مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة هاجر عبدالحليم علي موقعنا قصص 26 و موعدنا اليوم مع الفصل السادس من الجزء الثاني من رواية اختلاف القلوب وتحدى القدر بقلم هاجر عبدالحليم.
رواية اختلاف القلوب وتحدى القدر بقلم هاجر عبدالحليم (ج2) - الفصل السادس
تابع من هنا: الجزء الأول من رواية اختلاف القلوب وتحدي القدر بقلم هاجر عبدالحليم
 |
| رواية اختلاف القلوب وتحدى القدر بقلم هاجر عبدالحليم (ج2) |
رواية اختلاف القلوب وتحدى القدر بقلم هاجر عبدالحليم (ج2) - الفصل السادس
اية بصة من البلكونة وبصة ف السما وهى سرحانة شوية وحطت ايدها ع قلبها بخوف بتفتكر اللى حصل بينها وبين اسد امبارح
فلاش باك
اسد حضن اية من ورا بحب هى بصتله وقالت:شكلك عايز تقولى حاجة
اسد:ايوة عايز بس ايش عرفك انتى؟!
اية:احساس مش اكتر يلة قولى كنت عاوز تتكلم معايا ف ايه؟!
اسد:خايف تزعلى منى
اية حضنته من رقبته وقالت:مقدرش ازعل منك
اسد:انا عايز اعرف كل حاجة عن علاقتك مع جوزك الاولانى؟!
اية بصدمة بعدت عنه وقالت:نوح
اسد بغيرة:ايوة نوح يااية..انا عايز اعرف علاقتك بيه كانت عاملة ازاى
اية حست انها عايزة تعيط لما افتكرت نوح..هى حاولت تنساه علشان خاطر اسد..بس هو دلوقتى اللى فكرها بيها
اية بهزار زاءف عكس خوفها وضعفها
ههههههه..هو انت مالك بيه بس يااسد؟! مفيش حد بينافسك ع قلبى اطمن..وبعدين انت ايه اللى فكرك بيه؟!
اسد:اية انا فعلا حابب اعرف انا مش بسالك السوال دى من فراغ يعنى اكيد ليا اسبابى
اية:اسبابك! انت عايز ايه؟! انت عايز تسمع ايه علشان اقولهولك
اسد بغيرة مسك ايدها وقال:انا مكنتش بتكلم معاكى علشان كان علاقتنا ع الحافة بسبب جيسى الله يرحمها دة غير انك مكنتيش بتسمحى انى اقرب منك..لكن دلوقتى الوضع اختلف ومن حقى اعرف كل حاجة
اية بعياط:عايزنى اقولك ايه..نوح خد قلبى علشان هو كان اول راجل ف حياتى..مكنتش بتعامل اصلا مع ولاد حتى ف الجامعة..لما دخل حياتى وسط اللخبطة اللى كانت فيها حسيت ب الامان..هو كان سندى وضهرى ولما مات قدام عينى حسيت الدنيا سواد وحملت نفسى مسولية موته ووعدت نفسى مسمحش ل راجل تانى يقرب منى بس لما دخلت حياتى غيرتها وخليتنى غصب عنى بتشد ليك..حبيت اسلوبك وشهامتك وحنيتك..حسيت انك غامض وحبيب افك شقرتك دى مكنتش اعرف ان بالطريقة دى حبيتك من غير معرف..حسيت معاك الغيرة والشوق واللهفة والاحتواء وانا ف حضنك ومعاك المشاعر دى مش حسيتها مع نوح..انا قعدت معاه شهرين بس.لو كنت فعلا حبيته مكننش حبيتك انت بداله
وفضلت تعيط اسد خدها ف حضنه وفضل يهديها ويلعن نفسه علشان فتح معاه السيرة دى بس هو قالها من باب الفضول هو عايز يعرف حقيقة مشاعرها تجاه راجل شاركه مراته حتى لو هو مكنش ف حياتها..كان لازم يعرف علشان يرضى فضوله ورجولته
اسد:خلاص حقك عليا متعيطيش
اية بعياط:خليتنى افتكر حاجات م صدقت انى نسيتها..امى وحشتنى اوى واخويا معرفش هما دلوقتى بيقولوا عليا ايه..عايزة اعرف حالتهم عاملة ازاى ف بيت عمى..بس مش هعرف للاسف
اسد رفع وشها ليه وقربها منه نساها حتى اسمها..نسيت كل حاجة وهى ف حضنه ومعاه
باك
اية:وحشتينى اوى ياامى..وحشنى حضنك وكلامك حتى ضربك ليا..كل تفاصيلك وحشانى..ياترى حالتك عاملة ايه دلوقتى ياماما؟!
