قصص رومانسية جريئة ممنوع دخول الأطفال

مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة دودو محمد علي موقعنا قصص 26 و موعدنا اليوم مع الفصل الثامن و الثلاثون من  رواية تمرد صحفية بقلم دودو محمد. 

رواية تمرد صحفية بقلم دودو محمد - الفصل الثامن و الثلاثون

اقرأ أيضا: رواية عشق الزين (الجزء الأول) بقلم زيزي محمد

رواية تمرد صحفية بقلم دودو محمد

رواية تمرد صحفية بقلم دودو محمد - الفصل الثامن و الثلاثون

اشرقت شمس صباح يوم جديد بنورها الساطع فى سماء الاسكندريه لتبدء داليا بفتح عيونها على صوت الممرضه علشان تديها العلاج بصت على السرير ملاقتش ادهم بصت للمرضه وقالت

داليا :- لو سمحتى انتى لما دخلتى الاوضه كان فيه حد موجود
الممرضه :- حد مين
داليا :- ادهم جوزى
الممرضه :- لاء مكانش فيه حد فى الاوضه خالص
داليا :- ازاى هيكون راح فين
الممرضه :- ممكن يكون رجع اوضه تانى ولا حاجه
داليا :- ممكن
الممرضه :- ادتها العلاج وخرجت
داليا:- لنفسها بأستغراب معقول كان بيتهيألى وجوده بليل لاء مستحيل ادهم كان هنا وقال ليا أن هو بيحبنى
ومسكت راسها وقالت يوووووه بقى انا كده هتجن هروح اشوفه فى اوضه وخرجت من اوضتها وراحت خبطت على باب اوضت أدهم محدش رد عليها فتحت الباب ودخلت ملاقتش حد فى الاوضه سألت الممرضه قالت ليها أن هو مجاش الاوضه بتاعته خالص استغربت ورجعت تانى لاوضتها وقالت انا هتجن ادهم جه هنا فعلا ولا مجاش ولا من اثر المخدر اتهيألى أن هو جه اوضى وقال ليا أنه بيحبينى انا تعبت بقى مبقتش عارفه ايه اللى بيحصل بجد وايه هى التهيؤات
ودخلت قعدت على السرير بتحاول تفتكر حاجه تأكد ليها أن أدهم كان موجود فى اوضتها بليل
~•~•~•~•~•~•~•~•~•~•~•~•~•
عند فاطمه

فاقت فاطمه من نومها لاقت نفسها نايمه على سرير فى اوضه غريبه وعليها الغطا وبصت على نفسها لاقت نفسها بالهدوم الداخليه شدت الغطا عليها كويس وقالت بدموع

فاطمه :- يا نهار اسود ه.ه.هو عمل فيا ايه اه يا واطى يا جبان انت فين بس يا اكرم الحقنى منه ارجوك وفى الوقت ده الباب اتفتح ودخل رامى ومعاه صنية الاكل وقال

رامى :- احلى واجمل صباح على روح قلبى وعمرى طمطم
فاطمه :- وهى بتعدل الغطا عليها كويس قالت ا.ا.انت عملت فيا ايه
رامى :- ولا حاجه جبتك ونيمتك على السرير ومرضتش ازعجك شوفتى انا خايف عليكى ازاى
فاطمه :- بدموع لو خايف عليا بجد سبنى ارجع لاهلى يا رامى زمان امى وابويه هيتجننوا عليا انا بنتهم الوحيده عارف هيكون ايه احساسهم دلوقتى
رامى :- قعد جنبها وقال عايزه ترجعى لأهلك ولا ليه
فاطمه :- وليه برضه ما هو جوزى
رامى :- هطلقك منه وهتجوزك يا فاطمه انتى ليا انا وبس
فاطمه :- يا رامى مش هينفع أطلق من اكرم هو بيحبينى وانا بحبه ومنقدرش نستغنا عن بعض وانت اكيد هتحب واحده غيرى وهتتحب والله
رامى :- وقف وقال وانا مش عايز غيرك انتى وانا خلاص طلبت منه يطلقك ووافق
فاطمه :- بصدمه أكرم وافق يطلقنى
رامى:- اه يا عمرى أكرم هيطلقك وعند المأذون كمان
فاطمه :- كانت مصدومه ومش عارفه ترد
رامى :- مشى أيده على وشها وقال مصدومه صح
فاطمه :- بعدت وشها عنه وقالت ابعد عنى
رامى :- هههههههه ماشى مكسوفه منى وكده عمومآ هو هيطلقك وانا هتجوزك علطول وهيبقى بعد كده مفيش كسوف نهائى ما بينا وحط الاكل قدامها وقال يلا كلى يا قلبى
فاطمه :- بصت الاتجاه التانى وقالت مش عايزه
رامى :- لاء انتى كده هتزعلينى منك وانا زعلى وحش اوى
فاطمه :- لو سمحت اطلع بره وياريت تجيب ليا هدوم ألبسها
رامى :- انا لو عليا عايزك زى ما انتى كده ومن غير الغطا ده كمان وغمز ليها
فاطمه :- لم لسانك يا رامى واحترم نفسك
رامى :- ااااااااه هانت يا روحى هروح اجبلك هدوم من بتاعتى وخرج وسابها
فاطمه :- بدموع يارب خرجنى من الورطه دى بقى انا عارفه أن أكرم بيعمل كده علشانى بس ربنا يستر عليه احميه ليا يارب وبصت على الاكل اللى رامى حطه على رجليها وحدفته فى الارض بغيظ
~•~•~•~•~•~•~•~•~•~•~•~•~•
فى شركة أدهم الحناوى

