مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة هاجر عبدالحليم علي موقعنا قصص 26 و موعدنا اليوم مع الفصل الخامس من الجزء الثاني من رواية اختلاف القلوب وتحدى القدر بقلم هاجر عبدالحليم.
رواية اختلاف القلوب وتحدى القدر بقلم هاجر عبدالحليم (ج2) - الفصل الخامس
تابع من هنا: الجزء الأول من رواية اختلاف القلوب وتحدي القدر بقلم هاجر عبدالحليم
 |
| رواية اختلاف القلوب وتحدى القدر بقلم هاجر عبدالحليم (ج2) |
رواية اختلاف القلوب وتحدى القدر بقلم هاجر عبدالحليم (ج2) - الفصل الخامس
رعد:دى سراب ياماما
ثريا:ايوة..مين يعنى سراب دى؟'
احمد:متقولنا يبنى جاى البيت ومعاك واحدة شكلها مش مريح ابدا؟! مين اللى معاك دى؟!
رعد بص ل سراب لقاها حطة وشها ف الارض ومكسوفة وحاسة بالذل وبالذنب علشان خلت رعد يتحط ف الموقف دة مع اهله
رعد:ماما..الموضوع يخض شغلى سراب شاهدة ف قضية مهمة عندى ف الشغل..وحياتها ف خطر لازم تبقى تحت عينى
ثريا:وملقتش غير بيتنا اللى تجيبها فيه..حد قالك انه ميتم..دى واحدة منعرفهاش الله اعلم ايه حكايتها..اش عرفك ممكن تخنقنا واحنا نايمين..او تاخد حاجة من القصر وتمشى
سراب بعياط:والله انا مش كدة.الحقيقة ياطنط انا
رعد مسكها من دراعها علشان تسكت ومتكملش
رعد:اختصار للوقت سراب هتقعد معانا ف القصر لحد م نقبض ع الملك ومش هسمح لحد انه يضايقها او يقولها اى كلمة تجرح مشاعرها او كرامتها وبالنسبة لمخاوفك احب اطمنك مفيش اى حاجة من دى هتحصل
احمد:طب هتفضل موجودة ف القصر لحد امتى؟!
رعد:هنحاول نقبض ع الملك..هو اكيد هيحاول يقتل سراب.هفتح عينى كويس اوى علشان اخليه يقع تحت ايدى وساعتها مش هرحمه
ثريا:الناس هتقول ايه يارعد..احنا كدة مش هنسلم من لسانهم..واحدة منعرفهاش ازاى تدخلها بيتنا وانت عارف فى رجالة
رعد سرح شوية وقال:خلاص هتجوزها علشان اقطع لسان اى حد يتكلم
احمد:ومروة يارعد؟! انت عارف لو عرفت بالى بتقوله دة هتعمل ايه؟!
رعد فعلا خاف ع مشاعر مروة وحس انه مش هيستحمل يشوفها زعلانة بس هو لازم يعمل كدة..مش هيقبل انه سراب تعيش الحياه اللى عاشتها من تانى..حس ان سراب دى مسؤليته..ومش هيسمح لحد انه ياذيها
سراب بصتله بصدمة ومش عارفة هو ناوية ع ايه..وليه قال كدة..جت تتكلم بس رعد شد ع دراعها جامد..فهى عرفت هو عايز ايه.فسكتت وسايبه الدنيا تمشى زى ربنا م رتبها
رعد:انا هتصرف معاها
احمد بعصبية:خلاص يارعد فرصك خلصت خلاص...الله ف السما م هتطول ضفر بنتى بعد اللى حصل دة..عايز تتتجوز اتجوز محدش هيمنعك..وملكش دعوة ب بنتى بعد انهردة خلاص هى مبقتش ليك..وانا هختارلها زين الرجال..والله لو شوفتك معدى بس من جنبها ساعتها انا اللى هقفلك
رعد:ايه الكلام دة ياعمى؟! انت بتقول ايه؟!
احمد:اللى سمعته يارعد ومش عايز كلام فى تانى
ف اوضة اية
اسد:خليكى انتى..وانا هنزل اشوف ف ايه؟!
