قصص رومانسية جريئة ممنوع دخول الأطفال

مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة دودو محمد علي موقعنا قصص 26 و موعدنا اليوم مع الفصل الخامس و الثلاثون من  رواية تمرد صحفية بقلم دودو محمد. 

رواية تمرد صحفية بقلم دودو محمد - الفصل الخامس و الثلاثون

اقرأ أيضا: رواية عشق الزين (الجزء الأول) بقلم زيزي محمد

رواية تمرد صحفية بقلم دودو محمد

رواية تمرد صحفية بقلم دودو محمد - الفصل الخامس و الثلاثون

اشرقت شمس نهار يوم جديد بنورها الساطع فى سماء الاسكندريه لتبدء فاطمه بفتح عيونها على صوت تليفونها بصت فيه لاقته رقم أكرم قامت قعدت بسرعه واخدت تليفونها وردت وقالت

فاطمه:- كده يا اكرم تسبنى امبارح قلقانه ومطمنيش عليك
أكرم :- معلش يا حبيبتى غصب عنى والله كنت فى مشوار ورجعت البيت متأخر مرضتش اتصل بيكى لتكونى نايمه واصحيكى
فاطمه :- مشوار ايه ده
أكرم :- ها م.م.مشوار هبقى اقولك عليه بعدين
فاطمه:- اوعى تكون كنت امبارح مع جاسمين بنت عمك بتوصلها المطار
أكرم :- وافرضى فيها ايه مش بنت عمى
فاطمه :- بزعل والله براحتك يا اكرم باى
أكرم :- هههههههه استنى يا مجنونه بهزر معاكى والله العظيم مشوفتهاش
فاطمه :- بزعل بلاش هزارك البايخ ده يا اكرم
أكرم :- يا بت بتغيرى عليا
فاطمه :- احم ا.ا.انا هقفل بقى
أكرم :- استنى هنا تقفلى ايه ردى عليا بتغيرى
فاطمه :- ايوه بغير عليك خلاص ارتحت
أكرم :- يااااااااه ده انا ارتحت راحه مقولكيش عليها بحبك
فاطمه :- ا.ا.انت هتعمل ايه دلوقتى
أكرم :- غيرى الموضوع غيرى ماشى يا ستى دلوقتى هنزل عندى مشوار مهم وبعد كده هرجع اقف مع العمال اللى شغالين فى الدور بتاعنا وانتى هتعملى ايه
فاطمه :- انا ورايااااااااا شغل كتير اوى فى البيت وبعد كده هننزل انا وماما وممدوح علشان هنشترى حاجات ليا
أكرم :- حاجات ايه يعنى
فاطمه :- بكسوف حاجات ل.ل ليا الفرش والهدوم وكده يعنى
أكرم :- ايوه بقى كترى من البيبى دول والقمصان المشخعله عايزه اتشخلع
فاطمه :- بكسوف أكرم
أكرم :- قلب أكرم من جوه ااااااااااه امته بقى ده انا بنهااااااار
فاطمه :- والله العظيم انت غلس ولو مبطلتش قلة ادب مش هكلمك فى التليفون تانى
اكرم :- انتى مراتى يا بت وبعدين يعنى لا كلام ولا فعل ده يبقى حرام والله
فاطمه :- حرمت عليك عشتك يا بعيد
أكرم :- من قلبك
فاطمه :- بكسوف لاء
أكرم :- وربنا بعشقك وبعت ليها بوسه وقال دى مؤقته كده لحد ما ادهالك بجد واحنا مع بعض فى اوضت النوم
فاطمه :- عاااااا غلس باى وقفلت السكه وحضنت التليفون وضحكت وقالت يخربيت جمال امك واتنهدت وقامت دخلت الحمام اخدت شاور واتوضت وخرجت لبست هدومها وأدت فرضها وخرجت من الاوضه وقالت صباح الخير
ممدوح :- اثبتى مكانك لتولعى
فاطمه :- وقفت وقالت ايه فى ايه
ممدوح :- وش منور وعيون بتضحك كنتى بتكلمى الواد أكرم صح
فاطمه :- راحت عنده وضربته على كتفه وقالت يا بارد خضتنى
ممدوح :- هههههههه طيب قولى كنتى بتكلمى أكرم صح
فاطمه :- اه يا خفيف
ممدوح :- بغمزه ايوه يا عم الله يسهلوا
فاطمه :- الله اكبر انت هتقر ولا ايه
ممدوح :- يا شيخه اتنيلى هقر عليكم على ايه ده انتو عاملين زى الجزمه اللى لاقة فردتها
فاطمه :- جزمه فى عينك انت متغاظ منه علشان اجمل واحلى منك وعيونه ملونه
ممدوح :- يا شيخه اتنيلى اتلم تنتن على تنتون واحد نتن والتانى انتن
فاطمه :- ههههههههههههه والله العظيم انت مشكله وعلى فكره بقى لايقه عليك ايه اوى انتو الاتنين كابل فظيع
ممدوح :- هييييييييح ايه
فاطمه :- ههههه مالك سحت على نفسك كده
ممدوح :- البت عامله زى لهطة القشطه ودمها عسل مكرر هييييييح
فاطمه :- الله الله يا عم ممدوح شكلك وقعت ولا حد سمى عليك
ممدوح :- وقعت بس ده انا اتحرجت تحرجه يا طمطم
فاطمه :- ههههههههههه اتنين مجانين واتلموا على بعض بس تفتكر أكرم هيرضى بالموضوع ده ده مش بيطيقك
ممدوح :- أكرم ده حبيب قلبى ده واخد حته منى وبعدين هيرفض هشتغله فى الغلاسه وما ادراكى غلاسة اخوكى يعنى ده ممكن اخليه يولع فى نفسه
فاطمه :- بعد الشر عليه
ممدوح :- يا محنى روحى ابت شوفى هتعملى ايه
فاطمه :- اروح فين يا اخويه جعااااااااانه
ممدوح :- يا ساتر يارب الله يكون فى عونك يا اكرم ربنا يستر عليكى يا ابنى
فاطمه:- غلس وقعدوا ياكلوا وبعد وقت خلصوا وكل واحد قام يشوف اللى وراه
~•~•~•~•~•~•~•~•~•~•~•~•~•
فى بيت سعيد

