قصص رومانسية جريئة ممنوع دخول الأطفال

مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة دودو محمد علي موقعنا قصص 26 و موعدنا اليوم مع الفصل الثامن و الأربعون من  رواية تمرد صحفية بقلم دودو محمد. 

رواية تمرد صحفية بقلم دودو محمد - الفصل الثامن و الأربعون

اقرأ أيضا: روايات رومانسية

رواية تمرد صحفية بقلم دودو محمد

رواية تمرد صحفية بقلم دودو محمد - الفصل الثامن و الأربعون

فى فيلا ادهم الحناوى

فى اوضت علاء

فتح علاء عينه لاقه التليفون بينور جنبه وهو صامت مد أيده واخد التليفون وبص فيه لاقها منتهى رد بصوت نعسان وقال

علاء :- السلام عليكم
منتهى :- بعصبيه انت فين يا علاء من امبارح بتصل بيك ومش بترد عليا وبعد كده اتقفل الفون واتصلت بيك كتير لما فتحته مش بترد برضه
علاء :- أهدى يا منتهى وردى السلام الاول وانا هفهمك كل حاجه
منتهى :- بعصبيه وعليكم السلام اتزفت ورديت ممكن بقى تفهمنى فى ايه
علاء :- قام قعد على السرير وقال اسلوبك مش حلو فى الكلام معايا يا منتهى بس مش وقته حسابنا بعدين المهم من امبارح من ساعة ما خرجت من عندك ودينا اختى اتصلت بيا وبلغتنى أن بابا فى القسم مقبوض عليه وروحت هناك عنده وقعدنا لصبح فى القسم على ما عرفنا ندخل ليه وبعد كده جيت الفيلا الفون كان صامت وفصل فى جيبى من غير ما احس حطيته فى الشاحن وفتحته وسبته من غير ما ابص فيه واخد شاور ونمت ولسه صاحى
منتهى :- بأستغراب وهما قبضوا عليه ليه
علاء :- يعنى متعرفيش ده انتى حتى صحفيه والأخبار بتيجى ليكى اول بأول
منتهى :- وانا هعرف منين يا علاء ما انت عارف ان انا مش بنزل الشغل بقالى فتره
علاء :- طيب بابا اتقبض عليه فى قضية مخدرات بابا كان تاجر مخدرات وبيستعمل الشركه ستاره ليه علشان محدش يشك فيه
منتهى :- يا لهوى مخدرات
علاء :- بكسره للاسف
منتهى :- بوجع طيب متزعلش محدش فينا بيختار أهله للاسف الشديد
علاء :- انا هعمل الواجب واللى مفروض اعمله معاه غير كده مليش دعوه بأى قرش من فلوسه مش مستعد امسك فى ايدى اى قرش حرام
منتهى :- صح هو ده الكلام الصح انت كل يوم بتكبر فى نظرى اكتر من الاول
علاء :- بعد كده قبل ما تتعصبى وتتكلمى بأسلوبك ده ابقى افهمى الاول ظروف الناس
منتهى :- انا اسفه بس كنت هموت من القلق عليك
علاء :- برضه تتحكمى فى انفعالاتك اكتر من كده
منتهى :- حاضر بس متزعلش منى
علاء :- بتحذير تمام انا هعدهالك المرادى بس مش هسمحلك تتكلمى معايا بالاسلوب ده تانى فاهمه
منتهى :- ماشى يعنى مش زعلان
علاء :- لاء
منتهى :- طيب هو انا ممكن اجى معاك القسم
علاء :- هتيجى القسم تعملى ايه
منتهى :- اطمن على باباك وابقى معاك فى وقت زى ده
علاء :- سكت شويه وقال ماشى هعدى عليكى كمان ساعه كده جهزى نفسك
منتهى :- بس وسكتت
علاء :- بس ايه قولى
منتهى :- بابا اتصل بي وقول ليه الاول
علاء :- متشغليش بالك انتى بحد اجهزى وانا هعدى عليكى اخدك
منتهى :- حاضر سلام
علاء :- سلام وقفل السكه وطلب أمه بس مردتش عليه بص لتليفون بأستغراب وحطه على السرير وقام غسل وشه واتوضا وخرج اداه فرضه ولبس هدومه واخد تليفونه وخرج من الاوضه ولسه هينزل من على السلم
سندس :- أبيه علاء
علاء :- وقف وقال ايوه يا حبيبتى
سندس :- طلعت تجرى عليه وهى بتعيط وقالت هو صحيح بابا فى القسم علشان تاجر مخدرات
علاء :- اتنهد وقال مين قالك يا حبيبتى