ف شركة الانتاج
معتز:اهلا اهلا يامدام ياميار الشركة نورت..اهلا يااسر طلعت واحد بتفهم والله
اسر بضيق:متشكر
ميار:انا جيت علشان اعرف ايه الخطوة الجاية؟!
معتز:طب اقعدوا ارتاحوا وانا هكلم الشاعر اللى كتب اغنيتك الجديدة وخليكى تقرى الكلمات تقولى رايك فيها؟! ولو عجبتك اكلملك الملحن يلحنها وبعد كدة تعملى كذا بروفة وبعد كدة تصوير الكليب
ميار:ولقيت بطل الكليب ولا لا؟!
معتز:ايوة متقلقيش
ميار:لا انا مش قلقانة انا عارفة كل حاجة هتمشى صح انا بتعامل مع معتز التهامى مش حد اى كلام
معتز:هههههههه كلامك تاج ع راسى يامدام ميار..خلاص تمام انا هكلمه دلوقتى وف خلال نص ساعة هيكون هنا
ميار:تمام
معتز:عن اذنكوا ثوانى
ميار:اتفضل
مشى معتز وهو بيفتح الباب قال ف سره:البت موزة خسارة فيك والله يااسر..معلش تتعوض باذن الله
ميار:مالك
اسر:مليش
ميار:مالك يااسر
اسر بعصبية:مقولنا مليش.. الله هو تحقيق؟!
ميار:كل العصبية دى علشان بسالك مالك
اسر:انا ماشى
ميار مسكت ايده قبل ميمشى وقالت:انت بتغير عليا يااسر..ع فكرة كلامى مع معتز ف حدود الشغل وهو مقالش اى كلام غير مجرد مجاملات..ف اهدا علشان عارفة ازاى هحافظ ع شرفك كويس؟!
اسر بجمود:ميار خلصى شغلك ورنى عليا قبليها بنص ساعة علشان اجى اخدك..انا ورايا شغل ولازم امشى
ميار بحزن:براحتك
اسر:براحتى! اوك سلام
مشى اسر وهو متضايق جدا حس انه عاجز مش قادر يقول لمراته لا..هى حطته قدام الامر الواقع ومضت ع العقد..حتى لو هو عايز يدفع الشرط الجزاءى مش هيعرف...وحمل نفسه ذنب اللى حصل دة..لو مضربهاش مكنش سابت البيت..ولا راحت برجليها لمعتز..هو غيران عليها لازم يغير مش علشان بيحبها لا علشان مراته ولازم يحافظ عليها دة من وجهة نظره هو
اما ميار كانت متضايقة من بروده كانت مستنية منه علشان بحبك..بغير عليكى علشان بحبك..بس شكلها هتتعب معاه وهتستنى كتير علشان تسمع منه الجملة دى
ميار قعدت مع الشاعر وقرت كلمات الاغنية حسيتها جدا ووافقت عليها وقعدت مع الملحن وعمل معاها بروفة كانت شاطرة وببتعلم بسرعة.الملحن اعجب فعلا بصوتها وذكاءها وقرر يتعامل معاها ف كل اغانيها لو حبت دة طبعا معتز فضل يبصلها بحب وبجاحة زايدة عن اللزوم
وضميره مهما يقوله دى مرات حد تانى مينفعش تفكر فيها ينيمه ويمشى وراه ملذاته
ف شركة اسر
السركتير:استاذ اسر ابعت فاكس لشركة المانيا اقولهم ان حضرتك موافق تخرج الاعلان الخاص بملكة جمال العالم
اسر:ايوة ابعتى..وكمان عايزك تبعتيلى محسن علشان اتفق معاه ع التفاصيل..وكمان قوليله ان اسر مش متطمن للعميل اللى بعته خالص