كان قاعد أكرم مع ادهم فى مكتبه ومعاهم فادى وعلاء وتامر وممدوح وكان اكرم قاعد والحزن واضح عليه

ممدوح :- احنا هنقعد كده متكتفين واختى مخطوفه
تامر :- احنا مش ساكتين بنحاول نمسك اى طرف يوصلنا ليهم
ممدوح :- مش بتقولوا عارفين مين اللى خطفها
تامر :- ايوه عارفين بس مش قادرين نوصل ليه
ادهم :- بقرف ممكن تسكت شويه علشان نعرف نفكر
ممدوح :- لاء مش هسكت المخطوفه دى تبقى اختى
ادهم :- بقرف وتبقى مرات أكرم برضه
ممدوح :- أكرم اللى اتخطفت منه ومعملش حاجه وقاعد ساكت ولا على باله
أكرم :- غمض عينه وقال ابعد عنى دلوقتى علشان مطلعش فيك كل اللى حاسس بيه
ممدوح :- وليك عين كمان بتتكلم كنت اتشطر على اخدو اختى منك
أكرم :- قام بغيظ ومسك ممدوح وقعد يضرب فيه والكل ادخل وبعدو أكرم عن ممدوح
علاء :- اهدا يا اكرم مش كده احنا عارفين أن اعصابك مشدوده بس هو برضه اخوها وقلقان عليها
فادى :- يا جماعه مش وقته اللى بيحصل ده المهم دلوقتى نشوف طريقه نوصل بيها لمراتك يا اكرم
أكرم :- قعد وقال اقسم بالله ما هسيبه رامى الكلب ده مبقاش انا لو مطلعتش روحه بأيديه
ممدوح :- كان نازل الدم من بؤقه من ضرب أكرم ليه مسحه وقال بأستغراب رامى اللى كان خطبها
تامر :- ايوه انت تعرفه
ممدوح :- ايوه طبعآ اعرفه ده كان صاحبى وبعدين رامى محترم وابن ناس هيعمل كده ليه
تامر :- الغيره تعمل اكتر من كده طيب متعرفش أماكن ليه ولا حاجه كنتوا بتتجمعوا فيها
ممدوح :- سكت شويه وقال لاء بس اللى ممكن تساعدنا أخته
تامر :- ازاى مش فاهم
ممدوح :- أخته كانت بتحبنى زمان انا ممكن اتصل بيها واخليها تيجى عندى ونهدد اخوها يرجع لينا فاطمه نرجع ليه أخته
علاء :- لاء طبعآ انا أرفض مهما كان دى وليه وحرام نستعملها فى حاجه زى كده
فادى :- انا شايف فكرته كويسه
تامر :- بس دى هيكون فيها مسأله قانونيه لأنها تعتبر جريمة خطف زى ما هو عامل بالظبط
أكرم :- انا عندى استعداد اروح اخطف أهله كلهم واتحبس فيها بس فاطمه ترجع لينا سليمه وميحصلهاش حاجه وحش
ادهم :- على فكره كلامكم ساذج اوى احنا مش هنعمل فيلم هندى احنا عايزين نفكر صح ونوصل ليهم عن طريق الشرطه مش نقول خطف وقتل ركزو شويه ربنا يكرمكم احنا مش ناقصين هبل وعبط
تامر :- كلامك كده صح ده شغل افلام هندى
ممدوح :- وهو خطفه لاختى مش فيلم هندى برضه
ادهم :- بقرف ممكن انت بالذات تسكت علشان كلامك بيعصبنى
تامر :- اهدوا بس يا جماعه خلينا نفكر بالعقل
علاء :- بعد صلاة الظهر هروح اصلى حد جاى معايا
كلهم قالوا رايحين معاك الا ادهم
علاء :- تعال معانا يا ادهم
ادهم :- اجى معاكم فين
علاء :- بيت ربنا المسجد نصلى الظهر
ادهم :- احم لاء روحوا انتو وانا هستناكم هنا
علاء :- عيب عليك يا اخى لما تبقى راجل طول بعرض ومش بتصلى
ادهم :- علاء مش وقته الكلام ده روحوا صلوا وانا مستنيكم هنا
علاء :- ربنا يهديك ويصلح حالك ومشوا كلهم راحوا يصلوا وسابوا ادهم فى المكتب
ادهم :- رجع راسه لوراه وقعد يفتكر اللى حصل امبارح ما بينه وبين داليا
~•~•~•~•~•~•~•~•~•~•~•~•~•
فلاش باااااك

نام ادهم على رجل داليا بعد ما اعترف بحبه ليها وبعد وقت صحى من نومه لاقه نفسه نايم على السرير وراسه على رجل داليا رفع راسه وبص عليها لاقها نايمه وهى قاعده وايديها على شعره قام قعد جنب داليا بهدوء شديد وفضل يبص عليها وهى نايمه وقرب من خدها وبسها بوسه رقيقه ومشى أيده على شعرها وقال

ادهم :- عمرى فى حياتى ما اتوقعت أن انا احب حد بالطريقه دى انتى غيرتى فيا حاجات كتير اوى يا داليا انتى بقيتى بالنسبه ليا قوتى؛ قدرتى بتمردك ده تخترقى حصون قلبى اللى عشت عمرى كله ابنى فيها بقيتى انتى كل حياتى ضحكتك بتدينى الامل اللى فقده نظرة عينك ليا بقت تولد عندى الإصرار على الحياه كلامك ليا بقى يدينى الدفعه والقوه فى وقت ضعفى بقيت احس معاكى ان انا بنى أدم جديد وجودك جنبى يعنى الحياه اوعى تبعدى عنى وتسبينى يا داليا وقرب منها تانى وبسها فى خدها واخد خصله من شعرها وقربها منه وقعد يشم فيها واتنهد وقال بحبك اوى يا داليا وقام من جنبها بكل هدوء وخرج من الاوضه والمستشفى كلها وراح الفيلا عنده
~•~•~•~•~•~•~•~•~•~•~•~•~•
بااااااااك

