قصص رومانسية جريئة ممنوع دخول الأطفال

مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة دودو محمد علي موقعنا قصص 26 و موعدنا اليوم مع الفصل السابع و الأربعون من  رواية تمرد صحفية بقلم دودو محمد. 

رواية تمرد صحفية بقلم دودو محمد - الفصل السابع و الأربعون

اقرأ أيضا: روايات رومانسية

رواية تمرد صحفية بقلم دودو محمد

رواية تمرد صحفية بقلم دودو محمد - الفصل السابع و الأربعون

فى فرنسا

عند محمد ونهى

وصلوا الاتنين المطعم
وقعدوا على الترابيزه وطلب محمد الاكل وقعدوا أكلوا مع بعض من غير ولا كلمه بس كان بينهم نظرات اعجاب كل واحد لتانى وبعد وقت انتهوا من الاكل

نهى :- ممكن اعرف ايه هو الموضوع اللى عايز تتكلم فيه
محمد :- نهى انا معجب بيكى جدآ وبأخلاقك ومعرفش ازاى حصل كده بالسرعه دى بس بجد حاسس بحاجه بتشدنى ليكى وقررت اقولك الكلام ده قبل ما ترجعى مصر
نهى :- اتكسفت وقالت بس اكيد اللى انت بتقوله ده مجرد اعجاب علشان مستحيل تكون لحقت تحبنى فى اليومين دول
محمد :- نهى انا فعلا بحبك وعلى فكره بقى انتى كمان بتحبينى وده واضح اوى فى عيونك
نهى :- بصدمه ها
محمد :- متستغربيش انا بفهم اوى فى لغة العيون واقدر اقولك انتى بتحسى بأيه من نظرة عيونك
نهى :- احم و.و.وافرض الكلام اللى انت بتقوله ده صح ما انا راجعه مصر النهارده وانت هترجع لحياتك من تانى وكل واحد هيبقى بعيد عن التانى
محمد :- متنسيش أن انا قولتلك عايش ما بين مصر وفرنسا
نهى :- ايوه برضه مش فاهمه هيبقى ايه الجديد ما كل واحد هيرجع لحياته تانى
محمد :- ما انا جايبك هنا علشان اقولك كل حاجه عن حياتى اسمعينى للآخر وبعد كده ابقى ردى ممكن
نهى :- اوك
محمد :- اولا انا عندى تلاته وتلاتين سنه ولد وليا أختين بنات واحده متجوزه والتانيه لسه حبيت بنت فى الجامعه وخطبتها وبعد ما اتخرجت اتجوزتها علطول
نهى :- بصدمه متجوز
محمد :- قولتلك اسمعينى للآخر وبعد كده ابقى ردى
نهى :- اوك
محمد :- مكمل كلامه وربنا كرمنا علطول وبقت حامل فى نفس الشهر اللى اتجوزنا فيه وفتحت شركة هندسه صغيره على قدى وكنا اسعد اتنين وبعد تسع شهور مراتى ولدت توأم بنت وولد
نهى :- وكمان معاك منها عيال
محمد :- يا بنتى اسكتى بقى خلينى اكمل
نهى :- حاضر
محمد :- كمل كلامه وقال وكان اجمل يوم فى حياتى لما بقيت اب وكنت بعد الساعات اللى انا فيها فى الشغل علشان تخلص وارجع لاياد وتيا ونلعب سوا وفى يوم مراتى تعبت والحراره عندها ارتفعت جدآ وقبل ما يوصل الدكتور كانت ماتت
نهى :- بصدمه ماتت
محمد :- بزعل ايوه
نهى :- طيب ماتت ازاى كان عندها مرض ولا حاجه
محمد :- لاء هى تعبت فاجئه وحرارتها ارتفعت والدكاتره قالت موتها نتيجة هبوط فى الدوره الدمويه
نهى :- يا قلبى طيب والاولاد كانوا صغيرين عملتوا معاهم ايه
محمد :- امى ربنا يخليها ويديها الصحه اخدتهم هى تربيهم واختى بتساعدها فى تربيتهم علشان كده انا عايش مابين مصر وفرنسا علشان مقدرش اغيب عن ولادى بخلص شغلى هنا بسرعه وبرجع مصر علشان اقضى معاهم اكتر وقت ممكن
نهى :- طيب وليه اخترت انك تشتغل فى فرنسا ليه مشتغلتش فى مصر بس
محمد :- علشان الشركه دى اللى طلعت ليا من ورث بابا الله يرحمه كان مهندس برضه خلتها زى ما هى وبقيت بشتغل فيها شويه واشتغل فى شركتى اللى فتحتها فى مصر شويه مقدرش استغنا عن اى واحده فيهم لأن كل شركه منهم ليها ذكرى معايا دى من ريحة بابا الله يرحمه والتانيه اولا هى كانت وش السعد عليا وثانيآ ليا فيها ذكريات مع مراتى الله يرحمها
نهى :- سكتت ومردتش عليه
محمد :- سكتى ليه
نهى :- مش عارفه اقولك ايه الصراحه ولا ايه مطلوب منى اصلا
محمد :- انتى عرفتى كل حاجه عن حياتى لو موافقه انك تتجوزينى وتعيشى معايا حياتى وتبقى ام حنونه لاولادى اجى اتقدم ليكى لو مش موافقه حقك طبعآ انتى بنت واكيد بتحلمى بى شاب تكونى انتى أول واحده فى حياته واولادك هما اول ولاد ليه مش هزعل والله
نهى :- بص انا مش بفكر بالطريقه دى خالص بس انت فاجئتنى الصراحه بحياتك وان عندك ولاد وخايفه اكون مش قد مسؤولية الاطفال مش عارفه بقى الصراحه انا متفاجئه من كل حاجه حتى من طلب جوازك منى سيبنى افكر وهرد عليك بعد ما أتأكد من قرارى لأن انا حاسه ان انا مشوشة اوى
محمد :- خدى وقتك فكرى فيه براحتك وده الكارت بتاعى اتصلى عليا فى اى وقت وانا أن شاءالله راجع مصر كمان اسبوع لو حصل نصيب هاجى اتقدم ليكى لما ارجع مصر المرادى
نهى :- أن شاءالله ممكن بقى نمشى
محمد :- نمشى انتى زهقتى منى ولا ايه
نهى :- لاء خالص والله
محمد :- طيب يبقى خليكى معايا انا لسه هفرجك على مناطق كتير هنا حلوه اوى
نهى :- م.م.ماشى
محمد :- قومى يلا تعالى معايا
نهى :- قامت وخرجت مع محمد وركبت العربيه
محمد :- شغل العربيه ومشى بيها
~•~•~•~•~•~•~•~•~•~•~•~•~•
فى مصر

