قصص رومانسية جريئة ممنوع دخول الأطفال

مرحباً بكم أصدقائي وأحبابي عاشقي القراءة والقصص الرومانسية مع قصة جديدة من قصص متزوجين للكاتبة لولو الصياد علي موقعنا قصص 26 و موعدنا اليوم مع الفصل السادس عشر من رواية حنين بقلم لولو الصياد. 

رواية حنين بقلم لولو الصياد - الفصل السادس عشر

تابع من هنا: تجميعة روايات رومانسية مصرية

رواية حنين بقلم لولو الصياد

رواية حنين بقلم لولو الصياد | الفصل السادس عشر

خالد بغضب وهو يمسك يدها بقوه ....حذرتك يا حنين من طريقه كلامك معايا وبرده بتسيبى الانفعال ياثر عليكى بس صدقينى يا زوجتى العزيزة مش انا اللى استحمل ان واحده ست تكلمنى كده حتى لو كانت مراتى وضغط على يدها بقوه حتى المتها بشده....
حنين ...بالم ...اه ايدى انت بتضغط عليها جامد حرام عليك ....
خالد ...وهو يضغط اكثر ...انا بضغط عليها يا زوجتى المصون علشان تسيب علامة تفكرك كويس بنتيجه كلامك معايا بدون تفكير وطوله لسانك. ...
حنين....بالم ...خلاص سبنى بئه ...
تركها خالد .....مش عاوز اسلوب العناد ده معايا يا حنين انا مش بحب كده وصدقينى انا لو قلبت ليكى على الوش التانى هتشوفى انسان تتمنى عمرك كله انك مكنتيش تقفى قدامه....
حنين ..بتوتر...بتخوفنى يعنى ...
خالد....لا مش بخوفك انا بحذرك....
حنين. ...انت ليه مش عاوز تفهمنى انا وافقت على كتب الكتاب علشان جدو وقلت الفرح هيبقى بعد سنه ولا اتنين ابص الاقيه بعد أربع أيام. ...
خالد...بتهيئلى الفرح مش هيغير حاجه هى مجرد ساعتين ثلاثة قدام الناس نمثل الخب والسعادة وخلصنا وكل واحد يعيش براحته....
حنين....بس انا مش عاوزه فرح انا مش بحب اكون فرجه للناس....
خالد....وانا مش هكسر بخاطر جدى واهلى علشان خاطر الفوبيا بتاعت حضرتك انا جدى وامى بيحلموا بيوم جوازى من سنين ....
حنين ...يوووه...يعنى مفيش فايده....
خالد....قرارى نهائى يا حنين وانا لما بقول كلمه لو على قطع رقبتى مش برجع فيها .....
حنين. ...طيب انا طالعه اوضتى ....
خرجت حنين وتركت خالد وحيدا فى عزلته يتألم ويتذكر سنوات عمره الماضية حين قرر عدم الزواج نهائيا بسبب فتاه لا يقال عنها انها رمز للحقد والاستبداد. ...
انها فتاه تدعى سمر كانت تعمل بقسم الحسابات بشركات جد خالد وكان خالد ما زال وقتها شاب يافع عديم الخبرة بالحياه وكان قد تم تعينه جديد بشركه العائله ....
ها انا اتذكر الان كل شىء .....
فلاش باك........
اتذكر اول لقاء بينى وبين سمر تلك الفتاه التى كانت تجذب جميع الانظار لها بشعرها الاسود الحريرى وعيونها السوداء الكحيله الواسعه وجسدها الممشوق وابتسامتها الجذابه اتذكر بقوه حين دخلت مكتبى لاول مره لتسليم احدى الملفات وابتسمت تلك الابتسامه التى خطفت قلبى .....
سمر....خالد بيه ده الملف اللى حضرتك طلبته. ..
لم ارد فقط سرحت فى جمال عينيها وابتسامتها ....
سمر....خالد بيه خالد بيه ...
خالد...ها ...معاكى يا انسه ....هو جه الملف. ..
سمر ...بدلع ...ايوه ......
خالد...اوك اتفضلى انتى ....
كانت تتعمد ان تتمايل فى مشيتها وتتحدث بدلع لى وابتسامتها لا تفارق وجهها تعلقت بها بقوه وفجاه وبدون مقدمات لانى لم أكن خبير بالحب وجدت نفسى اعترف لها بحبى وطلبت منها الزواج الغريب انها اجلت موضوع الزواج لفترة لوجود حالة وفاه لديهم وانا لطيبتى وافقت كانت تتعمد سحب الاموال منى وشراء اغلى الاشياء على حسابى لم اكن ادراى انها تستغلنى وانما كنت افعل ذلك بدافع الحب مر حوالى ثلاث اشهر وقد فاض بى الامر وعندما فاتحتها بالزواج تهربت منى اعتقدت فى داخلى انه هناك شىء يجعلها تخاف من الزواج منى ...وقررت ان اسير خلفها باحد الايام حتى اصل الى منزلها وافاجئها بطلب يدها للزواج ...وبالفعل فى احد الايام مشيت خلفها الى ان صعدت احدى العمارات الفاخرة استغربت كثيرا من هذا وتعبتها ...الى ان دخلت احدى الشقق ....حين وقفت على باب الشقه وجدت الكثير مت الروائح التى لا يمكن للمرء الا يدركها وهى المخدرات وسمعت اصوات ضحك الفتيات بقوه ....بداخلى شعرت بالخوف ونزلت مسرعا استعلم من حارس العماره عن الم الشقه....
