قصص رومانسية جريئة ممنوع دخول الأطفال

مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة دودو محمد علي موقعنا قصص 26 و موعدنا اليوم مع الفصل الأربعون من  رواية تمرد صحفية بقلم دودو محمد. 

رواية تمرد صحفية بقلم دودو محمد - الفصل الأربعون

اقرأ أيضا: رواية عشق الزين (الجزء الأول) بقلم زيزي محمد

رواية تمرد صحفية بقلم دودو محمد

رواية تمرد صحفية بقلم دودو محمد - الفصل الأربعون

فى فيلا ادهم الحناوى

استأذنت منتهى منهم تروح البيت علشان الوقت أتأخر وخرجت من باب الفيلا وخرجت توقف تاكسى فى نفس الوقت اللى وصل فيه علاء اول ما شافته حست بوجع فى قلبها بس تجاهلته ومشيت بعيد عنه

علاء :- طلع يجرى وراها وقال منتهى يا منتهى
منتهى :- مردتش عليه وكملت مشيها
علاء :- طلع يجرى اسرع ومسكها من دراعها وقفها وقال انتى مش بتردى عليا ليه
منتهى :- لو سمحت سيب دراعى
علاء :- مالك يا منتهى
منتهى :- مالى ما انا كويسه اهو
علاء :- لاء مش كويسه فيكى حاجه متغيره
منتهى :- انت ايه يا اخى ايه الاستفزاز اللى عندك ده بتتكلم ببراءه كأنك مش عامل حاجه
علاء :- انا فعلا معملتش حاجه فهمينى زعلانه من ايه بس
منتهى :- ههه لا خلاص مدام شايف نفسك معملتش حاجه يبقى متشغلش بالك باللى مزعلنى وسابته ومشيت
علاء :- طلع يجرى وراها تانى وقال ما انا مش هسيبك غير لما اعرف مالك
منتهى :- انهارت ودموعها نزلت منها وقالت فيه انك انت مش بتحبنى ولا فى تفكيرك اصلا انا اخر همك يا علاء طلبت منى استحمل ظروفك وافضل جنبك لحد ما تقنع أهلك بالجوازه بتاعتنا وانا وافقت وقولت اكيد هيعمل بكل جهده علشان ابقى ليه بس طلعت عبيطه وانت ولا همك تفتكر اخر مره كلمتنى كانت امته هههه يا راجل ده انت حتى مطمنتش عليا برساله اقولك على حاجه بلاش منها دى جوازه ولا حرقة دمك خليك انت كده براحتك وانا هقبل العريس اللى متقدم ليا يمكن يهتم بيا عنك
علاء :- أهدى بس يا منتهى عارف انى اهملتك اليومين اللى فاتوا بس والله غصب عنى الاول اللى حصل من اهلى كانت ضربه وبعد كده موضوع ادهم كانت ضربه تانيه ومكانش عندى وقت نهائى امسك التليفون كنت برجع من الشركه انام قتيل مش بحس بنفسى غير تانى يوم وانا رايح الشركه ادهم وقف جنبنا كتير وكان لازم نقف جنبه فى وقت زى ده
منتهى :- عمومآ الكلام دلوقتى ملهوش لازمه بابا كده كده كان بيتصل بيك علشان ينهى الموضوع ولو عملت ايه مستحيل بابا هيوافق يرجع الموضوع تانى انسانى يا علاء كل شئ قسمه ونصيب
علاء :- لاء يا منتهى مش بالسهوله دى انساكى انا بحبك يا منتهى ومش معنى أن انا انشغلت عنك شويه يبقى بكرهك ولا مش مهتم بيكى وخديها كلمه وحطيها حلقه فى ودانك انتى مش هتكونى غير ليا انا فاهمه موضوع بقى انك هتتجوزى غيرى وكل شئ قسمه ونصيب انسيه خالص وتعالى اوصلك
منتهى :- لاء انا همشى لوحدى
علاء :- بعصبيه كلمه واحده تعالى اوصلك
منتهى :- بصت ليه بغيظ وركبت العربيه من غير ولا كلمه
علاء :- ركب العربيه هو كمان وشغلها وراح وصلها وطول الطريق كانوا ساكتين محدش فيهم نطق بكلمه واول ما علاء وصل عند بيتهم منتهى فتحت الباب ونزلت وطلعت تجرى على شقتهم وعلاء مشى بالعربيه علطول
~•~•~•~•~•~•~•~•~•~•~•~•~•
فى فيلا ادهم الحناوى