فى قسم الشرطه

كان علاء ودينا قاعدين فى مكتب تامر منتظرين تامر يستأذن ليهم يدخلوا يقابلوا ابوهم واتكلموا على موضوع منتهى

علاء:- للاسف ابوكى وامك هما اللى قالوا ليا
دينا :- ازاى
علاء :- روحت امبارح الصبح الفيلا علشان اقنعهم أن هما يجوا معايا لأهل منتهى يطلبوها ليا امك قالت ليا أن هما طمعانين فى فلوسنا وان هما دفعوا لابو منتهى فلوس علشان يرفض الجوازه دى واخد منهم الفلوس قالت ليا هى دى اللى عايز تتجوزها اكيد هى واهلها عاملين عليا خطه علشان يضحكوا عليا ويخدوا فلوسى اتصدمت من الكلام واتصلت بأبوه منتهى وطلبت اشوفه بره البيت وقابلته ووجهته بالكلام ده وللاسف أكد ليا كلام امك وابوكى بس أنا متأكد أن منتهى مش زى ابوها أبدآ منتهى مؤدبه ومحترمه وعمرها ما فكرت فى الفلوس بس لما لاقيت ابوها كلب فلوس استغليت الفرصه دى ليا ودفعت ليه مبلغ مقابل أنه يوافق على جوازى من بنته ووافق وروحت خطبتها امبارح وهتجوزها الاسبوع الجاى
دينا :- ابوها ده واطى اوى بنى أدم زباله طيب انت بتقول هتتجوزها الاسبوع الجاى ازاى وابوك فى الحبس
علاء :- مش مهم انا كده كده هكتب كتابها وهروح على البيت علطول انتى عارفه أن انا مليش فى جو الافراح ده حرام اساسآ
دينا:- ربنا يسعدك يارب طيب قررت هتعيش فين بالظبط
علاء :- اشتريت شقه وبجهزه
دينا:- أن شاءالله بابا يخرج من هنا واتعرف عليها فى أقرب وقت
علاء :- أن شاءالله
وفى الوقت ده دخل تامر وبلغهم أن هو جاب ليهم الاذن يشوفوا ابوهم ودخلوا الاتنين المكتب عند ابوهم لاقوه قاعد على الكرسى وراسه ما بين ايديه ومكسور
دينا :- طلعت تجرى عليه وقالت بابا حبيبى عامل ايه
خالد :- كويس فين امك
دينا:- اتصلت بيها وبلغتها من امبارح معرفش مجتش ليه
خالد :- وقف وقال علاء تخلى امك تجي هنا بأى طريقه عايزها ضرورى
علاء:- حاضر يا بابا اهدا انت بس وان شاءالله خير
دينا:- بوجع وكسره ليه يا بابا تعمل كده ليه
خالد :- انتى مصدقه الكلام ده يا دينا انا مستحيل اعمل كده
علاء :- طيب والبضاعه اللى كانت فى المخازن دى يا بابا بتاعة مين
خالد :- م.م.معرفش يا علاء تلاقى اللى اسمه ادهم ده هو اللى حطها ليا علشان ينتقم منى
دينا :- بعصبيه ادهم مستحيل يعمل كده وتامر أكد ليا أن البضاعه دى بتاعتك
خالد :- كداب
دينا :- بدموع للاسف تامر مش كداب يا بابا وحضرتك تاجر مخدرات انا مصدومه فيك مفكرتش فينا وفى شكلنا قدام الناس
علاء :- بتريقه وكنتوا رافضين جوازى من منتهى ومستعرين منهم طلعوا هما اشرف مننا بكتير
خالد :- ولد اتكلم عدل انت هتقارن الجرابيع دول بينا احنا انت اتجننت شكلك
علاء:- الجرابيع دول دلوقتى نسايب ابنك وكمان اسبوع هتجوز بنتهم
خالد :- هتاخد برضه البنت دى يا ابنى أهلها طماعين وهيخدوا منك فلوسك
علاء:- طماعين بس على الاقل مش بتوع مخدرات
خالد :- انت ولد قليل الادب وانا هربيك
علاء :- بص لابوه ومردش عليه ومشى وسابه
دينا :- علاء يا علاء استنا وطلعت تجرى وراه
خالد :- انا هعرف اربيك واربى الزباله دول بس اطلع من هنا
دينا :- استنا بقى يا علاء ومسكته من دراعه علشان تمنعه يمشى
علاء :- لسه مصمم يكسرنى ويقلل منى ويبعدنى عن البنت الوحيده اللى قلبى اختارها
دينا :- مش انت خلاص خطبتها وهتتجوزها ايه مزعلك بقى وبعدين هو بيتكلم كده خايف عليك يا علاء اى حد مكانه هيعمل زيه كده خصوصآ بعد اللى حصل من ابوها بكره الايام تثبت ليهم أن هى مش زيهم وان انت كان عندك حق لما اتمسكت بيها
علاء :- أن شاءالله يلا امشى
دينا :- لاء انا هفضل هنا جنب بابا مش هينفع اسيبه لوحده
علاء :- مش هينفع يا دينا لازم ترتاحى شويه وبعدين مينفعش تبقى قاعده فى مكتب تامر علطول كده هتعطليه عن شغله امشى روحى معايا وابقى اجيبك علطول تطمنى عليه
دينا :- سكتت شويه وقالت ماشى ومشيت مع علاء ركبت العربيه وروحت على الفيلا عند ادهم ملاقتش غير سندس وسألت على داليا قالت ليها أنها متعرفش راحت فين وسابتهم ودخلت اوضتها ودخلت دينا اوضتها وعلاء دخل اوضه وكل واحد فيهم اخد شاور واده فرضه وناموا
~•~•~•~•~•~•~•~•~•~•~•~•~•
فى شقة سعيد