صحى مؤمن من نومه على صوت ابوه بيقول ليه

سعيد :- مؤمن يا مؤمن
مؤمن :- فتح عينه وقال خير يا بابا
سعيد :- سندس اخت أدهم بره
مؤمن :- سندس مين
سعيد :- يا ابنى بقولك اخت أدهم
مؤمن :- ادهم مين
سعيد :- اللهم طولك ياروح يا ابن ادهم جوز اختك داليا
مؤمن :- داليا مين
سعيد :- والله مش عارف داليا مين قوم اخلص البت بره
مؤمن :- بره فين
سعيد :- شده وقال قوم يا ابن الكلب هتجننى معاك
مؤمن :- بلاش هزار يا بابا وسبنى انام بقى
سعيد :- انت فيه ايه يا ابنى مالك قوم شوف البنت اللى جايه ليك بره دى قالت إنها عايزاك ضرورى
مؤمن :- احلف
سعيد :- لاء انت ناوى تشلنى وسابه وخرج
مؤمن :- قام يجرى وراه ابوه وهو عريان من فوق وقال يا بابا استنا بس واتفاجئ بسندس وقال ايه ده دى سندس بجد وانتى عامله ايه بقى وسابها وطلع يجرى على اوضه لبس تيشرت وسرح شعره وخرج من اوضه
سندس :- كانت ميته على نفسها من الضحك على منظر مؤمن وهو بيجرى
سعيد :- اقعدى يا بنتى معلش اصل ابنى ده مهفوف فى دماغه علطول كده مجننى
سندس :- قعدت وقالت هههههههههههه من ناحية أنه مهفوف فهو فعلا مهفوف ههههههههههه
سعيد :- ربنا يهديه المهم تشربى ايه يا بنتى
سندس :- ميرسى يا عمو مش عايزه اشرب حاجه انا جايه بس لمؤمن فى حاجه مهمه وماشيه علطول
سعيد :- ازاى بس مينفعش يا حبيبتى لازم تشربى حاجه اجبلك ايه
مؤمن :- وده كلام يا ابو حمزه بتعزم عليها تشرب حاجه وهى اكيد من غير اكل
سعيد :- بجد طيب هدخل احضر الفطار بقى
سندس :- لالالا متتعبش نفسك والله يا عمو انا ماشيه علطول
مؤمن :- سيبك منها حضر الفطار انت بس
سعيد :- سابهم وراح يحضر الفطار
سندس :- بزعل ليه بس كده تتعبه
مؤمن :- اسكتى ده انا اترحمت بسببك النهارده من تحضير الفطار
سندس :- والله انت مفترى حرام عليك باباك شكله تعبان وبيمشى بالعافيه
مؤمن :- قرب منها وقال سيبك انتى ايه المفاجئه الجميله دى
سندس :- رجعت لوراه وقالت احم جيت ليك فى موضوع مهم بعد ما رنيت عليك كتير ومردتش عليا
مؤمن :- سورى الفون كان سايلنت خير قولى
سندس :- هو مش خير خالص
مؤمن :- اتكلمى يا سندس قلقتينى
سندس :- اختك داليا
مؤمن :- بقلق مالها
سندس :- احم فى المصحه
مؤمن :- بصدمه مصحه !
سندس :- هزت راسها وقالت ايوه فى المصحه
مؤمن :- بتعمل ايه هناك
سندس :- بتتعالج من الادمان
مؤمن :- وقف وقال ادمان !
سندس :- للاسف داليا مدمنه
مؤمن :- هز راسه بمعنى لاء وقال مستحيل اختى تعمل كده داليا عمرها ما تتعاطى مخدرات وبصلها وقال اكيد اخوكى اللى عمل فى اختى كده علشان.يكمل انتقامه منها وربنا ما هرحمه
سندس :- شششش اهدا يا مؤمن علشان ابوك وبعدين مستحيل ابيه ادهم يعمل كده
مؤمن :- راح مسكها من دراعها وداس على سنانه وقال لاء اخوكى يعمل كده اخوكى شيطان يا سندس شيطان
سندس :- بدموع والم قالت لاء يا مؤمن ابيه ادهم مش شيطان هو فعلا معملش كده وحالته صعبه اوى ا.ا.انا كنت عنده فى الفيلا وزعلان اوى عليها وحتى دينا قالت ليا أن هو رافض يقابل أو يكلم اى حد
مؤمن :- ما انتى لازم تقولى كده علشان تطلعى اخوكى برئ
سندس :- بدموع والله مش بضحك عليك فعلا ابيه ادهم برئ
مؤمن :- زق سندس وقال انا غلطان علشان مكملتش انتقامى من اخوكى فيكى كان زمانه دلوقتى عرف أن بنات الناس مش لعبه غلطان علشان سمعت كلام داليا ووقفت انتقامى انا غبى غبى اهو كمل انتقامه هو فى اختى ودخلها المصحه مدمنه
سندس :- بصدمه قالت يعنى كل كلامك ليا ده كان تمثيل يعنى كنت بتنتقم من اخويه فيا طيب ليه عملت فيك ايه معقول تكون انت وحش لدرجاتى لا مستحيل انت بتهزر صح وراحت عنده وقالت مؤمن رد عليا قول إن كلامك ده كله مش صح
مؤمن :- بزعيق اطلعى بره بررررررررررره
سندس :- هزت راسها ترفض الكلام اللى سمعته ورجعت لوراه بدموع وقالت مؤمن قولى إن كل اللى سمعته ده كدب ارجوك رد عليا
سعيد :- ايه فيه ايه يا ولاد مالك يا مؤمن بتزعق ليه مالك يا بنتى بتعيطى ليه
مؤمن :- راح مسك سندس من دراعها وفتح الباب وحدفها بره وقال انا هوريكم حق اختى هرجعه هنتقم منكم كلكم كلكم واقفل الباب فى وش سندس
سندس :- طلعت تجرى نزلت وقفت تاكسى وروحت على الفيلا
سعيد :- بصدمه ايه اللى انت عملته ده يا ابنى وراح فتح الباب ملقاش سندس قفل الباب تانى وقال انت اتجننت يا مؤمن ايه اللى انت عملته فى البنت ده
مؤمن :- انا لسه معملتش فيهم حاجه انا هندمهم كلهم يا بابا
سعيد :- طيب فهمنى بس ايه اللى حصل
مؤمن :- بدموع داليا يا بابا دخلوها المصحه خلوها مدمنه
سعيد :- بصدمه ايه ب.ب.بنتى داليا وقع على الكرسى
مؤمن :- طلع يجرى على ابوه وقال بابا
سعيد :- بدموع بنتى انا مدمنه مستحيل داليا مستحيل تعمل كده ا.ا.انا مربيها وعارف بنتى ايه
مؤمن :- هما اللى عملوا فيها كده يا بابا مش هرحم حد فيهم
سعيد :- ا.ا.انا لازم اروح لبنتى وقام وقف وقال ا.ا ايوه هى اكيد محتاجانى جنبها وراح فتح الباب ونزل
مؤمن :- استنا يا بابا بس وطلع يجرى وراه وقفل الباب ونزلوا وقفوا تاكسى وركبوه ومشى بيهم
~•~•~•~•~•~•~•~•~•~•~•~•~•
فى شركة أدهم