فاق ادهم من تفكيره على صوت الشباب بعد ما رجعوا
علاء :- بكره تندم على كل وقت راح منك من غير ما تصلي
ادهم :- سكت ومردش عليه
فادى :- المهم دلوقتى هنعمل ايه
تامر :- مفيش حاجه قدمنا غير أننا نستنا مكالمة رامى لأكرم علشان يحدد الميعاد اللى هيقبله فيه
ممدوح :- يقابله ازاى ممكن تفهمونى
تامر :- رامى اتصل بأكرم بليل وطلب منه أن هو يطلق فاطمه بس لازم يكون عند المأذون ولما رفض أكرم هدده أن هو احم ه.ه.هيقرب منها ويعنى اكيد انت فهمت قال ايه واكرم انفعل وهدده أن هو لو قرب لفاطمه هيكون اخر يوم فى عمره وقال ليه أن هو موافق يطلق بس يكون موجود معاه عند المأذون رامى وافق بس طبعآ مش هتكون بالسهوله اللى احنا مفكرنها اكيد هيتبع اسلوب ماكر علشان يأمن نفسه لو أكرم بلغ الشرطه
ممدوح :- اعملوا بأى طريقه ورجعوا فاطمه ابوها وامها منموش من امبارح وهيتجننه عليها وطبعآ البيه مهانش عليه يتصل ويعرفنا حاجه غير لما النهار طلع وكان قافل تليفونه وكمان مروحش الفيلا اتصلنا على تليفون الفيلا ردت عليا أخته قالت إن هو مجاش وبرضه أهله قلقانين عليه
علاء :- أن شاءالله هترجع النهارده وتنام فى بيتها فى حضن امها
أكرم :- وقف وقال انا ماشى عن اذنكم
ادهم :- رايح فين
أكرم :- فى اى داهيه هلف بالعربيه شويه فى الشارع
تامر :- طيب اى حاجه تحصل بلغنا بيها
أكرم :- أن شاءالله وخرج وسابهم
تامر :- انا هروح المكتب عندى واى حاجه هتحصل هبلغكم بيها وانتو كمان اى حاجه تحصل بلغونى بيها
ادهم :- ماشى
تامر :- خرج من مكتب ادهم راح على شغله
ادهم :- بص لاخواته وقال وانتو كمان روحوا شوفوا شغلكم
علاء :- ماشى وخرج هو وفادى
ادهم :- وانت يا اخ هتفضل قاعد ليا كده
ممدوح :- بقرف لاء هروح اشوف عمى ومرتوا اللى هيموتوا على بنتهم وخرج من المكتب راح على بيت فاطمه
ادهم :- اتنهد ومسك دماغه من كتر الصداع وطلع من جيبه الحبوب اللى الدكتور كتبها ليه لما يحس بالصداع المزمن واخد الحبايه وشرب المايه وراها وحط الكوبايه جنبه ومسك الأوراق اللى على مكتبه وبدء يشوف شغله
~•~•~•~•~•~•~•~•~•~•~•~•~•
فى الصعيد

كان نايم حمزه فى الاوضه اللى كانت بتنام فيها ميرفت وتليفونه رن اخده من جنبه وبص فيه لاقه رقم تامر رد بصوت ضعيف وقال

حمزه :- الو
تامر :- عامل ايه يا حمزه
حمزه :- بحزن بموت من جوايا يا تامر
تامر :- لسه ملاقتهاش برضه
حمزه :- كنت خلاص وصلت للمكان اللى هى كانت قاعده فيه بس للاسف مشيت قبل ما انا اوصل
تامر :- اجمد كده وان شاءالله هتلاقيها
حمزه :- بدموع مراتى كانت حامل والبيبى نزل
تامر :- بصدمه ايه
حمزه :- نزل من قبل ما افرح بيه الدنيا معانده معايا اوى يا تامر يعنى مراتى مش لاقيها وكمان ابنى نزل من قبل ما اعرف حتى بوجوده ولا افرح بيه
تامر :- اتنهد بحزن على صاحبه وقال ربنا يعوضك عنه خير إن شاءالله
حمزه :- نفسى بس ترجع واشوفها كان نفسى ابقى جنبها فى وقت زى ده اكيد حالتها صعبه دلوقتى اكيد مكسوره ودموعها على خدها ااااااه قلبى وجعنى عليها اوى يا صاحبى
تامر :- يا ابنى ارحم نفسك وفوق كده شغلك ومستقبلك هيروحوا منك ركز فى اللى جاى علشان متخسرش كله
حمزه :- مش عايز حاجه انا عايز ميرفت وبس
تامر :- ابوك يا حمزه هيتجن عليك وانا بطمنه تملى واقوله انك مشغول ومش عارف تكلمه واختك داليا
حمزه:- اختى مالها
تامر :- اختك بقالها فتره محجوزه فى مصحة الإدمان
حمزه :- بصدمه ادمان
تامر :- ايوه
حمزه :- يبقى اكيد الحيوان اللى هى متجوزاه هو اللى عمل فيها كده اختى مستحيل تاخد حاجه زى كده انا نازل اسكندريه وهعرف احمى اختى منه
تامر :- اهدا يا تامر وبلاش تسرعك ده اللى تملى موديك فى داهيه اختك وادهم الاتنين فى المصحه ناس كانت بتنتقم منهم هما الاتنين يعنى أدهم ضحيه زى اختك بالظبط
حمزه :- بعصبيه يعنى برضه اللى حصل لاختى كان بسببه
تامر :- اللى فيك فيك يا حمزه انت حر بقى انا قولت اقولك علشان تبقى عارف كل حاجه سلام وقفل السكه
حمزه :- انا لازم اكون فى اسكندريه حالا وقام غسل وشه واتوضه واده فرضه ولبس هدومه راح على القسم قدم طلب اجازه ورجع جهز شنتطه وراح على محطة القطر ورجع على اسكندريه
~•~•~•~•~•~•~•~•~•~•~•~•~•
فى شركة أدهم الحناوى