وصلت داليا بالعربيه الشارع ونزلت من العربيه طلعت العماره ورنت الجرس فتح ليها مؤمن اول ما شافها اترمى فى حضنها وقعد يبوس فى رقابتها ويضمها ليه وهى تضمه اكتر وتقول

داليا :- واحشتنى اوى اوى يا مؤمن عامل ايه يا ولا وعامل ايه فى دراستك
مؤمن :- مكنتش كويس وانتى بعيده عننا واحشتينى اوى اوى يا داليا بقى تبعدى عننا كل ده
داليا :- غصب عنى والله بس هو اغيب شويه تحلو كده اكتر من الاول ينفع
وفى الوقت ده جه سعيد من جوه وقال
سعيد:- مين يا مؤمن
داليا :- دخلت تجرى عليه واترمت فى حضنه وقالت بابا وحشتنى
سعيد :- ضمها ليه وقال بنتى حبيبتى وحشتينى يا قلبى وقعد يبوس فى خدها وفى ايديها وقال كل حته فيكى واحشانى يا ضى عينيا
داليا :- مسكت أيده وقعدت تبوس فيها وقالت انا كنت هموت عليك اوى يا بابا كانت روحى مش فيا وانا بعيده عنك بس خلاص روحى ردت فيا دلوقتى لما شوفتك وباست راسه وحضنته وقالت ياااااه يا بابا ياااااه وحشنى حضنك وريحتك اوى
سعيد :- ربنا يسعد ايامك يا بنتى على قد ما كنت قلقان عليكى على قد ما انا ارتحت لما شوفت السعاده اللى فى عيونك دى يا حبيبتى
مؤمن :- اوعى تقولى انك هتمشى فى نفس اليوم اكيد هتقعدى معانا يومين تلاته صح
داليا :- نفسى والله بس ادهم مش هيرضى
مؤمن :- بابا يكلمه
داليا :- والله العظيم مش هيرضى جوزى وانا عارفه
سعيد :- خلاص يا مؤمن بلاش ننكد عليها المهم اننا اطمنا عليها وخلاص واهى هتقضى اليوم كله معانا
داليا :- وادهم كمان لو خلص شغل بدرى هيجى يقعد معانا شويه
سعيد :- ينور يا حبيبتى البيت بيته فى اى وقت
داليا :- بصت حاوليها وقالت امال فين حمزه
سعيد :- اخوكى اهو نايم فى اوضه واتنهد
داليا :- بقلق هو فيه حاجه ولا ايه طريقة ردك بتقول أن فيه حاجه
سعيد :- تعالى اقعدى وقعدها على الكنبه وقعد جنبها وقال ليها عن ميرفت وجوازه منها وهروبها منه وعن حالة حمزه اللى بتدهور كل يوم اكتر من اليوم اللى قابله
داليا :- بصدمه يا نهارى كل ده حصل مع حمزه فى الفتره الصغيره دى
مؤمن :- اخوكى حب والحب غيره وكسره خالص
داليا :- اسم ميرفت ده مش غريب عنى حاسه ان انا سمعته قبل كده بس مش فاكره فين بالظبط المهم طيب وآخرة اللى هو عامله فى نفسه ده ايه
سعيد :- بقلة حيله تعبت من الكلام معاه بس هو مش بيسمع لحد
داليا :- انا داخله ليه هكلمه وبصت لمؤمن وقالت وانت جيالك لسه ليا كلام معاك وسابته ودخلت الاوضه عند حمزه
مؤمن :- فكر ان سندس قالت ليها اللى حصل وداليا هتعتبه على اللى عملوا فيها
داليا :- دخلت الاوضه وقفلت الباب وراها ووقفت قصاد حمزه وهو نايم وافتكرت ايام ما كانت بتصحيه بمقالب ويطلع يجرى وراها ابتسمت وقالت ياريت الايام دى دامت علينا وفضلت معانا الضحكه اللى كانت بتطلع من القلب واتنهدت وراحت قعدت على حرف السرير وخبطت براحه على كتف حمزه وقالت حمزه حمزه
حمزه :- فتح عينه بسرعه وقال بخضه ميرفت
داليا :- بوجع والدموع فى عينيها قالت لا يا خويا انا داليا اختك مش ميرفت
حمزه :- بصلها بوجع واترمى فى حضنها ودموعه نزلت منه
داليا :- دموعها نزلت منها وقالت لدرجاتى يا حمزه بتحبها لدرجة أن دموعك تنزل علشانها
حمزه :- بدموع انا بموت فيها يا داليا دى هى روحى اللى راحت منى ادفع عمرى كله بس الاقيها
داليا :- بعدت عنه ومسكت وشه بين ايديها ومسحت دموعه وقالت هتلاقيها يا حمزه وبعدين عيبه فى حقك يا حضرة الظابط انك مش عارف تلاقيها ده انت ظابط يا ابنى ومش اى ظابط
حمزه :- وقف وقال بوجع مش لاقيها يا داليا مش لاقيها دورت فى كل مكان فى كل حته ممكن تكون فيها كأنها فص ملح وداب
داليا :- بس اللى انا اعرفه أن اخويا مش ضعيف اوى كده أن هو لو حط حاجه فى دماغه مش هيسكت إلا لما يعملها وانا واثقه انك هتعرف توصلها وقريب اوى كمان
حمزه :- يارب يا داليا هموت واشوفها
داليا :- بلهفه بعد الشر عليك يا حمزه ربنا معاك وتلاقيها يارب
حمزه :- قعد على السرير وقال ههه بعد الشر عليا من ايه بس يا داليا انا ميت اصلا من غيرها انتى متعرفيش ميرفت بالنسبه ليا ايه
داليا :- قعدت على ركبها قصاده فى الارض وقالت عارفه وحاسه بيك وشايفه كل حاجه فى عيونك من غير ما تتكلم بس الدنيا عمرها ما بتقف على حد ولازم نقوى علشان نقدر نعيش ونكمل حياتنا
حمزه :- هو فعلا الحياة مش بتقف على حد بس حاجات تانيه كتير بتقف ومش بتمشى علشان الحد ده ؛ الكسره بتموت حاجات كتير جواكى الحزن والاشتياق بيكسر كل حاجه حلوه فيكى فتعيشى وسط الناس تاكلى وتشربى وتمشى وتتكلمى عادى بس من جواكى بتبقى كل حاجه واقفه رافضه تكمل الدنيا وتعيشها وبكده تبقى الدنيا ماشيه عادى بس انتى من جوه كل حاجه فيكى واقفه رافضه تكمل وتعيش انا بكلمك اهو عادى وهاكل وهشرب وهنزل اشتغل وهرجع انام بس انا ميت من جوايا يا داليا