وصل فادى الشركه وطلع مكتبه وسأل على ادهم قالوا ليه أن هو لسه مجاش قعد على مكتبه واتنهد وافتكر رودينا غمض عينه وقال

فادى :- بوجع انساها بقى انساها ليه بتفكر فيها علطول خرجها من دماغك وفى الوقت ده تليفون مكتبه رن رد وقال ايوه

السكرتير :- استاذ فادى فيه واحده عايزه تقابل حضرتك
فادى :- واحده مين دى
السكرتير :- بتقول انها جايه تقدم فى وظيفة السكرتيره اللى كان نازل عنها فى الجريده
فادى :- ايوه ايوه دخلها
السكرتير:- حاضر يا فندم وقفل مع فادى ودخل البنت فى المكتب عند فادى وخرج وقفل الباب وراه
فادى :- اتفضلى يا انسه
البنت :- قعدت وقالت شكرآ
فادى :- اسمك ايه
البنت :- نهى
فادى :- عاشت الاسامى يا انسه نهى
نهى :- ميرسى
فادى :- معاكى السى ڤى بتاعك
نهى :- ايوه اتفضل حضرتك وادته ليه
فادى :- اخده منها وبص فيه
فادى :- بص فى السى ڤى وقال امممم ممتاز وعندك خبره كويسه
نهى :- انا بشتغل من زمان حضرتك فى المجال ده
فادى :- وبتدرسى ازاى بقى
نهى :- عادى حضرتك بشتغل بالنهار واذاكر بليل
فادى :- بأعجاب جدعه بجد
نهى :- ميرسى
فادى :- تمام تقدرى تمضى العقد مع المحامى وتستلمى الشغل من بكره
نهى :- بفرحه بجد
فادى :- هههههه بجد وفى الوقت ده الباب خبط واذن فادى بالدخول
السكرتير :- استاذ فادى الانسه رودينا عايزه تقابل حضرتك
فادى :- غمض عينه واتنهد وسكت شويه وقال خليها تستنا بره شويه
السكرتير :- حاضر يا فندم وخرج وقفل الباب وراه
فادى :- سرح شويه ونسى وجود نهى فى المكتب
نهى :- احم احم
فادى :- انتبه لصوت وبص لنهى وقال سورى نسيت وجودك
نهى :- مفيش مشكله حضرتك بس كنت عايزه اعرف اعمل ايه دلوقتى
فادى :- هتطلعى من عندى هبعت معاكى السكرتير عند المحامى تقولى بياناتك وتمضى العقد وبكره أن شاءالله تيجى تستلمى الوظيفه بتاعتك
نهى :- تمام ميرسى جدآ لحضرتك
فادى :- وقف وقال العفو وراح عند الباب وفتحه ليها وشاف رودينا قاعده قصاده بص لنهى وقال انا سعيد جدآ بأستلامك الوظيفه الجديده ووجودك معانا فى الشركه
نهى :- يا لهوى يا فندم ده الشرف ليا انا أن حضرتك وافقت اشتغل عندكم فى الشركه
رودينا :- بصت بغيظ على نهى
فادى :- نده على السكرتير وبلغه أن هو ياخد نهى عند المحامى وبص لنهى وقال نلتقى بكره أن شاءالله فى أول يوم عمل ليكى
نهى :- سلمت عليه وقالت إن شاءالله يا فندم ومشيت مع السكرتير
فادى :- بقرف لرودينا تعالى ودخل مكتبه
رودينا :- بصت اتجاه نهى وبعد كده دخلت على مكتب فادى
فادى :- خير جايه ليه
رودينا :- انا مكنتش جايه ليك انا كنت جايه لاخوك ادهم بس بلغونى أن هو لسه مجاش كل ده وانا مش فاضيه ليكم الصراحه
فادى :- ولا احنا فاضين ليكى اخلصى قولى اللى جايه علشانه
رودينا :- داست على سنانها وقالت بنى أدم عديم الذوق
فادى :- انا ذوق مع الناس اللى تستاهل بس
رودينا :- بقرف ممكن تمضى هنا
فادى :- شد الورق من ايديها وبص فيه وقال دى نصبه جديده منك
رودينا :- بعصبيه لو سمحت احترم نفسك انا مش نصابه وعندك الورق تقدر تقراه وتعرف بتاع ايه
فادى :- من غير ما تقولى انا هقراه اصلك انتى ملكيش امان وقراه الورق وقال اممممم ده طلب المعدات الجديده لشركتكم ماشى ومضى الورق وحدفه ليها على المكتب وقال اتفضلى بقى من غير مطرود علشان ورايا حاجات اهم منك
رودينا :- صعبت عليها نفسها مسكت الدموع فى عينيها وقالت انت واحد مريض وقليل الادب ومعندكش ريحة الذوق ولا الأخلاق وشدت الورق وطلعت تجرى من المكتب ووقفت تستنا الاسانسير ودموعها نزلت منها
فادى :- اضايق من كلام رودينا وحس بوجع فى قلبه لما شاف الدموع فى عينيها قام اخد مفاتيحه وخرج من المكتب وراح عند الاسانسير فى نفس الوقت اللى كانت نهى نازله فيه من عند المحامى
رودينا :- اول ما شافت فادى جاى عليها بصت الاتجاه التانى ومسحت دموعها
نهى :- بأبتسامه استاذ فادى ده انا محظوظه بقى علشان اشوفك مره اخيره قبل ما امشى
فادى :- ههههههههه ده انا اللى محظوظ بجد أن شوفتك مره تانيه النهارده وبص على رودينا لاقها وقفه وبتبص على الارض
وفى الوقت ده وصل الاسانسير قال اتفضلى يا انسه نهى
نهى :- ركبت وقالت ميرسى يا فندم
فادى :- بص لرودينا وقال هتركبى
رودينا :- لاء اتفضلوا انتو
فادى :- احسن برضه وركب وقعد يبص عليها لحد ما باب الاسانسير قفل
رودينا :- بصت عليهم لحد ما الباب اتقفل ودموعها نزلت منها التانى وقعدت تعيط بوجع لحد ما الاسانسير وصل ليها تانى ركبته ونزلت ولسه هتركب العربيه بتاعتها شافت نهى وهى بتركب العربيه مع فادى قلبها وجعها و ركبت العربيه وشغلتها وطلعت تجرى بيها
فادى :- شاف رودينا وهى ماشيه بالعربيه وبتجرى بيها اتنهد وركب عربيته
نهى :- ميرسى بجد ليك يا فندم
فادى :- العفو قولى عنوان البيت بتاعك
نهى :- قالت ليه العنوان وهو شغل العربيه بتاعته وصلها للعنوان بتاعها و نزلت وهو مشى علطول
~•~•~•~•~•~•~•~•~•~•~•~•~•
فى الصعيد

