مرحباً بكم أصدقائي وأحبابي عاشقي القراءة والقصص الرومانسية مع رواية إجتماعية مثيرة جديدة للكاتبة وردة علي موقعنا قصص 26 وموعدنا اليوم مع الفصل الثالث من رواية اغتيال بقلم وردة.
 |
| رواية اغتيال بقلم وردة |
رواية اغتيال بقلم وردة - الفصل الثالث
عمر : اياد استني ...
اياد مردتش عليه وخرج ركب عربيتة ومشي بيها ودموعة مش عارف يمنعها حس بكسرت قلبة اول حب في حياتة اول دقة قلب احلام عاشها علي امل تحس بيه خبط بإيده بكل قوتة علي دركسيون العربية لدرجة انه فقد السيطره علي العربيه ...بس قدر يتحكم فيها وقف علي جنب وغمض عنيه بألم فاق علي رنة تلفونة ...بص ليه ومسك الفون ورد
عمر : تصدق انك رخم انت فين وبنادي عليك مبتردش ليه ..؟
اياد : بزعيق عايز ايه يا عمر الحكاية مش نقصاك ..
عمر بهدوء : طيب خلاص اهدأ انت فين تعالي نخرج نتكلم مع بعض شويه انا واقف قدام المبني تعالي خدني نشرب قهوة مع بعض يلا مستنيك
........................................
حسن جري علي حسين الحقني يا حسين الواد شكله مات ..
حسين بضيق: هو شكله يوم باين من اوله مش قولتلك تزود الجرعه ولا خوفت عليه ..
حسن: والله زودت الجرعه وسهرت اعمله كامدات ويادوب نمت خمس دقايق صحيت لقيتة مفيهوش نفس..
حسين: طب غور من وشي لما كلم الدكتور اسامه يجي يشوف المصيبة دي....نفخ بضيق هو يسهر ويدلع نفسه وانا اقعد اسمع الاخبار المنيله دي!
طلع موبيله ورن عليه ...
اسامه بيصحي ويحاول يفوق نفسه رد بنوم عايز ايه يا حسين ..
حسين : طبعا نايم ولا علي بالك قوم عايزك تيجي تشوف اهمالك وصلنا لايه رياض باشا لو جه وشاف المهزله دي هيطربق الدنيا عليا وعليك..
اسامه قام اتعدل : ليه هو حصل اية ..؟
حسين : في عيل من العيال مات تاني كان تعبان وملقاش اللي يكشف عليه علشان سعاتك مقضيها سهر وحريم وبس...
اسامه : امال حسن كان فين مهو عارف ازاي يتصرف لما ابقي مش موجود..
حسين بضيق : انت لسه هترغي خلص تعالي نشوف هنعمل ايه قبل ما رياض باشا ياخد خبر انجز بسرعة تكون هنا......
...............
عند ندي..
سلوي : بضحك تصدقي فارس ده طلع راجل بجد..
ندي بصتلها بغضب: بعد كل اللي حكتهولك ده وتقولي راجل ...ده لو قاصد يموتني مش هيعمل كده ..
سلوي: طيب ايه رأيك بقي انا عندي احساس كبير انه بيحبك ..
ندي: بيحبني .!! انتي شايفة كدا ازاي ..
ده انسان مغرور بس علي مين انا بقي هثبتلة ان ندي بتاعت زمان مش بتاعت دلوقتي...
سلوي: طيب وحازم انتي فعلًا بتحبيه...
ندي: هتصدقي لو قولتلك مش عارفه كنت بحس اني بحبه بس ..
سلوي ابتسمت : بس لما شوفتي فارس اتأكدتي انك لا حبيتي ولا هتحبي غيره صح..
ندي: بعند لأ مش بحب فارس ..
سلوي: ضحكت لا مهو واضح...
.............................
(فارس دخل عند البرنس وعلي وشه ابتسامة نصر علي شكله اللي اتغير 180درجه...)
فارس وايده في جيبة : شكلهم الرجاله مش مقصرين معاك...
