مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة دودو محمد علي موقعنا قصص 26 و موعدنا اليوم مع الفصل الرابع و الأربعون من رواية تمرد صحفية بقلم دودو محمد.
رواية تمرد صحفية بقلم دودو محمد - الفصل الرابع و الأربعون
اقرأ أيضا: رواية عشق الزين (الجزء الأول) بقلم زيزي محمد
 |
| رواية تمرد صحفية بقلم دودو محمد |
رواية تمرد صحفية بقلم دودو محمد - الفصل الرابع و الأربعون
وصل الاتنين عند الاوضه وفتح أكرم الباب وبص لفاطمه وقال
أكرم:- ادخلى برجلك اليمين يا شابه
فاطمه :- مشيت قدامه بكسوف وتوتر ودخلت وقفت جنب الباب
أكرم:- دخل وراها وقفل الباب وقرب منها وقال اخيرآ بقى اتقفل علينا باب لوحدينا
فاطمه :- رجعت لوراه وقالت احم ا.ا.اه ب.ب.بس مش لوحدنا اوى يعنى فيه ناس كتير فى الفندق
أكرم :- قرب اكتر ليها وغمز بعنيه وقال الكل عارف ان انا النهارده عريس
فاطمه :- ي.ي.يعنى ايه
أكرم :- ورقه وقلم وسجل يا تاريخ وقرب من شفايفها وبسها بوسه طويله وبعد وقت بعد عنها وقال ياااااااه اخيرآ بقى دوقت الشهد من على شفايفك ومن غير غلاسه من آيه وزفت الطين ممدوح
فاطمه :- كانت مكسوفه ومش عارفه ترد عليه
أكرم :- ميل عليها وحط دراعه تحت رجليها والتانيه وراه ضهرها وشالها وبسها فى خدها وقال بحبك
فاطمه :- بكسوف ن.ن.نزلنى يا اكرم
أكرم :- لاء ودخل بيها اوضة النوم وراح عند السرير ونزلها عليه وقرب منها ولسه هيبوسها
فاطمه :- حطت ايديها عند بؤقه وقالت احم ا.ا.اكرم اصبر لما نغير هدومنا ونصلى
أكرم :- رجع لوراه وقعد على حرف السرير وقال حاضر يا عمرى اللى انتى عايزاه
فاطمه :- قعدت جنبه وقالت طيب ممكن تخرج من الاوضه علشان عايزه اغير الفستان
أكرم :- طيب غيرى هدومك وانا قاعد اوعدك مش هبص كتير
فاطمه :- ضربته على كتفه وقالت أكرم متغلسش بقى
أكرم :- عيون وقلب أكرم يا ناس وبسها بوسه رقيقه فى خدها وقال انا داخل الحمام هغير هدومى انا كمان وهستناكى على نار واخد هدومه ودخل الحمام
فاطمه :- حطت ايديها على قلبها وقالت لالالا انا قلبى هيوقف عليا من الخوف والكسوف اعمل ايه بس يا ربى ده طلع الجواز ده حاجه صعبه اوى وقامت اخدت نفس عميق وراحت وقفت قصاد المرايا وبصت على نفسها وهى لبسه الفستان بفخر وبصت على الدبله اللى فى ايديها وابتسمت بفرحه وحضنتها وقالت ياااااه اخيرآ بقى بقيت حرم أكرم منير مش قادره اصدق نفسى وقلعت الطرحه وفتحت السوسته بتاعة الفستان وقلعته ولبست قميص قصير وعليه الروب الخاص بيه وسابت شعرها على ضهرها وفى الوقت ده شافت اكرم فى المرايا وهو بيبص عليها بأعجاب وسرحان فى جمالها اتكسفت ولفت نفسها وبصت ليه بكسوف
أكرم :- راح عندها ومسك وشها ما بين ايديه وبص فى عينيها وقال قمر ماشاءالله مش قادر اصدق نفسى ان القمر ده كله بقى بتاعى انا لوحدى
فاطمه :- احم ه.ه.هروح اتوضا عن اذنك وسابته ودخلت تجرى على الحمام
أكرم :- اااااااه يارب صبرنى وبعد شوية خرجت فاطمه من الحمام ولبست الايسدال وصلى أكرم بيها الركعتين وقال الدعاء وقرب من جبينها وبسها وقال ربنا يبارك ليا فيكى ويجعلك زوجه صالحه يارب ويرزقنا بالذريه الصالحه
فاطمه:- بكسوف اللهم امين
أكرم :- وقف ووقف فاطمه قصاده ولف دراعه حاولين وسطها وقال جعانه تاكلى
فاطمه :- هزت راسها بكسوف بمعنى لاء
أكرم :- بس انا جعان بقى
فاطمه :- خ.خ.خلاص كل انت
أكرم :- بس انا مش جعان اكل انا جعان عايز ادوق الشهد ده منك
فاطمه :- اتكسفت وبصت على الأرض بكسوف
أكرم :- رفع وشها ليه وبص على شفايفها وقرب منهم وغمض عينه وبسها بووووووسه طويله وبعد وقت حس أن فاطمه مش قادره تقف على رجليها بعد عنها وبص عليها لاقها خدودها حمرا من كتر الكسوف قلعها الطرحه ورفع الاسدال قلعه ليها
