مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة دودو محمد علي موقعنا قصص 26 و موعدنا اليوم مع الفصل السادس و الأربعون من رواية تمرد صحفية بقلم دودو محمد.
رواية تمرد صحفية بقلم دودو محمد - الفصل السادس و الأربعون
اقرأ أيضا: روايات رومانسية
 |
| رواية تمرد صحفية بقلم دودو محمد |
رواية تمرد صحفية بقلم دودو محمد - الفصل السادس و الأربعون
فى الصعيد
في بيت محسن سواق التاكسى
صحيت ميرفت من نومها على مغص شديد فى بطنها وصرخت بصوت عالى هز اركان البيت سمعت صوتها منيره جت تجرى عليها ودخلت قعدت جنبها على السرير وقالت بخضه
منيره :- مالك يا بنتى
ميرفت :- بدموع مغص جامد اوى يا خالتى
منيره :- مغص طيب فيه دم نزل منك ولا حاجه
ميرفت :- بألم معرفش
منيره :- طيب قومى يا بنتى شوفى كده
ميرفت :- لسه بتقوم من على السرير سمعت صوت صريخ منيره بتقول
منيره :- بصريخ انتى شكلك بتسقطى يا بنتى انتى غرقانه فى دمك
ميرفت :- بدموع والم لالالا انا عايزه العيل ده ابوس ايدك يا خالتى الحقيه متخلهوش ينزل
منيره :- يا بنتى وانا ايه يعرفنى فى الحاجات دى انا هتصل على عمك محسن يجى يخدنا بسرعه المستشفى
ميرفت:- بدموع بسرعة يا خالتى بالله عليكى بسرعه
منيره :- خرجت تجرى من الاوضه وبلغت محسن باللى حصل وقفلت معاه
ميرفت :- وهى حطه ايديها على بطنها ودموعها نازله منها قالت يارب متحرمنيش منه ده هو الامل الوحيد اللى عايشه دلوقتى علشانه هو الامل اللى ادانى طاقه اكمل الحياه بيه هو العوض عن كل حاجه حصلت ليا فى الدنيا دى يارب متوجعش قلبى وتخدوه منى بعد ما حلمت اشوفه والمسه ما بين ايديا وفى الوقت ده دخلت منيره وقالت
منيره :- قومى يا بنتى معايا اشطفك واغيرك هدومك عمك محسن جاى حالا
ميرفت :- بتعب يجى بسرعه ارجوكى يا خالتى انا عايزه البيبى ده اعملوا اى حاجه ومتخلهوش ينزل ابوس ايديكم
منيره :- بدموع لا حولا ولا قوة الا بالله قومى يا بنتى معايا إن شاءالله خير وقامت ميرفت مع منيره شطفتها وغيرت ليها هدومها وبعد وقت قصير جدآ وصل محسن بالتاكسى بتاعه واخد ميرفت ومنيره وراح بيهم المستشفى ودخلوا يجروا على اوضت الكشف وخرج محسن ومنيره من الاوضه ينتظروا وصول الدكتوره علشان تكشف على ميرفت
منيره :- بدموع الوضع كده بقى صعب يا سى محسن لازم نبلغ جوزها أن مراته حامل ولازم يبقى جنبها فى الوقت ده
محسن :- يا منيره انتى نسيه أننا وعدنها ان محدش فينا هيبلغ جوزها بحاجه
منيره :- يا سى محسن الكلام ده من وراه قلبها احنا عايزين نعمل خير وده ولا حرام ولا عيب
محسن :- سكت وقال لو عرفت ممكن تمشى وتسبنا واحنا ما صدقنا ان لاقينا حد يعوضنا عن غياب ولادنا
منيره :- هى هتمشى على بيت جوزها اكيد مش هيسبها وهى هتفرح بكده وبالنسبه لينا يا سى محسن زى ما بنتمنا أن ولادنا يعيشوا مبسوطين فى بيوتهم نتمنا برضه لميرفت تعيش مع جوزها سعيده ومبسوطه بدل العذاب اللى هى فيه ده صح ولا ايه
محسن :- سكت شويه وقال عندك حق هطمن عليها وهروح أسأل فى القسم عن الظابط اللى اسمه حمزه وهبلغه كل حاجه عنها وربنا يسعدها ويريح قلبها علطول
منيره :- عين العقل يا خويه احنا كبار وفاهمين مصلحتها اكتر منها وفى الوقت ده جت الدكتوره ودخلت كشفت على ميرفت وخرجت من الاوضه
منيره :- باللهفه خير يا دكتوره طمنينى
الدكتوره :- ربنا يعوض عليها ربنا مش رايد أن الحمل ده يكمل
محسن :- بصدمه سقطت
الدكتوره :- ايوه البيبى نزل عن اذنكم
منيره :- بدموع يا قلب امك يا بنتى ملحقتيش تفرحى بيه دى كانت هتموت وتشوفه لا إله إلا الله اللهم لا أسألك رد القضاء ولكن أسألك اللطف فيه
محسن :- أن لله وإن إليه راجعون لا حولا ولا قوة الا بالله ادخلى ليها يا منيره زمانها منهاره جوه وانا هروح ابلغ جوزها بكل حاجه
منيره :- مسحت دموعها وقالت حاضر يا سى محسن وفتحت الباب ودخلت لاقت ميرفت قاعده وبتبص قصادها وسرحانه ومفيش دموع نازله من عينيها قربت منها وقالت معلش يا بنتى ربنا يعوضك بأحسن منه إن شاءالله
ميرفت :- سرحانه ومش بترد عليها
منيره :- يا بنتى بلاش السكوت ده اصرخى عيطى طلعى كل اللى جواكى
ميرفت :- ساكته ومش بترد عليها
منيره :- يا بنتى ردى على خالتك بلاش تسبينى اكلم نفسى كده
ميرفت :- ممكن مايه
منيره :- حاضر يا بنتى ولسه بتجيب ليها المايه من جنبها
ميرفت :- لاء مش عايزه مايه من دى عايزه مايه مقفوله ارجوكى يا خالتى
منيره :- حاضر يا بنتى من عينيا وخرجت سابتها فى الاوضه وراحت اشترت ليها المايه ورجعت تانى خبطت على الباب ودخلت بس ملاقتش ميرفت على السرير استغربت وخرجت تدور عليها وشافت الممرضه وقالت ليها لو سمحتى فين المدام اللى كانت فى الاوضه اللى هنا
الممرضه :- انو اوضه
منيره :- بتاعة الكشف يا بنتى هى كانت حامل والعيل نزل
الممرضه :- اه اه دى لسه ماشيه من المستشفى
منيره :- ايه مشيت ازاى لا تلاقى انتى بس مش عارفه انا بقول على مين
الممرضه :- لاء عارفه المدام البيضه القصيره دى كانت لبسه بلوزه سوده وبنطلون جينز ازرق
منيره :- بصدمه ايوه هى دى
الممرضه :- ايوه هى دى اللى بقول ليكى انها لسه ماشيه
منيره :- بصدمه مشيت ازاى وراحت فين بس وشكرت الممرضه وخرجت تدور على ميرفت
~•~•~•~•~•~•~•~•~•~•~•~•~•
فى شقة سعيد
فى اوضت حمزه
صحى حمزه من نومه على صوت تليفونه بص لاقه رقم تامر رد وقال
حمزه:- ايوه يا تامر
تامر :- انت لسه نايم قوم بسرعه يلا
حمزه :- بقولك ايه يا تامر مش فايق ليك على الصبح
تامر :- يا ابنى انت افهم تعال حالا علشان انت رجعت مكانك
حمزه :- رجعت فين
تامر :- رجعت لشغلك فى اسكندريه
حمزه :- بجد طيب ازاى ده
تامر :- يا ابنى اتحرك وانت هتعرف كل حاجه لما تيجى
حمزه:- ماشى ماشى سلام وقفل مع تامر وقام خرج من اوضه وقال صباح الخير يا بابا
سعيد:- صباح النور يا حبيبى ايه صحاك بدرى كده
حمزه :- قرار رجوعى اتمضى ورجعت الشغل تانى فى اسكندريه
سعيد :- بجد الف حمد والف شكر يا ربى كنت بدعيلك فى كل صلاتى
حمزه :- ادعيلى يا بابا الاقى ميرفت مراتى
سعيد :- أن شاءالله يا حبيبى لما ادخل اتوضا علشان اصلى ركعتين الصبح
حمزه :- ربنا يتقبل منك يا بابا
سعيد :- دخل الحمام اتوضا وخرج من الحمام دخل اوضه اداه فرضه وغير هدومه وخرج من الاوضه
مؤمن :- بأستغراب غريبه صاحى بدرى يعنى
حمزه :- رجعت هنا تانى
مؤمن :- بجد اخيرآ هترجع عقبال داليا لما ترجع هى كمان
حمزه :- لا اختك غرقانه فى العسل مع سى روميو بتاعها انا نازل ونزل وسابه
مؤمن :- افتكر سندس واتنهد بوجع ودخل الحمام
~•~•~•~•~•~•~•~•~•~•~•~•~•
فى شركة أدهم الحناوى
كان قاعد ادهم فى مكتبه والباب خبط ودخل السكرتير يبلغ ادهم أن فيه واحد عايز يقابله واذن ادهم ليه بالدخول خرج السكرتير ودخل ليه الراجل
ادهم :- انت جاى ليه
مصطفى :- جاى ليك يا ادهم
ادهم :- وانا مش عايز اقابلك ولا اشوفك
مصطفى :- امك تعبانه وبتموت يا ادهم وعايزه تشوفك
ادهم :- ما تموت انا مش عايز اشوفها اصلا
مصطفى :- انت ايه يا اخى معندكش قلب بقولك امك بتموت دى لو عملت فيك ايه مش هتعمل فيها كده
ادهم :- راح عنده وقال لاء عملت فيا حاجات كتير زى ما سابتنى علشان نفسها وانا صغير هسيبها تموت عليا وانا كبير
مصطفى :- غصب عنها
ادهم :- قطعه وقال مش غصب عنها كان ممكن تستغنا عن متعتها فى سبيل تبقى معايا لكن هى فضلت شهوتها ومتعتها عنى فضلتك انت عن ابنها
مصطفى :- يا ابنى اسمعنى
ادهم :- بزعيق متقوليش يا ابنى
مصطفى :- انت لازم تسمع الحقيقه بقى طول عمرك رافض تسمعنا طول عمرك مش راضى تدينا فرصه نفهمك الحقيقه انت كنت صغير ومش عارف تشوف الحقيقه خيالك وانت طفل صورك حاجات غلط وكبر فى عقلك لحد دلوقتى فيه حاجات كتير اوى لازم تعرفها حقايق هتغير نظرتك لينا امك مش خاينه امك م
ادهم :- متقولش امى امى ماتت من زمان اوى ومش عايز اسمع سيرتها ولا اسمع منك نص كلمه
مصطفى :- بعصبيه افهم بقى واسمعنى لازم تعرف الحقيقه لازم تعرف أن امك كانت مراتى قبل ما تكون مرات خالد
ادهم :- بص ليه بصدمه
