مرحباً بكم أصدقائي وأحبابي عاشقي القراءة والقصص والروايات حيث نغوص اليوم مع رواية رومانسية مصرية جديدة للكاتبة المميزة رحاب ابراهيم الشهيرة بروبا, وموعدنا اليوم علي موقع قصص 26 مع الفصل الثالث و العشرون من رواية اميرة بقلب سجان ج1 بقلم رحاب إبراهيم.
رواية اميرة بقلب سجان ج1 بقلم رحاب إبراهيم - الفصل الثالث و العشرون
تابع من هنا: تجميعة روايات رومانسية مصرية
 |
رواية اميرة بقلب سجان ج1 بقلم رحاب إبراهيم |
رواية اميرة بقلب سجان ج1 بقلم رحاب إبراهيم - الفصل الثالث و العشرون
حين ازهو عشقاً ،،تتبدل اجواء ربيعى عواصفاً
تمحو اثار رمال الحب حولى ،وما يتبقى لى غير البرودة
عندما تشتعل نيران لهفتى تنقلب بى فى طيات القسوة
رغماً عنى
ابتعدى من قسوتى حبيبتى ولكن بداخل قلبى
حتى لو ............. رغماً عنى
ارتبكت من نظرته ،، فاصبحت تخاف منها ومن تهوره
وبادلها بنظرة اشد قسوة منذ ذى قبل ،، وقال بغضب مكبوت
كنتى هتهربى صح
هزت رأسها نفيا بتوتر ،، وكادت ان تنطق
جذبها من يدها بقوة ،ودق على الباب بعنف ، حتى فتحت له سعاد
دفعها لداخل الشقة وقفل الباب بأحكام ،
ونظر لها شذراً وعينيه تتأكل من الغضب
حذرتك وفهمتك بدل المرة مليون ،،وقولتلك ماتطلعيش برا
بس طلعتى ،،
واقترب منها وقال بعصبية وعنف
قولت ولااااا ماقولتش
ارتجفت اميرة بخوف من مظهره بهذا الشكل الغاضب
ولكن حاولت ان تتماسك وترد بثبات
انا مش تحت امرك عشان امشى على مزاجك
وبطل طريقتك دى معايا ،، عشان مابقتش اخاف منك
ولا طرقتك دى بقت تخوفنى اصلاً
اسودت عينيه من الغضب وتتطاير الشرر منهما
وقال بعنف
طريقتى دى مابقتش تخوفك ،، بس ليا طرق تانية ممكن ترعبك مش تخوفك بس
تراجعت للخلف بخطوات خائفة حتى اصطدمت بظهرها بباب الغرفة ودون ان تنظر امسكت المقبض وفتحتها ودخلت مسرعة ،، واغلقتها ورائها وهى مرعوبة من هذه النظرة الشيطانية التى لمعت بعينيه
استمرت لدقائق حتى انتبهت لشئ جعلها ترتبك اكثر
هى بغرفته وليست غرفتها
تخاف الخروج الان ولم تستطع الابقاء هنا فى نفس الوقت
فكل شئ يخصه بات يقلقها
نظر بحدة لسعاد وقال بعصبية
انتى ازاى تسيبيها تخرج من هنا ،، انا مش منبه عليكوا تخلوا بالكوا منها ،،
ردت سعاد بتوتر
هى خدت الاذن منى عشان الست صفية بعتت تشوفها ضرورى ،،ووعدتنى انها مش هتتأخر ،،وبصراحة هى فعلا متأخرتش ،انت اللى جيت بدرى
نظر بتعجب .. طب وهى كانت عايزاها ليه ؟؟
سعاد ... مانت لو كنت سئلت بهدوء من الاول واديتلها فرصة تتكلم كنت عرفت
رد عليها بحدة
من هنا ورايح ما تخرجش من اوضتها نهائى ،،وبالكتير تخرج جوا الشقة هنا ،، انما برا لااااااا ،ولو لقيتها برا تانى يبقى تستاهل اللى هيجرالها
سمعت اميرة حواره مع سعاد وتملكها الغيظ منه وفتحت الباب ووقفت ،،
نظرت له بقوة وهى تقول
انا عايزة اعرف انت مين اللى اداك الحق انك تتصرف معايا كدا
ومين اللى مديك الحق انك تحبسنى كدا وعايز تمشى عليا كلامك ،، اااااااانت مين
