قصص رومانسية جريئة ممنوع دخول الأطفال

مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة دودو محمد علي موقعنا قصص 26 و موعدنا اليوم مع الفصل الرابع و الخمسون من  رواية تمرد صحفية بقلم دودو محمد. 

رواية تمرد صحفية بقلم دودو محمد - الفصل الرابع و الخمسون

اقرأ أيضا: روايات رومانسية

رواية تمرد صحفية بقلم دودو محمد

رواية تمرد صحفية بقلم دودو محمد - الفصل الرابع و الخمسون

اشرقت شمس صباح يوم جديد بنورها الساطع فى سماء الاسكندريه لتبدء داليا بفتح عيونها بصت جنبها على السرير لاقته فاضى افتكرت اللى حصل بينها وبين ادهم اليوم السابق اتنهدت بوجع ودموعها نزلت منها وقامت من على سريرها دخلت الحمام اخدت شاور واتوضت وخرجت لبست هدومها وأدت فرضها وقعدت على السرير وضمت رجليها عند صدرها وحطت راسها عليها وقعدت تعيط وفى الوقت ده تليفونها رن اخدته من جنبها وبصت فيه على أمل أنه يكون ادهم بس لاقته رقم منتهى مسحت دموعها وردت عليها وقالت

داليا :- السلام عليكم
منتهى :- وعليكم السلام عامله ايه يا داليا
داليا :- بوجع وكسره كويسه يا توته انتى اخبارك ايه
منتهى :- الحمدالله كويسه واحشتينى وبقالك فتره مكلمتنيش قلقت عليكى
داليا :- معلش يا توته انتى عارفه الظروف اللى كنا بنمر بيها اليومين اللى فاتوا
منتهى :- عارفه يا داليا وادينى بحاول اخرج علاء من الحاله اللى هو فيها دى
داليا :- بوجع كلنا موجعين ومكسورين يا توته مش علاء بس
منتهى :- مالك يا داليا صوتك بتعيطى
داليا :- سلامتك يا توته انا كويسه
منتهى :- انتى متخانقه مع ادهم ولا ايه
داليا :- اتنهدت وقالت عادى ما احنا علطول خناقتنا مبتخلصش
منتهى :- لسه ادهم زى ما هو متغيرش
داليا :- للاسف اتغير وانا كمان اتغيرت بس للاسوء
منتهى :- انتى وراكى حاجه النهارده
داليا :- لاء
منتهى :- تعالى نتقابل مع بعض النهارده ونقضى اليوم مع بعض زى زمان
داليا :- مليش نفس يا توته مش عايزه أخرج معلش
منتهى :- علشان خاطرى يا داليا وهتصل كمان بالبت فاطمه تيجى معانا
داليا :- سكتت شويه وبعدين قالت اوك كلميها واتفقوا مع بعض وبلغونى
منتهى :- ماشى باى
داليا :- باى وقفلت مع منتهى وجابت رقم ادهم ورنت عليه لاقته مقفول بدموع ارجوك سامحنى يا ادهم بلاش تعمل فيا كده انا اسفه والله العظيم اسفه وقعدت تعيط
~•~•~•~•~•~•~•~•~•~•~•~•~•
فى فيلا أكرم

فى اوضت أكرم

صحى أكرم من نومه وبص جنبه على السرير ملقاش فاطمه بيبص على الكنبه لاقها نايمه عليها قام من على السرير بزعل وراح عندها خبط على كتفها وقال