السكرتيرة:مينفعش يافندم..العميل دة مهم جدا للشركة ولو خسرناه هنخسر حملة الاعلانات الجديدة..ومش هنعرف نكبر الشركة دى ولو بعد سنين
اسر:العميل دة عايز يكسب وبس..حتى لو خسارة اللى معاه هى التمن..دة واحد غاوى لعب من تحت ل تحت..والجو دة مش بتاعى..انا مش هكسب بالمنظر دة..ومتقلقيش هيدفع تمن الحملة هو مضطر لدة..اتفضلى شوفى شغلك..اه وكمان عايزك تخدى الملف دة تدرسيه وتبعتيلى تقرير مفصل عنه
السكرتيرة:حاضر..تحت امرك يافندم
خرجت السكرتيرة اسر قام من ع مكتبه وبص من الشباك وهو بيفكر وسرحان شوية سمع رنة موبايله فتحه من غير حتى ميعرف مين اللى بيتصل
اسر:الو
ميار:ايوة يااسر..انا خلصت خلاص..وانا مستنياك ف الشركة هتيجى تاخدنى؟!
اسر بص ف ساعته وقال:ايوة نص ساعة ب الكتير واكون عندك ب اذن الله
ميار:تمام.. مستياك
ف عربية اسر
ميار:ع فكرة انت لما بتكشر شكلك بيبقى وحش
اسر:مش عايز اتكلم ياميار
ميار:انت مخاصمنى
اسر:تقدرى تقولى كدة
ميار:طب ممكن اعرف انا عملت ايه
اسر بصلها وقال:انتى مش هتروحى دروسك بقا وتذاكرى ولا خلاص مش عايزة
ميار بتوتر:انت ليه فتحت السيرة دى دلوقتى؟!
اسر: انا طلبت جواب ع سوالى مش حضرتك اللى تسالينى
ميار:لا مش هتعلم..انا مبقتش محتاجة التعليم ولا حتى الشهادة
اسر بصدمة: نعم! يعنى ايه الكلام دة؟! لا كله الا شهادتك انتى لازم تتعلمى ع الاقل علشان خاطر نفسك
ميار:طب ممكن تاجل الكلام لحد منروح..علشان بجد انا مصدعة اوى بسبب الشعل بتاع انهردة.ومش قادرة اتجادل معاك دلوقتى خالص
اسر مسك مقود السيارة جامد ونفخ بعصبية بيحاول يكتم غضبه بدل م يتهور عليها ويضربها وهو مش عايز كدة
ميار حاولت تدارى توترها وتشوف رد فعله ايه عن قرارها بخصوص شهادتها
ف اوضة اسر وميار
اسر بعصبية:انا قولت هتتعلمى
ميار:لا مش هتعلم.. هو فرض راى وخلاص مش مهم القرار دة صح ولا غلط..انا مش محتاجة شهادتى الواحدة بتتعلم علشان تبقى مستورة وانا الحمد لله هكون مطربة ومعايا ملايين انا اصلا مش غاوية تعليم مش بحبه يااخى
اسر:ميار مش عايز اتغابى عليكى
ميار بتحدى:لا اتغابى ورينى هتعمل ايه؟! علشان اخرح من بيتك والمرادى مش هرجع ابدا
اسر:هو انتى فاكرة انى مش هعرف اعيش من غيرك ولا ايه....انا جوزك ومن حقى عليكى انى اقولك كلمة تسمعيها انا مش بضرك
ميار:مهو ياشغلى مع معتز يااما شهادتى مينفعش الاتنين..وبعدين يااسر انا خلاص كتبت العقد والموضوع منتهى مش هعرف ابعد نفسى عن الموضوع دة ع الاقل بعد سنة علشان دى المدة اللى ف العقد
اسر بعصبية قرب منها وقال:وانا مش هقبل بحاجة زى كدة
ميار:عندك حل