سندس :- بدموع الخبر شوفته على جريده الكترونيه يا أبيه احنا اتفضحنا ليه بابا يعمل كده ليه
علاء :- للاسف يا حبيبتى دى الحقيقه ابونا تاجر مخدرات
سندس :- اترمت فى حضنه بدموع وقالت هورى وشى لاصحابى ازاى فى المدرسه بعد ما الدنيا كلها عرفت انا انتهيت يا أبيه انتهيت
علاء :- شششش أهدى يا حبيبتى ده اختبار من ربنا ولازم ننجح فيه ابونا عمل كده احنا مش ذنبنا حاجه خليكى انتى بس فى حياتك ونفسك وركزى فى دراستك وانسى اى حاجه بتحصل حواليكى
سندس :- انسا ازاى بس يا أبيه بقولك الخبر نزل على كل مواقع الاخبار يعنى سيرتنا هتبقى على كل لسان شويه
علاء :- خليكى قويه واللى يجيب ليكى سيرة قضية بابا قوليله معرفش حاجه انا عايشه مع اخويا ادهم وابعدى نفسك عن الموضوع ده ماشى يا حبيبتى
سندس :- انا مستحيل اروح المدرسه دى تانى اصحابى اول ما هيشفونى هيقعدوا يتريقوا عليا انقلنى من المدرسه دى ارجوك يا أبيه
علاء :- حاضر هشوف مدرسه تكون قريبه مننا
سندس :- وانا مش هنزل الشارع خالص الفتره دى ربنا يسامحك يا بابا على اللى عملتوا فينا
دينا :- خرجت من اوضتها وقالت ايه ده فى ايه واقفين كده ليه
علاء :- سندس عرفت بحبس بابا
دينا :- بصدمه عرفت ازاى
سندس :- احنا اتفضحنا الخبر نزل على كل مواقع الاخبار
دينا :- غمضت عينيها بوجع واتنهدت وقالت ليه بس يا بابا تعمل فينا كده وتفضحنا ليه
علاء :- اللى حصل بقى ربنا يعدى الفتره دى على خير
سندس ودينا :- يارب
دينا :- رايح فين كده
علاء :- هروح الفيلا اطمن على ماما علشان مش بترد على الفون بتاعها وبعد كده هروح القسم عند بابا
دينا :- طيب استنا اجى معاك
علاء :- ريحى النهارده يا دينا وبكره الصبح هوديكى وسابها ومشى
دينا :- امال فين ادهم وداليا
سندس :- معرفش محدش فيهم ظهر النهارده
دينا :- ماشى وسابتها ودخلت الاوضه عندها اتصلت بتامر وانتظرت الرد
تامر :- قلبى واحشتينى
دينا :- بدموع عامل ايه يا تامر
تامر :- مالك يا قلبى بس
دينا :- بدموع احنا اتفضحنا يا تامر الخبر نزل على كل مواقع الاخبار الناس كلها عرفت أن بابا تاجر مخدرات
تامر :- للاسف الخبر اتسرب للصحافه مع ان انا منبه على الموجودين كلهم ان الموضوع ده محدش يعرفه
دينا :- مش عارفه هورى وشى لناس ازاى
تامر :- أهدى يا قلبى والدنيا فيها كتير وبكره يتنسا موضوع ابوكى الناس بتنسا بسرعه
دينا :- انا حاسه ان الايام دى تقيله اوى على قلبى ومش بتمشى عندى احساس أن انا لو خرجت من الفيلا دلوقتى ومشيت فى الشارع الناس كلها هتشاور عليا وتقول اهى البنت اللى ابوها تاجر مخدرات
تامر :- بيتهيألك يا حبيبتى الناس فيها اللى مكفيها مش فاضيه تتفرج على التلفزيون ولا تتابع جرايد الناس ملهيه فى لقمة العيش اللى بتجيبها
دينا :- اسيبك بقى تشوف شغلك
تامر :- مش جايه النهارده
دينا :- لاء بكره الصبح
تامر :- هستناكى يا قلبى
دينا :- صحيح بابا عامل ايه
تامر :- كويس متقلقيش انا مخلى بالى عليه علشان خاطرك وجبت ليه اكل وسجاير وقاعد فى المكتب متخفيش عليه
دينا :- ربنا يخليك ليا مش عارفه من غيرك كنت هعمل ايه انت اجمل حاجه حصلت فى حياتى
تامر :- وانتى كل حياتى بحبك
دينا :- اتنهدت وقالت باى
تامر :- باى يا عمرى كله
دينا :- قفلت التليفون وحطته جنبها وقالت وانا بموت فيك يا تامر
~•~•~•~•~•~•~•~•~•~•~•~•~•
فى بيت سعيد