اية:طب خلينى انزل معاك
اسد بغيرة:لا متنزليش علشان رعد تحت..لما يبقى ف الشغل ابقى انزلى براحتك
اية:بتغير
اسد:لو مغيرتش ابقى واحد مش تمام
اية حضنته من رقبته وقالت:فشر! مين اللى يقدر يقول عليك مش تمام..دة انت سيد الرجال
اسد بمكر:اثبنيلى
اية:اثبتلك ازاى؟!
اسد:عايز بوسة
اية بكسوف:مش دلوقتى..انزل شوف ف ايه تحت الاول
هو انا حاسة ان الموضوع يخص رعد..علشان بيزعق جامد اوى تحت..وكمان عمى عزيز مش موجود تعرف لو كان هنا مكنش قدر يعلى صوته كدة
اسد:مش عارف بس رعد بقاله فترة متغير..من ساعت م شاف سراب
اية بغيرة:سراب مين ان شاء الله؟!
اسد:ههههههه لا مش وقت غيرة وتحقيق خالص..انا هنزل اشوف الدنيا فيها ايه تحت واجى ع طول..علشان عايز ادردش معاكى شوية
اية:ماشى
اسد بهزار:ماشى ولا بيعرج هههههههه
اية: ونبى دة انت دمك سكر..المفروض اضحك ولا ابين سنانى
شوية وسمعوا صريخ ثريا..اسد جرى مرة واحدة..واية اتخضت وبتدعى الموضوع يعدى ع خير
ف الصالة
اسد بعصبية:انت اتجنت يارعد..هو اى حد هيقولك كلمتين تصدقه..من امتى بقيت كدة؟!
رعد:وفر عصبيتك دى لمراتك مش ليا...انا عارف انا بعمل ايه؟!
اسد بعصبية:لا مهو واضح..عايز تتجوز واحدة مقبوض عليها ف قضية اداب..دى تامنها ع شرفك ازاى..تكون ف الشغل وهى تدخل راجل غريب بيتك وانت زى القرنى مش حاسس بحاجة
ثريا بصدمة: قضية اداب!
رعد زق اسد جامد وقال بعصبية:انت ب اى حق تكلمنى وتقولى اعمل ايه ومعملش ايه..سراب هتقعد هنا ف البيت وهتجوزها واللى مش عجبة يضرب راسه ف الحيط
ومسكه من قميصه وقال بتهديد:واياك تخوض ف شرف سراب تانى..اول واخر مرة تقول كدة..والا متلومش غير روحك
اسد بعصبية:ياغبى انا عايز مصلحتك.انت كدة هتخسرنا كلنا
رعد ببرود:مصلحتى انا عرفها كويس...وفر نصايحك لنفسك..انت محتاجها اكتر منى
ثريا بندب:يالهوى..انا هفضل لحد امتى مليش حظ ف جوازات عيالى...اول مرة اشوفكوا بتزعقوا ف بعض كدة وعلشان ايه؟! علشان خاطر بت لا راحت ولا جت
رعد:ياجدعان افهموا هى ملهاش مكان تروحه..تروح فين بس ياعالم
احمد:اهدى ياثريا علشان ضغطك ميعلاش..مصدقنا انه اتظبط...عزير رايح جاى معاكى عند الدكاترة مش كدة علشان صحتك.كله شى يتحل بهدوء
اسد بعصبية:هدوء ايه بس ياعمى.هو اللى يعرف رعد يلاقى هدوء ابدا
رعد بعصبية:احترم نفسك بدل م امد ايدى عليك..انا لولا وجود ماما وعمى كان زمانى عرفت شغلى معاك
