان اقعد فيه لحد ما افكر اعمل ايه
محسن :- يا بنتى البيت بيتك ليه هتشوفى مكان تانى
ميرفت :- معلش يا عم محسن كده احسن علشان اعرف افكر براحتى
محسن :- يا بنتى عندك الاوضه اقعدى فيها لواحدك وفكرى مع نفسك مش هطمن عليكى وانتى قاعده لواحدك
ميرفت :- علشان خاطرى يا عم محسن بلاش تغصب عليا سبنى براحتى
محسن :- اللى يريحك يا حبيبتى
ميرفت :- وقفت وقالت هبقى اكلمك اطمنك عليا
محسن :- طيب خليكى قاعده النهارده وبكره ابقى امشى
ميرفت :: يا عم محسن مش هتفرق كتير النهارده من بكره
محسن :- مد أيده بفلوس وقال خدى دول خليهم معاكى
ميرفت :- لالالا شكرآ يا عم محسن معايا
محسن :- يا بنتى انا زى ابوكى خديهم متتكسفيش منى
ميرفت :- اخدتهم وقالت شكرآ يا عم محسن ربنا بعتك ليا عوضنى بيك عن موت بابا الله يرحمه
محسن :- الله يرحمه يا حبيبتى تعالى اوصلك
ميرفت :- مشيت قدامه بس حست بدوخه ومره واحده اغمى عليها
محسن :- اتخض عليها وشلها حطها على الكنبه وخبط على وشها وقال ميرفت فوقى يا بنتى ميرفت بس مردتش عليه نده على مراته وقال يا منيره يا منيره تعالى بسرعه
منيره :- مرات محسن ايوه يا سى محسن خير
محسن :- البنت اغمى عليها ومش عايزه تفوق اعمل ايه
منيره :- ثوانى وجابت ليها بصله وقالت شممها دى
محسن :- شممها لميرفت
ميرفت :- بدأت تحرك راسها
محسن :- حمدالله على سلامتك يا بنتى
ميرفت :- ايه اللى حصل
محسن :- اغمى عليكى وانتى ماشيه
منيره :- حمدالله على سلامتك يا حبيبتى
محسن :- دى مراتى منيره يا بنتى
ميرفت :- ا.ا.اه الله يسلمك يا خالتى
منيره :- تلاقى حصلك كده من قلة الاكل قومى يا حبيبتى كلى لقمه
ميرفت :- لالالا يا خالتى مش طايقه ريحة الاكل
منيره :- بصت لمحسن ورجعت بصت لميرفت وقالت يبقى انتى حامل يا حبيبتى
ميرفت :- بصدمه حامل
منيره :- ايوه يا حبيبتى دى اعراض حمل بكره اخدك تحليلى حمل
ميرفت :- بدموع حطت ايديها على بطنها وقالت يارب يا خالتى اطلع حامل ويكون فى بطنى حته منه يبقى ربنا عوضنى بيه عن ابوه
محسن :- دخليها الاوضه تنام والصباح رباح يا منيره
منيره :- حاضر يا سى محسن تعالى يا بنتى وقامت ميرفت مع منيره دخلت الاوضه ونامت على السرير وهى بتدعى فى سرها تكون حامل بجد
*********************
إلي هنا ينتهي الفصل الرابع و الثلاثون من رواية تمرد صحفية بقلم دودو محمد
تابع من هنا: جميع فصول رواية تمرد صحفية بقلم دودو محمد
تابع من هنا: جميع فصول رواية تمرد صحفية بقلم دودو محمد
تابع أيضاً: جميع فصول رواية انتقام ثم عشق بقلم لولو الصياد
تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها
أو أرسل لنا رسالة مباشرة عبر الماسنجر باسم القصة التي تريدها
اقرأ أيضا: رواية من أجلك فقط بقلم لولو الصياد
إرسال تعليق
يسعدنا تلقي اقتراحاتك أو تعليقك هنا