مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة دودو محمد علي موقعنا قصص 26 و موعدنا اليوم مع الفصل الثانى و الخمسون من رواية تمرد صحفية بقلم دودو محمد.
رواية تمرد صحفية بقلم دودو محمد - الفصل الثانى و الخمسون
اقرأ أيضا: روايات رومانسية
 |
| رواية تمرد صحفية بقلم دودو محمد |
رواية تمرد صحفية بقلم دودو محمد - الفصل الثانى و الخمسون
وبعد العزا بدء فادى وعلاء يدورا على إنعام فى جميع المستشفيات وأقسام الشرطه بس معرفوش يوصلوا ليها وكان بالهم مشغول جدآ عليها
وبدأ تامر يتبع خيوط القضيه واخد جميع الاوراق اللى تخص خالد الحناوى اللى فى الخزنه وبدء يرسم الخطه اللى هيوقع بيها العصابه ويقبض عليهم وهما متلبسين وقصاد ده واقف جنب دينا بيساعدها تخرج من الحاله اللى هى فيها بعد موت ابوها واختفاء امها
وبعد وقت من دفن خالد بدأت الأوضاع تستقر والحياة تمشى بشكل طبيعى مع الكل
~•~•~•~•~•~•~•~•~•~•~•~•~•
اشرقت شمس صباح يوم جديد بنورها الساطع فى سماء الاسكندريه لتبدء داليا بفتح عيونها رفعت راسها لفوق وبصت على ادهم وهو نايم وسرحت فيه وافتكرت اللى عملته من كام يوم
~•~•~•~•~•~•~•~•~•~•~•~•~•
فلاش باك
تانى يوم موت خالد الحناوى قام ادهم من نومه ونزل شغله عادى ومراحش يدفن خالد مع اخواته وبعد وقت اتصلت بيه داليا وطلبت منه أنها هتنزل تشترى ليها شوية طلبات ادهم وافق انها تنزل وبعت معاها السواق ركبت العربيه وجابت عنوان شركة مصطفى ابو ادهم وراحت ليه الشركه وطلبت انها تشوفه ودخلها مصطفى عنده علطول المكتب وقال
مصطفى :- منوره يا بنتى
داليا :- بتوتر ب.ب.بنورك
مصطفى :- طلب ليها عصير وقال كنت متأكد انك هتساعدينا ومش هترفضى
داليا :- وحضرتك ايه اكدلك أن انا جايه هنا علشان موافقه اساعدكم
مصطفى :- قام من على مكتبه وراح قعد قصادها وقال علشان مش هتعرضى نفسك للخطر وتيجى لحد هنا من وراه جوزك علشان ترفضى مساعدتنا
داليا :- وحضرتك عرفت منين ان انا جايه هنا من وراه جوزى
مصطفى :- علشان مستحيل ادهم هيوافق انك تيجى هنا الشركه
داليا :- سكتت ومردتش عليه
مصطفى :- متقلقيش يا بنتى انتى مش بتعملى حاجه غلط انا هتساعدى أن الحقيقه تبان ويمكن ساعتها ادهم يسامح أمه ويجى يزورها بعد ما يتأكد من برأتنا يعنى لو ادهم سامح أمه يبقى بفضلك انتى وهبقى ممنون ليكى جدآ علشان ساعدينى أظهر الحقيقه لابنى ورجعتيه لحضنى وعلشان مراتى هتفرح برجوع ابنها وبالتالى هتوافق انها تتعالج وترد فينا كلنا الروح من اول وجديد ها جبتى العينه
داليا :- فتحت شنتطها بتوتر وطلعت القماشه منها وقالت ا.ا.هى
مصطفى :- فرح ومد أيده يخدها
داليا :- بعدتها عنه وقالت لاء اسفه
مصطفى :- بصلها بأستغراب
داليا :- احم ح.ح.حضرتك اللى هتيجى معايا تديهم العينه بتاعة حضرتك وانا هديهم عينة ادهم
مصطفى :- ابتسم وقال من حقك طبعآ وانا موافق
داليا :- م.م.ماشى ممكن بس حضرتك بسرعه علشان متأخرش
مصطفى :- اه طبعآ حالا يلا بينا
ونزلوا الاتنين مع بعض من باب تانى وركبوا العربيه وراحوا على معمل من اختيار داليا وعملوا التحليل وقالوا ليها أن النتيجه بتاخد وقت على ما تظهر وخرجت هى ومصطفى من المعمل ورجعوا تانى على الشركه
داليا:- نزلت من العربيه وقالت إن شاءالله خير والنتيجه تساعدكم على أن ادهم يعرف الحقيقه ويرجعلكم
مصطفى :- نزل وراها وقال يارب يا بنتى انا بشكرك اوى على مساعدتك لينا احنا محظوظين اوى ان ربنا بعت لينا مرات ابن زيك
داليا :- شكرآ لحضرتك انا معملتش حاجه اى واحده كانت مكانى كانت هتعمل زى كده واكتر
