مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة دودو محمد علي موقعنا قصص 26 و موعدنا اليوم مع الفصل الخامس و الأربعون من رواية تمرد صحفية بقلم دودو محمد.
رواية تمرد صحفية بقلم دودو محمد - الفصل الخامس و الأربعون
اقرأ أيضا: رواية عشق الزين (الجزء الأول) بقلم زيزي محمد
![]() |
رواية تمرد صحفية بقلم دودو محمد |
رواية تمرد صحفية بقلم دودو محمد - الفصل الخامس و الأربعون
سأل الاداره على اسم الممرضه اللى شافها علشان يتأكد انها ميرفت ولكن اتصدم لما قالوا ليه أن اسمها ريم احمد وان مفيش حد اسمه ميرفت شغال فى المستشفى خرج من المستشفى وهو حزين وراح عن قبر امه والدموع فى عينه وقعد على الارض وقال
حمزه :- محتاجك اوى يا امى الايام دى عمرى ما حسيت بوجع وانكسار زى ما انا حسه دلوقتى غياب ميرفت قتلنى يا امى نفسى اشوفها واتأسف ليها عن كل اللى حصل منى نفسى تسامحنى وتنسا كل اللى فات عارف ان انا جرحتها ووجعتها واللى عملته فيها مش سهل بس متأكد أن قلبها طيب وكبير مجرد ما هتبص فى عيونى هتسامحنى علطول انا بموت فى بعدها عنى دى هى الوحيده اللى حسيت أن فيها شبه كبير اوى منك يا امى حسيت فيها طيبتك وحنيتك عليا حسيت فى حضنها بحنانك يا امى محتاج دعواتك ليا ادعيلى يا امى ارجوكى انا عارف انك حسه بيا وسمعانى ومن غير ما اتكلم واحكى انتى عارفه انا حاسس بأيه دلوقتى طيب عارفه يا امى انا حاسس بوجودها حواليا دلوقتى شمم ريحتها قلبى بيقولى انها قريبه منى اوى حاسس بنظرة عينيها شيفانى بس فين الاقيها فين ومسح دموعه وقال عارفه لما الاقيها اول حاجه هعملها هجبها ليكى هنا تتعرفى عليها صدقينى هتحبيها اوى اصل هى شبه الملايكه رقيقه وهاديه اوى نظرتها فيها علطول حزن ووجع حتى وهى فرحانه واه امانه عليكى لما تشوفى ابوها عندك قوليلوا ابنى بيتأسفلك مقدرش يحافظ على الامانه اللى سبتها ليه ضيعها بغباءه وبغيرته العاميه بس قوليلوا بيوعدك مش هيسكت غير لما اوصل ليها فى أقرب وقت هسيبك دلوقتى يا امى وهجيلك كل يوم اطمنك على اخر الاخبار وقام نفض هدومه من التراب وخرج ومشى رجع على المكتب بتاعه
~•~•~•~•~•~•~•~•~•~•~•~•~•~•
فى فيلا ادهم الحناوى
كانت قاعده داليا على المكتب فى اوضت أدهم وهو طفل ومسكه فى ايديها مذكره صغيره ولسه هتفتحها سمعت صوت بيقولها
ادهم :- بتعملى ايه هنا
داليا :- وقفت بسرعه بخوف وقالت ك.ك.كنت بشوف اوضه فاضيه انضفها علشان انام فيها
ادهم :- راح عندها ومسكها من دراعها وقال والله انا مش منبه عليكى الاوضه دى متدخلهاش
داليا :- بألم سيب دراعى يا ادهم
ادهم :- بعصبيه ردى عليا ايه دخلك هنا
داليا :- بدموع انا دخلت هنا يا ادهم علشان افهم ليه مش عايزينى اشوفها حب استطلاع مش اكتر وانا شايفه يعنى مفيهاش حاجه منعنى منها ليه علشان فيها كام لعبه ليك وانت طفل ولا علشان فيها صورك انت وامك ولا علشان فيها مذكراتك وانت شاب ادينى رد مقنع يخليك تمنعنى من دخول الاوضه دى
