مرحباً بكم أصدقائي وأحبابي عاشقي القراءة والقصص والروايات حيث نغوص اليوم مع رواية رومانسية مصرية جديدة للكاتبة المميزة رحاب ابراهيم الشهيرة بروبا, وموعدنا اليوم علي موقع قصص 26 مع الفصل السابع و العشرون من رواية اميرة بقلب سجان ج2 بقلم رحاب إبراهيم.
رواية اميرة بقلب سجان ج2 بقلم رحاب إبراهيم - الفصل السابع و العشرون
تابع من هنا: تجميعة روايات رومانسية مصرية
 |
| رواية اميرة بقلب سجان ج2 بقلم رحاب إبراهيم |
رواية اميرة بقلب سجان ج2 بقلم رحاب إبراهيم - الفصل السابع و العشرون
ووضع يدها بيده وذهبوا،،
تحركت بجانبه بخطوات ثابته ،يملئها الخوف والقلق والفرحة
كل شئ بداخلها الان ،،
عندما خرجوا التقت اميرة بالمباركة من الفتايات والزغاريد
وووقفت عندما شاهدت امها ،،
تقابلت اعينهم بحب ودمعة تتراقص بأعينهم من السعادة ،،
اقتربت خديجة من ابنتها وضمتها بسعادة فائقة وبكت وهى تبتسم ،، ووقف ادهم ينظر لهم بحب والابتسامة لا تفارق محياه ،، وسبقها فى الحديث وقال
مش محتاجة توصينى عليها ،، محدش بيوصى حد على روحه
اتسعت ابتسامة خديجة وحضنتهم الاثنين معاً ،، وقالت
ربنا يباركلكم فى حياتكم ياارب وتشوفوا فرحة الدنيا كلها ويحميكوا من كل شر ،،
اميرة بتمنى....ياااارب
ادهم ....اللهم امين
نظره لم يترك وجهها الذى عشق كل تفاصيله البسيطة والرقيقة
اخذها ادهم للخارج وورائهم الفتايات وخديجة ،،
ركبت اميرة سيارة ادهم المكشوفة ،،اتى بها خصيصاً من الخارج لهذه المناسبة ،، السيارة كانت بيضاء ذو طراز ملوكى
ساعدوها الفتايات حتى تدخل السيارة بفستانها الضخم
وذيل الفستان الحريرى تمايل للخلف على السيارة بمشهد ولا اروع ،، تجسد الان اسمها على صورتها
💟💟 "اميرة " 💟💟
اتى معتز وعصام واخذوا الفتايات وخديجة ،
جلس ادهم بجانبها وقال هامساّ ،،
النهاردة احلى يوم فى عمررررى 💟💟
نظرت له بحب وبخجل ،، وكأن الكلام يخجل ان يخرج منها الان
استمر ينظر لها بابتسامة طيلة الطريق ،، ويهمس بكلمات رومانسية وهو يمسك يدها بقوة ،،
وكأنها ستهرب منه ،، مر بصعوبات كثيرة حتى وصل الى هذه اللحظة التى طالما تمناها منذ لقائهم ،،
والان ،،تحقق حلم بات فى القلب منذ زمن واستيقظ عندما رائها ،، هى وليس سواها ،،من حركت المياه الراكدة بداخله
هى من فتحت ابواب قلبه للحب بعد ان اغلقه من قسوة ما عاناه،،
وقفت السيارة عند قاعة تشبه الحلم ،،
وكان ينتظرها زفة راقية ،، اخذت مساحة كبيرة من الطريق
والاطفال الصغيرة تنتشر على جانبى الطريق بفساتينهم البيضاء مثل العروس ،، وبدأت الموسيقى عندما وقفت السيارة
اتت الفتايات اليها مسرعين وساعدوها ولكن ادهم اعترض ،،
مسك يديها بحنان واخرجها من السيارة بلطف ،،
نظرو الفتايات لبعضهم بنظرة هائمة ،، وضحكت اميرة على تعابير وجههم ، ونظرت لادهم الذى ثبتت نظرته عليها وترفض ان تفارق وجهها ،،
وضع يده بيدها ومشوا بخطوات بطيئة مع الموسيقى ،، وفجأة
انتشر فى الجو ورود حمرا وجليتر دهبى لامع ،،جعل المشهد كحلما جميل تتمنى العين ان تراه ،، ونظرت له والورود تتساقط على وجههم مثل حبات المطر الرقيقة ،،وتذكرت اول مرة سمعت فيها اعترافه بحبه فى مشهد يماثل هذا فى روعته
