مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة دودو محمد علي موقعنا قصص 26 و موعدنا اليوم مع الفصل التاسع و الثلاثون من رواية تمرد صحفية بقلم دودو محمد.
رواية تمرد صحفية بقلم دودو محمد - الفصل التاسع و الثلاثون
اقرأ أيضا: رواية عشق الزين (الجزء الأول) بقلم زيزي محمد
 |
| رواية تمرد صحفية بقلم دودو محمد |
رواية تمرد صحفية بقلم دودو محمد - الفصل التاسع و الثلاثون
داليا :- ادهم انت هنا من امته
ادهم :- من شويه
داليا :- قامت قعدت وقالت انت ليه مجتش امبارح
ادهم :- كان ورايا شغل مهم كان لازم اخلصه
داليا :- انا زهقت من القاعده فى المصحه دى وكمان بقيت لوحدى
ادهم :- ولا تزعلى النهارده هتروحى الفيلا
داليا :- بفرحه حضنت ادهم وقالت بجد
ادهم :- حس بشعور غريب لما داليا اترمت فى حضنه لف دراعه حاوليها وضمها اكتر ليه
داليا :- اتكسفت من تهورها وحاولت تبعد بس معرفتش من ضمت ادهم ليها قالت بتوتر احم ا.ا ادهم م.م.ممكن تشيل ايدك علشان ابعد
ادهم :- ششششش خليكى كده شويه
داليا :- ح.ح.حد يدخل علينا واحنا كده
ادهم :- محدش ليه عندنا حاجه انتى مراتى
داليا :- برضه اتكسف لو حد شفنا كده
ادهم :- بعدها عن حضنه ومسك وشها بين ايديه وبص فى عينيها وقال حضنك فيه حاجه حلوه اوى منين ما اطلب منك تحضنينى احضنينى حتى لو فى وسط الشارع متتكسفيش انتى مراتى وانا جوزك
داليا :- بصت لتحت بكسوف ومردتش عليه
ادهم :- رفع وشها وقال لاء بلاش تحرمينى من نظرة عينيكى الحلوين دول
داليا :- قامت وقفت بتوتر وقالت ا.ا.انت مالك بقيت رومانسيه اوى كده
ادهم :- راح عندها وقال تكرهى أن أكون رومانسى معاكى
داليا :- لفت ضهرها وهزت كتفها وقالت ل.ل.لا طبعآ
ادهم :- حضنها من ضهرها وقال بعد كده مفيش قسوه ولا عناد بعد كده كل واحد يقول لتانى حقيقة مشاعره من غير اى قيود ولا خوف
داليا :- بكسوف ه.ه.هو مينفعش ت.ت تقول مشاعرك من غير ما تعمل كده
ادهم :- ابتسم وقال اعمل ايه
داليا :- احم ك.ك.كده زى ما انت عامل دلوقتى
ادهم :- لفها ليه وبص فى عينيها وقال من حقى اعبر بأى طريقه تعجبنى وغمز ليها
داليا :- فهمت قصد ادهم اتوترت اكتر وداست على شفتها اللى من تحت بسنانها
ادهم :- طق طق طق بلاش الحركه دى ومد أيده خرج شفتها من تحت سنانها وبص عليهم ونفسه سرع وقرب منهم
داليا :- كانت حاسه ان قلبها هيوقف عليها من التوتر والكسوف
ادهم :- شفايفه لمست شفايف داليا وبسها بوسه طويله قطعها فتحت الباب
داليا :- كانت فى دنيا تانيه واول ما سمعت صوت الباب اتفتح زقت ادهم وبعدت عنه
ادهم :- بص على الباب لاقه حمزه
داليا :- اول ما شافت حمزه مصدقتش نفسها طلعت تجرى عليه واترمت فى حضنه ودموعها نزلت منها وقالت وحشتنى يا حمزه اهون عليك تقعد كل ده متسألش فيا
حمزه:- وهو بيبوس أخته ضمها ليه و بص على ادهم بغيظ وقال وانتى وحشينى اوى يا داليا
ادهم :- بص ليه بقرف وقال هروح اخلصلك إجراءات الخروج لحد ما تخلصى وخرج وسابهم
حمزه :- بص بغيظ اتجاه الباب وقال شايف يعنى أن الأمور حلوه معاكم وقدرتى تنسى كل اللى عملوا فيكى
داليا :- راحت قعدت على السرير وقالت ادهم مش وحش زى ما انت شايفه ادهم طيب اوى من جوه واللى انت شايفه ده غلاف من بره عملوا لنفسه غصب عنه علشان ظروفه صدقنى يا حمزه ادهم حنين اوى فوق ما تتصور وراجل بجد وانا واثقه أن انا حياتى هتكون سعيده جدآ وانا معاه