فى بيت محسن

صحيت ميرفت من نومها وقامت خرجت من الاوضه لاقت محسن ومراته منيره قاعدين قالت

ميرفت :- صباح الخير
منيره ومحسن:- صباح النور
محسن :- عرفتى تنامى يا بنتى
ميرفت :- ايوه يا عم محسن نمت كويس
منيره :- وعامله ايه دلوقتى
ميرفت :- الحمدالله احسن من امبارح
محسن :- اقعدى افطرى يا بنتى على ما منيره تلبس هدومها علشان اوصلكم تعملى تحليل الحمل
ميرفت :- لالالا مش عايزه اكل مليش نفس
منيره :- يا بنتى ما انتى لازم تاكلى لقمه علشان لو حامل ميحصلش معاكى مضاعفات بسبب قلة الاكل دى
ميرفت :- والله يا خالتى ما هقدر بس ارجوكى البسى بسرعه مستعجله اعرف اذا كنت حامل ولا لاء
محسن :- أن شاءالله ربنا هيجبر بخاطرك وهينولك اللى فى بالك يا بنتى
ميرفت :- يارب يا عم محسن يارب
ودخلت منيره لبست العبايه بتاعتها وخرحوا التلاته وراكبوا التاكسى وراحو معمل التحليل وعملت ميرفت التحليل وانتظرت النتيجه وكانت قاعده متوتره وبتدعى أن يكون فيه حمل
منيره :- طبطبت عليها وقالت أهدى يا حبيبتى اللى ربنا عايزه هيكون
ميرفت :- بقلق يارب انت بس اللى عالم بيا حقق ليا اللى بتمناه وبعد وقت سمعت اسمها حست أن قلبها هيوقف عليها ومش قادره تقف على رجليها
محسن :- قومى يا بنتى بينادوا عليكى
منيره :- وقفت وقالت تعالى يا حبيبتى هروح معاكى
ميرفت :- وقفت وسندت على منيره ومشيت واحده واحده لحد ما وصلت وبصت ليها بتوتر ومعرفتش تنطق ولا كلمه
منيره :- خير يا دكتوره
الدكتوره :- مبروك المدام حامل
ميرفت :- اول ما سمعت كده اغمى عليها من الفرحه
محسن :- طلع يجرى عليها وبص لمنيره وقال مالها
منيره :- مستحملتش الخبر اغمى عليها
محسن :- شالها وقال طلعت حامل
منيره :- ايوه
الدكتوره :- دخلها هنا علشان نفوقها
محسن :- حطها على السرير
الدكتوره :- فوقتها وعلقت ليها محلول وخرجت
محسن :- مبروك يا بنتى ربنا يكملك على خير يارب
ميرفت :- بدموع الله يبارك فيك يا عم محسن
منيره :- مبروك يا بنتى
ميرفت :- الله يبارك فيكى يا خالتى
منيره :- ناويه تعملى ايه يا حبيبتى
ميرفت :- اعمل ايه فى ايه يا خالتى
منيره :- مع ابو اللى فى بطنك ده لازم يعرف يا بنتى من حقه
ميرفت :- بخوف لالالا بلاش يعرف ده ممكن يشك أنه مش ابنه وينزله
محسن :- ازاى الكلام ده يا بنتى مستحيل يعمل كده اكيد هيفرح لما يعرف أنه هيبقى اب
ميرفت :- مش ده يا عم محسن ده شك فيا أن انا بخونه يعنى اكيد هيشك أن اللى فى بطنى ده مش ابنه وحطت ايديها على بطنها وقالت وانا مستحيل أفرط فيه انا هوهب حياتى ليه وبس هعيش علشان اربيه كفايه أن هو هيبقى حته من حمزه
منيره :- اتنهدت بوجع وقالت يا قلب امك يا بنتى ده انتى موجوعه اوى من العذاب اللي انتى فيه
محسن :- بس حرام لازم ابوه يعرف يا بنتى ربنا اللى امرك بده بسم الله الرحمن الرحيم