ادهم :- زقها وقال انتى مالك الكلمه اللى اقولها ليكى تتنفذ من غير كلام كتير فاهمه
داليا :- لاء مش فاهمه انا مراتك ومن حقى اعرف عنك كل حاجه
ادهم:- بصلها وقال انتى مش من حقك حاجه غير اللى انا اقول عليها وبس
داليا :- مدام كده طلقنى متجوزنى ليه انا مش هقبل اكون كرسى فى الفيلا انا انسانه مش جماد يا ادهم بتحرك وبسمع وبتكلم وبشوف لازم تحطنى معاك فى الصوره مش متهمشه فى حياتك كده وخلاص
ادهم :- اطلعى بره الاوضه واياكى تفكرى تيجى هنا تانى مفهوم
داليا :- لاء مش هطلع غير لما تحكى ليا كل حاجه وايه السبب اللى يخليك تمنعنى من دخول الاوضه دى بالذات
ادهم :- بعصبيه دااااااااليااااااا اسمعى الكلام اللى بقوله ليكى اطلعى بره
داليا :- بعند لا مش طالعه
ادهم :- رفع أيده ولسه هيضربها بالقلم
داليا :- مسكت أيده قبل ما تنزل على وشها وقالت سبق وقولتلك اوعى تفكر تعملها تانى يا ادهم مش هسمحلك تمد ايدك عليا انا مش خدامه عندك علشان تعاملنى كده انا مراتك وغصب عنك لازم تحترمنى
ادهم :- داس على سنانه وقال انتى ليه كده دماغك نشفه وعناديه بتحاولى تستفذ كل حاجه فيا ليه
داليا :- علشان اتربيت على ايد راجل بيحترم الست وبيقدس الحياه الزوجيه اتربيت على الاحترام ما بين الطرافين علمنى أن الحياه مشاركه ما بين زوجين علمنى أن الست ربنا كرامها فى كتابه الشريف ولازم تتكرم على الأرض كمان مش تتهان علمنى أن الست نص المجتمع مش جاريه وخدامه للراجل علمنى أن انا غاليه اوى ولازم اللى قدامى يقدرني ويحترمنى علمنى أن احنا امهات المستقبل علمنى أن انا لازم اكون قويه وعرفنى قيمة الست كويس اوى الست اللى بتحمل وتولد وتسهر ليالى وتربى وطلع علماء ورؤساء علمنى ازاى افتخر بكبريائى واكون فخوره أن انا ست عرفت انا ليه كده
ادهم :- مكانش عارف يرد عليها وداس على سنانه وبصلها بغيظ ومشى
داليا :- طلعت تجرى وراه ومسكته من دراعه وقالت مش هتخرج غير لما تقولى انت ليه مكنتش عايزنى ادخل هنا
ادهم :- زقها بعصبيه ومسكها من دراعها وقال علشان دى حياتى الخاصه اللى مش مسموح لاى مخلوق على الأرض يدخل فيها
داليا :- بس انا مراتك يا ادهم افهم بقى انا وانت واحد
ادهم :- داس على دراعها اكتر وقال حتى انتى ملكيش الحق تدخلى فيها
داليا :- بألم دراعى يا ادهم
ادهم :- شدها اكتر ليه وبص فى عينيها وقرب من شفايفها ولسه هيبوسها
داليا :- زقته وبعدت عنه وقالت لاء يا ادهم مش هسمحلك المرادى تبوسنى زى كل مره كفايه بقى ضعف واستسلام ليك كفايه
ادهم :- اتغاظ وقرب منها وقال انتى مراتى ومن حقى اعمل اى حاجه فى الوقت اللى يعجبنى
داليا :- اشمعنا فى دى بس انا مراتك ولا انت اخر فكرتك عن الجواز العلاقه وبس
ادهم :- انا لو ده اخرى كنت اخد ده من زمان اوى وانتى عارفه ازاي يا داليا