قام مؤمن يفتح الباب بعد ما الجرس رن واول ما فتحه قال

مؤمن :- انت
سعيد :- مين يا مؤمن
مؤمن :- ده ادهم الحناوى يا بابا
داليا :- اول ما سمعت الاسم اتصدمت و المعلقه وقعت من ايديها على الارض
حمزه :- داس على سنانه وقال ايه اللى جاب البنى أدم ده هنا
سعيد :- اهدا يا حمزه عيب الراجل جاى فى بيتنا وقال خليه يجى يا مؤمن
ادهم :- دخل بكل كبرياء وقال ازيك يا عم سعيد
سعيد :- بخير يا ابنى نورتنا اتفضل اقعد كل لقمه حماتك الله يرحمها بقى بتحبك
ادهم :- شكرآ مش عايز انا جاى اخد داليا
سعيد :- والله ما تمشى الا لما تاكل اقعد جنب مراتك وبص لمؤمن وقال ادخل هات طبق ومعلقه يا مؤمن
مؤمن :- حاضر يا بابا
ادهم :- قعد جنب داليا من غير ولا كلمه
حمزه :- اول ما قعد ادهم قام وقف ولسه هيمشى
سعيد :- رايح فين يا ابنى
حمزه :- شبعت الحمدلله وبص لادهم بقرف ودخل اوضه
داليا :- غمضت عينيها بتوتر ونزلت تجيب المعلقه اللى وقعت على الأرض
ادهم :- مسكها من دراعها جامد وقال خليكى انا هجبهالك ونزل جبها من على الأرض وحطها قدمها
داليا :- ش.ش.شكرآ
ادهم :- بنظرة توعد العفو
سعيد :- حطى الاكل لجوزك يا داليا
داليا :- ح.ح.حاضر يا بابا وحطت الاكل لادهم وقعدوا ياكلوا فى صمت تام وبعد وقت انتهوا من الاكل
سعيد :- روحى مع جوزك الحمام يا بنتى علشان يغسل ايديه
داليا :- حاضر يا بابا وبصت لادهم وقالت تعال
ادهم :- قام مشى وراه داليا واول ما وصلوا عند الحمام مسك دراعها جامد وقال كنتى فين لما رنيت عليكى الفون كنت معاه صح
داليا :- بألم اه دراعى سيب دراعى بقولك انت مجنون مع مين انت لما رنيت عليا الفون انا كنت بره قاعده مع بابا واخواتى والفون كان فى الشنطه فى الأوضه وقولتلك مسمعتهوش
ادهم :- داس اكتر على دراعها وقال عبيط انا علشان تستغفلينى صح كان واحشك علشان كده جيتى ليه النهارده
داليا :- هو مين ده اللى بتتكلم عليه
ادهم :- عشيقك يا هانم
داليا :- بصدمه عشيقى !!!
ادهم :- ايوه عشيقك مفكرانى مغفل
داليا :- لاء يا ادهم مش مغفل انت مريض نفسي عشيقى مين انا لو ليا عشيق هنا كنت اتجوزته من زمان مش انا اللى تكون خاينه لانى متربيه كويس اوى وبابا معرفنى اصول الشرف والعفاف وعيشت طول عمرى بنت عفيفه ومحافظه على نفسى وعمرى ما اختلط بأى شاب والشخص الوحيد اللى حبيته فى حياتى دلوقتى بقى جوزى وشدت دراعها من أيده ومشيت وسابته
ادهم :- بص عليها وهى ماشيه وداس على سنانه ودخل الحمام
داليا :- دخلت الاوضه القديمه بتاعتها واترمت على السرير وقعدت تعيط وبعد وقت خرجت من الاوضه وهى جاهزه وقالت انا جاهزه يلا بينا
سعيد :- اقعدوا شويه طيب
داليا :- معلش يا بابا ادهم راجع تعبان من الشغل وعايز يستريح
سعيد :- ربنا يقويك يا ابنى ماشى يا حبايبى خلى بالكم على نفسكم
داليا :- حضنت ابوها وبسته وقالت خلى بالك على نفسك يا بابا
سعيد :- متشغليش بالك انتى علينا اهم حاجه خلى بالك من نفسك ومن جوزك
داليا:- سلمت على مؤمن وقالت خلى بالك على نفسك وخد بالك من دراستك وبلاش تتعب بابا معاك وسلملى على حمزه بقى
مؤمن :- حاضر
ادهم :- كان واقف على الباب قال يلا خلصى
داليا :- بصت ليه بغيظ ورجعت بصت لمؤمن ولابوها وقالت هتوحشونى ومشيت خرجت من الباب ونزلت من على السلم من غير ولا كلمه
ادهم :- قفل الباب ونزل وراها
داليا :- ركبت العربيه اللى جت فيها مع السواق
ادهم :- راح عندها وقال بتعملى ايه انزلى هتركبى معايا فى العربيه بتاعتى
داليا :- لاء مش نازله وهرجع فى نفس العربيه اللى جيت فيها وبصت لسواق وقالت امشى لو سمحت
ادهم :- بعصبيه لسواق اياك تتحرك فاهم وبص لداليا وداس على سنانه وقال قولتلك انزلى
داليا :- قولتلك مش نازله وخليه ميتحركش وانا كمان مش هتحرك من هنا
ادهم :- فتح الباب ومسكها من دراعها وشدها نزلها من العربيه وقال قولتلك انزلى بالادب انتى مينفعش معاكى الا كده
داليا :- سيب دراعى بقولك
ادهم :- جرها وراه وفتح باب العربيه وزقها فى العربيه وقفل الباب وراح ركب ومشى العربيه بسرعه جنونيه
داليا :- اقسم بالله انت ما طبيعى وحالتك كل يوم بتسوء وانا بجد تعبت من تقلبات مزاجك دى ارحمنى بقى يا شيخ
ادهم :- ايه عايزه تطلقى؟؟ قالك اطلقى منه علشان يتجوزك صح
داليا :- قولتلك انا مش خاينه ولا اعرف حد افهم بقى انا مش امك يا ادهم
ادهم :- وقف العربيه مره واحده بشكل مفاجئ ووقعت داليا قدام اتخبطت فى راسها ونزلت دم