أكرم :- فاطمه يا فاطمه
فاطمه :- بنوم امممم
أكرم :- ايه نيمك هنا على الكنبه منمتيش ليه على السرير جنبى
فاطمه :- فتحت عينيها وبصت ليه وسابته وقامت من على الكنبه ورتبة مكان ما كانت نايمه
أكرم :- فاطمه ردى عليا ارجوكى بلاش تجاهلك ليا ده
فاطمه :- سابته ودخلت الحمام وقفلت الباب وسندت عليه ودموعها نزلت منها
أكرم :- راح عند الباب سمع صوت عياط فاطمه فتح الباب ودخل شدها فى حضنه وقال حقك عليا يا فاطمه انا غبى وحمار علشان وجعتك اوى كده متزعليش منى انا اسف
فاطمه :- حاولت تزقه وتبعد عنه بس معرفتش قالت ابعد عنى متلمسنيش لو سمحت
أكرم :- خلاص بقى يا فاطمه قولتلك انا اسف غلطه ومش هكررها تانى سامحينى بقى انا كرومتك ابو الكرم يا فاطمه اهون عليكى تسبينى موجع عليكى اوى كده
فاطمه :- اه تهون ما انا هونت عليك تجرحنى عادى
أكرم :- انا اسف مش هزعلك تانى أبدآ
فاطمه :- لما نبقى لسه فى أول شهر من الجواز وتمد ايدك عليا امال هتعمل ايه بقى لما نقعد مع بعض كام سنه تانى هتقتلنى
أكرم :- مقدرش طبعآ انتى عمرى كله واللى حصل ده مش هيتكرر تانى اوعدك
فاطمه :- غمضت عينيها والدموع فيها وقالت سبنى ارجوك
أكرم :- لاء مش هسيبك غير لما تسامحينى
فاطمه :- مش قادره اسامحك يا اكرم مش قادره وزقته وخرجت من الحمام
أكرم :- راح وراها ومسكها من كتفها وقال فاطمه انا بحبك والله العظيم بحبك واللى حصل ده كان غصب عنى قولتلك امبارح كلمة انت مش راجل دى وجعتنى اوى اوى يا فاطمه خلتنى مغيب ومش عارف انا بعمل ايه انسى وحياة اغلى حاجه عندك وانا مش هعمل كده تانى أبدآ
فاطمه :- اتنهدت بوجع ومردتش عليه
أكرم :- ها هتسامحينى ؟
فاطمه :- هسامحك بس بشرط
أكرم :- ايه هو الشرط
فاطمه :- تنزلنى الشغل
أكرم :- نفخ وبعد عنها واداها ضهره
فاطمه :- انا نفسى افهم انت ايه بيغيرك كده لما تيجى سيرة الشغل قدامك مع انك لما قابلتنى قابلتنى فى الشغل ده وعرفتنى منه
أكرم :- علشان بحبك وبغير عليكى مش متقبل موضوع انك تبقى فى مكان فيه رجاله انا عايزك تبقى ليا انا وبس مش عايز يكون ليكى اى كلام مع اى راجل غيرى عرفتى انا ليه بتغير لما اسمع اسم الشغل على لسانك
فاطمه :- دى مش غيره يا اكرم دى قلة ثقه فيا
أكرم :- بلاش كلام عبيط انا طبعآ واثق فيكى اكتر من نفسى يا فاطمه
فاطمه :- لو واثق فيا زى ما بتقول كنت هتعرف أن انا مش بكلم رجاله الا فى حدود الشغل مش اكتر عمرى ما اتكلمت مع اى راجل بره الشغل
