مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة هاجر عبدالحليم علي موقعنا قصص 26 و موعدنا اليوم مع الفصل الرابع من الجزء الثاني من رواية اختلاف القلوب وتحدى القدر بقلم هاجر عبدالحليم.
رواية اختلاف القلوب وتحدى القدر بقلم هاجر عبدالحليم (ج2) - الفصل الرابع
تابع من هنا: الجزء الأول من رواية اختلاف القلوب وتحدي القدر بقلم هاجر عبدالحليم
 |
| رواية اختلاف القلوب وتحدى القدر بقلم هاجر عبدالحليم (ج2) |
رواية اختلاف القلوب وتحدى القدر بقلم هاجر عبدالحليم (ج2) - الفصل الرابع
اسر بعصبية:يعنى ايه راحت؟! فهمنى قولى...ازاى تعمل كدة من غير متعرفنى..ليه مليش حق عليها فاكرانى مش هعرف اهد الشركة ع دماغها ودماغ اللى يتشددلها..فاكرانى مش هعرف اجيبها من شعرها ولا يهمنى
المتصل:ياباشا اللى عرفته انه خلاص هى راحت وقعدت مع الملحن واتفقت معاه ع كل التفاصيل بخصوص البومها الجديد..بيقولوا ان معتز هيقدمها بشكل مختلف هيخلى الكل ملوش كلام غير عليها..دة عامل حسابه انه بمجرد م الاغنية بتاعتها هتتعرض ع السوشيال ميديا هتجيب ارباح دة غير نسب المشاهدة
اسر بغيرة:ف حاجة تانى عرفتها؟!
المتصل:ايوة هما خلاص هيشتغلوا ع البومها الجديد وهتروح كل يوم علشان تعمل كذا بروفة بعد كدة تصوير الكليب
اسر بهدوء عكس النار اللى جواه
تمام..تمام اوى..حلوة اللعبة دى..اقفل انت ولو ف جديد كلمنى
المتصل:انا تحت امرك يااسر بيه
ف العربية
اسر:الو
عدلية:ايوة يبنى..ازيك وازى اهلك كلهم؟!
اسر:مش كويس خالص ياطنط بنتك هتموتنى قريب
عدلية:ليه بس كفلة الشر؟!
اسر:انتى متعرفيش هى عملت ايه؟!
عدلية بحزن:لا عارفة اميرة صاحبتها كلمتنى وقالتلى..انا خايفة البت تضيع منى يااسر..دى لسة صغيرة ومش فاهمة حاجة...كل اللى بتعمله دة من باب العند وبس...هى عمرها مفكرت ف الموضوع دة ابدا معرفش جه ف دماغها ليه؟! ميار لسة بتتعلم وانا كل اللى يهمنى شهادتها واللى داخلة عليه كلام فارغ واللى هى عايزاه دة مفيش حد هيوافق عليه..الكلام دة مش بتاعنا ولا اتربينا عليه
اسر:ميار مسؤليتى ومش هسمح لحد انه يستغلها لمصالحه الشخصيه ومش هسمح انها تضيع نفسها حتى لو استخدمت معاها العنف..انا عارف انى السبب ف كل اللى بيحصل دة..بس قولتلها انى مكنتش ف وعيه..هى ليه مش عايزة تقدر دة..بصى ياطنط انا ف العربية وف طريقى لعندكوا
عدلية:ماشى يبنى انا مستنياك
ف بيت ميار
ميار بعصبية:ف ايه بس ياماما..دى حياتى وانا حرة فيها..اعمل اللى انا عايزاه
عدلية:اتكلمى كويس..انتى مش بتكلمى واحدة صاحبتك
وبعدين انتى بتعملى حاجة غلط..يبقى اسيبك ازاى
ميار ببرود:وانتى مين قالك انى بعمل حاجة غلط..اللى ليه عندى حاجة ييجى ياخدها..واللى ييجى يقولى انت بتعملى حاجة غلط..احط صباعى ف عنيه الاتنين ولا يهمنى