اسر بصلها ومتكلمش
ميار:خلاص يبقى سيبنى اشوف شغلى بلاش تعقيد..انا مش هعمل حاجة غلط..دى موهبة وانا هستغلها..وانسى خالص حوار انى اكمل تعليمى دة
اسر شد ع ايده جامد وخرج برة الاوضة خالص
ميار غمضت عينها بتعب وقالت:يارب انا مش عايزة كل دة..انا عايزاه هو..مش عايزة حاجة غير انه يكون جمبى..يارب دلنى علشان حاسة انى تايهة ومش عارفة المفروض اعمل ايه
ف باريس
اميرة:انت بتهزر..يتسحيل البس مايوه
ريان:ليه بس ياقلبى..والله هيبقى حلو عليكى جدا..وبعدين متخافيش..مفيش حد هيشوفك
اميرة بكسوف:لا فى انت
ريان:هههههههه..ع اساس ايه ان شاء الله..منا خلاص شوفت كل حاجة..ايه اللى ناقص علشان تداريه منى
اميرة بكسوف:بطل جراه بقا...وانا مش هلبس المايوه
ريان بزعل مصطنع:براحتك..بس خليكى فاكراها..وانا مش هتكلم معاكى تانى..علشان انتى اصدة تنكدى علينا واحنا لسة ف شهر العسل
اميرة:ريان انا اسفة..بس المايوه يعنى
ريان:خلاص براحتك لو مش عايزة تلبسيه خلاص
اميرة:لا خلاص هلبسه وامرى لله بقا
ريان:احبك وانت مفرفش كدة ياجميل..فوكى كدة محدش واخد منها حاجة
اميرة:طب اغير فين
ريان بمكر:غيرى هنا عادى يعنى محدش غريب واقف
اميرة:قسما بالله ياريان لو مش بطلت كلامك دة ل
ريان:خلاص يابنتى تعالى اوريكى المكان اللى تغيرى فيه
اميرة:ماشى
راحت وغيرت فعلا ورجعتله
اميرة بكسوف:انت متاكد انه مفيش حد هيشوفنا حتى الخدم
ريان:ع اساس انى هلبسك كدة قبل م تاكد ان مفيش حد شايفك..بس سيبك والله شبه الحوريات
ومسك ايدها وقال:يلة
اميرة: استنى نط انت الاول..وانا هحصلك
ريان:براحتك
ونط ف البحر ابتدا يعوم وهى مترددة تنزل ولا لا وهو عمال يشاورلها علشان تنزل وهى لسة بردو مش عايزة
اميرة:ريان..ياريان..روحت فين..ريان بطل هزارك دة وخلينى اشوفك..ريان انا خايفة
لقت نفسها بتنزل وبتدور ع ريان بعنيها حست ب ايد شالتها ودوختها
اميرة:ريان انت رخم..اوعى لو انت رخم خوفتنى ع الفاضى
ريان:هههههههه اسف مدى الطريقة الوحيدة علشان اخليكى تنزلى بيها متزعليش
فضلت تضرب فيه ب ايديها الاتنين وفجاه حضنته وقالت بعياط: وقعت قلبى..انا مش متصورة انك تبعد عنى ف يوم..بلاش الهزار دة تانى
ريان قربها منه وووووو
نسيبهم بقا مع بعض شوية ونروح لقصر الرملى
رعد بعصبية:هيكون راحت فين...انا سالت ف المسشفيات والاقسام ملهاش اى اثر
ثريا بعياط:هتكون راحت فين..ياحبيتى يابنتى...يارب جيبها بسلامة يارب
عزيز:متقلقيش ياثريا..ان شاء الله هنلاقيها...رعد واسد مش ساكنين
ترن ترن
رعد:الو
اسد:انا لقيت مروة
رعد بلهفة:لقيتها فين؟! هى معاك دلوقتى يعنى؟!