أكرم :- عارف ومتأكد من ده بس بغير عليكى غصب عنى حتى لو الكلام ده فى الشغل
فاطمه :- بس كده يبقى مرض مش غيره
أكرم :- لو حبى وغيرتى عليكى اسمهم مرض أنا موافق يا ستى
فاطمه :- سكتت ومردتش عليه
أكرم :- مسك ايديها وقال فاطمه علشان خاطرى شيلى موضوع الشغل ده من دماغك هو انا منقصك حاجه
فاطمه :- شدت ايديها وراحت قعدت على السرير وقالت مش حكاية منقصنى حاجه يا اكرم بس شغلى ده يعنى كيانى وانت برفضك ده بتهد كل كيانى
أكرم :- قعد جنبها وحط أيده على كتفها وقال كيانك بيتك وجوزك مش شغلك يا فاطمه
فاطمه :- غلط يا اكرم الكلمه دى كانوا بيقولها زمان لست انما دلوقتى الزمن اتغير وزى ما الراجل بيتعلم البنت بتتعلم وزى ما الراجل بيشتغل وبيبقى ليه كيان البنت كمان بتشتغل وشغلها بيبقى كيانها ومستقبلها
أكرم :- قام وقف وقال وانا جوزك ومن حقى أرفض واخليكى ليا انا وبس
فاطمه :- بس دى انانيه منك يا اكرم
أكرم :- حبك اللى علمنى الانانيه دى يا فاطمه انا مش عايزك تكلمى حد ولا تبقى مع اى حد غيرى
فاطمه :- طيب ما انت بتخرج وتروح شغلك وبتتكلم مع ده ومع دى وانا معترضتش على كده اشمعنا بقى
أكرم :- رجع ليها تانى ووقفها قصاده ولف دراعه حاولين وسطها وقال لأن انا الراجل وملزوم أن اشتغل واصرف على بيتى واكفى مراتى واحتياجاتها
فاطمه :- يا سلام
أكرم :- خلاص بقى يا بطتى اوعدك مش هخليكى تحسى بأى فراغ أبدآ هرجعلك بدرى من الشغل هخرجك وهلففك الدنيا كلها وهعيشك اسعد ايام حياتك بس معايا انا وبس مش هخليكى تحسى بأحتياجك لشغل خالص ها قولتى ايه
فاطمه :- سكتت ومردتش عليه
أكرم :- رفع وشها ليه وقال ردى عليا يا طمطم يا حبيبتى
فاطمه :- هزت راسها بالموافقه وقالت مش قدامى غير أن اوافق يا اكرم
أكرم :- بفرحه مش هتندمى صدقينى وشدها فى حضنه وقال بحبك اوى يا فاطمه اوى
وفى الوقت ده تليفونها رن بعدت عنه وبصت فى التليفون
فاطمه :- دى توته
أكرم :- مش وقتها خالص ردى عليها على ما ادخل اخد شاور فى السريع كده
فاطمه :- اوك
أكرم :- دخل الحمام وقفل الباب وراه
فاطمه :- ردت وقالت السلام عليكم
منتهى :- وعليكم السلام عامله ايه يا واطيه
فاطمه :- انا برضه اللى واطيه ده على اساس ان سؤالك عليا مقطع بعضه
منتهى :- غصب عنى والله موت ابو علاء ده كان شاغل وقتى الفتره اللى فاتت دى
فاطمه :- اه ما انا عارفه وفرحك كمان اتأجل
منتهى :- مش شاغله بالى والله بالجواز ده خالص انا زعلانه بس على الحاله اللى وصل ليها علاء