فى مكتب فادى

دخلت نهى السكرتيره وهى متعصبه المكتب عند فادى وقالت

نهى :- استاذ فادى ممكن تقبل استقالتى
فادى :- بأستغراب استقالتك طيب ليه هو انتى لحقتى
نهى :- ما انا جايه اشتغل بكرامتى مش اتهان
فادى :- ليه مين اهانك
نهى :- الانسه رودينا اتصلت بيا وكانت عايزه حضرتك بلغتها انك فى مكتب استاذ ادهم زعقت ليا وشتمتنى وقالت إنها جايه حالا وقفلت السكه فى وشى
فادى :- رفع حاجبه وقال رودينا عملت كده
نهى :- ايوه وياريت بعد اذن حضرتك تقبل الاستقالة بتاعتى
فادى :- بأبتسامه أهدى بس واقعدى
نهى :- شكرآ مش عايزه اقعد وانا هاديه اهو
فادى :- ولو قولتلك ده أمر من مدير الشركه انك تقعدى هتعملى ايه
نهى :- اهو يا فندم قعد
فادى :- بصى يا ستى حقك هجيبه ليكى تالت ومتلت منها وهخليها كمان تعتذر ليكى ها ايه رأيك
نهى :- يا فندم انا مش بعمل كده علشان حضرتك تخسر عملائك بس فعلا انا مقدرش اقعد فى مكان بتهان فيه
فادى :- اولا دول مش عملائنا دول شغالين عندنا ثانيآ احنا اصحاب الشركه قولنا ليكى حاجه تهينك ؟
نهى :- هزت راسها وقالت لاء
فادى :- يبقى خلاص المهم احنا مش اللى شغالين عندنا صح ولا ايه
نهى :- صح
فادى :- يبقى استهدى بالله كده وروحى على مكتبك وانا هعرف اجبلك حقك منها
نهى :- وقفت وقالت شكرآ يا فندم عن اذنك وفتحت الباب فى نفس الوقت اللى كانت رودينا بتفتح فيه الباب
رودينا :- بغيظ انتى انتى ازاى اتصل واقولك ادينى استاذ فادى مترضيش تدهونى
نهى :- علشان قولتلك استاذ فادى مش فى مكتبه استاذ فادى كان فى مكتب استاذ ادهم
رودينا :- والله كان فى مكتب استاذ ادهم ولا حضرتك انتى وهو مكنتوش فاضين لمكالمة التليفون
فادى :- بصوت عالى نهى روحى على مكتبك
نهى :- حاضر يا فندم وسابتهم ومشيت
رودينا :- ممكن افهم حضرتك مرضتش تكلمنى ليه
فادى :- وقف وراح عندها وقال مكنتش فاضى ارد على اشكالك
رودينا :- كنت معاها صح
فادى :- بأستفزاز وافرضى يهمك فى ايه
رودينا :- وهى حابسه الدموع فى عينيها وانا هيهمنى فى ايه تكون معاها ولا مع غيرها انا المهم عندى الشغل وبس
فادى :- رجع قعد على مكتبه وقال بثقه وانا مقصرتش معاكى فى الشغل
رودينا :- لاء كان فيه ورق مهم لازم تمضى عليه ولما اتصلت كنت عايزه اقولك عليه
فادى :- هاتى الورق أمضى عليه
رودينا :- وهى الدموع فى عينيها مدت ايديها بالورق وقالت اتفضل اهو
فادى :- اخده منها ومضه عليه وحدفه على المكتب وقال اتفضلى الورق اتمضى اهو
رودينا :- اخدته من غير ولا كلمه ولفت ولسه هتمشى
فادى :- رودينا وقفت من غير ما تبص ليه
فادى :- قام من على مكتبه وراح وقف قصادها وقال انتى لازم تعتذرى لنهى
رودينا:- بصدمه انا أعتذر ليها
فادى :- ايوه مش انتى اللى غلطى فيها
رودينا :- مستحيل ده يحصل ولسه هتمشى
فادى :- هيحصل يا رودينا وهتعتذرى لنهى
رودينا :- انت مفكر نفسك ايه ها انت ولا حاجه يا فادى
فادى :- زقها عند الحيطه ووقف قصادها وبص فى عينيها وقرب منها جدآ وقال انتى متأكده أن انا ولا حاجه
رودينا :- بتوتر ا.ا اه ولا حاجه ولو سمحت ابعد عنى خلينى امشى
فادى :- قرب اكتر ليها وقال كدابه عينيكى فضحاكى يا رودينا لو انا ولا حاجه بتغيرى عليا ليه من نهى وحطاها فى دماغك ليه انتى بتحبينى يا رودينا
رودينا :- بصت الاتجاه التانى بعيد عن نظراته ليها وقالت بحبك انت بتحلم يا فادى انا بكرهك بكره
فادى :- قطع كلامها ببوسه من شفايفها
رودينا :- اتصدمت من اللى حصل وزقته بعيد عنها ورفعت ايديها وضربته بالقلم وقالت انت واحد حيوان وزباله
فادى :- حط أيده مكان ضربت رودينا وداس على سنانه وقال انتى بتمدى ايدك عليا
رودينا :- انت مفكرنى ايه انت واحد معندكش أدب ولا اخلاق مفكرنى لقمه سهله لا فوق واعرف انت بتتعامل مع مين يا فادى
فادى :- مسكها من دراعها وقال هدفعك تمن القلم ده غالى اوى يا رودينا وشدها وراه وراح عند مكتب نهى وقال اعتذرى ليها
رودينا :- سيب دراعى اوعى
فادى :- مش هسيب دراعك غير لما تعتذرى ليها
نهى :- خلاص يا فندم مش زعلانه سيبها
فادى :- تعتذر ليكى الاول
نهى :- يا فندم خلاص والله الشركه كلها بتتفرج علينا
رودينا :- سيب دراعى يا حيوان
فادى :- بزعيق اعتذرى
ادهم :- سمع الصوت وهو فى مكتبه خرج وقال بصوت عالى فاااااااادى فى ايه عندك
فادى :- غلطت فى موظفه عندى ومش عايزه تعتذر ليها
ادهم :- تعال ورايا انت وهى وهى وسيب دراعها
فادى :- ساب دراع رودينا وبصلها من فوق لتحت وراح على مكتب ادهم ومشيت رودينا ونهى وراه
ادهم :- اقفلوا الباب وراكم
نهى :- قفلت الباب وراحت وقفت جنب رودينا
ادهم :- بص لفادى وقال ممكن اعرف فى ايه بقى
فادى :- بأنفعال الهانم اتصلت بالسكرتيره بتاعتى وشتمتها وقفلت السكه فى وشها ولما طلبت منها تعتذر ليها مرضتش
ادهم :- بص لرودينا وقال حصل الكلام ده
رودينا :- بدموع ايوه
ادهم :- وليه عملتى كده
رودينا :- انا غلطانه يا فندم
ادهم :- ياريت بعد كده متغلطيش فى اى موظف فى الشركه تانى مفهوم
رودينا :- حاضر
نهى :- بعد اذن حضرتك انا قولت لأستاذ فادى خلاص مش عايزاها تعتذر ليا والله
ادهم :- ماشى روحى على مكتبك وانتى يا انسه تقدرى تمشى
الاتنين خرجوا من مكتب ادهم وبص لفادى بغيظ وقال انت ايه اللى عملتوا ده
فادى :- عملت ايه واحده وغلطت فى موظفه عندنا وكان لازم تعتذر
ادهم :- تقوم تفضحها فى الشركه بالمنظر ده
فادى :- تستاهل ومش هسيبها
ادهم :- فوق يا فادى انت بتعمل كده علشان زعلان منها بس عواطفك دى هتوديك فى داهيه
فادى :- لاء مش كده بس مش واحده زى دى تغلط فى حد شغال عندنا
ادهم :- براحتك بس بكره تندم على كل ده اتفضل روح مكتبك يلا
فادى :- وقف ومشى لحد الباب وبص لادهم وقال مش فادى الحناوى اللى يندم على واحده زى دى وخرج راح مكتبه
ادهم :- ابتسم وقال ههههه الولا ده طالع نسخه مني بس قبل ما اقابل داليا وتغيرنى
~•~•~•~•~•~•~•~•~•~•~•~•~•
فى فيلا خالد الحناوى