اول مرة يرى تمردها بهذا الشكل مما جعله ينظر لها بتعجب وقوة وهو يقترب منها ببطئ حتى وقف امامها وقال بتحدى ومكر
انا ليا كل االحق
ردت اميرة بحزن ... بس انا مش من حقك
تحولت نظرة عينيه للغضب مجدداً
واحتد صوته وهو يقول بغضب ... لا من حقى ،، حتى لو غصب عنك
اطرفت عينيها بحيرة من امر هذا الرجل الغامض
وقالت بألم ... نفسى افهم انت عايز ايه بالضبط يا ادهم ،،نفسى افهمك ،،يمكن ارتاح
نظر لها نظرة طويلة زادت من حيرتها اكثر ،،وتركها وذهب الى مكتبه واغلق الباب ورائه
اقتربت منها سعاد وهى تقول بلطف
الحمد لله جت سليمة وعدت على خير ، دنا كنت هموت من الرعب عليكى
امتلئ عين اميرة بالالم والحيرة وقالت
نفسى اعرف فى ايه ،، انا مش عارفة هفضل كدا لحد امتى
لا طايلة سما ولا طايلة ارض
لا حاسة انه بيحبنى ولا حاسة انه بيكرهنى
ربتطت سعاد على كتفها بحنو وهى تقول
لا هو بيحبك ،بس السؤال هنا ،، ايه اللى مخليه بيعمل كدا ؟؟
..............................
فى شقة متوسطة الحال بأحدى احياء القاهرة
فتح باب الشقة بالمفتاح وقالت الفتاة
منى .... ادخل يا عصام ،،تعالى
دخل عصام وبيده مجموعة اكياس مشتراه
انتى جبتى لبس يكفيكى لسنتين جايين
نظرت له منى بالم
وقالت بحزن ...بحاول افرح نفسى
اخذ عصام شقيقته منى بين ذراعيه وقال لها بحنان
ان شاء الله هيرجع بالسلامة ،، انا حاسس انه عايش
ادام مالقيوش اى حاجة تخصه فى الوحدة بتاعته يبقى فى امل
امتلئت عيون منى بالدموع
يااارب ،، انا مش قادرة احس باى حاجة حلوة من غيره ،،مش قادرة اصدق انه خلاص
عصام ... لا مش خلاص ،، صاحبه اكدلى انه شافه على الحدود
هيرجع بأذن الله
منى .. يااارب ،، ومسحت دموعها
تعالى يلا عشان احضرلك الغداء
عصام بابتسامة ... لا احنا لفينا كتير وانتى تعبتى ،، انا هطلب دليفرى
ابتسمت له شقيقته بحب ،،وقام هو بالاتصال وطلب اوردر
وقفل الخط
منى .... مش ناوى ترجع هنا تانى ،، ماتيجى تقعد معايا هنا
عصام بشرود .... فكرت كتير فى الموضوع ده بس
منى ... لسه بردوا موضوع نيرمين شاغلك ،،انت لسه بتحبها
عصام بحزن .... انا حبيتها بجد ،،بس هى اللى ماكنتش عايزة تتغير ،،وكرهتنى فكل البنات اللى فى الدنيا
منى ... بس انت بردوا غلطان فى اللى عملته
عصام ... يمكن ،،بس كنت اقصد انها تغير منها وتحاول تعمل زيها ماكنتش اقصد اجرحها
منى .... لا يا عصام انت غلطان ،، هى كانت بتحبك بس هى بتتعامل مع اللى حواليها بعفوية زيادة ،، كنت المفروض تصبر عليها شوية
عصام ... خلاص يا منى كل واحد مننا راح لحاله ،ربنا يسعدها يارب
منى .... طب ادام انت لسه بتحبها ليه متحاولش تدور عليه ،روحلها الجامعة ،او اعرف مكان بيتها ،المهم تشوفها وتكلمها ،مش يمكن هى كمان لسه فكراك
عصام بتنهيدة ... مش عارف،، كرامتى مش جيبانى اروحلها وعلى العموم فى اجازة دلوقتى
منى بلطف ... ربنا يريح قلبك يا خويا يااارب
عصام ... انا وانتى يا حبيبتى
........................