داليا :- حطت ايديها على مكان الجرح وبصت على ايديها لاقتها كلها دم
ادهم :- قولتلك دى مش امى مش امى وانتو كلكم خاينين كلكم بتضعفوا قصاد الكلمه الحلوه من اى راجل
داليا :- فكك من العقده دى بقى مش كلنا خاينين انا عمرى ما خونتك ولا هفكر اخونك
ادهم :- ده كلام بتقولوا وخلاص انتوا من طبعكم الخيانه
داليا :- سكتت شويه وغمضت عينيها بألم وبعدين قالت انت مفكر أن ربنا هينتقم منك فينا علشان البنت اللى اعتديت عليها زمان
ادهم :- بأستغراب بنت اعتديت عليها ؟؟
داليا :- ايه ناسى ولا عامل نفسك ناسى ونزلت من العربيه
ادهم :- نزل وراها وقال بعصبيه انا مش فاهم انتى بتتكلمى على ايه
داليا :- بضحكة تريقه هعتبرك ناسى وهفكرك البنت اللى اعتديت عليها وانت راجع من الكباريه وسكران وبفلوسك أنكرت كل ده وطلعت منها زى الشعره من العجينه ايه افتكرت ولا افكرك اكتر ودموعها نزلت من عينيها
ادهم :- انا عمرى ما اعتديت على واحده وسكت شويه وقال اه افتكرت
داليا :- طيب كويس انك افتكرت تاريخك القذر
ادهم :- دى بنت حاولت ترمى البلا عليا وراحت اشتكت وقالت أن انا اعتديت عليها ولما كشف عليها الطب الشرعى أثبت أن ده محصلش وكان سعتها اللى ماسك القضيه اخوكى ولما خرجت وجبت البت دى وعرفت قررها عرفت انها كانت مزقوقه عليا من إنعام وخالد الحناوى وسبتها تمشى بعد ما ادتها علقه علشان كدبها عليا ده وبعد كده عرفت انها ماتت وقالوا إنها انتحرت بس عرفت من مصادرى الشخصيه انها اتقتلت مش انتحرت وانتهى الموضوع من زمان
داليا :- بضحكة سخريه قالت والمطلوب منى أن انا أصدق كلامك صح
ادهم :- تصدقى متصدقيش انتى حره اخوكى برضه مصمم أن انا عملت كده ومن سعتها وهو بيدور حاوليا بس مش قادر يوصل لحاجه
داليا :- وايه اللى يثبت كلامك انت فعلا واحد سكرى وبتاع نسوان وممكن تعمل كده
ادهم :- قولتلك تصدقى كلامى متصدقيش انتى حره
داليا :- ادينى رد مقنع اقتنع انك مظلوم ومعملتش كده
ادهم :- بعدى عنك فى اكتر وقت كنت اقدر اخد فيه اللى انا عايزه من غير ما تحسى اكبر دليل ليكى واسمك كنتى مراتى حلالى
داليا :- غمضت عينيها بألم وقالت انا خلاص مبقتش عارفه فين الحقيقه انا تعبت ونفسى ارتاح بقى وحست بحاجه بتمسح الجرح عندها فتحت عينيها لاقته ادهم ماسك منديل فى أيده وبيمسح ليها الدم من الجرح زقت أيده وقالت انت ايه يا اخى ابوس ايدك ارحمنى بقى انت عايز تجننى ؟؟ انت ليه بتعمل كده فيا مره تشك فيا ومره تجرحنى بكلامك وبعد كده ترجع تتعامل عادى ولا كأنك عملت فيا حاجه ولا وجعتنى والله العظيم انا تعبت وقعدت تعيط
ادهم :- شدها فى حضنه من غير ولا كلمه
داليا :- زقته وقالت ابعد عنى بقى انت دمرت كل حاجه فيا مبقاش فيا روح بقيت واحده عايشه من غير روح جسم بيتحرك زى الإنسان الآلى ارحمنى بقى كفايه حرام عليك وقعدت فى الارض وحطت ايديها على وشها وعيطت اكتر وقالت انا تعبت تعبت ابعد عنى وسبنى فى حالى حررام والله العظيم حرررررام
ادهم :- قعد يبص ليها من غير ولا كلمه وقال مره واحده انا عمرى ما دخلت كباريه ولا لمست واحده
داليا :- رفعت راسها وعيونها كلها دموع وبصت ليه بأستغراب
ادهم :- متستغربيش اوى كده الناس بقت بمجرد ما تشوفنى انزل متأخر تطلع عليا اشاعات أن انا بروح كباريهات وبسهر فيها وبقضى طول الليل مع النسوان وانتشرت الإشاعات دى عليا لحد ما الناس اخدت الفكره دى عنى
داليا :- طيب ما انت بتقول بخرج متأخر هتكون بتروح فين غير الأماكن دى
ادهم :- تعالى اوريكى ومد أيده ليها
داليا :- بصت على أيده ومدت ايديها ليه ببطئ شديد وحطتها فى أيده
ادهم :- شدها وقفها وراح فتح ليها الباب
داليا :- ركبت العربيه وهى حاسه بوجع فى راسها شديد من الجرح
ادهم :- ركب العربيه وقال قبل اى حاجه تعالى اطهرك الجرح ده
داليا :- غمضت عينيها بوجع وقالت ماشى
ادهم :- قرب منها اوى وبدء يطهر الجرح ويبص فى عينيها كل شويه
داليا :- كانت متوتره من قربه ليها ومن نظرة عينه ليها وكانت تقريبآ مش حاسه بأى الم من كتر التوتر
ادهم:- خلص تطهير الجرح ولف ليها الشاش وقرب من راسها وبسها برقه
داليا :- غمضت عينيها من كتر التوتر وداست على شفيتها اللى من تحت بسنانها
ادهم:- قرب منها ولسه هيبوسها
داليا :- بعدت عنه وقالت على فكره احنا فى الشارع
ادهم :- اتنهد وبعد عنها وشغل العربيه ومشى بيها
~•~•~•~•~•~•~•~•~•~•~•~•~•
فى فيلا أكرم

