مرحباً بكم أصدقائي وأحبابي عاشقي القراءة والقصص والروايات حيث نغوص اليوم مع رواية رومانسية مصرية جديدة للكاتبة المميزة رحاب ابراهيم الشهيرة بروبا, وموعدنا اليوم علي موقع قصص 26 مع الفصل السابع و العشرون من رواية اميرة بقلب سجان ج1 بقلم رحاب إبراهيم.
رواية اميرة بقلب سجان ج1 بقلم رحاب إبراهيم - الفصل السابع و العشرون
تابع من هنا: تجميعة روايات رومانسية مصرية
 |
رواية اميرة بقلب سجان ج1 بقلم رحاب إبراهيم |
رواية اميرة بقلب سجان ج1 بقلم رحاب إبراهيم - الفصل السابع و العشرون
اااااااااااااااااادهم
كان الطقس يهدد بنزول المطر ،،والسما تسقط بعض قطرات المطر اللطيفة ،التى تتزايد مع كل دقيقة
كان يقفل باب غرفته المطل على الڤرندة فى ذلك الوقت ،،
حتى كاد ان يسقط قلبه من مكانه عندما سمع صوتها،،واتسعت عينيه بهلع وخوفاً عليها ،،
لم يشعر الا وهو بعد ثوانى كان بالاعلى ،،نظر حوله
ولمحها فى مواجهته يطل من عينيها الخوف ،،وذلك الاحمق مجدداً ،،، يعطيه ظهره
تحرك عصب فكيه بغضب خطر ،وزم شفتيه بشر ،،وقال بعنف
المرادى مش هتفلت منى ياقذر
تنفست أميرة الصعدا، عندما رأته ،،واطمئن قلبها ،،وهرولت اليه ،،وجذبها خلفه بقوة
استدار وليد إلى مصدر الصوت خلفه وهو يتعجب من استجابته الفورية من نجدتها كل مرة
ولكن لم يعطيه ادهم وقت حتى ليفكر ،،الكمه بقوة فى وجهه حتى اوقعه ارضاً ،،واسقطه بلكمات اخرى عنيفه ،،
حاول معها وليد ان يتفادى يده بكل الطرق ولكن ما من مفر من هذا الوحش الغاضب
وقال بغضب .. المرادى هموتك ،،مش هسيبك
واستمر ادهم فى ضربه بعنف حتى خرجت الدماء من وجه ،،حتى خلص نفسه من ادهم ،،وبكل جُبن مسك تابلوه الصورة الزجاجى الذى وضعه منذ ساعات على الروف ،،
وتحامى به ،وقال
لو جيت جانبى هكسر ده عليك
نظر ادهم بأحتقار له ،،وقال
بتتحامى فى حتت ازاز ياجبان ،
وركض اليه وقذفه بقدمه حتى سقط وليد على الارض وسقط عليه لوح الازاز مما جعل بقية جسده ينزف دماء اكثر
هرولت إليه اميرة بقلق ،،
ادهم ، ده هيموت منك يا ادهم ،، سيبه وربنا هينتقم منه
رد بحدة
اسيب كلب زى ده ازاااى ،،ده حتى الكلب انضف منه
اميرة وهى تنظر لوليد بأحتقار
مش معقول هتحصل مشكلة عشان حيوان زى ده
اقترب له ادهم وقال بتحذير عاصف
اقسم بالله ،،لو بس بصتلها مرة تانية لقتلك ،،
رد وليد بسخرية وهو يتحسس الجروح على وجهه
وانت محموق عليها اوى كدا ليه ،،انت مالك بيها اصلا
هى تقربلك ،،
منعته اميرة ان يتهور اكثر من ذلك وقالت له
ادهم ارجوك ،،هو مش هيقدر يعملى حاجة تانى
نظر ادهم له بعنف
واشار الى اميرة ..