نزل أكرم من اوضت أدهم وقال

أكرم :- مش يلا بينا يا طمطم
فاطمه :- خلينا شويه كمان داليا وحشانى اوى
أكرم :- لاء كفايه كده يلا بينا
فاطمه :- علشان خاطرى يا اكرم خلينا شويه
أكرم :- لنفسه يخربيت ام الغباء اللى فيكى ده وداس على سنانه وقال انا بقول نخليهم ياخدو راحتهم مع بعض شويه يارب نكون فهمنا
فاطمه :- بغباء فهمنا ايه يا اكرم
أكرم :- بغيظ راجل ومراته وكانوا بعاد عن بعض مش من الأصول نسيبهم لوحديهم شويه ولا ايه
فاطمه :- فهمت قصد أكرم ووشها احمر وقالت بكسوف احم ط.ط.طيب يا داليا ا.ا.احنا هنمشى بقى
داليا :- خليكى يا بنتى شويه
فاطمه :- بصت لأكرم وقالت ها ل.ل.لا ما هو لازم نمشى علشان الوقت اتأخر
داليا :- ماشى وبصت لأكرم وقالت خليها تسأل عليا علطول يا اكرم
أكرم :- قول الكلام ده لصحبتك ما هى اللى واطيه
فاطمه :- بغيظ والله
داليا :- الصراحه يا طمطم فى دي عنده حق
فاطمه :- والله العظيم انتو الاتنين مش عندكم دم ومشيت وسابتهم
أكرم :- هههههههه استنى هنا يا مجنونه وطلع يجرى وراها وخرجوا من الفيلا
داليا :- هههههههههه مجانين وبصت على فوق واتنهدت وقالت لما نطلع فوق نشوف عم الشقى ده كمان وطلعت فوق عند باب اوضت أدهم خبطت ودخلت
ادهم :- قام من على السرير وراح عندها وقال وحشتينى
داليا :- لحقت اوحشك
ادهم :- انتى بتوحشينى فى الثانيه اللى بغمض فيها عينيا
داليا :- ضحكت وقالت لاء انت ميتسكتش عليك أبدآ
ادهم :- هههههههه ليه
داليا :- بقيت رومانسى خالص وانا مش واخده عليك كده الصراحه
ادهم :- مسك وشها ما بين ايديه وبص فى عينيها وقال النظره فى عنيكى كفيله تخلينى شاعر كمان كل تفصيله فيكى صعب القلم يقدر يوصفها انتى نغمه مش موجوده فى الوجود انتى ورده نادره زرعتها جو قلبى وبسيقها بنار عشقى ليكى انتى عمله نادره فى الوجود انتى كل حاجه حلوه اتخلقت فى الكون ده كله
داليا :- بصت فى عيونه وقالت بجد مش لاقيه كلام اقولوا ليك غير أن انا بعشقك اوى يا ادهم
ادهم :- ضمها فى حضنه وقال مش محتاجه تقولى ليا كلام بشفايفك لأن عينيكى قايله ليا احلى كلام فى الدنيا
داليا :- اتعلقت فيه اكتر وقالت ربنا يخليك ليا يا ادهم
ادهم :- بسها فى راسها وقال ويخليكى ليا يا روح ادهم
داليا :- بعدت عنه وقالت شكل دينا جت
ادهم :- اه صوت الباب اتفتح تحت
داليا :- ماشى هروح اشوفها وهدخل اوضى انام احسن خلاص مش قادره هموت وانام ومشيت لحد الباب
ادهم :- داليا استنى
داليا :- بصت ليه وقالت نعم يا ادهم
ادهم :- انتى هتنامى معايا هنا
داليا :- بكسوف ها ل.ل.ليه
ادهم :- علشان علاء عايش معانا هنا وبينام فى اوضك
داليا :- علاء نايم هنا طيب ليه
ادهم :- حصل مشاكل مع ابوه وطلب يقعد معانا هنا يومين
داليا :- مفيش مشكله البيت بيتهم طبعآ خلاص هنزل اشوف دينا وهطلع على هنا
ادهم :- طيب بقولك ايه ابقى شوفيها الصبح وتعالى ننام احسن خلاص مش قادر افتح عينى
داليا :- احم م.م.ماشى بس محتاجه هدوم علشان عايزه اخد شاور
ادهم :- هدومك هنا فى الدولاب
داليا :- مين اللى نقالها هنا
ادهم:- دينا نقلتهم ليكى قبل ما علاء ينام في الاوضه
داليا :- ماشى وراحت فتحت الدولاب وطلعت هدوم ليها وقالت ادهم
ادهم :- نعم
داليا :- ممكن تطلع بره لحد ما اخد شاور
ادهم :- لاء
داليا :- ادهم بتكلم بجد انا مش هعرف اخد شاور وانت فى الاوضه
ادهم :- يعنى انتى هتخدى الشاور فى نص الاوضه ما عندك الحمام اقفلى الباب عليكى وبعدين انا جوزك مش حد غريب وثانيآ بقى انا شوفت جسمك من غير هدوم خالص يعنى مش هتبقى حاجه جديده عليا
داليا :- فتحت بؤقها بصدمه وقالت ها
ادهم :- ههههههههه مالك
داليا :- امته ده حصل
ادهم :- لما كنتى بتخدى المخدر كنتى بتعملى احلى دماغ مره قلعتينى هدومى ومره انتى اللى قلعتى هدومك وغمز ليها وقال كنتى شقيه اوى الصراحه
داليا :- وشها احمر من الكسوف وقالت ا.ا.انا عملت كده
ادهم :- ههههههههه واكتر من كده كنتى منحرفه احلى انحراف
داليا :- نهار اسود ومنيل يا نهار اسود ومنيل ده انا شكلى بقى وحش اوى وحطت ايديها على وشها والدموع نزلت منها وقالت منهم لله منهم لله
ادهم :- شدها فى حضنه وقال ششششش أهدى يا داليا بلاش دموع علشان خاطرى وبعدين انا جوزك مش حد غريب يعنى جسمك حلالى مش حرام لما شوفته وعلى فكره انا كنت بتحكم فى نفسى بصعوبه علشان بحبك انتى اكتر من جسمك وعايز لما يحصل حاجه من دى ما بينا نستمتع بيها انا وانتى بالحب والرومانسيه مش شهوه تحت تأثير المخدرات
داليا :- بدموع انا مش متخيله اللى حصل منى ده بجد حاجه بشعه
ادهم :- خلاص بقى وبعدين انا عايز الانحراف ده يتعمل معايا بعد ما الظروف اللى عندك تروح وغمز ليها
داليا :- ضربته على كتفه وقالت بكسوف بس بقى يا ادهم
ادهم :- بحبك يا روح ادهم وضمها فى حضنه جامد وقال نفسى تفضلى كده فى حضنى علطول ومتبعديش عنى ولا ثانيه
داليا :- ابتسمت وغمضت عينيها وقعدت تسمع دقات قلبه وقالت عارف يا ادهم دقات قلبك بتعزف اجمل نغمه سمعتها فى حياتى وبحس مع كل دقه بسمعها براحه كبيره اوى
ادهم:- علشان كل دقه فى قلبى بدقها بأسمك يا داليا
داليا :- بعدت عنه وقالت هدخل اخد شاور بسرعه واجى ماشى
ادهم :- بسها فى راسها وقال متتأخريش عليا
داليا :- ههههههههه حاضر وسابته ودخلت الحمام
ادهم :- راح قعد على السرير واخد نفس ببطئ وقال يا مهون ده الواحد بينهار
وبعد وقت خرجت داليا وراحت وقفت قصاد السرير وبصت ليه بكسوف
ادهم :- مالك واقفه كده ليه
داليا :- احم ه.ه.هنام فين
ادهم :- فى المكان اللى يعجبك
داليا :- ه.ه.هنام الجنب ده وراحت نامت على حرف السرير
ادهم :- مد دراعه تحت راس داليا وسحبها فى حضنه وحضنها من ضهرها وبسها فى رقابتها وقال تصبحى على خير يا قلبى
داليا :- بكسوف و.و.وانت من أهله
والاتنين غمضوا عينيهم وناموا
~•~•~•~•~•~•~•~•~•~•~•~•~•
فى الطياره