داليا :- اتنهدت بوجع وقالت يااااه يا حمزه انت بتتعذب اوى اوى من جواك واترمت فى حضنه وقعدت تعيط
حمزه :- لاء دموعك لاء يا داليا ده انتى قوتى بلاش تضعفينى اكتر بدموعك دى
داليا :- مسحت دموعها وقالت ياريت كان بأيدى حاجه كنت عملتها ليك انا ممكن اكلم ادهم يساعدك ادهم يعرف ناس كتير واصله وده ممكن يسهل عليك عملية البحث وتلاقيها بسهوله
حمزه :- وقف وقال بعصبيه لاء مش عايز حاجه من البنى أدم ده لو هو الوحيد اللى هيوصلنى ليها مش هطلب مساعده منه يا داليا
داليا :- وقفت وراحت عنده وقالت ليه بس يا حمزه ادهم مش هيرفض والله وهيساعدك تلاقيها بسرعه
حمزه :- بعصبيه قولتلك لاء
داليا :- هو ايه السر اللى ما بينكم اللى مخليك بتكرهوا اوى كده
حمزه :- روحى اسأليه وهو يقولك
داليا :- هو رافض يقول ليا السبب
حمزه:- علشان هو واحد واطى وزباله وخايف يقولك ينزل من نظرك
داليا :- ليه هو موضوع كبير اوى كده
حمزه :- بلاش تخلينى اتكلم علشان متجيش فى يوم وتقولى أن خربت ليكى حياتك وكرهتك فيه
داليا:- انا لازم اعرف يا حمزه
حمزه :- انتى حره اقعدى احكيلك
داليا :- قعدت وقالت قول
حمزه :- اول ما اتخرجت من الكليه جديد اتعرفت على بنت وحبيتها اوى وكانت علطول بتيجى تقضى معايا الوقت فى المكتب واتفقت معاها أن انا هكون نفسى وهروح اتقدم ليها وفى يوم جت وهى متبهدله وهدومها متقطعه ومنهاره ولما هدت وسألتها ايه اللى عمل فيها كده قالت إن ادهم الحناوى كان سكران واعتدى عليها وخسرها شرفها وسكت شويه وقال كانت اكبر صدمه بالنسبه ليا فى الوقت ده وقبضنا عليه ونكر كلام البنت دى وبنفوذه قدر يخرج منها زى الشعره من العجينه واتفاقنا انا والبنت دى أننا ننتقم منه لشرفها ورقبته وعرفت كل تحركاته والبنت دى جابت ليا مستندات تأكد أن هو شغله مشبوه وعملت كمين ليه وروحت فى وقت تسليم البضاعه بس ملاقتش حاجه وسعتها هو قدم فيا شكوه بتهمة التشهير بيه واتعقبت طبعآ بمساعدة الناس الكبيره ليه والبنت دى اختفت ولما سألت عليها عرفت انها انتحرت لما خافت من الفضيحه ومن سعتها وانا بحاول أوقعه بس هو مش سهل وبيعرف يلعبها صح
داليا :- كانت مصدومه من الكلام اللى بتسمعه والدموع نازله من عيونها من غير ولا كلمه
حمزه :- قعد جنبها وقال قولتلك بلاش انتى اللى صممتى تعرفى سبب كرهى ليه عرفتى بقى انا بكره البنى أدم ده ليه ومش هسكت غير لما اجيبه الأرض
داليا :- هزت راسها بالنفي وقالت بدموع مستحيل ادهم يعمل كده ادهم اللى انا اعرفه مش معقول يغتصب واحده ولا يعمل اللى انت بتقوله ده مستحيل
حمزه :- للاسف يا داليا هى دى الحقيقه
داليا :- كداب ادهم ميعملش كده أدهم اه بيظهر قدام الناس قاسى وأنه بنى أدم مش كويس بس هو والله العظيم طيب اوى ومش زى ما انت بتقول ادهم راجل بجد وعمره ما ياخد شرف بنت لانه بيخاف على اخواته البنات ادهم مش وحش والله مش وحش
حمزه :- مراية الحب عاميه وانتى علشان بتحبيه مش قادره تصدقى كلامى مش شايفه فيه غير الحلو بس مش قادره تشوفى وشه الوحش التانى اللى عنده
داليا :- وقفت وقالت برضه مش هصدقك وأبسط دليل أن انا اللى اسمى مراته محاولش ولا مره ياخد منى حاجه زى كده بالغصب مع ان ده حقه وجت الفرصه لحد عنده بس أدهم راجل رفض يقرب منى بأى شكل ويتمم جوازنا غير لما انا وافقت يبقى ازاى هيعمل كده مع حد غريب
حمزه :- يمكن عمل معاكى انتى بالذات كده علشان عارف أن انا ممكن احكيلك اللى حصل منه زمان فأنتى متصدقيش وتقوليلى نفس الكلام اللى قولتيه ده اللى زى ده تتوقعى منه اى حاجه لانه شيطان على هيئة بنى أدم وخرج وسابها
داليا :- قعدت على حرف السرير وحطت راسها ما بين ايديها ودموعها نزلت منها وقالت معقول ادهم يعمل كده معقول أن ادهم مغتصب لا قلبى بيقولى أن الموضوع ده فيه حاجه غلط وان مستحيل ادهم يبقى بالقذاره دى
وفى الوقت ده دخل سعيد وقال
سعيد :- بتعملى ايه هنا لوحدك يا بنتى
داليا :- مسحت دموعها بسرعه وقالت ها ولا حاجه يا بابا انا جايه اهو
سعيد :- انتى بتعيطى يا بنتى
داليا :- ا.ا اصل حمزه صعب عليا اوى غصب عنى دموعى نزلت منى
سعيد :- ومن سمعك يا بنتى حال اخوكى يصعب على الكافر ربنا يريح قلبه يارب ويلاقيها
داليا :- يارب يا بابا يارب
ووقفت وخرجت معاه من الاوضه وراحت تحضر الاكل مع ابوها فى المطبخ وهى بالها مشغول بكلام حمزه ليها
~•~•~•~•~•~•~•~•~•~•~•~•~•
فى المطعم