فاطمه :- استسلمت لأكرم وهى مكسوفه وكانت مش قادره تقف على رجليها من كتر الكسوف
أكرم :- شالها حطها على السرير وقرب منها و(سكتت شهرزاد عن الكلام الغير مباح 😉😉 ليكى واحشه يا غاليه 😂😂)
~•~•~•~•~•~•~•~•~•~•~•~•~•
فى فيلا ادهم الحناوى
دخل الكل على الاوضه الخاصه بي ودخلت داليا وادهم الاوضه بتاعتهم
قعدت داليا على الكنبه وهى الدموع محبوسه فى عينيها
ادهم :- بص على داليا شاف الدمعه دى اتنهد وسابها ودخل الحمام بص لنفسه فى المرايا وقال
القلب :- انت ايه يا اخى مش كفايه اللى بتعملوا فيها ده بقى
العقل :- كفايه ايه انت هتحن تانى ليها متنساش أن هما كلهم خاينين
القلب :- داليا غيرهم كفايه انها لسه جنبى رغم كل اللى بعمله فيها ده
العقل :- وهتستحمل منك مهما عملت فيها علشان بتحبك
القلب :- واعذبها ليه مدام هى بتحبنى وانا كمان بح
العقل :- قطعه وقال متكملش مفيش واحده تستاهل الكلمه دى هتندم لو كملتها
القلب :- وهخسرها لو مكملتهاش انا بعمل كل حاجه علشان احميها حتى من نفسى كل واحد فكر يأذيها رديت ليه الاذيه أضعاف مضاعفه يبقى ليه العذاب ده ليها
العقل:- علشان دول جنس نمرود اول ما هتتأكد من حبك ليها هتعمل فيك زى ما امك عملت فى ابوك مصيرك هيبقى نفس مصيره ولو جه طفل هيبقى مصيره نفس مصيرك مرات اب تعذب فيه ويطلع ملهوش ضهر فى الدنيا فوق وبلاش عواطف ملهاش لزمه فوق وافتكر أن هما كلهم اهم حاجه عندهم الفلوس والشهوه
القلب :- سكت ومردش عليه
العقل:- سكت ليه؟ علشان كلامى صح
القلب:- مش عارف بقى دموعها بتوجعنى
العقل :- كله تمثيل
القلب :- لاء انا بحس بيها وهى فى حضنى بحس بيها وهى بتنادى عليا علشان أمد ايدى ليها أنقذها من اللى هى فيه
العقل :- انت حر خليك امشى ورايا احساسك لحد ما تتوجع تانى وسعتها هتعرف أن انا كان عندى حق
ادهم :- بس بقى كفايه كفايه انا تعبت من حرب الاعصاب دى وغسل وشه وغير هدومه وخرج كانت داليا غيرت هدومها ونامت على الكنبه بص عليها وراح على السرير ونام وقعد يبص على داليا وهى نايمه لحد ما عينه راحت فى النوم
داليا :- كانت صاحيه واول ما حسيت أن باب الحمام بيتفتح عملت نفسها نايمه وبعد شويه فتحت عينيها وبصت على ادهم لاقته نام قعدت تبص عليه وهو نايم وقامت من على الكنبه وراحت عنده قعدت على حرف السرير ودموعها نزلت منها وقالت تعبت منك يا ادهم ولا قادره اكرهك ولا قادره انسا اللى بتعملوا فيا اوقات كتير ببقى عايزه اهرب منك فى حضنك اشتكى وجعى منك ليك محتاجه ضمة حضنك ليا اوى محتاجه ايدك تطبطب عليا بحنيه محتاجك انت يا ادهم ومسكت أيده براحه وقالت بحبك ومبقتش عارفه ده عقاب ولا مكافئة الدنيا ليا بس كل اللى اعرفه أن انا مش عايزه ابعد عنك سميه ضعف سميه استسلام سميه زى ما تسميه المهم أفضل جنبك وفى الوقت ده اتفاجئت بأيد ادهم بضمها ليه وبينيمها فى حضنه من غير ولا كلمه استغربت من اللى حصل بس معلقتش عليه ونامت على صوت دقات قلبه لصبح
~•~•~•~•~•~•~•~•~•~•~•~•~•
اشرقت شمس صباح يوم جديد بنورها الساطع فى سماء الاسكندريه لتبدء منتهى بفتح عيونها على صوت تليفونها بتبص لاقته رقم غريب استغربت وقامت قعدت وردت وقالت
منتهى :- السلام عليكم مين معايا
علاء :- وعليكم السلام انا علاء يا منتهى اتصلت بيكى من رقم غريب علشان تردى عليا
منتهى :- عايز ايه منى تانى يا علاء
علاء :- عايزك يا منتهى انا مش قادر اعيش من غيرك
منتهى :- بضحكة وجع اخيرا افتكرت تتصل بيا بس بعد ايه بعد ما روحت من ايدك خلاص قلة اهتمامك بيا ضيعتنى من ايدك
علاء:- يا منتهى انا شرحت ليكى وقولتلك اللى كان منعنى ايه الظروف كانت اقوى منى والله