مصطفى :- ايوه انا كنت كاتب كتاب امك قبل ما خالد يدخل حياتنا وبنحب بعض جدآ لأننا كنا جيران ومره امك كانت فى مكتب ابوها فى الشركه وهى طول عمرها دلوعه وتحب الضحك والهزار وكان بالصدفه خالد ده موجود هناك وشاف امك بتضحك وتهزر وانا كنت شغال عندهم فى الشركه دى بحكم الجيره وكده ولما عجبته سأل عليها وقال ليه أن هى مكتوب كتابها قرر ما بينه وبين نفسه أن هى تبقى ليه المهم امك لما شافت خالد ده مرتحتش ليه وبصت ليه بقرف ومشيت من الشركه خالص وروحت البيت واتصلت بيا وهى مخنوقه ولما سألتها مالك قالت إن هى متغاظه من البنى أدم ده علشان كان بيبص ليها بصات مش كويسه انا اتعصبت وحلفت لاروح اضربه وقفلت السكه فى وشها بس قبل ما اخرج من البيت لاقيت الجرس بيرن بفتح لاقتها امك ودموعها على خدها واول ما شافتنى اترمت فى حضنى وقعدت تعيط من خوفها عليا وكنت فى الوقت ده عايش لوحدى لأن اهلى كانوا مسافرين دخلتها الشقه عندى وقعد أهدى فيها وبما أن هى كانت مراتى فى الوقت ده ضعفنا و.و.و وسكت شويه وكمل كلامه وقال وحصل ما بينا علاقه بس والله العظيم ما كنت أقصد أن انا اكسرها ولا حاجه لان هى بجد كانت كل حياتى وكنا شباب ومشاعرنا هى اللى كانت بتحركنا المهم لما حصل كده امك قعدت تعيط وقالت أننا اتسرعنا وكان لازم نستنا الفرح انا هدتها وقولت ليها أن اللى حصل ده مش حرام لان هى مراتى والناس كلها عارفه كده ومشيت من عندى فضل السر ده ما بينا وبقى كل ما يتيح الوقت لينا نتقابل فى الشقه عندى ونقضى وقت لحد ما جه اليوم المشأوم غمض عينه بوجع ودمعه نزلت منه وقال اتفاجئت بأبو ماجده جاى عندى وبيقولى لازم تطلق ماجده كانت صدمه كبيره اوى بالنسبه ليا ولما سألت على السبب رفض يقول السبب وفى المقابل انا رفض وحاولت اتواصل مع امك ساعتها بس مكنتش عارف اوصل ليها ومشيت من الشركه بأمر من ابوها وكنت ماشى فى الشارع لاقيت عربيه خطفتنى وقعدوا يضربوا فيا لحد ما كنت خلاص هموت ولاقيت خالد الحناوى داخل بكل هيبه وقعد وحط رجل على رجل وقال ليا أن انا لازم أطلق ماجده احسن ما يقتلنى ويتجوزها برضه وطبعآ انا رفض وفضلت أن انا اموت ولا أطلقها ولما معرفش يخلينى أطلقها مشى وهو متغاظ واتفاجئت بعدها بيومين من الضرب وقلة الاكل لاقت امك جايه وهى اللى بتطلب منى الطلاق كانت صدمه بالنسبه ليا بس كنت حاسس ان فيه حاجه غلط حاسس ان دى مش امك اللى انا حبيتها وارتبط بيها وهى اللى صممت أن انا أطلقها وفعلا نفذت رغبتها بس مقدرتش اعيش ثانيه واحده تانى فى البلد واشوفها مع واحد تانى روحت اخد هدومى سافرت بره مصر اخد قرار أن انا هعيش لنفسى وبس وطبعآ شوفت جميع الإهانات على ما قدرت اثبت نفسى واعمل اسم واشتغلت فى شركه وفضلت اكبر أكبر لحد ماعملت اسم هناك وسط رجال الأعمال بس تملى كان فيه حاجه نقصانى قلة وجود امك فى حياتى كانت ضربه جامده عليا كنت عايش كأنى انسان الى بس اشتغل وأكبر بس من غير روح وجه اليوم اللى قررت ارجع فيه مصر وانا واحد تانى غير اللى مشى منها وبعد سبع سنين رجعت فعلا وفتحت شركه وسألت على شركة ابو ماجده عرفت انها اشهرت إفلاسها من زمان وقفلت ونزلت بنفسى وجمعت معلومات عن امك وعرفت هى ساكنه فين وعرفت انها هى معاها ولد اللى هو انت دورت على فيلا جنب الفيلا بتاعتكم واشتريتها وبقيت اشوفها من بعيد لبعيد وهى خارجه وهى داخله لحد ما انت جيت ليا فى يوم وقولت أن هى تعبانه وجيت معاك الفيلا وانا حاسس ان قلبى هيوقف عليا من الخوف واخدها وروحنا المستشفى وبعد ما فاقت كانت صدمه ليها لما شافتنى قدامها وشوفت نظره ودمعه فى عينيها عمرى ما هنساهم حسيت قد ايه هى موجوعه عارف انا نسيت اى حاجه حصلت منها لمجرد انها نطقت أسمى على شفايفها المهم محاولتش افتح معاها اى حاجه من الماضى ولا هى حاولت تسألنى كنت فين كل ده واخدكم روحتكم الفيلا من تانى بس كان بالى مشغول بحاجه واحده بس بالشكل الكبير اللى بينى وبينك حتى دلوقتى انت نسخه منى وانا شاب المهم جيت وسألت عليكم وكنت كل مره اشوف امك فيها احس انها موجوعه لحد ما فى يوم قررت اتكلم معاها واعرف ايه اللى وجعها اوى كده جيت وكنت انت نايم وهى لوحدها فى الفيلا دخلت وبدأنا نتكلم عن الماضى وكانت صدمت عمرى فى اليوم ده لما عرفت السبب اللى خلى امك تطلب منى الطلاق عرفت أن خالد وقع ابوها فى شر أعماله وخسر ابوها كل حاجه وقال إنه هيساعده ويسلفه فلوس يوقف بيها من تانى بس بشرط أنه يجوزه بنته اللى هى امك طبعآ ابوها قاله أن هى مكتوب كتابها هو قال إن هيخلينى أطلقها بطريقته ولما حصل واتجوزها معملش حاجه من اللي وعد بيها ابوها وساب الشركه تعلن إفلاسها وابو ماجده مستحملش الخساره وان هو كان هيدخل السجن ومات وقالت ليا أنها عمرها ما حبيته ولا سلمته نفسها برضاها حاولت اخدها فى حضنى اطبطب عليها بس كان جوايا وجواها شوق كبير او لبعض وغمض عينه وقال وطبعآ حصل وسكت وقال ومشيت قبل ما خالد يجى ويعرف مين اللى كان مع امك وعرفت قد ايه هى متعذبه معاه من يوم ما اتجوزو ورفضت أن هو يجى جنبها ولما حصل ولاقها مش بنت حلف ليوريها اسود ايام عمرها وكان عايز يفضحها بس هى اترجته أن ميعملش كده وعاشت السبع سنين معاه فى ذل واهانه وعرفت ان فى الاخر فيه واحده فى حياته حاولت على قد ما اقدر اعوضها الحنان اللى هى فقدته السنين اللى فاتوا لحد ما خالد عرف أن انا رجعت وعرف اللى كان بينى وبين امك وشافها عندى فى الفيلا وضربها وطلقها واخدك منها وانتقم منى وخسرنى كل حاجه واخد امك وسافرت بس فى اليوم اللى عرف فيه خالد بعلاقتنا امك اعترفت ليا وقالت وفى الوقت ده قطعه خبط الباب ودخل السكرتير وقال إن فيه اجتماع بعد ربع ساعه وخرج
ادهم :- كان واقف قدام المكتب وساند عليه وحاطط أيده على صدره وبيسمع لمصطفى وبعد ما خرج السكرتير بص لمصطفى وقال انت بقى عايز تثبت أن مراتك مظلومه بالحوارات دى كلها احب اقولك انا ولا اتهزت شعره منى وشايف برضه أنها واحده خاينه وو**** وبعدين كلامك كله كدب احنا عايشين مبسوطين قبل ما نشوف وشك ووش التانيه اللى اسمها إنعام انتوا الاتنين شياطين
مصطفى :- ربنا يعلم أن انا مكذبتش عليك فى ولا كلمه وامك عمرها ما كانت سعيده مع خالد امك كانت بتمثل قدامك انها سعيده علشانك انت علشان متحسش بحاجه ونفسيتك تتعب كانت بتحاول ترسملك انكم عيله مثاليه
ادهم :- ههههههههه بجد انا مشوفتش فى حياتى اوسخ منكم انتوا الاربعه وراح عند الباب وفتحه وقال تقدر تمشى وياريت مشوفش وشك تانى اتفضل
مصطفى :- يا ابنى افهمنى بقى السبب الرئيسى للى احنا فيه ده خالد الحناوى هو ظلمنا واخد مننا حقنا فى السعاده
ادهم:- بعصبيه داس على سنانه وقال قولتلك مليون مره متقوليش يا ابنى
مصطفى :- خلاص بقى جه اليوم وتعرف كل الحقيقه يا ادهم انت اب
ادهم :- بعصبيه اطلع بره قولتلك
مصطفى :- ابوس ايدك سبنى أكمل كلامى ادهم :- انا مش عايز اسمع صوتك واتفضل من غير مطرود علشان مش فاضى ليك عندى شغل
مصطفى :- بص ليه بقلة حيله وخرج من غير ولا كلمه
ادهم :- رزع الباب وراه ودخل وهو متعصب ووقع كل اللى على المكتب وقال ليييييييه مش عايزين يسيبونى فى حالى ليييييييييييه وقعد على الكرسى ورجع راسه لوراه وحط ايده على وشه وقال نفسى يخرجوا من حياتى بقى
~•~•~•~•~•~•~•~•~•~•~•~•~•
فى فرنسا
صحيت نهى من نومها قبل الكل وحست بملل خرجت من الاوضه بتاعتها علشان تجرى شويه ونزلت الشارع وحطت الهاند فرى فى ودنها وقعدت تجرى وتعبت وقفت تاخد نفسها وهى واقفه جه واحد خبط فيها وقعت على الأرض بص ليها بأسف ومد أيده وقال
_ sorry
نهى :- مدت ايديها لايده وقالت no problem
وقامت وقفت وبصت ليه وقالت بالمصرى يخربيت جمال امك هو فيه كده فى الدنيا
.....:- انتى مصريه
نهى :- بكسوف انا ايه يا عنيا
......:- هههههه انتى مصريه انا المهندس محمد من مصر
نهى :- بكسوف احلف
محمد :- والله هههههههه
نهى :- بصوت واطى يخربيت ام الاحراج اللى الواحد وقع فيه ده
محمد :- بتقولى حاجه
نهى :- احم لاء خالص وشكرآ على الواقعه اللطيفه دى عن اذنك وطلعت تجرى
محمد :- بص عليها بأستغراب وقال ايه بنت المجنونه دى وكمل الجرى
نهى :- راحت عند الفندق فى نفس الوقت اللى كان نازل فيه فادى
فادى :- بأستغراب كنتى فين كده
نهى :- قولت اجرى شويه على ما تقومه بس طلع الجري فى فرنسا حلووووووو اوى هييييييييح
فادى :- نعم
نهى :- احم طيب يا فندم هطلع اخد شاور وانزل بسرعه
فادى :- متتأخريش نص ساعه وعندنا اجتماع مع الوكيل بتاع الشركه
نهى :- اوك وطلعت على اوضتها ونزلت رودينا شافت فادى قاعد مستنى الاجتماع راحت قعدت وقالت
رودينا :- لسه كتير
فادى :- نص ساعه وجاى وطلب قهوه ليه وقال هتشربى حاجه
رودينا :- لاء شكرآ مش عايزه
فادى :- طلب واحد قهوه وواحد عصير للرودينا وشويه وجه العميل قبل ما تنزل نهى وقعدوا مستنين نهى
نهى :- نزلت وقالت سورى يا فندم اتأخرت عليكم
فادى:- اتفضلى اقعدى اخلصى
نهى :- حاضر ولسه هتقعد بصت فى وش العميل وقالت احلف
محمد :- هههههههه صدفه سعيده يا انسه احلف
فادى :- انتوا تعرفوا بعض
محمد :- لاء تقريبآ معرفش حاجه عنها غير كلمة احلف هههههههه
فادى :- مش فاهم
محمد :- ما علينا يا استاذ فادى نبدء الشغل
نهى :- من كتر توترها منطقتش ولا كلمه