فاطمه :- غصب عنه برضه أبوه مات وهو متهم فى قضية مخدرات وأمه اختفت ومش عارفين هى فين الصراحه الله يكون فى عونه بجد
منتهى:- والله مش سايبه خالص يا طمطم بحاول اشغل وقته علطول وأخرجه من الحاله اللى هو فيها دى
فاطمه :- والبت داليا برضه بقالها فتره مكلمتنيش هتجن عليها المعفنه دى
منتهى :- انا لسه قافله معاها واتفقت معاها أننا نتجمع احنا التلاته النهارده ونقضى مع بعض اليوم كله زى زمان
فاطمه :- امممم مش عارفه انا نفسى اشوفكم اوى بس مش عارفه أكرم هيرضا ولا لاء هكلمه وابلغك
منتهى :- ماشى هستنا اتصالك باى
فاطمه :- باى وفى الوقت ده خرج أكرم من الحمام وقال
أكرم :- كانت عايزه ايه منتهى
فاطمه :- عايزانا نتجمع احنا التلاته النهارده ونقضى اليوم كله مع بعض
أكرم :- فكره حلوه وبالمره تخرجى داليا من الحاله اللى هى فيها دى
فاطمه :- بأستغراب مالها داليا
أكرم :- متخانقه خناقه كبيره مع ادهم وحالتها زى الزفت
فاطمه :- بجد طيب ليه مقولتش ليا كنت كلمتها ووقفت جنبها فى وقت زى ده
أكرم :- هو اصلا الموضوع ده حصل امبارح بعد الشغل وانتى كنتى مخصمانى ومش عايزه تكلمينى هقولك ازاى
فاطمه :- طيب ايه اللى حصل ما بينهم
أكرم :- لاء سورى يا بيبى مقولش على أسرار صاحبى لو مراته حكت ليكى هى حره إنما انا مقدرش
فاطمه :- طيب هو موضوع كبير اوى كده
أكرم :- للاسف ايوه وصعب ادهم ينساه لداليا بسهوله كده
فاطمه :- صاحبك ده دايمآ متعصب ومش طايق نفسه دى حاجه تقرف الصراحه
أكرم :- طمطم يا حبيبتى بلاش تغلطى فى صاحبى ارجوكى
فاطمه :- بلا صاحبك بلا قرف المهم انك موافق أن انا أخرج النهارده مع البنات
أكرم :- ايوه بس بلاش تلبسى حاجه ضيقه البسى حاجه واسعه يا روحى
فاطمه :- الصبر من عندك يارب ما انت عارف طريقة لبسى ازاى مش لازم يعنى التتش بتاعك ده
أكرم :- خلاص احنا اسفين يا صلاح وبعدين يعنى انتى السبب اعمل ايه مراتى حلوه اوى وبغير عليها
فاطمه :- ماشى يا اخويه غير بس بلاش اوى دى علشان متخنقش منك
أكرم :- بلاش تبقى حلوه اوى وانا مش هغير عليكى اوى
فاطمه :- لاااا ده جنان رسمى اقسم بالله ودخلت الحمام وسندت على الباب وضحكة على كلام أكرم ليها
أكرم :- لبس هدومه واده فرضه ونزل راح شغله
فاطمه :- اخدت شاور واتوضت وخرجت لبست هدومها و ادت فرضها وكلمة منتهى ونزلت من اوضتها
~•~•~•~•~•~•~•~•~•~•~•~•~•
فى فيلا ادهم الحناوى