حمزه :- قعد جنبها وقال يا حبيبتى انا بتمنى ليكى الخير بس مش مع واحد زى ده ادهم الحناوى مش من توبنا ولا احنا من توبه فوقى يا داليا انتى اخرك يومين تلاته معاه وهيرميكى زى الكلبه
داليا:- لاء مستحيل ادهم يعمل معايا كده انا واثقه فيه
حمزه :- وقف بغضب وقال أدهم لاء يا داليا اعملى حسابك هترجعى معايا البيت مش هتروحى معاه انا مش هستنا المره الجايه تبقى موتك مش ادمان
داليا :- لاء طبعآ انا هروح مع ادهم جوزى وحكاية الإدمان دى مش ليا لوحدى اللى عمل فيا كده عمل فيه هو كمان ادهم على فكره ضحيه اكتر مننا
حمزه :- والله العظيم برافوا عليه عرف يغسل مخك كويس اوى بلاش طيبه وعبط زياده عن اللزوم ادهم مش سهل يا داليا
داليا :- وقفت وضهرها لحمزه وقالت انا مش صغيره وعارفه بعمل ايه يا حمزه انا مش هبعد عن جوزى
حمزه :- وقف قصادها بغضب شديد وقال براحتك يا داليا بس متجيش فى يوم تجرى علينا وتطلبى مننا أننا نقف جنبك وبصلها بغيظ ومشى وسابها
داليا :- قعدت على السرير ودموعها نزلت منها
ادهم :- دخل الاوضه لاقه داليا بتعيط قعد جنبها واخدها فى حضنه وقال شششش اهدا يا داليا انا مش هسمح لاى حد ينزل دموعك طول ما انا عايش
داليا :- حمزه بيحبينى وخايف عليا بس مش قادر يفهم أن انا مقدرش ابعد عنك انا اموت واعرف ايه سر عدوتكم لبعض من قبل موضوعى خالص
ادهم :- وقف ومردش عليها
داليا :- راحت عنده وحطت ايديها على كتف ادهم وقالت رد عليا يا ادهم ايه هو السر اللى انتو مش عايزين تقولوه ليا
ادهم :- مش وقته الكلام ده يا داليا يلا بينا علشان نمشى من هنا
داليا :- انت كده أكد ليا أن فيه سر ما بينكم
ادهم :- رسم على وشه ملامح الجديه وبص لداليا وقال بلاش كلام كتير ويلا بينا ومشى وسابها
داليا :- بأستغراب شديد لاء ده فيه وحاجه كبيره اوى ولازم اعرفها وخرجت وراه ادهم ونزلت ركبت العربيه وراحت معاه على الفيلا
~•~•~•~•~•~•~•~•~•~•~•~•~•
فى بيت فاطمه
فى اوضت فاطمه
كانت نايمه على سريرها وباب الاوضه بتاعها اتفتح ودخل ممدوح عليها وقعد على الكرسى وقال
ممدوح :- نورتى بيتك يا شابه
فاطمه :- ابتسمت وقامت قعدت على السرير وقالت مين المرادى اللى شوه وشك بالطريقه دى
ممدوح :- فيه غيره جوزك يا هانم
فاطمه :- هههههههه أكرم هو اللى عمل فيك كده طيب ليه
ممدوح :- راح قعد جنبها على السرير وقال علشان كنت قلقان عليكى وبحمله مسئولية خطفك
فاطمه :- حرام عليك انت معندكش قلب تعمل فيه كده
ممدوح :- انتى حوله يا بت هو اللى ضربنى مش انا اللى ضربته
فاطمه :- عارفه بس هو اكيد كان بيأنب نفسه علشان اتخطفت منه وانت زودها عليه انت قاسى اوى يا مندوح
ممدوح :- يحرق مندوح واللى جابوا مندوح اللى من ساعة ما نزل ام الدنيا وهو اتبهدل ضرب على ايد اللى يسوا واللى ميسواش
فاطمه :- هههههههههه بعد الشر عليكى يا بيضه وبعدين يا توحه ده انت المرادى غير كل مره المرادى فيه ايوش يعنى الحب يعنى العشق يعنى لو مكنتش انت دلعنى مين هيدلعنى ههههههههه
ممدوح :- بغيظ كتك نيله عليكى وعلى ايوش
فاطمه :- ليه بس يا توحه
ممدوح :- البت مطلعه عينى ووجعه قلبى معاها طالعه رذله لاخوها بالظبط
فاطمه :- اتلم متغلطش فى كرومتى
ممدوح :- يا اختى اتوكسى عليه
فاطمه :- انا ليه حاسه ان اختفائك يوم ما انا اتخطفت كنت عند ايه
ممدوح :- قعد وقال اه يا اختى كنت عزمها على الفطار
فاطمه :- وبعدين
ممدوح :- بت المفجوعه فطرت فطار بفلوس قد كده
فاطمه :- عادى تلاقيها كانت جعانه ولا حاجه