مصطفى :- بس مش اى واحده هتحب ادهم اوى كده زى ما انتى بتحبيه وخايفه عليه
داليا :- ادهم ده عمرى كله يلا عن اذن حضرتك
مصطفى :- ربنا يخليكم لبعض اتفضلى يا حبيبتى
داليا :- رجعت تانى للعربيه اللى فيها السواق وركبتها راحت المول اشتريت ليها شوية حاجات ورجعت تانى الفيلا
~•~•~•~•~•~•~•~•~•~•~•~•~•
باااااااااااك
فاقت داليا على صوت ادهم وهو بيقول ليها
ادهم :- هو انا حلو اوى كده علشان سرحانه فيا بالطريقه دى
داليا :- ها ا..ا.اه طبعآ يا حبيبى
ادهم :- بأستغراب مالك يا حبيبتى
داليا :- م.م.مالى مفيش يا حاجه يا ادهم
ادهم :- مش عارف بقالك كام يوم مش على طبيعتك كده ومتوتره علطول
داليا :- م.م.مفيش يا حبيبى ما انا عادى اهو بس اليومين دول حاسه بشوية تعب بسيط فى معدتى
ادهم :- بلهفه سلامتك يا قلبى اجبلك دكتور
داليا :- لالالا مش مستاهله يا حبيبى دول شوية برد فى المعده
ادهم :- طيب استريحى النهارده فى الاوضه متنزليش
داليا :- مينفعش يا حبيبى اسيب دينا فى حالتها دى
ادهم :- ماشى يا قلبى ربنا ميحرمنيش منك يارب
داليا :- ولا منك ياعمرى يلا قوم خد شاور بسرعه علشان متتأخرش على الشركه
ادهم :- ماشى يا قلبى وبسها فى خدها وقام دخل الحمام ياخد شاور
داليا :- بتوتر ربنا يستر لما ادهم يعرف الحقيقه ويعرف مين اللى ساعدهم واتنهدت وقالت خايفه تبعد عنى وانا والله مقدرش اعيش من غيرك انا عملت كده علشان تبعد عنك عقدت الماضى بقى وتعرف الحقيقه وتعيش مرتاح بدل ما انت بتتعذب علطول من الصوره الغلط اللى وخدها لامك دى وشويه وخرج ادهم من الحمام ولبس هدومه ودخلت داليا الحمام اخدت شاور واتوضت وخرجت لبست هدومها وأدت فرضها ونزلت مع ادهم تحت لاقه دينا قاعده فى الجنينه وسرحانه راحوا عندها
ادهم :- صباح الخير يا حبيبتى
دينا :- بحزن صباح النور يا ادهم
داليا :- عامله ايه دلوقتى يا دينا
دينا :- بوجع اهو عايشه وخلاص
ادهم :- شدها وقفها قصاده ومسك وشها بين ايديه وقال دينا فوقى بقى وعيشى حياتك بصى لأختك الصغيره اللى محتاجك دلوقتى اكتر من اى وقت فات بصى لخطيبك اللى هيتجن عليكى الدنيا مش هتقف على حد مهما كان خلى اهم حاجه عندك نفسك وبس ازعلى مش هقولك متزعليش بس ازعلى شويه صغيرين وارجعى لحياتك الطبيعيه عمر الزعل ما هينفعك بالعكس ده هيضرك هيضيع منك حاجات كتير خليه دافع ليكى للاحسن خليه يزيدك عزيمه وإراده بصى يا حبيبتى لمستقبلك وللى حاوليكى بصى لناس اللى محتاجينك تكونى جنبهم دلوقتى انا همشى دلوقتى وعايز ارجع بليل الاقى دينا بتاعة زمان رجعت تانى ماشى يا حبيبتى وباس راسها وباس داليا فى خدها ومشى
داليا :- كنت ناويه اقولك كل الكلام اللى ادهم قاله ليكى ده بس هو سبقنى فوقى بقى يا دينا انا مقدره حزنك ووجعك بس هى دى سنة الحياة ابوكى مكانش هيعيش ليكى العمر كله كان هيجى يوم ويموت ويسيبك ادعيله ربنا يرحمه ويغفره ذنوبه أما مامتك متزعليش منى هى متستاهلش حزنك عليها ده لان هى اللى بعدت عنكم بإرادتها بصت لنفسها وشكلها قدام الناس ومفكرتش فى حد فيكم حتى لما عرفت موت ابوكى من الجرايد مهانش عليها ترجع تانى ليكم وتبقى معاكم فى حزنكم صدقينى هى اللى خسرانه وزعلك عليها خساره فيها
دينا :- ما انا لو اعرف هى فين بس كنت هرتاح متنسيش أنها مهما كان امى وغصب عنى هقلق عليها وهى غايبه عننا كده ومنعرفش عنها حاجه
داليا :- مش تامر قالك أنها كويسه وعلاء وفادى دورا عليها فى المستشفيات وأقسام الشرطه وملاقهاش يعنى هى عايشه ومحصلهاش حاجه