محمد :- لاحظ سكوت نهى قال انسه احلف ساكته ليه
نهى :- احم ا.ا اولا انا أسمى نهى مش احلف ثانيآ هقول ايه ما الكلام مع استاذ فادى وانا بكتب المواعيد بس
محمد :- ماشى يا انسه احلف ووقف وقال اعملوا حسابكم ان انا عزمكم على العشا النهارده
فادى :- أن شاءالله وسلم عليه ومشى محمد وطلعت نهى تجرى على أوضتها ورودينا قامت مشيت من غير ولا كلمه
~•~•~•~•~•~•~•~•~•~•~•~•
فى فرنسا
وصلوا التلاته على ميعاد العشاء عند محمد فى إحدى المطاعم وكان التوتر واضح جدآ على نهى قعدت جنب فادى ورودينا وهى مكسوفه تبص على محمد بعد الموقف اللى حصل ما بينهم الصبح محمد اخد باله من توتر نهى مد ايده بكاس وقال
محمد :- اتفضلى يا انسه نهى اشربى شكلك متوتر جدآ
نهى :- ش.ش.شكرآ انا مش بشرب
محمد :- ليه بس هتحبى طعمه اوى
نهى :- ثانكس مش عايزه
فادى :- هات ليا واحد قهوه وهات للانسات اى نوع عصير
محمد :- اوك وطلب اتنين عصير واتنين قهوه قبل الاكل
فادى :- البلد هنا جميله جدآ
محمد :- فعلا فرنسا دى عشقى وبالذات بالليل
رودينا :- حضرتك عايش هنا من زمان
محمد :- لاء انا مش عايش فيها انا بتابع شغل هنا شويه وشغل مصر شويه يعنى حياتى ما بين فرنسا ومصر وجت القهوه والعصير وشربوه وشويه والأكل جهز وبدأوا ياكلوا ما بين نظرات محمد لنهى
وبين نظرات رودينا وفادى لبعض وبعد وقت انتهوا من الاكل وبدأت الموسيقه تشتغل فى المطعم
محمد :- قام وقف ومد أيده لنهى وقال تسمحى ليا بالرقصه دى
نهى :- ها ا ا اسفه مش برقص مع حد غريب
محمد :- على فكره احنا مش فى مصر احنا فى فرنسا بلد الحريه
نهى :- اسفه ليك مفهوم حضرتك غلط انا لما ارفض الرقص معاك مش علشان الناس ولا تقليد بلد لاء ربنا موجود فى اى مكان وفى اى وقت وانا مستحيل اعمل حاجه تغضبه
محمد :- بصلها بأعجاب وقال بجد برافوا قليل اوى اللى بيلتزم بالدين والأخلاق فى وقتنا ده
نهى :- بص يا باش مهندس انا واحده من الناس مش بعمل حساب لناس بالنسبه ليا كلامهم ولا حاجه لان عملت صح عملت غلط هيتكلموا هيتكلموا إنما كل اللى بيهمنى هو ربنا هو بجد اللى بعمل حساب ليه فى كل تصرفاتى وده اللى المفروض الناس كلها تعمله
محمد :- بصلها بأعجاب ورجع بص لفادى وقال بجد اهنيك معاك قمرين ربنا يحميهم ويحرسهم ويا بختك يا عم بالسكرتيره بتاعتك
فادى :- على كده نهى دى اول شهر ليها فى الشركه بس قدرت تثبت نفسها فى الشغل
محمد :- وانسه رودينا ساكته ليه
رودينا :- احم هقول ايه بستمع لكلامكم بس
فادى :- بصلها بغيظ وقال الانسه رودينا بتعرف تخطط وتسكت بس
رودينا :- لو على الكلام انا ممكن اتكلم على فكره بس سكوتى احترام ليكم
محمد:- بصلهم وقال انا ليه من اول مره اشوفكم فيها حاسس ان انتوا ما بينكم زعل حاسس كده أن كل واحد عايز يقتل التانى
الاتنين فى نفس الوقت قالوا
فادى :- ودى مين دى علشان اشغل بالى بيها
رودينا :- فى نفس الوقت قالت وده مين علشان اشغل بالى بيه
محمد ونهى :- بصوا لبعض وضحكوا على طريقة رودينا وفادى
فادى :- بص بتحذير لنهى
نهى :- احم سورى يا فندم
فادى :- بص فى الساعه وقال ياااه الوقت أتأخر جدآ ووقف وقال يلا بينا
رودينا ونهى :- واقفوا جنب فادى
محمد :- اتشرفت جدآ بمعرفتى بيكم وان شاءالله لينا لقاءات تانى مع بعض
فادى :- اكيد أن شاءالله مع السلامه وسلموا على بعض ورجعوا الفندق وكل واحد دخل الاوضه بتاعته وشويه رودينا سمعت صوت خبط على بابها استغربت وقامت فتحت الباب لاقتها نهى قالت بأستغراب
رودينا :- نهى خير
نهى :- هو انا ممكن ادخل اتكلم معاكى شويه اصل مش جاى ليا نوم وعايزه ارغى مع اى حد
رودينا:- فتحت الباب وقالت اتفضلى
نهى :- دخلت وقالت اولا كده ياريت يكون محدش شايل من التانى ونبقى أصحاب
رودينا :- سكتت ومردتش عليها
نهى :- على فكره بقى انتى كنتى غلطانه فيا بس انا مزعلتش منك لان انا حسيت بغيرتك على استاذ فادى منى مع أن انا والله مفكرتش فيه خالص
رودينا :- بتوتر و.و.وا.ا انا هغير عليه ليه منك
نهى :- قعدت وقالت علشان بتحبيه
رودينا :- قعدت جنبها وقالت والله وانتى عرفتى ده لوحدك ولا حد قالك طبعآ مفيش حاجه من دى
نهى :- اممممم بصى مش هتضغط عليكى تقوليلى حاجه دلوقتى لأنك انتى لسه مش بتثقى فيا بس وعد لما نبقى أصحاب تقولى ليا كل حاجه
رودينا :- هزت راسها بالموافقه
نهى :- طيب اقولك على حاجه
رودينا :- قولى
نهى :- تعرفى أن انا قابلت استاذ محمد قبل ما يجى الفندق الصبح
رودينا :- حسيت بكده من طريقة كلامه
نهى :- دى كانت كسفه سوده بعيد عنك
رودينا :- ازاى
نهى :- شوفتى الولا مز ازاى
رودينا :- اه عادى يعنى
نهى :- عادى يعنى حرام عليكى ده الولا مز السنين بجد
رودينا :- ايوه يعنى حصل ايه معاكم
نهى :- انا كنت بجرى الصبح ووقفت فجأه اخد نفسى وهو كان بيجرى خبط فيا وقعنى على الأرض راح ايه يا اختى خير اللهم اجعله خير ببص توهت فى جماله بس انا اسكت قومت عكتها وعكسته بصوت عالى على أساس أنه مش مصرى والصدمه الكبرى لما لاقيته بيسألنى انتى مصريه كنت عايزه اقوله لو سألتلك انت مصرى تقولى ايه قولى مصرى ابن مصر وابن مصر الله عليه وارشقه بوسه واطلع أجرى بس بلعت لسانى وسبته ومشيت بس هذا كل ما حصل وشوفته هنا بقى
رودينا :- بضحك على فكره انتى مشكله وطريقة كلامك تموت من الضحك
نهى :- ايوه كده يا اختى فكيها بلاش التكشيره اللى على وشك علطول دى ونبى يا اختى بتبقى زى القمر وانتى بتضحكى
رودينا :- ميرسى
نهى :- طيب اقولك على حاجه
رودينا :- قولى
نهى :- عارفه لما شوفته هنا حسيت بقلبى بيدق جامد وفرحت اوى لما شوفته ولما شوفته بليل كنت حابه الكلام اوى معاه كنت عايزه اسمع صوته الخشن ده عايزه اقول اى افيه علشان يضحك عليه وادوب فى ضحكته اللى خطفت قلبى دى معقول اكون حبيته من اول نظره
رودينا :- انتى لسه بتسألى انتى وقعتى وش بس مش ممكن يكون خاطب ولا متجوز ولا حتى مرتبط
نهى :- لالالا انا بصيت على أيده مفيش دبله
رودينا :- مش شرط على فكره يكون لابس دبله فى أيده فى رجاله كتير مش بتحب تلبس دبل
نهى :- بقلق تفتكرى ده انا اروح فيها اقسم بالله الواد خطف قلبى خطف
رودينا :- امممم طيب اقولك ممكن تعرفى الكلام ده من فادى
نهى :- لالالا فادى ايه انا اتكسف اسأله سؤال زى ده
رودينا :- عادى يا بنتى كأنك عايزه تعرفى مراته عايشه هنا ولا هناك وهو تلقائيا هيقول إذا كان متجوز ولا لاء وبعدين انا شايفه انا فادى بيعزك يعنى لو سألتيه مش هيضايق ولا حاجه
نهى :- اممم مش عارفه بقى ووقفت وقالت هسيبك تنامى احسن شكلى صدعتك
رودينا :- لاء خالص على فكره القعده معاكى حلوه ودمها خفيف اوى
نهى :- ربنا يجبر بخاطرك امزه يلا تصبحى على خير
رودينا :- وانتى من أهله
نهى :- راحت عند الباب وفتحته ولسه هتخرج
رودينا :- نهى
نهى :- بصت ليها وقالت نعم
رودينا :- انا اسفه على اى حاجه عملتها معاكى انتى بنت جدعه بجد
نهى :- يا ستى قولتلك مش زعلانه انا عارفه انك معذوره مزه زى اكيد خوفتى على فادى منى ليتسحر بجمالى تبآ لتواضعى
رودينا :- ضحكة وقالت انتى مشكله
نهى :- شكرآ لما اروح احلم بالمز بقى باى وخرجت وقفلت الباب وراها
رودينا :- ضحكة وقالت بنى ادمه مشكله دمها زى العسل ونامت على السرير واتنهدت وقالت وانت يا قلبى هتقول ايه ولا ايه عن حبك لفادى وغمضت عينيها ونامت
~•~•~•~•~•~•~•~•~•~•~•~•~•
عند اوضت فاطمه
كانت فاطمه عماله تروح وتيجى من الخوف والتوتر وبطرقع صوابع ايديها بتوتر وتقول
فاطمه :- لالالا انا قلبى هيوقف عليا اقسم بالله كل ما بيقرب الوقت كل ما اعصابى تتوتر اكتر اعمل ايه بس يا ربى
داليا :- ما تهدى الله يحرقك خيلتى عينى رايحه جايه جايه رايحه فيه ايه وبعدين ما انتى طول عمرك هتموتى على الجواز ومصدعانه عايزه عريس عايزه اتجوز اتهدى بقى واقعدى
فاطمه :- قعدت وقالت معرفش أن الجواز بيوتر اوى كده يا داليا وبعدين أكرم مش سهل وشكله ناوى على مصايب وانا خايفه اوى
داليا :- لاء يا اختى متخافيش بالحب كل حاجه هتبقى حلوه وبعدين أكرم بيحبك وعمره ما هيأذيكى يا خيبه ولو انتى حاسه نفسك خايفه اطلبى منه يأجلها لبكره مش هيقول حاجه
فاطمه :- مش عارفه بقى هو اللى بيحصلى ده شئ طبيعى ولا انا مأڤوره الموضوع شويه
داليا :- اى بنت فى ليله زى دى بتخاف وبتتوتر وضحكت بوجع وقالت الا انا معرفش الاحساس ده خالص مجربتهوش ودمعه نزلت منها وقالت كان نفسى افرح واحس الاحساس ده زى اى بنت
فاطمه :- حضنتها وقالت قلب اختك يا اختى قد كده انتى موجوعه من جواكى
داليا :- بعدت عنها ومسحت دموعها وقالت بلاش نكد الله يكرمك النهارده يوم مش عادى النهارده فرح اكتر اتنين مجانين فى الدنيا