داليا :- يا شيخ بقى ارحمنى انا تعبت من العيشه دى نفس ارتاح واعرف انا ايه بالنسبالك يا ادهم حرام عليك انت بتعذب فيا بعزم ما ربنا يديك مش قادره افهمك ولا عارفه اتعامل معاك بأى اسلوب ادهم انت عارف بسببك قلبى موجوع قد ايه انت عارف بشوف قد ايه كوابيس فى احلامى بسببك انت قلبت حياتى جحيم مش قادره افتكر ليك حاجه حلوه عملتها فى حياتى من اول ثانيه اتقابلنا فيها وانا اتغيرت حياتى للاسوء وأنا قلبى بينزف كل يوم بسببك انا نفسى تدينى قرار واحد يا طلقنى وتبعد عنى وتسبنى الم اللى اتبقى من حطام قلبى يا تريح قلبى وقولى انك بتحبنى ضمنى فى حضنك طمنى حسسنى بالأمان يا ادهم
ادهم :- أداها ضهره ومردش عليها
داليا :- راحت وقفت قصاده وقالت المرادى مش هسيبك تمشى غير لما تريح قلبى قول يا ادهم بترجاك بقى
ادهم :- بصلها فى عينيها مده طويله وشدها فى حضنه وضمها جامد وبعدها عن حضنه وقرب من شفايفها وبسها بوسه طويله
داليا :- دموعها نزلت منها ومسكت فيه اكتر وعمقت اكتر البوسه
ادهم :- بعد عنها وبص فى عينيها وشاف احتياجها ليه شالها حطها على السرير وفتح زارير القميص بتاعه وقرب منها وبسها فى رقابتها ومد أيده فتح ليها سوستة الترنج
داليا :- سلمت نفسها لادهم بكامل إرادتها
ادهم :- قرب من شفايفها وبسها و
(سكتت شهرزاد عن الكلام الغير مباح 😉😉)
~•~•~•~•~•~•~•~•~•~•~•~•~•
فى الفندق عند أكرم وفاطمه
كان قاعد أكرم على الكنبه منتظر خروج فاطمه من الحمام وتليفونه رن اخده لاقه رقم غريب رد عليه وقال
أكرم :- السلام عليكم مين
جاسمين :- وعليكم السلام يا اكرم انا جاسمين
أكرم :- جاسمين ! اه ازيك عامله ايه
جاسمين :- الحمدالله مبروك على جوازك سورى معرفتش اجى الفرح
أكرم :- الله يبارك فيكى عقبالك يارب
جاسمين :- هه عقبالى لاء طبعآ انا مدام مبقتش ليك مستحيل اكون لحد غيرك
أكرم :- جاسمين ملهوش لازمه الكلام ده متنسيش أن انا واحد متجوز دلوقتى وبعدين يا ستى اعتبرى حبك ليا ده كان مجرد حب اخوى وشيلى التفكير ده من دماغك وفكرى فى نفسك وفى مستقبلك وبكره تقابلى الشخص اللى يحبك وانتى تحبيه بجد
جاسمين :- حب اخوى ! انت حب عمرى يا اكرم حب كنت بنام واصحه عليه حب عيشت احلم بيه سنين وسنين
أكرم :- يا جاسمين افهمينى بقى انا عمرى ما حبيتك ولا هحبك انا بحب مراتى يارب تفهمى ده
جاسمين :- فهمت يا اكرم ربنا يسعدك ومبروك مره تانيه وبلغ سلامى للمدام
أكرم :- الله يبارك فيكى سلام وقفل التليفون فى نفس الوقت اللى خرجت فيه فاطمه من الحمام
فاطمه :- بتكلم مين
أكرم :- دى جاسمين متصله تبارك لينا
فاطمه :- بصت ليه بغيظ وقالت جاسمين
أكرم :- قام راح عندها وقال اه جاسمين
فاطمه :- ومتصله بيك ليه أن شاءالله وانت ترد عليها ليه ها
أكرم :- اولا اتصلت علشان تبارك لينا ثانيآ انا رديت علشان كان الرقم غريب
فاطمه :- والله
أكرم :- لف ايديه حاولين وسطها وقال وحياتك عندى
فاطمه :- اوعى يا اكرم بقى انا زعلانه منك علشان كلمتها
أكرم :- يا بنتى قولتلك معرفش الرقم بتاعها وبعدين يا عبيطه ما هى كانت قدامى لو عايزيها ما كنت اخدها لكن انا بحبك انتى واختارت اعيش حياتى معاكى انتى