دينا :- بس برضه مش عارفين ايه سبب غيابها ده انا نفسى بس اطمن عليها واسألها سؤال واحد بس ليه عملت كده واتخلت عن بابا فى اصعب لحظاته ده مش بعيد أن هو انتحر بسببها لما راحت ليه ممكن تكون طلبت منه الطلاق علشان خايفه على شكلها قدام الناس بابا مستحملش طلبها ده شنق نفسه ومات
داليا :- أن شاءالله تظهر قريب بس اهم حاجه فوقى كده وانتبهى لنفسك ولاخواتك وشوفى سندس اللى رافضه تروح المدرسه من يوم موت ابوكى ومش طايقه تسمع منى كلمه حتى علشان اخليها تروح المدرسه
دينا :- متزعليش منها يا داليا سندس صغيره ومش عارفه هى بتعمل ايه
داليا :- انا مش زعلانه منها والله انا زعلانه عليها وخايفه على مستقبلها اللى بيروح منها ده خليكى جنبها دلوقتى واقنعيها انها تنزل المدرسه من بكره كفايه عليها الايام اللى راحت منها فى الدراسه السنادى
دينا :- حاضر وفى الوقت ده تليفون داليا رن اتوترت وبصت لدينا وقالت ع.ع.عن اذنك هطلع ارد على بابا وسابتها وطلعت على اوضتها وقفلت الباب وراها وقالت السلام عليكم
مصطفى :- وعليكم السلام ورحمه الله وبركاته عامله ايه يا بنتى
داليا :- الحمدالله كويسه
مصطفى :- مجبتيش النتيجه يا حبيبتى
داليا :- هجبها النهارده أن شاءالله بس كنت عايزه أسأل حضرتك سؤال
مصطفى :- اسألى يا بنتى طبعآ
داليا :- حضرتك ناوى تعمل ايه مع ادهم لما النتيجه تطلع
مصطفى :- هروح ليه طبعآ وهعرفه أن هو ابنى وبالاثبات
داليا :- بس انا خايفه يسألك مين اللى جاب ليك العينه منه
مصطفى :- ما اكيد يا بنتى هيعرف انك انتى اللى جبتيها ليا
داليا :- ما انا خايفه يزعل منى علشان عملت كده
مصطفى :- متخفيش ولو حتى زعل منك شويه اكيد هيفهم انك عملتى كده لمصلحته هو علشان تفتحى عينيه على الحقيقه وهينسا الزعل بسرعه
داليا:- بقلق ربنا يستر ادهم مش من النوع اللي بيسامح بسرعه
مصطفى :- متقلقيش يفهم الحقيقه الاول بس وان شاءالله خير مع السلامه
داليا :- أن شاءالله ؛ باى
وقفلت مع مصطفى وقالت يارب اقف جنبى وعديها على خير ونزلت ركبت العربيه وراحت جابت النتيجه من المعمل واتأكدت أن ادهم ابن مصطفى راحت عند شركة مصطفى بعتت النتيجه مع أمن الشركه ورجعت تانى الفيلا بسرعه
~•~•~•~•~•~•~•~•~•~•~•~•~•
فى فيلا أكرم
فى اوضت أكرم وفاطمه
صحى أكرم من نومه وكانت فاطمه لسه نايمه قام براحه من جنبها دخل الحمام اخد شاور واتوضه وخرج لبس هدومه واده فرضه وفى الوقت ده صحيت فاطمه بصلها أكرم وابتسم وقال
أكرم :- صباح الخير يا عمرى
فاطمه :- صباح النور يا اكرم انت نازل الشغل
أكرم :- ايوه يا حبيبتى محتاجه حاجه
فاطمه :- قامت قعدت وقالت اه عايزه اتكلم معاك شويه
أكرم :- طيب لما اجى يا حبيبتى علشان دلوقتى متأخر على الشغل
فاطمه :- ما انت بتيجى بليل من الشغل تعبان تاخد اللى انت عايزه منى ولما اطلب منك أن انا اتكلم معاك شويه تقولى الصبح علشان دلوقتى تعبان وجسمى متكسر يعنى اتكلم معاك امته بقى
أكرم :- اوعدك لما اجى النهارده من الشغل هقعد معاكى واسمع كلامك كله
فاطمه :- بعصبيه لاء يا اكرم انا عايزه اتكلم دلوقتى مليش دعوه تتأخر على الشغل ولا تتنيل
أكرم :- بصدمه اتنيل
فاطمه :- حضرتك ناوى تنزلنى الشغل زى ما وعدنى امته
أكرم :- استغفر الله العظيم ربنا يسهل يا فاطمه
فاطمه :- وقفت وقالت ما هو هيسهل بس قولى هتنزلنى امته انت لتانى مره توعدنى ومتنفذش وعدك ليا انا زهقت من القاعده فى البيت طول النهار ببقى قاعده فى الاوضه بكلم نفسى من الزهق وحضرتك تيجى بليل متأخر تاخد حقك وتنام زى القتيل انا مليش دعوه عايزه انزل الشغل من بكره
أكرم :- محدش قالك احبسى نفسك فى الاوضه قولتلك عندك اختى ايه انزلى اقعدى معاها براحتك انتى اللى بعدى عنها وكل ما تحاول تقرب ليكى انتى اللى بتبعدى