دى بتاعتى ،،، شرفى ،،واللى بس يحاول يمس شرف ادهم سليم المهدى نهايته هتبقى على ايده ومش اى نهاية ،،
دى ابشع مما تتخيل ،، انا اللى منعنى دلوقتى ،انى مش عايز اعملها مشاكل ،،لكن اقسم بالله لو بأيدى لكنت موتك دلوقتى
ده شرفى وعرضى
مسحت اميرة دموعها بأبتسامة عاشقة ، وتنظر له بفخر
واكمل ادهم كلامه بعصبية،،
قوووم غوووور من قدااامى ، عشان لو فضلت دقيقة كمان
هطبق فى زمارة رقبتك ،،قووم يا قذرررر
قام وليد وهو يترنح ويبتلع ريقه بخوف ،،
فنظرة ادهم كفيلة ان تجعله يصدق تهديده ،،
ونزل للاسفل ،،،
وقفت وهى مبتلة بعض الشئ من مياه المطر ،،لم يدرك
هل هذه المياه على وجهها دموع ام بفعل الشتاء
ولكنها كانت تبكى ،ولكن فرحاً ،،تشعر انها تتطير من السعادة
وتتسع ابتسامتها اكثر ،،،،
كان يريد ان يعنفها ،يغضب ،يثور ،،
ولكن مهلاً ايها القلب ،، كيف اقاوم ابتسامتها هذه
فابتسامتها رفيقة القلب ،،
رفعت يديها لمياه المطر وكأنها تدعى ،،وتتسع ابتسامتها اكثر فاكثر ،،
حاول ان يخفى عشقه وقال بصوتاً جاد
مش قولتلك كدا ،، عشان تبقى تسمعى كلامى تانى ،،
ولكن كانت تتسع ابتسامتها مما افقده اى مقدرة على الانفعال
وقالت بمرح
عارفة انك هتقول عليا مجنونة ،،بس انا مش زعلانة من اللى حصل ،، انا مبسوووووووطة اووووووووى 😂 ،، ونطت من الفرحة
استدر ووقف موالياً ظهره لها وهو يخفى ابتسامته
ويقول بداخله ،،، طب ازعق ازاى انا دلوقتى 😂💔
قالت اميرة بضحك ...بطل ضحك وبصلى يا ادهم
ادهم بحزم .. انا مش بضحك
واستدار لها مجدداً ورسم على وجهه بعض الصلابة
قالت له برقة ... تعرف ،،، احلى احساس ممكن تحسه اى بنت اتجاه واحد ،،الامان ،،انها تحس انها حته منه ،تبقى شرفه وعرضه ،،يخاف عليها حتى من نفسه ،، ويتقى ربنا فى معاملته معاها
تساقطت كل قوة للمقاومة الان ،،كان على وشك ان يقول لها سبب تصرفته القاسية ولكن ،،كيف؟؟
لم يستمع الى صوت العقل ،،ورق قلبه ،،وانهارت كل حصونه
اقتطف وردة بيضاء من بعض اسارى الورود الملتفه حوله
ومررها على وجهها برقة ،،وقال
لو تعرفى ان كل اللى قولته نقطة فى بحر من اللى جوايا ،،
ابتسمت بخجل وبسعادة ... وقالت
ادهم ،هو انا شرفك وعرضك ؟؟
ابتسم بحب ... انتى كل حاجة ،،الحاجة الوحيدة الحلوة فى حياتى ،واجمل حاجة حصلتلى
دق قلبها كان كالطبول ،،
وقالت بضحك ... لا دنا لازم اشكر وليد بقى 😂
رد بمقت وعصبية ... نعم ياختى 😡 طب اشوفه بس بيبصلك
انا اقسمت بالله وده مش هزار
اميرة بضحك ... 😂😂😂😂
ادهم ... هتنزلى يعنى هتنزلى ودى مافيهاش نقاش
اميرة بنفس ابتسامتها ..😂😂😂😂
ادهم وهو يخفى ابتسامته ... شكلك اتهبلتى
اميرة ...اه 😂😂😂😂😂😂
ادهم .. هضررربك 😡
اميرة بابتسامة.. خلاص انا هنزل ابات مع ماما سعاد ،، من غير ضرب
ادهم .. طب يلااا
اميرة .. اتفضل يا ساعت الباشا 😂😂
....................