عدلية بصدمة:مش مصدقة انى اللى واقفة قدامى دى ميار بنتى...ف ايه بس يابنت بطنى..ايه اللى حصلك..ليه دة كله
ميار:يووووه ياماما..ايه جو الدراما الرخيصة دى...انا كويسة والموضوع بسيط مش محتاج التعقيد دة كله..حبيتى انا هشتغل مطربة مع ملحنين كبار اوى..بنتك هتبقى مشهورة هاخدك ونعيش ف قصر ويبقى معانا عربية وكل شهر نغيرها وخدم وحشم هنقب ع وش الدنيا
عدلية:اى حاجة تيجى من مال حرام تغور مش عايزاها اهم حاجة الستر والصحة والحمد لله مفيش احسن من كدة
ميار:مش هتفهمينى ابدا ياماما
طق طق
ميار:خليكى انا رايحة افتح
وراحت فتحت لقت اسر واقف وساند جسمه ع الحيطة
ميار ع الرغم من انها حست احساس غريب لما شافته وجسمها اترعش لمجرد عنيه جت ف عنيها بس قدرت ترسم البرود ع ملامحها
ميار:نعم
اسر:وحشتينى
ميار:لا والله..ايه الرخامة اللى ع الصبح دى..اوف
جت تقفل بس هو حط رجله ع الباب ودخل الشقة
اسر: هو انتى متعلمتيش انه عيب يكون حد واقف وتقفلى الباب ف وشه؟!
ميار:لا متعلمتلش اصلى انا قليلة الادب لا انا مشوفتش ادب اصلا..ف اتكل من هنا احسلك بدل م فتح عليك قاموس شتايم ملهاش اول من اخر
عدلية بعصبية:بت انتى احترمى نفسك بدل ماجى الطشك قلمين..ايه اللى بتقوليه دة
اسر:سيبيها ياطنط...معلش ممكن تعمليلى كباية شاى من ايديكى الحلوة
عدلية بصت ع ميار ومشيت ف طريقها للمطبخ علشان تسيبهم ياخدوا راحتهم ف الكلام
اسر:كنتى بتقولى ايه بقا ياموزتى؟!
ميار:موزتك!! انت شارب ايه قبل متيجى هنا؟!
اسر:ولا اى حاجة..انا بس مزاجى رايق حبتين..وانتى بطريقتك دى هتخلى مزاجى يقلب
ميار:طب م يقلب وانا مالى..ياكش تت
اسر بتحذير:ميار قبل متقولى اى كلمة ياريت تعرفى رايحة فين وجاية منين
ميار:ليه ان شاء الله هو انا هنسبها؟! انت جاى ليه؟!
اسر:علشان اخدك ..كفايا كدة اظن
ميار بعند:لا مش كفايا كدة..انا مش هرجع معاك
اسر:ليه العند مش فاهم..هتيجى معايا بالذوق ولا اخدك بالعافية
ميار:اللى عندك جيبه..ميهمنيش
اسر:انتى اللى قولتى
اسر شال ميار بين دراعاته وبصلها بمكر وعلى صوته وقال:معلش ياطنط..انا همشى علشان متاخر..متقلقيش ع ميار اهى معايا
ميار بطفولة وهى بتحرك رجليها ف الهوا:نزلنى يابارد ايه هو مفيش كرامة خالص..بقولك مش عايزة اروح معاك..اكلمك هندى علشان تفهم
اسر:اثبتى ياهبلة انتى..علشان مش هنزلك الا ف العربية
ميار: انت رخم ياماما تعالى قوليلوا ينزلنى مش عايزة اروح معاه
عدلية خرجت وقالت:خد بالك منها يبنى بالله عليك..ميار طيبة هى بس عندها لسان طويل شوية عايز يتقص
اسر ضحك وقال:سيبيلى انا المهمة دى..وانا هعيد تربية البت دى من جديد
ميار بصدمة:هو انتوا عملين روبطية عليا..حتى انتى ياماما
اسر:عن اذنك ياماما