منتهى :- هه ظروف اللى بيحب حد يا علاء بيفضى نفسه لو ثانيه يطمن عليه اللى بيحب حد بيقاتل علشان الحد ده يكون ليه انت عملت ايه منهم ولا حاجه روحت وانت مطمن أن انا هستناك وانك مهما تهملنى هفضل مستنياك ومستحمله بس للاسف يا علاء كل واحد عنده طاقه معينه وبيجى وقت وبتخلص الطاقه دى وانا ده اللى حصل معايا استحملت بكل طاقتى لحد ما نفذت منى روح عيش حياتك يا علاء وان شاءالله ربنا هيكرمك ببنت الحلال اللى هتسعدك
علاء:- سعادتى معاكى انتى يا منتهى
منتهى :- انا خطوبتى الاسبوع الجاى يا علاء الكلام مبقاش ليه فايده
دلوقتى
علاء :- بصدمه خطوبتك الاسبوع الجاى ازاى انا سبق وقولت مش هتكونى غير ليا يا منتهى واعملى حسابك خطوبتك الاسبوع الجاى هتكون عليا مش على حد غيرى سلام وقفل
منتهى :- اتنهدت بوجع وقالت يارب انا تعبت بجد مش عارفه اعمل ايه بس ما بين ابويا اللى اشترى وجع بنته بقرشين قبضهم وما بين علاء اللى مصر يوجعنى كل يوم اكتر من اليوم اللى قابله حلها من عندك يارب وقامت خرجت من أوضتها دخلت الحمام اتوضت وخرجت دخلت اوضتها أدت فرضها وهى دموعها على خدها وقعدت تدعى ربنا يريح قلبها وبعد كده قعدت تقراه فى المصحف
~•~•~•~•~•~•~•~•~•~•~•~•~•
فى فيلا أكرم
صحى أكرم من نومه لاقه فاطمه نايمه على صدره ابتسم وبسها برقه فى خدها وقام بهدوء من على السرير وخرج من الاوضه
فاطمه :- فتحت عينيها لاقت نفسها نايمه فى مكان غريب وبعد وقت فاقت وافتكرت أن فرحها كان امبارح وافتكرت اللى حصل بليل حطت ايديها على وشها بكسوف وقالت يالهوووووووى على الكسفه دى ده طلع الجواز صعب اوى وكله حاجات وفى الوقت ده دخل أكرم ومعاه صنية الفطار وقطعها وقال
أكرم :- كله حاجات قلة ادب صح
فاطمه :- شالت ايديها من على وشها وقالت احم ا.ا أكرم انت هنا من امته
أكرم :- من ساعة ما قولتى ده طلع الجواز كله حاجات قلة ادب
فاطمه :- اتكسفت وقالت أكرم بطل بقى
أكرم :- قعد قصادها على السرير وحط الصينيه قدمها وقال احلى صباح فى حياتى علشان انتى موجوده فيه صباحيه مباركه يا عروسه
فاطمه :- اتكسفت وقالت يسعد صباحك
أكرم :- رفع وشها ليه وقال خلاص بقى يا بطوط مش عايزين كسوف تانى انا جوزك رسمى دلوقتى
فاطمه :- هزت راسها بمعنى حاضر
أكرم :- خدى السندوتش ده من ايدى
فاطمه :- مليش نفس مش جعانه
أكرم :- قربه من شفايفها وقال هتكسفى ايدى
فاطمه :- قطعت حته بسنانها من السندوتش
أكرم :- خدى بقى العصير اشربيه ده انا اللى عامله ليكى بأيديا دول
فاطمه :- اخدت العصير وشربت منه
أكرم :- ايه ده استنى استنى
فاطمه :- بخضه ايه فى ايه
أكرم :- قرب من شفايفها وخطف بوسه منها
فاطمه :- تصدق انك غلس
أكرم :- ههههه ليه بس ده انا كنت بشوف العصير محتاج سكر ولا لاء
فاطمه :- والله وطلع ايه بقى
أكرم :- انا جالى مسكر جدآ بس يمكن علشان شفايفك فيهم العسل بزياده
فاطمه :- م.م.مش هتفطر معايا
أكرم :- هفطر بس بشرط
فاطمه :- ايه هو
أكرم :- تأكلينى مره وتدينى بوسه مره ها ايه رأيك
فاطمه :- والله ده دلع بقى مش فطار
أكرم :- امممم كده طيب هاتى واخد منها العصير وشال الصينيه على الترابيزه ونام جنبها على السرير
فاطمه :- هتعمل ايه يا مجنون
اكرم:- هوريكى الدلع على أصوله
فاطمه :- لالالا يا اكرم اوعى بقى بس بقى يا اكرم
أكرم :- ده انتى هتموتى يا سوسو وشد الغطا عليهم و(سكتت شهرزاد عن الكلام الغير مباح 😉😉)
~•~•~•~•~•~•~•~•~•~•~•~•~•
فى فيلا ادهم الحناوى
صحيت داليا من نومها وهى حاسه براحه كبيره بصت لفوق على ادهم وهو نايم ومشيت ايديها براحه على وشه وقالت بصوت واطى