ممدوح :- مش دى المشكله
فاطمه :- امال ايه
ممدوح :- قعد ساعه اكلمها واقولها حقيقة مشاعرى وهى نازله على الاكل وبعد ما خلصت كلام وهى خلصت اكل بتقولى انت كنت بتقول ايه قهرتنى بنت اللذينه
فاطمه :- هههههههههه ذنب ناس بتخلصه ناس شوف انت مغلس على أمة لا إله إلا الله ازاى قوم ايه ربنا يبعت ليك اللى تعمل فيك زى ما انت بتعمل فى الناس
ممدوح :- هتشل والبت مش مريحانى اذا كان بتحبنى ولا لاء
فاطمه :- بعد الشر عليك يا توحه من الشلل عمومآ يا سيدى سيب الموضوع ده عليا انا هعرف منها حقيقة مشاعرها ليك بس عد الجمايل بقى
ممدوح :- بفرحه بجد ربنا يخليكى ليا يا احلى اخت فى الدنيا
فاطمه :- بضحك شوفتنى وانا مخطوفه ههههههههههه
ممدوح :- هههههههه اه كان فيلم اكشن هندى مقولكيش عليه
فاطمه :- ههههههههههه طول عمرى كان عندى ميول اعيش دور المخطوفه وربنا حقق ليا امنيتى
ممدوح :- ربنا ما يحرمك من الهبل يا فاطمه يا اختى وفى الوقت ده تليفونها رن بتبص لاقته رقم أكرم بصت لممدوح وقالت
فاطمه :- اطلع بره يالا وقتك انتهى
ممدوح :- اه يا واطيه بقى تخدينى لحم وترمينى عضم
فاطمه :- هههههههه اخلص بقى
ممدوح :- خارج يا اختى وسيبها ليكى مخضره بس اوعى تنسى حقيقة مشاعر بنت المفجوعه دى
فاطمه :- هههههههه حاضر
ممدوح :- بعت ليها بوسه فى الجو وخرج وقفل الباب وراه
فاطمه :- ردت على اكرم وقالت الو
أكرم :- وحشتينى اوووووووى
فاطمه :- احم وانت كمان
أكرم :- وانا كمان ايه
فاطمه :- بأرتباك و.و.وانت كمان وحشتنى
أكرم :- ياااااااه امته بقى نتلم فى اوضه واحده واعبرك عن مشاعرى بطريقتى
فاطمه :- بكسوف قالت ا.ا.اكرم
أكرم :- لو تعرفى يا طمطم انا بموت فيكى قد ايه
فاطمه :- ع.ع.عارفه
أكرم :- لاء متعرفيش مهما اوصفلك بحبك قد ايه مش هقدر اوصل ليكى قد ايه بعشقك
فاطمه :- ربنا يخليك ليا
أكرم :- ويخليكى ليا وميحرمنيش منك أبدآ يارب
فاطمه :- مش هتودينى عند داليا
أكرم :- داليا خرجت من المستشفى وزمنها دلوقتى فى الفيلا
فاطمه :- بفرحه بجد طيب ودينى عندها بسرعه
أكرم :- خلاص اجهزى وانا هاجى اخدك
فاطمه :- ماشى باى
أكرم :- فاطمه متنزليش من البيت غير لما اجى اخدك من عند باب الشقه
فاطمه :- بحب حاضر باى
أكرم :- باى
فاطمه :- قفلت مع اكرم وقامت دخلت الحمام اخدت شاور واتوضت وخرجت لبست هدومها وأدت فرضها وقعدت تنتظر وصل اكرم عندها
~•~•~•~•~•~•~•~•~•~•~•~•~•
فى بيت منتهى
كانت قاعده فى اوضتها مخنوقه ودموعها على خدها وافتكرت داليا مسكت تليفونها واتصلت عليها وانتظرت الرد
داليا :- توته وحشتينى يا جزمه
منتهى :- بدموع انتى اكتر يا داليا
داليا :- مال صوتك يا منتهى
منتهى :- بدموع انا محتاجه اتكلم معاكى اوى يا داليا
داليا :- تعالى على الفيلا انا مروحه فى الطريق اهو
منتهى :- معلش يا داليا مقدرتش أسأل عليكى الايام اللى فاتت ربنا يعلم انا ايامى عامله ازاى
داليا :- لاء يا حبيبتى ولا يهمك هستناكى باى
منتهى :- باى وقفلت معاها واتنهدت بوجع وقالت كده يا علاء مش هاين عليك تتصل حتى تطمن عليا قد ايه كنت مخدوعه فيك وطلعت مليش اى اعتبار عندك وحطت التليفون جنبها وقامت دخلت الحمام اتوضت وادت فرضها ولبست هدومها وخرجت استأذنت من ابوها وامها وراحت عند داليا
~•~•~•~•~•~•~•~•~•~•~•~•~•
فى فيلا رودينا
فى اوضت رودينا
جهزت رودينا شنتطها وقعدت جنبها على السرير وغمضت عينيها بوجع وقالت