وخدها فعلا وقعدها ف العربية
ميار عمالة تخبط ع ازاز العربية وبتقول:افتح العربية خلينى انزل
اسر بعند:لا
ميار بعصبية:مش بحب الطريقة دى ف التعامل...حسن اسلوبك شوية
اسر:اضربى راسك ف الحيط
اسر طلع بالعربية ب اقصى سرعة عنده
ميار بخوف:اسر براحة مش كدة..هنعمل حادثة بالله عليك براحة
اسر:اسكتى علشان اهدى السرعة
ميار:لا
اسر سرع العربية اكتر
ميار:وحيات ربنا يااسر لو موقفتش العربية لهفتحها ونط منها..انا مجنونة واعملها
اسر:ورينى جنانك علشان عايز اشوفه
ميار قربت منه وخنقته وقالت:ااااااه حيوان
اسر بصريخ:يابنت المجنونة..هنعمل حادثة اوعى سيبينى مش شايف حاجة..يانهار ابيض عربية ف وشى..اوعى بقا
ميار بخوف دفنت راسها ف صدره وقالت:فين..وقف العربية بقا حرام عليك كفايا
اسر كان بيمثل عليها فلما شاف خوفها دة قربها منه وخلاها تبص ف عنيه وقال:اول مرة اعرف انك شرسة وعنيدة كدة
ميار:لا ياشيخ
اسر تنهد تنهيدة تعب وقال:ميار ممكن تعقلى ونتكلم بهدوء واوعدك اى قرار هتاخديه هكون معاكى فيه..بس نتكلم بشوية عقل
ميار بحب:هو انت خليت فيا عقل..دة انت لحسته ع الاخر
اسر بعد عنها ب احراج وكمل طريقه
ميار:انا عايزة اغنى
اسر:طب متغنى هو انا ماسك بقك وانا معرفش
ميار فعلا حطت راسها ع الكرسى وغمضت عينها وبدات تغنى
كل يومين يبعد ويسيبنى
اكمنى بحبه بيحسبنى
هفضل كدة سايباه يعذبنى
وينسى هوايا
يبعد عنى وانادى عليه
واللى نبات فيه بنصبح فيه
هفضل امتى انا كدة هنادية
ياقلبى كفايا
انا مليت اتعب واتحمل واعمل عاقلة
انا ع الحال دة معاه بصراحة مش متفاءلة
وعايزنى اسال عنه الاول طب مش ساءلة
اسر:هو الكلام دة لمين؟!
ميار وهى لسة مغمضة عنيها:اسالها هى وانا مالى
اسر:اسال مين؟!
ميار:نانسى عجرم
اسر:ههههههههههههههه..مجنونة بالثلت والله
ميار:تشكر ياكبير
عند مروة
مروة بعصبية:طب دة اسميه ايه ونبى؟! دة هينقطنى بجد..اوف..انا همشى..ومش عايزة حد يييجى ورايا علشان هو خلاص جاب اخره معايا
بتمشى ب اقصى سرعة ليها مخدتش بالها من العربية اللى ماشية ف كانت هتخطبها لولا انه فرمل ف اللحظة الاخيرة بس مروة من الخضة وقعت ف الارض بس وقعة جامدة حبتين
ياترى مين اللى خبطها؟!
ف القسم
رعد قاعد ف المكتب سرحان ومش مركز خالص ف الاوراق اللى قدامه
فلاش باك
ف المستشفى
رعد:هى فين
الدكتور:اتفضل معايا يارعد باشا
ف اوضة سراب
سراب قاعدة وعنيها ع نقطة سواء ف الحيطة اللى وشها وسرحانة ومش حاسة ب اى حاجة
الدكتور دخل هو ورعد اللى حمحم علشان سراب تاخد بالها
وفعلا بصتله بصة سريعة ورجعت زى م كانت
رعد:هو انا ممكن اقعد معاها لوحدى
الدكتور:ايوة ممكن بس بلاش تضغط عليها ف الكلام علشان حالتها لسة مش مستقرة
رعد:تمام
راح وقعد جمبها وقال:سراب مش كدة؟!