اسد زق رعد وقال:انت واحد مريض..بتحب حب تملك وبس..مش فارق معاك حاجة..مروة اللى اتربت ع حبك لما تشوف قرارك الساذج والبعيد عن المطنق هتعمل ايه؟! انت هنخليها تتقهر حرام عليك
كل دة ليه علشان واحدة رسمت دور المظلومة والحنية وتقلت عيار السهوكة معاك..تقوم تاخدها بالحضن وتقولها انا الصدر الحنين..انا اللى هحميكى..دى مش بعيد تكون اتزقت من الملك.وانت اللى هتطلع غبى...جواز..هى اى واحدة هتعدى من جمبك تقول هتجوزها..هو الموضوع سهل كدة..لا البت دى مش هتقعد ف البيت دة ثانية واحدة حتى لو حصلت انى اطردك من البيت
رعد بصريخ:ااااااسد
مسكوا ف بعض بغل وعصبية..ك انهم ف حرب..سراب حطت ايدها ع بقها وبتعيط وثريا حاولت تبعدهم عن بعض بس معرفتش مهما تصرخ او تشتم.اية جريت ونزلت من ع السلم ومسكت اسد وبعدته عن رعد
اية برجاء ممزوج بالعياط:خلاص يااسد ابعد عنه كفايا بقك عمال بينزف جامد
رعد:احمدى ربنا انه خرج من تحت ايدى سليم
اسد بعصبية:رعد
ثريا بعياط:خديه يااية بعيد عنه..طلعيه خليه يرتاح...وانا اللى هتصرف مع رعد
رعد:هو انا عيل صغير ياماما
ثريا ضربته قلم وقالت:اخرس بقا..ايه انا ضربتك اهو..تعالى ردلى القلم..مدى اخرت تربيتى فيك
رعد بص ع الارض وقال:العفو ياامى انا مقصدش..دة انتى تراب جزمتك فوق راسى
ثريا:سراب تمشى من هنا ولو رفضت انت هتمشى معاها..ولو دة محصلش قلبى وربى غضبانين عليك ليوم الدين
سراب اول م سمعت كدة جريت علشان تخرج من القصر
رعد صرخ ب اسمها وجرى علشان يحلقها وفعلا مسكها وبص ف عنيها وقال:لو سراب ملهاش مكان ف البيت دة يبقى انا كمان مليش مكان فيه
احمد بصدمة:عايز تسيب اخواتك وامك وابوك علشان خاطر واحدة غريية لسة عرفها من كام يوم..ليه هى لحقت اثرت فيك
رعد وسراب فضلوا يبصوا لبعض..مش حاسين بالى حواليهم.عنيها فيها سحر بيجذب رعد ليها
احمد بعصبية:رعد انا بكلمك
رعد:انا عايز اتجوز سراب ع سنة الله ورسوله..ومن بكرة هروح للماذون علشان اكتب كتابى عليها..سراب ملهاش غيرى ومش هسمح للى حصل معاها دة يتكرر تانى
ثريا:حتى لو قولنالك يااحنا ياهى؟!
رعد:انا قولت قرارى وخلاص
ثريا:امشى يارعد من هنا
سراب بعياط:لا انا اللى همشى ارجوك ياباشا خلينى امشى بلاش تعادى اهلك علشان واحدة متستاهلش هما معاهم حق ليه تاخد واحد مش هتعرف تصونك انا معرفتش احافظ ع شرفى هحافظ عليك انت ازاى؟!