رودينا :- يارب هستحمل ازاى اشوف فادى مع نهى علطول قصاد عينى انا كل ما اشوفهم مع بعض بموت انا قلبى وجعنى اوى مش عارفه ارتاح من يوم ما دخل حياتى يارب هونها عليا بقى علشان قلبى خلاص مبقاش مستحمل وقامت شالت الشنطه بتاعتها وخرجت من اوضتها ونزلت تحت عند ابوها
ابو رودينا :- خلاص يا بنتى مسافره
رودينا :- ايوه يا بابا يا دوب الحق الطياره
ابو رودينا :- ربنا معاكى يا بنتى وتوصلى بالسلامه
رودينا :- باست ايد ابوها وقالت ادعيلى علطول يا بابا بالله عليك
ابو رودينا :- دعيلك يا بنتى علطول
رودينا :- ربنا يخليك ليا وميحرمنيش منك يارب وشالت شنتطها وخرجت حطتها فى العربيه و ركبت العربيه وشغلتها وراحت على المطار وبعد وقت وصلت فى نفس الوقت اللى وصل فيها فادى مع نهى اول ما شافتهم مع بعض غمضت عينيها بوجع وقالت يارب صبرنى وقوينى ونزلت من العربيه واخدت شنتطها ومشيت من قدام فادى ونهى من غير ولا كلمه ودخلت صالة الانتظار
فادى :- اول ما شاف رودينا بصلها بغيظ وانتهد ونزل من العربيه
نهى :- نزلت وقالت مش دى الانسه رودينا ليه مشيت علطول كده
فادى :- فى داهيه متشغليش بالك بيها ونزل الشنط من العربيه ودخلوا الصاله وقعدوا على الكرسى اللى قصاد رودينا
رودينا :- اتنهدت بوجع وقامت من مكانها ولسه هتروح مكان تانى سمعت صوت بيقول ان الطياره على وشك الانقلاع راحت خلصت الإجراءات وركبت الطياره وقعدت فى المكان المخصص ليها وهى متوتره وخايفه من الطياره وبعد شويه اتفاجئت بفادى بيقعد على الكرسى اللى جنبها وفى الاتجاه المقابل ليهم بتقعد نهى
فادى :- قعد جنب رودينا وبص عليها لاقها قاعده ومتوتره استغرب التوتر ده ومكنش فاهم فيه ايه وطلبوا منهم ربط حزام الامان فادى قفله لنفسه ونهى قفلته ورودينا مش عارفه بص فادى لاقها مرتبكه ومش عارفه تقفل الحزام مد أيده مسك الحزام عند رودينا وقفله ليها من غير ولا كلمه
رودينا :- اتفاجئت بأيد فادى بيحطها على الحزام بصت ليه بتوتر ومقالتش ولا كلمه وبدأت الطياره تتحرك غمضت رودينا عينيها ومسكت ايد الكرسى بخوف شديد
فادى :- بص على رودينا وشافها فى الحاله دى واول ما الطياره بدأت ترتفع لاقه رودينا بتمسك أيده جامد وهى مغمضه عينيها بص على ايديها اللى ماسكه أيده وحط أيده التانيه عليهم وداس على ايديها علشان يحسسها بالأمان
رودينا :- استخبت فى حضن فادى ومسكت فيه جامد ودموعها كانت نازله منها
فادى :- اتفاجئ برودينا فى حضنه وعماله تعيط حط أيده على كتفها وقعد يطبط عليها علشان يهديها وبعد وقت استقرت الطياره فى الجو ورودينا بدأت تهدا واخدت بالها انها فى حضن فادى بعدت عنه بسرعه وقالت
رودينا :- بكسوف ا.ا.اسفه ب.ب.بس عندى فوبيا من الحاجه اللى بتطلع بيا لفوق زى الطياره والعاب الملاهى
فادى :- احم مفيش مشكله حصل خير
رودينا :- بصت اتجاه الشباك بتوتر وقعدت تدعك ايديها فى بعض
فادى :- اخد باله من توترها قال انتى لسه خايفه
رودينا :- ي.ي.يعنى شويه
فادى :- على الفكره هى الصعوبه أثناء طلوعها الجو بس وهى ماشيه كده مفيهاش اى حاجه زيها زى العربيه بالظبط
رودينا :- ع ع.عارفه بس انا ا.ا اصلا جبانه وبخاف من اقل حاجه
فادى :- مفيش داعى للخوف أهدى
وفى الوقت ده الطياره عدت من على مطب هوائى
رودينا :- اول ما حست بحركة الطياره اترمت تانى فى حضن فادى
فادى :- غمض عينه وضمها ليه وطبطب عليها وقال أهدى ده مطب هوائى متخافيش
رودينا :- بدموع انا خايفه اوى
فادى :- خليكى كده ومتخافيش
رودينا :- ه.ه.هو لسه كتير