فاطمه :- انا معنديش اى مشكله مع ايه بالعكس أنا بحبها وربنا يعلم بس انا مش ببقى على راحتى وانا قاعده تحت علشان اخوك علشان كده ببقى قاعده فى اوضى بس مش ده موضوعنا انا عايزه انزل شغلى بكره يا اكرم
أكرم :- حضرتك بتأمرينى
فاطمه :- ربعت ايديها على صدرها وقالت افهمها زى ما تفهمها
أكرم :- طيب مفيش نزول شغل يا فاطمه واللى عندك اعمليه لما تعرفى تحترمى جوزك وتكلميه بأسلوب حلو ابقى انزلك الشغل
فاطمه:- وانا مش تحت مزاجك انت قولت كلمه يبقى ملزم انك تنفذها
أكرم :- وانا يا ستى حر وبرجع فى كلامى وورينى بقى هتعملى ايه
فاطمه :- كده طلقنى يا اكرم مش مستعده اعيش مع واحد مش راجل مش ملتزم بكلامه ووعوده
أكرم :- ضربها بالقلم وقال اخرسى اياكى تقولى كلمة مش راجل دى تانى فاهمه ومن هنا ورايح هوريكى اذا كنت راجل ولا لاء يا فاطمه
فاطمه :- حطت ايديها على وشها مكان ايد أكرم وقالت بدموع انت بتمد ايدك عليا يا اكرم طيب والله العظيم ما انا قاعده ليك فيها ساعه واحده
أكرم :- طيب يا فاطمه لو رجلك خطت خطوه واحده بره باب الفيلا تبقى طالق ورينى بقى هتمشى ازاى وخرج ورزع الباب وراه
فاطمه :- رمت نفسها على السرير وقعدت تعيط
أكرم :- خرج من الفيلا من غير ولا كلمه وركب عربيته ومشى بيها على الشركه
وفاء :- ده ماله ده شكله متخانق مع مراته ولا ايه
منير :- باين كده
وفاء :- لما اطلع لفاطمه اشوف فيه ايه
ايه :- من رأى محدش فيكم يدخل دى حياتهم الشخصيه وهما يحلوا مشاكلهم مع بعضيهم ولو المشكله كبرت يبقى ساعتها بقى تتدخلوا
منير :- طيب وليه نستنا لما تكبر ما نلمها وهى صغيره كده
ايه :- يا بابا يا حبيبى مش معنى أنهم عايشين معانا فى الفيلا ندخل فى خصوصيتهم كده لازم نديهم شويه مساحه يتخانقوا شويه يتصالحوا شويه مع بعض كأنهم عايشين فى بيت لوحدهم
وفاء :- بس احنا أهله من واجبنا أننا نصلح ما بينهم
ايه :- مينفعش بصوا هبسطها ليكم افرضوا المشكله اللى ما بينهم دى على حاجه شخصيه محرجه يعنى وانتو ادخلتوا وسألته اولا هيبقى فيه احراج ليكم وليهم
وثانيآ فيه حاجات مينفعش حد يعرفها غير هو وهى بس حاجات حرام تطلع بره باب اوضت النوم يبقى ليه كل ده ما نسيبهم براحتهم ولا حد فينا يتحرج ولا نرتكب حرمانيه
منير:- بصلها بأعجاب وقال ماشاءالله عليكى يا بنتى وعلى عاقلك ربنا يحميكى ويحرسك يارب
ايه:- يعنى مقتنعين بكلامى
وفاء :- اه شوفتى الخيبه بنتنا طلعت اعقل وأذكى مننا
ايه :- مش موضوع اعقل واذكى كل الحكايه أن الجيل بتاعنا مختلف عن الجيل بتاعكم زمان كان الواحده تخاف تقعد وتكلم جوزها فكانت بتلجأ لحد من أهلها ولا أهله علشان تتكلم معاه والحد ده يكلم جوزها ويقنعه يوافق على طلب ليها ولا يحل مشكله ما بينه وبينها كان ساعتها الراجل سى السيد والست امينه مكانش فيه حاجه اسمها خصوصيه كله بيدخل فى كله انما دلوقتى الجيل بتاعنا متفتح ومتعلم جيل التواصل الاجتماعي بقى عندهم جهاز آلى بيعلمهم ازاى يحلوا مشاكلهم لوحديهم من غير تدخل حد من الأهل الست بقت جريئه تقعد تتكلم مع جوزها من غير خوف ولا تردد بقى فيه روح المناقشه ما بين الراجل والست اللى تخليهم يقعدوا مع بعض ويتكلموا ويحلوا مشاكلهم مع نفسهم فهمتوا ايه الفرق ما بينا وبينكم
وفاء:- ربنا يسعد قلبك ويفرحك يا بنتى يارب
وفى الوقت ده جت الشغاله وبلغتهم ان ممدوح بره وعايز يقابل ايه وقالوا ليها تدخلوا اوضت الضيوف
منير:- ممدوح! ايه هيجيبه دلوقتى هو فيه حاجه ما بينكم ولا ايه يا بنتى
ايه :- نهار اسوح ومنيل بقالى ساعه بهاتى واقول الخصوصيه يا بابا
منير :- مقصدش يا بنتى انا بطمن بس