البرنس بتعب واضح : هتندم صدقني هتندم ..!
فارس قرب منه انا بقدم ليك فرصه حياتك انت متفرقش معايا عرفني انت بتشغل تبع منظمة ايه وايه هي طبيعة شغلكم ساعتها ممكن اساعدك واهربك برا البلد ..ها قولت ايه...
البرنس: قولت اني مش محتاج مساعدتك وقريب قوي هخرج من هنا ..
فارس ابتسم : عجباني قوي ثقتك بنفسك ..وريني بقي هتخرج من هنا ازاي..سابه ومشي ...والبرنس كز علي أسنانة بغضب هتشوف هعمل فيك ايه والله لندمك علي اللحظة اللي اتولدت فيها........
...............
عمر واياد قاعدين مع بعض...
عمر : انت هتفضل ساكت كده كتير ..
اياد : عايزني اقول ايه؟
عمر : مالك فيك ايه؟
اياد : مفيش ..مخنوق بس شويه..
عمر : مخنوق..بعون الله اقدر اروقك ...انت كده جيت في ملعبي ايه رأيك تسيب نفسك ليا النهارده وانا هسنيك خنقتك واي حاجة تفكرك اصل بالدنيا دي
اياد : هتعمل ايه يا وش المصايب ..
عمر : هتشوف بنفسك قوم بس تعالي كده غير لبسك ده والبس حاجه كدة فرفوشه بدل لبس الغوامق اللي انت لزقليلي فيه ده
اياد : لا انا كده حلو عجبك علي كده ماشي مش عجبك مش رايح معاك في حته....
عمر : لا مش عاجبني ويلا قوم بس كده سيب نفسك ليا النهارده..وصدقني مش هتندم........
..........
مريم وهاله قاعدين مع بعض وماسكين مجله بيختارو منها فستان ل ندي..
مريم : ايه رأيك في ده هيكون حلو قوي علي ندي..
هاله ابتسمت : فعلًا طيب هي زمانها جايه ناخد رأيها ونشوف ايه اللي هيعجبها...
مريم بفرحه: تمام...
عز الدين : بيكلم فارس يروح عند خطيبتة ويشوف لو هي محتاجة حاجة علشان تجهيزات الفرح...
فارس: حاضر يا بابا ماما لسه مكلماني شويه وهروحلهم بس هعدي علي ندي اجيبها من المستشفي.....
فارس فصل مع باباه وابتسم وركب عربيته وراح بيها علي المستشفي عند ندي.... وهو ماشي شاف سلوي ..لو سمحتي يا انسه ممكن اعرف فين مكتب الدكتوره ندي..
سلوي : بصتله بتوهان ..هااا..
فارس ابتسم : هااا ايه؟ تعرفي مكتبها..
سلوي : ايوه وشاورت علي اوضة هو ده مكتبها...بس..
فارس مشي من غير ما يسمع هي كانت هتقول ايه..واول ما وصل الاوضة فتحها ودخل من غير ما يخبط...
ندي كانت واقفه قصاد الشباك وسرحانة ومخدتش بالها مين اللي دخل... فارس ابتسم علي شكلها وقرب منها بخفة وبهمس جنب ودنها بتفكري فيا صح...
ندي : اتخضت اول ما سمعت صوته واول ما شافتة قدامها ارتبكت اكتر ..انت دخلت هنا ازاي..؟
فارس : سؤال غريب...من الباب طبعا..
ندي : اه ولما فيه باب مخبطش ليه؟
فارس : عادي الحاجه اللي في الاوضة تخصني يبقي مفيش داعي اخبطت ..
ندي بعصبيه : تخصك !! قربت منه وهي رافعه صوبعها في وشه بص بقي انا استحملتك بما فيه الكفايه واسلوبك ده مش هيمشي معايا...يعني من الاخر احنا مننفعش لبعض...وحركاتك دي يا ريت تبطلها..
فارس بيقرب منها ...وهي بترجع بضهرها لوراء لما وصلت لحيطه...وبهمس جنب ودنها حركات ايه اللي انا بعملها انا جاي اخدك افسحك بحكم انك خطببتي وفي المستقبل هتكوني مراتي....
