مرحباً بكم أصدقائي وأحبابي عاشقي القراءة والقصص الرومانسية مع قصة جديدة من قصص متزوجين للكاتبة لولو الصياد علي موقعنا قصص 26 و موعدنا اليوم مع الفصل الثلاثون من رواية حنين بقلم لولو الصياد.
رواية حنين بقلم لولو الصياد - الفصل الثلاثون
تابع من هنا: تجميعة روايات رومانسية مصرية
 |
| رواية حنين بقلم لولو الصياد |
رواية حنين بقلم لولو الصياد | الفصل الثلاثون
حنين يشغل تفكيرها المصيبه التى وقعت بها مع كامل وتهديده لها....
خالد...يكاد الشك ينهش قلبه فهو دائم الشك ولا يثق باحد بسهوله ويشعر بالغضب الشديد من حنين زوجته نعم والان هى حبيبته التى لا يستطيع ان يفترق عنها نهائيا ولكن يعلم بداخله انها لا تحبه فقد تزوجت به فقط ارضاء لجده وهى مازالت تحب جمال يكاد يموت حسره والم من شدة الغيره عليها .....
شهد....كانت تشعر بالحزن والالم فاليوم هو اسعد لحظه في حياه اى فتاه ولكن هذا اليوم كان اسوء يوم بحياتها ففرحتها مكسوره.لولو الصياد .حنين . بسبب ما فعله معها محمود. ...
محمود....يكاد يطير فرحا لانه واخيرا تحقق حلمه من الزواج من حبيبته يعلم جيدا انها تكرهه لظنها انه اساء اليها ولكن تفكيره الغبى هو من اوصلهم الى ذلك ...
هديه...كانت تشعر براحه غريبه وتفكر باهتمام جمال لها ورجولته معها فى موقف الشباب الذين حاولوا التحرش بها كانت تبتسم بسعاده وهى تحتضن وسادتها وتتمنى بداخلها ان يشعر بما تشعر به.....
ليلى ....كانت معجبه الى حد كبير بشخصيه اسر لكن لماذا كانت ترى الحزن بعيونه رغم ابتسامته ولاحظت نظراته الى شهد التى كلها حب وهذا ما جعلها تشعر بالغضب ولا تعلم لماذا ....
جمال...كان يجلس بسريره شارد الذهن يفكر فى مشكلة حنين ويحاول بقدر الامكان ان يجد حل لها ولكن رغم ذلك تذكر ملامح هديه وتمنى بداخله ان يراها باسرع وقت .......
بدر ...كانت تفكر وتبتسم فاخيرا وبعد طول انتظار استطاعت ان تاخد اموال حنين منها وسوف تسيطر على كل املاكعا وتصبح لها فكل ما تحتاجه هو بعض الوقت فقط وتصبح مالكة لكل تلك الثروة. .....
الجد...كان يجلس يصلى ويدعى ربه ان يوفق أحفاده ولا يفرقهم الله ابدا عن بعضهم ويصلح لهم الحال دائما.....
..............
فى صباح اليوم التالى على طاوله الافطار فى منزل الجد.....
الجد.....هتجهز الجناج بتاعك من امتى يا محمود....
محمود...ان شاء الله يا جدى انا اتفقت مع شهد هنروح انهارده نختار كل حاجه...
الجد..ربنا يوفقك يا ابنى ان شاء الله ويرزقك بالخلف الصالح...
ليلى ..اه والنبى يا جدو ويطلعوا ليا قمرات عسلات كدة. ...
محمود بسخريه...كله الا انتى ده انا لو مراتى حامل همنعها تشوفك....
الجميع. ...ههههههههههه
ليلى بعصبيه....تصدق انك رزل وبارد ورخم ده انا حتى يا رزل كنت هخلى شركه الديكور بتاعت هديه تعملك شغل جامد ....
محمود...خلاص يا لولو ده انتى اللى فى القلب. ...
ليلى. ...ايوه كده اتظبط ناس تخاف ....
والد محمود...عمركم ما هتتغيروا....
والده ليلى ...ويتغيروا ليه دول زى العسل ....
والد ليلى ...ومين يشهد للعروسه ههههههه
والده محمود....دى ليلى ست البنات ....
ليلى ....ربنا يخليكى ليا يا طنط يا عسل ....
الجد...وانت يا خالد متتاخرش فى الشغل يا ابنى زى عوايدك انت لسه عريس برده ومراتك لها حق عليك...
خالد...حاضر يا جدى هحاول ان شاء الله. ..