فى اوضت دينا

صحيت دينا من نومها قامت من على سريرها بصعوبه دخلت الحمام اتوضت وخرجت ادت فرضها وغيرت هدومها وخرجت من اوضتها راحت خبطت على باب اوضت سندس وفتحت الباب وقالت

دينا:- انتى يا بنتى كل ده لسه نايمه اصحى يلا
سندس :- دينا ابوس ايدك سبينى نايمه
دينا :- قومى يلا يا سندس بلاش دلع
سندس :- يووووه بقى وقعدت على السرير بغيظ وحطت ايديها على خدها
دينا :- قومى يا بنتى هنتأخر كده
سندس :- قامت بعصبيه من على السرير وقالت خلاص اتزفت وقومت اهو ودخلت الحمام
دينا :- هزت راسها يمين وشمال وقالت صبرنى ياربى على دلعها وخرجت من الاوضه ونزلت بلغت الشغاله تحضر الفطار وطلعت تانى على اوضتها دخلت وقفلت الباب وراها وقعدت على السرير ومسكت تليفونها وطلبت رقم تامر وانتظرت الرد

تامر :- صباح السعاده والهنا يا روحى
دينا :- صباح النور يا تامر صحيتك من النوم
تامر :- لاء يا قلبى انا صحيت من شويه اخد شاور وصليت وكنت لسه هتصل بيكى اصحكى علشان تروحى تودى اختك المدرسه
دينا :- تقبل الله منك أن شاءالله انا صحيت وروحت كمان صحيت سندس وهننزل نفطر اهو
تامر :- بألف هنا وشفا يا قلبى بس اهم حاجه خلى بالك على نفسك وعلى اختك وانتو ماشين
دينا :- متخافش هخلى السواق يودينا انا مش قادره اسوق
تامر :- احسن برضه علشان اكون مطمن عليكم
دينا :- مش عارفه ايه سبب خوفك الزياده ده عليا
تامر :- ها ع.ع.عادى يا قلبى بقلق عليكى
دينا :- من ايه يا تامر
تامر:- مش من حاجه معينه انا ظابط وبشوف مجرمين اشكال والوان وبشوف اللى بيعملوا وده بيخلينى اخاف عليكى اكتر
دينا :- ماشى يا تامر هقفل معاك بقى علشان أفطر سندس ونمشى
تامر :- ماشى يا قلبى لا إله إلا الله
دينا :- سيدنا محمد رسول الله باى
وقفلت السكه وحطت التليفون فى شنطتها وخرجت من اوضتها وخبطت على باب اوضت سندس
سندس :- خلصت اهو انزلى وانا نازله وراكى
دينا :- الصبر حاضر بس متتأخريش ونزلت تحت تستناها وبعد وقت نزلت سندس وقالت
سندس :- انا خلصت يلا بينا
دينا :- اقعدى افطرى طيب
سندس :- مش عايزه مليش نفس
دينا :- عملت سندوتش وقالت طيب خدى ده بس
سندس :- اخدته من ايديها وقالت هاكلوا فى العربيه يلا
دينا :- اوك يلا وخرجوا الاتنين ركبوا العربيه وراحوا على المدرسه ودخلت دينا معاها وصلتها وخرجت
سندس :- كانت متوتره من المكان الجديد ودخلت مكانها الجديد وبدأت اليوم الدراسى بتاعها فى المدرسه الجديده
~•~•~•~•~•~•~•~•~•~•~•~•~•
فى الشقه عند ادهم

صحى ادهم من نومه على صوت خبط بره قام من على السرير وفتح الباب وفتح عينه بصعوبه وقال

ادهم :- ايه الخبط ده يا ميرفت
ميرفت :- اسفه ك.ك.كنت بنضف البيت
ادهم :- بتنضفى البيت ايه ببطنك دى ريحى يا ميرفت البيت نضيف
ميرفت :- مشيت ايديها على بطنها وقالت ح.ح.حاضر
ادهم :- مديحه اكلت
ميرفت :- ايوه فطرتها من شويه
ادهم :- ماشى ولسه هيدخل اوضه
ميرفت :- احضرك الفطار
ادهم :- لاء مش عايز اعمليلى واحد قهوه بسرعه ودخل وقفل الباب وراه
ميرفت :- دخلت المطبخ عملت القهوه ودخلتها لادهم ودخلت الاوضه المخصصه ليها مسكت التليفون وجابت صورة حمزه وقعدت تبص فيها بدموع وقالت واحشتنى اوى يا حمزه اوى كان نفسى تبقى جنبى فى اسعد لحظاتى دى كان نفسى تشوف البيبى وهو بيكبر فى بطنى كل يوم وحطت ايديها على بطنها وقالت دى الحاجه الوحيده اللى مصبرانى على بعدك يا حمزه واكتر حاجه مخوفانى من قربى ليك خايفه لتقول عليه كلمه توجعنى تشك فيه أن هو مش ابنك هيبقى الموت اهون عليا مليون مره من العيشه جنبك فى اللحظه دى ومسحت دموعها وقامت خرجت من الاوضه راحت اوضت جدة ادهم تشوفها محتاجه حاجه ولا لاء
~•~•~•~•~•~•~•~•~•~•~•~•~•
فى بيت سعيد

فى اوضت حمزه

صحى حمزه من نومه وهو حاسس بسعاده كبيره قام من على سريره خرج من الاوضه دخل الحمام اتوضه ورجع اوضه تانى لبس هدومه واده فرضه وبص على مؤمن اللى نايم وقال