{وَالْمُطَلَّقَاتُ يَتَرَبَّصْنَ بِأَنْفُسِهِنَّ ثَلَاثَةَ قُرُوءٍ وَلَا يَحِلُّ لَهُنَّ أَنْ يَكْتُمْنَ مَا خَلَقَ اللَّهُ فِي أَرْحَامِهِنَّ إِنْ كُنَّ يُؤْمِنَّ بِاللَّهِ وَالْيَوْمِ الْآخِرِ وَبُعُولَتُهُنَّ أَحَقُّ بِرَدِّهِنَّ فِي ذَلِكَ إِنْ أَرَادُوا إِصْلَاحًا وَلَهُنَّ مِثْلُ الَّذِي عَلَيْهِنَّ بِالْمَعْرُوفِ وَلِلرِّجَالِ عَلَيْهِنَّ دَرَجَةٌ وَاللَّهُ عَزِيزٌ حَكِيمٌ } صدق الله العظيم
منيره وميرفت :- صدق الله العظيم
محسن :- يعنى لو واحده مطلقه وعرفت انها حامل لازم تبلغ طليقها بحملها ده وعدتها بتمدد تسع شهور لحد ما تولد محال انتى مش مطلقه يبقى لازم تبلغى جوزك بحملك ده
ميرفت :- هزت راسها بمعنى لاء وقالت ارجوك يا عم محسن بلاش تضغط عليا فى الموضوع ده انا خايفه على اللى فى بطنى اوى انا ما صدقت بقى عندى حته منه مش عايزه حاجه تانى من الدنيا ودموعها نزلت منها
منيره :- لا حولا ولا قوه الا بالله العلي العظيم خلاص يا سى محسن سيبها على راحتها
محسن :- اللى يريحك يا بنتى
ميرفت :- انا هطلع من هنا هدور على مكان بعيد اعيش فيه لحد ما اولد وهدور على شغل اصرف على نفسى منه
محسن :- ايه اللى بتقوليه ده انا مستحيل اسيبك تقعدى لواحدك وانتى كده انتى هتعيشى معانا وخالتك منيره هتخلى بالها منك
ميرفت :- مش هينفع والله يا عم محسن
محسن :- مفيش حاجه اسمها مش هينفع مفهوم
ميرفت :- بدموع ربنا يخليكم ليا يارب لاقيت معاكم الحنيه اللى ملاقتهاش مع اهلى
منيره :- يا بنتى انتى جيتى لينا من عند ربنا علشان تعوضينا عن اللى راحوا ودموعها نزلت منها
محسن :- مش وقته الكلام ده يا منيره
ميرفت :- بصت ليهم بأستغراب وقالت هو صحيح فين أولادكم
محسن :- اتنهد وقال كل واحد شاف حياته وفين وفين لما بيسألوا فينا
ميرفت :- اتنهدت براحه وقالت الحمدالله أنهم على قيد الحياه انا اتخضيت
منيره :- واحشونى اوى يا بنتى موجودين وكأنهم مش موجودين انا عارفه والله أن الدنيا تلاهى بس غصب عنى قلب الام بقى بشتاق ليهم علطول بكره تعرفى الاحساس ده يا بنتى
ميرفت :- بوجع انا عندى ام بس الصراحه مش فارقه معاها خالص لدرجة كانت عايزه تموتنى المهم اعتبرونى بنتكم واكيد هما غصب عنهم الدنيا صعبه اوى ولقمة العيش مش بتيجى بساهل
محسن :- ربنا يسعدهم ويفرح قلبهم ويوسع رزقهم يارب
ميرفت :- دعواتكم دى هى اللى هتنفعهم فى حياتهم
منيره :- بندعى ليهم تملى
ميرفت :- لنفسها اغبيه كتير من الناس بتتمنا تراب رجل ابوهم امهم هيندموا على كل لحظه عاشوا بعيد عنهم
محسن :- روحتى فين يا بنتى
ميرفت :- ها معاكم
منيره :- المحلول خلص يا سى محسن بلغ الدكتوره
محسن :- ماشى وراح بلغ الدكتوره وشويه وخرجوا التلاته ورواحوا البيت
~•~•~•~•~•~•~•~•~•~•~•~•~•
فى بيت حمزه