نزلت سندس وهى لابسه هدوم ظاهره جسمها جدآ وعامله شعرها كيرلي وحطه ميك اب اوڤر جدآ وشافتها امها بالمنظر ده وقالت

إنعام :- رايحه فين كده
سندس :- رايحه بارتى واحده صحبتى
إنعام :- اوك بس متتأخريش
سندس :- بأبتسامة وجع قالت وده يهمك فى حاجه أتأخر ولا لاء
إنعام :- اتكلمى بأسلوب حلو
سندس :- سابتها وشاورت ليها بأيديها ومشيت وقفت تاكسى وراحت على الديسكو ونزلت دخلت لاقت بنات واولاد من اللى معاها فى المدرسه راحت عندهم وقالت هاى
أصحابها :- سلموا عليها
سندس :- بصت على اللى بيرقصوا وقالت ووووواوووو انا هروح ارقص
رولا صديقة سندس :- مدت ايديها بالكاس وقالت خدى اشربى ده الاول
سندس :- اخدته منها وشمته وقالت ده ريحته وحشه اوى
رولا :- اشربيه على مره واحده وانتى هتلاقى نفسك فى دنيا تانيه وولعة ليها سيجاره وقالت واشربى دى وراها وادعيلى
سندس :- بصت ليها بتوتر وغمضت عينيها وقربت الكاس من بؤقها وشربته مره واحده وقعدت تكح
رولا :- ههههههههه هى أول مره كده وبعد كده هيبقى عادى خدى بقى دى منى ومدت ايديها بالسيجاره
سندس :- اخدتها من ايديها وقربتها من شفايفها واخدت نفس وقعدت تكح
رولا :- هههههههه انتى جديده خالص بكره تتعودى
سندس :- بعد كذا نفس اخدت عليها وشربت السيجاره وكاس تانى ومبقتش حاسه بأى حاجه تعملها وقعدت ترقص مع الشباب بحركات مثيره
رولا :- يلا سندس نمشى مش قادره اقعد اكتر من كده
سندس :- لااااااااا انا مبسوطه اوووووووى وكملت رقص
شاب :- سبيها يا مزه دى محتاجه تظبط النهارده وغمز ليها
رولا :- ملكش دعوه بيها يا چو
چو :- ازاى بس ده انا ابقى عبيط لو ضيعت طلقه زى دى من ايدى
رولا :- چو احنا اتفقنا أن نجبها معانا فى الشله تسهر تشرب لكن متفقناش انك تعمل فيها حاجه
چو :- رولا روحى شوفى هتعملى ايه ومتشغليش بالك باللى هيحصل معاها وراح يكمل الرقص مع سندس
رولا :- مبقتش عارفه تتصرف ازاى وحست بالذنب علشان اللى هيتعمل فى سندس شافت الشنطه بتاعت سندس راحت فتحتها واخدت تليفون سندس وراحت عندها وقالت سندس ممكن تفتحى الفون بتاعك اعمل منه مكالمه
سندس :- وهى بترقص اخدت التليفون وفتحته ومدت ايديها بيه لرولا وكملت الرقص
رولا :- جابت اخر رقم عندها فى التليفون لاقته مكتوب بأسم حب عمرى طلبته وانتظرت الرد
مؤمن :- افندم متصله بيا ليه
رولا :- ا.ا.انا مش سندس انا صحبتها
مؤمن :- بقلق ليه فيه حاجه
رولا :- بص انا معرفش انت قريبها ولا لاء بس لاقيت اسمك مكتوب عندها بحب عمرى سندس فى خطر لو سمحت الحقها حالا
مؤمن :- اتكلمى بوضوح لو سمحتى
رولا :- سندس فى الديسكو وسكرانه وفيه شاب ناوى يضحك عليها ارجوك الحقها حالا لأنها مش حاسه هى بتعمل ايه
مؤمن :- بعصبيه قولى العنوان بسرعه
رولا :- العنوان (.......) ارجوك متتأخرش وقفلت مع مؤمن وراحت عند سندس لاقتها ماشيه مع چو قالت ا.ا.انتو رايحين فين
سندس :- وهى نايمه فى حضن جو قالت رايحين نخترع الذره ههههههههه
چو :- قرصها من خدها وقالها شطوره
رولا :- ب.ب بس لسه بدرى خليكم شويه
چو :- بدرى من عمرك يا جميل وسابها ومشى هو وسندس
رولا :- چو يا چو استنا بس
چو :- يوووووه ما خلصنا بقى يا رولا
رولا:- ط.ط.طيب اسمعنى بس حرام تعمل معاها كده وضيع مستقبلها
چو :- اقسم بالله لو مبعديش عن سكتنا لكون عامل فيكى اللى ناوى اعمله فيها فاهمه