حمزه :- مؤمن يا مؤمن
مؤمن :- اممممم
حمزه :- يلا يا ابنى اتأخرت على مدرستك
مؤمن :- فتح عينه بصدمه وقال ايه
حمزه :- اتأخرت قوم اخلص
مؤمن :-يا نهار ملحوس وقام يجرى دخل الحمام اتوضه ورجع اوضه لبس هدوم المدرسه واده فرضه وخرج يجرى من الاوضه وقال صباح الخير يا بابا
سعيد :- صباح النور يا حبيبى اقعد أفطر
مؤمن :- لاء افطر ايه انا متأخر هبقى اشترى اى حاجه اكلها فى السكه سلام وخرج يجرى من البيت ونزل ركب تاكسى وراح على المدرسه ووصل عند باب المدرسه وقعد يتحايل على الأمن يدخلوه وبعد وقت وافقوا ودخلوه ودخل يجرى وفى الوقت ده شافته سندس من الشباك اللى جنبها وحست أن قلبها اتحرك من مكانه اول ما شافته وابتسمت على منظره وهو بيجرى وسمعت صوت المدرس بتاعها وهو بينده عليها علشان تركز معاه فى الدرس
~•~•~•~•~•~•~•~•~•~•~•~•~•
فى بيت نهى

صحيت نهى على صوت التليفون بتاعها مدت ايديها جنبها وهى مغمضه عينيها وفتحتها بصعوبه وبصت فيه لاقته رقم محمد قامت قعدت بسرعه على السرير وردت وقالت

نهى :- ا.ا.السلام عليكم
محمد :- وعليكم السلام عامله ايه يا انسه احلف
نهى :- ك.ك.كويسه الحمدالله
محمد :- استنيت تليفونك امبارح متصلتيش بيا يعنى
نهى :- احم ا.ا اسفه والله بس م.م.معرفتش أخرج امبارح واكسفت اتصل بيك اقولك كده
محمد :- وليه تتكسفى تقوليلى كده عادى والله انا مقدر الظروف مكنتش هزعل منك خالص
نهى :- احم م.م.معرفش بقى اتكسفت وخلاص
محمد:- امممم ماشى يا ستى المهم فكرتى فى الموضوع اللى كلمتك عليه
نهى :- م.م.موضوع ايه
محمد:- موضوع الجواز يا نهى
نهى :- م.م.مش عارفه والله مش قادره اخد قرار فيه خالص
محمد :- طيب انا محتاج اقابلك يا نهى عايز اشوف ايه السبب اللى مخوفك منى اوى كده
نهى :- ها م.م.مفيش حاجه مخوفانى منك خالص
محمد :- كدابه مدام متردده كده فى الرد يبقى فيه سبب لتردد ده وانا محتاج اعرفه يمكن اقدر أوضح ليكى حاجه تطمنك اكتر لجوازه دى
نهى :- م.م ماشى ممكن بعد الشغل نتقابل
محمد :- اوك هنتظرك على احر من الجمر يا روحى
نهى :- ا.ا.ان شاءالله هقفل بقى علشان اقوم اجهز لشغل
محمد :- ماشى يا قلبى باى
نهى :- ب.ب.باى وقفلت التليفون وحطته جنبها وقالت نهار اسوح على كده قلبى مره واحده ده انا اللى قلبى هيوقف عليا والله وقامت دخلت الحمام اخدت شاور واتوضت وخرجت لبست هدومها وأدت فرضها و راحت الشغل
~•~•~•~•~•~•~•~•~•~•~•~•~•
فى شركة ادهم الحناوى