سراب شاورت براسها ب اة
رعد:اكيد تعرفينى صح؟!
سراب عملت نفس الحركة
رعد:طيب ف الاول كدة لازم تعرفى ان انا معاكى مش ضدك..وانا اللى ماسك القضية بتاعتك مش الظابط اللى حقق معاكى اول مرة..لو عندك اى معلومة مهما كانت بسيطة ياربت تقوليها
سراب بصتله وقالت:انا مظلومة
رعد:عارف
سراب بدهشة:عارف..اومال انتوا عايزين تحبسونى ليه؟!
رعد:علشان لسة مش قادرين نستوعب انك مظلومة انا الوحيد اللى عارف كدة لكن غيرى لا
سراب:اشمعنى انت بس اللى عارف؟!
رعد:مش عارف
سراب:يعنى ايه؟!
رعد:بصى ياسراب انا عايزك تحكيلى كل حاجة حصلت معاكى
سراب بتعب:مش عايزة افتكر اى حاجة..انا عايزة ارجع لاهلى وبس
رعد:هرجعك ل اهلك دة وعد منى ليكى بس اعرف ايه اللى حصلك ولو اتكلمتى معايا بصراحة هوعدك ملفك اللى ف الاداب مش هيبقى موجود..ومش هييقى فيه قضيه من الاساس
سراب حست ان ف امل ترجع طبيعية زى م كانت وقالت:هحكيلك..بس مش دلوقتى..وكمان هعرفك كل حاجة بخصوص مافيا تجارة الاعضاء...انا اعرف البوس الكبير
رعد بصدمة:بجد..تعرفيه
سراب:ايوة..هقولك لما اخرج من المستشفى
رعد:لا انا هجيلك بعد كام يوم ولو قدرتى تقولى اى حاجة تفيدنى ف القضية دى بجد انتى كدة ساعدتينى وليكى عندى مكفاه كبيرة اوى دة غير رجوعك ل اهلك
سراب ب ابتسامة رقيقة:ان شاء الله
باك
رعد مسك تليفونه ورن ع الدكتور قاله انها حالتها استقرت هو قال انه هيجيبها ويوديها القسم علشان يحقق معاها.وفعلا راح علشان يجيبها وكان طول اليوم دة مشغول جدا
ف قصر الرملى
عند اميرة وريان
ريان:جهزتى الشنطة
اميرة:ايوة خلاص كل حاجة جاهزة اهى ف الشنطة
ريان خد منها الشنطة وقال:تمام..انا هنزل اقعد شوية تحت وانتى اجهزى وحصلينى
اميرة:حاضر
تحت ف الصالة
ثريا حضنت ريان وقالت:تروح وترجع بسلامة يبنى
ريان باس راسها وقال:ادعيلى ياست الكل
ثريا:بدعيلك يبنى من غير حاجة
ريان:اومال بابا فين؟!
ثريا بحزن:ف الشغل يبنى..كان نفسى تودعه قبل متسافر
ريان:خلاص ابقى اتكلم معاه ف التليفون.بس بلغيه سلامى بالله عليكى
ثريا:حاضر يبنى
اميرة نزلت وودعت امها وثريا..ريان مسك ايدها وركبوا العربية ف طريقهم للمطار
ياترى ايه اللى هيحصل ف الرحلة دى؟!