الجد...وانتى يا حنين مش ناويه تروحى جامعتك يا بنتى بئه....
حنين وهى تنظر الى خالد بخوف...اه ان شاء الله يا جدو....
الجد....امتى بس....
خالد....انهارده ان شاء الله هخدها معايا واعديها على الجامعه....
حنين...بفرحه...بجد....
خالد ببرود...طبعا ده مستقبلك ومش لازم تتاخرى اكتر من كده على محاضراتك....
حنين....ميرسى اوى يا خالد....
الجد....ربنا يهديكم لبعض يارب....
الجميع. ...امين ......
........
ذهبت حنين الى الجامعة برفقه خالد الذى اوصلها وذهب الى شركته مباشره ولكن ما لاتعلمه حنين انه وضعها تحت المراقبه الدقيقة. ...
.......
وصل محمود الى منزل شهد واستقبله جمال....
جمال...صباح الخير يا عريس ايه كنت بايت تحت البيت ولا ايه....
محمود...ههههههه مش للدرجه دى بس قلت نلحق وقتنا بدرى ....
حسين....ربنا يتمم بخير ان شاء الله. ..
بدر...والله كان نفسى إجى معاكم بس معايا ميعاد مع واحده صحبتى ....
محمود...حصل خير يا طنط وان شاء الله الحاجه تعجبك....
بدر..طبعا يا حبيبى انت ذوقك حلو والا كنت ازاى هتختار شهد.....
محمود...عندك حق شهد دى احلى حاجة. ..
جمال...ايه ياعم انت بتتكلم عن اختى ...
محمود...لا وانت الصادق بتكلم عن مراتى يا رزل....
الجميع....هههههههه
دخلت شهد الصالون....
شهد. ..صباح الخير. ..
الجميع. ..صباح النور....
بدر....ايه يا شوشو مش هتفطرى يا حبيبتي. ...
شهد...لا يا ماما ماليش نفس....
حسين...بس غلط يا بنتى انتى هتلفى كتير....
محمود...متقلقوش يا جماعه انا هعزمها على الفطار الاول وبعدين نشوف هنعمل ايه...
حسين....ربنا يخليك يا ابنى ويسعدكم....
محمود...امين .....مش يله بينا بئه ....
شهد....اوك.......
وذهبت برفقه محمود.....
ركبت شهد السياره إلى جانب محمود ولاحظت انه اغلق القفل الالة للسيارة. ..واقترب منها وقبلها عل خدها قبله بسيطه....
محمود...صباح الفل على احلى عروسه...
شهد...بغضب. ..انت ازاى تعمل كده انت مجنون ....
محمود. ...بيكى يا شهد مجنون بيكى ...
شهد...قسما بالله لو كررتها تانى ما هخرج معاك ابدا....
محمود بحنيه...خلاص يا شهد انا اسف بس انتى مراتى حلالى وانا معملتش حاجة غلط...
شهد...بعصبيه...لو سمحت كفاية كده...
محمود...خلاص يا شهد انا اسف بس ممكن اطلب منك طلب....
شهد...اتفضل ....
محمود...هو يمسك يدها بكل رقه ...ممكن تنسى اى حاجة مزعلاكى منى انهارده بس ارجوكى ده رجاء مش امر....
شهد....وهى شارده ومستغربه بشدهمن رقته معها....هحاول....
محمود وهو يقبل يدها...وانا مش عاوز اكتر من كده ......
وانطلق بسيارته وهو يطير فرحا فعلى الاقل سوف تنتهى المشاجرات بينهم ولو لوقت قصير. .....
..........
فى منزل أسر. ...
الام....والحفله كانت حلوه....
اسر ...بصراحة احلى حاجه كانت ليلى ههههههه مسخرخ بنت فظيعه يا ماما بتاكل الجو بكلامها وطفولتها....
الام...مين دى ...
اسر ...دى بنت خال حنين انت عارفه حنين طبعا اللى كان جمال متجوزها وكمان بنت عم العريس....
الام بمكر...وهى حلوه...
اسر...بصراحة ...جدا....
الام....عجباك..... اسر ...عجبانى ازاى يا ماما ...
الام...انت فاهمنى يا اسر ...
اسر ...بتوتر...لالا يا ماما عادى يعنى ...
الام...اه فعلا عادى بدليل ان انت داوشنى بيها من الصبح ليلى قالت ليلى عملت ليلى ليلى ليلى ههههههه
اسر...عيبك انك فهمانى يا ماما....
الام بهدوء...بس انا عاوزه منك متتسرعش يا اسر ....