رعد بعفوية شبك ايده ف ايدها وقال:انتى هتكونى معايا..خلص الكلام ع كدة
وقربوا من ثريا ورعد بصلها بنظرات توسل وقال:علشان خاطرى ياماما اديلها بس فرصة واحدة وهتثبتلك انها فعلا تستاهل انها تكون مراتى ومش هتخرج ف حتة الا وهيبقى معاها حد..اقولك ع حاجة..روحوا اقعدوا مع بعض اسمعيها ياامى مرة واحدة وانا واثق انك هتغيرى رايك
باس راسها وقال:علشان خاطرى ياامى..انا مش هعرف اعيش وانتى مش راضية عنى..اسمعيها ارجوكى
ثريا بصت ل سراب لقيتها بتعيط وشكلها فعلا مظلومة ومنكسرة
ثريا بصت ل رعد وقالت:مرة واحدة بس يارعد
الكل اتصدم وبص لبعضه اما رعد وسراب كان ملامح الفرحة والامل ع وشوشهم
عند مروة ومراد
مروة ومراد كانوا طول الطريق هزار وضحك وبيفتكروا مع بعض المواقف اللى اتضحك ف طفوليتهم..راحوا فعلا شارع المعز وكانت مروة منبهرة جدا بالى شافته هناك..كانت ع طول بتضحك ومبسوطة.وبتشد ايد مراد ناحية اى حاجة بتعجبها..تسال عن السعر تقوم تتخض وتجرى وتقول:يفطحلة ياعم😂 مراد كان بيضحك عليها ويهز راسه هزة معناها مفيش فايدة فيها هتفضل طول عمرها طفلة..دخلت ف محل بيبع اثار وتحف وتماثيل للممثلين فضلت تتفرج عليهم ب انبهار وشافت محلات بتبيع قمصان نوم وبدل رقص شهقت بكسوف وبصت ع مراد وضربته ف كتفه وقالت:غمض عنيك بتبص ع ايه؟! مراد ضحك بصوته كله عليها وقالها انه مش بيتفرج اصلا وعنيه مش بتروح للحاجات دى ابدا.. بعد كدة راحت مع مراد لجامع الحسين وخلت مراد يصورها فيه وهما ماشيين لقوا واحدة بترسم حنة.فضلت تنطط وتقول عايزة ارسم حنة مليش دعوة..مراد واقق وخلة الحنانة ترسم لمروة الحنة..مروة قالت ل مراد يقولها ايه اللى هيليق ع ايدها من الرسومات اللى موجودة ف الالبومات وفعلا مراد اقترح عليها رسمة..مروة بدون تردد قالت تمام
مراد وقف ع جنب يتكلم ف التليفون عقبال م مروة تخلص الحنة
الحنانة:عايزة اسم معين اكتبهولك بالحنة ياانسة؟!
قبل م الجملة دى تتقال ب دقيقتين
كانت مروة بتتكلم ف سرها:قسما بالله انا واحدة غبية وبدور ع العذاب..اهو مراد انا معرفوش ومهنش عليه زعلى..وراح معايا..ع الرغم من انه تعبان من التصوير
وبهمس صوتها وقال:مراد خلانى فعلا مبسوطة
الحنانة سمعت اسم مراد وكتبت اسمه ع ايدها بالحنة
مراد جى وايدة للحنانة الفلوس وخد مروة ومشى
عند ميار واسر
اسر:الو
معتز:الو يااسر
اسر:اهلا يامعتز..اخبارك؟!
معتز:انا عايز ميار
اسر بعصبية:نعم ياخويا
معتز:انت فهمت ايه..اقصد عايزها معايا ف الشغل
اسر:وانا مش مواقق
معتز:رفضك مش حل
اسر:انا قولت اللى عندى
معتز:يبقى شركتك هتتقفل خالص..ومش هتلاقى اى شركة انتاج تتعامل معاك
اسر:انت بتهددنى
معتز:لا انا بوعيك
اسر:قولت مش موافق.. ميار مش هتشتغل مطربة وهى ع ذمتى..حد قالك انى طرطور؟!
معتز:كلامك دة بيوضح انك مش واثق ف مراتك
اسر:بلاش كلام فارغ..ايه اللى دخل الثقة اصلا ف الموضوع؟!
معتز:والشرط الجزاءى؟!
اسر:انا هدفعه
معتز:مينفعش..لازم يكون من مالها الخاص
اسر:طب منا جوزها..ايه الفرق يعنى؟!
معتز:العقد بيقول كدة...انا مستنيها بكرة لو مجتش..يبقى انت كدة بتشترى عدواتى..وعداوة معتز التهامى وحشة
اسر بجيرة:طب اقفل
معتز:سلام
ميار خرجت من الحمام قعدت قصاد التسريحة بتسرح شعرها خدت بالها ان اسر سرحان ك انه ف دنيا تانية خالص
ميار وهى بتسرح شعرها وبصة ف المرايا
مالك..بوزك شبرين ليه؟!
اسر بعصبية:اتكلمى عدل
ميار ببرود:لما تحسن اسلوبك معايا ساعتها هتكلم معاك عدل
اسر:ايه هتحطى راسك ب راسى؟!