فاقت رودينا على صوت المضيفه وهى بتصحيها علشان الطياره وصلت ورفعت راسها لاقت نفسها نايمه فى حضن فادى وفادى هو كمان نايم اتعدلت وقالت بكسوف

رودينا :- ف.ف.فادى
فادى :- امممم
رودينا :- احم ا.ا.احنا وصلنا
فادى :- فتح عينه وقال انا نمت كل ده ازاى
رودينا :- و.و.وانا كمان نمت كتير اوى
فادى :- بص ليها وافتكر أنها كانت نايمه فى حضنه غمض عينيه أن هو قلبه حن ليها ونسا اللى كان عايز يعملوا فيها بص ليها بغيظ وقال فادى كده حاف اخدى عليا اوى
رودينا :- بصت ليه بأستغراب وقالت انت بتكلمنى انا
فادى :- شايفه حد غيرك على الكرسى
رودينا :- بغيظ انت طبيعى لا بجد انت طبيعى انا حاسه انى بتعامل مع شخصين كل مره بحاله
فادى :- اه انا بشخصيتين وكل واحد بتعامل معاه بالشخصيه اللى يستحقها وانتى هى دى المعامله اللى تستحقيها
رودينا :- حبست دموعها فى عينيها وقالت يبقى بلاش معامله ما بينا خالص
فادى :- برضه احسن
رودينا :- بصت اتجاه الشباك ودمعه نزلت من عينيها مسحتها بسرعه قبل ما يشوفها فادى وبعد وقت وصلت الطياره نزل فادى ونهى من غير ما يبص على رودينا وحاولت تفتح الحزام معرفتش طلبت المساعده من المضيفه وفتحته ليها ونزلت وراهم خلصوا الإجراءات وراحو على الفندق وكل واحد دخل اوضه يريح جسمه من السفر
~•~•~•~•~•~•~•~•~•~•~•~•~•
اشرقت شمس صباح يوم جديد بنورها الساطع فى سماء الاسكندريه لتبدء فاطمه بفتح عيونها على صوت تليفونها مدت ايديها ومسكت التليفون بصت فيه لاقته رقم أكرم ردت بحب وقالت