استيقظت جودى على صوت اتى من المطبخ ،، نظراً لقرب
غرفتها من المطبخ
تحركت من سريرها وهى تتثائب وخرجت ،،واتجهت للمطبخ
لتشهق من الفزع ،،وهرولت إليه
وووووووووليد ،، اايه اللى حصل
زفر بضيق وهو ينظر لها
ايه اللى صحاكى دلوقتى
اخذت بعض قطع القطن الموجودة امامه ،، وطهرتها بمطهر الجروح من علبة الاسعافات الاولية التى كانت امامه ويستخدمها ،،، وقالت برعب
ماتقول ايه اللى حصل وعمل فيك كدا ؟؟
اتت الجدة على صوت جودى
فى ايه يا جودى ، واتسعت عينيها بخضة من منظر وليد
فى اااايه ،، يا مصيبتى ،، اايه اللى حصل يا وليد
رمى وليد بقطعة القطن من يده بعصبية وهو يقول
ايه وقعت ،مابتحصلش
نظرت له الجدة فى ريبة وشك
وقعت !! وفى وقعة تعمل فيك كدا !! دانت زى ما تكون مضروب ضرب جامد
انفعل اكثر من حديث جدته وقال
انا محدش يقدر يضربنى ،،، انا وقعت على السلم وانا بجيب التابلوه
تعجبت جودى ... وهو حد قالك هاتوه ،، اومال كنت مطلعاه ليه ؟!!!
زاد الشك بداخل الجدة اكثر ،، وتحاملت على عصائها
ومشت ناحية باب شقتها
جودى ... رايحة فين يا تيته ؟؟
الجدة ... هشوف حاجة ورجعالك يا جودى ، خليكى انتى هنا
نظر لها وليد نظرة جانبية متوجسة
فتحت الجدة بمعافرة باب شقتها ..
ولكن تفاجئت بوجود ادهم مع اميرة ،، وهم على السلم
ويبدو على ادهم انه كان فى شجار ،،لوجود بعض بقع الدماء على ملابسه
الجدة ... حصل ايه يا ادهم ؟؟
لم يرد ادهم عليها والتزم الصمت ولكن وجهها يؤكد شكها
وجهت حديثها الى اميرة
فى ايه يا اميرة ،،ايه اللى حصل ؟
نظرت اميرة للجدة بحيرة واخيراً قالت
حصل يا تيته زى المرة اللى فاتت ،، ووليد
قاطعها ادهم بغضب ..ماتنطقيش اسمه
اكملت اميرة ...حصل زى المرة اللى فاتت بالضبط ،، لكن الحمد لله ادهم لحقنى
مسكت الجدة يد اميرة وجذبتها الى شقتها ،،مع اعتراض ادهم
ولكن الجدة قالت .. تعالى معايا انت كمان ،،فى حاجة كان لازم اعملها من المرة اللى فاتت
دخلت الشقة ومعها ادهم واميرة ،، ونادت على جودى
الجدة .. جووودى ،،، هاتى وليد وتعالى
خرجت جودى وورائها وليد ،،
ونظر وليد لهم بصدمة وبخجل
اقتربت منه الجدة وصفعته على وجهه ،
وتلقى صفعتها وهو ينكث رأسه
وبانت علامات الحيرة على وجه جودى ،،وهتفت
انا مش فاهمة حاجة ،،ياريت حد يفهمنى
روت لها الجدة ما حدث منذ فترة وتكرر اليوم
انصدمت جودى فى شقيقها وتذكرت شئ مر عليها
وقالت بحدة وبكاء
كلكم حيوانات ،، انت ازاااى تعمل كدا ،، انا مش مصدقة
اااانت يا وليد تعمل كدا
تكلمت الجدة بحزم ... اااطلع برا بيتى ،، مش عايزة اشوفك هنا تانى ، حتى خطوبة اختك مش هتحضرها ،،براااااا
خرج وليد مسرعاً من الشقة ،،
قال ادهم لاميرة ... يلا يا اميرة ،،مافيش داعى لوجودنا هنا اكتر من كدا قالت الجدة ... لا يا ادهم ، اميرة هتفضل هنا
نظر لها بغيظ ... نعم ؟؟!