وصل اكرم وفاطمه الفيلا ودخلوا واول ما شافتهم ايه طلعت تجرى على أكرم وقالت

ايه :- وهى بتحضنه كروووومتى واحشتينى يا عريس
أكرم :- روح قلب كرومتك واحشنى لمضك وغلاستك يابت
ايه :- لاء فى دى عندك حق ده انا فى يومين بس قربت اجيب شلل لممدوح
أكرم :- مش خساره فى طيبة قلبه يستاهل والله
فاطمه :- والله
ايه :- طماطم بطه ايه الحلاوه دى يا بت هو الجواز بيحلى اوى كده وحضنتها
فاطمه :- لسه فاكره تسلمى عليا ما انتى مش شايفه قدامك غير اخوكى وبس
ايه :- وانا اقدر برضه ده العسل كله واقف جنب اخويا ازاى بس مسلمش عليه
فاطمه :- بكاشه اوى على فكره
ايه :- انا خالص ده انا حتى غلبانه اووووى حتى اسألى مندوح ههههه
فاطمه :- مدام فيها مندوح صادقه يا قلبى من غير حلفان ههههه
أكرم :- بت يا يوكا فين امك وابوكى واخوكى
ايه :- امك وابوك فوق فى اوضتهم شكلهم بيلعبوا عروسه وعريس واخوك كالعاده مش بيرجع البيت غير متأخر
أكرم :- ههههههههه ابويا اسد انا عارفه ماشاءالله الحاج مش بيضيع وقت أبدآ
فاطمه :- ههههه يخربيت جنانكم فيه حد يقول كده على ابوه وأمه
ايه :- مش احنا قولنا كده
فاطمه :- اه
أكرم :- خلاص يبقى فيه ههههه
ايه :- ايوه كده حلاوتك يا كرومتى هههههههه
فاطمه :- لاء ربنا يستر على عقلى منكم
أكرم :- يا عاقله يا راسيه ده على اساس انك انتى عندك عقل ده انتى أساس الجنان فى مصر فاكره ولا افكرك ايام الجريده المكتب والاغماء وعايزه عريس
فاطمه :- احم خلاص بقى يا ابو الكرم بلاش فضايح
أكرم :- ايوه كده اتظبطى يا حبيبتى
ايه :- يا ليلتك اللى مش معديه يا بطه جوزك ماسك عليكى ذله يادى العار هههههههههه
فاطمه :- عجبك كده اقولها ايه بقى
وفى الوقت ده نزلت ام أكرم وأبوه
وفاء :- حمدالله على السلامه يا ولاد الفيلا نورت وراحت سلمت عليهم
أكرم :- واحشتينى اوى يا امى عامله ايه
وفاء :- الحمدالله يا حبيبى وبصت لفاطمه وقالت بسم الله ماشاءالله قمر منور يا حبيبتى
فاطمه :- بكسوف شكرآ يا ماما
منير :- اوعى بقى لما اسلم على العرسان وراح حضن أكرم وباسه وقال ايه يا عريس لحقت تزهق بسرعه اوى كده ايه رجعكم بدرى من شهر العسل يا خايب دول احلى يومين تستفرط بمراتك وانتو لوحدكم هناك
أكرم :- استفرط بمين يا حاج ده انا نزلت الشغل النهارده
منير :- خايب مش طالع لابوك اسد
أكرم :- ربنا يديك الصحه يا حاج لاحظ أن مراتى واقفه جنبى
منير :- راح حضن فاطمه وقال بنتى حبيبتى اللى هتنور حياتنا فى الفيلا من النهارده
فاطمه :- بكسوف الفيلا منوره بيكم يا بابا
أكرم :- ايه يا حاج انا جوزها والله مش كده وشد فاطمه من حضنه
منير :- شدها وقال ولد اختشى دى بنتى
أكرم :- شدها وقال لو بنتك مكانتش هتجوز ليا
منير :- شدها وقال انت عبيط يالا بتغير عليها من ابوك
اكرم :- شدها وقال ده انا اغير عليها من امى كمان مش ابويا بس
وفاء :- شدتها منهم هما الاتنين وقالت تعالى يا بنتى من وسط المجانين دول واخدتها ومشيت
فاطمه :- كانت مش قادره تمسك نفسها من الضحك
أكرم :- اهى المزه اخدتها امى وطارت
منير :- احسن تستاهل علشان كنت مستخسرها فى ابوك وسابه ومشى
أكرم :- طلع يجرى وراه وقال ايه مستخسرها دى؟؟ دى مراتى يا حاج والله!! انت مش واخد بالك ولا ايه