فاطمه :- صباح الخير
أكرم :- صباح الحب والعشق يا طمطم ايه لسه نايمه ولا ايه
فاطمه :- امممم صحيت على صوت تليفونك
أكرم :- يقطعنى أن انا صحيتك
فاطمه:-بلهفه بعد الشر متدعيش على نفسك تانى احسن والله هزعل منك
أكرم :- خلاص خلاص مقدرش على زعل القمر ده منى
فاطمه :- قامت قعدت وقالت انت فين كده
أكرم :- انا فى مشوار هخلصه واجى عليكم اخدك
فاطمه :- ليه هنروح فين
أكرم :- هتختارى الفرش بتاعنا وبعد كده هنروح على الفيلا تشوفى الديكور بتاع الدور بتاعنا لما خلص وتتغدى معانا علشان ماما وبابا وايه هيتجنوا عليكى
فاطمه :- والله وهما كمان وحشونى اوى
أكرم :- جهزى نفسك انا مش هتأخر فى المشوار ده
فاطمه :- مشوار ايه ده
أكرم :- ها ت.ت.تبع الشغل يلا خلصى نفسك ومتتحركيش من البيت غير لما اجيلك قدام باب الشقه
فاطمه :- حاضر باى وقفلت مع اكرم وقامت دخلت الحمام اتوضت وخرجت ادت فرضها ولبست فستان شيك وحطت ميك اب خفيف جدآ وفى الوقت ده باب اوضتها خبط راحت فتحت وقالت خير نعم عايز ايه
ممدوح :- ايه المقابله دى مفيش حتى صباح الخير يا مندوح
فاطمه :- صباح الخير اخلص عايز ايه
ممدوح :- فيه ايه ابت اتعدلى فى الكلام لعدلك
فاطمه :- بخوف ايه ده انت اتعصبت يا توحه دانا بهزر معاك يا خويه
ممدوح :- وحياة امك
فاطمه :- وحياتك عندى وما ليك عليا حلفان
ممدوح :- لا اقتنعت المهم عملتى ايه مع بنت المفجوعه
فاطمه :- مشوفتهاش امبارح بس هشوفها النهارده وهكلمها عليك
ممدوح :- ربنا يخليكى ليا يا اختى ياحبيبتى يارب وفى الوقت جرس الباب رن
فاطمه :- طلعت تجرى وقالت أكرم جه
ممدوح :- بصلها بقرف وقال كتك نيله عليه وراح وراها
فاطمه :- فتحت الباب وهى فرحانه
أكرم :- واحشتينى ولسه هيقرب منها علشان يبوسها
ممدوح:- هتعمل ايه يا أخينا
أكرم :- بعد عنها واتنهد وقال اللهم طولك يا روح نعم مراتى وبسلم عليها ليك فيه
ممدوح :- اه ليا فيه يا خفه اختى ولسه فى بيت ابوها
أكرم :- بصوت واطى اللعن ابو غلاسة امك وبص لفاطمه وقال امشى يلا
ممدوح :- متتأخروش ها واى حركه كده ولا كده هتلاقونى فوق دماغكم وقفل الباب
أكرم :- اللهى يتقفل عليك باب الرحمه يا اخى
فاطمه :- هههههههههه حرام عليك متدعيش عليه
أكرم :- حرام عليك وهو مش حرام عليه اللى بيعملوا فينا ده
فاطمه :- ممدوح طيب وبيحب يهزر بس
أكرم :- بغيظ طيب وبيحب الهزار طيب امشى يا اختى قدامى امشى وركبوا العربيه ومشى بيها
~•~•~•~•~•~•~•~•~•~•~•~•~•
فى شقة سعيد