فادى :- لسه شويه دى الطياره لسه ماشيه بينا من المطار
رودينا :- يوووووه بقى انا كان مالى بى الهم ده ياربى
فادى :- علشان متحسيش بالوقت نامى شويه
رودينا :- ح.ح.حاضر وغمضت عينيها زى الاطفال
فادى :- بص عليها وهى مغمضه عينيها زى الاطفال وضحك وقال انتى عايزه تقنعينى انك كده نايمه
رودينا :- فتحت عينيها وقالت اعمل ايه مش هعرف انام وانا خايفه
فادى :- مشى أيده على شعرها وقالى انسى خالص انك فى طياره وغمضى عينكى وانتى هتنامى
رودينا :- غمضت عينيها وشمت ريحة برفانه وسمعت دقات قلبه لحد ما نامت
فادى :- بص عليها لاقها نامت قرب مناخيره من شعرها وغمض عينه وقعد يشم فى ريحة شعرها وضمها اكتر لحضنه
نهى :- كانت قاعده مراقبه كل ده وقالت لنفسها اااااااه يبقى الاتنين بيحبوا بعض بس بيعاندوا كده قدرة افهم ليه رودينا مش طيقانى وبتعمل معايا كده من اول ما شفتنى علشان بتغير على فادى منى وابتسمت وغمضت عينيها وقالت هيييييييح ده الحب حلو اوى يا جدعان امته بقى اتحب واتحضن حضن زى ده اوعدنا يارب
~•~•~•~•~•~•~•~•~•~•~•~•~•
فى فيلا خالد الحناوى
فى اوضت سندس
كانت قاعده فى اوضتها والدموع على خدها وبتفتكر اللى حصل ليها جابت علبه السجاير وولعت سيجاره وقعدت تروح وتيحى فى الاوضه وفى الوقت ده الباب اتفتح ودخلت دينا عليها
دينا :- بصدمه سندس ايه اللى بتعمليه ده بتشربى سجاير
سندس :- هزت كتفها وقالت وفيها ايه يعنى لما اشرب سجاير انا حره
دينا :- بأستغراب انتى مالك بتتكلمى كده يا سندس
سندس :- بضحكة سخريه هه بتكلم ازاى ما بتكلم زى الناس عادى
دينا :- لاء مش زى الناس انتى فيكى حاجه غلط
سندس :- ههه حاجه واحده غلط انا كل حاجه فيا غلط وجودى فى الحياه اصلا غلط كبير واخدت نفس من السيجاره
دينا :- راحت اخدت من ايديها السيجاره وطفتها فى الطفايه وقالت مالك يا حبيبتى ايه مزعلك كده
سندس :- بدموع كل حاجه مزعلانى يا دينا
دينا :- اخدتها وقعدتها على السرير وقعدت جنبها ومسحت دموعها وقالت احكى كل اللى فى قلبك ليا يا سندس
سندس :- قامت وقفت وقالت هههه احكى ايه ولا ايه يا دينا احكى على اهمالكم ليا وان انا مش موجوده فى حياتكم خالص ولا احكى على وجعى وكسرت قلبى من اقرب حد ليا ولا احكى على طيبتى وسذجتى اللى الناس بتستغلها احكى ايه ولا ايه يا دينا عارفه انا عايزه ايه دلوقتى انا عايزه اموت مش عايزه اعيش الدنيا دى اللى كلها وجع وظلم وقهر عايزه اروح فى مكان ميكونش فيه خداع مش عايزه اعيش وسط الناس يا دينا
دينا :- دموعها نزلت منها وراحت عندها حضنتها وقالت يااااااه يا سندس كل ده شايله فى قلبك رغم صغر سنك
سندس :- انا سنى صغير بس الوجع اللى فى قلبى كبير اوى يا دينا قلبى قلب واحده عجوزه مر عليها الزمن وشافت كتير فى حياتها انا كتير اوى بحس نفسى أن انا عجزت من كتر الوجع اللى جوايا
دينا :- بعدتها عن حضنها ومسكت وش سندس فى ايديها وقالت حقك عليا أن انا انشغلت عنك يا روحى بس خلاص من هنا ورايح مش هسيبك ثانيه واحده هخدك معايا الفيلا عند ادهم وهنبقى كلنا مع بعض ومفيش حاجه هتفرقنا أبدآ
سندس :- اترمت فى حضن دينا وعيطت وقالت انا محتاجه ليكى اوى اوى يا دينا
دينا :- ششششش خلاص بلاش دموع تعالى نحضر شنطة هدومك
سندس :- مسحت دموعها وقالت بس ماما مش هترضى
دينا :- ملكيش دعوه بيها انتى هتيجى معايا وراحوا حضروا الشنطه ونزلوا الاتنين من على السلالم
إنعام :- انتى وخداها ورايحه على فين كده