كانت ايه قاعده مع ممدوح وبتاكل ومش منتبها ليه نهائى وهو عمال يبص ليها بغيظ وقال

ممدوح :- هو انتى بقالك سنه مأكلتيش يا بنتى فى ايه ما تهدى شويه
ايه :- الله اكبر انت هتحسد ولا ايه ولا اكمنك انت اللى هتدفع حق الاكل مقهور اوى كده
ممدوح :- مش القصد يا حبيبتى بألف هنا وشفا ولو عايزه تانى اجبلك والله بس انتى من ساعة ما جينا بتاكلى بس مقولتيش ولا كلمه ليا
ايه :- وهى الاكل فى بؤقها قالت بس كده يا سيدى ولا تزعل ازيك عامل ايه
ممدوح :- بغيظ عامل جمعيه ادخلك فيها
ايه :- الله بجد طيب قبضها كام بقى
ممدوح :- بت انتى ناويه تشلينى صح
ايه :- بدلع بعد الشر عليك يا بيبى
ممدوح :- بفرحه يا ايه
ايه :- بصوت تخين يا بيبى عادى يعنى مفيهاش حاجه
ممدوح :- وحد الله يا برعى مالك قلبت كده فاجئه
ايه :- هه خفه بلاش استظراف لو سمحت ومدام بتتريق على كلامى الحلو مش هدلعك تانى ها
ممدوح :- ايه ده ماشاءالله هو انتى كنتى دلعتينى اولانى علشان تدلعينى تانى
ايه :- وقفت اكل وقالت تصدق سديت نفسى مش عايزه اكل
ممدوح :- سديت ايه يا عينيا ؟!
ايه :- سديت نفسى
ممدوح :- ده انتى يا بنت المفجوعه اكلتى طبقين رز بتوعك والطبق بتاعى معاهم واكلتى الكباب والكفته كلهم مخلتيش حته ليا دى الاطباق كلها بقت مغسوله وفى الاخر تقولى سديت نفسك ربنا يشلك يا شيخه زى ما انتى هتشلينى كده مالهم بنات تونس مفيش فى جمالهم ورقتهم ورومانسيتهم ياااااااه طلعت ابن فقريه سايب المززز الطلقه هناك وجيت اخد واحده عايزه مليون طلقه فى دماغها علشان ارتاح
ايه :- يا ايه يا خويه روح خد منهم بس على الله يرضوا بيك!! بس احنا برضه بنات مصر جامدين بطل كده فى نفسنا احنا على رأى المثل يا جبل ما يهزك ريح يا ابن الفقريه
ممدوح :- حلاوتك يا جامد يا واثق من نفسك انت
ايه :- قال بنات تونس قال طيب خليهم ينفعوك بقى يا خويا وقامت اخدت شنتطها وخرجت
ممدوح :- يا بنت المجنونه ودفع الفلوس وخرج يجرى وراها وقال استنى يا بت ده انا بهزر والله ده القلب مفيهوش غيرك ؛ انتى وبس اللى خطفتيه
ايه :- بغيظ وجعه فى قلبك يا بعيد
ممدوح :- اه يا قلبى الواد ده جرحنى فى قلبى اتهدى يخربيتك قطعتى نفسى ومسكها من دراعها
ايه :- اجمد كده وخليك بطل اصل بنات تونس مش بيحبوا الراجل الخرع
ممدوح :- فشر ده انا راجل اوى وغمز ليها وقال واعجبك كمان
ايه :- تصدق انت قليل الادب وانا شكلى اتسرعت فى ام الخطوبه دى
ممدوح :- فى ايه يا بت عامله شبه القطر كده ليه اتهدى بقى واهدى ما قولتلك كنت بتنيل واهزر علشان اشوف غيرتك عليا
ايه :- والله وشوفتها بقى
ممدوح :- وياريتنى ما شوفتها
ايه :- ههه خفه
ممدوح :- خلاص بقى يا بت ده انا بحبك والله
ايه :- حبك برص وعشره خرس
ممدوح :- هههههههه اقسم بالله صداع من كتر الرومانسيه امشى قدامى ده شكلى انا اللى اتسرعت مش انتى وقال بصوت واطى فينكم يا بنات تونس اااااه
ايه :- بتقول حاجه
ممدوح :- بقول ربنا يخليكى ليا يا حبيبتى وميحرمنيش منك أبدآ
ايه :- شكرآ ومشيت قدامه
ممدوح :- منه له منه له ومشى وراها ركبوا العربيه ورجعوا على الفيلا
~•~•~•~•~•~•~•~•~•~•~•~•~•
فى فرنسا