داليا :- مش قادره افهمك يا ادهم انت حنين ولا قاسى بتحبنى ولا بتكرهنى انت كل دقيقه شخصيه شكل وده تعبنى اوى معاك بس كل اللى اعرفه دلوقتى حاجه واحده بس انا بحبك يا ادهم انت الوحيد اللى كسرت تمردى انتى الوحيد اللى ملك قلبى رغم وجعك ليه نفسى ارتاح بقى ونعيش حياة طبيعيه زى اى اتنين متجوزين تعبت من العناد والكبرياء والتمرد اقسم بالله تعبت بس واثقه فى ربنا أن هو بعد كل ده شايل ليا فرحه كبيره عنده وبسته فى خده وقامت دخلت الحمام
ادهم :- فتح عينه وبص على باب الحمام وقال كل يوم بتعذبينى بكلامك كل يوم بتوجعى قلبى عليكى مفكره نفسك بس اللى بتتعذبى يا داليا انا كمان بتعذب اكتر منك والله بس هانت يا داليا هانت ومسك تليفونه واتصل على أكرم وانتظر الرد
أكرم :- تصدق طلعت ارخم من ايه وممدوح
ادهم :- نعم
أكرم :- نعم الله عليك يا اخويه عريس ويوم الصباحيه خلى عندك شوية دم وافهم بقى أن انا ببقى مشغول يا راجل
ادهم :- تلاقيك كلام وخلاص وشكلك عرتنا ولا عملت حاجه
أكرم :- فشر ده انا عملت وعملت وعملت ااااه خلاص خلاص
ادهم :- فيه ايه
أكرم :- المودام بتضربنى علشان الكلام اللى بقوله مكسوفه يا اخويه
ادهم :- هههههههه ربنا يسعدكم خلاص بقى هسيبك تعيش حياتك وابقى اكلمك بعدين
أكرم :- لاء قول كنت عايز ايه
ادهم:-لاء خلاص سلام سلام وقفل السكه فى وش أكرم
أكرم :- انت يا ابنى ادهم يلا عملت خير وكمل اللى كان بيعملوا
ادهم :- اتنهد وقام من على السرير فى نفس الوقت اللى خرجت فيه داليا
داليا :- صباح الخير
ادهم :- صباح النور ودخل الحمام
داليا :- بصت عليه بوجع واتنهدت ووقفت قصاد المرايا سرحت شعرها
ادهم :- بعد وقت خرج ادهم من الحمام لبس هدومه و سرح شعره واخد مفاتيحه وتليفونه وخرج من اوضه من غير ولا كلمه
داليا :- دموعها نزلت منها وقالت يارب وأدت فرضها ونزلت وراه ادهم تحت وكان الكل قاعد وشكل دينا وسندس وعلاء متوترين قالت صباح الخير
الكل :- صباح النور
داليا :- فيه ايه مالكم شكلكم بيقول فيه حاجه
دينا :- بدموع بابا يا داليا المخازن بتاعته كلها اتحرقت
داليا :- لا حولا قوة الا بالله ده حصل امته
دينا :- امبارح بليل
داليا :- ومعرفتوش مين اللى عمل كده
علاء :- بيقولوا بفعل فاعل بس مش عارفين مين اللى عمل كده
داليا :- طيب الخساره كانت كبيره
علاء :- طبعآ خساره كبيره جدآ بملايين
داليا :- اكيد الحكومه هتقدر توصل للى عمل كده
علاء:- أن شاءالله ووقف وقال انا رايح عندهم لازم اكون جنبه وبص لادهم وقال وانت يا ادهم مش هتقف جنب ابوك
ادهم :- وهو بياكل قال لاء
داليا :- بس لازم تقف جنب ابوك فى وقت زى ده
ادهم :- متدخليش فى اللى ملكيش فيه فاهمه
داليا :- وهى الدموع فى عينيها حاضر عن اذنكم وخرجت الجنينه وسابتهم
دينا :- ليه كده يا ادهم تحرجها قدامنا هى مقالتش حاجه
ادهم :- محدش يدخل فى اللى ملوش فيه
دينا :- حاضر ووقفت وقالت عن اذنكم وسابتهم وراحت عند داليا فى الجنينه
علاء :- وانا ماشى السلام عليكم وسابه وخرج
ادهم :- وانتى مرحتيش المدرسه ليه النهارده
سندس :- هروح من اول بكره علشان اكون مستعده
ادهم :- لما نشوف اخرتها معاكى وقام وخرج من الفيلا
سندس :- راحت لدينا وقالت دينا هروح اتمشى شويه فى النادى
دينا :- ماشى بس متتأخريش
سندس :- اوك وخرجت من الفيلا وراحت ركبت العربيه ومشيت بيها
دينا :- متزعليش يا داليا من ادهم ادهم عصبى شويه بس طيب من جوه والله
داليا :- لاء ما خلاص اخد على كده جسمى نحس
دينا :- هو ممكن يكون متعصب علشان موضوع حرق المخازن بتاعة بابا بس مش عايز يبين
داليا :- ما اخوكى الراجل الغامض بسلامته بيحب يدارى شخصيته ويعذبنا
دينا :- والله يا داليا حرق المخازن ده وجع قلبنا كلنا بس انا مقدرش اسيب ادهم وامشى
داليا :- متقلقيش على ادهم انا معاه روحى انتى وابقى ارجعى لما تطمنى عليه
دينا :- حمل عليكى يا داليا
داليا :- مش هيبقى حمل ولا حاجه روحى انتى ومتقلقيش