ايه :- اقسم بالله العيله دى مجنونه وبعدين افتكرت ممدوح ضحكت وقالت لما اروح اجننه شويه فى الفون وطلعت تجرى على اوضتها ودخلت وقفلت الباب وراها وقعدت على السرير بتاعها ومسكت تليفونها وطلبت رقم ممدوح وانتظرت الرد
ممدوح :- ايه بنفسها اتكرمت واتصلت على العبد الغلبان المسكين اللى هو انا
ايه :- لاء هعيط من كتر ما صعبت عليا ما تنشف يالا
ممدوح :- يالا نهار اسوح ومنيل بطين يا بنتى انا خطيبك يعنى تقوليلى يا بيبى يا قلبى يا عمرى مش يا ولا
ايه :- بيبى ليه اتسخط علشان اقولك يا بيبى روح ربى عيالك يا لا انا غلطانه أن اتصلت بيك اصلا
ممدوح :- استنى هنا رايحه فين وايه ربى عيالك دى هو انا لسه دخلت دنيا علشان اخلف ده انا على ما ادخلها هكون قربت أخرج منها بسكته قلبيه منك يا بنتى
ايه :- بدلع بعد الشر عليك يا توحه
ممدوح :- صلاة النبى احسن قولتى ايه قوليها تانى وحياتى عندك
ايه :- عليه افضل الصلاة والسلام
ممدوح :- ها قولى بقى حرام عليكى هتشل
ايه :- بعد الشر عليك يا مندوح
ممدوح :- عيون ممدوح قلب ممدوح من جوه انتى
ايه :- ما كفايه بقى سهوكه يا عم النحنوح انت
ممدوح :- فيه ايه يا برعى وحد الله مالك قلبت فاجئه كده
ايه :- لا إله إلا الله اصل الصراحه مرارتى بتتفقع من السهوكه والنحنه الزياده عن اللزوم دى وانت الرومانسيه عندك اوڤر اوى يا ممدوح
ممدوح :- بعصبيه يلعن ابو ممدوح يا شيخه جننتى امى تبقى كويسه وفى ثانيه تقلبى انتى عايزه تجنينى صح
ايه :- بزعل انت بتتعصب عليا
ممدوح :- انا جبت أخرى واقول شكلها بتهزر معاك بس الواضح أن ده طبعك بجد
ايه :- سكتت شويه وقالت بص يا ابن الحلال كل واحد مننا فى طريق اصل انا من الصنف اللى مش هيعجبك انا واحده مليش فى مياصة البنات ولا الدلع الزياده ولا كلام الحب انا واحده عارفه حدودى ايه فى الخطوبه مع خطيبى مش معنى بضحك وبهزر يبقى اعدى حدودى انت مش جوزى علشان اقولك بحبك وبموت فيك واقولك يا حياتى ويا عمرى انت خطيبى يعنى شخص أجنبى بالنسبه ليا يعنى فيه حدود ما بينا وانا مستحيل اشيل الحدود دى غير لما تكون جوزى غير كده ملكش حاجه عندى يا ابن الناس عجبك وضعى عجبك مش عجبك عندك بابا تعال خد منه دبلتك سلام وقفلت السكه فى وشه وحدفت التليفون على السرير ودموعها نزلت منها وفى الوقت ده الباب خبط مسحت دموعها وقالت ادخل
فاطمه :- فتحت الباب ودخلت وقالت ايوش قاعده لوحدك هنا ليه تعالى اقعدى معانا تحت
ايه :- ماشى يا فاطمه روحى وانا جايه وراكى
فاطمه :- انتى بتعيطى يا ايه
ايه :- بصت بعيد عن فاطمه وقالت لاء مش بعيط ولا حاجه
فاطمه :- قفلت الباب وراحت قعدت جنبها على السرير وقالت كدابه انتى كنتى بتعيطى
ايه :- غمضة عينيها وقالت مفيش حاجه يا فاطمه كنت مخنوقه شويه وخلاص لما عيط استريحت
فاطمه :- والخنقه دى سببها الولا ممدوح صح اصل الولا ده قفل وربنا انا عارفه
ايه :- لاء ممدوح كويس ومحصلش ما بينا حاجه عادى يا طمطم ووقفت وقالت يلا بينا زمانهم مستنينا تحت
فاطمه :- وقفت وقالت براحتك وانا موجوده فى اى وقت حابه تتكلمى فيه اعتبرينى اختك
ايه :- طبعآ يا بطه انا بقى ليا اخت من النهارده معايا فى البيت
فاطمه :- يلا بينا ننزل ليهم تحت وخرجوا الاتنين من الاوضه ونزلوا تحت علشان ياكلوا وايه سابت تليفونها على السرير زى ما هو وقعد ممدوح يرن عليه ومحدش يرد لحد ما قلق على ايه
~•~•~•~•~•~•~•~•~•~•~•~•~•
فى فيلا خالد الحناوى