سندس :- وهى حضنه چو ناوى تعمل فيا ايه يا شقى وبسته فى خده
چو :- هتعرفى كل حاجه دلوقتى يا روح الشقى ومشى بيها
رولا :- اعمل ايه بس يا ربى وطلعت تجرى وراهم وقالت سندس سندس
چو :- وقف وقال اللهم يطولك يا روح عايزه ايه تانى
رولا :- ت.ت.تليفون سندس كان معايا
چو :- شكرآ واخده منها وركب سندس العربيه جنبه وراح علشان يركب هو كمان بس قبل ما يدخل العربيه ايد مؤمن رجعته وضربه فى وشه
رولا :- بفرحه الحمدالله يا ربى وراحت عند سندس ونزلتها من العربيه
چو :- ضرب مؤمن فى وشه وقال انت مين يالا
مؤمن :- ضرب چو وقال انا خطيبها يا و**** وقعد يضرب فيه لحد ما اغمى عليه وراح عند سندس ومسكها من دراعها وقال امشى معايا
رولا :- لو سمحت براحه عليها هى مذنبهاش حاجه ا.ا.انا اللى جبتها هنا بس مكنتش اقصد والله يحصل ليها حاجه وحشه
مؤمن :- وانتى برضه قولتلها تلبس اللبس المسخره ده وسحبها وراه
سندس :- نامت فى حضن مؤمن وقالت هتودينى فين يا حبيبى
مؤمن :- بعدها عنه وقال فوق يا سندس
سندس :- لفت دراعها حاولين رقبة مؤمن وقالت هههههههه شكلك حلو اوى وانت مكشر وعملت شبه وقالت وشك عامل كده هههههههه بس انا واثقه انك بتعمل كده علشان تكرهنى فيك هههههه بس انا مش بكرهك انا بحبك لاء مش بحبك مش بحبك ا.ا.انا بعشقك انا بموووووووت فيك ونامت على صدره وقالت انت اكيد بتحبنى صح ههههههههه بقولك ايه تعال نتجوز يلا
مؤمن :- بعدها عنه وشدها وراه منه وراح عند الحنفيات العمومى وفتحها ونزلها على دماغ سندس وقال فوقى يا سندس فوقى بقى
سندس :- المايه سقعه وطلعت تجرى بعيد عنه
مؤمن :- جاب ازازه وحط فيها مايه وطلع يجرى وراها وشدها فى حضنه ونزل المايه اللى فى الازازه فوق دماغ سندس
سندس :- جسمها اترعش من السقعه ودخلت اكتر فى حضن مؤمن علشان تدفه
مؤمن :- اتنهد وقرب أيده عليها وضمها فى حضنه اكتر علشان يدفيها وقلع الجاكت بتاعه حطه عليها ووقف تاكسى وركبوا التاكسى وراحوا على كافيه دخلوا الاتنين الكافيه قعدها على الكرسى وراح هو قعد وطلب اتنين قهوه علشان سندس تفوق
سندس :- كانت قاعده ساكته ومش بتتكلم والدموع نازله من عينيها
مؤمن :- انتى ازاى تعملى كده ازاى
سندس :- بدموع شئ ميخصكش انت مالك البس ايه ولا اروح فين بلاش تعمل عليا دور الوصى انت ولا حاجه بالنسبه ليا فاهم وقامت وقفت
مؤمن :- شدها قعدها وقال اتنيلى اقعدى وانتى مش شيفانى هموت عليكى بس انا عملت اللى اى حد كان هيعملوا لو مكانى
سندس :- متشكرين على خدماتك وياريت بعد كده ملكش دعوه بعمل ايه ولا بروح فين فاهم
مؤمن :- فى داهيه بس لو مكنتش عملت كده كان زمانك بتبكى بدل الدموع دم على اللى كنتى هتخسريه
سندس :- بوجع عادى لو خسرت اى حاجه ما انا بخسر كل حاجه فى حياتى يعنى مش هتيجى على دي
مؤمن :- حتى لو كان شرفك
سندس :- وقفت وقالت عن اذنك
مؤمن :- استنى هوصلك
سندس :- مش محتاجه مساعده من حد وقلعت الجاكت بتاعه ورمته ليه وقالت ياريت بعد كده متدخلش فى حياتى وسابته ومشيت
مؤمن :- بص عليها لحد ما مشيت ودفع الحساب واخد الجاكت بتاعه وخرج لاقها بتركب التاكسى بصت ليه بوجع وقفلت الباب ومشى التاكسى بيها
مؤمن :- حس بوجع فى قلبه لما شاف نظرة سندس ليه اتنهد بوجع ووقف تاكسى ورجع على بيته
~•~•~•~•~•~•~•~•~•~•~•~•~•
عند أكرم