ف المطار
اميرة قاعدة هى وريان مستنين رحلة الطيران..اميرة كانت بتفرك ف ايدها وبتمتم ب كلام مش مفهوم بالنسبة ل ريان
ريان:ايه يابنتى مالك؟! حسك خايفة قاعدة كدة مش ع بعضك..محسسانى هنروح نفجر الطيارة
اميرة بتوتر:اصل الصراحة انا خايفة اوى..ولو عرفت السبب مش بعيد تضحك عليا
ريان مسك ايدها وقال: عيب عليكى..انا مقدرش اضحك عليكى..طيب قوليلى انتى خايفة من ايه..وانا اوعدك هخفى الخوف دة من جواكى
اميرة:بخاف من الطيارة
ريان:ههههههههههههههه..بجد بتخافى من الطيارة هههههههههه ضحكتينى..دة انتى قلبك نونة خالص
اميرة بزعل:كدة ياريان ماشى خليك فاكرها بس...بقولك صح..انت كلمت اسر ولا محصلش بينكم كلام
ريان:ايه النقلة دى؟! ضيعنى اللحظة مننا..ع طول يتحبى النكد
اميرة:ها قولى حصل ...ولا محصلش
ريان: هقولك ياختى
فلاش باك
اسر وصل الفلة وكان معاه ميار لمحه ريان ورحله
ريان:صباحو فل
اسر بصله ومتكلمش مسك ايد ميار جاى يدخل الفلة بس ريان وقفه وقال:اسر انا مسافر وهقعد فترة طويلة ومش عايز امشى وانا حاسس انك شايل منى..فلو سمحت خلينا نتكلم وبعد كدة اعمل اللى يريحك
اسر:اطلعى فوق وانا هحصلك
ميار:حاضر
ومشيت ميار وهى بتدعى انه يحسن علاقته مع ريان علشان نفسيته تتحسن
اسر ببرود:نعم
ريان:طب افرد وشك دة.. خلينى اعرف اتكلم
اسر:عايز ايه ياريان..قول الكلمتين اللى عندك خلينى امشى
ريان:ع فكرة انا مش ناسى اللكمية اللى ختها منك ف المستشفى..ومردتش اردلك الضربة علشان مقدر وضعك.وقولت خليه يمكن النار اللى جواه تهدا
اسر:النار اللى جوايا مش هتهدا حتى لو موتك هو التمن
ريان:للدرجادى قلبك كله سواد من ناحيتى..انت ليه مش شايف الحلو من اللى حصل دة؟! ليه مصمم انك تمسك ف دور الضحية دة وع طول شايف نفسك فيه...تعرف انت كسبت ايه..كسبت واحدة لو قولتلها ارمى نفسك ف النار علشانى مش هتتردد لحظة
اسر ببرود:طب ابعد عنى بدل مديك علقة موت مش هتعرف تقوم بعديها
ريان:ياصبر ايوب.هو انت معندكش حاجة غير برودك وكلامك دة...صدقنى مش هياكلك عيش
ريان مسك كتف اسر وقال:افتح قلبك للى بتحبك وشوف حياتك معاها..انت لو اديتلها فرصة هتقدر تنسيك اميرة..واتمنى تقدر انها دلوقتى ع ذمة راجل..وياريت بلاش تدخلها ف اى حاجة تخصنا..واتعلم تسامح يااسر
انا ابن عمك ووارد المشاكل تحصل بس الموضوع خلاص انتهى.. انساه وابتدى حياتك من جديد..اميرة بتعزك اوى..وانا اكتر واحد عارف المعزة دى..لو حست بخنقة او وجع او هم ماليها هتجرى عليك انت بعديا..هتجرى ع اخوها وصديق طفولتها...لازم تحسسها انها مش لوحدها..انت معاها وسند وضهر ليها..انا ماشى وعايز لما ارجع ب اذن الله اشوفك وانت بتاخدنى بالاحضان..سلام يابرنس
مشى وساب اسر ف حيرة من امره تنهد بتعب ودخل الفلة
باك
اميرة:تفتكر كلام اثر فيه؟!