عند فادى ورودينا

بعد ما خلصوا اكل بص ليها فادى وقال

فادى :- رودينا تتجوزينى
رودينا :- بصت ليه بصدمه وقالت ها
فادى :- تتجوزينى
رودينا :- م.م.م.م.م
فادى :- انتى علقتى ولا ايه؛ عايزه تقولى موافقه؟
رودينا :- لاء
فادى :- بصدمه! لاء ايه مش موافقه
رودينا :- ها م.م.مش قصدى اقصد شوف بابا
فادى :- ما اكيد هشوف بابا بس لما اخد رأى بنته الاول ولا ايه
رودينا :- ر.ر.روح ليه خلاص
فادى :- يعنى ايه موافقه ولا مش موافقه
رودينا :- بعصبيه ما اكيد مدام بقولك روح ليه يعنى موافقه يا فادى
فادى :: هههههههه عارف بس كنت عايز اسمعها منك
رودينا :- بتوتر وكسوف ط.ط.طيب ايه غير رأيك من امبارح لنهارده انت لحد امبارح كنت بتكرهنى
فادى :- مسك ايديها وبص فى عينيها وقال انا عمرى ما كرهتك انا ازعل منك اه لكن اكرهك لاء
رودينا :- اتكسفت وقالت م.م.ماشى
فادى :- انا بحبك من اول لحظه شوفتك فيها من ساعة ما جيتى لادهم فى مكتبه وانتى صورتك قصاد عينى مغبتش ولا ثانيه عن عينيا حتى وانا زعلان منك صورتك مفرقتش خيالى بحبك وهفضل احبك لاخر يوم فى عمرى
رودينا :- سكتت من كتر الكسوف مبقتش عارفه ترد عليه
فادى :- ساكته ليه
رودينا :- ه.ه.هقول ايه ا.ا.انا فرحانه بكلامك ده بس م.م.مش عارفه ارد عليه
فادى :- بص فى عيونها وقال مش محتاجه تتكلمى بشفايفك كفايه عليا نظرة عيونك قالت كل حاجه ليا
رودينا :- نزلت عيونها بكسوف وسحبت ايديها من أيده وقالت ف.ف.فادى متكسفنيش بقى اكتر من كده
فادى :- رجع لوراه وقال مع أن مقولتش ليكى اى حاجه من اللى كنت عايزه أقولها بس كفايه عليا اشوف الفرحه اللى فى عيونك دى
رودينا :- احم ط.ط.طيب مش يلا بينا نرجع الفندق
فادى :- نرجع الفندق دلوقتى لسه بدرى يا بنتى
رودينا :- طيب هنعمل ايه
فادى :- هعيشك يوم هتفضلى تحلمى بى طول حياتك ومسك ايديها وقال يلا بينا وقام وخرجوا الاتنين ركبوا العربيه ومشى فادى بيها
~•~•~•~•~•~•~•~•~•~•~•~•~•
فى الفندق

وصل اكرم الفندق وطلع على الاوضه لاقه فاطمه قاعده على الكنبه وهى زعلانه راح قعد جنبها وقال