فى مكتب فادى

كان قاعد سرحان كالعاده ودخلت عليه رودينا وقالت

رودينا :- فادى يا فادى
فادى :- ها ايوه يا رودى
رودينا :- مش هتبطل تسرح كده كل ما ادخل عليك المكتب الاقيك سرحان
فادى :- وقف وراح عندها وقال من اللى انا فيه يا رودينا هموت واعرف امى فين
رودينا :- اطمن والله هتكون بخير بس تلاقيها مصدومه من اللى حصل ليكم مره واحده ده
فادى :- مكانش مفروض تمشى وتسيبنا كده كان لازم تقف جنبنا كان لازم تكون هى قوتنا مش تختار تبعد عننا
رودينا :- الله اعلم بظروفها ايه يا فادى
فادى :- ههه ظروفها ايه لاء متقلقيش على امى اوى كده انا نفسى مش قلقان عليها انا بس عايز اعرف طريقها فين علشان اسألها ليه بعدت عننا فى وقت زى ده
رودينا :- بصت بأستغراب لفادى
فادى :- متستغربيش اوى كده اصلك متعرفيش امى دى عندها مصلحتها هى اهم من اى حد اهم مننا احنا شخصيآ علشان كده انا مش مستغرب اللى هى عملته ده
رودينا :- لدرجاتى
فادى :- بضحكة وجع واكتر يا رودى
رودينا :- معلش يا فادى دول أهلنا مهما حصل منهم منقدرش نكرهم
فادى :- سيبك انتى المهم انا جاى لابوكى النهارده بليل
رودينا :- بأستغراب دلوقتى يا فادى
فادى :- ايوه دلوقتى يا رودينا ده اكتر وقت محتاجك فيه جنبى
رودينا :- ماشى هبلغه عن اذنك
فادى :- رايحه فين
رودينا :- هرجع الشركه بتاعتنا انا كنت بخلص شوية شغل هنا وقولت اطمن عليك قبل ما امشى
فادى :- احلى حاجه عملتيها علشان كنتى واحشانى اوى
رودينا :- احم م.م.ماشى انا ماشيه بقى عايز حاجه
فادى :- انا لو عليا اكيد عايز بس اللى عايزه يودى بوليس الاداب يا حبيبتى
رودينا :- اتكسفت ووشها احمر وقالت والله انت قليل الادب وخرجت تجرى من قدامه
فادى :- ضحك على كسوفها ورجع تانى على مكتبه وبدا يشوف شغله
~•~•~•~•~•~•~•~•~•~•~•~•~•
عند داليا وفاطمه ومنتهى