اسد:ايوة معايا..انا داخل وهى ف ايدى دلوقت
رعد جرى وفتح الباب واتصدم ب
مروة كانت بتترعش واسد حاضنها حضن اخوى منه مش اكتر..ومراد كان معاهم ع الرغم من تعبه بس حاول يكون مركز
رعد شد مروة من حضن اسد وحضنها هو ولقا نفسه دمع وقال:اول مرة تبعدى عن البيت دة يوم بحاله..خوفتينى عليكى اوى..كنتى فين؟!
مروة بخوف وعياط:اسفة
احمد نزل وشاف مروة ف حضن رعد اتعصب وشدها منه
احمد بعصبية:انا مش قولتلك ملكش دعوة ب بنتى
مروة:ف ايه يابابا؟!
احمد:هتفهمها ف ايه ولا افهمها انا؟!
مروة بصت ل رعد وقال:تفهمنى ايه؟! انا مش فاهمة حاجة
رعد:كنتى فين يامروة؟!
احمد:انت بتتهرب
رعد بزعيق:كنتى فين يامروة
وانتى ياعمى بدل متكلمنى انا شوف بنتك كانت فين لمدة يوم كامل..ومراد بيعمل ايه هنا؟!
مراد حكالهم اللى حصل
رعد بص ل لمروة وفضل يحسس ف وشها ويقول:حد فيهم..عملك حاجة..طمنينى عليكى..قوليلى وانا اقسملك م هيطلع عليهم صبح
مروة ب ابتسامة: متقلقش يارعد..مراد كان معايا وحمانى منهم..دة احنا عيشنا يوم ولا ف الخيال.دة احنا نطينا ف البحر وقضينا يوم بحاله فيه..مراد من التعب نام وانا معرفتش انام علشان كنت خايفة عليك كنت حاسة انك ملهوف وخايف عليا
رعد بعصبية:وانتى ازاى تروحى معاه شارع المعز لوحديكم؟! انا مش باعت ليكى رسالة قولتلك فيها روحى عصيتى كلامى ليه
مروة بخوف:انا
احمد:متتعصبش عليها كدة..هى صح غلطت وليا كلام معاها..بس انت اوعى تتعدا حدودك وتنسى نفسك..مروة انسى رعد خالص هو مبقاش ليكى
رعد بعصبية:عمى بلاش
مروة:بلاش ايه؟! حد يفهمنى ويقولى ف ايه؟!
رعد:مروة حبيتى
جاى يقرب منها بس احمد مسك ايده وقالت:اوعى تعملها
مروة رعد هيتجوز بكرة..واللى هيتجوزها معانا ف القصر بس هى نايمة حاليا ف اوضتك
مروة مش مستوعبة حاجة لسة امبارح كان معاها يوم واحد بس تغيبه ترجع تلاقيه هيتجوز وبكرة كمان
مروة بصتله بعتاب ممزوج بالعياط
وفجاه بعدت عمالة ترجع لورا بعياط وعمال تشاور براسها ب لا كذا مرة
لحد م خبطت ف صدر مراد..بصتله وفجاه من تعب امبارح وصدمة عمرها اللى حصلتلها لقت نفسها مغمى عليها ف حضن مراد اللى اتخض ومسكها ووقع بيها ع الارض وهو بيقول ف سره:رعد هيتجوز طب ازاى دة حصل؟! وامتى؟!