خالد..السلام عليكم يا ريس ...
الحارس ...وعليكم السلام ورحمة الله وبركاته ...خير يا باشا ...
خالد...هى الشقه رقه 9 فى الدور الثالث دى ايه نظامها. ...
الحارس ...لم يرد. ...
ففهمت انه يريد بعض الاموال فاخرجت مالا وفيرا ووضعته فى يده ....
الحارس...بصراحه يا بيه ده شقه استغفر الله العظيم بتاعت فواحش ....
خالد...فواحش ازاى يعنى ....
الحارس ...مخدرات ودعاره يا بيه الله يبعدنا عنهم....
خالد...بصدمه...طيب انت شفت البنت التى طلعت من شويه تعرفها....
الحارس. ..طبعا دى الست سوسو شغاله معاهم برده وعايشه هنا...
خالد بدهشه ....شغاله فى الدعارة. ...
الحارس...ايوه يا بيه مالك مستغرب ليه ....
فى نفس الوقت وجد خالد عربيه رجال البوليس ينزل منها رجال الشرطه مسرعين ويتوجهون مسرعين الى داخل العماره وبعد مرور بعض الوقت وجد خالد رجال الشرطه يسحبون الفتيات بملايات السرير والرجال ايضا وكان من ضمنهم حبيبته سمر ....
كانت سمر تبكى وبطرف عينيها وجدت أمامها خالد ينظر لها بقرف....
سمر....خالد....
بصق خالد باتجاهها واتجه الى سيارته مسرعا وحين ركبها انفجر فى بكاء مرير ....ومنذ ذلك الوقت تحول خالد الشاب الرقيق الى ذلك الشاب المتحجر القلب الذى رفض الزواج والحب نهائيا بعد تلك المأساة ولم يكن ليتزوج حنين سوى من اجل صحه جده.....
....
باك......
خالد لنفسه... مش هسمحلكيا حنين تعملى حاجه بدون رأيى لانى راجل ومش هسمحلك تضحكى عليا ابدا واوعى تفكترى فى يوم من الأيام انى ممكن احبك مهما حصل. .....
......................
فى منزل حسين. ...
بدر....قوليلى يا شهد...
شهد. .نعم يا ماما....
بدر. ..هو جوز حنين ده غنى ....
شهد...باين عليهم اوى انتى مشفتيش الفيلا بتاعتهم يا ماما فظيعه وفعلا باين عليهم عيله جامده اوى ....
بدر...وهو كبير فى السن ولا صغير..
شهد....بضراحه يا ماما هو قمور اوى شبه ممثلين الافلام .....
بدر.....ماشى يا حنين .....وكانت تتحدث بهمس....
شهد....بتقولى حاجه يا ماما.....
بدر....لا يا حبيبتي. .......
...........
فى أمريكا كان جمال يحضر حقيبة السفر حين سمع طرق على باب شقته...
فتح الباب وجد أمامه تولين .....
تولين. .وكانت شاحبه ويبدو عليها الحزن الشديد.....
فسح لها المجال لتدخل .....
جمال....مالك با تولين .....
تولين ...ببكاء مرير ....ماما ماتت يا جمال ومعدش ليا حد فى الدنيا. ..
جمال...البقاء لله. ....
تولين ...متسبنيش يا جمال ...أرجوك. ..
جمال ....ببرود....أظن خلصنا من الموضوع ده با تولين خلاص ....
تولين بحزن. ..كنت عارفة انك هترفض ترجعلى علشان كده اتصرفت ....
جمال....قصدك ايه .....
تولين. ...قصدى... ... ..

*********************

إلي هنا ينتهي الفصل السادس عشر من رواية حنين بقلم لولو الصياد
تابع من هنا: جميع فصول رواية حنين بقلم لولو الصياد

تابع أيضاً: جميع فصول رواية انتقام ثم عشق بقلم لولو الصياد

تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها

اقرأ أيضا: رواية من أجلك فقط بقلم لولو الصياد