فاطمه :- طيب قولتوا ايه مع بعض فى التليفون
أكرم :- هههههههه قالت واحشتنى وقولتلها وانتى كمان واحشتينى
فاطمه :- اتغاظت وقالت كده طيب اوعى بقى وقعدت تضرب فى كتفه
أكرم :- ههههههه أهدى يا مجنونه بهزر وربنا ااااه ايدك تقيله اوى
فاطمه :- اوعى كده متكلمنيش انا مخصماك
أكرم :- لالالا كله الا خصام حبيبت قلبى طمطم طيب توت توت يارب اموت
فاطمه :- بلهفه بعد الشر
أكرم :- هههه ايوه كده ورينى لهفتك عليا بحبببببببك وشالها ولف بيها
فاطمه :- لفت دراعها حاولين رقابته وقعدت تضحك
أكرم :- نزلها ومسك وشها ما بين ايديه وقال بعشقك يا طمطم انتى فرحة ايامى يا بت وقرب من شفايفها وبسها بوسه طويله وبعد وقت بعد عنها وبص فى عينيها وقال اموت واعرف العسل اللى فى شفايفك ده نوعه ايه خلاص انا ادمنته
فاطمه :- بصت على الأرض بكسوف ومردتش عليه
أكرم :- مال عليها وشالها وحطها على السرير ومد أيده فك حزام البورنص
فاطمه :- هتعمل ايه يا مجنون
أكرم :- هدوق الشهد وقرب منها و
(سكتت شهرزاد عن الكلام الغير مباح😉😉 )
~•~•~•~•~•~•~•~•~•~•~•~•~•
فى بيت سعيد
وصل مؤمن البيت وهو حزين دخل من باب الشقه قال
مؤمن :- السلام عليكم
سعيد :- وعليكم السلام ورحمة الله وبركاته
مؤمن:- امال فين حمزه
سعيد :- لسه مجاش
مؤمن :- ماشى عن اذنك
سعيد :- مؤمن استنا
مؤمن :- نعم يا بابا
سعيد :- مالك يا حبيبى اليومين دول شايل الهم علطول وحزين
مؤمن :- قعد جنبه واترمى فى حضنه ودموعه نزلت منه وقال انا تعبان اوى يا بابا
سعيد :- مالك يا حبيبى بس
مؤمن :- مخنوق ومضايق وحاسس بالذنب وضميرى بيأنبنى ومش بعرف انام طول الليل
سعيد :- ليه يا حبيبى كده
مؤمن :- احساس الواحد أنه ظالم صعب اوى يا بابا
سعيد :- وانت ظلمت حد يا حبيبى
مؤمن :- ايوه يا بابا ظلمت وجرحت حد ضعيف جدآ وجيت عليه وكسرته جامد ومش عايز يسامحنى علشان ارتاح من جوايا شويه
سعيد :- يا ابنى انت قولت جارحته يعنى لازم وقت كبير علشان يلم الجرح ده مش مجرد ما هتحط عليه القطن والشاش يبقى كده لم لا بلعكس ده بيزيد الالم ووالوجع اكتر وكل ما يلم الجرح كل ما وجعه بيكبر لحد ما يلم خالص تلاقى الجرح ده راح المه بس مشكلته بتبقى فى الاثر اللى بيسيبه ده بيفضل موجود علطول ليه ذكره وكل ما يشوف الجرح ده يحس بالوجع كأنه لسه مجروح دلوقتى المهم يا حبيبى تقدر تثبت نيتك انك عايز الشخص ده يسامحك علشان بتحبه بجد مش لمجرد أن ضميرك بيأنبك لأن سعتها هتكون طيبت جرح وفتحت غيره فهمتنى
مؤمن :- هز راسه وقال ايوه يا بابا فهمتك وقام وقف وقال عن اذنك يا بابا ودخل اوضه حدف نفسه على السرير وقال انا اسف يا سندس اسف بجد ليكى على كل كلمه جرحتك بيها وحط أيده على وشه وقال يارب
~•~•~•~•~•~•~•~•~•~•~•~•~•
فى فيلا خالد الحناوى
فى اوضت دينا
كانت قاعده على سريرها وبتفكر فى تامر وتليفونها رن بتبص لاقته هو اللى بيتصل ردت وقالت
دينا :- كنت لسه قاعده بفكر فيك