كلهم جريوا علشان يطمنوا عليها..احمد شالها وطلع بيها ف الاوضة
سراب صحيت مخضونة وقامت مرة واحدة من ع السرير وبتبص ع مروة ب استغراب
عزيز:خليك معاها وانا هجيبلك دكتور
احمد:ماشى
سراب بصت ل رعد لقيته قلقان وخايف عايز يقرب منها بس ف حاجات كتير منعاه
ثريا بعياط:منك لله يارعد ع كسرة قلب البنت دى
مراد بص ع ايد مروة بتركيز لمح اسمه ع الحنة اللى رسماها استغرب بس من جواه فرح بس هو استغرب ليه حس الاحساس دة
كان الكل متوتر والصمت حليف الموقف
الدكتور جى وكشف ع مروة
الدكتور:ضغطها وطى فجاه ف علشان كدة حصلها الدوار دة..هى شكلها ضعيف جدا محتاجة منكم شوية اهتمام اكتر من كدة..انا هكتبلها ع شوية فيتامينات تاخدهم ع مدار شهر.بس انا حاسس بحاجة واتمنى متكونش حقيقة
احمد بقلق:حاسس ب ايه يادكتور؟!
الدكتور:خايف للمريضة تدخل ف مرحلة انعزال ولو وصلت لمرحلة الحزن المبالغ فيه هنضطر نوديها عند دكتور نفسى
رعد بصدمة:دكتور نفسى! ليه هى ان شاء الله هتقوم ومفيش حاجة من دى هتحصل
الدكتور:رعد باشا انا قولت حاسس مش متاكد..كله متوقف لحالتها..لو صحيت كويسة يبقى الحمد لله..ولو العكس يبقى الدكتور النفسى هو الحل
عزيز:شكرا يادكتور..اتفضل معايا خلينى اوصلك
الدكتور:عن اذنكم
راح عزيز علشان يوصل الدكتور
احمد:مراد
مراد:ايوة ياعمى
احمد:هو انت كنت دارس علم نفس اظن مش كدة؟!
مراد ب استغراب:ايوة انا دراس الطب النفسى بس مش واخد شهادة يعنى..انا بس قرات كتير وكنت باخد الكتب من طالب صاحبى ف الكلية كنت بقراها كخبرة مش اكتر
احمد:عارف انت قولتلى حاجة زى كدة..انا بس كنت بتاكد من حاجة..يلة الكل يخرج من الاوضة..خليها ترتاح
الكل:حاضر
ف الصالة
رعد:انت ازاى تخليها تخرج معاك هى عيلة وغلطت انت بقا ياكبير يامحترم فينك من كل دة؟!
مراد:انا مش شايف فيها مشكلة
رعد:ياسلام....انت اتعلمت البجاحة دى فين؟!
مراد:انا مليش كلام معاك..كلامى مع عمى وبس
احمد:رعد لو سمحت اقفل ع السيرة
رعد بعصبية:اقفل عليها ازاى؟! الموضوع كبير مش صغير..دة خدها وفسحها كمان ومعملش حساب لحد المرة الجاية ياخدها ويهرب مدة اللى ناقص..وجاى دلوقتى بكل بجاحة يقولى انا مش شايف فيها مشكلة
احمد بعصبية:خلاص يارعد قولتلك اقفل ع السيرة..نطمن عليها الاول ولا دة مش همك
رعد:مش همى! انا حياتى كلها كانت ضايعة ع مروة وبس..انا مستحملش عليها حاجة
مراد:ايوة والدليل ع كدة تجاهلك ليها.ودوستك ع قلبها ومشاعرها اللى بالنسبالك حاجة تفهة..رايح تتجوز ومش فارق معاك هتكون حالتها عاملة ازاى؟! طيب يااخى طالما الموضوع كدة كنت سيبهالى ع الاقل انا كنت شاريها..ولا هو تملك مريض وخلاص
رعد:اتلم يالا
مراد:ههههههه يالا..انت بتهدد ابنك الصغير ولا ايه؟!
رعد زقه جامد بس متهزرش هزة واحدة
مراد:لا ياراجل..وانا المفروض بالزقة دى اقع يعنى ولا ايه؟!