كانت تجلس بغرفتها وهى تشعر بالملل
دخلت عليها سعاد بالغداء
سعاد .... يلا عشان تتغدى
اميرة بملل ... انا زهقانة اووى يا ماما سعاد من القاعدة دى
سعاد .. والله يا بنتى مابيدى حاجة اعملهالك
اميرة ... هو مش قال ممكن اتمشى برا الاوضة المهم ما اخرجش من الشقة
سعاد .. ايوة
قامت اميرة مسرعة وهى تقول
خلاص هطلع برا فى الصالة ،، وخرجت سريعا ولم تنتظر اجابة سعاد لكلامها
نظرت لباب المكتب من بعيد وهى تفكر فى الدخول
حسمت امرها واقتربت من الباب ودقت عليه بهدوء
ادهم ... ادخل
دخلت اميرة وتركت الباب مفتوح ورائها
نظر لها بغيظ
اميرة ... كنت عايزة اتكلم معاك شوية
ادهم بلا مبالاة ... مش فاضى
جلست اميرة امام مكتبه وهى تقول
طب كويس عشان عايزة اتكلم معاك براحتى
اتسعت نظرته بتعجب
انا قلت مش فاضى
ردت بعصبية ... اومال امتى هتفضى ،انا زهقت من العيشة دى
ومش لاقية اى سبب للى بيحصل ده كله ،،ومابقتش فاهمة اى حاجة
رد عليها بهدوء ما قبل العاصفة
مش مهم تفهمى ،، المهم تنفذى اللى بطلبه منك وبس
خبطت على المكتب بعنف مما جعله يرفع نظره لها بغضب
لاااااا انت لازم تفهمنى بقى ،، انت بتعمل كدا ليه،، وحابسنى ليه وبأى حق
اشتدت نظرته عليها بعنف
واشار لها باصبع يده ان تخرج
نظرت لطريقته فى التهرب من حديثها بغيظ وقالت
مش هخرج ،والنهاردة مش هسيبك غير لما اعرف فى ايه بالضبط
ادهم بحدة ... عايزة تعرفى
اميرة..... ايوة
ادهم .. عاجبنى الدور اللى انا بلعبه ،،السجان
ودورك بردوا عاجبنى اووى
وضحك بسخرية ،، البنت البريئة ،، اللى مغلوبة على امرها وعايشة تحت رحمة السجان
عاجبنى دور الضحية اللى انتى عايشاه اوى
نظرت له بألم ولم تصدق ما تسمعه منه وتراه
وقالت بألم ... انت مش طبيعى ،، انت انسان مريض
انا ازاى فى يوم من الايام فكرت انى
رد ادهم بخبث .. انك حبتينى ،، مش كدا
اجفلت من نبرته الساخرة التى كانت تألمها بداخلها بشدة
وقالت بحزن
على فكرة ،انا مش ندمانة انى فى يوم من الايام حسيت الاحساس ده على اد ما ندمانة انى كنت فكراك حاجة كبيرة اوى ،كنت شايفة فيك الاب والاخ والحبيب والصديق
واحساسى خانى لاول مرة فى حياتى
انا ازاى كنت شيفاك كدا ،،
ونظرت لها بقوة غريبة جعلته ينتبه جيداً لكلامها
من النهاردة يا ادهم انا مافيش بينى وبينك اى حاجة ،لا حب ولا حتى كره ،، انا عايزة امشى من هنا وابعد عنك وبس
قربك مابقاش يفرحنى بالعكس ،، بقى تقيل على قلبى
وو
اسرع اليها ووضع يده على فمها حتى لا تقول المزيد
نظر لها بنظرة حزينة ،،وقال بألم كان يضج من نظرته
بطلى بقى كلام ،،
انا ماعرفتش معنى الخوف فى حياتى الا لما قابلتك
قلبى مابقاش يوجعنى الا بسببك
مابقتش مركز فى اى حاجة فى حياتى ،وانتى السبب
عايزة تقولى ايه انك مابقتيش تحبينى
مش هصدقك ،، عايزة تسيبينى ماشى ،،بس انا مش هسيبك
ونظر لها بتحدى
هتبعدى عنى خطوة هقرب انا ميل
انتى دخلتى فى حياتى ولا يمكن تسيبيها الا لو انا مت
سقطت دمعة على اطراف يده الموضوعة على فمها
ابتعدت اميرة عنه وخرجت مسرعة من مكتبه حتى لا يرى ضعفها
تنهد بضيق وغضب وقال
فكرانى مبسوط من اللى بعمله ،، لو تعرفى انى بتعذب ادك مليون مرة يمكن اصعب عليكى
.............................