اكملت الجدة بقوة ... اميرة هتفضل هنا ،،هتعيش معايا هنا
مش اصول تبات فى شقتك
رد عليها بغضب ... تعيش معاكى هنا ،،وتعامليها زى ماكنتى بتعامليها ،،وتبيتيها عند ماكس تحت ، الكلب بتاعى ،،صح
عمرى ما هسمح بحد يزلها ولا يزعلها تانى ابداااا
قالت بندم ... اظن انى قلتلك قبل كدا انى ندمانة على اللى حصل ،وكان سوء فهم لما اديتك العقد ،ولا ناسى
كتم غيظه وقال ... يلا يا اميرة
ردت اميرة بلطف ... ادهم ،،تيته عندها حق ،،
انصدم من جملتها وقال بلوم ... دلوقتى بقى تيته عندها حق ، مش دى اللى ذلتك ،،مش دى اللى كانت بتنيمك فى الجنينة ،،من غير لا اكل ولا شرب ،مش دى اللى كانت بتهينك ومش بتنيمك الليل ،،ولا انا غلطان وبفترى
تعجبت اميرة من معرفته بكل هذا ،،لم تصدق ان سعاد افشت بكل هذه الاشياء له
وقالت ...
انت عرفت الحاجات دى منين يا ادهم ،،انا ماحكتلكش على كل ده ،،مين اللى قالك ؟
ردت الجدة .. انا اللى قلتله يابنتى ،،لما اديته عقد الشغل اللى خليتك تمضى عليه و
قاطعها ادهم بعنف ... كفاية
اميرة ... كفاية ليه ، كملى يا تيته ؟؟
الجدة ... الضابط لما جالى هنا بعد ما نزلتك تحت فى الجنينة ،،كنت لسه بكرهك ،فقولت كلام يدينك ،ولما عرفت الحقيقة من سعاد اتصلت بادهم وحكيتله كل حاجة واديتله العقد وقولتله يتصرف وينقذك من الغرقة اللى حطيتك فيها
والله يابنتى ندمانة ولو بأيدى ارجع اللى فات هرجعه واصلح كل غلطاتى
حضنتها اميرة بحب ...احنا مش قلنا مافيش عياط تانى ،،وانا خلاص نسيت الموضوع ده
ونظرت لادهم ...انا هقعد هنا مع تيتة يا ادهم ،،ارجوك ماتزعلش ده الصح ،وده الوضع السليم
نظر لها بلوم وغضب وخرج من الشقة بانفعال
اقتربت جودى وهى منهارة من البكاء الى اميرة ،،وقالت
انا اسفة يا اميرة ،،احنا كلنا غلطنا فى حقك كتيرررر اوووى
مش عارفة هتسامحى مين ولا مين
ردت اميرة بهدوء .. انا سامحتكوا ،،انتى وتيته ،اما وليد
لو فعلا حس بالذنب وندم هسامحه ،غير كدا مستحيل
قالت جودى وهى تحضن اميرة ... انتى احلى واحسن اخت فى الدنيا ،، ياريتنى عرفتك من زمااان يا اميرة
قالت اميرة بابتسامة ..المهم اننا اتقابلنا ،، وهنفضل صحاب واخوات بجد
ابتسمت الجدة لمظهر الفتاتين ،،وقالت بمرح
طب ايه رأيكم ،اعملكوا رز بلبن دلوقتى ،ماعملتوش من سنين
ردت كلا من جودى واميرة بتعجب ... دلوووقتى
الجدة ..اه دلوقتى
وبعد فترة ،كانت اميرة وجودى يتبادلون الحديث مع الجدة وهى تحضر ما قالت عليه
اميرة .. كنتى ارتاحى انتى يا تيته ،،وكنت عملته انا
الجدة بحب ... لا يا حبيبتى دانتى ماتعرفيش انا حاسة بايه دلوقتى ،،دنا حاسة ان صحتى رجعتلى تانى