كان التلاته قاعدين على الترابيزه بيفطروا واتكلم حمزه وقال

حمزه :- بابا عايز اقولكم على حاجه
سعيد :- قول يا حبيبى
حمزه :- احم انا اتجوزت وانا فى الصعيد
مؤمن :- بصدمه ايه اتجوزت امته وازاى
حمزه :- شوفت واحده وعجبتنى واتجوزتها بس مجاش فرصه اقولكم علشان المشاكل اللى حصلت لداليا
سعيد :- مكنتش قادر تستنا لما نروح نطلبوها ليك ونفرح معاك بيوم زى ده
حمزه :- انا عجلت بالجوازه يا بابا علشان كنت محتاج واحده تاخد بالها منى وتعملى اللقمه بتاعتى وتغسل ليا هدومى ما انت عارف يا بابا مليش فى شغل البيت ده
مؤمن :- وهى فين دلوقتى ليه منزلتش معاك
حمزه:- بزعل معرفش هى فين دلوقتى
سعيد :- يعنى ايه متعرفش هى فين دلوقتى
حمزه :- بزعل جرحتها اوى يا بابا وهى زعلت وسابت البيت ومعرفش حاجه عنها وعرفت ان هى كانت حامل والبيبى نزل
سعيد :- انت يا حمزه تعمل كده ده انا بقول عليك العاقل فى اخواتك
حمزه :- عارف ان انا غلط وغلط كبير اوى يا بابا بس نفسى اعرف مكانها فين وااخليها تسامحنى انا تعبان اوى من غيرها يا بابا
سعيد :- بحنان اهدا يا ابنى وان شاءالله هتلاقيها وربنا يكرمكم بالذريه الصالحه
مؤمن :- بس ازاى انت ظابط ومش عارف توصل ليها
حمزه :-انا ظابط مش رئيس جمهوريه وبعدين يا ابنى انت عارف مصر فيها كام مليون انا كأنى بدور على ابره فى كوم قش
مؤمن :- أن شاءالله توصل ليها قريب اوى
حمزه:- هحاول ادور عليها هنا الكام يوم اللى واخدهم اجازه ولما ارجع الصعيد ابقى ادور عليها هناك تانى
سعيد :- كل يا حبيبى وان شاءالله كل حاجه هتتحل
حمزه :- بزعل ادعيلى يا بابا الاقيها
سعيد :- أن شاءالله يا حبيبى تلاقيها وربنا يسعدكم ويهنيكم
حمزه :- يارب يا بابا يارب وكملوا اكلهم
~•~•~•~•~•~•~•~•~•~•~•~•~•
فى فيلا ادهم الحناوى

فتحت داليا عينيها لاقت راسها على صدر ادهم ابتسمت وباست صدره برقه وقعدت تبص على ملامح وشه وهو نايم ومشيت ايديها على كل حته فى وشه ومره واحده ايد ادهم مسكت ايديها وبستها

داليا :- ادهم انت صاحى
ادهم :- هههههههه اه وكنت ببص عليكى وانتى نايمه واول ما لاقيتك بتتحركى عملت نفسى نايم
داليا :- بكسوف والله العظيم انت غلس
ادهم :- هههههههههه بس بحبك
داليا :- اوعى بقى انا زعلانه منك علشان بتضحك عليا
ادهم :- لالالا مقدرش على زعلك بس اعمل ايه كنت عايز اشوف هتعملى ايه فيا وانا نايم
داليا :- وشوفت
ادهم :- هههههههه اه شوفت احلى واجمل داليا فى الدنيا دى كلها وبسها فى خدها
داليا :- ابتسمت ونزلت راسها لتحت وغمضت عينيها وفضلت تسمع دقات قلبه
ادهم :- سكته ليه
داليا :- مش محتاجه اتكلم كفايه عليا اسمع دقات قلبك اجمل حاجه بالنسبه ليا ومش عايزه اسمع حاجه غيرهم تانى
ادهم :- كتير عليا والله
داليا :- كده كتير بالعكس ده انا بحس أن ده حاجه قليله عليك ومهما اتكلم واقول مش هقدر اوفيك حقك ولا هقدر اوصلك ربع اللى جوايا ليك
ادهم :- بحبك اوى يا داليا اوى وبسها فى خدها وقال انا هقوم ادخل الحمام بقى احسن كده انا بنهار وغمز ليها وقام دخل الحمام
داليا :- اتكسفت وقالت شقى بس بموت فيه وقامت بصت على نفسها فى المرايا ومشيت ايديها على وشها وضحكت وقالت حاسه ان انا بقيت داليا جديده غير بتاعت زمان يااااااه مكنتش اتوقع عمرى أن ادهم يطلع بالحنيه دى كلها
ادهم :- حضنها من ضهرها وبص على انعكاسهم فى المرايا وقال انا اللى عمرى ما كنت أتوقع ابقى بالشكل ده انتى غيرتى فيا حاجات كتير اوى يا قلبى
داليا :- ضحكت ليه وقالت ربنا يخليك ليا يا رب
ادهم :- امشى يا بت بقى انت حد مسلطك عليا راعى شعورى واحساسى كراجل
داليا :- وشها احمر وقالت اقسم بالله قليل الادب وطلعت تجرى على الحمام
ادهم :- بص عليها وضحك وراح غير هدومه وخرجت داليا وقالت
داليا :- يلا بينا ننزل تحت
ادهم :- استنى هنا تنزلى تحت كده وشاور على جسمها
داليا :- بصت على نفسها وقالت اه كده فيها ايه
ادهم :- فيه أن الترنج ده ضيق وملامح جسمك باينه منه وعلاء عايش معانا مينفعش يشوفك كده
داليا :- عادى يا ادهم علاء زى اخويه
ادهم :- اخوكى على عينى وراسى بس جسمك مايظهرش لاى حد بالمنظر ده غير ليا انا وبس فاهمه
داليا :- بفرحه حاضر طيب ممكن تطلع بره علشان اغير هدومى
ادهم :- ماشى وبسها فى خدها وخرج من الاوضه
داليا :- بصت عليه بحب وهو خارج وابتسمت وراحت طلعت هدوم واسعه ولبستها وخرجت من الاوضه وقالت كده حلو
ادهم :- قمر يلا بينا ونزلوا الاتنين تحت وكان دينا وسندس وعلاء قاعدين
سندس :- اول ما شافت ادهم طلعت تجرى عليه وقالت أبيه وحشتنى
ادهم :- حضنها وقال انتى اكتر يا حبيبتى
دينا :- سلمت على داليا وقالت وحشتينى يا دودى
داليا :- انتى اكتر يا قلبى وبصت لسندس وقالت مش هتسلمى عليا
سندس :- بصت ليها وقالت هاى ومقربتش منها
الكل :- استغرب من ردت فعل سندس
دينا :- علشان تلطف الجو قالت ا.ا.ايه رأيكم فى المفاجئه دى سندس هتعيش معانا
داليا :- احم بجد فرحتينى والله نورت الفيلا
علاء :- حمدالله على السلامه يا داليا
داليا :- الله يسلمك يا علاء
دينا :- طيب انتو هتقفوا كتير يلا نفطر
الكل قعد على السفره
ادهم :- فادى سافر
علاء :- امممم وزمانه وصل كمان
دينا :- سافر فين
ادهم :- سافر فى شغل
داليا :-يروح ويجى بالسلامه
دينا :- يارب وقعدوا ياكلوا وقام ادهم مشى هو علاء وقعدوا مع بعض داليا ودينا وسندس
~•~•~•~•~•~•~•~•~•~•~•~•~•
فى فيلا أكرم