تامر :- احم دينا للاسف عندى خبر وحش ليكى
دينا :- بخوف خير يا تامر فيه ايه
تامر :- ابوكى أصدر قرر بالقبض عليه
دينا :- بصدمه نعم انت تقصد مين بابا بابا
تامر :- ايوه يا حبيبتى حرق المخازن بتوعه كشفت عن مخدرات ابوكى كان شغال فيها وبيتاجر فيها تحت مسمى الشركه
دينا :- بدموع لالالا كدب مستحيل بابا يعمل كده قول انك بتهزر يا تامر قول ارجوك
تامر :- أهدى يا حبيبتى علشان خاطرى متعمليش فى نفسك كده انا مرضتش اجى اخده بنفسى علشان ميبقاش فيها احراج ولا حاجه بعت ظابط تانى زميلى
دينا :- هو ليه مش مكتوب لينا الفرح كل شويه تطلع لينا مصيبه شكل انا تعبت يا تامر تعبت
تامر :- يا حبيبتى فى الاول والاخير القانون ملهوش كبير وابوكى غلط فى حق البلد والقانون يبقى لازم يتعاقب
دينا :- يا تامر انا عارفه كلامك بس بجد انا تعبت من كتر المشاكل الموجوده فى حياتنا
تامر :- واصبر وما صبرك الا بالله
دينا :- بدموع ونعمه بالله وفى الوقت ده جرس الباب رن قالت شكلهم وصلوا تحت يا تامر
تامر :- بلاش تنزلى احسن
دينا :- لاء هنزل يا تامر لازم اكون جنب بابا فى وقت زى ده باى وقفلت السكه ونزلت تحت لاقت العسكرى ماسك خالد من دراعه
خالد :- انا هعرفكم انا ابقى مين مبقاش انا لو مكنتش خليتكم كلكم فى الشارع يا كلاب
الظابط :- لو سمحت امشى معانا من غير شوشره
دينا :- روح معاهم يا بابا انا هقوم ليك محامى
خالد :- اتصل بأخوكى علاء خليه يجى ورايا حالا واتصلى بأمك فى النادى بلغيها
دينا :- بدموع حاضر خلى بالك على نفسك يا بابا ومتقلقش
الظابط :- لو سمحت كفايه كده واتفضل معانا
خالد :- ماشى هعرفك قمتك يا جربوع انا خالد الحناوى يا كلاب
الظابط :- عسكرى هاتوا يلا ومشوا كلهم على القسم
دينا :- قعدت على الأرض وحطت ايديها على بؤقها وقعدت تعيط واتصلت على علاء مردش عليها اتصلت على ادهم مردش عليها اتصلت على امها بلغتها الخبر وخرجت هى راحت تجيب المحامى لابوها وراحت بيه على القسم
~•~•~•~•~•~•~•~•~•~•~•~•~•
فى فرنسا
وصلت نهى الفندق وطلعت الاوضه عند رودينا وخبطت على الباب وفتحت ليها رودينا ودخلت الاوضه وقفلت الباب وراها ومسكت رودينا من دراعها الاتنين وقعدت تلف بيها بفرحه وتقولها
نهى :- بحبك بعشقك بموت فيكى بهواكى بصى انا وقعت فى حبك وش
رودينا :- والله وده الكلام ليا انا ولا سى محمد بتاعك ده وسابتها وراحت قعدت على السرير
نهى :- راحت حدفت نفسها على السرير وقالت وانتى ومحمد ايه واحد يا بنتى
رودينا :- والله يا انسه احلف
نهى :- تصدقى بقيت اعشق الاسم ده اوى الانسه احلف اسم كده رومانسى اخر حاجه هيييييييح
رودينا :- يا بنتى أهدى على نفسك شويه بدل ما انتى سايحه ونيحه على نفسك كده
نهى :- يخربيت حلاوة أمه دى اكيد امه كانت بترضعه عسل ولا قشطه علشان يطلع كده يا لهوووووووى على تقله وجماله وحلاوته ود
رودينا :- قطعتها وقالت حيلك حيلك انتى مالك بتوصفى كده كأنك بتوصفى حسين فهمى فى شبابه