ميار:مفيش فرق
اسر قرب منها وشد دراعها جامد وقال:لا فى ياهانم..انا الراجل وانتى الست..لازم تتكلمى معايا عدل وتحترمينى..دينا امرنا بكدة..انتى مش شايفة نفسك ولا ايه؟!
ميار بسخرية:دينا امرنا بكدة.. دينا سمح للرجالة انها تهين زوجاتهم ويضربوهم ب الايد والحزام كمان..انا جسمى لسة واجعنى لحد دلوقتى..انت ضربتنى ع الكدمات اللى ابويا معلمهم ف جسمى..انت تعرف انى لو رفعت عليك قضية ف محكمة الاسرة هكسبها
اسر بصدمة:ترفعى عليا قضية!
ميار:ايوة..واخلعك كمان
اسر:هههههههههه.كمان
قرب منها وحط ايده ع وشها وقال:اسف متزعليش منى واوعدك ايدى مش هتتمد عليكى تانى
ميار:توعدنى
اسر:هههههههه منا لسة واعدك والله...ع العموم كنت عايز اقولك انه معتز كلمنى وعايزك بكرة
ميار: وقولتلوا ايه؟!
اسر:هو مسبليش خيار؟!
ميار:اومال سبلك ايه..اوطة😂
اسر:عليكى هزار مش ف وقته خالص
ميار:بهزر معاك..يعنى انت موافق؟!
اسر:ايوة بس بشرط
ميار:ايه؟!
اسر:رجلى ع رجلك
ميار:لا والله..ع اى اساس انك واحد فاضى يعنى؟!
اسر:ملكيش دعوة انا هتصرف
ميار:اوك اللى يريحك
اسر:تمام
بليل
ف قصر الرملى
رعد:اسد
اسد بعصبية:ابعد ايدك من ع كتفى..انا مش طايق لمستك
رعد بهزار وقلد صوت انثوى ب احترفية😂:ليه بس ياحياتى..دة حتى لمستى تقشعر لها الابدان
اسد بصله بصدمة ومعرفش يمسك نفسه فضك اوى لدرجة انه مسك بطنة
ايه يالا دة..مالك قلبت واحدة ست وانا معرفش؟!
رعد بصوت رجولى حاد:متتعودش ع كدة..انا كنت بصالحك بس..وبعدين ايه مش طايق لمستى دى
ولقا نفسه سكت مرة واحدة وف عينه الذعر والخوف
اسد بخوف:ف ايه؟!
رعد:مروة يااسد..مروة فين؟!
ف الانترية
ثريا:وانا المفروض اصدقك واخدك بالحضن وارحب بيكى كمان
سراب بعياط:والله ياطنط دى الحقيقة مكدبتش ف حرف واحد
ثريا:مش ممكن تكونى اخترعتى الحكاية دى علشان تخفى غلطك الحقيقى
سراب: وايه هو غلطى الحقيقى؟!
ثريا:قولى انتى بقا..واحدة ممسوكة ف قضية اداب هتكون غلطت ازاى؟!
سراب:ياكش دمى يسيح ويبقى زى الشاى ابدا
انا شريفة وبكسب من عرق جبيبنى ياكش بس اللى حصلى.. وانا ذنبى ايه؟!..انا اتخطفت زى اللى بيتخطفوا..عمرك مسمعتى عن اللى بيحصل ولا ايه؟!
والله انا معرف ليه رعد باشا قال كدة؟! انا اتصدم زييي زيكوا..بس نيته خير هو عايز يحمينى
ثريا:يعنى علشان يحميكى ياذى نفسه
سراب:مش هقبل بكدة
قربت منها وباست ايدها وقال بعياط:ابوس ايدك خلينى هنا..انا معنديش حتة اروحها..والله انا م وحشة..ولا جاية قصدى شر..ولو حصل نصيب واتجوزت رعد..هيبقى جوزى وسندى وشرفه من شرفى ويعز عليا اشوف اخوات بيتخانقوا بسببى يعلم ربنا انا كنت حاسة ب ايه وقتها..ابوس ايدك..ابوس رجلك
ثريا مسكتها:لا لا خلاص خلاص..امرى لله...هجوزك رعد..ويارب اللى هعمله دة يكون صح
عند ميار واسر
اسر خرج من الحمام عارى الصدر ميار اتكسفت ورجعت وشها للناحية التانية
ميار:ودة اسمه بقا؟!