قبلتها اميرة من جبينها وقالت ... ربنا يباركلنا فى صحتك وفى عمرك يارب
ابتسمت لها الجدة بحب
جودى ... انا مش بعرف اعمل اكل 😖
ضحكت اميرة وقالت ...متخافيش انا وتيته هنعلمك
جودى بسعادة ... هييييه ،، يعنى هعرف هطبخ لمعتز وكدا
اميرة بضحك ... انتى خطيبك اسمه معتز ، بيفكرنى بحد كدا
جودى .. حد مين ؟؟
اميرة ... بصاحب ادهم ،، ودمه خفيف جدااا
جودى بضحكة عالية .... هوووووووووووو،
شاركتها اميرة فى الضحك ... لا بجد ،،على فكرة شكله محترم اووى رغم انه بيحب الهزار
جودى بخجل ..اومال انا بحبه من شوية
اميرة بغمزة ...لا ده الموضوع شكله كبير ،،ااااااحكيلى
جودى بخبث ... مش لما تحكيلى انتى الاول
توترت اميرة ... احكيلك على ايه ؟
جودى بضحكة ... على ادهم ، ده شكله بمووت فيكى ،،
ردت الجدة بمكر ...انا لاحظت ده من اليوم اللى اديتله فى العقد ،، لما عرف كنت بعاملك ازاى ،ده لولا انى ست كبيرة ،مش عارفة كان عمل ايه فيا
هتفت جودى بضحك ... يااااا تيته يااااجاااامد
الجدة بمرح..... بنت
ابتسمت اميرة بخجل من كلامهم
جودى بضحك ... اميرة اتكسفت ياااتيته ،،يبقى هى كمان بتحبه 😂
.....................
اخذت جودى اميرة ودخلوا الى غرفتها ،، وقالت بابتسامة
هتباتى معايا هنا ،،غصب عنك
ردت اميرة بابتسامة واسعة ... خلاص ماشى
تحركت جودى ناحية النافذة لتقفل الستارة وبعدها تطفى الاضاءة ولكن هتفت بمرح وصريخ
ااااااااااميرة ، عااااااااااا 😂😂
استدارت اميرة بخضة .. مااااللك
ادهم اهوووووو ،قاعد فى الجنينة
ركضت اميرة الى النافذة ،،وابتسمت عندما رأته يجلس وامامه ماكس بجانب شجرة امام نافذة جودى
جودى ... روووووووميو 😂😂
سمع ادهم صريخ جودى ونظر لها بغيظ من الاسفل
وهى اخرجت له لسانها تغيظه اكثر 😛
ضحكت اميرة مع بعض الغيرة من طريقتهم
ابتعدت جودى عن النافذة وجلست على سريرها وهى تنفجر من الضحك
اتصل ادهم بمعتز عبر هاتفه
ادهم ... الو
معتز .. الو 😊
ادهم بعصبية ... لو ما بعدتش خطيبتك عن خطيبتى هسيب ماكس عليها
معتز ...نعم 😡 ماكس مين اللى تسيبه عليها دنا اروح فيك فى داهية 😈
ادهم ...خطيبتك واخدة اميرة عندها وبتغيظنى وبتطلعلى لسانها 😶
معتز .... بتطلع لسانها لحد غيرى 😡 دنا هنفخها ،جاااااايلك
تبادل ادهم النظرات مع اميرة
واميرة مرة تضحك ومرة تبتسم ومرة اخرى تخجل من نظرته
المحبه
واشار لها بتوعد مما سيعاقبها به غدا فى الشركة
مما جعلها تضحك عالياً ،، اخذ وردة من ازهار تلجنينة وربطها بحجارة صغيرة ،وكاد ان يقذف بها الى النافذة حتى التقطها معتز من خلفه
اميرة .... عااااااااااااااا 😂😂😂 جووووودى 😂
معتزززززز يا جووووودى اااااااالحقى 😂