دخلت غرفتها وهى تبكى بشدة ،، مامعنى كلامه ؟؟
ايحبها ام يكرها ؟؟
ولكنها رأت ضعفه جيدا ،، مما جعل قلبها يرق له من جديد وكأن ما حدث لم يكن
الى متى ستستمر بهذا العذاب الى متى
.............................
احن قاسى
يقسو عليا حد الاختناق
ويأتينى بلهفة العشاق
يكون الداء وبلحظة يصبح الدواء
هل يستطيع تجميع قلبى مجدداً
الذى اصبح كالاشلاء
احن قاسى ......
...........................
بعد تفكير طويل اخذ منه عدت ساعات
خرج من مكتبه وهو يحسم امره ،، ونادى على سعاد
حتى اتت له
قال بحزم
قوليلها تجهز نفسها بكرا ،، عشان هتيجى معايا الشركة
وهتبقى سكرتيرتى ،، مش هى زهقت من القاعدة هنا
سعاد ... طب مش تسئلها الاول يمكن ماتوافقش
ادهم بحدة .... لا ده قرار نهائى مافيهوش نقاش
انا مش هسيبها هنا عشان فى اى فرصة تهرب
وخرج من الشقة نهائياً
.....................
قالت سعاد لاميرة ما قاله ادهم منذ قليل
واندهشت اميرة مما تسمع واعترضت
مش معقول ،، لا بجد كدا كتير اووى ،،
سعاد ... انا شايفة انك تهدى وتفكرى بعقل
والموضوع ده يمكن جه فى مصلحتك ،، مش يمكن تعرفى ايه السبب ورا اللى هو فيه ده
انتى ممكن ترفضى ،، بس هتضيعى من ايدك الفرصة دى
ومش هتتكرر تانى
اميرة وهى تشعر بالحيرة وبدأت تفكر فى كلام سعاد
يعنى انتى شايفة انى اوافق ؟؟
سعاد .. ايوة توافقى ،،وتبقى جانبه طول الوقت وتشوفى ايه اللى غيره كدا ،، واكيد هتعرفى مع الوقت وبالمرة تغيرى جو من حابستك دى
اميرة ... عندك حق انا لازم افكر فى الموضوع كويس قبل ما اقول لا
.........................
كان الوقت ليلاً عندما كان فى طريق الرجوع الى شقته
وكلما تذكر ما قالته يضرب مقود سيارته بغضب حتى اتاه اتصال هاتفى
شخصا من من رجاله بالخارج
ادهم .. الو
الرجل ... ايوة ياباشا
ادهم .. ها ،ايه اخر الاخبار
الرجل.... زى مانت كنت عايز بالضبط ،، كل شركائه سابوه وبقى مديون للبنوك هنا كمان مش فى مصر بس
ادهم .. عملت كل اللى قولتلك عليه
الرجل... بالضبط ياباشا ،، هو انا اقدر اخطى خطوة من غير تعليماتك يا ادهم بيه
ادهم ... ابقى شوف حسابك فى البنك بكرا ،يمكن زاد
الرجل بضحكة .. خيرك مغرقنى ياباشا
قفل ادهم الخط وقال بنبرة منتصرة
نهايتك قربت اوووى ،، بقالى سنين بهد فيك
عشان لما تقع فى ايدى اعصرك عصر ،، انت ماتعرفش ايه اللى مستنيك منى
............................