رعد بعصبية:انت بتعمل كل دة علشان تاخد مروة وتخليها تسافر معاك.انا اهو بقولك مروة مش هتسافر وتسيب القصر دة فريح نفسك..ومش هعدى اللى عملته دة بالساهل
اسد:انا طول الوقت ساكت ومش بتكلم..خلاص يارعد انهى الكلام..علشان انت السبب ف كل اللى بيحصل دة
رعد:انا السبب
اسد:ايوة..خلاص ياجماعة..اول م مروة تفوق هنشوف هنعمل ايه..وانت يااستاذ مراد شكرا علشان حميت مروة اللى عملته معاها يغفرلك الغلط اللى ارتكبته
مراد:لو احتجته حاجة انا موجود..عمى ارجوك متتردتش ابدا انك تكلمنى
احمد:ان شاء الله يبنى..بس تقوم بسلامة بس اهم حاجة
ف مكتب عزيز
عزيز:اقعد يارعد
رعد قعد ومستنى ابوه يتكلم
عزيز:ثريا قالتلى كل حاجة..بس استغربت من رد فعلك وعدم ترددك ف انك تتجوز سراب..بس لازم تعرف حاجة طالما انت حابب كدة يبقى خلاص زى م عمك قال لازم تنسى مروة..سيبها تعيش حياتها..انا عارف انك بتغير عليها..انا ممكن اقول غيرة اخ او اب بس متشدد شوية
رعد:بابا انا مش عاوز مروة تبعد عنى..مش هقدر ابعد عنها ولا استغنى عن مسؤليتى اتجاها
عزيز:هحاول اقنع عمك..بس ممكن مروى متقبلش بحاجة زى كدة..ولا حتى اللى هيتجوزها
رعد بفضول:مين اللى هيتجوزها؟!
عزيز:مستقبلا يعنى علاقتك بمروة مش هتعجب اللى هياخدها..ع العموم مش عايزين نسبق الاحداث..لما نشوف مروة رد فعلها ايه لما تفوق؟!
رعد:ربنا يستر
بليل
رعد:لسة لحد دلوقتى؟!
اسد:البنج كان شديد شوية الدكتور قال ممكن ع بكرة الصبح تكون فاقت
ثريا:معلش يااسد هطلب منك طلب
اسد:اومرى ياست الكل
ثريا:نام مع رعد وخلى اية تنام مع سراب لحد م نطمن ع مروة ونكتب كتاب سراب ع رعد
اسد:وانا مال امى انا؟!
ثريا:علشان خاطرى يااسد...انهردة بس ع الاقل يبنى
اسد:حاضر ياست الكل
رعد:هى سراب فين؟!
ثريا:واقفة ف الجنينة
رعد:انا رايحلها عن اذنكم
ثريا ف سرها:قلبى بيقولى لقيت ضلتك يارعد وحيرتك بشان مروة هتنهى واعتراضك علشان جوازها بردو هينتهى..ربنا يعوضك يابنتى..وتلاقى اللى ينسيكى رعد
ف اوضة مروة
مروة نايمة وعمالة تعرق جامد وبتترعش وعمالة تقول كلام مش مفهوم وبتشد ع قماشة السرير جامد ك انها بتحلم بكابوس وعايزة تفوق منه ومش عارفة
ف الجنينة
رعد:واقفة لوحدك ليه؟!
سراب:عادى
رعد: انتى حاسة بالذنب؟!
سراب:ايوة جدا..بس انا عايزة اسال مين مروة دى؟!
رعد:ع اساي ايه هو انتى متعرفيش انها بنت عمى؟
سراب:لا عارفة بس استغربت شوية حسة ان علاقتك انتى وهى ك انها حاجة غريبة شوية
رعد حكالها طبيعة علاقته مع مروة
سراب:انت مش بتحبها
رعد:تعبت من كتر التفكير
سراب:ممكن غيرتك عليها وخوفك الزايدة دة ولد جواك حب كبير محدش هيفهمه ولا يقدروا غيرك انت وبس
انت خايف تبعد عنك ومسؤليتك تروح لشخص تانى غيرك ممكن تستحمل انها تتجوز وتخلف بس بعيد عن عيونك تحترم وجودك بمعنى اصح
رعد بصلها وقال:ممكن يكون كلامك صح
سراب:لا هو اكيد..بس بقولك انت ليه عايز تتجوزنى؟!