وصل اكرم ومعاه فاطمه ودخلوا وسلموا على الكل وقعدوا

وفاء :- وحشتينا يا طمطم
فاطمه :- انتى اكتر والله يا ماما
منير :- بقى كده يا بطه متسأليش فى ابوكى كل ده
فاطمه:- معلش والله يا بابا حضرتك عرفت اللى حصلى غصب عنى متزعلش منى
منير :- مقدرش ازعل من بنوتى أبدآ
ايه :- الله يسهلوا يا عم ناس بتدلع وناس ليها الزعيق
فاطمه :- قل اعوذ برب الفلق ايه يا اختى اهدى بلاش قر ابوس ايدك
ايه :- ايوه ولعه معاكى أهل جوز بيحبوكى ومدلعه اخر دلع
أكرم :- والله يا فاطمه خايف عليكى لتولعى وانتى واقفه دلوقتى هههههههه
ايه :- ههه خفه
فاطمه :- ازيك يا مكرم ساكت يعنى
مكرم :- الحمدالله هقول ايه يعنى
منير :- خد مراتك يا اكرم واطلع خليها تشوف الدور بتاعها
أكرم :- ماشى واخد فاطمه وطلع فوق
وفاء :- فيه ايه يا مكرم بتكلم مرات اخوك كده ليه
مكرم :- كلمتها ازاى يعنى ما انا رديت عليها
منير :- يا ابنى انت ليه بقيت عدوانى كده حتى اخوك بقيت لما تشوفه متسلمش عليه
مكرم :- انتو عايزين تطلعونى غلطان وخلاص
منير :- الكلام اخد وعطا وانت من ساعة ما جاسمين رفضتك وانت مش طايق تكلم حد فى البيت محملنا احنا الذنب
مكرم :- انا محملتش حد ذنب حاجه وبعدين انا مش شاغل بالى بيها مش كل شويه تجيب سيرة ام الموضوع ده وقام خرج وسابهم
وفاء :- ربنا يريح قلبك يا ابنى مجروح وبيدارى
منير :- مش فى ايديا حاجه يا وفاء اعملها ليه البنت ورافضت اعمل ايه تانى
وفاء :- بكره الايام تنسيه