كان قاعد فى اوضت ميرفت على السرير بتاعها وماسك المخده وبيشم فيها ودموعه نازله منه

حمزه:- اسف يا ميرفت اسف ارجوكى ارجعى ليا مش هقدر اعيش من غيرك حقك عليا انا واحد غبى غبى ضيعت جوهره غاليه اوى من ايديه يااااااارب رجعها ليا تانى يارب قلبى وجعنى اوى من غيرها وفى الوقت ده تليفونه رن طلع يجرى عليه لاقه تامر رد عليه بسرعه وقال عرفت حاجه عنها
تامر :- بزعل لاء يا حمزه انا متصل اطمن عليك
حمزه :- انا مش كويس يا تامر انا تعبان اوى من غير ميرفت مش قادر اعيش من غيرها
تامر :- اتنهد بزعل وقال اقوى كده يا حمزه علشان تعرف تدور عليها وتلاقيها ياريتنى كنت جنبك يا صاحبى
حمزه :- بوجع لو الدنيا كلها جنبى وميرفت مش معايا هكون وحيد برضه وسطكم يا تامر هى كانت دنيتى وفرحتى انا غبى غبى ضيعتها بشكى وغبائى
تامر:- ربنا يرجعها ليك يا حمزه ويريح قلبك
حمزه :- يارب يا تامر ترجع ليا بس مش عايز حاجه تانى من الدنيا
تامر :- هقفل دلوقتى وشويه وهتصل اطمن عليك تانى خلى بالك على نفسك يا حمزه وشد حيلك كده واقوى علشان تعرف تدور عليها
حمزه:- سلام وقفل مع تامر وقعد يشم فى المخده ريحة ميرفت فيها
~•~•~•~•~•~•~•~•~•~•~•~•~•
فى اسكندريه