اقترب من اذنها وهمس ،،بحبك 💟
يقرأها ككتاب مفتوح ،،
نظرتها كفيلة الان ان يجن بها وهو يشاهدها تنظر حولها من الاعجاب بعدم تصديق لما تراه ،،
دخل من مدخل خاص للعرائس,, واتت موظفة فى المكان وقالت لادهم ،،
هنطلع الاول على التصوير ،،
هز رأسه برسمية وثقة بالموافقة ،،
ودخل المصعد ومعه اميرة والموظفة ،،
وصل الى استوديو التصوير ،، وتم اخذ بعض اللقطات ،،
وتبقى مشاهد خارجية ،، فتح المصور باب زجاجى مؤدى على فرندة كبيرة مخصصة لذلك ، ومزينة بطريقة مبهرة ،،
واستعد ادهم للتصوير مع احراج اميرة من اقترابه بهذا الشكل
بناءا على تعليمات المصور ،،
ونظر لعينيها نظرة عميقة عاشقة ،، وكل ما كانت تدل وتتواعد عليها عيناه هى السعادة ،،
انتهى التصوير مع ضحكات ادهم على خجل اميرة ،، واتت الموظفة مرة اخرى ،، وقالت
حضرتك هتروح دلوقتى الحفلة وهتسيبلنا العروسة
ثم ذهبت عندما لاحظت انكماش تعابير وجهه ،، وقال لاميرة
مش هقدر امشى 😞
ضحكت اميرة وقالت تستفزه
لااا لازم تمشى 😂
وشدته من يده للخارج ،،وقالت له بمرح
لازم ننفذ تعليمات الفندق 😂
ادهم بانزعاج .... مش شرط امشى يعنى ومش شرط انفذها 😣
اميرة بغيظ .....اومال بس شاطر تسمع كلام المصور 😑 اااامشى 😂😂
اتت الموظفة ثانية واخذت اميرة لغرفة العرائس ،،
ونظر لها ادهم وهى تذهب بنظرة غريبة وكأنها ستذهب بلا راجعة ،، واتت الميكب ارتست لتتفحص اميرة ،،وقالت
لا تمام الميكب تحفة وثابت
نظرت اميرة لوجهها عبر المراية ،،وهى تبتسم
وقالت الموظفة ،،
هنبدا دلوقتى اول عرض ،،
اندهشت اميرة ،،وقالت
عرض ايه ؟؟
الموظفة بابتسامة ....هتعرفى 😊
.............................
وصلت خديجة للقاعة ومعها سمر وجودى ونيرمين ونورا
والتقوا بالبقية فى القاعة ،،
ونظر اسماعيل حوله بانبهار وقال ،،
اهى دى الافراح ولا بلاش ،، مكتوبالك يابنت اخويا
رد توفيق وهو بجانبه ،،
طب ادعيلها ربنا يهنيها ،، وبطل كلامك ده احسن حد يسمعك
احنا هنرفع راس بنت اخونا ولا هنقل منها
نظر محمود لزوجته احلام ،،وقال بابتسامة محبة
مش قولتلك انى هبقى ليكى انتى وبس ،، وادينا اهو فى فرح اميرة
ابتسمت احلام وقالت .. ربنا ما يحرمنى منك ابدااا ياحبيبى
انا ماليش غيرك فى الدنيا
محمود ...ولا منك ياروح حبيبك ،،
.......
قالت الجدة بفضول ....
هى اميرة فين ؟ ادهم جه لواحده
ضحكت نيرمين وقالت ،، هتيجى دلوقتى يا تيته ،، هما بس هيورونا شوية حركات كدا ،،
جودى بخبث وهمست بأذن نيرمين ....
سلمتيهم الامانة 😁
نيرمين بضحكة ...ايووة طبعا ودى حاجة تتنسى
دحنا قعدنا اسبوع نحضر فيها مع اميرة رغم اننا كنا فى وقت امتحانات
جودى ....بس الحمد لله قدرنا نعملها ونفذناها
نيرمين ..... احمدى ربنا ان اميرة وافقت اصلا ،،
جودى ....ماهى وافقت بعد قالت لادهم فى اول الحفلة مايبقاش موجود الا الحريم واهلها بس ،وصحاب ادهم هيفضلوا فى قاعة تانية ،،
جودى ...بتتكسف،، بس والله صوتها طالع حلووو 😂
نيرمين بخبث ...من كتر الحب 😇😇
...........................