فاطمه :- ربنا يريح قلبك ويسعدك يارب يا داليا
داليا :- انا وانتى يا حبيبتى صحيح فين البت توته كل ده
فاطمه :- انا زعلانه منها اوى مكنتش اتوقع انها تسيبنى فى يوم زى ده وفى الوقت ده الباب خبط
داليا:- قامت تفتح وقالت بنت حلال لسه كنا جايين سيرتك دلوقتى تعالى طمطم زعلانه منك
منتهى :- دخلت حضنت فاطمه وعيطت وقالت والله العظيم غصب عنى يا طمطم لو مكنتيش غاليه عليا اوى مكنتش خرجت من البيت وجيت ليكى وانا بموت من جوايا
فاطمه :- بس يا عبيطه انا عمرى ما ازعل منك أبدآ احنا بنهزر ومقدرين الحاله اللى انتى فيها بسبب علاء
داليا :- صدقينى يا بنتى العيله دى كلها مجانين وعندهم انفصام فى الشخصيه اسألينى انا مجربه وحياتك
منتهى :- بوجع انا رافضه خلاص مبقاش ينفع نكون مع بعض
فاطمه وداليا :- بصدمه فى صوت واحد رافضيه
منتهى :- مسحت دموعها وقالت بلاش نكد دلوقتى الله يكرمكم ابقى احكى ليكم بعدين
داليا :- هما مالهم اتأخرو اوى كده
فاطمه :- مش عارفه والله
وفى الوقت ده جت ايه
ايه :- لولولولولولولولوى مبروك على اخويه لهطت القشطه دى يا ناس يا لهوى على القمر بتاعنا ده
فاطمه :- حبيبتى يا ايوش انتى اللى طالعه زى القمر النهارده
ايه :- على فكره انا علطول زى القمر مش غرور لاء دى تناكه
داليا :- ضحكة وقالت دمك زى العسل
ايه :- وليه بس كده
داليا :- ايه فيه ايه
ايه :- ليه بتلزقينى دلوقتى وانا لابسه الحته اللى على الحبل واخر جمال كده
فاطمه :- انتى جمال نفسه اخرسى يا بت من ساعة ما دخلتى محطتيش لسانك جوه بؤقك
ايه :- انتى بتزعقيلى يا طمطم لاء زحلانه بجد
فاطمه :- ما تتحرقى بجاز وسخ روحى شوفى اخوكى فين خلينا نخلص
ايه :- اه يا اروبه مستعجله انتى وغمزت ليها
فاطمه :- يا لهوى عليا انا اعصابى خلاص باظت
ايه :- هههههههه خلاص خلاص أهدى هروح اشوفه ولسه خارجه من الباب لاقتهم جاين دخلت تجرى وتقول الحقوا الحقوا
فاطمه :- بخضه ايه فى ايه
ايه :- جاين على هنا
فاطمه :- بخوف نهار اسوح مش قادره اقف على رجلى
ايه :- وسع وسع وسع العريس وووووووصل
أكرم :- قلبى يا ايوش والله انتى خساره فى ناس وبسها من راسها
ايه :- حضنته وقالت مبروك يا عريس ادخل لعروستك احسن على نار جوه
أكرم :- هى على نار امال انا ايه بس وسبها ودخل الأوضه
ممدوح :- راح عند ايه وقال ايه الجمال ده
ايه :- ميرسى بس ده الطبيعى بتاعى وسابته ومشيت
ممدوح :- ده ايه البت المغروره دى بت يا ايه انتى يا قشطه استنى هقولك وطلع يجرى وراها
ادهم :- بصله بقرف وهز راسه يمين وشمال ودخل الاوضه عند البنات
أكرم :- اول ما دخل شاف فاطمه بالفستان الابيض وفى قمة الجمال راح جرى عليها وحضنها وقعد يلف بيها
فاطمه :- اتكسفت وقالت أكرم نزلنى
أكرم :- مش مصدق نفسى اخيرآ هتبقى النهارده كلك ليا يااااه بحبك اوى يا فاطمه اوى
ادهم:- ما تهدا يا عم الحبيب احنا معاك فى الأوضه
أكرم :- الله مش مراتى وبعدين المفروض تخلى عندكم دم وتسبونا لوحدينا
داليا :- والله علشان منشوفش وشكم تانى والفرح يتلغى اخلصوا بلاش محن دلوقتى عندكم طول الليل
فاطمه :- احم خ.خ.خلاص يا اكرم يلا بينا احنا اتأخرنا اوى عليهم تحت
أكرم :- هو لازم الفرح ده يعنى ما تخلينا احنا هنا نفرح مع بعضينا وغمز ليها
فاطمه :- اتكسفت وبصت على الأرض
داليا :- مرارتى مبقتش مستحمله منك ليها امشوا اخلصوا
أكرم :- متغاظه ليه بس يا داليا ما عندك جوزك اهو يدلعك ودلعيه ابعدوا عننا بقى وبعدين بص على منتهى وقال منوره يا توته
منتهى :- بنورك يا اكرم مبروك
داليا :- بصت لادهم بكسوف لما أكرم قال كده وخرجت من الاوضه خالص
ادهم :- بص لأكرم وقال اخلص علشان تنزلوا بقى وسابه وخرج وراه داليا
منتهى :- استأذنت منهم وسابتهم وخرجت
أكرم :- مسك وش فاطمه ما بين ايديه وقال زى القمر مش مصدق نفسى انك اخيرآ هتبقى ملكى وفى حضنى
فاطمه :- بصت على الأرض ومردتش عليه
أكرم :- رفع راسها وبص فى عينيها وقال من النهارده مش عايز كسوف انا وانتى هنبقى كيان واحد روح واحده فى جسمين
فاطمه:- هزت راسها بمعنى حاضر
أكرم :- بحبك وقرب من شفايفها ولسه هيبوسها
ايه:- هوب هوب اوقف المهزله دى حالا انت كلها كام ساعه وتبقوا مع بعض واعملوا اللى انتوا عايزينه بس دلوقتى فيه ناس مستنيه حضراتكم تحت والله
ممدوح :- اصبروا شويه هى لازم الفضيحه دى كل شويه
أكرم :- بعصبيه اللعن ابو شكلكم انتوا الاتنين بجد ما جمع الا ما وفق انتو الاتنين اغلس من بعض يالا بينا يا بنتى واخدها وخرج سلمها لابوها ونزل القاعه تحت ينتظر نزول فاطمه من على السلم مع ابوها وبدأت فاطمه تنزل من على السلم وهى حاطه ايديها فى ايد ابوها لحد ما وصلت عند أكرم سلمها ابوها ليه ومشى
أكرم :- قرب من جبين فاطمه وبسها برقه وحط دراعها فى دراعه وراحوا قعدوا فى الكوشه
عند ادهم وداليا
نزلت داليا تجرى دخلت القاعه كانت حاسه ان قلبها موجوع ومكسور من جوه حاسه ان الفرحه نقصها دخلت قعدت على الكرسى وهى ماسكه الدموع فى عينيها
ادهم :- خرج وراها وراح عند الترابيزه اللى قاعده عندها وقال داليا
داليا :- بصت ليه وقالت نعم
ادهم :- انا وسكت شويه وبعدين قال أنا
داليا :- فيه ايه ادهم انت ايه
ادهم :- قعد وسكت ومردش عليها
داليا :- لاء بجد انا تعبت انت بتفرح بتعذيبى صح
ادهم :- اسكتى يا داليا خلاص
داليا :- لاء مش هسكت يا ادهم انا نفسيآ مدمره وانت السبب انا تعبت من تقلب المزاج بتاعك ده ليه مش واضح فى مشاعرك ليه مش بتحدد طريقنا سيبنى متعلقه ما بين مايه ونار حابب وجودى فى حياتك ولا لاء ارجوك رد عليا وريحنى بقى
ادهم :- غمض عينه وقال مش وقته الكلام ده يا داليا
داليا :- امته وقته قولى انت اصل انا مبقتش ضمنه كمان شويه هلاقيك نفس الشخصيه ولا هتتغير
ادهم :- بصلها وقال انا ادهم الحناوى فى كل الاوقات يا داليا
داليا :- ادهم الحناوى الاسم انما الشخصيه انت مليون واحد فى بعض انا بقيت اتلغبط فيهم من كترهم والله
ادهم :- بصلها وسابها ومشى
داليا :- بدموع كالعاده سبنى ومشى انا تعبت يا رب تعبت وقامت تجرى على الحمام
عند سندس
كانت قاعده على الترابيزه اللى عليها دينا وتامر وشافت مؤمن وهو داخل من باب القاعه غمضت عينيها بوجع
مؤمن :- اول ما دخل دور بعينه على سندس اول ما شافها راح عندها
سندس :- وهى مغمضه عينيها شمت ريحة برفانه عرفت أنه جه عندها قامت بسرعه من غير ما تبص ليه
دينا :- رايحه فين يا سندس
سندس :- رايحه الحمام ومشيت علطول دخلت الحمام ودموعها نزلت منها وقالت ليه بتعيطى دلوقتى مش قولتى هتقدرى تنسيه مش قولتى هتشليه من قلبك ليه رجعتى ضعفتى من تانى ليه ليه وشويه وخرجت من الحمام لاقت مؤمن واقف مستنيها اتجاهلته ومشيت علطول
مؤمن :- سندس يا سندس
سندس :- وقفت من غير ما تبص ليه وقالت عايز ايه
مؤمن :- عايز اتكلم معاكى
سندس :- بصت ليه وقالت عايز تتكلم معايا بمناسبه ايه ها أصحاب اقاريب احباب بصفتك ايه عايز تتكلم معايا
مؤمن :- انا عارف انك زعلانه منى بس انا مكنتش اعرف ان اخوكى كمان حصل ليه نفس اللى حصل لاختى فكرته أن هو اللى عمل فيها كده
سندس :- والمطلوب منى ايه اقولك اوه يا حرام صعبت عليا خلاص سامحتك انت عارف عملت فيا ايه ها انت كسرت كل حاجه فيا انت عارف ايه شعورى وانا بتهان منك عارف كنت عايزه ايه وقتها كنت عايزه اموت انت مكنتش مجرد صديق ولا حبيب انت كنت كل حاجه فى حياتى كنت اهلى اللى افتقد وجودهم جنبى انت كنت حاجه كبيره اوى يا مؤمن
مؤمن :- كنت
سندس :- اه كنت أنت دلوقتى بالنسبالى ولا حاجه انت الحمدالله جيت نهيت على الحاجه الحلوه اللى كانت فاضله فى حياتى قلبى يا مؤمن انت نهيت عليه وبكل جداره الصراحه عرفت تلعبها صح وتنتقم من اخويه فيا بس للاسف هو محسش بده انا بس اللى بتعذب دلوقتى انسا أن انا فى يوم من الايام اسامحك على كسرة قلبى ووجعى ده عن اذنك وسابته ومشيت
مؤمن :- اتنهد بوجع وقال قد ايه كان كلامك قاسى عليا اوى يا سندس وسكت شويه وقال بس مهما كان كلامها قاسى معاك مش هيكون زى قسوة قلبك عليها وانت بتهنها وبتوجعها من غير شفقه ولا رحمه وراح وراه سندس قعد قصادها على الترابيزه ومنزلش عينه من عليها
داليا :- كانت فى الحمام وشافت مؤمن وسندس وهما واقفين مع بعض وسمعت كلامهم كله واستغربت اللى سمعته وقررت تعرف من مؤمن كل حاجه بعد الفرح
عند أكرم وفاطمه
طلب الدى جى منهم أنهم يبدأو اول فقرات الفرح بالرقصه السلو
راح أكرم وفاطمه وبدأو يرقصوا على انغام الموسيقه
أكرم :- بحبك
فاطمه :- اتكسفت ومردتش عليه
أكرم :- لاء النهارده مش عايز كسوف عايز طمطم انحراف فاهمه
فاطمه :- ايه يا اكرم اللى بتقولوا ده