جلست اميرة تفكر جلياً فى هذا الامر
وقالت لنفسها
دى فرصة كويسة اووى ،ازاى كنت هرفضها بغبائي كدا
لو احترت خالص ومالقتش السبب الحقيقى ورا اللى بيعمله
هيبقى على الاقل عندى فرصة انى اهرب منه واسيبه
وشعرت بالحزن لهذه الخاطرة وتمنت ان لا تصل الى هذا الحد من اليأس
حتى سمعت صوت باب الشقة يفتح
فعلمت انه هو ،، قفلت نور الغرفة وخلدت للنوم
..........................
اتى الصباح واتى معه بعض الامل فى قلب اميرة بغداً افضل
انهى ادهم فطاره وهو يقول لسعاد
قولتيلها على موضوع امبارح يا دادة
سعاد ... ايوة
ادهم ...... وقالتلك ايه ؟؟؟
سعاد .. ما ردتش عليا ، قولتلها ومشيت
ادهم .. روحى ناديهالى
بعد عدة دقائق شرحت فيهم اميرة مخططها لسعاد
خرجت ورسمت على وجهها الغضب
لا مش هروح معاك
ادهم بهدوء .. ليه ؟؟
تصنعت الحيرة من الاجابة والتوتر
كدا ،، انا عايزة اقعد هنا
التزم بالهدوء ، لدرجة انها شكت انه كشف امرها
وقال مجدداً .... انا مش بستأذنك ،، ده موضوع مش قابل للنقاش
ونظر لها بخبث .... مش هتعرفى تفلتى منى فمتفكريش كتير
بلعت ريقها بارتباك
فهل كشف امرها بهذه السهولة ،هل وجهها مقروء بالنسبة له بهذا البساطة
راقب تعابير وجهها وقال بسخرية
حضرى نفسك ،،انا معنديش وقت
دخلت اميرة غرفتها ،واستعدت للذهاب ولكن قد قلت ثقتها بنفسها من ذكاء هذا الرجل
وخرجت معه وركبت سيارته وعلى وجهها الضيق
جلس بجانبها فى المقعد الخلفى
وقال وهو يتحاشى النظر لها وينظر امامه بثقة رجل قوى
انا فى الشغل مابحبش الدلع ،، يعنى هتشوفى شغلك على اكمل وجه ،، مافيش خطوة تخطيها الا واكون عارفها
والا هخليكى اضحوكة قدام كل اللى حواليكى
مش عايز كلام كتير مع حد السؤال على اد الجواب وبس
واى مخالفة للكلام ده انتى لوحدك اللى هتتحملى العواقب
اتسعت عينيها من الدهشة وقالت بعدم تصديق
انت بتتكلم جد ،
رد بحدة .. اومال بهزر ،، احنا مش رايحين سينما
التزمت بالصمت حتى لا ترد رد لاذع يضيع عليها فرصة الافراج عنها من سجن بيته ،، ولكن بداخلها تكاد تنفجر من الغيظ
*********************
إلي هنا ينتهي الفصل الثالث و العشرون من رواية اميرة بقلب سجان ج1 بقلم رحاب إبراهيم
تابع من هنا: جميع حلقات رواية اميرة بقلب سجان ج1
تابعوا صفحتنا على الفيس بوك للمزيد من الروايات والقصص
أو أرسل لنا رسالة مباشرة عبر الماسنجر باسم القصة التي تريدها
أو أرسل لنا رسالة مباشرة عبر الماسنجر باسم القصة التي تريدها
إرسال تعليق
يسعدنا تلقي اقتراحاتك أو تعليقك هنا