ذهب ادهم للقاعة الاخرى ، وسلم على الجميع مع المباركات له
وتعجب كثيرا منهم بوجودهم فى قاعة منفردة للرجال فقط
،،قال لهم
فى اخر الحفلة هنتجمع انما دلوقتى لا
وذهب للقاعة الاخرى ،، وهو يشعر انها مشتاق لرؤيتها بجنون
انطفئت الانوار فجأة بخلاف اضاءة علوية ،
وفتحت فاتحة كبيرة من السقف ونزل منها موكب مزين بالورود واللمبات الصغيرة اللامعة ،، وبدأت اميرة تغنى وهى ترتجف وتنظر له بعشق من الاعلى وهى بداخل الموكب المزين وممسكة بكلتا يديها من الجانبين وهى تبتسم وتردد كلمات الاغنية التى صممت جودى ونيرمين على تنفيذها وجعلها مفاجئة له ،، وسجلت الاغنية الشهيرة لكارمن سليمان بصوتها
كلمات الاغنية
عارف حبيبى وانا شيفاك وسمعاك ،بنسى كل الدنيا معاك
حابة نفسى عشان حبااك ،حاسة انى بدأت اعيش
كل اللى ياماا حلمت بيه ،لقيته فيك ،ضحكتك ،،صوتك عينيك
مهما قولت حبيبتى عليك ،الكلام بقى ما يكفيش ،،
وتحركت برقة وهى تقول
لما تشوفك عينى انا بنسى حياتى وبنسى سنينى ،لما بكون وياك بلاقينى مطمنة ،،حبك ده مدوبنى وان زعلتك مرة حاسبنى ،، ماهو لو ثانية تروح وتسيبنى اموت اناااا
نظر لها بذهول وهى تنزل بموكبها على الارض ، وركض اليها
باشتياق مجنون ،، ووقف امامها وتلاقت نظرتهم بعشق
واكملت اميرة بدمعة بعينيها ،، وقالت
قبليك يا ما انا شوفت عذااب وجراااح بس يا قلبى خلاص من الليل ارتاااح
جذبها اليه بلهفة ولف بها بجنون من الفرحة ،، وسقف الجميع لهم وبعد دقائق
انزلها ،، واتت سمر بفرحة واخذت اطراف طرحتها الطويلة والقتها على رأسهم وهم يتحركون سلوو على نغمات الاغنية التى تغنيها اميرة ،،
نظر لها وتفاجئت اميرة بدمعة بعينيه ،، هزت رأسها بالرفض
وجرت دموعها ،،وقالت وهى تمسح عينيها ، وقالت
لييييه 😢
حضنها بقوة ،،وقال
محدش هيحس بيا دلوقتى غير اللى اتوجع اووى واخيرا فرح
وتعالى صوتها بالغناء عبر المسجل ،
ونظرت له واكملت غنائها وهى تنظر له وعينيه تضمها اكثر من يده ،، واكملت
عارف حبيبى فى قلبى كلام واحلام ،،عينى شايفة سنين قدام شايفة حب وشايفة غرام ،عمرى كنت ما افكر فيه ،، كل اللى جاى حبيبى ليك ولعنيك لو هموت علشان ارضيك ،عمرى كله شوية عليك ،،شوفت عامل فيا انا ايه ،،
قبّل رأسها بحب امام سعادة الجميع ،،
وانتهت الاغنية ،، ووقف امامها ونظره لا يفارقها ،
وقالت له بضحكة ،،
مش انت بس اللى بتعمل مفاجأت 😊
ادهم بعشق .....
مفاجئتك انتى احلى من اى حاجة عملتها يا عمررى كله💟
خرجت سمر لزوجها الذى وقف بالخارج ومعه معتز وعصام ومحمود ،، وتبقى بداخل القاعة اعمام اميرة فقط من الرجال
اتى على لسمر بابتسامة وقال
ايه 😂
ضحكت سمر وقالت
بحبك يا عيلوة 😂💟
على بسعادة ....😇😇😇😊😊😊
شدت سمر ادم من خلفها وقالت لعلى
خد ادم بقى 😂
على بتكشيرة ..😑😑💔
............................
رمت جودى رأسها على كتف نيرمبن بهيام وقالت
يا سلاااام 😊
نفضت نيرمين رأسها وقالت
رأسك تقيلة 😭
واكملت وهى تنظر لاميرة وادهم ،،وقالت بسرحان
هو الحب حلوو كدا 😊😇
قالت الجدة وهى تتذكر ما مضى 😂
بيفكرونى بنفسى انا وعبعزيز 😊😂
ضحكت سعاد وقالت
نفسى اسلم عليهم بس مستنية لما اميرة تروح الاستراحة عشان النص التانى من الحفلة
نظرت لها خديجة بتمعن ولكن انشغلت مرة اخرى بأبنتها وفرحتها ، واستمرت تدعى لها من قلبها بخفوت حتى يحميها رب العالمين من اى شر ،،
عدى نص الوقت ،،
وذهبت اميرة مرة اخرى لاستراحة العرائس وذهبت معها سعاد ومنعت اى شخص يأتى معها ،، وقالت
،،هى واحدة بس اللى بتروح مع العروسة ،،خليكوا انتوا هنا ،وانا هروح معاها
واتت الجدة لتبارك لها وبعض الافراد ثم ذهبت للاستراحة ،،
ونظرات ادهم تسرقها عشقاّ،،
دخلت اميرة الاستراحة بضحكة ودخلت سعاد وحضنتها ،،
ثم اتجهت سعاد لتغلق الباب بالمفتاح
وتفاجئت اميرة بشئ غريب ،، ظهور شخص
واتسعت عينيها وهى ترا .....اركان
*********************
إلي هنا ينتهي الفصل السابع و العشرون من رواية اميرة بقلب سجان ج2 بقلم رحاب إبراهيم
تابع من هنا: جميع فصول رواية أميرة بقلب سجان ج2 بقلم رحاب ابراهيم
تابع من هنا أيضاً: جميع فصول رواية أميرة بقلب سجان ج1 بقلم رحاب ابراهيم
تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها
أو أرسل لنا رسالة مباشرة عبر الماسنجر باسم القصة التي تريدها
تابع من هنا: جميع حلقات رواية ديفشا بقلم الشيماء محمد
إرسال تعليق
يسعدنا تلقي اقتراحاتك أو تعليقك هنا