اسر بص ع نفسه وقال:ايه
ميار:دة دة..اسمه ايه؟!
اسر:ايه دة دة مش فاهمك😂
ميار:البس هدومك وبطل تريقة
اسر:لا مش لابس
ميار:لييييه
اسر:ف ايه ياهبلة انتى..الجو حار ومش طايق الهدوم اللى عليا
ميار:وانا ذنبى ايه اشوفك كدة؟!
اسر:يابنتى منا لابس شورت اهو
ميار:هاااار طين..هو انت عايز تقلع ال ال دة
اسر بحلق فيها شوية وفجاه لقا نفسه بيضحك جامد وقعد الكنبة وفضل يضحك..ميار ضحكت علشان خلينه يضحك فقررت تهزر معاه شوية
ميار:هو انا بوزع نكت علشان تضحك اوى كدة
اسر:ههههههه دة انتى لوحدك نكتة يابنتى ههههههههه
ميار:اسر بلاش ضحك
اسر:هههههههههه خلاص مش هضحك..انا هنام
ميار:هتنام جمبى
اسر:لا هنام فوقيكى...ف ايه هنام ع ااسرير علشان الزفت شغلك الساعة 10
ميار:مستحيل انام معاك وانت كدة
اسر:ميار تعالى ياحبيتى بطلى هبل...الجو فعلا حار ولو عملتى ايه بردو مش هلبس
ميار:خلاص هنام ع الكنبة
اسر:مفيش نوم ع الكنبة
ميار:لا فيه
اسر شال ميار ورماها ع السرير
جت نقوم بس اسر مسكها وقال:انتى هتنامى ولا اتمم جوازى منك؟!
ميار بخوف:لا لا خلاص هنام والله..دة انت عسل وانت كدة ياخلاصى قمر ياناس
اسر بعد عنها وايداها ضهره ونام
هى عملت نفس الحركة وحاولت تكتم ضحكتها وقالت ف سرها:اعمل ايه مفيش ف ايدى حاجة غير انى احبه
عند مروة ومراد
كانوا ماشيين ف شارع ضلمة شوية مفيش فى ناس بتعدى خالص مروة من الخوف مسكت دراع مراد اللى بيقول ف سره بعض ايات الله علشان يهدا
مراد:متخافيش
مروة:هو احنا ايه اللى دخلنا ااشارع دة؟!
مراد:انا عارف بقا ..منهم لله ولاد الحرام انا معرفش ايه اللى خلانى اسمع كلامهم ادينا توهنا اهو ومش عارف اوصل للعربية بتاعتى
مروة:محنا اهو مش عارفين نوصل..ومفيش شبكة هنا خالص..مشينا كتير لحد م توهنا وسط الشوارع
مراد:اهدى طيب وامشى يمكن نلاقى حد
مروة:طيب
ع الجانب الاخر
مروة قدامنا اهى ومعاها واحد.........لا مش الظابط......اعتبره حصل ياكبير...يلة شوفوا شغلكم
وهما ماشيين مراد حس بسكينة ف بطنه
برق عينه جاى يبص بس اللى منعه صوت حد بيقول
لو خايف ع حياتك ادينا البت اللى معاك وامشى من هنا
مروة بصتلهم برعب وبصت ع مراد خايفة يمشى ويسيبها فعلا
مراد مسك ايدها وقال:ولو محصلش
الراجل حط السكينة ع راسه وقال:هناخدها برده بس وانت سايح ف دمك
بعد عنهم وهو لسة ماسك ايدها:تعالوا هجمونى
مروة بخوف وصريخ:مراد انت اتجننت..احنا هنموت كدة
كانوا 5 رجالة ابتدوا يهجموا ع مراد ومروة
مراد بعلو صوت:ثقى فيا يامروة انا مش هخليهم ياخدوكى..عايزك تضربى معايا
مروة:نعم انت
مداهاش فرصة
شالها وخلاها تضرب اللى جاى يهجم عليهم برجليها