فى فيلا ادهم الحناوى

كان ادهم قاعد فى اوضه والتعب مأثر فيه جدآ ومش قادر يتحرك من على سريره ورافض يقابل اى حد حتى دينا أخته وفى الوقت ده باب اوضه خبط قال بعصبيه مش انا قولت محدش يخبط على باب اوضى خالص
دينا :- من بره عم سعيد ابو داليا تحت وعرف اللى حصل لبنته
ادهم :- عرف منين مين قالوا
دينا :- معرفش
ادهم:- انزلى وانا نازل وراكى
دينا :- حاضر
ادهم:- قام بصعوبه من على السرير دخل غسل وشه وفتح الباب ونزل وحاول يظهر قدامهم أنه هو كويس
سعيد :- ايه اللى حصل لبنتى يا ادهم دى الامانه اللى امنتك عليها
ادهم :- متقلقش بنتك هتكون كويسه داليا قويه وهترجع احسن من الاول واللى ليه يد فى اللى هى وصلت ليه ده هيتعاقب اشد عقاب منى
مؤمن :- راح عنده وزقه بأندفاع وقال بلاش تمثيل مفيش غيرك اللى عمل فيها كده
ادهم :- مسك ايد مؤمن وداس على سنانه وقال لو انا اللى عملت كده هقول مش هخاف منكم
مؤمن :- لاء انت اللى عملت كده ومش هسيبك يا ادهم مش هسيبك
ادهم :- اللى عندك اعمله انا ساكت بس علشان ابوك إنما لو حطيتك فى دماغى هفعصك بجزمتى وزقه وقعه فى الارض
سعيد :- مسك ابنه وقفه وقال انا عايز اشوف بنتى يا ادهم
ادهم :- وهو التعب بدء يظهر عليه قال ممنوع الزياره ووقت ما يسمحوا بده هبلغك
سعيد :- اشوفها انشالله من بعيد ارجوك عايز اطمن عليها
ادهم :- بعصبيه قولتلك ممنوع ايه مش بتفهم
مؤمن :- اتكلم عدل مع أبويه
سعيد :- اعمل اللى عايز تعمله فيا بس ودينى عند بنتى اشوفها لو ثانيه واحده
ادهم :- بعصبيه يوووووووه انتو شكلكم مش بتفهموا وسابهم وطلع على اوضه دخل الحمام وقعد يرجع وخرج من الحمام نام على السرير
سعيد :- اتنهد وقال يا ترى يا بنتى عامله ايه دلوقتى وبص لدينا وقال طيب ريحى قلبى انتى يا بنتى وقوليلى هى فين
دينا :- والله يا عم سعيد ممنوع عنها الزياره حتى لو عرفت المكان مش هتعرف تشوفها
سعيد :- اروح حتى لو هنام فى الشارع جنب المصحه بس ابقى جنبها
دينا :- ياربى على وجع القلب بص يا عم سعيد المصحه دى فيها ناس امينه وهيخده بالهم من داليا كويس اوى ومش هيسمحوا لحد يشوفها غير لما تتحسن شويه وعد منى اول ما يسمحوا بالزيارة هبلغك وهاجى اخدك بنفسى والله
سعيد :- وهو الدموع فى عينيه صعبه عليا كأب انام فى سريرى وانا عارف بنتى بتتعذب دلوقتى
دينا :- ادعلها مش فى ايدينا حاجه غير أننا ندعى ليها أنها تمر من الاختبار الصعب ده
سعيد :- متشكر يا بنتى يلا يا ابنى ملناش مكان هنا تعال نروح بيتنا
دينا:- طيب اقعد يا عم سعيد
سعيد :- معلش يا بنتى لازم امشى وسند على مؤمن ابنه وخرج من الفيلا واقفه تاكسى ورجعوا تانى البيت
دينا :- بدموع ربنا يشفيكى يا داليا واجعه قلوبنا كلنا عليكى وفى الوقت ده دخل أكرم وقال
أكرم :- السلام عليكم
دينا :- وعليكم السلام
أكرم :- ادهم فين يا دينا
دينا :- فى اوضه
أكرم :- ماشى انا طالع ليه
دينا :- مش هيرضى يفتح ليك
أكرم :- لا هو عارف ان انا جاى ليه وطلع خبط على باب اوضت أدهم
ادهم :- بعصبيه مش قولت محدش يخبط على الباب
أكرم :- ده انا يا ادهم
ادهم :- بتعب ادخل يا اكرم
أكرم :- دخل وقفل الباب وراه
ادهم :- بتعب عملت ايه
أكرم :- كله تمام
ادهم :- بتعب هروح المصحه واى حد يسأل عليا انا مسافر
أكرم :- حاضر ربنا معاك يا صاحبى
ادهم :- اخف وارجعلهم وهدفعهم تمن اللى عملوا فيا انا وداليا ده غالى اوى
أكرم :- خف انت بسرعه بس وارجع اقوى من الاول
ادهم :- مش هفكرك يا اكرم اياك حد يعرف حاجه انا مسافر واجمد زى ما اتفقنا
أكرم :- يا ادهم متقلقش ركز انت بس فى نفسك
ادهم :- قام بصعوبه من على السرير
أكرم :- راح سنده وقال عايز ايه
ادهم :- بعده عنه وقال معجزتش انا علشان حد يسندنى انا مهما تعبت هفضل ادهم الحناوى
أكرم :- خلاص متعصبش نفسك يا ادهم انا كنت بحاول اساعدك مش اكتر وعارف انك قوى زى ما انت
ادهم :- دخل الحمام
أكرم :- بزعل على صاحبه ربنا يشفيكى يا ادهم مش واخد عليك وانت ضعيف اوى كده ومهزوم مهما تحاول تدارى ضعفك مش هتعرف تداريه عنى يا صاحبى
ادهم :- خرج وهو لابس البورنص وقال هات ليا هدوم من الدولاب
أكرم :- حاضر وطلع ليه هدوم وراح علشان يلبسها ليه
ادهم :- شدها من أيده وقال بعصبيه قولتلك أن انا لسه معجزتش اطلع بره الاوضه يا اكرم وسبنى انا هجهز نفسى
أكرم :- حاضر يا ادهم انا مستنيك بره وخرج وسابه