رعد:علشان احميكى
سراب: يعنى مش علشان حاجة تانية
رعد:علشان عايزك ياسراب
سراب:هه
رعد:عايز اتجوزك ايه هه دى؟! عايزك مراتى..انتى اللى قطعتى حيرتى بشان علاقتى..انا دلوقتى حاسس انى معنديش مشكلة عايزة تتجوز براحتها انا مش همنعها
سراب:ملقتش غيرى انا
رعد:اعملك ايه؟! اسالى قلبى
سراب:قلبك!
رعد:اه انتى خطفتى قلبى من اول لحظة شوفتك فيها..هحميكى من اى حد يفكر يقربلك حتى من نفسى
سراب:خايفة تندم
رعد:عمرى مهندم ع جوازى منك
سراب بعياط:انا مستاهلش صدقنى.. ذنبك اى تتجوز واحدة مش بنت..انت تستاهل واحدة احسن منى
رعد:مفيش حد ف الدنيا دى كلها احسن منك
وبعدين اللى حصلك دة غصب عنك مش بمزاجك.ودى تفرق معايا اوى
سراب:نظرتك دى هتختلف بعد الجواز لما تحس انك مش اول راجل يلمسنى
رعد مسح دموعها وقال:خلاص متعيطيش...مش عايز اسمع الكلام دة دلوقتى خالص...هنتكلم بس لما تكونى ع ذمتى علشان اعرف اخد راحتى معاكى ف الكلام
سراب ضحكت وقالت:حاضر
عند ميار واسر
اسر قاعد بيتفرج ع ماتش كورة ع التليفزيون بس بتركيز تام..ميار كانت بتقرا ب ملل وفجاه راحتله وقعدت جمبه بس مش قادرة تندمج خالص مع الماتش..فجاه ابتسمت
بمكر وقربت منه هو اشعر بسبب لمستها فبعد عنها هى قربت منه اكتر هو مسك ايدها وغمض عينه وقال:بلاش الاسلوب دة
ميار:اسلوب ايه؟! هو انت مش جوزى؟! يعنى اللى بعمله دة طبيعى
اسر:طب سيبينى خلينى اعرف اتفرج ع الماتش
ميار:وايه اللى منعك..اتفرج براحتك.. انا مالى يعنى
اسر قفل التليفزيون ونفخ بضيق
ميار:الله..طفيته ليه دلوقت؟!
اسر:هتفرج عليه ع النت.مزاجى قلب خلاص
ميار:طيب تصبح ع خير
اسر:نعم ياختى
ميار:هنام يااسر..ليه شايفها حاجة غريية يعنى
اسر:ميار انتى عايزة ايه؟!
ميار فهمته هى عايز ايه بس بطريقة العشاق هو اتصدم من اللى عملته بس صدمته اختفت خالص وبادلها شعورها بس ب احساس اكبر..هو استغربه..حس انه مش عايز يبعد عنها..بتشده ليها غصب عنه..حس انها بتاعته وملكه..وهى مبسوطة اكتر وهى معاه
*********************
إلي هنا نتهي الفصل السادس من رواية اختلاف القلوب وتحدى القدر بقلم هاجر عبدالحليم (ج2)
تابع من هنا: جميع حلقات الجزء الثاني من رواية اختلاف القلوب وتحدي القدر
تابع من هنا: جميع حلقات الجزء الثاني من رواية اختلاف القلوب وتحدي القدر
تابع من هنا: جميع فصول رواية عشق الزين الجزء الأول
تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها
أو أرسل لنا رسالة مباشرة عبر الماسنجر باسم القصة التي تريدها
اقرأ أيضا: رواية شهد الحياة بقلم زيزي محمد
إرسال تعليق
يسعدنا تلقي اقتراحاتك أو تعليقك هنا