وصل علاء الفيلا ورن الجرس وفتحت ليه الخدامه دخل وسأل على أمه وقال

علاء :- فين ماما
الخدامه:- الست هانم فوق فى اوضتها
علاء :- ماشى روحى انتى وطلع عند اوضت أمه وخبط على الباب وقال ماما افتحى انا علاء
إنعام :- عايز ايه
علاء :- افتحى يا امى عايز اطمن عليكى
إنعام :- انا كويسه امشى بقى
علاء :- مش همشى يا ماما غير لما تفتحى واشوفك واطمن عليكى انتى ليه مش عايزه تفتحى الباب
إنعام :- فتحت الباب وقالت اهو انا كويسه اطمنت خلاص امشى بقى ولسه هتقفل الباب
علاء :- مسك الباب قبل ما تقفله وقال مالك يا امى فيكى ايه
إنعام :- فيا ايه من كويسه اهو وزى الفل
علاء :- طيب مروحتيش لبابا ليه عايز يشوفك
إنعام :- بعصبيه اروح لمين انا مستحيل أخرج من الفيلا والناس تشوفنى وتشاور عليا وتقول اهى اللى جوزها دخل السجن انا مش. هخرج من هنا غير لما يطلع من المكان ده الناس كلها بتتكلم علينا اتفضحنا قدامهم كلهم
علاء :- يا ماما بابا فى ازمه ومحتاجك جنبه
إنعام :- قولتلك مستحيل أخرج من هنا طول ما خالد فى السجن
علاء :- يا ماما مين اهم عندك بابا اللى فى ازمه ولا كلام الناس
إنعام :- شكلى طبعآ قدام الناس وكلامهم ده انا هموت وخايفه انزل حتى الجنينه حد يشوفنى بالصدفه قاعده
علاء :- انا مصدوم فيكى بجد يا امى تبيعى جوزك عشرة عمرك فى أزمته علشان شكلك قدام الناس
إنعام :- ايوه انا سيدة مجتمع معروفه وسط الناس وليا وضعى وفيه كتير بيكرهونى وما هيصدقوا يشوفنى علشان يحرقوا دمى ويشمتوا فيا
علاء :- هه يعنى المظاهر دى اهم عندك من جوزك مش عارف اقولك ايه مش فى ايدى حاجه غير ادعيلك ربنا يهديكى ويشيل الغشاوة اللى على عينك دى
إنعام :- مش اطمنت عليا امشى بقى
علاء :- على العموم بابا مصمم انك تروحى ليه وانتى حره عن اذنك ومشى وسابها
إنعام :- مستحيل أخرج من هنا مستحيل ودخلت وقفلت الباب وراها
علاء :- نزل وهو متعصب من رد فعل أمه وركب عربيته وراح على بيت منتهى واتصل بيها وبلغها أنه تحت ونزلت ليه وقعدت جنبه فى العربيه وقالت
منتهى :- السلام عليكم
علاء :- وهو متعصب وعليكم السلام ورحمه الله وبركاته
منتهى :- بصت ليه بأستغراب وقالت مالك يا علاء
علاء :- وهو مكشر قال مفيش وشغل العربيه ومشى بيها
منتهى:- انت لسه زعلان منى علشان اللى حصل فى الفون
علاء :- لاء طبعآ انا قولت ليكى أن انا هعديها ليكى المرادى
منتهى :- امال مالك طيب
علاء :- مخنوق شويه من اللى احنا فيه ده يا منتهى
منتهى :- معلش يا علاء اصبر ده اختبار من ربنا بيشوف قوة تحملك وإيمانك قد ايه
علاء :- وقف العربيه وقال ونعم بالله بس ربنا مقالش لابويا روح بيع مخدرات ده ربنا محرمه نروح احنا نشتغل فيه ونخرب عقول الشباب مفكرش فى يوم من الايام أن ممكن كان حد فينا شرب السم اللى بيبعوا لشباب ده وبقينا مكانهم ليه تملى إرادة الإنسان ضعيفه قصاد الشيطان وبيرتكبوا ابشع الجرايم فى حق نفسهم قبل حق غيرهم ليه تملى نفكر نأذى غيرنا بكل سهوله كده من غير تأنيب ضمير ليه تملى الحرام بيحلوا فى عنينا ليه
منتهى :- لان الإنسان مهما كان ضعيف وعلشان كده ربنا قال على نفسه الرحمن الرحيم وقال الغفور علشان طول ما فيه دنيا طول ما الإنسان هيغلط ويرجع يستغفر ربنا وربنا هيغفر ليه؛ طول ما فيه حياة هيبقى فيه خير وشر ربنا يرحمنا برحمته ويجعلنا من التوابين الصالحين المغفور ليهم أن شاءالله
علاء :- اللهم امين وشغل العربيه وراح بيها على القسم ونزلت منتهى بتوتر مع علاء ودخلت القسم ودخل عند تامر وطلب منه يجيب ليه إذن يدخل يطمن على خالد
ودخل تامر جاب ليه الاذن
علاء :- بص لمنتهى وقال خليكى انتى هنا هدخل انا ليه وشويه وجاى
منتهى :- لاء هدخل معاك انا مش جايه هنا علشان استناك بره
علاء :- ماشى اللى يريحك ودخلوا الاتنين المكتب
خالد :- اول ما شافهم قال ايه جاب البنت دى هنا
علاء :- كتر خيرها رغم.اللى انتو عملتوه فيها اول ما عرفت طلبت منى تيجى تطمن عليك وتشوفك
خالد :- سقف وقال لا برافوا عليكى بتعرفى تلعبيها صح انتى وابوكى حركه حلوه منك علشان تثبيتى ليه انك كويسه
منتهى :- انا مش محتاجه اعمل كده علشان اظهر كويسه لأن انا فعلا كويسه وابنك مش عيل صغير علشان يضحك عليه ابنك راجل كبير وناضج وفاهم كويس هو بيعمل ايه بس انا اتربيت على الأصول وكان لازم اعمل الاصول دى واجى ازورك لأن حضرتك مهما كان فى مقام ابويا
خالد :- بعصبيه انا ابقى ابوكى انتى شكلك بتحلمى بحاجات مش هتحصل وابنى انا هعرف اخليه يسيبك ازاى يا بنت الشحاتين
علاء :- بابا ايه اللى انت بتقوله ده غلطتها أنها جت تطمن عليك يعنى
منتهى :- سيبه يا علاء ده مهما كان راجل كبير ومهما يقول مش هزعل منه بس انا مش شحاته الحمدالله انا غنيه بعزة نفسى وكرامتى على الأقل مكسبى حلال لو جنيه واحد حلال احسن مليون مره من ملايين حرام لو اللى بيكسبوا قرشهم بالحلال اليومين دول بيتقال عليهم شحاتين فأنا فخوره جدآ بنفسى أن انا شحاته عن اذن حضرتك وخرجت وسابتهم
علاء :- ليه تعمل فيها كده ليه
خالد :- سيبك منها مش واحده جربوعه زى دى هنشغل دماغنا بيها المهم امك عملت معاها ايه
علاء :- مش هتيجى علشان خايفه على شكلها قدام الناس
خالد :- بعصبيه بقى كده يا إنعام انتى اللى بدأتى اللعب ماشى
علاء :- عن اذنك وخرج وسابه وراح عند منتهى وقال انا اسف يا منتهى قولتلك بلاش تدخلى انتى اللى صممتى
منتهى :- بأبتسامه وانا مش زعلانه ده راجل قد أبويه ويكفى أن هو ابوك علشان كده لازم استحمله مهما قال ولا عمل فيا
علاء :- انا محظوظ اوى فى الدنيا دى ان ربنا بعتك ليا
منتهى :-بكسوف م.م.مش يلا بينا
علاء :- بأبتسامه على كسوفها يلا وخرجوا الاتنين وركبوا العربيه وصلها البيت عندهم ورجع على الفيلا
~•~•~•~•~•~•~•~•~•~•~•~•~
فى فرنسا