أكرم :- الجميل زعلان من ايه بس
فاطمه :- مردتش عليه وقامت من جنبه قعدت على السرير
أكرم :- وقف وراح قعد جنبها وقال لالالا شكل الجميل زعلان منى وانا مقدرش على زعله أبدآ وبيشدها فى حضنه زقته وقالت
فاطمه :- اوعى كده متلمسنيش وقامت وقفت
أكرم:- وقف وراه ضهرها ولف دراعه حاولين وسطها وبسها فى رقابتها وقال ده شكل الموضوع كبير اوى ويا ستى انا اسف متزعليش
فاطمه :- بتتأسف على ايه أن شاءالله انت عارف ايه مزعلنى منك
أكرم :- لاء معرفش بس انا اسف على اى حاجه عملتها زعلت منى طمطم روح قلبى
فاطمه :- بعدت عنه وبصت ليه وقالت اه يعنى بتتأسف ليا كده وخلاص من غير ما تعرف بتخدنى على قد عقلى
أكرم :- طيب زعلانه من ايه
فاطمه :- معرفش
أكرم :- اتنهد وقال طيب اتأسفت ليكى من غير ما اعرف السبب زعلتى وقولتى بخدك على قد عقلك سألتك مش عايزه تقولى اعمل انا ايه دلوقتى
فاطمه :- ولا حاجه سبنى اتحرق متشغلش بالك وراحت قعدت على حرف السرير
أكرم :- بصوت واطى اللهم طولك يا روح وراح قعد جنبها وقال مالك بس يا حبيبتى ايه مزعلك منى وانا اوعدك مش هعمل اللى زعلك ده تانى أبدآ
فاطمه :- والله قال يعنى متعرفش انت عملت ايه
أكرم :- داس على سنانه وقال الصبر يا رب وانا هعرف منين بس يا حبيبتى ما انا لو عارف كنت صلحتك علطول موجعتش قلب امى ده علشان اعرف مالك
فاطمه :- وقفت وقالت وبتتزهق عليا كمان مش كفايه انك غلطان فى حقى
أكرم :- الرحمه من عندك يارب طيب اعمل ايه علشان تتكلمى يا فاطمه انا تعبت مش كفايه راجع من الشغل تعبان ومش شايف قدامى وطالع عين اللى خلفونى وقاعد عمال اصالح فيكى على حاجه انا مش عارفها
فاطمه :- اه ابتدينا الاسطوانه بتاعة الرجاله المتجوزه بقى ما الناس كلها بتشتغل بتعمل ايه انت زياده عن الناس
أكرم :- نفخ وقال عندك حق مش بعمل حاجه وسابها ودخل الحمام ورزع الباب وراه
فاطمه :- بصت على الباب ودموعها نزلت منها وقالت كده يا اكرم مش هاين عليك تصالحنى ايوه ما خلاص اتجوزنا واخد اللى عايزه ومبقتش اهمك وقعدت تعيط وبعد شويه خرج من الحمام ومن غير ما يبص ليها قال
أكرم :- اجهزى يلا علشان راجعين الفيلا وبيبص عليها لاقها نايمه على السرير وبتعيط اتنهد وراح قعد جنبها وشدها فى حضنه وقال مالك بس يا بطه دموعك دى غاليه عليا
فاطمه :- بدموع مش هاين عليك تصالحنى وبتتعصب عليا كمان
أكرم :- بصدمه مش هاين عليا ايه يا اختى ؟؟ امال انا بعمل ايه من ساعة ما دخلت الاوضه
فاطمه :- اه بتسألنى بس بعصبيه يعنى قولى وخلصى بقى
أكرم :- طيب انا بسألك بكل هدوء مالك يا روح قلبى
فاطمه :- انت مبقتش تحبنى زى الاول
أكرم :- انا بالعكس والله انا بقيت احبك اكتر من الاول بس ده ماله بالزعل بس انا نفسى اوصل لنقطة البدايه وانا هعرف علطول ريحنى بقى زعلانه منى ليه
فاطمه :- بدموع انت اتعصبت عليا الصبح لما جبت ليك سيرة الشغل ونزلة من غير حتى ما تسلم عليا وقعد طول النهار بره وسيبنى قاعده لواحدى فى الاوضه لما كنت هطق من جنابى وبعد كل ده عامل نفسك برئ ومتعرفش حاجه صح وقامت وقفت
أكرم :- اتنهد ووقف وراح عندها وقال اولا انا الصبح متعصبتش عليكى سألتينى على نزولك الشغل امته وانا جاوبت عليكى ونزلت الشغل وثانيآ بقى تأخيرى فى الشغل ده كان غصب عنى ده اكل عيشى وكان لازم اخلصه النهارده وقبل ما أنزل قولتلك جهزى نفسك والشنط علشان نرجع الفيلا ومتبقيش لواحدك هعمل ايه تانى متبقيش قماصه بقى يا طمطم انا بحبك ومش بحب ازعلك والله لازم تقدرى أن انا بقيت مسؤول اكتر من الاول علشان بقى عندى زوجه وان شاءالله هيبقى عندنا اولاد وكل ثانيه عايز استثمارها علشان احقق ليكى كل اللى يتتمنيه وميبقاش نقصك حاجه كل قرش هنحتاجوه لما ربنا يكرمنا بأطفال اعقلى يا قلبى وفكرى بده شويه وشاور على عقلها
فاطمه :- فاهمه كل كلامك ده علشان كده طلبت منك تنزلنى الشغل من تانى زى ما وعدنى قبل الجواز هنساعد بعض انا وانت وبعدين الصحافه دى كيانى يا اكرم وحياتى عندك متحرمنيش منها ارجوك
أكرم :- اتنهد وقال حاضر ومسح دموعها وقال مش عايز اشوف دموعك دى تانى مفهوم
فاطمه :- اترمت فى حضنه بفرحه وقالت بحبك اوى يا كرومتى
أكرم :- اتهدى يا وليه مهدود حيلى من الشغل وانتى بتتعبى امى اكتر
فاطمه :- أكرم بلاش غلاسه بقى
أكرم :- اقسم بالله ما هيهمنى جسمى المتكسر من الشغل ده وهقوم معاكى بالواجب
فاطمه :- هههههه قليل الادب
أكرم :- قليل الادب صح ؟؟
فاطمه :- اه قليل الادب
أكرم :- انتى اللى جبتيه لنفسك بقى وشالها حطها على السرير
فاطمه :- هتعمل ايه يا مجنون هههههه
أكرم :- وهو بيقرب منها قال هوريكى قلة الأدب على أصلها وقرب من شفايفها وبسها و(سكتت شهرزاد عن الكلام الغير مباح )
~•~•~•~•~•~•~•~•~•~•~•~•~•
فى بيت سعيد