ندي : مراتك !! انت عايز تتجوزني ليه يا فارس.؟
فارس : عادي رغبه اهلي نفسهم يشوفو ابنهم الوحيد متجوز وعنده عيال ..
ندي بصدمه: بس هو ده هدفك في الجواز...
فارس بإستعباط : هو في حاجه تانيه في جواز غير كده وانا مش واخد بالي..؟!
ندى : ايوه فيه اهم حاجه واللي هو (الحب) ..
فارس : ضحك بصوتة كله ...حب ...انتي مقتنعة بكلامك ده وان في حب وعشق ورومانسيه وكدا في الجواز....
ندي بعصبيه : اه مقتنعة ومش معني انك انسان مجرد من اي احساس او مشاعر تبقي كل الناس زيك...
فارس بجمود: بصلها بصه رعبتها ...وقام وقف قدمها وهي بتهرب بعنيها منه ....ويا تري ايه بقي هو الاحساس والمشاعر والرومانسيه في وجة نظرك
ندي بصتله وكانت لسه هتتكلم.... بس هو ومن غير سابق انزار باسها بغل ....ندي انصدمت من رد فعله حاولت تبعده عنها بس معرفتش هو اقوي منها بكتير ..فارس بعد عنها مش ده اللي انتي عيزاه مش ده الحب والرومانسيه في بتتكلمي عنه يارب اكون عبرت عن الحب وقدر يوصلك لبس نضارتة وخرج وسابها مصدومة من اللي هو عامله غصب عنها دموعها نزلت حست بالاهانة منه وان استحاله تتجوز انسان بيتعمد يقلل منها مهما كان التمن
................
أسامه وصل وكشف علي الطفل لقاه ميت نفخ بضيق ...وبص لحسين خلي الرجاله تتصرف فيه ومحدش ينطق كلمة واحدة قدام رياض باشا
حسين بضيق : انت عارف ان ده تالت طفل يموت في الشهر ده وكل ده بسبب اهمالك...
اسامه: لا طبعًا
مش بسببي الجو مش مظبوط وكمان احنا في مكان نسبه الاكسجين تعتبر معدومة ودول اطفال والمناعة عندهم ضعيفة واقل حاجة هتخلهم يتعبوا يعني انا مليش دعوة..
حسين : طيب والحل ..؟
اسامه : الحل عند رياض باشا هو اللي لازم يخف العدد من المكان ...
حسين: الجو الايام دي ملغبط واي تصرف لازم يبقي بحساب ...
اسامه : يبقي يبعت كذا دكتور معايا انا مش هيشل اليله دي كلها لواحدي ...........
...........
عمر خد اياد وطلعو علي شقتة يغير هدومة ...
اياد بضيق : نفسي اعرف مالها هدومي..ايه اللي مش عجبك فيها .
عمر : انت كلك علي بعضك اصلًا مش عجبني اخلع الجاكت ده وشده من عليه وخلعة يلا بقي ادخل كده احلق والبس هدوم تكون فاتحه قدامك عشر دقايق
اياد نفخ بضيق : ومشي هو مش عارف ليه بينفذ كلام عمر بس هو مخنوق ومحتاج يغير جوو وينسي وجع قلبه...
عمر برا لبس جكت بتاع اياد وبيعدله عليه تصدق لايق عليا......في نفس اللحظه هنا كانت راجعة من الجامعة واول ما شافت عمر فكرتة اياد جرت عليه وحضنتة من ضهره وبدلع راجع بدري النهارده من الشغل دي ليه..
عمر اتجمد مكانة : ولف بسرعه ....وهنا اول ماشافتة وشها قلب الوان رجعت لورا بضهرها وبخوف ظاهر انت مين؟
عمر : اهدي متخافيش انا عمر صاحب اياد ..
هنا : بكسوف انا اسفه وجرت بسرعة علي اوضتها...
عمر ابتسم : وفي سره يخربيت جمالك ...