نهى :- قعدت وقالت حسين فهمى مين ده انا لا شوفت فى حلاوته ولا شوفت فى جماله
رودينا :- يارب صبرنى على الجنان اللى انتى فيه ده
نهى :- احلى جنان ده ولا ايه
رودينا :- والله
نهى :- هههههه خلاص خلاص سيبك منى قوليلى بقى عملتى ايه انتى وفادى وغمزت ليها
رودينا:- بتوتر هنكون عملنا ايه يعنى فطرنا وروحنا نتمشى مع بعض شويه
نهى :- اممممم قولتيلى تتمشوا شويه مع بعض هييييييح احب انا الحب الغامض ده
رودينا :- والله وده من ايه ان شاءالله
نهى :- من لمعة عينك يا رودى وانتى بتقولى بسهوكه نتمشى مع بعض شويه يا بنتى ده انتوا موالعينها ربع حظها ياربى
رودينا :- يا ساتر يا ربى قل اعوذ برب الفلق
نهى :- متخفيش يا روحى انا مش بحسد انا بقر بس ههههههههه
رودينا:- ايوه ما هو واضح كده
نهى :- قولى بقى احكى متبقيش رخمه
رودينا :- قامت وقفت وقالت هقول ايه بس يا نهى مفيش حاجه تتقال صدقينى
نهى :- اممممم خلاص هسيبك براحتك وخلينى انا اتكلم عن محماااا
رودينا :- محماااا
نهى :- اه محما فى ايه
رودينا :- لاء ولا حاجه انا لحد علمى بالاسم كان آخره حرف الدال ايه غيره وبقى الف
نهى :- الدنيا كلها بتتغير هتيجى يعنى على الحرف يا رودى بتقفى عند حاجات غريبه الصراحه
رودينا :- اه فعلا انا اللى غريبه شويه كملى يا بتاعة محمااا انتى
نهى :- محماااا هيبييييح انتى عارفه لو مكنش عيب كنت روحت خطبته من ست الحاجه
رودينا :- هههههههه حلوه دى وتبقى اول بنت تطلب ايد راجل للجواز
نهى :- استنى لما احكيلك عملنا ايه فى الفطار
رودينا :- امممم ارغى
نهى :- بصى يا ستى اول ما وصلنا قعدنا على الترابيزه وقعدنا اكتر من ربع ساعه ساكتين بنبص فى عيون بعض وبعد كده طلب الاكل من غير ما حتى يسألنى افطر ايه بس الغريبه أنه طلب ليا الاكل اللى بحبه من غير ما يعرف ازاى معرفش وبعد ما خلصنا اكل طلب ليا المشروب اللى بحبه برضه
رودينا :- فعلا حاجه غريبه
نهى :- سيبك من كل ده المهم نظرته ليا ولا كلامه الموزون ياربى هتجن منه كله على بعضه كده يتاكل اكل
رودينا :- عوض عليا عوض الصابرين
نهى :- كده بتتزهقى عليا طيب مش هحكيلك حاجه تانى ومشيت لحد الباب وقالت رودى
رودينا :- امم
نهى :- انا بحب محمد اوى اوى يا رودى ازاى معرفش بس قلبى اتعلق بي وسابتها ومشيت
رودينا :- ربنا يستر عليكى لتتصدمى فى الاخر منه
~•~•~•~•~•~•~•~•~•~•~•~•~•
فى مصر
عند ممدوح وايه
كانوا الاتنين قاعدين فى الكافيه
ممدوح :- مش مصدق نفسى انك بقيتى خطيبتى
ايه :- طيب هصدقك ازاى وانت مش مصدق نفسك
ممدوح :- يا خفه
ايه :- هههههه ايه ده يا بططى انتى بتعرفى تزعلى
ممدوح :- بقرف بططك انتى بدلعى حماده ابن اختك وبعدين اه بعرف ازعل حد قالك أن انا معنديش دم
ايه :- هههههههه كتيررر اجمعوا انك معندكش دم
ممدوح :- لمى لسانك يا ايوش بدل ما اقطعهولك وخليها خروجه لذيذه مع بعضينا
ايه :- هههههههه خروجه محتاجه لاوكسى علشان تنضف ههههههههه
ممدوح:- ايه بحبك