اسر ...حاضر يا ماما اوعدك هدى الموضوع كل وقته وافكر كويس....
الام...ربنا يهديلك الحال يا ابنى ....
اسر وهو يقبل يدها ...ربنا ما يحرمنى منك يا ست الكل انا هروح شغلى بئه لانى اتاخرت....
الام...ربنا يحميك ويوفقك يا ابنى. ....
............
حنين بالجامعه وهاهى الساعه العاشره والنصف خرجت من الجامعه وركبت تاكسى وتوجهت الى مكان لقائها بجمال ......
كانت حنين تجلس على إحدى الطاولات حين اقترب منها جمال. ...
جمال...صباح الخير يا حنين...
حنين...صباح النور ازيك يا جمال...
جمال...الحمد لله الواد ده كلمك تانى...
حنين ...لا لسه...
جمال...تمام اوى ...
حنين...طيب هعمل ايه هديله الفلوس ولا هعمل ايه...
جمال..لا طبعا فلوس ايه انا رتبت كل حاجة بس طبعا هنحتاج مساعدة علشان كده انا طلبت من اسر انه يقابلنا هنا علشان هو ظابط زى ما انتى عارفه وده هيسهل لينا كتير...
حنين....متشكره اوى يا جمال مش عارفه اشكرك ازاى....
جمال....تشكرينى ايه انتى زى شهد بالظبط.....
......
فى شركه خالد.....
على الهاتف....
خالد....وهى فين دلوقتى ...
المتصل. ..قاعده مع واحد فى كافيه ....وبيتكلموا.....
خالد...تعرف تصورهم وتبعتها ليا ....
المتصل ...اوامرك يا فندم. ...
بعد دقائق ....
وصلت رسالة الى هاتف خالد وحين فتحها وجد فعلا ان شكه كان بمحله وحنين كانت برفقه جمال غضب خالد بشده وقام بتكسير الهاتف بعنف شديد ينفث به غضبه ................
............
فى شقه كامل....
تولين....انت عارف يا كامل انى حاسه بحاجه غريبه اوى...
كامل....ايه هى .....
تولين. ..حاسه انى مش بحب جمال نهائي وحبى ليه وهم بدليل انى مش حابه اشوفه وتصدق لو قلتلك انى ساعات بنسى ملامحه....
كامل...غريبه اوى امال كنتى بتعملى كل ده ليه....
تولين...بحزن...كنت مقهورة علشان سبنى فى اكتر وقت احتاجته فيه علشان حنين حسيت انى ولا حاجة بس صدقنى لما فكرت حسيت انى فعلا كنت غلطانه اوى علشان كده قررت قرار مهم ...
كامل...قرار ايه....
تولين...قررت ارجع امريكا تانى وانسى جمال وكل حاجه خاصه بيه.....
كامل...بسهوله كده....
تولين...صدقنى يا كامل لما تحب عمرك ما تتمنى لحبيبك الاذى بل العكس الخير وانا دلوقتي بتمنى من قلبى ان ربنا يسعد جمال....
كامل...اتغيرتى يا تولين....
تولين. ..فعلا عارف اتغيرت ليه اتغيرت من كلام تيته عن جدو وحبها ليه وازاى كانت بتضحى علشانه حسيت ان كلامها جه على الجرح وفعلا حسيت بغلطى وقررت اصلحه واسافر......
كامل....براحتك دى حياتك وانتى حره....
تولين...وانت يا كامل هتفضل كده....
كامل...كده ازاى يعنى....
تولين ...هتفضل مستهتر ومش فى دماغك حاجه غيﻻ ازاى تاذى الناس والبنات والشرب مش ناوى تتغير....
كامل...واتغير ليه ....
تولين ....علشان انا رغم كل عيوبك انا حبيتك بجد يا كامل واتمنى انك تتغير....
*********************
إلي هنا ينتهي الفصل الثلاثون من رواية حنين بقلم لولو الصياد
تابع من هنا: جميع فصول رواية حنين بقلم لولو الصياد
تابع من هنا: جميع فصول رواية حنين بقلم لولو الصياد
تابع أيضاً: جميع فصول رواية انتقام ثم عشق بقلم لولو الصياد
تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها
أو أرسل لنا رسالة مباشرة عبر الماسنجر باسم القصة التي تريدها
اقرأ أيضا: رواية من أجلك فقط بقلم لولو الصياد
إرسال تعليق
يسعدنا تلقي اقتراحاتك أو تعليقك هنا