ايه :- اطمن يا معنمى كله اشطا عن اذنكم وسابتهم وراحت عند ممدوح
وفاء :- شكل بنتك كده زعلانه معاه بس مش عايزه تقول هى كده طول عمرها كتومه ومش بتحكى لحد ايه مزعلها
منير :- ربنا يهديهم ويصلح حالهم
وفاء :- يارب
فى اوضت الضيوف
دخلت ايه بكل جديه وسلمت على ممدوح وقعدت على الكرسى البعيد عنه وقالت
ايه :- خير يا ممدوح ايه اللى جاييك بدرى اوى كده ومن غير حتى ما تبلغنى انك جاى
ممدوح :- انا اتصلت عليكى كتير بس حضرتك مش بتردى
ايه :- الفون فوق فى الاوضه وانا كنت بفطر
ممدوح :- طيب انا خلاص اجازتى خلصت والمفروض ارجع تونس اخر الشهر ده
ايه :- طيب ما ترجع فيها ايه مش فاهمه
ممدوح :- فيها أن المفروض الفرح قبل ما اسافر وانتى لسه رافضه حكاية سفرك معايا وانا مستحيل هوافق أن انا اعيش فى بلد ومراتى فى بلد تانيه
ايه :- والمطلوب
ممدوح :- المطلوب انك تلينى دماغك دى شويه وتوافقى انك تسافرى معايا يا ايه
ايه :- وان قولت لاء
ممدوح :- هفهم انك عايزه تنهى الموضوع اللى مابينا بس بتنهيها بشياكه
ايه:- افهم اللى انت عايز تفهمه بطريقتك بس انا عن نفسى مش مطالبه افهمك ايه اللى فى دماغى
ممدوح :- قام قعد جنبها على الكرسى التانى وقال لاء. مطالبه يا ايه لما اللى فى دماغك ده يوصلى هنقدر نحلوها مع بعض نشوف حل وسط ما بين الاتنين لكن لما تسكتى وتسيبى عقلى يقنعنى بحاجه قلبى رافضها اصلا تبقى كده بتبعينى
ايه :- سكتت وبصت الاتجاه التانى
ممدوح :- مد أيده وشد وشها ليه علشان تبصله
ايه :- بعدت وشها عن أيده وقالت لو سمحت متلمسنيش
ممدوح :- اسف بس بصي فى عنيا وردى عليا يا ايه ايه اللى انتى بتفكرى فيه انا مبقتش فاهمك الصراحه
ايه :- ممدوح انا تعبت من المشاكل اللى ما بينا احنا من يوم ما اتخطبنا واحنا بنتخانق مع بعض اكتر ما بنتصالح تعبت من انا امثل قدام اهلى أن عادى تعبت من كتر ما بحاول اضحك قدامهم وانا زعلانه
ممدوح :- يا ايه انا بحبك والله العظيم بحبك بس دماغك ناشفه اوى نفسى تثبتى ليا انك بتحبينى لو لمره واحده بس انتى مفيش على لسانك غير كلمه واحده فى كل مشكله تقابلنا وهى البعد وانا مقدرش اعيش من غيرك قولتى حرام تقولى ليا كلام حب احترمة كلامك ومطلبتش منك تانى تقولى كلام حب واثبت ليكى حبى بكل الطرق انتى بقى عملتى ايه علشانى حاولتى تثبتى حبك ليا بأيه ولا حاجه علطول بتتهمينى أن انا عصبى وان انا طبعى صعب بس الحقيقه غير كده خالص
ايه :- يااااه انت شايفنى وحشه اوى كده
ممدوح :- يا حبيبتى انا لو شايفك وحشه مكانش زمانى هبقى قاعد معاكى دلوقتى بس كل واحد فينا فيه عيوب ومميزات والحب بقى مهمته أن يصلح العيوب دى يعنى انا مستعد اغير اى طبع فيا شايفه انتى أنه عيب عندى علشان بحبك وعايز اشوفك سعيده وفرحانه انتى بقى مستعده تغيرى اى طبع فيكى علشانى ؟؟
ايه :- سكتت ومردتش عليه
ممدوح :- ردى عليا يا ايه
ايه :- بدموع واغير من طبعى وابقى مدلوقه عليك. وفى الاخر تقول انك زهقت منى وتبعد وتسبنى صح
ممدوح :- بأستغراب مين قالك كده انا عمرى ما ازهق منك يا ايه
ايه :- بدموع كلكم بتقولوا كده بس فى الاول و اول ما تلاقوا الواحده اتعلقت بيكم وبتسمع كلامكم تقولوا عليها معندهاش شخصيه ومدلوقه وترموها زى الكلبه
ممدوح :- سكت شويه واتنهد وقال واضح كده أنها كانت علاقة قديمه عندك وعامله ليكى عقده من الرجاله كلها صح ؟؟
ايه :- بدموع لو قولتلك اه هتقول عليا مش كويسه وهتبعد وتسبنى صح
ممدوح :- انا مش بالتافهه دى يا ايه علشان ابعد عنك بسبب تافه زى ده
ايه :- بصت ليه بأستغراب
ممدوح :- متستغربيش اصل انا واثق فيكى حتى فى حياتك القديمه اللى قبل منى