أكرم :- الله مش هتبقى مراتى انحرفى براحتك يا بطتى
فاطمه :- غلس
أكرم :- بس بعشق سحر عينيكى
فاطمه :- وانا كمان
أكرم:- ها يا مسهل وانتى كمان ايه
فاطمه :- ب.ب.بحبك
أكرم.:- يا دين النبى اخيررررآ وشالها ولف بيها وقال بحبك ونزلها وضمها فى حضنه وكمل رقص
وبعد وقت طلب الد جى من الكابلز يشاركوا العرسان الرقصه
تامر :- ما تيجى
دينا :- انت عايز ادهم يقتلنى اقعد هنا اتلم
تامر:- ادهم ده عامل زى عفريت العلبه طالع ليا علطول فى البخت
دينا :- طيب اسكت بدل ما تلاقيه فوق راسك ومعلقك
تامر :- وعلى ايه الطيب احسن
عند ادهم وداليا
خرجت داليا من الحمام وقعدت على الكرسى وجه ليها ادهم وقال
ادهم :- قومى معايا
داليا:- فين
ادهم :- هنرقص علشان الكاميرات مركزه علينا
داليا :- اتنهدت وقالت حاضر وقامت ترقص معاه وحط أيده حاولين وسطها وقال
ادهم :- حطى ايدك على كتفى
داليا :- حطت ايديها على كتفه وبدأت تتحرك معاه على انغام الموسيقه ومع الوقت قربت راسها عند صدر ادهم وحطتها عليه وقعدت تسمع دقات قلبه وكانت فصله عن اى حاجه حواليها
ادهم :- ضمها اكتر ليه وباس راسها وغمض عينه وسند راسه على راسها والاتنين فصلوا عن العالم الاخر وبقوا فى عالم تانى عالم خاص ليهم هما الاتنين بس وبعد وقت انتهت الرقصه وفاقوا على صوت تصفيق وتصفير ليهم هما الاتنين من كل اللى موجودين
داليا :- اتكسفت وراحت قعدت على الترابيزه من غير ولا كلمه وادهم راح قعد جنبها
وفى الوقت ده النور اتقطع والكل استغرب وشويه وظهر صوت ممدوح وهو بيقول
ممدوح :- طبعآ الكل مستغرب فيه ايه لاداعى للقلق اصل النهارده يوم مش طبيعى النهارده فرح اختى ونور عيونى بطه لاء هى مش اختى بس هى بنتى وامى وكل حاجه حلوه فى حياتى وعلشان طول عمرنا متعهدين أننا نتقاسم كل حاجه سوا مع بعض النهارده هقسمها فرحتها النهارده هطلب ايد البنت اللى خطفت قلبى بخفة دمها وضحكتها المجنونه بشوف فيها العالم كله برقتها مش هطول فى الكلام لأن مهما اقول مش هقدر اوصل ليكم حقيقة مشاعرى ايه ممكن تيجى ثوانى
ايه :- بصت حاوليها بكسوف وراحت عند ممدوح
ممدوح :- طلع علبه من جيبه وقعد على ركبه قصاد ايه وفتح العلبه وقال تتجوزينى
ايه :- حطت ايديها على بؤقها والدموع نزلت من عينيها وبصت لابوها وامها ورجعت بصت تانى لممدوح وهزت راسها بمعنى موافقه
ممدوح :- اخد الخاتم ولبسه ليها وقال وعد منى هخليكى اسعد مخلوقه على الأرض
بدء الكل يصفر ليهم
وبدأت فقرات الفرح والكل كان سعيد ومبسوط
ادهم كان قاعد وبيتابع اللى بيحصل فى الفرح وفى الوقت ده جه تليفون لادهم قام رد عليه وبعد شويه جه وهو فرحان وراح عند اكرم وقال
ادهم :- الله ينور يا اكرم الخطه تمت بنجاح وكل حاجه اتفحمت
أكرم :- عيب يا ادهم باشا انا مش شويه فى البلد دى
ادهم :- علشان يعرفوا يلعبوا مع ادهم الحناوى ويأذوا مراته كويس اوى انا كده ارتحت رديت جزء صغير من اللى عملوه فى مراتى ولسه هجيب ليها باقى حقها منهم
وبعد وقت انتهى الفرح وكل واحد روح بيته واكرم اخد فاطمه وطلع على اوضه فى الفندق
~•~•~•~•~•~•~•~•~•~•~•~•~•
عند رودينا صحيت من نومها دخلت الحمام اخدت شاور واتوضت وخرجت لبست هدومها وأدت فرضها وخرجت من الاوضه وراحت خبطت على اوضت نهى محدش رد وفى الوقت ده خرج فادى من اوضه وشاف رودينا
رودينا :- صباح الخير
فادى :- صباح النور
رودينا:- شكل نهى مش فى اوضتها
فادى :- تلاقيها نزلت تستننا تحت
رودينا :- ممكن ونزلت قدام فادى
فادى :- يا انسه رودينا
رودينا :- ايوه نعم
فادى :- مش شايفه أن البنطلون ضيق شويه
رودينا :- بأستغراب نعم
فادى :- البنطلون ضيق عليكى
رودينا :- وده يخصك فى ايه أن شاءالله
فادى :- يخصنى مش انتى جايه هنا معايا يبقى لما تنزلى بمنظر زى ده يبقى لازم امنعك
رودينا :- والله انا حره ملكش دعوه ونزلت وسابته
فادى :- اتغاظ وجرى وراها ومسكها من دراعها وقال بقولك ايه مش بحب العند انا اطلعى غيرى ام القرف ده
رودينا :- سيب دراعى يا فادى ومش هغير حاجه وانا حره ملكش حكم عليا فاهم
فادى :- متعصبنيش يا رودينا
رودينا :- وانت تتعصب عليا بتاع ايه ها جوزى خطيبى أبويه اخويه حبيبى
فادى :- متكتريش فى الكلام بقولك
رودينا :- سيب دراعى يا فادى
فادى :- مش هسيب وهتطلعى تغيرى البنطلون الضيق ده
رودينا :- بصفتك ااااااااايه تأمرنى
فادى :- بصفتى حبيبك
رودينا :- اتصدمت من الكلمه ومردتش عليه
فادى :- حس بنفسه اتسرع ساب دراعها ونزل وسابها
رودينا :- وقفت مصدومه من اعتراف فادى ليها بحبه وبصت اتجاه ما نزل وقالت هو اللى انا سمعته ده بجد ولا كان بيتهيألى واخدت نفس عميق وطلعته ببطئ وطلعت اوضتها غيرت هدومها ونزلت تانى راحت قعدت معاه على الترابيزه من غير ولا كلمه طلب ليهم الفطار وفطروا فى صمت تام
فادى :- فرح لما رودينا غيرت هدومها بهدوم أوسع وسمعت الكلام وبعد وقت انتهوا من الاكل
رودينا :- هنعمل ايه دلوقتى
فادى :- ولا حاجه لو حابه تتمشى شويه مفيش مانع
رودينا :- بس انا معرفش امشى لوحدى هنا مش حافظه الشوارع ونهى معرفش راحت فين
فادى :- نهى بتفطر مع البشمهندس محمد كلمتها وقالت ليا كده
رودينا :- تمام مدام مش ورانا حاجه هطلع اوضى بقى
فادى :- تحبى تيجى معايا تشوفى شوارع فرنسا
رودينا :- مش عايزه ازعجك
فادى :- انا كده كده خارج مش هتفرق كتير وجودك معايا او لاء
رودينا :- اوك هاجى معاك
فادى :- يلا ودفع الحساب واخد رودينا وقعدوا يتمشوا فى شوارع فرنسا وكانت رودينا منبهره بفرنسا وفرحانه وفادى كان فرحان من جواه على فرحتها وقعدوا شويه جنب بعض يرتاحوا من المشى
رودينا :- اااااه رجلى مش حاسه بيها من المشى بس بجد البلد تحفه جميله جدآ
فادى :- فعلا جميله
رودينا :- بصت ليه وقالت فادى
فادى :- امممم
رودينا :- هى الكلمه اللى انت قولتها دى حقيقيه
فادى :- كلمة ايه
رودينا:- انك حبيبى
فادى :- انسى الكلام اللى قولته ده كان وقت عصبيه
رودينا :- لاء الكلام ده كان طالع من قلبك وانا حسيت بيه يا فادى
فادى :- قولتلك انسى انسى
رودينا :- انت ليه بتعمل كده علشان غلط ما الناس كلها بتغلط احنا بشر مش ملايكه انت نفسك غلط فى حق اخوك لما مقولتش ليه الحقيقه كلنا بنغلط مش هنعلق لبعض المشنقه
فادى :- بس صدمتى فيكى كانت كبيره اوى يا رودينا اوى
رودينا :- انا غلط ومش بنكر ده وكان ليا اسبابى بس عقابك كان اقسى بكتير من غلطى اللى عملته
فادى :- ده كان رد فعل طبيعى بعد اللى عرفته عنك
رودينا :- انا غلط وانت غلط يبقى خلاص بقى كفايه تعذيب كفايه
فادى :- بص الاتجاه التانى ومردش عليها
رودينا :- بدموع خلاص براحتك يا فادى ولسه هتقوم
فادى :- شدها فى حضنه وضمها جامد من غير ولا كلمه
رودينا :- اتفاجئت باللى حصل بس كانت فرحانه أن فادى قرر يسامحها ومسكة فيه اكتر وبعد كده انتبهت قالت احم ف.ف.فادى احنا فى الشارع
فادى :- بعدها عنه وقال على فكره احنا فى فرنسا مش فى مصر هما عندهم عادى الكلام ده
رودينا :- وقفت وقالت ط.ط.طيب يلا بينا زمان نهى كده ومستنينا
فادى :- ماشى يلا ورجعوا الاتنين على الفندق
~•~•~•~•~•~•~•~•~•~•~•~•~•
عند داليا لاقت نفسها قاعده زهقانه دخلت من الجنينه طلعت فوق على اوضتها وقبل ما تدخل شافت باب الاوضه اللى ادهم محذرها تيجى جنبها راحت عندها وهى متوتره وبتبص حاوليها وفتحت الباب واحده واحده وولعت النور واتفاجئت أنها اوضت طفل وفيها لعب كتير وصور لطفل صغير معاه مامته وكتب محطوطه على المكتب دخلت اكتر الاوضه وراحت مسكت البوم صور وفتحته وكان فيها صور كتير اوى لطفل صغير ومعاه واحده ست والشبه كبير اوى لادهم قالت بأستغراب
داليا :- معقول يكون ده ادهم وهو طفل وحطت البوم الصور وراحت مسكت صوره كبيره وقالت ايوه دى صورة الست اللى جت قبل كده وقالت إنها ام ادهم ويبقى اكيد اللى معاها ادهم وهو صغير وشافت مذكره صغيره على المكتب راحت عنده ولسه هتفتحه اتفاجئت بصوت بيقولها
ادهم :- بتعملى ايه هنا
داليا :- وقفت بسرعه بخوف وقالت ك.ك.كنت بشوف اوضه فاضيه انضفها علشان انام فيها
ادهم :- راح عندها ومسكها من دراعها وقال والله انا مش منبه عليكى الاوضه دى متدخلهاش
داليا :- بألم سيب دراعى يا ادهم
ادهم :- بعصبيه ردى عليا ايه دخلك هنا
داليا :- بدموع انا دخلت هنا يا ادهم علشان افهم ليه مش عايزينى اشوفها حب استطلاع مش اكتر وانا شايفه يعنى مفيهاش حاجه منعنى منها ليه علشان فيها كام لعبه ليك وانت طفل ولا علشان فيها صورك انت وامك ولا علشان فيها مذكراتك وانت شاب ادينى رد مقنع يخليك تمنعنى من دخول الاوضه دى
ادهم :- زقها وقال انتى مالك الكلمه اللى اقولها ليكى تتنفذ من غير كلام كتير فاهمه