ركضت جودى بصدمة الى النافذة وقهقهت من الضحك على منظر معتز بالترنج ذاته التى رأته به اول مرة
استدار ادهم لمعتز بغيظ ،،
هات الوردة
معتز بتصميم .. لا دى بتاعتى ،،وبعدين فين خطيبتى يا كداااب 😡
ادهم ... ايه واقفة فوق يا احول ،جنب اميرة
نظر ادهم عالياً ،، وابتسم بهيام عندما رأى جودى
معتز ... اه ،،اااهى 😊 وسع كدا 😊
ادهم بغيظ ... هو انا جايبك عشان تقعد تحب
ولكن معتز كان بعالم اخر ،، وقرب الوردة من قلبه بشكل اضحك اميرة وجودى بقهقهة
وكاد ان يقذف بها من النافذة هو الاخر ،ولكن الحجارة التى كانت مربوطة بالوردة وقعت على وجهه
ادهم بضحك .. ههههههههههههه احسن 😂😂
ادى اخرة اللى ياخد حاجة غيره 😂
اميرة وجودى اعينهم ادمعت من الضحك
معتز بتكشيرة وهو يتفقد وجهه ،،
انا اتعورت يا ادهم ،،
ادهم بسخرية ... ووشك كله دم ،، غووور بقى
معتز ... اغووور اايه ،دنا مصدقت 😇
جوداااااااااااااى ،،
سحبه ادهم من ذراعه بقوة ،،معنفاً
انت اتهبلت ،عايز تفضحنا ،،ماتسكت خلينا نشوف حل عشان نعرف نكلمهم
معتز .. فكر انت ،انا مش عارف افكر 😊.
ادهم بضحك ... ده العادى بتاعك 😄
ادهم ... انت معاك موبايلك
معتز ..اه
طب اتصل على خطيبتك ،وخليها تدينى اميرة ،،
اتصل معتز على جودى ..
ردت جودى على هاتفها ،،
جودى بضحك ..الووو
معتز بتنهيدة مضحكة ... الووووهين تلاته 😇
جودى ... ههههههههههههه
معتز .. كمان مرة معلش 😊
جودى .. كمان مرة ايه ؟
معتز ... هههههههههههههههه كدا 😊
قهقهت جودى من الضحك ،،،
خطف ادهم الهاتف من معتز وقال ،،
ادينى اميرة
قالت تستفزه .. لاااا 😛
ادهم بغيظ ... هتدينى اميرة ،،ولا اخلى ماكس يعض خطيبك
جودى .. لا خلاااص 😞 خد اهى معااك
اميرة وهى تكتم ضحكتها ،،اخذت الهاتف من يد جودى
اميرة .. الووو
ادهم .. بقى بتخالفى كلامى وهتباتى عندك ،ماااشى
لا وبتغظينى انتى وصحبتك كمان
اميرة بضحك ... اه بغيظك
ادهم ... خلاااص حضرى نفسك لعقاب بكرا ,, انتى اللى جبتيه لنفسك
اميرة .. ههون عليك
ابتسم ادهم ،،واستدار لجهة اخرى حتى لا ترى ابتسامته
نظر معتز له بغيظ وقال بصوتاً عالى
بيضحكككككككككككك ،، ومش عايزك تشوفيه
اقترب ادهم من معتز بغيظ ، وخطف معتز من يده الهاتف مجدداً
معتز .. ادينى جودى يا اميرة يابنتى 😊
ادهم بحدة .. اميرة مين ياخويا 😈 ،،هى بنت اختك
اعطت اميرة الهاتف لجودى التى لم تتوقف من الضحك
جودى .. الو
معتز .. لله لله
جودى ..اسرح
معتز بسرحان .. لله لله
جودى بضحك .. روح
معتز .. لله لله ،،
ادهم بضحك ... اه يا شحاتين الغرام انت وخطيبتك 😂😂😂
واشار لاميرة بتوعد حتى الغد 😂😂😈
.........................