اياد خرج لقي عمر واقف وسرحان ..انت كنت بتكلم مين؟
عمر : هو انت عندك اخوات بنات...؟
اياد بحده : اه بتسأل ليه؟..
عمر : مالك يا عم اهدي اصلها جت من شويه وخافت لما شافتني وانا قولتلها اني صاحبك...
اياد بسرعة : سابة ودخل اوضة اختة لقاها قعده علي السرير ..هنا حببتي جيتي امته....هنا جرت رمت نفسها في حضنه ...
اياد: مالك يا هنا جسمك بيتفض كده ليه...
هنا : مفيش خوفت لما شوفت راجل غريب في الشقه...
اياد : آسف يا حببتي مش هتقرر تاني ..إحنا أصلًا نازلين ...
هنا : طيب انا هروح عند ياسمين نذاكر مع بعض شويه عقبال ماما ما تخلص شغل وتيجي....
اياد : ماشي باسها من خدها وطلع خد عمر ونزلوا ......
عند مريم وهاله...دخلت عليهم ندي وهي باين عليها انها معيطه...سلمت عليهم وطلعت اوضتها من غير ولا كلمه...
مريم بصت لهالة : هي ندي مالها ؟
هالة : مش عارفه هطلع اشوفها..
ندي دخلت اوضتها ورمت نفسها علي السرير بإهمال وافتكرت اسلوب فارس معاها عيطت ...مامتها دخلت عليها ندي حببتي فيكي ايه ...
ندي : بزعيق فيه اني رخيصة عندكم وعايزين تجوزني علشان مصلحتكم وبس ...لإنسان معندهوش احساس مش بيسيب اي فرصه غير انه يقلل مني
هاله : خدتها في حضنها طيب اهدي حصل ايه احكيلي....
ندي : انا اللي عندي قولتة مش هتجوزه لو غصبتوني هموتلكم نفسي علشان تستريحووو مني.....
مريم دخلت عليهم ...ممكن تسبيني يا هاله مع خطيبة ابني لوحدنا عايزه اتكلم معاها كلمتين وياريت لو كوبايه عصير لمون من ايدك ل ندي...
هاله : بصت ل ندي وطلعت وسابتهم مع بعض ...مريم بإبتسامه قربت من ندي ممكن اعرف الجميل زعلان ليه..
...................
في بيت ياسمين
ياسمين : ههههههههه حضنتيه لدرجادي مش عارفه اخوكي....
هنا : بكسوف كام لابس هدومه وبعدين هو تقريبا نفس طوله ومشوفتش وشه ...
ياسمين : بتضحك ...وهنا بتبصلها بغيظ..
تصدقي انا غلطانة علشان بحكيلك...
ياسمين : سيبك من كل ده هو حلوو..؟
هنا : هو مين ده...؟
ياسمين : المز اللي انتي حضنتيه هههههه
هنا : تصدقي انك رخمه انا قايمه ماشيه
ياسمين : خلاص خلاص حقك عليا ..تعالي بقي اقعدي احكيلي عن اياد اخباره ايه...
هنا : انسي يا ياسمين سبق وقولتلك قلبه مشغول انتي كده بتعذبي نفسك علي الفاضي
ياسمين اتنهدت بحزن : نفسي انسي نفسي اعرف اكره وقلبي ميتعلقش بيه حبه في قلبي غصب عني مش بإيدي....هنا قربت منها وخدتها في حضنها والله انتو الاتنين صعبنين عليا كل واحد فيكم بيحب الطرف اللي مش بيحبه ....بسمه ام ياسمين جت عليهم وهما حضنين بعض ابتسمت بحب طيب انتو كده بتذاكرو ولا بتحبو في بعض....
ياسمين وهنا بصوت واحد: الاتنين وبعدها ضحكو هما التلاته .....
....................
عمر واياد مع بعض في ملهي ليلي ...اياد بيبص علي البنات بإشمئزاز انا مش عارف ايه خلاني سمعت كلامك وجيت معاك...