ريان:اتمنى..يلة علشان بينادوا
اميرة:يلة
ف الطيارة
اول م الطيارة طلعت اميرة غمضت عينها جامد ومسكت ايد ريان جامد وجرحت ايده بسبب غرز ضوافرها ف كف ايده من الوجع..بس ريان مكنش فارق معاه.. مسك ايدها وشد عليهم جامد وفضل يهمس ف ودانها بكلمات تطمنها شوية وحست انها عايزة تنام..ف غمضت عينها ونامت ع كتف ريان..فضل يتاملها بحب..بعد شوية نام هو كمان..لحد م وصلوا باريس..كان ف عربية مستنيهاهم..خدوهم وراحوا ع الشالية بتاع ريان..كان كله حراس..اميرة اعجبت جدا ب الشاليه دة..وهيشهد ع لحظات لا تنسى ف حياه اميرة وريان
عند مروة
اللى خبطها نزل بسرعة علشان يطمن عليها..واتصدم من اللى شافه
مراد:مروة
مروة:مراد...انت بتعمل ايه هنا؟!
مراد: كنت بصور ف العمارة دى..انتى اللى بتعملى ايه هنا
مروة:كنت باخد درس
مراد مد ايده ليها علشان يقومها هى مسكت ايده وقامت
مراد:اسف جدا يامروة..مشوفتكيش معلش..وانتى ابقى خدى بالك بعد كدة..متمشيش وخلاص
مروة بضيق:حاضر
مراد بهزار:الجميل ماله..اوعى يكون رعد ضايقك تانى؟!
مروة:ع طول بيضايقنى مفيش حاجة جديدة يعنى..كان متفق معايا يخرجنى يودينى شارع المعز ودلوقتى بعتلى رسالة بيقولى معلش مش هقدر اوديكى
مراد:معلش يامروة دة ظابط وطبيعة شغله صعبة المفروض تقدرى دة
مروة:ياعم المفروض عند المكوجى مش عندى انا..خلاص مش فارقة بس انا كنت هموت واروح شارع المعز
مراد سرح شوية وقال:تحبى اوديكى انا لو مش عايزة خلاص؟!
مروة بدهشة:بجد حابب تخرجنى
مراد شاور براسه ب اه
ميار سقفت بطفولة وعمالة تنط بفرحة هو استغربها بس ضحك ع رد فعلها وركبوا العربية ف طريقهم لشارع المعز
ف القسم
رعد:اقعدى ياسراب
سراب قعدت وقالت:تحب اتكلم
رعد:ياريت
سراب:انا اسمى سراب عندى 25 سنة معايا دبلوم تجارة عايشة ف حارة شعبية مع ابويا ومراته..عندى اخ واحد بس من بابا.. اصغر منى بسنتين بس اتوفا كان مع صحابه ف خروجة كدة بليل كانوا بيهرزا مع بعض ف واحد منهم زق اخويا ف البحر ووقع..قعدنا يومين مش مش عارفين نوصله بس ف واحد كلمنا وايدانا جثته المهم مرات ابويا فضلت تزعق فيا وشتمتنى وضربتنى حملتنى ذنب موته علشان هى مكنتش حبة انه يخرج وانا اللى اقنعت ابويا المهم ابويا خلانى امشى من البيت طردنى بمعنى اصح مكنش عايز يخسر مراته وخسر بنته قعدت مع صحبتى لمدة 4 ايام كان ممكن اقعد اكتر من كدة بس اهلها مستحملوش خرجت وانا مش عارفة اروح فين لقيت واحدة لابسة لبس كويس وباين عليها بنت ناس وقفتى وفضلت تتكلم معايا لحد م استريحت معاها ف الكلام ركبت معاها العربية حسيت بحد ايدانى حقنة محستش بنفسى غير وانا ف مخزن ومتقيدة بسلاسل من حديد ناس كدة شكلهم وحش فضلوا يضربونى وبعد كدة خدرونى علشان يودونى لواحد اسمه الملك
رعد بصدمة:الملك..انتى تعرفى الملك؟!