كان قاعد سرحان فى البحر وبيفكر فى فاطمه وتليفونه رن طلعه من جيبه وبص فيه لاقه رقم غريب فتح السكه بسرعه

رامى :- البحر حلو مش كده
أكرم :- بص حاوليه وقال انت هنا لو راجل اظهر وواجهنى راجل لراجل
رامى :- متستعجلش اسمع الكلام اللى هقولوا ليك حالا قرب من الشارع عند العربيات هتلاقى عربيه سوده اركبها علطول
أكرم :- قام وقف وراح عند الشارع وبص حاوليه على العربيه السوده ملقاش حاجه طلع تليفونه ولسه هيرن على رامى عربيه سوده وقفت قصاده وسحبته جواها واتحط منديل على مناخيره وبعد كده محسش بحاجه تانى
~•~•~•~•~•~•~•~•~•~•~•~•~•
عند فاطمه

كانت قاعده فى اوضتها ودموعها على خدها ولابسه قميص رامى الطويل عليها والباب اتفتح ضمت رجليها عند صدرها بخوف وبصت على الباب

رامى :- راح عند فاطمه بفرحه وحضنها وقال خلاص يا حبيبتى النهارده جوزك هيطلقك وانا هتجوزك علطول كلها كام ساعه وتبقى مراتى مش مصدق نفسى
فاطمه :- زقته وقالت ابعد عنى يا حيوان انا بكرهك بكرهك
رامى :- انا هعرف احببك فيا يا عمرى زى زمان انتى بس واخده على خاطرك منى من اللى حصل زمان المأذون بره وكل حاجه جاهزه
فاطمه :- مستحيل ده يحصل يا رامى مستحيل وفى الوقت ده الجرس رن بص ليها وقال
رامى :- شكلهم جم وخرج فتح ليهم دخلوا الرجاله وحطوا أكرم على الأرض
فاطمه :- قامت تجرى وفتحت الباب فتحه صغيره وبصت لاقت أكرم مرمى فى الارض طلعت تجرى عليه وقالت أكرم أكرم انتوا عملتوا فيه ايه أكرم رد عليا
رامى :- مسكها من دراعها قومها وقال ابعدى عنه ملكيش دعوه بيه
فاطمه :- سبنى متلمسنيش اكررررررررم رد عليا ارجوك
رامى :- اخد كوباية مايه وحدفها على وش أكرم
أكرم :- فتح عينه بصدمه وبص حاوليه وقال فاطمه فاطمه
فاطمه :- وهو رامى مسكها قالت بدموع أكرم
أكرم :- قام وقال ابعد عنها يا حيوان بس الرجاله بتاعة رامى مسكوا أكرم قبل ما يوصل لرامى
رامى :- مشى أيده على وش فاطمه وقال دى هتبقى مراتى انت مالك بيها بقى
أكرم :- بعصبيه قولتلك ابعد عنها متلمسهاش
فاطمه :- اوعى تطلقنى يا اكرم بلاش تسمع كلامه انا ليك انت وبس
رامى :- داس على دراعها جامد وقال مسمعش نفسك
فاطمه :- بألم ااااااااه
أكرم :- عااااااا ابعد عنها يا حيوان
رامى :- بس ايه رأيك فيها وهى لابسه قميصى هياكل منها حته
أكرم :- موتك على أيدى يا رامى وحاول يهرب من ايد رجالة رامى بس معرفش
رامى :- ههههههههه متحاولش مش هتعرف ده انا دافع فيهم دم قلبى وبص للرجاله وقال يلا هاتوه عند المأذون
فاطمه :- اوعى تسمع كلامه يا اكرم انا بحبك انت
رامى :- يلا يا شيخنا طلقهم
فاطمه :- لالالا ابوس ايدك يا شيخ ما تسمع كلامه انا بحب جوزى ومش عايزه أطلق منه اتكلم يا اكرم
رامى :- وجه المسدس لأكرم وقال هتسكتى ولا اموته ليكى خالص
فاطمه :- لالالا هسكت اهو بس بلاش تأذيه يا رامى بلاش
أكرم :- خلال الكلام ضرب واحد فى بطنه من تحت والتانى عضه وفك نفسه منهم
رامى :- ضرب رصاصه من المسدس بس مجتش فى اكرم شد فاطمه وحط المسدس عند راسها وقال هطلق ولا اموتها
فاطمه :- متخفش عليا يا اكرم هو مش هيقدر يعمل ليا حاجه متسمعش كلامه
أكرم :- سيبها وخلى كلامنا مع بعض ملكش دعوه بيها
رامى :- مفيش كلام ما بينا طلقها اخلص وفى الوقت ده الرجاله مسكته تانى