دينا :- ربنا يخليكى ليا يارب هطلع ابلغ تامر واروح وطلعت تجرى على اوضتها مسكت تليفونها وطلبت تامر
تامر :- صباح الخير
دينا :- صباح النور
تامر :- خير يا دينا
دينا :- بأستغراب مالك يا تامر
تامر :- مليش يا قلبى منمتش من امبارح اتصلوا بيا بعد الفرح جيت و شغالين فى قضية حرق مخازن ابوكى
دينا :- معلش يا حبيبى انا رايحه عن
تامر :- قطعها وقال استنى هنا انتى قولتى يا ايه
دينا:- بكسوف خلاص بقى يا تامر انا رايحه عند بابا
تامر :- ليه
دينا :- لازم اكون جنبه فى وقت زى ده
تامر :- ماشى يا قلبى بس لو حد ضيقك قوليلى
دينا :- حاضر
تامر :- خلى بالك من نفسك سلام
دينا:- حاضر باى وقفلت معاه غيرت هدومها ونزلت ركبت عربيتها وراحت الفيلا عند ابوها وامها
~•~•~•~•~•~•~•~•~•~•~•~•~•
فى بيت سعيد
فى اوضت مؤمن
صحى مؤمن من نومه لاقه حمزه لسه نايم راح عنده وقال حمزه قوم يلا هتتأخر على الشغل
حمزه :- ساكت ومش بيرد
مؤمن :- انت يا ابنى اصحه يلا حلال فيكى اللى كانت داليا بتعمله فيك
حمزه :- امشى يا مؤمن علشان مخربش عليك
مؤمن :- انت حر وخرج وسابه
حمزه :- فتح عينه وقال فينك يا ميرفت محدش هيعرف يصحينى زيك كنت مجرد بس اول ما اسمع صوتك كأن سمعت نغمه رومانسيه بيعزفها اكبر العازفين ارجعى بقى قلبى واجعنى عليكى واتنهد وقام من على سريره وخرج وقال صباح الخير
سعيد :- صباح النور يا حبيبى
حمزه :- يارب الزفت اللى فى الحمام ده يخلص بسرعه ميقعدش اليوم كله فيه
سعيد :- لو غاب نستعجلوه المهم عملت ايه فى موضوع مراتك
حمزه :- لسه مش لاقيها يا بابا اختفت مش عارف راحت فين لحد دلوقتى
سعيد :- ربنا يفتح بصيرتك وتقدر توصل لحاجه توصلك ليها
حمزه :- يارب يا بابا يارب
وفى الوقت ده خرج مؤمن من الحمام
حمزه :- تتكتب فى التاريخ انك متأخرتش فى الحمام
مؤمن :- لاء ما انا كل ده معملتش حاجه انا نسيت اخد فوطه وداخل تانى
حمزه :- كل ده معملتش حاجه يخربيتك
مؤمن :- ضحك وقال ده كده ومتأخرتش
حمزه :- مع نفسك بقى انا هدخل الاول وسابه ودخل الحمام
وبعد وقت خرج حمزه من الحمام وقعدوا التلاته فطروا وكل واحد راح على اللى وراه
~•~•~•~•~•~•~•~•~•~•~•~•~•
فى فيلا أكرم
فى اوضت ايه
كانت قاعده بتتكلم فى التليفون مع ممدوح وهى فرحانه اوى بالخاتم اللى فى ايديها وعماله تبص عليه
ممدوح :- بس ايه رأيك فيا انفع اكون رومانسي
ايه :- ايوه طبعآ تنفع ده انت عليك شوية محن مش على حد الصراحه
ممدوح :- بأستغراب محن
ايه :- ايوه محن بس محن لذيذ كده حاجه شبه جملات كفته
ممدوح :- بت انتى متعرفيش تكونى رومانسيه شويه
ايه :- بعرف طبعآ
ممدوح :- طيب ورينى بقى شويه رومانسيه
ايه :- مندوح
ممدوح :- قلب مندوح من جوه
ايه :- اتلم ياض بدل ما اخلى وشك شوارع
ممدوح :- احلفى ده اخر معرفتك بالرومانسية عايزه تجيبى وشى شوارع عملت ايه يا ربى فى حياتى علشان احب دى من دون البنات لاء بنات ايه من دون الرجاله كلها توعدنى بجعفر
ايه :- كده برضه يا توحه تقول كده على ايوش
ممدوح :- انتى عندك انفصام فى الشخصيه انتى ناويه تجننينى
ايه :- هههههههههه
ممدوح :- بس عارفه ضحكتك تجنن والله
ايه :- ش.ش.شكرآ
ممدوح :- العفو ابقى تعالى كل يوم
ايه :- مش فاضيه يا خفه
ممدوح :- إنبى عسل
ايه :- طيب اقفل بقى يا سكر علشان انزل أفطر
ممدوح :- العروسه والعريس عاملين ايه
ايه :- عاملين فراخ بانيه
ممدوح :- هه خفه
ايه :- هيكونوا عاملين ايه عروسه وعريس والجرى للمتاعيس يا توحه
ممدوح :- عقبالنا يارب
ايه :- طيب يلا بقى علشان بينادو تحت باى
ممدوح :- باى ورحمة الله وبركاته
ايه :- هههههه ماشى وقفلت السكه ونزلت ليهم تحت وقالت صباح الخير
وفاء :- كل ده يا بنتى