ادهم :- لبس هدومه بصعوبه وجهز نفسه وخرج من الاوضه لاقه أكرم مستنيه ونزلوا الاتنين ركبوا العربيه ومشى بيه أكرم على المصحه وبعد وقت وصلوا
ادهم :- أكرم متنساش اللى قولتلك عليه اى غلطه منك هضيع مجهود سنين
أكرم :- اتنهد وقال يا ادهم قولتلك متقلقش
ادهم :- اخواتى يا اكرم خلى بالك منهم الرجاله والبنات
أكرم :- حاضر انزل يلا بينا
ادهم :- بقولك ايه تعال نرجع الفيلا وانا هبقى كويس
أكرم :- يا ادهم انزل يلا
ادهم :- انا ادهم الحناوى مش شوية مرض هيهزمونى
أكرم :- لاء هزموك يا ادهم وده مش مرض ده ادمان ومش اى إدمان ده إدمان مميت بيدخل عندك على الاعصاب علطول وممكن مره تموت فيها عرفت شوية المرض اللى بتقول عليهم هزموك ازاى انتى اقوى منه يا ادهم وبعلاجك ده هتبقى فعلا هزمته ويبقى هو ده ادهم الحناوى اللى انا واخد على عنده وإصراره بجد و هتبقى جنب داليا انتو الاتنين هتقوه بعض انزل يلا
ادهم :- بص بصه طويله لأكرم وفتح باب العربيه ونزل
أكرم :- اخد نفسه أن اخيرآ ادهم سمع كلامه وفتح باب العربيه ونزل ودخلوا الاتنين المصحه
الدكتور :- نورت يا ادهم باشا
ادهم :- شكرآ انا عايز اوضه جنب مراتى علطول
الدكتور :- من غير ما حضرتك تقول الاوضه اللى جنب اوضت مدام داليا جاهزه ليك
أكرم :- اياك حد يعرف بوجود ادهم الحناوى عندكم فى المصحه هيكون اخر يوم فى عمرك والمصحه دى هتتقفل نهائى مفهوم
الدكتور :- اكيد دى اسرار مهنه مقدرش اطلعها بره
أكرم :- انا بنبهك بس لعقلك يوزك وتقول اعمل دعايه ولا حاجه
الدكتور :- شرف المهنه لا يسمح بمثل هذه التصرفات
أكرم:- انت مال لسانك قلب كده ما كنت بتتكلم زينا ما علينا بص لادهم وقال محتاج حاجه يا صاحبى
ادهم :- متنساش اللى اتفقنا عليه
أكرم :- متقلقش وسلم عليه وقال اجمد يا ادهم وارجع لينا فى أقرب وقت اقوى من الاول هبقى اجى اسأل عليك واشوفك محتاج حاجه ولا لاء
ادهم :- أن شاءالله
أكرم:- سلام يا صاحبى وخرج وسابه وهو حزين على اللى ادهم وصل ليه ركب عربيته ومشى
ادهم :- عايز اشوف مراتى
الدكتور :- ممنوع بس احب اطمنك أن جسمها بيستحيب لعلاج بسرعه
ادهم:- وهو بيدوس على سنانه عايز اشوف مراتى
الدكتور :- اتفضل بس اوضك واللى انت عايزه يا باشا هيحصل
ادهم:- متعاملنيش على أن انا مريض
الدكتور :- حاضر اتفضل معايا بس
ادهم :- مش هتحرك من هنا غير لما اشوف مراتى وزقه ومشى
الدكتور :- ادهم باشا يا ادهم باشا تعال بس
ادهم :- مشى وقال مراتى فين بقولك مراتى فين
الدكتور :-اهدا بس هوريهالك اتفضل معايا
ادهم :- مشى مع الدكتور عند اوضت داليا اول ما اتفتح الباب شاف داليا نايمه على السرير بضعف راح عندها وقعد جنبها وبص لدكتور وقال هى مالها نايمه
الدكتور :- ده شئ طبيعى لأنها واخده مهدأت كتير
ادهم:- قعد جنبها على السرير ومشى أيده على شعرها وقال داليا
داليا :- بصت ليه بضعف ودموعها نزلت من عينيها
الدكتور :- انا هسبكم شويه مع بعض بس ياريت مطولش اوى علشان نبدأ بالعلاج معاك وخرج من الأوضه
ادهم :- داليا ردى عليا
داليا :- كانت بتبص ليه بضعف شديد ومش قادره حتى تنطق
ادهم :- شدها واخدها فى حضنه وباس راسها وقال حقك عليا مش هرحمهم كلهم هندمهم على اللحظه اللى فكروا يقربوا فيها لينا ونام على السرير ونيم داليا فى حضنه وقال مش هضيعك تانى من ايدى
داليا :- دمعه نزلت من عينيها على صدر ادهم ومسكت فيه بضعف كأنها بتستنجد بيه ينقذها من اللى هى فيه
ادهم :- انا فى ضهرك يا داليا ومش هسيبك لحد ما ترجعى داليا القويه تانى داليا المتمرده الصحفيه اللى كانت مكسره الدنيا هستنا ترجعى تانى بتمرد الصحفيه وبدء التعب يزيد عنده حاول يقوم علشان يروح اوضه
داليا :- مسكت فيه اكتر تمنعه من هو يقوم يمشى ويسيبها
ادهم :- بص على ايديها اللى ماسكه فيه بتعب وقال انا موجود هنا جنبك مش همشى واسيبك
داليا :- هزت راسها بضعف بمعنى لاء
ادهم :- خلاص مش همشى نامى انتى بس وقعد يمشى أيده على شعرها لحد ما نامت بسها فى راسها وقام من جنبها راح عند الدكتور دخله الاوضه وبدء العلاج

*********************

إلي هنا ينتهي الفصل الخامس و الثلاثون من رواية تمرد صحفية بقلم دودو محمد
تابع من هنا: جميع فصول رواية تمرد صحفية بقلم دودو محمد

تابع أيضاً: جميع فصول رواية انتقام ثم عشق بقلم لولو الصياد

تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها

اقرأ أيضا: رواية من أجلك فقط بقلم لولو الصياد