سراب:مشوفتوش غير مرة واحدة بس هو اليوم اللى اغتصبنى فيه وف مليون بنت غيرى منهم يتباعوا لناس عرب ف الخليج ومنهم بيتملوا للضعارة وانا كنت واحدة من دول..خدونى لوحدة اسمها ميسرة..مقعدتش غير يوم واحد بس بعد كدة قبضتوا ع كل اللى موجودين..والله ياباشا الراجل ملمسنيش اديلتله مخدر قبل ميلمسنى اكيد هتقولى المخدر جبته منين ف واحدة بنت حلال ادتلى المخدر ادتهوله ف الخمرة اللى شربها ونام محطش منطق وانا كنت تعبانة ف نمت مصحتش الا ع صوت البوليس..والله ياباشا دى الحقيقة
رعد:تمام..انتى عندك شهود ع كلامك دة؟!
سراب:ميسرة والبت اللى ادتنى المخدر تقدر تحقق معاهم وهما هيقولوا الحقيقة..انا خايفة ياباشا دول هيصفونى انا متاكدة
رعد:هيصفوكى ليه؟!
سراب:اصل سمعت الملك دة بيتكلم بخصوص شغله ف تجارة الاعضاء وشكلهم كدة عرفوا انى سمعت كل حاجة علشان ميسرة قالتلى دول كام يوم وهيقتلوكى..الملك دة شوفته واعرفه من مليون وش..واقدر اقولك كمان ع اسم المستشفى اللى بيجيبوا منها الضحايا.بس العوامة معرفش مكانها بس اعتقد عوامة ف الزمالك
رعد:انتى هتخرجى من هنا ياسراب؟!
سراب بفرحة:بجد ياباشا
رعد:ايوة بجد..مفيش عليكى اى حاجة خالص..تقرير الدكتور اللى كشف عليكى جى لصالحك انتى...بس لازم تبقى معايا..متسينيش لحظة لحد م نقبض ع الملك
سراب:ازاى ياباشا؟!
رعد:يعنى ايه ازاى؟!
سراب:اقصد يعنى هبقى معاك ازاى؟!
رعد:حاليا معرفش..بس كل اللى اعرفه انك هتبقى ف حمايتى لحد م نقبض ع الملك
سراب بخوف:تحت امرك ياباشا
ياترى رعد هيودى لسراب البيت؟! طب لو دة حصل؟! مروة رد فعلها ايه؟! وياترى رعد هيحب سراب ولا لا؟!
ف مكان ما
الملك:يعنى ايه الكلام دة..خرجت من القسم ازاى
شخص ما:الاخبار وصلتلى ان رعد الرملى خدها من القسم ووداها عنده القصر
الملك بزعيق:رعد رعد رعد...هو الظابط دة مش ناوى يجيبها لبر ولا ايه..دة عايز يتكسر وانا هكسره..مروة الرملى تتخطف وتبعته راسها ل رعد ولازم كل دة يتم ف خلال 24 ساعة وسراب دى تموت..كله لازم يموت...انا مش هقبل بالهزيمة من عيل..انت فاهم
الشخص:فاهم ياباشا
ف قصر الرملى
ثريا بصدمة:مين اللى معاك دى يارعد؟!
*********************
إلي هنا نتهي الفصل الرابع من رواية اختلاف القلوب وتحدى القدر بقلم هاجر عبدالحليم (ج2)
تابع من هنا: جميع حلقات الجزء الثاني من رواية اختلاف القلوب وتحدي القدر
تابع من هنا: جميع حلقات الجزء الثاني من رواية اختلاف القلوب وتحدي القدر
تابع من هنا: جميع فصول رواية عشق الزين الجزء الأول
تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها
أو أرسل لنا رسالة مباشرة عبر الماسنجر باسم القصة التي تريدها
اقرأ أيضا: رواية شهد الحياة بقلم زيزي محمد
إرسال تعليق
يسعدنا تلقي اقتراحاتك أو تعليقك هنا