داليا :- لاء مش فاهمه انا مراتك ومن حقى اعرف عنك كل حاجه
ادهم:- بصلها وقال انتى مش من حقك حاجه غير اللى انا اقول عليها وبس
داليا :- مدام كده طلقنى متجوزنى ليه انا مش هقبل اكون كرسى فى الفيلا انا انسانه مش جماد يا ادهم بتحرك وبسمع وبتكلم وبشوف لازم تحطنى معاك فى الصوره مش متهمشه فى حياتك كده وخلاص
ادهم :- اطلعى بره الاوضه واياكى تفكرى تيجى هنا تانى مفهوم
داليا :- لاء مش هطلع غير لما تحكى ليا كل حاجه وايه السبب اللى يخليك تمنعنى من دخول الاوضه دى بالذات
ادهم :- بعصبيه دااااااااليااااااا اسمعى الكلام اللى بقوله ليكى اطلعى بره
داليا :- بعند لا مش طالعه
ادهم :- رفع أيده ولسه هيضربها بالقلم
داليا :- مسكت أيده قبل ما تنزل على وشها وقالت سبق وقولتلك اوعى تفكر تعملها تانى يا ادهم مش هسمحلك تمد ايدك عليا انا مش خدامه عندك علشان تعاملنى كده انا مراتك وغصب عنك لازم تحترمنى
ادهم :- داس على سنانه وقال انتى ليه كده دماغك نشفه وعناديه بتحاولى تستفذ كل حاجه فيا ليه
داليا :- علشان اتربيت على ايد راجل بيحترم الست وبيقدس الحياه الزوجيه اتربيت على الاحترام ما بين الطرافين علمنى أن الحياه مشاركه ما بين زوجين علمنى أن الست ربنا كرامها فى كتابه الشريف ولازم تتكرم على الأرض كمان مش تتهان علمنى أن الست نص المجتمع مش جاريه وخدامه للراجل علمنى أن انا غاليه اوى ولازم اللى قدامى يقدرني ويحترمنى علمنى أن احنا امهات المستقبل علمنى أن انا لازم اكون قويه وعرفنى قيمة الست كويس اوى الست اللى بتحمل وتولد وتسهر ليالى وتربى وطلع علماء ورؤساء علمنى ازاى افتخر بكبريائى واكون فخوره أن انا ست عرفت انا ليه كده
ادهم :- مكانش عارف يرد عليها وداس على سنانه وبصلها بغيظ ومشى
داليا :- طلعت تجرى وراه ومسكته من دراعه وقالت مش هتخرج غير لما تقولى انت ليه مكنتش عايزنى ادخل هنا
ادهم :- زقها بعصبيه ومسكها من دراعها وقال علشان دى حياتى الخاصه اللى مش مسموح لاى مخلوق على الأرض يدخل فيها
داليا :- بس انا مراتك يا ادهم افهم بقى انا وانت واحد
ادهم :- داس على دراعها اكتر وقال حتى انتى ملكيش الحق تدخلى فيها
داليا :- بألم دراعى يا ادهم
ادهم :- شدها اكتر ليه وبص فى عينيها وقرب من شفايفها ولسه هيبوسها
داليا :- زقته وبعدت عنه وقالت لاء يا ادهم مش هسمحلك المرادى تبوسنى زى كل مره كفايه بقى ضعف واستسلام ليك كفايه
ادهم :- اتغاظ وقرب منها وقال انتى مراتى ومن حقى اعمل اى حاجه فى الوقت اللى يعجبنى
داليا :- اشمعنا فى دى بس انا مراتك ولا انت اخر فكرتك عن الجواز العلاقه وبس
ادهم :- انا لو ده اخرى كنت اخد ده من زمان اوى وانتى عارفه ازاي يا داليا
داليا :- يا شيخ بقى ارحمنى انا تعبت من العيشه دى نفس ارتاح واعرف انا ايه بالنسبالك يا ادهم حرام عليك انت بتعذب فيا بعزم ما ربنا يديك مش قادره افهمك ولا عارفه اتعامل معاك بأى اسلوب ادهم انت عارف بسببك قلبى موجوع قد ايه انت عارف بشوف قد ايه كوابيس فى احلامى بسببك انت قلبت حياتى جحيم مش قادره افتكر ليك حاجه حلوه عملتها فى حياتى من اول ثانيه اتقابلنا فيها وانا اتغيرت حياتى للاسوء وأنا قلبى بينزف كل يوم بسببك انا نفسى تدينى قرار واحد يا طلقنى وتبعد عنى وتسبنى الم اللى اتبقى من حطام قلبى يا تريح قلبى وقولى انك بتحبنى ضمنى فى حضنك طمنى حسسنى بالأمان يا ادهم
ادهم :- أداها ضهره ومردش عليها
داليا :- راحت وقفت قصاده وقالت المرادى مش هسيبك تمشى غير لما تريح قلبى قول يا ادهم بترجاك بقى
ادهم :- بصلها فى عينيها مده طويله وشدها فى حضنه وضمها جامد وبعدها عن حضنه وقرب من شفايفها وبسها بوسه طويله
داليا :- دموعها نزلت منها ومسكت فيه اكتر وعمقت اكتر البوسه
ادهم :- بعد عنها وبص فى عينيها وشاف احتياجها ليه شالها حطها على السرير وفتح زارير القميص بتاعه وقرب منها وبسها فى رقابتها ومد أيده فتح ليها سوستة الترنج
داليا :- سلمت نفسها لادهم بكامل إرادتها
ادهم :- قرب من شفايفها وبسها و
(سكتت شهرزاد عن الكلام الغير مباح 😉😉)
~•~•~•~•~•~•~•~•~•~•~•~•~•
فى فيلا خالد الحناوى
فى اوضت دينا
كانت قاعده على سريرها وبتفكر فى تامر وتليفونها رن بتبص لاقته هو اللى بيتصل ردت وقالت
دينا :- كنت لسه قاعده بفكر فيك
تامر :- احم دينا للاسف عندى خبر وحش ليكى
دينا :- بخوف خير يا تامر فيه ايه
تامر :- ابوكى أصدر قرر بالقبض عليه
دينا :- بصدمه نعم انت تقصد مين بابا بابا
تامر :- ايوه يا حبيبتى حرق المخازن بتوعه كشفت عن مخدرات ابوكى كان شغال فيها وبيتاجر فيها تحت مسمى الشركه
دينا :- بدموع لالالا كدب مستحيل بابا يعمل كده قول انك بتهزر يا تامر قول ارجوك
تامر :- أهدى يا حبيبتى علشان خاطرى متعمليش فى نفسك كده انا مرضتش اجى اخده بنفسى علشان ميبقاش فيها احراج ولا حاجه بعت ظابط تانى زميلى
دينا :- هو ليه مش مكتوب لينا الفرح كل شويه تطلع لينا مصيبه شكل انا تعبت يا تامر تعبت
تامر :- يا حبيبتى فى الاول والاخير القانون ملهوش كبير وابوكى غلط فى حق البلد والقانون يبقى لازم يتعاقب
دينا :- يا تامر انا عارفه كلامك بس بجد انا تعبت من كتر المشاكل الموجوده فى حياتنا
تامر :- واصبر وما صبرك الا بالله
دينا :- بدموع ونعمه بالله وفى الوقت ده جرس الباب رن قالت شكلهم وصلوا تحت يا تامر
تامر :- بلاش تنزلى احسن
دينا :- لاء هنزل يا تامر لازم اكون جنب بابا فى وقت زى ده باى وقفلت السكه ونزلت تحت لاقت العسكرى ماسك خالد من دراعه
خالد :- انا هعرفكم انا ابقى مين مبقاش انا لو مكنتش خليتكم كلكم فى الشارع يا كلاب
الظابط :- لو سمحت امشى معانا من غير شوشره
دينا :- روح معاهم يا بابا انا هقوم ليك محامى
خالد :- اتصل بأخوكى علاء خليه يجى ورايا حالا واتصلى بأمك فى النادى بلغيها
دينا :- بدموع حاضر خلى بالك على نفسك يا بابا ومتقلقش
الظابط :- لو سمحت كفايه كده واتفضل معانا
خالد :- ماشى هعرفك قمتك يا جربوع انا خالد الحناوى يا كلاب
الظابط :- عسكرى هاتوا يلا ومشوا كلهم على القسم
دينا :- قعدت على الأرض وحطت ايديها على بؤقها وقعدت تعيط واتصلت على علاء مردش عليها اتصلت على ادهم مردش عليها اتصلت على امها بلغتها الخبر وخرجت هى راحت تجيب المحامى لابوها وراحت بيه على القسم
********************************
فى قسم الشرطةوصلت دينا ومعاها المحامى وهى منهاره وطلبت تقابل تامر ودخل العسكرى بلغ تامر وأمره تامر أنه يدخلها علطول ودخلت عنده وهى دموعها على خدها قام تامر يجرى وراح عندها قعدها على الكرسى وقعد قصادها على ركبه فى الارض وقال
تامر :- علشان خاطرى أهدى يا دينا بلاش تعملى فى نفسك كده يا قلبى
دينا :- بدموع مش قادره اصدق يا تامر بابا تاجر مخدرات ليه يعمل كده ليه ودموعها نزلت اكتر
تامر :- أهدى بس وطلب ليها ليمون ورجع قعد تانى قصادها ومسك ايديها وقال يا حبيبتى العياط مش هيعملك حاجه هو غلط ولازم القانون يعاقبه
دينا :- قلعة الدبله وقالت خد
تامر :- بص لدبله بأستغراب وقال ايه ده
دينا :- دبلتك يا تامر انت مش مجبر ترتبط بواحده باباها تاجر مخدرات بكره ربنا يكرمك بواحده احسن منى الف مره واهلها تشرفك بجد
تامر :- وانا مش عايز حد من الدنيا دى بحالها غيرك انتى يا دينا مليش دعوه أهلك دول ايه انا ليا انتى انتى وبس وعمرى ما هبعد عنك مهما حصل ومسك الدبله لبسها ليها تانى وباس ايديها وقال اياكى تشليها من صوابعك تانى مهما حصل فاهمه
دينا :- بدموع انا هضرك فى شغلك يا تامر والناس هتعيرك بيا
تامر :- بطلى هبل مليش دعوه بالناس انا ليا انتى وبس مفهوم قفلى على الموضوع ده خالص
دينا :- بدموع وهى بصه على الأرض قالت حاضر
تامر :- رفع وشها وقال راسك تكون مرفوعه لفوق عمرك ما تنزليها تحت طول ما انا عايش ومسح دموعها وقال مش عايز اشوف دموعك دى تانى مفهوم
دينا :- انا بحبك اوى يا تامر اوى
تامر :- ابتسم وقال لو اعرف ان حبس ابوكى هيخليكى تنطقيها كنت حبسته من زمان اوى
دينا :- ضربته على كتفه وقالت غلس
تامر :- ربنا يخليكى ليا وميحرمنيش منك يارب
دينا :- تامر المحامى بره هنعمل ايه دلوقتى
تامر :- القضيه مش معايا دلوقتى واحد غيرى مسكها وهو دلوقتى مع ابوكى بيحقق معاه وهدخل المحامى يحضر معاه التحقيق خليكى هنا ثوانى ورجعلك
دينا :- عايزه اشوف بابا
تامر :- مش هينفع دلوقتى بس بعد ما يخلص التحقيق هدخلك ليه صحيح فين اخواتك محدش فيهم جه ليه
دينا :- علاء مردش وماما اتصلت بيها ومعرفش مجتش ليه وادهم مش بيرد وفادى فى فرنسا
تامر :- ماشى هدخل المحامى التحقيق وجاى ليكى بسرعه اشربى الليمون على ما اجى
دينا :- حاضر