عند أكرم وفاطمه

أكرم :- ايه رأيك
فاطمه :- تحفه بجد جميل اوى
أكرم :- تعالى اوريكى اهم مكان فى الدور كله
فاطمه :- ايه هو
أكرم :- مسك ايديها وقال تعالى بس وراح فتح باب اوضه وقال دى بقى اوضت النوم
فاطمه :- بكسوف احم ح.ح.حلوه
أكرم :- تعالى شوفيها من جوه وشدها دخلها
فاطمه :- ش.ش.شوفتها تعال ننزل ليهم تحت بقى
أكرم :- استنى هنا مش لازم نعمل تجربه لاوضت النوم
فاطمه :- ها
أكرم :- قرب منها وقال نجرب اوضت النوم نشوفها مريحه ولا لاء
فاطمه :- ا.ا.اكرم ا.ا.ابعد حد يشوفنا
أكرم :- ما يشوفو انتى مراتى
فاطمه :- ا.ا.اكرم
أكرم :- مسك وشها بين ايديه وقرب من شفايفها ولسه هيبوسها
ايه :- اقفش هههههه
فاطمه :- زقت أكرم وبصت على الأرض بكسوف
أكرم :- داس على سنانه وقال ايه جابك ياللى تنشكى فى قلبك
ايه :- هههههههه جيت اطمن عليكم وحشتونى الله
أكرم :- وحش لما يلهفك كتك نيله وانتى شبه واحد رخم اعرفه
ايه :- هههههههه تقريبآ كده عرفت انت بتتكلم على مين هههههههههه
أكرم :- غورى فى داهيه يا ايه احسنلك
ايه :- انا مش نازله من هنا غير رجلى على رجل فاطمه
أكرم :- نعم يا اختى
ايه :- اه والله زى ما بقولك كده
أكرم :- بص لفاطمه وقال ايه رأيك فى الكلام ده يا طمطم
فاطمه :- احم ه.ه.هنزل معاها
أكرم :- نعععععععععم
ايه :- حبيبتى تعالى فى حضنى يا مرات اخويا
أكرم :- تيجى فى حضنك ايه اذا كان اخوكى مش عارف يخدها فى حضنه
ايه :- دى قدرات يا ابنى وشدت فاطمه من ايديها ونزلت
أكرم :- انتى يا بت سبيها فاطمه يا فاطمه وطلع يجرى وراهم
ايه :- رايح فين
أكرم :- معاكم
ايه :- معانا فين روح كلم بابا عايزك تعالى يا طمطم يا حبيبتى واخدتها ونزلت
أكرم :- ماشى يا كلبه هوريكى ونزل راح عند ابوه
ايه :- اخدت فاطمه وراحوا قعدوا فى الجنينه وقالت ايوه يا عم بوس واحضان وعيشه ابها
فاطمه :- اتلمى يا سافله
ايه:- ههههههههه اموت فى السفاله ههههههههه
فاطمه :- ولما بتموتى فيها مشحطفه قلب الولا عليكى ليه
ايه :- ولا مين
فاطمه :- ممدوح يا ايه
ايه :- ههههههههههه
فاطمه :- بتضحكى ليه
ايه :- علشان هجننه قريب ههههههههه
فاطمه :- يعنى ايه
ايه :- يعنى ناويه اطلع عينه
فاطمه :- يعنى بتحبيه ولا لاء
ايه :- احم بصى الكلام اللى هقوله ليكى ده محدش يعرفه
فاطمه :- قولى متخافيش
ايه :- انا بحس معاه بحاجه غريبه محصلتش ليا قبل كده وببقى فرحانه وانا جنبه بس
فاطمه:- بس ايه قولى
ايه :- بس حاسه انه لعبى شويه وده مخوفنى منه
فاطمه :- لاء خالص ومش بقولك كده علشان هو اخويه لاء بس فعلا ممدوح ملهوش فى سكة البنات خالص هو اه يهزر ويقولك اعرف دى واعرف دى بس فى الحقيقه هو عمره ما مشى مع واحده حتى لما واحده حبيته رفض العلاقه دى وقال ليها أن هو مش بيفكر فى الارتباط دلوقتى انتى الوحيده اللى حبها وعمل معاها كده
ايه :- اممممم
فاطمه :- اه والله صدقينى ممدوح طيب اوى ومحترم اوى اوى ملهوش فى الماشى الشمال
ايه :- مش عارفه بقى
فاطمه :- سيبى قلبك ومش هتندمى
ايه :- م.م.ماشى وقامت حضنتها وقالت بحبك اوى يا طمطم
فاطمه :- يخربيتك هتموتينى وزقتها وقعدت تكح
ايه :- اوه سورى يا بطه مش قصدى
فاطمه :- ولا يهمك يلا بقى احسن زمان أكرم هيطق من جنابه هههههههه
ايه :- يلا ههههههههههه
وخرجوا الاتنين عند منير ووفاء واكرم
~•~•~•~•~•~•~•~•~•~•~•~•~•
فى فيلا ادهم الحناوى

كانت دينا وداليا وسندس قاعدين مع بعض وتليفون دينا رن بتبص فيه لاقته رقم تامر استأذنت منهم وراحت على اوضتها واول ما دينا طلعت اوضتها قامت سندس ولسه هتمشى