ايه :- ها
ممدوح :- نتكلم جد شويه بقى انا بحبك من اول لحظه شوفتك فيها خطفتى قلبى انتى بقى بتحسى بأيه اتجاهى
ايه :- بحموضه فى المعده وروماتيزم فى الرجل
ممدوح :- والله هو ده الجد بالنسبالك
ايه :- لاء خلاص هتكلم جد
ممدوح :- لما نشوف
ايه :- جد
ممدوح:- ما تنطقى طيب
ايه :- ما انا خلاص اتكلمت وقولت جد
ممدوح :- والله يا بختك الاسود يا ممدوح
ايه :- مالك بس
ممدوح :- بندب على حظى المنيل يا حبيبتى
ايه :- هههههههههههه
~•~•~•~•~•~•~••~•~•~•~•~•~•
عند حمزه
كان راكب عربيه الشغل ومروح البيت ولمح حد شبه ميرفت نزل يجرى من العربيه من قبل ما تقف حتى وطلع يجرى وراها واول ما قرب منها اختفت وسط الناس وقعد يبص عليها ويدور بس اختفت قال بصوت عالى
حمزه :- ميىرررررررررررررف انتى فين ارجعيلى بقى محتاجك ولما فقد الامل رجع تانى العربيه وهو مكسور وموجوع ورجع على البيت
~•~•~•~•~•~•~•~•~•~•~•~•~•
فى فيلا ادهم الحناوى
كانت داليا نايمه فى حضن أدهم وهى مكسوفه ومش بتنطق ولا كلمه وبعد وقت قالت
داليا :- ادهم
ادهم :- اممم
داليا :- ممكن تحكيلى ليه قافل الاوضى دى علطول ومانع حد يدخلها
ادهم :- علشان دى مملكتى انا فيها كل ذكريات طفولتى اللى كانت قبل دخول انعام ومصطفى فيها
داليا :- انا شايفه طول ما انت محتفظ بشويه الذكريات دول وقافل عليهم هتفضل انت كمان حابس وجعك جوه قلبك وقافل عليه
ادهم :-داليا متتكلميش فى الموضوع ده كتير
داليا :- نفسى تفتح ليا قلبك وطلع كل اللى فيه
ادهم :- قام من على السرير وولع سيجاره واخد نفس وطلع دخانه فى الهوا وقال احكى ايه ولا ايه احكى على طفولتى اللى عشتها تحت بند ابن الخاينه ولا احكى على خوفى وانا قاعد على السرير ده واعيط لما تسبنى وتروح تنام فى حضن عشيقها ولا احكى على مكتبى ده اللى كنت اقعد اذاكر عليه لوحدى بليل معنديش حد يجيب ليا كوباية قهوه ولا كوباية شاى علشان أركز وراح وقف قصاد صورة أمه وقال انتى لو تعرفى انا بكره الست دى قد ايه هتعرفى انا ليه بتعامل معاكى كده دلوقتى
داليا :- غلطت يا ادهم وكلنا بنغلط احنا مش ملايكه
ادهم :- غمض عينه وقال لاء غلطانه انا بكرها وبكره خالد الحناوى وبكره مراته إنعام بكرهم كلهم بكرهم
داليا :- وقفت ولفت الملايه على جسمها وراحت عنده وحطت ايديها على كتفه العريان وقالت بس انا بحبك وهفضل احبك مهما حصل
ادهم :- لف ليها ولف دراعه على وسطها وقال اوعى يا داليا فى يوم من الايام توصلينى اكرهك زيهم
داليا :- لا طبعآ مش انا اللى ابقى زيهم يا ادهم انا مهما حصل هفضل جنبك ومش هبعد عمرى
ادهم :- بص على شفايفها وقرب منهم وبسهم ومد أيده شد الملايه اللى عليها وقعت على الأرض وشالها وحطها على السرير وقرب منها و
(سكتت شهرازد عن الكلام الغير مباح 😉😉)
~•~•~•~•~•~•~•~•`•~•~•~•~•~•
فى بيت منتهى
وصل علاء عند بيت منتهى وطلع السلم رن الجرس استقبلته ام منتهى ودخلته اوضت الضيوف وراحت بلغت ابو منتهى اللى جه رحب بوجوده وقال