~•~•~•~•~•~•~•~•~•~•~•~•~•
اشرقت شمس صباح يوم جديد بنورها الساطع فى سماء الاسكندريه لتبدء داليا بفتح عيونها بصت حواليها ملاقتش حد قامت قعدت بأستغراب وقالت
داليا :- راح فين ده وقامت من على السرير لبست هدومها وخرجت من الاوضه شافت نور اوضت أدهم منور راحت خبطت على الباب وسمعت صوت ادهم بيقول
ادهم :- ادخل
داليا :- فتحت الباب ودخلت وقالت صباح الخير
ادهم :- وهو بيظبط نفسه قصاد المرايا قال صباح النور صباحيه مباركه يا عروسه
داليا :- بكسوف الله يبارك فيك انت صحيت من بدرى
ادهم :- قعد على حرف السرير يلبس الجزمه بتاعته وقال اه من شويه الفون رن مرضتش ارد عليه هناك وازعجك جيت رديت عليه هنا فى الاوضه
داليا :- اوك ولسه هتخرج من الاوضه
ادهم :- رايحه فين
داليا :- هروح اخد شاور فى الاوضه التانيه
ادهم :- وقف وراح عندها وقال وليه هتروحى الاوضه التانيه من هنا ورايح دى اوضتنا احنا الاتنين مفهوم ومهما حصل اياكى تسيبى الاوضه وتروحى فى اى مكان تانى
داليا :- حاضر
ادهم :- بسها فى خدها وقال سلام
داليا :- ادهم
ادهم :- وقف وقال ايوه
داليا :- كنت عايزه اطلب منك طلب
ادهم :- قولى محتاجه فلوس ولا حاجه
داليا :- لالالا مش عايزه فلوس بس بابا واحشنى وعايزه اروح أزوره النهارده ممكن
ادهم :- مفيش مشكله هبلغ السواق يوديكى ويستناكى تحت لحد ما تنزلى
داليا :- مش لازم يا ادهم سواق وعربيه هروح بتاكسى عادى وهاجى برضه فى تاكسى
ادهم :- انتى ناسيه انتى مرات مين انتى مرات ادهم الحناوى ازاى تروحى وتيجى فى تاكسى والعربيات موجوده هى كلمه واحده هتروحى فى العربيه مع السواق وتيجى معاه مفهوم
داليا :- حاضر بس ممكن طلب كمان
ادهم :- امم قولى
داليا :- تيجى تقعد معانا شويه ونروح مع بعض
ادهم :- مش عارف لسه ظروفى ايه فى الشغل لو خلصت بدرى هبقى اجى عليكم ها فيه حاجه تانى
داليا :- بسته فى خده وقالت لاء خلاص ربنا يخليك ليا
ادهم :- فتح المحفظه وطلع فلوس وقال خدى ابقى هاتى شوية حاجات ادخلى بيهم عليهم
داليا :- لاء بابا مش هيرضى وهيزعل لو عملت كده
ادهم :- خدى الفلوس وانتى حره شوفى هتعملى بيهم ايه
داليا :- اخدتهم منه وقالت ماشى
ادهم :- لو محتاجه اى حاجه ليكى قولى
داليا :- لاء مش محتاجه حاجه ربنا يخليك
ادهم :- ماشى باى وسابها ومشى
داليا :- بصت عليه وهو ماشى وقالت طيب وحنين بس مشكلتك مش بتحب تظهر ده وحطت الفلوس على الكومدينو ودخلت الحمام اخدت شاور وخرجت لبست هدومها وأدت فرضها وخرجت من الاوضه وقابلة سندس فى سكتها وقالت صباح الخير
سندس :- صباح النور ومشيت وسابتها
داليا :- سندس سندس
سندس :- وقفت وقالت نعم
داليا :- فين دينا مش ظاهره من امبارح
سندس :- معرفش ابقى شوفيها فين بالفون ونزلت وسابتها
داليا :- نزلت وراها وقالت سندس استنى
سندس :- نعم ايه تانى
داليا :- انا لازم اعرف وافهم ايه سبب تغيرك معايا كده
سندس :- مفيش
داليا :- يا سندس انتى عيله من سن اخويا مؤمن وأصغر يعنى مش هتعرفى تضحكى عليا
سندس :- اتعصبت لما سمعت اسم مؤمن وقالت اه اعملى بقى بريئه ومثلى عليا انك متعرفيش حاجه وانتو اصلا عاملين التمثليه مع بعض بجد انا مش عارفه انتو ازاى كده ازاى بتعرفوا تكدبوا وتخدعوا الناس بوشكم ده انا بكرهك وبكرهوا ومش طايقه ابص فى وشكم وسابتها ومشيت
داليا :- استغربت من كلام سندس بس فهمت أن هى تقصد مؤمن وقررت لما تروح تفهم كل حاجه من مؤمن وخرجت ركبت العربيه مع السواق وراحت على بيت ابوها
~•~•~•~•~•~•~•~•~•~•~•~•~•
فى الفندق عند أكرم وفاطمه
صحيت فاطمه من نومها على صوت تليفون أكرم بصت فيه لاقته رقم ادهم خبطت على كتف اكرم وقالت
فاطمه :- أكرم يا اكرم انت يا ابنى قوم
أكرم :- امممم
فاطمه :- امممم ايه قوم ادهم بيتصل بيك
أكرم :- فتح عينه بصعوبه وقال ادهم وده هيتصل دلوقتى بيا ليه اكيد فيه مصيبه هاتى الفون
فاطمه :- خد اهو وسابته وقامت دخلت الحمام تاخد شاور
أكرم :- رد وقال السلام عليكم
ادهم :- وعليكم السلام ايه يا ابنى النوم ده كله
أكرم :- الله مش عريس انت هتحسدنى على النومه كمان
ادهم :- انت هتسوق فيها اخلص تعال حالا على الشركه
أكرم :- اسوق فيها ايه دول هما يومين بس اللى اخدهم بقولك ايه سبنى كمان يومين انشالله يخليك احضن فيها حضنين واخد بوستين انت ايه يا اخى مش بترحم
ادهم :- حضن ايه وبوس ايه انت هتهزر فيه شغل كتير متعطل عليك وكمان فيه موضوع تانى حصل ولازم تعرفه
أكرم :- موضوع تانى موضوع ايه ده
ادهم :- لما تيجى هتعرف سلام وقفل السكه فى وشه
أكرم :- بص على التليفون وقال ربنا على المفترى وحطه جنبه
وفى الوقت ده خرجت فاطمه من الحمام وقالت
فاطمه:- فيه حاجه ولا ايه داليا كويسه
أكرم :- قام وقف وقال داليا كويسه بس لازم انزل الشغل النهارده
فاطمه :- بصت ليه بزعل وقالت هتنزل الشغل النهارده بسرعه كده هو احنا لحقنا يا اكرم احنا لسه متجوزين بقالنا يومين بس
أكرم :- راح عندها ولف دراعه حاولين وسطها وقربها ليه وقال غصب عنى يا بطه مقدرش اقول لادهم لاء لان مصالح الشغل كلها متوقفه عليا انا وبعدين يا ستى دول كلهم كام ساعه واجيلك وسعتها هقطعك وغمز ليها
فاطمه :- ضربته على كتفه وقالت اتلم بطل قلة ادب طيب انا دلوقتى هقعد اعمل ايه هنا لوحدى
أكرم :- بصى هقولك حضرى الشنط بتاعتنا على ما اجى ونرجع الفيلا بتاعتنا على الأقل لما انزل الشغل ابقى مطمن عليكى وانتى وسط اهلى
فاطمه :- ليه هو انت مش ناوى تنزلنى الشغل تانى ولا ايه
أكرم :- وشه اتغير وقال ها ر.ر.ربنا يسهل يمكن ربنا يكرمنا ببيبى دلوقتى ومش هينفع انزلك تشتغلى وانتى حامل
فاطمه :- أكرم انت وشك اتغير ليه لما جت سيرة الشغل مش انت وعدنى انك هتنزلنى الشغل تانى بعد الجواز
أكرم :- بعد عنها وقال ربنا يسهل يا فاطمه مش وقته الكلام ده وسبها ودخل الحمام
فاطمه :- بصت على باب الحمام بأستغراب وقالت يا ترى يا اكرم ناوى على ايه واتنهدت وراحت لبست هدومها وخرج أكرم من الحمام لبس هدومه واده فرضه ونزل من غير ولا كلمه وفاطمه استغربت ردت فعله وسابته على راحته ومرضتش تكلمه فى الوقت ده
~•~•~•~•~•~•~•~•~•~•~•~•~•
فى بيت منتهى
قعدت تتصل على علاء وميردش عليها واستغربت عدم رده اتصلت على داليا وانتظرت الرد وبعد شويه سمعت صوت داليا بتقولها
داليا :- توته وحشتينى
منتهى :- انتى اكتر يا دودى عامله ايه
داليا :- الحمدالله يا قلبى والبت طمطم عامله ايه
منتهى :- معرفش والله بقالها كذا يوم مكلمتنيش
داليا :- عروسه بقا مش فاضيه لينا كفايه عليها سى أكرم بتاعها ده
منتهى :- ربنا يسعدها ويهنيها يارب
داليا :- يارب ويفرح قلبك يا روحى
منتهى :- كنت عايزه اقولك على حاجه معرفش إذا كنتى تعرفيها ولا لاء
داليا :- قولى
منتهى :- علاء
داليا :- ماله
منتهى :- خطبنى امبارح والفرح الاسبوع الجاى
داليا :- نعم ازاى ده
منتهى :- هو محدش عندكم عرف
داليا :- لاء طبعآ محدش عندنا يعرف حاجه زى دى وهو اصلا مقالش لحد بس عمل كده ازاى من غير ما يعرف ادهم وبعدين مش أهله كانوا رافضين
منتهى :- مش دى المشكله
داليا :- امال ايه هى المشكله
منتهى :- أن بابا كان رافض الجوازه دى خالص وامبارح كان مرحب بي اوى وبيتكلم مع علاء بكل ادب واحترام كأنه كاسر عينه بحاجه
داليا :- طيب وايه هو سبب تغير رأى ابوكى
منتهى :- انا شكه فى حاجه بس لو طلع شكى ده صح انا هخليهم يندموا ندم عمرهم يا داليا
داليا :- شكه فى ايه طيب
منتهى :- مش وقته مش ده موضوعنا انا كنت متصله أسألك على علاء هو عندك
داليا :- علاء مش موجود فى الفيلا وشكله مجاش اصلا من امبارح
منتهى :- هيكون راح فين بس ده حتى مش بيرد على الفون بتاعه
داليا :- ما يمكن رجع الفيلا بتاعتهم تانى ولا حاجه
منتهى :- معتقدش مش عارفه بقى خلاص ماشى يا دودى وقت ما تعرفى حاجه عن علاء طمنينى
داليا :- حاضر باى
منتهى :- باى وقفلت السكه مع داليا وحطت الفون جنبها وقالت يا ترى فينك يا علاء واتنهدت وقامت دخلت الحمام اتوضت وأدت فرضها وخرجت من اوضتها
~•~•~•~•~•~•~•~•~•~•~•~•
فى فرنسا
صحيت رودينا على صوت خبط على باب الاوضه بتاعتها فتحت عينيها بصعوبه وقامت من على السرير فتحت الباب وهى بتدعك فى عينيها
نهى :- صباح الخير على الناس الكسلانه
رودينا :- بصت ليها وقالت هو انتى ودخلت وسابتها ونامت تانى على السرير
نهى :- ايه هتعملى ايه قومى يلا النهارده اخر يوم لينا فى فرنسا يعنى عايزين نستمتع بكل حاجه فيها
رودينا :- يوووووه روحى انتى استمتعى براحتك وسبينى انام بقى
نهى :- شدتها وقالت قومى يا كسلانه انتى نمتى من ساعه ما جينا اكتر ما صحيتى
رودينا:- يوووووه فين سى زفت بتاعك ده يرحمنى شويه منك