ايه :- سورى يا ماما كنت بكلم ممدوح
منير :- ربنا يسعدك يارب يا بنتى
ايه :- ويخليك لينا يارب صحيح فين مكرم
وفاء :- اهو نازل
مكرم:- صباح الخير
كلهم:- صباح النور
مكرم :- قعد ياكل من غير ولا كلمه
منير :- مكرم
مكرم :- ها نعم
منير :- فيه موضوع عايز اكلمك فيه
مكرم :- موضوع ايه ده يا بابا
منير :- بص اسمع كلامى للآخر من غير ما تقطعنى
مكرم :- الدخله انتى انا حفظها اتفضل يا بابا
منير :- امك شافت ليك عروسه بنت حلال غلبانه وقمة الجمال والادب الكل بيشهد بتربيتها
مكرم :- لاء انتو عارفين رأى فى الموضوع ده مش عايز اتجوز دلوقتى لما احس ان انا عندى استعداد هاجى اقولكم
وفاء :- يا حبيبى اسمعنى اخوك اتجوز واختك ربنا كرمها واتخطبت مفيش غيرك انت عايزين نطمن عليك انت كمان
مكرم :- اللى يتجوز يتجوز واللى يخطب يخطب مليش دعوه بحد ووقف وقال عن اذنكم ومشى وسابهم
ايه :- متحاولوش دماغ مكرم ناشفه ومش هيقتنع بسهوله
وفاء :- نفسى ارتاح من ناحيته هو كمان زيكم كده
ايه :- افضلوا زنه عليه لحد ما يوافق
منير :- ربنا يهديه ويصلح حاله
ايه ووفاء :- اللهم امين
~•~•~•~•~•~•~•~•~•~•~•~•~•
فى فرنسا
صحيت نهى من نومها بدرى كالعاده وكان الكل لسه نايم لبست لبس مناسب للجرى ونزلت تجرى بص كانت عينيها بدور على حد وكانت بتجرى وهى بتبص حاوليها ومش مركزه قدامها وهى بتبص حواليها خبطت فى محمد ووقعت فى حضنه اتصدمت وقالت
نهى :- احلف
محمد :- هههههههه والله
نهى :- بعدت عن حضنه وقالت ش.ش.شكرآ
محمد :- العفو يا انسه احلف
نهى :- سبق وقولت لحضرتك أسمى نهى نهى مش احلف
محمد :- يا ستى ولا تزعلى نفسك يا انسه نهى حلو كده
نهى :- ايوه حلو
محمد :- طيب ممكن بقى تسمحيلى أعزمك على الفطار
نهى :- نعم وانت تعزمنى على الفطار بصفتك ايه يعنى
محمد :-امممم ممكن بصفتى صديق
نهى :- لاء برضه احنا مفيش ما بنا صداقه علشان تعزمنى على الفطار
محمد :- اوك انتى حره عن اذنك وسابها ومشى
نهى :- لنفسها يادى الحوسه المز شكله زعل منى ولا ايه وقالت ياااااخ محمد انت يا استاذ استنا هنا
محمد :- وقف وقال افندم حضرتك
نهى :- هو ينفع تمشى وتسبنى واحنا لسه بنتكلم
محمد :- لا والله
نهى :- ا.ا.ايوه انا ممكن افطر معاك بس بشرط
محمد :- ايه هو
نهى :- تجيب ليا فول وفلال
محمد :- احلفى
نهى :- هههههههههه
محمد :- فول وفلافل اللى هى طعميه عندنا فى كايرو فى فرنسا تيجى ازاى
نهى :- معرفش بقى
محمد :- انسه نهى انتى بطلبك ده انتى عايزه ترفضى بس بذوق صح
نهى :- ما هو الصراحه بقى مش متعوده اخرج مع حد غريب
محمد :- اولا ده فى مكان عام ثانيآ احنا فى فرنسا مش فى مصر ثالثآ استاذ فادى مش هيقول حاجه ها هتيجى ولا لاء
نهى :- ماشى يلا بينا
محمد :- ما كان من الاول ليه وجع القلب ده
نهى :- هههههههه طيب يلا بينا
~•~•~•~•~•~•~•~•~•~•~•~•~•
عند رودينا صحيت من نومها دخلت الحمام اخدت شاور واتوضت وخرجت لبست هدومها وأدت فرضها وخرجت من الاوضه وراحت خبطت على اوضت نهى محدش رد وفى الوقت ده خرج فادى من اوضه وشاف رودينا
رودينا :- صباح الخير
فادى :- صباح النور
رودينا:- شكل نهى مش فى اوضتها
فادى :- تلاقيها نزلت تسننا تحت
رودينا :- ممكن ونزلت قدام فادى
فادى :- يا انسه رودينا
رودينا :- ايوه نعم
فادى :- مش شايفه أن البنطلون ضيق شويه
رودينا :- بأستغراب نعم
فادى :- البنطلون ضيق عليكى
رودينا :- وده يخصك فى ايه أن شاءالله
فادى :- يخصنى مش انتى جايه هنا معايا يبقى لما تنزلى بمنظر زى ده يبقى لازم امنعك
رودينا :- والله انا حره ملكش دعوه ونزلت وسابته
فادى :- اتغاظ وجرى وراها ومسكها من دراعها وقال بقولك ايه مش بحب العند اطلعى غيرى ام القرف ده