فى اليوم التالى ..
استيقظت اميرة ،والغريب ان الابتسامة لم تفارق محياها حتى وهى نائمة
واستعدت للنزول ،، بعد تصميم الجدة على افطارها
فتحت الباب لتلتقى بوجهه ،،فبانت ضحكة مرحة على وجهها تلقائياً
دخلت المصعد سريعاً حتى تتلاشى كلامه وغيظه
دخل معها ،، واستمر ينظر لها بغيظ
مما بالكاد جعلها تكتم ضحكاتها ،،
وطول طريق السير وهو ينظر لها بتوعد ،، واخيراً قال عند النزول
اتفضلى ،اتفضلى ،دانتى هتتروقى النهاردة
نزلت اميرة بثقة ،،ولم تلقى بالاً لحديثه مما استفزه اكثر
وصل امام مكتبه ،وقال لامل
ادهم ... امل ،، تقدرى تاخدى اجازة من دلوقتى ، اميرة فهمت الشغل
شهقت اميرة من الصدمة ،،وجزت على اسنانها بغيظ
ردت امل بفرحة ولكن مع بعض التعجب .. بجد ،بس دى لسه تانى يوم ليها ،،ازااى ؟؟
ادهم ... ده أمر يا امل ،، انتى واخدة اجازة من النهاردة ،،
امل باستسلام .. خلاص يا فندم تمام
دخل مكتبه وعلى وجهه ابتسامة منتصرة
نظرت امل لاميرة بحيرة
امل .. ده امر يا اميرة ،انا ما اقدرش اعترض
اميرة بقلق .. بس انا مافهمتش الشغل كله ،مين اللى هيفهمونى ،،
امل .. بصى انا ايميلى موجودة هنا على الكمبيوتر ورقم فونى كمان ،،اى حاجة تقف معاكى اتصلى ليا فوراً ،، وانا هحلهالك وانا فى البيت ،ماتقلقيش
اطمئنت اميرة بعض الشئ ،،
اكملت امل ... وهو اكيد عارف ده ،فلو غلطتى فحاجة مش هيكلمك لان دى اوامره ،،وهو برده هيعرفك وهيساعدك
بس انا مش عارفة هو عمل كدا ليه ؟
تهربت اميرة من السؤال ،،
طب قبل ما تمشى قوليلى اعمل ايه ،،
امل .. بصى النهاردة مافيش شغل كتير على الكمبيوتر ،،
بصى فى ترتيب الملفات بالحروف وتنسيقها ، عشان ساعات مستر ادهم بياخد ملفات بنفسه وبيحطها فى اماكن غير اماكنها ،،فلازم حد يبقى متابع عشان مايحصلش لغبطة
اميرة .. خلاص ماشى
امل... هو مش صعب ،بس الشغل ده مجهد شوية ،،وفى بردوا شوية تقارير هنا محتاجة تظبيط
ونظرت لاميرة بشفقة .. والله يا اميرة كنت هخلص الشغل ده معاكى وماكنتش اعرف انه هيدينى اجازتى من اول النهاردة
انا اتفاجئت زى زيك
اميرة .. ولا يهمك يا امل ،،بس بالله عليكى لو اتصلت بيكى رد عليا على طول ومتغبيش
امل ... حاضر ، ااكيد طبعاً ،،
انصرفت امل من العمل بعد نص ساعة
جلست اميرة لمدة ٣ ساعات ترتب فى مكتبة الملفات مما جعلها تتعب ،، غير انه لزمها بلعض العمل ايضاً
جلست وهى متعبة ،، وقالت
لسه فاضلى ملفات تااانى هخلصها ،،وياعالم هيطلب منى ايه تانى
دخل احدى الرجال ،،ويبدوا عليه ذات اهمية ،،وطلب الدخول الى ادهم