عمر: اعقل بقي وعيش وانسي اي حاجه برا المكان ده...وهو بيكلمه واحده جايه عليهم...عمر اهي بتدأت تندع شكلها ليله فل عايزك ترفع راسي بقي...
لمار بدلع : منورنا يا عمر باشا ..
عمر غمزلها : المكان منور بأصحابه...
لمار بدلع: قربت من اياد مش تعرفنا...
عمر : احم ده صاحبي وبهمس ليها بصوت واطي..اياد بصله بمعني بتقولها ايه....
لمار : ضحكت بصوت عالي ..عنيا انت تؤمر يا باشا ومشت وسابتهم ....واياد مسك عمر من قفاه كنت بتقولها ايه...؟
عمر شال ايده : ما تهدي يا عم في ايه بقولها تظبطلنا القاعدة اصبر بقي علي رزقك...
اياد: سكت وسرح في منه وبيفتكر ابتسامتها اللي بيعشقها لا هو عدي مرحله العشق معاها وصل لإدمان في حبها ..
عمر : ايه سرحت في ايه انا جيبك هنا علشان تنسي اي حاجه تخليك تسرح كده...
اياد : اتنهد بحزن انسي !! انسي انها طلعت بتحبه ومبتحبنيش...
عمر : يعني انت مكنتش عارف ولا كنت عامل نفسك مش واخد بالك...
اياد : كنت بكدب احساسي وبقول غيره زياده مني بس النهارده اتأكدت اني غبي قوي...
عمر : علي العموم انت عندك الفرصة لو بتحبها ده انسب وقت فارس خلاص اعلن انه هيتجوز يعني اي خطوه منك في الوقت ده هتكون لصالحك ..
اياد : هز بدماغه وبعدها مد ايده وبدا يشرب بهسترية ..... فكرة انه يبقي البديل خليته يتجنن كان نفسه يكون هو اول حب في قلبها زي ما هي اول حب سكن قلبة.....
.......................
(عند مريم وندي..)
مريم : قربت من ندي انا معرفش ايه اللي حصل بينك وبين فارس خلاكي مضايقه كده ...بس اللي انا متأكده منه ان فارس ابني بيحبك ....ندي بصتلها بإستغراب ...ومريم ابتسمت ..تعرفي اليومين اللي عدو دول فارس فيهم متغير ديمًا القيه سرحان ومبتسم كده مع نفسه عمري ما شوفته كده غير لما قرينا الفتحة وبقيتي خطبته...
ندي : ابتسمت نص ابتسامه ...مريم كملت كلامها مشكله فارس ابني انه مخلي حياته كلها لشغله وعمره ماكان ليه قصة حب زي اي شاب ...يعني انتي اول واحدة تدخل حياتة...دورك هنا بقي بحلاوتك وجمالك تجنينيه وتخليه يلف حاولين نفسه ...عارفه انه هيكون قاسي شويه ...بس انا هكون معاكي...انا وانتي هنجننة سوا قولتي ايه ...قد التحدي ولا هتستسلمي....
ندي : ابتسمت وحضنت مريم معاكي طبعًا.....
تاني يوم فارس صحي من نومه علي رنة موبيله ...فتح المكالمة وبيتكلم بس مرة واحده قام لبس هدومه ونزل وهو بيكز علي انيابه من الغضب وكأن في حاله من الاعصار هتحصل...........
*********************
إلي هنا تنتهي الفصل الثالث من رواية اغتيال بقلم وردة
تابع من هنا: جميع حلقات رواية اغتيال بقلم ورده
تابع من هنا: جميع فصول رواية حنين بقلم لولو الصياد
تابع من هنا: جميع حلقات رواية اغتيال بقلم ورده
تابع من هنا: جميع فصول رواية حنين بقلم لولو الصياد
تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها
أو أرسل لنا رسالة مباشرة عبر الماسنجر باسم القصة التي تريدها
اقرأ أيضا: رواية من أجلك فقط بقلم لولو الصياد
إرسال تعليق
يسعدنا تلقي اقتراحاتك أو تعليقك هنا