ايه :- مش فاهمه يعنى ايه
ممدوح :- يعنى واثق فيكى حتى لو كنتى حبيتى واحد قبل منى هيكون بأدب وبأحترام علشان مش انتى البنت اللى تسيب اى شاب يلمسها مهما كان حبها ليه لأنها بتخاف ربنا قبل اى شئ وبعدين مين فينا يقدر يتحكم فى قلبه يعنى الحب مش بأيدينا يعنى مش معنى انك حبيتى واحد قبلى انك تكونى مش كويسه ولا قليلة ادب انا واثق فيكى يا ايه حتى من قبل ما اقبلك
ايه :- بس على فكره الشخص ده كان خطيبى مش مجرد واحد كنت ماشيه معاه
ممدوح :- وانا مش عايز اعرف حاجه انا مليش دعوه بحياتك اللى قبل كده انا ليا حياتك دلوقتى وبس
ايه :- يعنى مش هيجى يوم وتزهق منى وتبعد وتسبنى
ممدوح :- عمرها ما تحصل انا بحبك وهفضل احبك لاخر يوم فى عمرى
ايه :- بصت فى الارض بكسوف
ممدوح :- بصيلى علشان مرفعش وشك بأيدى
ايه :- بصت ليه وقالت نعم
ممدوح :- ها ناويه على ايه
ايه :- افهمنى يا ممدوح انا مقدرش ابعد عن أهلى مده كبيره مقدرش مشوفهمش فتره انا بحبهم ومقدرش استحمل بعدى عنهم
ممدوح :- طيب ايه رأيك نسافر تونس شهر ونرجع مصر شهر
ايه :- اممممم هى فكره حلوه بس اخاف أوافق دلوقتى بعد الجواز تضحك عليا ومتنزلنيش مصر غير كل فين وفين
ممدوح :- وعد ووعد الحر دين عليه وانا راجل وقد كلمتى ها قولتى ايه
ايه :- هزت راسها بمعنى موافقه
ممدوح :- بفرحه قولتى ايه
ايه :- احم موافقه
ممدوح :- ايوه بقى بعشق امك يا بت يخربيت كده طلعتى عينى؛ روحى نادى ابوكى بقى بسرعه
ايه :- بأستغراب عايز بابا ليه
ممدوح :- هوثق عنده موافقتك دى قبل ما تغيرى رأيك اخلصى يا بت
ايه :- على فكره انت مجنون
ممدوح :- حبك جنينى يا روحى
ايه :- وقفت وقالت عوض عليا عوض الصابرين يا ربى ومشيت وسابته
ممدوح :- جتك القرف فى حلاوتك دى
وجه منير واتفقوا على ميعاد الفرح بعد اسبوع وهيقضوا اسبوع فى مصر وبعدها هيسافروا تونس مع بعض
~•~•~•~•~•~•~•~•~•~•~•~•~•
فى فيلا خالد الحناوى
فى اوضت علاء
صحى علاء على صوت تليفونه وبص فيه لاقها منتهى قام قعد و رد عليها وقال
علاء :- صباح الخير يا توته
منتهى :- صباح الخير يا علاء عامل ايه دلوقتى
علاء :- اهو الحمدالله على كل شئ
منتهى :- اجمد بقى يا علاء وارجع لحياتك وشغلك من تانى بلاش حبستك فى اوضك دى
علاء :- حياتك ! هى فين حياتى دى
منتهى :- اخواتك وشغلك وانا يا علاء ارجع علاء اللى اتعرفت عليه مش واخده اشوفك كده اجمد علشان انت سندى مينفعش تقع علشانى
علاء :- مش قادر يا منتهى مش قادر موت أبويه كسر ضهرى واختفاء امى هيجنينى طيب أبويه مات ودفنا وعرفنا مكانه إنما امى مش عارف هى فين ايه جرارها عايشه ولا ميته سليمه ولا تعبانه مليون فكر فى دماغى بيودى وبيجيب عايزانى بعد كل ده اجمد ازاى بس
منتهى :- والله عارفه ومقدره الظروف اللى انت فيها بس اللى انت فيه ده واجع قلبى عليك اوى
علاء :- عارف انك زعلانه على الجواز اللى اجلته بس غصب عنى والله
منتهى :- ايه اللى انت بتقوله ده جواز ايه ده اللى هزعل عليه انا مقدره الظروف كويس اوى ومش شاغل بالى اى حاجه من دى انا اللى مزعلنى انت واللى بقيت فيه ده مش اكتر والله لكن لو على الجواز استناك عمرى كله مش هزهق منك أبدآ
علاء :- ربنا يخليكى ليا وميحرمنيش من وجودك فى حياتى يارب
منتهى :- ويخليك ليا يلا بقى قوم خد شاور وصلى وانزل شوف شغلك
علاء :- حاضر سلام
منتهى :- سلام
علاء :- قفل السكه وحط التليفون جانبه وقام دخل الحمام اخد شاور واتوضه وخرج لبس هدومه واده فرضه ونزل من اوضه لاقه السفره فاضيه ضحك بوجع وخرج من الفيلا ركب العربيه راح على الشركه