دينا :- سندس هتعيش معانا فى فيلا ادهم
إنعام :- بغيظ لاء مفيش مرواح للفيلا دى تانى لا انتى ولا هى
دينا :- لاء يا ماما هنروح عند ادهم وهنعيش معاه
إنعام:- بنت انتى اتجننتى
دينا :- اتجننت علشان بقول هنعيش مع اخونا ادهم على الأقل بنلاقى الاهتمام منه إنما انتو بتعملوا ايه غير علطول تروحى النادى وبابا علطول فى الشغل عمرك جيتى وسألتينا احنا نفسنا نبقى ايه ولا قعدى معانا زى الأمهات التانيه عمرك اطمنتى علينا احنا كويسين ولا لاء عمرك جيتى سألتى حد فينا فيه حاجه واجعه ولا لاء
هه ده احنا لما كنا بنمرض كانت الشغاله هى اللى بتسهر بينا بلاش والنبى تعملى فيها دلوقتى الام اللى خايفه على بناتها عن اذنك واخدت سندس وخرجت ركبت العربيه هى وسندس وراحوا على الفيلا
إنعام :- عااااااا كله منك انت يا ادهم انت كده جبت اخرك معايا مبقاش انا لو مكنتش دفعتك التمن غالى اوى وهعمل كل حاجه بنفسى مش هعتمد على ابوك الخيخه الفاشل ده وطلعت على اوضتها
~•~•~•~•~•~•~•~•~•~•~•~•~•
فى فيلا ماجده ومصطفى
فى اوضت النوم
ماجده :- بتعب عايزه اشوف ابنى يا مصطفى ادهم لازم يعرف الحقيقه
مصطفى :- بلاش تتعبى نفسك بالكلام يا ماجده
ماجده :- بدموع ابنى بيكرهنى وفى عينه الام الخاينه هو ده وقت الحقيقه لازم كل حاجه تتعرف ادهم لازم يسامحنى
مصطفى :- ادهم هيعرف كل حاجه بس المهم انتى تبقى كويسه
ماجده :- مش هبقى كويسه غير لما ادهم يرجع لحضنى انا مش هعيش قد ما عشت يا مصطفى بس نفسى اعيش اللى باقى من حياتى مع ادهم ابنى
مصطفى :- اوعدك هجيبه عندك وهرجعه ليكى وبص الاتجاه التانى وقال وليا كمان واخدها فى حضنه وباس راسها وطبطب عليها
~•~•~•~•~•~•~•~•~•~•~•~•~•
فى فيلا ادهم الحناوى
وصل أدهم وداليا الفيلا وكانت مش فيها حد خالص من اخواته دخل وحط الشنطه فى الارض وبص لداليا وقال
ادهم :- نورتى بيتك
داليا :- دخلت وقالت بتوتر ش.ش.شكرآ وقعدت تبص على الفيلا
ادهم :- مالك بتبصى كده ليه على الفيلا
داليا :- ه.ه.هى دينا فين مفيش حد فى الفيلا ولا ايه
ادهم :- دينا فى الفيلا التانيه ومفيش غيرى وغيرك فى المكان
داليا :- بصدمه ها
ادهم :- قرب منها وقال مالك
داليا :- م.م.مفيش
ادهم :- قرب اكتر ليها وقال انتى عارفه نفسى فى ايه
داليا :- بتوتر ا.ا.ايه
ادهم :-نفسى اخدك فى حضنى واضمك جامد واخبكى جوه منى ومخليش حد يشوفك غيرى انا
داليا :- ها
ادهم :- ههههه مالك
داليا :- ا.ا.اصل مش واخده عليك وانت كده
ادهم :- مسك وشها بين ايديه وبص فى عينيها وقال من هنا ورايح مش هتشوفى معايا غير كده
داليا :- بلعت ريقها بصعوبه وقالت احم ا.ا.انا طالعه اوضى
ادهم :- غمض عينه وقرب من شفايفها وبسها بوسه طويله
داليا :- مصدومه من اللى بيحصل وفتحه عينيها بصدمه ومع الوقت غمضت عينيها واتجوبت معاه
ادهم:- بعد وقت بعد عنها و شالها وطلع بيها الاوضه فوق وفتح باب الاوضه ودخل وقفل الباب برجليه وحطها على السرير
داليا :- وشها احمر وبصت فى الارض بكسوف ورجعت شعرها وراه ودنها
ادهم :- قعد جنبها على السرير وحط أيده على خدها وقال مكسوفه
داليا :- بكسوف هزت راسها بمعنى ايوه
ادهم :- انا جوزك واللى هيحصل ده شئ طبيعى يا داليا
داليا :- ع.ع.عارفه
ادهم :- قرب من شفايفها وبسها ومد أيده يفتح البلوزه بتاعتها
داليا :- اول ما حست بأيد ادهم مسكتها علشان تمنعه يفتحها
ادهم :- بعد عنها وهو نفسه سريع وقال متخافيش يا داليا