داليا :- سندس
سندس :- وقفت وقالت نعم
داليا :- مالك يا سندس
سندس :- مليش عن اذنك
داليا :- واقفة قصاد سندس وقالت مش هتمشى غير لما اعرف مالك
سندس :- قولتلك مفيش
داليا :- لوفيه حاجه مزعلاكى قوليها ليا يا سندس
سندس :- اقولك انتى ليه اختى صحبتى تقربى ليا حاجه انتى حيالله مرات اخويه
داليا :- انتى مكنتيش كده يا سندس فيه حاجه غيرتك
سندس :- لاء انا كده لو مش عجبك اسيب ليكى الفيلا وارجع عندنا تانى
داليا :- ده بيت اخوكى وبيتك يا سندس تقعدى فيها براحتك انا بس كنت مفكره أننا أصحاب وحبيت اسمعك واشوف ايه سبب تغيرك وكرهك ليا عمومآ يا ستى المكان مكانك عن اذنك وسابتها ودخلت جوه الفيلا
سندس :- قعدت على الكرسى ودموعها نزلت منها
~•~•~•~•~•~•~•~•~•~•~•~•~•
فى اوضت دينا

كانت قاعده دينا على سريرها وبتكلم تامر

تامر :- انا عندى خبر ليكى هيفرحك اوى
دينا :- ايه هو
تامر :- اخوكى أدهم اتصل بيا وطلب منى أن انا اجى ليه بليل الفيلا
دينا :- ليه متعرفش
تامر :- عندى احساس كده أنه هو وافق على جوازنا وهيتكلم معايا بليل فى الموضوع ده
دينا :- والله وانت استنتجت ده ازاى يعنى ما يمكن عايزك فى موضوع تانى غير ده
تامر :- لاء ما هو سألنى لسه عايز اتجوزك وانا قولت ليه اه قالى خلاص تيجى ليا بليل الفيلا
دينا :- مش قادره اصدق الصراحه
تامر :- من ساعة ما اخوكى كلمنى وقالى كده وانا حاسس ان الدنيا مش سيعانى
دينا :- فى انتظار بليل على احر من الجمر
تامر :- انا على ما يجى بليل هكون جرارى حاجه من الانتظار
دينا :- بعد الشر عليك
تامر :- ربنا يخليكى ليا يا اجمل واحلى وارق واحده فى الدنيا دى بحالها
دينا :- باى
تامر:- باى يا روحى
دينا :- قفلت مع تامر وقعدت تنط من الفرحه
~•~•~•~•~•~•~•~•~•~•~•~•~•
فى شركة أدهم الحناوى

كان قاعد ادهم فى مكتبه والباب خبط ودخل السكرتير يبلغ ادهم أن فيه واحد عايز يقابله واذن ادهم ليه بالدخول خرج السكرتير ودخل ليه الراجل

ادهم :- انت جاى ليه
مصطفى :- جاى ليك يا ادهم
ادهم :- وانا مش عايز اقابلك ولا اشوفك
مصطفى :- امك تعبانه وبتموت يا ادهم وعايزه تشوفك
ادهم :- ما تموت انا مش عايز اشوفها اصلا
مصطفى :- انت ايه يا اخى معندكش قلب بقولك امك بتموت دى لو عملت فيك ايه مش هتعمل فيها كده
ادهم :- راح عنده وقال لاء عملت فيا حاجات كتير زى ما سابتنى علشان نفسها وانا صغير هسيبها تموت عليا وانا كبير
مصطفى :- غصب عنها
ادهم :- قطعه وقال مش غصب عنها كان ممكن تستغنا عن متعتها فى سبيل تبقى معايا لكن هى فضلت شهوتها ومتعتها عنى فضلتك انت عن ابنها
مصطفى :- يا ابنى اسمعنى
ادهم :- بزعيق متقوليش يا ابنى
مصطفى :- انت لازم تسمع الحقيقه بقى طول عمرك رافض تسمعنا طول عمرك مش راضى تدينا فرصه نفهمك الحقيقه انت كنت صغير ومش عارف تشوف الحقيقه خيالك وانت طفل صورك حاجات غلط وكبر فى عقلك لحد دلوقتى فيه حاجات كتير اوى لازم تعرفها حقايق هتغير نظرتك لينا امك مش خاينه امك م
ادهم :- متقولش امى امى ماتت من زمان اوى ومش عايز اسمع سيرتها ولا اسمع منك نص كلمه
مصطفى :- بعصبيه افهم بقى واسمعنى لازم تعرف الحقيقه لازم تعرف أن امك كانت مراتى قبل ما تكون مرات خالد
ادهم :- بص ليه بصدمه
مصطفى :- ايوه انا كنت كاتب كتاب امك قبل ما خالد يدخل حياتنا و...............

*********************

إلي هنا ينتهي الفصل الأربعون من رواية تمرد صحفية بقلم دودو محمد
تابع من هنا: جميع فصول رواية تمرد صحفية بقلم دودو محمد

تابع أيضاً: جميع فصول رواية انتقام ثم عشق بقلم لولو الصياد

تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها

اقرأ أيضا: رواية من أجلك فقط بقلم لولو الصياد