أكرم :- يا ابنى انت افهم اى طلاق بالإكراه مش بينفع ميعتبرش طلاق يعنى حتى لو طلقتها هيبقى باطل
رامى :- طلقهاااااااااا وفى الوقت ده الباب اتفتح ودخل ادهم وتامر ومعاه العساكر
تامر :- اخيرآ
رامى :- اللى هيقرب ليا هضربها بالرصاص ابعدوا عن سكتى
تامر :- سيبها انت كده كده وقعت خلاص يا رامى
العساكر مسكت رجالة رامى
واخدتهم البوكس
ادهم :- طلع المسدس بتاعه وقال سيبها يالا بدل ما افرغ المسدس ده فى دماغك
رامى :- يعنى انت الراجل اللى فيهم سيب اللى فى ايدك ده يا شاطر
ادهم :- ضرب رصاصه جنب رامى وقال سيبها بدل ما المره الجايه تبقى فى دماغك
تامر :- ارجوك يا ادهم باشا بلاش تدخل انت
أكرم :- طلع يجرى دخل فى بطن رامى براسه رجعه لوراه ووقعوا هما التلاته وفضل أكرم يضرب رامى فى وشه لحد ما جه تامر واخده من أيده
فاطمه :- قامت تجرى واترمت فى حضن اكرم وقعدت تعيط
أكرم :- ضمها فى حضنه وقال شششششش أهدى يا قلبى خلاص انتى معايا وفى حضنى ومحدش يقدر يقرب منك تانى
ادهم :- احم طيب انا هستناكم تحت
أكرم :- ادهم انتوا عرفتوا مكانا ازاى
ادهم :- كنت ممشى وراك رجاله من عندى
أكرم :- شكرآ يا ادهم
ادهم :- مفيش ما بينا شكر يا اكرم احنا اخوات ونزل وسابهم
أكرم :- بص لفاطمه وقال عملك حاجه الحيوان ده
فاطمه :- هزت راسها بمعنى لاء وقالت كنت هموت عليك وخوفت لطلقنى بجد يا اكرم
أكرم :- مقدرش اطلقك انتى عمرى يا فاطمه وشدها فى حضنه وبسها من راسها
فاطمه :- مسكت فيه اكتر وقالت اوعى فى يوم من الايام تبعد وتسبنى يا اكرم
أكرم :- بعدها عن حضنه ومسك وشها ما بين ايديه وبص فى عينيها وقال بحبك يا فاطمه وقرب من شفايفها وبسها بوسه طويله وبعد وقت بعد عنها وحط راسه على راسها وقال ما تيجى جوه شويه وغمز ليها
فاطمه :- ضربته على كتفه وقالت بطل قلة ادب يا اكرم
أكرم :- بص عليها من فوق لتحت وقال ابطل قلة ادب ازاى بس وانا شايفك بالمنظر ده يخربيتك سكسكيه اخر حاجه
فاطمه :- بكسوف أكرم
أكرم :- حضنها وقال روح وعمر أكرم وفى الوقت ده لاقه أدهم على الباب
ادهم :- مد أيده بشنطه وقال خد يا اكرم
أكرم :- ايه ده يا ادهم
ادهم :- من غير ما يبص على فاطمه قال هدوم لمراتك خليها تلبسها
أكرم :- راح عنده وحضنه وقال ربنا يخليك ليا يا صاحبى
ادهم :- بهزار انجز يا ابنى بلاش احضان كتيره فاضل ليكم كام يوم على الفرح بتاعكم اصبر شويه وغمز ليه ونزل
فاطمه :- بكسوف احيه ه.ه.هو شفنا
أكرم :- حتى لو شفنا فيها ايه انا جوزك يا عبيطه خدى يلا البسى بسرعه علشان ننزل ليهم
فاطمه :- اخدته منه ودخلت لبست الهدوم وخرجت
أكرم :- هههههههههه شكلك مسخره
فاطمه :- بغيظ اعمل ايه لصاحبك جايب ليا الهدوم وسعه جدآ
أكرم :- يشكر الراجل مرضاش يسيبك تنزلى كده يلا
ونزلوا الاتنين ورجعت فاطمه البيت عند اهلها مع اكرم وادهم راح الفيلا وتامر اخد رامى ورجالته وراحوا على القسم

*********************

إلي هنا ينتهي الفصل الثامن و الثلاثون من رواية تمرد صحفية بقلم دودو محمد
تابع من هنا: جميع فصول رواية تمرد صحفية بقلم دودو محمد

تابع أيضاً: جميع فصول رواية انتقام ثم عشق بقلم لولو الصياد

تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها

اقرأ أيضا: رواية من أجلك فقط بقلم لولو الصياد