داليا :- م.م.مش هينفع
ادهم :- بأستغراب ليه
داليا :- احم ع.ع.علشان ع.ع.علشان
ادهم :- ايه قولى
داليا :- ع.ع.علشان عندى ظروف تمنع
ادهم :- غمض عينه علشان يهدا شويه وقام وقف وقال مفيش مشكله المهم انك نورتى الفيلا من تانى
داليا :- وقفت عنده وقالت انت زعلت
ادهم :- بسها من راسها وقال لاء طبعآ مزعلش منك علشان حاجه زى كده انتى الأهم عندى الحاجه دى اخر حاجه افكر فيها وضمها فى حضنه وقال انا بحبك يا داليا
داليا :- يااااااه يا ادهم وبعدت عنه وقالت انت عارف انا لما قومت ومش لاقيتك فى الاوضه قولت أن انا كنت بحلم انك اعترفت ليا بحبك بس دلوقتى اتأكد ان ده مكنش حلم انا فرحانه أو بتغيرك ده
ادهم :- البركه فيك انتى قدرتى تغيرى فيا حاجات كتير من غير ما تحسى
داليا :- وانت برضه قدرت تغيرنى من داليا المتمرده لداليا عاشقة هواك
ادهم :- ربنا يخليكى ليا ويقدرنى اعوضك كل اللى فات واقدر انسيكى كل اللى حصل منى ليكى
داليا :- انا فعلا نسيت كل حاجه حصلت قبل كده منك انا بحبك يا ادهم بحبك
ادهم :- بسها برقه على شفايفها وغمز ليها وابتسم وقال كفايه كده علشان بنهار
داليا :- اتكسفت وبصت فى الارض
ادهم :- ضمها فى حضنه جامد وقال ياااااااااه كل حاجه فيكى بتجننى حتى كسوفك وفى الوقت ده جرس الباب رن بص على باب الاوضه وقال مين ده
داليا :- اه تلاقيها توته صحبتى كلمتنى وقالت إنها جايه ليا
ادهم :- ابتسم ليها وقال ماشى براحتك روحى افتحى ليها
داليا :- راحت فتحت باب الاوضه ونزلت فتحت باب الشقه وقالت بصوت عالى فااااااااااطمه وحشتينى اوووووووى يا معفنه يا واطيه
فاطمه :- حضنتها وقالت انتى اكتر يا دودى انا فرحانه اوى انك خرجتى من المصحه
داليا :- تعالى ادخلى
أكرم :- هو انا بالنسبه ليكى هوا سلمتى على صحبتك ومش شيفانى
داليا :- هههههههه سورى ازيك يا اكرم
أكرم :- الحمدالله فين ادهم
داليا :- فوق اطلع ليه
أكرم :- ماشى وطلع أكرم فوق عند ادهم ودخلت فاطمه وداليا الجنينه
داليا :- احسن حاجه انك جيتى النهارده والبت توته زمنها جايه يااااااه اخيرآ هنتجمع مع بعض زى زمان
فاطمه :- توته دى واطيه من زمان اوى مكلمتنيش هتجن عليها والله
وفى الوقت ده جرس الباب رن قامت فتحت داليا وقالت
داليا :- توتتتتتتتته حبيبت قلبى وحضنتها
منتهى :- حضنتها وقالت وحشانى اوى يا داليا
داليا :- انتى اكتر والله تعالى دى فاطمه جوه
منتهى :- بجد دى وحشانى خالص ودخلوا الاتنين الجنينه
فاطمه :- توته الواطيه عامله ايه يا بت وحضنتها
منتهى :- الحمدالله انتى ايه اخبارك
فاطمه :- اهو ماشيه وانتى
منتهى :- بوجع انا بموت وبجد كنت محتاجكم جنبى اوى
داليا :- مالك يا توته
منتهى :- انا بتعذب يا داليا وقالت ليهم اللى حصل من ساعه الحفله لحد ما دلوقتى
فاطمه :- نهار اسوح كل ده حصل وانا معرفش
منتهى :- هتعرفى منين واحنا بقالنا فتره مش بنكلم بعض
داليا :- الصراحه انا مستغربه أفعال علاء لو هو بيحبك بجد كان عمل بكل طريقه واتجوزك حتى لو من غير رضا امه وابوه
منتهى :- والله مكنتش معترضه أن انا استنا بس علاء اهملنى الفتره اللى فاتت دى كلها ومفكرش حتى يطمن عليا لو بمكالمه واحده يعنى انا اخر اهتمامه
فاطمه :- معلش يا توته يمكن انشغل مع اخوه اليومين اللى فاتوا
داليا :- مكالمه واحده يطمن عليها مكنتش هتاخد منه دقيقه بس يعرفها أن هى مهمه فى حياته وشاغله تفكيره
منتهى :- عندك حق يا داليا وده اللى بيموتنى أن انا مش فارقه معاه ولا شاغله تفكيره