كانت قاعده داليا وسرحانه فى كلام حمزه ليها وفاقت على صوت ابوها بيقول ليها

سعيد :- داليا يا داليا
داليا :- ها نعم يا بابا
سعيد :- فينك يا حبيبتى عمال انادى عليكى وانتى سرحانه ولا هنا
داليا :- اسفه يا بابا مأخدش بالى والله
مؤمن :- اللى واخد عقلك بقى
داليا :- اتلم يا لمض
مؤمن :- يا بخته سى ادهم مستحوذ على كل عقلك
داليا :- ادهم ؟
مؤمن :- بسهوكه اه ادهم
داليا :- حدفته بالمخده وقالت اتلم يا غلس
سعيد :- بس يا مؤمن متغلسش على اختك
مؤمن :- ههههه حاضر ابابى
داليا :- هتفضل طول عمرك عبيط كده
مؤمن :- تشكرات يا اخت العبيط
داليا :- والله انت قلبت تركى طيب ياريت تكون مز زيهم كده
مؤمن :- فشر انا احلى منهم دول عاملين شبه الفراخ البيضه جمالهم بيموع النفس
داليا :- ابقى أعصر على نفسك ليمونه
سعيد :- اتصلى يا بنتى بجوزك علشان زمانك جعانه ومش عايزه تاكلى الا معاه
داليا :- حاضر يا بابا عن اذنك ودخلت الاوضه القديمه بتاعتها وطلعت تليفونها من الشنطه وبصت فيه لاقت ادهم متصل عليها كتير اتصدمت من كمية الاتصالات بتاعة ادهم وطلبت رقمه وانتظرت الرد
ادهم :- رد عليها بعصبيه وقال كنتى فين يا هانم بتصل بيكى من بدرى ومش بتردى عليا ليه
داليا :- اسفه والله الفون فى الشنطه ومسمعتهوش لما رن خالص
ادهم :- وسايبه ليه فى الشنطه مأخدهوش معاكى ليه مكان ما انتى قاعده
داليا :- نسيت يا ادهم نسيت الشنطه حطتها فى الاوضه ونسيت اخد منها الفون مش حكايه يعنى
ادهم :- يعنى مش شايفه نفسك غلطانه
داليا :- اتنهدت وقالت لاء مش غلطانه نسيت مش جريمه يعنى
ادهم :- ماشى يا داليا سلام
داليا :- ثوانى بس انت جاى عند بابا ولا لاء
ادهم :- لاء وتيجى حالا فاهمه
داليا :- لاء مش جايه دلوقتى بابا عامل الغدا ومستنيك تعال اقعد شويه معاه ونروح سوا
ادهم :- لاء مش جاى وانتى اتغدى وتعالى مفهوم
داليا :- بعصبيه براحتك يا ادهم سلام وقفلت السكه وحدفت التليفون على السرير وقعدت على حرف السرير وحطت ايديها على شعرها ورجعته لوراه وقالت يارب انا تعبت بقى مفيش ولا مره فرحتى بتكمل أبدآ واتنهدت وقامت خرجت من الاوضه
سعيد :- اول ما شافها خارجه من الاوضه قال ايه يا حبيبتى جوزك قالك جاى امته
داليا :- ها م.م.مش جاى عنده شغل كتير ومش هيعرف يجى
سعيد :- حس بتوتر داليا قال ليها ربنا يقويه يا حبيبتى طيب يلا تعالى معايا المطبخ نحضر الاكل
داليا :- يلا ودخلوا الاتنين حضروا الاكل و الاطباق وحطها على السفره مؤمن ودخل نده على حمزه من الاوضه واتجمعوا على السفره
مؤمن :- يااااااه بقالنا كتير اوى متجمعناش مع بعض على سفره واحده
سعيد :- يا حبيبى هى دى سنة الحياه كل واحد بينشغل فى حياته الجديده مع ناس جديده واماكن تانيه تتولد فيها ذكريات من اول وجديد
حمزه :- بوجع وياريت الحياة الجديده دى استمرت طارت فى الهوا زى الدخان من قبل ما حتى تتولد فيها ذكريات جديده
سعيد :- أن شاءالله يا ابنى تلاقي مراتك وتعيشوا سوا اجمل ايام حياتكم
حمزه :- يارب يا بابا يارب
مؤمن :- ساكته ليه يا داليا
داليا :- ولا حاجه بسمع كلامكم وحشنى اوى صوتكم وكلامكم
وفى الوقت ده جرس الباب رن
مؤمن :- غريبه مين اللى جاى لينا دلوقتى
سعيد :- طيب ما تقوم شوف مين بدل ما انت قاعد كده
مؤمن :- طيب وقام راح فتح الباب وقال بصدمه انت
سعيد:- مين يا مؤمن
مؤمن :- ده ..............

*********************

إلي هنا ينتهي الفصل السابع و الأربعون من رواية تمرد صحفية بقلم دودو محمد
تابع من هنا: جميع فصول رواية تمرد صحفية بقلم دودو محمد

تابع أيضاً: جميع فصول رواية آدم ولانا بقلم امونه

تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها

اقرأ أيضا: رواية من أجلك فقط بقلم لولو الصياد