رودينا :- سيب دراعى يا فادى ومش هغير حاجه وانا حره ملكش حكم عليا فاهم
فادى :- متعصبنيش يا رودينا
رودينا :- وانت تتعصب عليا بتاع ايه ها جوزى خطيبى أبويه اخويه حبيبى
فادى :- متكتريش فى الكلام بقولك
رودينا :- سيب دراعى يا فادى
فادى :- مش هسيب وهتطلعى تغيرى البنطلون الضيق ده
رودينا :- بصفتك ااااااااايه تأمرنى
فادى :- بصفتى حبيبك
رودينا :- اتصدمت من الكلمه ومردتش عليه
فادى :- حس بنفسه اتسرع ساب دراعها ونزل وسابها
رودينا :- وقفت مصدومه من اعتراف فادى ليها بحبه وبصت اتجاه ما نزل وقالت هو اللى انا سمعته ده بجد ولا كان بيتهيألى واخدت نفس عميق وطلعته ببطئ وطلعت اوضتها غيرت هدومها ونزلت تانى راحت قعدت معاه على الترابيزه من غير ولا كلمه طلب ليهم الفطار وفطروا فى صمت تام
فادى :- فرح لما رودينا غيرت هدومها بهدوم أوسع وسمعت الكلام وبعد وقت انتهوا من الاكل
رودينا :- هنعمل ايه دلوقتى
فادى :- ولا حاجه لو حابه تتمشى شويه مفيش مانع
رودينا :- بس انا معرفش امشى لوحدى هنا مش حافظه الشوارع ونهى معرفش راحت فين
فادى :- نهى بتفطر مع البشمهندس محمد كلمتها وقالت ليا كده
رودينا :- تمام مدام مش ورانا حاجه هطلع اوضى بقى
فادى :- تحبى تيجى معايا تشوفى شوارع فرنسا
رودينا :- مش عايزه ازعجك
فادى :- انا كده كده خارج مش هتفرق كتير وجودك معايا او لاء
رودينا :- اوك هاجى معاك
فادى :- يلا ودفع الحساب واخد رودينا وقعدوا يتمشوا فى شوارع فرنسا وكانت رودينا منبهره بفرنسا وفرحانه وفادى كان فرحان من جواه على فرحتها وقعدوا شويه جنب بعض يرتاحوا من المشى
رودينا :- اااااه رجلى مش حاسه بيها من المشى بس بجد البلد تحفه جميله جدآ
فادى :- فعلا جميله
رودينا :- بصت ليه وقالت فادى
فادى :- امممم
رودينا :- هى الكلمه اللى انت قولتها دى حقيقيه
فادى :- كلمة ايه
رودينا:- انك حبيبى
فادى :- انسى الكلام اللى قولته ده كان وقت عصبيه
رودينا :- لاء الكلام ده كان طالع من قلبك وانا حسيت بيه يا فادى
فادى :- قولتلك انسى انسى
رودينا :- انت ليه بتعمل كده علشان غلطت ما الناس كلها بتغلط احنا بشر مش ملايكه انت نفسك غلطت فى حق اخوك لما مقولتش ليه الحقيقه كلنا بنغلط مش هنعلق لبعض المشنقه
فادى :- بس صدمتى فيكى كانت كبيره اوى يا رودينا اوى
رودينا :- انا غلط ومش بنكر ده وكان ليا اسبابى بس عقابك كان اقسى بكتير من غلطى اللى عملته
فادى :- ده كان رد فعل طبيعى بعد اللى عرفته عنك
رودينا :- انا غلطت وانت غلطت يبقى خلاص بقى كفايه تعذيب كفايه
فادى :- بص الاتجاه التانى ومردش عليها
رودينا :- بدموع خلاص براحتك يا فادى ولسه هتقوم
فادى :- شدها فى حضنه وضمها جامد من غير ولا كلمه
رودينا :- اتفاجئت باللى حصل بس كانت فرحانه أن فادى قرر يسامحها ومسكة فيه اكتر وبعد كده انتبهت قالت احم ف.ف.فادى احنا فى الشارع
فادى :- بعدها عنه وقال على فكره احنا فى فرنسا مش فى مصر هما عندهم عادى الكلام ده
رودينا :- وقفت وقالت ط.ط.طيب يلا بينا زمان نهى كده ومستنينا
فادى :- ماشى يلا ورجعوا الاتنين على الفندق
~•~•~•~•~•~•~•~•~•~•~•~•~•
فى فيلا خالد الحناوى
كان الوضع مشتعل هناك وخالد متعصب وعلى آخره وقال
خالد :- انا عارف مين اللى وراه اللى حصل ده كله بس ودينى ما هحرمه هعرفه ان الله حق
علاء :- طيب مدام انت عارف ليه مقولتيش الكلام ده فى النيابه
خالد :- انا هاخد حقى بدراعى مش هستنا الحكومه
إنعام :- علشان انت خايب كام مره تعمل خطط وكله بيفشل
دينا :- انتوا تقصدوا مين بالكلام ده
إنعام :- مسمعش نفسك انتى فاهمه كفايه انك فضلتى المخفى ادهم وقاعده عنده انتى وحيلتها اخوكى الكبير علاء. واختك
دينا :- انتوا اللى قولتوا كده وانا نفذت زعلانين ليه دلوقتى