فاطمه :- طيب اتكلمى معاه قوليلوا الكلام ده
منتهى :- الاهتمام مش بيطلب يا فاطمه
داليا :- صح مينفعش تروح تقولوا اهتم بيا المفروض يعمل هو كده من نفسه
منتهى :- انا بفكر اقبل العريس المتقدم ليا
فاطمه :- اوعى يا توته هتندمى ندم عمرك
منتهى :- اصلا بابا مش هيوافق علي علاء لو اتقدم تانى ليا
داليا :- بصى انا هكلم ادهم يقعد مع اخوه ويشوف ايه ظروفه
منتهى :- لاء يا داليا بلاش ارجوكى سبيه براحته
داليا :- ربنا يصلح ليكى الأمور يارب يا توته
~•~•~•~•~•~•~•~•~•~•~•~•~•
فى القسم
وصل حمزه القسم عند مكتب تامر وطلب يشوفه ودخل سلم على تامر وقال
حمزه :- وحشتنى يا صاحبى
تامر :- انت اكتر والله بس ايه المفاجئه الحلوه دى
حمزه:- كان لازم انزل لما قولت ليا على موضوع داليا وقولت بالمره ادور على ميرفت هنا
تامر :- شوفت داليا
حمزه :- ايوه شوفتها
تامر :- وهى عامله ايه دلوقتى
حمزه :- كويسه خرجت من المصحه مع الكلب ادهم
تامر :- بفرحه خرجت طيب كويس
حمزه :- حاولت أقنعها تبعد عن اللى اسمه ادهم بس هى رفضت
تامر :- وتبعد ليه مدام عايشه معاه سعيده يا حمزه
حمزه :- مش ادهم اللى يسعد اختى يا تامر ده بنى أدم واطى وزباله
تامر :- اتنهد وقال انسا اللى حصل زمان يا حمزه انتوا دلوقتى بقى بينكم نسب اللى حصل زمان ده ماضى وانتهى
حمزه :- انا عمرى ما هنسا اللى عمله معايا يا تامر
تامر :- يا حمزه هو مكانش يعرفك ولا انت تعرفه اللى حصل ده بالصدفه
حمزه :- قفل على الموضوع ده يا تامر ووقف وقال انا ماشى
تامر :- رايح فين
حمزه :- هروح ادور على ميرفت سلام وخرج وسابه
تامر :- ربنا يهديك يا حمزه يارب وقعد يكمل شغله
~•~•~•~•~•~•~•~•~•~•~•~•~•
فى فيلا ادهم الحناوى
فى اوضت أدهم
خبط أكرم على الباب وسمع صوت ادهم بيسمح ليه بالدخول
فتح الباب ودخل لاقه ادهم قاعد على السرير وساند ضهره على المخده وبيتفرج على شاشه التلفزيون قال
أكرم :- باااااااشا اقسم بالله برنس ايه يا ابنى الروقان اللى انت فيه ده
ادهم :- عايز ايه يا اكرم
أكرم :- لاء وانا هعوز ايه بس ولا فيه مؤامرات بتتعمل عليك من وراك ولا فيه حد عايز ياخد منك الشركه ولا حاجه خالص
ادهم :- وانا دلوقتى معايا حاجه ما كل حاجه بأسمك انت
أكرم :- لا والله انت بتتكلم بجد
ادهم :- قام وقف وولع سيجار وقال انت نسيت ولا ايه يا اكرم مش انا كتبت كل حاجه بأسمك
أكرم :- لا يا حلو انت كتبته بأسمى لحد ما تخرج والحمدلله خرجت وبقت صحتك كمان بومب خد حاجتك بقى
ادهم :- هههههههه ده انت طلعت نفسك قصير اوى
أكرم :- ايوه يا بابا نفسى يبقى قصير احسن ما يبقى العمر هو اللى قصير
ادهم :- قد ايه انك واطى
أكرم :- واطى جدآ وجبان كمان ها هتاخد حجاتك امته اخلص
ادهم :- هههههههه هخدهم بس الاول لما ننفذ اللى فى دماغى
أكرم :- اللى هو ايه
ادهم :- هقولك بص يا سيدى
*********************
إلي هنا ينتهي الفصل التاسع و الثلاثون من رواية تمرد صحفية بقلم دودو محمد
تابع من هنا: جميع فصول رواية تمرد صحفية بقلم دودو محمد
تابع من هنا: جميع فصول رواية تمرد صحفية بقلم دودو محمد
تابع أيضاً: جميع فصول رواية انتقام ثم عشق بقلم لولو الصياد
تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها
أو أرسل لنا رسالة مباشرة عبر الماسنجر باسم القصة التي تريدها
اقرأ أيضا: رواية من أجلك فقط بقلم لولو الصياد
إرسال تعليق
يسعدنا تلقي اقتراحاتك أو تعليقك هنا