~•~•~•~•~•~•~•~•~•~•~•~•~•
فى شركة ادهم الحناوى
فى مكتب فادى
كان قاعد فادى وهو حزين بيفكر فى أمه المختفيه وسرحان ومش حاسس بحاجه فاق على صوت رودينا وهى بتقوله
رودينا :- فادى يا فادى
فادى :- ها ايوه يا رودى
رودينا :- سرحان فى ايه
فادى :- قام وراح قعد على حرف المكتب قصاد رودينا وقال بحزن بفكر فى الحال اللى وصلت ليه أهلى أبويه مات منتحر فى القسم امى مختفيه ومش عارف هى فين اخواتى كل واحد فينا بقى فى مكان انا حاسس ان بقيت وحيد ضهرى بقى مكشوف يا رودينا حاسس ان انا لا بقى عندى اب ولا ام ولا اخ ولا اخت محدش بقى يسأل على التانى انا تعبان اوى يا رودينا اوى
رودينا :- اهدا يا فادى بس كلكم فى نفس المركب وكلكم حاسين بنفس الالم بس كل واحد فيكم بيكابر يروح يحكى لتانى او ممكن مش حابين تشيلوا همكم لبعض بس فى الاخر المركب واحده والطريق واحد ولو موجه جت جامده عليكم بتمسكم كلكم مش واحد اه وواحد لاء
فادى :- عارف بس كان نفسى كلنا نمسك ايد بعض فى وقت زى ده
رودينا :- كل واحد فيكم معتمد ان التانى اقوى وقادر يمشى حياته عادى بس فى الحقيقه العكس كل واحد فيكم أضعف من التانى بس بتكابروا ومش عايزين تعترفوا بده
فادى :- مسك ايد رودينا وقال انا فعلا قوى بوجودك معايا يا قلبى
رودينا :- اتكسفت وشدت ايديها وقالت انا جنبك وهفضل اقويك وقت ضعفك مهما حصل
فادى :- ربنا يخليكى ليا ومعلش بقى افوق شويه من اللى انا فيه وهاجى اكلم ابوكى زى ما وعدك
رودينا :- ولا يهمك انا جنبنك وهفضل مستنياك لاخر يوم فى عمرى
فادى :- مسك ايديها بسها وقال بحبك
رودينا :- شدت ايديها بكسوف وقالت ا.ا انا هروح اشوف البت نهى علشان وحشتنى وطلعت تجرى من المكتب
فادى :- بص عليها وهى بتجرى وابتسم على كسوفها ورجع تانى قعد على الكرسى
~•~•~•~•~•~•~•~•~•~•~•~•~•
عند نهى
كانت قاعده على مكتبها بتشوف شغلها وحست ايد على عينيها ابتسمت وقالت
نهى :- رودى واحشتينى يا جزمه بس مسمعتش صوت قالت بطلى بواخه بقى شيلى ايدك من على عينى محدش رد عليها مسكت الايد اللى على عينيها وقالت انتى يا زفته مال ايدك خشنه كده الله يحرقك استعملى ليها مرطب بلاش قرف وشيلى ايدك بقى احسن طول ما انتى مغمضه عينى كده شامه ريحة محماااا أصله واحشنى اوووووى
محمد :- وانتى كمان واحشتينى اوووووى يا روح محمااااا
نهى :- احلف
محمد :- كانت واحشنى الكلمه دى اوى
نهى :- بكسوف ا.ا.انت جيت امته مصر
محمد :- دلوقتى حالا نزلت من الطياره جيت عليكى علطول
نهى :- ح.ح.حمدالله على السلامه مصر نورت
محمد :- الله يسلمك يا نونتى مصر بنوره بقمرى دايمآ
نهى :- بكسوف ا.ا اتفضل اقعد طيب
محمد :- مش هينفع يا انسه احلف علشان هموت وانااااام هروح انام شويه ونتقابل بليل نتعشا سوا
نهى :- م.م.مش عارفه هقدر أخرج ولا لاء
محمد :- شوفى نفسك ولما اصحه من النوم هكلمك سلام يا قمر منور سمايا وغمز ليها ومشى
نهى :- ااااااااه يا قلبى هموووووت مفرفره يا ناس من حبه
رودينا :- ايه يا ست الفرخه انتى أهدى يا حاجه شويه
نهى :- بفرحه رودى واحشتينى النهارده اجمل يوم فى عمرى علشان شوفتك
روينا :- غمزت ليها وقالت علشان شوفتينى انا برضه ولاعلشان شوفتى سى محمااااااا
نهى :- بأستغراب وانتى عرفتى منين انا محمد جه
رودينا :- شوفته وهو مغمى عينك وانتى مفكراه انا وفطست على نفسى من الضحك لما قولتى ليه ايدك خشنه كده ليه استعملى ليها مرطب يخربيت جنانك انا ايدى زى ايد سى محماااا بتاعك ده بصى النعومه يا بنتى ومدت ايديها ليها
نهى :- ماشاءالله عليكى يا رودى ده انتى كنتى متابعه معانا لحظه بلحظه