بعد كدة نزلها وضرب اللى وراه لكمية وبرجله اداله خبطة ف بطنه
واحد جرى عليهم علشان ياخد مروة ومسك ايدها مراد ضربه ف ضهره ولوى رقبته مات فيها
شوية ودخل عليهم راجل تانى. علشان مراد يبعد مروة عنه مسك ايدها الاتنين وعداها من تحت رجله ومسك المطوة اللى كانت مع الراجل وضربه بيها ف بطنه
الراجل التانى طلع مسدس
مراد ومروة برقوا بخوف بعفوية مسكوا ايد بعض وجريوا
وضرب النار شغال..فضلوا يجرى وبيحاولوا الرصاصة متجيش فيهم
مروة بعلو صوت:هتروح فين ااااااااه مراد ضرب النار شغال انا حاسة انهم هيموتونا
مراد:اجرى بس بسرعة..خلينا نهرب منهم
فضلوا يجروا لحد م مروة اتصدمت من اللى شافته
مروة بخوف:لا لا لا انت هتعمل ايه هنط ف البحر يالهوى
مراد بص عليهم.. واحد ضرب رصاصة بس مراد تفاداها..ومسك ايدها فعلا ونطوا
مروة بصريخ:لااااااا يامراد لااااااااا
الرجالة بصوا لبعض بصدمة
ياولاد المجنونة..دول اكيد هيموتوا
ولو محصلش
يبقى هنلبس طرح ونبقى زى النسوان بسبب الملك
مش هيعدى اللى حصل دة بالساهل
ف البحر
مراد بيعوم هو ومروة
مراد بتعب:انتى كويسة
مروة:هههههههههههههه
مراد بصدمة:انتى بتضحى اومال ايه؟! لا يامراد لاااااا حسستينى انك مش بتعرفى تعومى
مروة:اصلك حستنى ان احنا ف فيلم اكشن..اللى حصل دة مش طبيعى..وبعدين انت اتعلمت الضرب فين؟!
مراد بتعب:مروة انا تعبان ومش قادر اتكلم حتى
مروة:هههههههه..اول مرة اعوم ف بحر واسع وغويط كدة
مراد:جديدة عليكى لكن مش جديدة عليا
مروة:اشمعنى
مراد:لا دى حكاية محتاجة مننا قاعدة
مروة:هو احنا بنعوم ك اننا ف بلطيم كدة ليه؟!
مراد:اسكتى خلينا اشوف هنتصرف ازاى ف ام النصيبة دى
مراد لمح سفينة جاية عليهم فضل يشاور لحد م واحد شافهم جبلهم عوامة وحبل علشان يعرفوا يطلعوا السفينة
وطلعوا فعلا ووصلوا بس وصلوا الصبح
واحد من الركاب ساعدهم علشان يوصلوا القصر ووصلوا فعلا بس ياترى ايه اللى مستنيهم
موقف رعد من غياب مروة هيكون ايه؟!
مروة هتعمل ايه لما تشوف سراب
مراد هيدعمها ولا لا؟!
*********************
إلي هنا نتهي الفصل الخامس من رواية اختلاف القلوب وتحدى القدر بقلم هاجر عبدالحليم (ج2)
تابع من هنا: جميع حلقات الجزء الثاني من رواية اختلاف القلوب وتحدي القدر
تابع من هنا: جميع حلقات الجزء الثاني من رواية اختلاف القلوب وتحدي القدر
تابع من هنا: جميع فصول رواية عشق الزين الجزء الأول
تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها
أو أرسل لنا رسالة مباشرة عبر الماسنجر باسم القصة التي تريدها
اقرأ أيضا: رواية شهد الحياة بقلم زيزي محمد
إرسال تعليق
يسعدنا تلقي اقتراحاتك أو تعليقك هنا