دخلت اميرة الى ادهم لتخبره ،،
قال لها بهدوء متسلى
على ما اخلص مع العميل تكونى خلصتى الملفات دى
قدامك ساعة
اميرة بتعجب ودهشة .. ساعة بس ،،انا ورايا شغل تانى كتير
ادهم .. اه ساعة ،،وتكونى خلصتيهم
عشان تشوفى اللى وراكى بعد كدا
اميرة بتفاجئ .. هو لسه فيه بعد كدا ؟؟
ادهم .. اااكيد ،، ده هم ما يتلم ،، وشوفى المواعيد والتقارير اللى عندك ورتبيهم
اميرة بعصبية .. وايه كمان
ادهم ...لما تخلصى دول هبقى اقولك
دخل العميل المكتب ،،،بينما هى ،،
خرجت من المكتب وهى تستشيط من الغيظ
ودفعت بالملفات التى بين يديها على مكتبها بعصبية
وهى تقول
حراام عليك يا شيخ ،،دى كلها ملفات هخلصها ،،دانت مفترى 😥
ونظرت للملفات بغيظ
وبدأت بالعمل بهم
وبعد انقضاء الساعة المحددة
نظرت اميرة بتوتر لساعتها ،، وقالت بقلق
فاضلى ملفين والساعة خلصت 😢
خرج العميل من مكتب ادهم ،،ووقف ادهم على باب مكتبه بثقة وهو يضع يديه بجيوب بنطاله وقال بصوت استفزها
ها خلصتى
ضيقت نظرتها عليه واتى فى خاطرها شئ جعلها تضحك
تعجب من ضحكتها ودخل مكتبه ثانية
جمعت اميرة كل الملفات ودخلت بهم الى مكتبه
اميرة .. خد
ادهم ... اسمها اتفضل مش خد
وبدأ يفتح الملفات ليرى ماذا فعلت
اتسعت عينيه بدهشة وهو يقرا ما تحتويه ورقة فى مقدمة الملف الاول ،،وكان كالاتى
ايدى وجعتنى يامفترى ياللى ماتعرفش ربنا
والله العظيم منا كاتبة حاجة تانى النهاردة
ياااارب القهوة تندلق عليك لو خلتنى اكتب حاجة تانى 😭😭
رمى الورقة ووقف مسرعا
ولكن هى هرولت من امامه بسرعة ايضا وقفلت المكتب ورائها
جلست امام مكتبها وهى غارقة فى الضحك وتترقب باب المكتب بقلق ،، وترجع لابتسامتها مجدداً
والله لهدخلك مستشفى المجانين يا ادهم
جلس هو الاخر على مكتبه وتحولت تعابير وجهه من الغضب الى الضحك الذى حاول ان يتحكم به ولم يستطع
يعنى اروح اهزئها ولا اعمل ايه دلوقتى 😂😂
دخلت نادين ووقفت امام اميرة بدهشة ،،ونظرت لها بأحتقار من اعلاها لأسفلها
انتى ايه اللى جابك هنا
*********************
إلي هنا ينتهي الفصل السابع و العشرون من رواية اميرة بقلب سجان ج1 بقلم رحاب إبراهيم
تابع من هنا: جميع حلقات رواية اميرة بقلب سجان ج1
تابعوا صفحتنا على الفيس بوك للمزيد من الروايات والقصص
أو أرسل لنا رسالة مباشرة عبر الماسنجر باسم القصة التي تريدها
أو أرسل لنا رسالة مباشرة عبر الماسنجر باسم القصة التي تريدها
إرسال تعليق
يسعدنا تلقي اقتراحاتك أو تعليقك هنا