رودينا :- طبعآ وكنتوا هييييييح اوووووى
نهى :- امشى ابت روحى لأستاذ فادى يدلعك براحته وابعدى عينك عننا
رودينا :- فادى ده مش محتاج توصيه عنده كمية هييييييح يالهووووووى على كده مقولكيش عليها والله
نهى :- ربنا يسعدكم يارب
رودينا :- حبيبت قلبى ويريح بالك يارب
نهى :- يارب
~•~•~•~•~•~•~•~•~•~•~•~•~•
فى مكتب ادهم
وصل اكرم الشركه وطلع على مكتب ادهم وهو زعلان خبط على الباب خبطه واحده ودخل قعد على الكرسى وقال
أكرم :- صباح الخير
ادهم :- صباح النور مالك وشك عامل كده ليه هو انت لاحقت
أكرم :- العن ابو الجواز واللى عايزينه معرفش ايه جننى ما كنت بعقلى بقوم براحتى بنام براحتى محدش كان بيزن فوق دماغى
ادهم :- هههههههه مش انت اللى كنت هتموت على الجواز
أكرم :- بتضحك
ادهم :- روق كده وفكك من اللى انت فيه ده
أكرم :- بجد انا زهقت وتعبت من العيشه دى
ادهم :- طيب ايه اللى حصل
أكرم :- الهانم غلطت فيا ويا ام انزلها الشغل يا أطلقها عصبتنى لحد ما ضربتها بالقلم وحلفت عليها بالطلاق ما تخرجش من باب الفيلا
ادهم :- قام وقف وراح قعد قصاده وقال انتى غبى يالا ازاى تحلف عليها بالطلاق افرض دلوقتى عندت معاك وخرجت ويمين الطلاق نفذ هيبقى ايه وضعك
أكرم :- معرفش بقى هى اللى عصبتنى لاقتنى بحلف عليها اليمين
ادهم :- على فكره مش رجوله خالص انك تحلف بالطلاق كل شويه علشان الرجاله العويله بس هى اللى بتحلف بيه انت لو كنت اخدها بالسياسه كان هيبقى احسن مليون مره من يمين الطلاق
أكرم :- حاولت والله اتحكم فى اعصابى اكتر وقت ممكن بس هى وجعتنى اوى لما قالت عليا مش راجل
ادهم :- أكرم انا فاهمك اكتر من اى حد تانى انت اتعصبت لما كلمتك فى موضوع الشغل اللى انت رافضه اصلا
أكرم :- منكرش ان الكلام فى موضوع الشغل ده بيعصبنى اوى يا ادهم بس مش عارف اوصلها ازاى ان انا رافض نزولها الشغل ده مش هقدر استحمل وجودها فى مكان يكون فيه رجاله بغير عليها من الدنيا بحالها ده انا بغير عليها من أبويه يا جدع
ادهم :- حاسس بكلامك ده يا صاحبى بس برضه انت غلطان كنت ارفض من الاول وخلاص مش توعدها وتعشمها وبعدين تخلف معاها وعدك
أكرم :- خوفت انها تبعد عنى وتسبنى
ادهم :- اهدا شويه وابقى روح صالحها بكلمتين وشيل حاجتين من حياتك الضرب وحلفان اليمين ده
أكرم :- ماشى
ادهم :- ومتنساش الطلب اللى طلبته منك
أكرم :- متقلقش انا مش ساكت وان شاءالله انفذه ليك فى أقرب وقت صحيح ميرفت عامله ايه من ساعة ما جبتها ليك وهى مختفيه
ادهم :- متقلقش هى فى مكان امان محدش يقدر يوصله
أكرم :- خلى بالك منها يا ادهم البنت غلبانه وملهاش حد وطلبت مننا نساعدها وواثقت فينا
ادهم :- مش محتاج توصينى عليها ميرفت فى امان
أكرم :- عارف يا صاحبى انك جدع
وفى الوقت ده دخل السكرتير وبلغه أن مصطفى بره وعايز يدخل
ادهم :- اتعصب وقاله يدخله
أكرم :- اهدا يا ادهم لما نشوف عايزك فى ايه
ادهم :- اقسم بالله انا لو عليا عايز اخنقه اطلع روحه فى ايديا
وفى الوقت ده دخل مصطفى ومعاه التحليل وقال
مصطفى :- .............
*********************
إلي هنا ينتهي الفصل الثانى و الخمسون من رواية تمرد صحفية بقلم دودو محمد
تابع من هنا: جميع فصول رواية تمرد صحفية بقلم دودو محمد
تابع من هنا: جميع فصول رواية تمرد صحفية بقلم دودو محمد
تابع أيضاً: جميع فصول رواية آدم ولانا بقلم امونه
تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها
أو أرسل لنا رسالة مباشرة عبر الماسنجر باسم القصة التي تريدها
اقرأ أيضا: رواية من أجلك فقط بقلم لولو الصياد
إرسال تعليق
يسعدنا تلقي اقتراحاتك أو تعليقك هنا