نهى :- هييييييح محمد قاعد تحت مع استاذ فادى مستنينا
رودينا :- فتحت عينيها بصدمه وقالت قاعد مع مين مستنينا
نهى :- جاتلك الفوقه دلوقتى لما اتنطق اسم فادى
رودينا :- اخلصى يا بارده مستنينا تحت ليه ها
نهى :- اصل محمااااا مصمم نقضى اليوم كله النهارده مع بعض علشان يودعنا قبل ما نسافر
رودينا :- وقفت وقالت قولتيلى محمااااااا وغمزت ليها وقالت لاء صاحب واجب اوى الراجل
نهى :- بدلع الله مش كتر خيره أن هو عايز يمتعنا شويه بالبلد قبل ما نسافر
رودينا :- حونين اوى الجدع الصراحه هيييييييح اطلعى بره يا نهى
نهى :- نعم
رودينا :- اطلعى بره علشان اغير هدومى
نهى :- اااااه طيب متتأخريش بقى انا هنزل استناكى تحت مع محمااااا ومشيت وسابتها
رودينا :- قفلت الباب وراها وقالت وربنا مجنونه وضحكت ودخلت الحمام اخدت شاور وخرجت لبست هدومها وأدت فرضها ونزلت تحت وقالت صباح الخير اسفه على التأخير
محمد :- صباح النور يا انسه رودينا ولا يهمك
فادى :- بص على شكلها بأعجاب واتنهد وقال مش يلا بينا بقى بلاش نضيع وقت
محمد :- عندك حق يلا بينا
نهى :- طيب احنا هنركب عربية مين فيكم بالظبط
محمد :- ممكن استاذ فادى يركب هو والانسه رودينا عربيته وحضرتك تركبى معايا وهما يمشوا ورانا
فادى :- اوك مفيش مشكله وخرجوا الاربعه ركبت رودينا العربيه جنب فادى
وركبت نهى العربيه التانيه جنب محمد والاتنين مشوا بالعربيات وبعد وقت بتبص نهى وراها ملاقتش عربية فادى بصت بأستغراب لمحمد وقالت
نهى :- هما راحوا فين
محمد :- هما مين
نهى :- استاذ فادى ورودينا
محمد :- ضحك وسكت
نهى :- ممكن افهم حضرتك بتضحك على ايه ومش بترد عليا ليه
محمد :- علشان استاذ فادى طلب منى أن هو ياخد الانسه رودينا ويتغدوا مع بعض لوحديهم
نهى :- احلف
محمد :- هههههههه ما بلاش بتزعلى لما بقولك يا انسه احلف
نهى :- طيب لما هو مش هيتغدا معانا ليه مقالش كده من الاول
محمد :- علشان انا كمان طلبت منه أن أخرج معاكى لوحدينا
نهى :- احلف
محمد :- هههههههههههه
نهى :- ممكن ترجعنى الفندق
محمد :- بأستغراب ليه
نهى :- علشان انا كنت خارجه معاك على اساس أننا احنا الاربعه هنكون مع بعض لكن كده انا هخرج معاك بصفتى ايه
محمد :- ده على اساس أننا مفطرناش مع بعض لوحدينا امبارح انتى عندك انفصام فى الشخصيه
نهى :- احم الوضع يختلف
محمد :- ازاى يعنى يختلف
نهى :- امبارح ده كان فطار عادى إنما ده غدا
محمد :- احلفى
نهى :- هههههههههههه انت اتعديت منى ولا ايه يا بشمهندس
محمد :- اعملك ايه هو ايه الفرق ما بين الفطار والغدا بقى أن شاءالله
نهى :- مفيش الاتنين نعمة ربنا
محمد :- والله
نهى :- انا اتغظت الصراحه لما اتغفلت كنت اسألنى الاول وتسيب ليا حرية الاختيار
محمد :- كنت هترفضى مثلا
نهى :- لاء كنت هوافق طبعآ
محمد :- صبرنى يا ربى طيب مدام كنتى هتوافقى ليه تعب القلب ده
نهى :- اه كنت هوافق بس من غير تغفيل منكم انتو الاتنين
محمد :- بنفاذ صبر حقك علينا تحبى ارجعك تانى مكان ما اخدك
نهى :- لاء خلاص موافقه اتغدا معاك
محمد :- بص ليها بقلة حيله وزود السرعه اكتر من غيظه منها وطلع يجرى بالعربيه
عند فادى ورودينا
بصت رودينا قدمهم وقالت
رودينا :- فادى شكلهم ضاعوا مننا علشان عربية البشمهندس محمد اختفت
فادى :- لاء متقلقيش هما راحوا فى مكان واحنا رايحين مكان تانى خالص
رودينا :- ازاى يعنى مش فاهمه
فادى :- البشمهندس محمد حابب يكلم نهى فى موضوع شخصى وطلب أن هو يقعد معاها على انفراد وطبعآ انا وافقت
رودينا :- طيب مقولتش هناك كده ليه هما كانوا مشيوا واحنا كنا قعدنا فى الاوض بتاعتنا
فادى :- لان انا كمان عايز اتكلم معاكى فى موضوع شخصى
رودينا :- بصيت ليه بأستغراب
فادى :- مالك بتبصى ليا بأستغراب كده ليه
رودينا :- لاء بس مستغربه ايه هو الموضوع الشخصى اللى عايز تكلمنى فيه
فادى :- اصبرى على رزقك هتعرفى كل حاجه بس نوصل المطعم
رودينا :- اوك
فادى :- بس عايز اقولك ان الطقم عليكى شيك جدآ ومحترم وغمز ليها
رودينا :- اتكسفت وقالت ش.ش.شكرآ وبصت من الشباك
فادى :- ضحك وبص على الطريق وبعد وقت وصلوا المطعم ونزل من العربيه وفتح الباب لرودينا ومد أيده ليها
رودينا :- بصيت على أيده بكسوف ومدت ايديها ليه ومسكت أيده ونزلت من العربيه ودخلت معاه المطعم وقعدوا على الترابيزه وطلبوا الاكل
~•~•~•~•~•~•~•~•~•~•~•~•~•
فى شركة ادهم الحناوى
وصل اكرم الشركه ودخل علطول على مكتب ادهم وقعد على الكرسى وقال
أكرم :- منك لله يا شيخ زى ما قطعت عليا شهر العسل
ادهم :- وحياة امك انت هتسوق فيها ما عندك طول الليل ولا هو لازم ليل ونهار
أكرم :- يا عم مدام الواحد فيه الصحه ايه المشكله بس ده انت غريب بجد وبعدين هو انا لحقت اشبع من الوليه ده انا لو بحكى ليها حدوته كان زمانى قعد معاها اكتر من كده
ادهم :- سيبك من الكلام ده دلوقتى وخلينا فى المهم
أكرم :- اللى هو ايه بقى
ادهم :- عرفت أن خالد الحناوى اتقبض عليه
أكرم :- بصدمه لا بجد ليه
ادهم :- لما حرقنا ليه المخازن والشرطه راحت تعاين المكان اكتشفوا مخدرات فى المخزن وعارفوا أن هو كان بيستخدم الشركه لتجارة المخدرات
أكرم :- يخربيت أبوه كل ده ولا كنا عارفين ده طلع مش سهل أبدآ عمرى ما كنت أتوقع أنه يطلع تاجر مخدرات
ادهم :- فى داهيه انا مش مستغرب واحد زى ده كنت منتظر يطلع منه اى حاجه
أكرم:- طيب دلوقتى ايه موقفك معاه هتقف جنبه
ادهم :- لاء طبعآ ده لو بيموت مستحيل اساعده
أكرم :- بس الناس هتتكلم وتقول إن رجل الأعمال ادهم الحناوى موقفش جنب أبوه
ادهم :- اللى يتكلم يتكلم انت عارف ان انا مش بيهمنى كلام حد المهم دلوقتى فادى بعت الشحنه من فرنسا ووصلت تروح زى الشاطر كده تستلمها
أكرم :- اروح فين وانا مال امى ما تبعت حد غيرى وسبنى اروح للمسكينه اللى قاعده لوحدها هناك
ادهم :- أكرم متعصبنيش روح اعمل زى ما قولتلك
أكرم :- وسى فادى ده كمان مرجعش ليه يجى يشيل شويه من عليا
ادهم :- راجع الشركه بكره
أكرم :- يجى بالسلامه ووقف وقال ربنا على المفترى
ادهم :- بتقول حاجه يا اكرم
أكرم :- لا بس بدعيلك من قلبى وسابه ومشى
ادهم :- بص على أكرم وهو خارج وابتسم ومسك تليفونه واتصل بداليا وانتظر الرد
داليا :- ايوه يا ادهم
ادهم :- وصلتى عند ابوكى
داليا :- لاء لسه فى السكه اهو ليه فيه حاجه
ادهم:- لاء بس كنت بطمن عليكى
داليا :- ابتسمت وقالت ربنا يخليك ليا
ادهم :- حسك عينك تكلمى اى حد هناك
داليا :- بأستغراب تقصد ايه؟؟ هكلم مين يعنى؟
ادهم :- يعنى اياكى تسلمى على اى راجل فى الشارع بتاعكم ولا العماره عندكم
داليا :- ايه اللى انت بتقوله ده يا ادهم رجالة مين دى اللى هسلم عليها
ادهم :- معرفش لا ابن الجيران ولا بياع السوبر ماركة ولا الشغل ده انا عارفه
داليا :- لاء متقلقش انا اصلا مش بكلم شباب فى شارعنا خالص بابا مربينى على كده لا عمرى اختلط بأبن الجيران ولا كان ليا كلمه مع اى راجل فى الشارع اطمن بابا مربينى كويس اوى
ادهم :- جدعه انا قولت اقولك علشان مش هرحمك لو شوفتك فى يوم من الايام بتكلمى اى راجل سلام وقفل السكه
~•~•~•~•~•~•~•~•~•~•~•~•~•
فى القسم
قعدت دينا طول الليل فى مكتب تامر ووصل علاء القسم بعد ما عرف بحبس ابوه وقعد طول الليل معاهم
دينا :- تامر هو احنا مش هندخل لبابا ولا ايه
تامر :- هدخلكم ثوانى ادخل استأذن ليكم
علاء :- معلش يا تامر تعبناك معانا
تامر :- ايه اللى انت بتقوله ده بس يا علاء احنا مش عيله واحده ولا ايه عن اذنكم وخرج وسابهم
دينا:- انا مستغربه ازاى ماما متجيش لبابا لحد دلوقتى مع أن انا كلمتها امبارح وعرفتها
علاء :- معرفش
دينا :- وانت كنت فين امبارح اتصلت بيك كتير مكنتش بترد على الفون ليه
علاء :- روحت اصلح اللى ابوكى وامك عملوه
دينا :- عملوا ايه
علاء :- الست الوالده والسيد الوالد راحوا لابو البنت اللى بحبها وعايز اخطبها ودفعوا ليه فلوس علشان ميجوزنيش بنته
دينا :- بصدمه بابا وماما عملوا كده وعرفت ازاى
علاء :- للاسف هما بنفسهم اللى قالوا ليا الكلام ده
دينا :- ازاى
علاء :- ..............
*********************
إلي هنا ينتهي الفصل السادس و الأربعون من رواية تمرد صحفية بقلم دودو محمد
تابع من هنا: جميع فصول رواية تمرد صحفية بقلم دودو محمد
تابع من هنا: جميع فصول رواية تمرد صحفية بقلم دودو محمد
تابع أيضاً: جميع فصول رواية آدم ولانا بقلم امونه
تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها
أو أرسل لنا رسالة مباشرة عبر الماسنجر باسم القصة التي تريدها
اقرأ أيضا: رواية من أجلك فقط بقلم لولو الصياد
إرسال تعليق
يسعدنا تلقي اقتراحاتك أو تعليقك هنا