وصل فادى ورودينا على الفندق وطلعت رودينا على اوضتها وهى سعيده ومبسوطه ودخلت الحمام اخدت شاور ولبست هدومها وخرجت ونامت على السرير بس سمعت صوت خبط على الباب عرفت انها نهى قامت فتحت الباب
نهى :- دخلت وهى حاسه بخيبه وانكسار وقالت مساء الخير
رودينا :- بصت ليها بأستغراب وقفلت الباب وقالت مساء النور مالك مبوزه كده فيه ايه
نهى :- اتنهدت وقالت انا النهارده اتصدمت صدمة عمرى
رودينا :- قعدت جنبها وقالت ليه كده
نهى :- بزعل طلع كان متجوز ومراته ماتت
رودينا :- طيب وايه المشكله مدام ميته
نهى :- معاه منها توأم بنت وولد
رودينا :- امممم الموضوع كده صعب شويه
نهى :- مش شويه يا رودى صعب اوى انا خايفه من مسؤولية الاطفال دى خايفه مكونش قدها واظلمهم معايا ومقدرش اعوضهم حنان امهم ولا حبها وخايفه هما ميحبونيش وميتقبلوش وجودى فى حياتهم
رودينا :- عمر ما فيه حاجه فى الدنيا تعوض الام وحنانها على ولادها مهما كان الشخص ده مين
نهى :- للاسف عارفه الكلام ده ومش عارفه اعمل ايه انا بحب محمد وفى نفس الوقت خطوة الجواز منه فى ظروفه دى صعبه اوى
رودينا :- طيب جربى خطوبه حاولى تقربى منهم تكسبيهم حببيهم فيكى وشوفى الوضع هيكون ايه بعد كده قدرتى اتجوزيه واكسبى ثواب الطفلين دول وربيهم وكبريهم وهاتى ليهم اخوات مقدرتيش ابعدى وكل شئ قسمه ونصيب
نهى :- حاسه ان دماغى مشلوله ومش عارفه افكر انا ايه جابنى هنا بس ما كنت عايشه ومرتاحه فى مصر سيبك منى المهم انتوا عملتوا ايه
رودينا :- اتكسفت وقالت هنكون عملنا ايه يعنى عادى اتغدينا واتفرجنا على الشوارع شويه وجينا
نهى :- يا بت ده محمد بنفسه قالى أن فادى قال أن هو عايزك فى موضوع خاص ما بينكم اتكلمى بقى وانطقى
رودينا :- على فكره بقى محمد بتاعك ده كداب لان هو اللى طلب من فادى أن يسيبكم لوحدكم علشان عايزك فى موضوع يخصكم
نهى :- هو مكذبش على فكره هو قالى فعلا انه هو طلب من فادى كده وهو كمان قالوا إن عايزك فى موضوع خاص المهم يعنى ايآ كان السبب ومين الكداب ومين الصادق متغيريش الموضوع كان عايزك فى ايه انطقى
رودينا :- وقفت وقالت بكسوف عايز يتقدم ليا
نهى :- وقفت قصادها وقالت بفرحه لاء بجد طلب ايدك لجواز
رودينا :- هزت راسها بمعنى ايوه
نهى :- حضنتها بفرحه وقالت مبروك يا رودى مبروك مش مصدقه نفسى والله
رودينا :- الله يبارك فيكى يا حبيبتى عقبالك يارب
نهى :- بعدت عن رودينا وقالت شكلى كده مفيش جواز وهبلط جنب امى
رودينا :- ههههه يا عبيطه ده انتى زى القمر ولو محصلش نصيب لمحمد فيه غيره كتير
نهى :- قعدت على السرير واتنهدت بوجع وقالت بس انا مش عايزه غير محمد
رودينا :- قعدت جنبها وحطت ايديها على كتفها وقالت لو فيه الخير ربنا يقربه ليكى لو فيه الشر يبعده عنك يارب ويكفيكى شره
نهى :- يارب يلا هسيبك تنامى ساعتين قبل السفر ووقفت وقالت تصبحى على خير يا عروسه
رودينا :- ابتمست ليها وقالت وانتى من أهله يا قلبى
نهى :- خرجت وقفلت الباب وراها وراحت على اوضتها
رودينا :- اتنهدت بزعل وقالت ربنا يريح قلبك يارب ونامت على السرير بس التليفون بتاعها رن بصت لاقته رقم فادى ابتسمت وردت عليه وقالت انت لسه صاحى انا بحسبك نمت من بدرى
فادى :- ما انا هنام اهو بس قولت اسمع صوتك قبل ما انام
رودينا :- ماشى
فادى :- وانتى منمتيش ليه
رودينا :- نهى كانت عندى ولسه رايحه اوضتها دلوقتى وكنت لسه هنام لاقيتك بتتصل
فادى :- القلوب عند بعضها يا قلبى
رودينا :- احم م.م.ماشى تصبح على خير
فادى :- هههههه وانتى من أهله يا ست المكسوفه باى وقفل التليفون
رودينا :- حطت جنبها التليفون وقالت يا لهوى على الطعامه الحمدالله يارب إنك استجابة دعائى فى صلاتى وفادى سامحنى وهيتجوزنى كمان يااااااه بحبه اوى اوووووى وغمضت عينيها ونامت
~•~•~•~•~•~•~•~•~•~•~•~•~•
عند ادهم وداليا

وصل ادهم بالعربيه عند عماره قديمه ونزل من العربيه وراح فتح الباب لداليا اللى كانت مستغربه هى فين ونزلت من العربيه وبصت على العماره لفوق وبعدين بصت لادهم وقالت

داليا :- احنا فين يا ادهم
ادهم :- تعالى معايا وانتى هتعرفى ومسك ايديها وقال امشى
داليا :- مشيت مع ادهم وهى ماسكه فى أيده وعقلها شغال فى سر العماره دى وركبت الاسانسير مع ادهم ووصلوا عند الدور اللى فيه الشقه المطلوبه ونزلوا منه وراحت معاه عند باب الشقه وكانت مستعجله تدخل علشان تعرف سر المكان اللى كان بيروح ليه ادهم كل يوم وحط ادهم المفتاح فى الباب وبدء يفتحه تحت نظرات الفضول عند داليا واتفتح الباب ولسه هتدخل داليا حط ادهم أيده قصاد الباب علشان يمنعها من الدخول وقال بتحذير

ادهم :- قبل ما تدخلى المكان ده اوعدينى أن محدش هيعرف حاجه عن اللى جوه الشقه دى
داليا :- اوعدك يا ادهم انت ليه بتقلقنى
ادهم :- بتحذير يوم ما طلعى سر الشقه دى بره هيكون يوم موتك على أيدى محدش يعرف حاجه عن المكان ده نهائى حتى صاحب عمرى أكرم انتى بس اللى عرفتك المكان ده وهوريكى اللى فيه
داليا :- خلاص يا ادهم بقى انت بتشغلنى اكتر كده
ادهم :- بص ليها بصه طويله وشال أيده من قصاد الباب وسمح ليها تدخل بس المكان كان ضلمه ومره واحده النور اشتغل
داليا :- وقفت مكانها مصدومه ومش بتنطق ولا كلمه و................

*********************

إلي هنا ينتهي الفصل الثامن و الأربعون من رواية تمرد صحفية بقلم دودو محمد
تابع من هنا: جميع فصول رواية تمرد صحفية بقلم دودو محمد

تابع أيضاً: جميع فصول رواية آدم ولانا بقلم امونه

تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها

اقرأ أيضا: رواية من أجلك فقط بقلم لولو الصياد