ابو منتهى :- منورنا يا علاء باشا
علاء :- بقرف الله يبارك فيك يلا نادى منتهى علشان البسها الشبكه
ام منتهى :- وهى مستغربه تغير جوزها المفاجئ راحت عند اوضت منتهى وخبطت على الباب وقالت توته كلمى ابوكى فى اوضت الضيوف
منتهى :- فتحت الباب وقالت عايز منى ايه
ام منتهى :- مفاجئه هتفرحك اوى
منتهى :- مفاجئه ايه دى
ام منتهى :- امشى قدامى اخلصى بس
منتهى :- مشيت قدام امها وراحت على اوضت الضيوف ودخلت واتفاجئت بوجود علاء قالت بأستغراب علاء بتعمل ايه هنا
ابو منتهى :- اقعدى جنب خطيبك يا توته
منتهى :- بأستغراب خطيبى
ابو منتهى :- ايوه اقعدى جنبه علشان يلبسك الشبكه
منتهى :- يلبسنى الشبكه انا مش فاهمه حاجه
ام منتهى :- اقعدى بقى وبلاش كلام كتير وقعدتها جنب علاء
علاء :- هاتى ايدك يا عروسه
منتهى :- طيب واهلك
علاء :- غمض عينه بوجع هاتى ايدك
منتهى :- لاء ما انا لازم افهم فيه ايه يا اما كده يا مفيش جواز ازاى بابا كان رافض الجوازه دى وازاى مرحب دلوقتى بيك .. وانت ما كنت مأجل الجواز لحد ما أهلك يوافقه عليه ما هو انا لسه بعقلى متجننتش
علاء :- هفهمك كل حاجه بعدين هاتى ايدك بقى
منتهى:- افهم دلوقتى
علاء :- خلاص يا منتهى بقى
ابو منتهى :- بزعيق ما تخلصى بقى ومدى ايدك احسن ما اقوم اكسرك عضمك ده
علاء :- بتحذير اتكلم معاها بأسلوب احسن من كده
ابو منتهى :- اللى تشوفه يا علاء باشا
منتهى :- مش قادره اصدق اللى بيحصل
علاء :- مسك ايديها وهى سرحانه ولبسها الشبكه وقال اعملى حسابك الفرح الاسبوع الجاى
منتهى :- بصدمه نعم
علاء :- الفرح الاسبوع الجاي وانا اتفقت مع أهلك على كل حاجه
منتهى :- لالالا انتو عايزين تجننونى صح فهميونى انت ليه بتعملوا كده
ام منتهى :- يا حبيبتى أهدى هو ده النصيب وبعدين ده دعائى ودعائك ربنا استجابه افرحى وعيشى اللحظه يابنتى
ابو منتهى :- يلا ام منتهى تعالى معايا يلا وخرجوا ا الاتنين وسابوا منتهى وعلاء مع بعض
منتهى :- تفهنى ايه اللى بيحصل دلوقتي حالا
علاء :- مش انا قولتلك مش هتكونى لحد غيرى وانا نفذت كلامى
منتهى :- طيب ازاى
علاء :- المهم اننا بقينا مع بعض مبروك يا قلبى
منتهى :- رغم أن انا مش مرتاح للموضوع ده كله بس الله يبارك فيك وجابت ام منتهى الشربات وخرجت وبعد وقت مشى علاء ودخلت منتهى اوضتها وهى بتفكر فى سر التغير المفاجئ ده
*********************
إلي هنا ينتهي الفصل الخامس و الأربعون من رواية تمرد صحفية بقلم دودو محمد
تابع من هنا: جميع فصول رواية تمرد صحفية بقلم دودو محمد
تابع من هنا: جميع فصول رواية تمرد صحفية بقلم دودو محمد
تابع أيضاً: جميع فصول رواية انتقام ثم عشق بقلم لولو الصياد
تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها
أو أرسل لنا رسالة مباشرة عبر الماسنجر باسم القصة التي تريدها
اقرأ أيضا: رواية من أجلك فقط بقلم لولو الصياد
إرسال تعليق
يسعدنا تلقي اقتراحاتك أو تعليقك هنا