خالد :- نسيب خراب بيتنا ونقعد نتكلم عن سبتينا وسابتك اعمل ايه انا دلوقتى انا ممكن اتحبس فى اى لحظه مفيش وقت نعملوا غير البضاعه اللى اتحرقت دى اعمل ايه
علاء :- نحاول نكلم الناس تصبر شويه
خالد :- هحاول
إنعام :- هتعيشوا وتموتوا فاشله وادهم هيفضل طول عمره معلم عليكم وبصت ليهم بقرف وطلعت على اوضتها
خالد :- يا خراب بيتك يا خالد يا خراب بيتك
~•~•~•~•~•~•~•~•~•~•~•~•~•
عند سندس
كانت قاعده سرحانه وشمة برفان مؤمن حسة بوجع فى قلبها وبصت حواليها ملاقتش حد اتنهدت بوجع وقالت
سندس :- عبيطه لدرجة بقيتى تشمى ريحة برفانه وهو مش موجود انسى يا سندس انسى
مؤمن :- تنسى ايه يا سندس عمرك ما هتعرفى تنسينى
سندس :- مؤمن انت هنا من امته
مؤمن :- انا واقف من بدرى يا سندس وشايفك سرحانك بس مش عندى الشجاعه اجيلك انا عارف ان انا غلطان فى حقك سامحيني يا سندس ارجوكى
سندس :- حاضر هسامحك هدوس على الزرار وهسامحك انت مفكر نفسك مين ها حبيبى خلاص بحبك دوست على قلبى بعزم ما ربنا اداك وجعتنى اوى اوى انت عارف انا بسببك شربت سجاير ومش قادره ابطلها بسببك كنت هعمل حاجات اندم عليها العمر كله بسببك انا اتكسرت واتحطمت بسببك بقيت احسن ايام عمرى اتعسهم انا لو منك اختفى ومطلبش السماح انت عامل شبه اللى يقتل القتيل ويمشي فى جنازته يعنى موت قلبى بأفعالك وجاى بكل برود اعصاب تطلب منى اسامحك روح يا مؤمن اصل احنا لسه عيال واكيد الدنيا شايله لينا كتير عن اذنك وسابته ومشيت
مؤمن :- اااااااه يا قلبى كل مره كلامك بيموتنى ووقف تاكسى وروح على البيت
~•~•~•~•~•~•~•~•~•~•~•~•~•
عند حمزه
وصل حمزه القسم بلغه أن فيه قضية شروع فى قتل ولازم يروح المستشفى يعمل تحقيق مع المصاب ويعرف منه تفاصيل الحادث ركب حمزه العربيه وراح على المستشفى دى وسأل على اوضت المصاب ودخل يعمل معاه التحقيق وبعد وقت خرج من الاوضه ولسه هيمشى لمح ميرفت موجوده بلبس ممرضه يدل انها شغاله فى المستشفى فرح وقال بصوت عالى
حمزه :- ميرررررررررفت
ولكن فى ثانيه واحده اختفت ومفيش حد قدامه طلع يجرى مكان ما كانت واقفه وبص حاوليه وشاف باب تانى طلع يجرى منه وفضل يبص حاوليه بس كانت اختفت اخد نفس ورجع تانى المستشفى وسأل على اسم ميرفت
وقالوا ...............
~•~•~•~•~•~•~•~•~•~•~•~•~•
عند داليا لاقت نفسها قاعده زهقانه دخلت من الجنينه طلعت فوق على اوضتها وقبل ما تدخل شافت باب الاوضه اللى ادهم محذرها تيجى جنبها راحت عندها وهى متوتره وبتبص حاوليها وفتحت الباب واحده واحده وولعت النور واتفاجئت أنها اوضت طفل وفيها لعب كتير وصور لطفل صغير معاه مامته وكتب محطوطه على المكتب دخلت اكتر الاوضه وراحت مسكت البوم صور وفتحته وكان فيها صور كتير اوى لطفل صغير ومعاه واحده ست والشبه كبير اوى لادهم قالت بأستغراب
داليا :- معقول يكون ده ادهم وهو طفل وحطت البوم الصور وراحت مسكت صوره كبيره وقالت ايوه دى صورة الست اللى جت قبل كده وقالت إنها ام ادهم ويبقى اكيد اللى معاها ادهم وهو صغير وشافت مذكره صغيره على المكتب راحت عنده ولسه هتفتحه اتفاجئت بصوت بيقولها
ادهم :- انتى ايه جابك هنا
*********************
إلي هنا ينتهي الفصل الرابع و الأربعون من رواية تمرد صحفية بقلم دودو محمد
تابع من هنا: جميع فصول رواية تمرد صحفية بقلم دودو محمد
تابع من هنا: جميع فصول رواية تمرد صحفية بقلم دودو محمد
تابع أيضاً: جميع فصول رواية انتقام ثم عشق بقلم لولو الصياد
تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها
أو أرسل لنا رسالة مباشرة عبر الماسنجر باسم القصة التي تريدها
اقرأ أيضا: رواية من أجلك فقط بقلم لولو الصياد
إرسال تعليق
يسعدنا تلقي اقتراحاتك أو تعليقك هنا