اجتمعوا التلاته مع بعض فى مكان عام وكل واحده قاعده سرحانه فى مشاكلها

منتهى :- وحدووووه
داليا وفاطمه :- لاإله الا الله
منتهى :- هو احنا مجتمعين مع بعض النهارده علشان كل واحده تسرح مع نفسها كده
فاطمه :- هنقول ايه طب
منتهى :- انتوا ايه اللى حصلكم ده فين ايام ما كنا نتجمع مع بعض ومنبطلش ضحك
داليا :- بوجع كان كل واحد فينا عايش حياته بالطول والعرض لا حب ولا قلبه اتوجع من الحب يا توته
منتهى :- انتو مالكم بتتكلموا كده شبه الستات العواجيز مالك منك ليها فكوها شويه بقى
فاطمه :- صح يا داليا ايه اللى حصل ما بينك وبين ادهم أكرم بيقولى انكم زعلانين مع بعض زعل جامد
داليا :- دموعها نزلت منها وقالت للاسف غلط غلطه كبيره يا فاطمه بس والله مكنتش اقصد حاجه وحشه انا عملت كده علشان أخرجه من عقدة الماضى دى
فاطمه :- طيب عملتى ايه كبير اوى كده
داليا :- قالت ليهم اللى عملتوا مع ادهم ومساعدتها لمصطفى
منتهى :- نهاااار اسوح يا داليا يعنى ادهم مش اخوه علاء وفادى ودينا وسندس
داليا :- هزت راسها بمعنى لاء وقالت ادهم مطلعش ابن خالد الحناوى طلع ابن مصطفى ده
فاطمه :- الحكايه كبرت واتعقدت اكتر بس متزعليش منى انتى غلطانه مكنتيش عملتى كده وانتى عارفه أن ادهم مش هيعديها بسهوله كده كان هو اثبت الكلام ده بعيد عنك انتى اهو جوزك زعل منك وصعب ينسا اللى حصل ده وواحد زى ادهم ده مش هيعدى موضوع زى ده كده بسهوله ومش هينسا بسرعه يا داليا للاسف حطيتى نفسك فى وضع صعب اوى
داليا :- والله يا فاطمه انا عملت كده علشانه هو انا هستفاد ايه إذا كان هو ابن خالد ولا ابن مصطفى انا اللى يهمنى هو وبس يا فاطمه وقعدت تعيط
منتهى :- أهدى يا داليا هو بس اتعصب شويه عليكى علشان المفاجئه صعبه عليه بس لما يهدا شويه هيرجعلك تانى ويسامحك
داليا :- يارب يا منتهى انا لو ادهم بعد عنى هموت
فاطمه :- بعد الشر عليكى يا داليا أهدى بس وانا هخلى أكرم يكلمه
منتهى :- وانتى عامله ايه مع سى أكرم بتاعك ده
فاطمه :- أكرم ! أكرم اتغير خالص يا توته بقى شخص متحكم اوى مش عايزنى انزل الشغل ولا اكلم حد عايزنى ليه وبس
منتهى :- بس ده مش عيب ده كده بيحبك يا فاطمه وبيغير عليكى
فاطمه :- انتى اكتر واحده عارفه انا شغلى بالنسبالى ايه ومش سهل عليا اقعد فى البيت كده يا توته هو وعدنى انه هينزلنى الشغل بعد الجواز مكانش صريح معايا من الاول ودى اكتر حاجه وجعانى منه يا توته
داليا :- معلش يا فاطمه يمكن خاف يرفض من الاول احسن ما تبعدى عنه أكرم بيحبك وده يغفره اى غلطه ارتكابها فى حقك
فاطمه :- طيب ما انا بحبه يا داليا بس مكنتش اتوقع أبدآ أنه يطلع كده
داليا :- كل واحده مننا بترسم صوره معينه للى بتحبه بس مجرد ما تعيش معاه وتعاشره بتتفاجئ بشخص تانى غير اللى فى خيالها خالص بس بتفرق إذا كنتى بتحبيه ولا لاء يعنى لو بتحبيه هتغمى عينك عن كل أخطائه ومش هتشوفى غير الحلو اللى فيه وبس
فاطمه :- بزعل وهو ده اللى انا عملته يا داليا انا اتنازلت عن شغلى علشان بحبه ومش عايزه اخسره
منتهى :- وانتى يا داليا مش ناويه ترجعى الشغل تانى
داليا :- سكتت شويه وقالت هتصدقوا لو قولتلكم أن انا مفكرتش فى موضوع الشغل ده خالص حبى لادهم نسانى كل حاجه بحبها تانيه مبقتش افكر فى اى حاجه غير فيه وبس لدرجة نسيت انا كنت ايه قبل منه بقيت بفكر بس ازاى اسعده
منتهى :- طيب ما فرصه انك تنزلى شغلك دلوقتى وتريحى اعصابك من التفكير فى المشاكل دى شويه
فاطمه :- أهدى يا توته مجرد الكلام فى موضوع الشغل ده فى الوقت ده بالذات هيخلق مشاكل اكتر ما بينهم وهيفتكر ادهم أن داليا بتتحدا وبتعاند معاه وبالتالى هيبعد عنها ويهجرها اكتر من كده كمان
منتهى :- انا مش قصدى طبعآ يا فاطمه اعمل مشاكل ما بينهم بس انا قولت نزولها الشغل دلوقتى هيخليها تنشغل شويه ويريح أعصابها من الوجع اللى هى فيه ده
داليا :- انا فاهمه كلامكم انتو الاتنين كويس اوى وانا شايفه أن كلام توته صح على الأقل انسا شويه المشاكل اللى انا فيها دى
فاطمه :- متسطعبتيش يا داليا واحد زى ادهم ده مش هيقبل اللى انتى هتعمليه وهيعتبرها تحدى منك ليه فكرى شويه بعقلك يا بنتى بلاش التهور اللى فيكى ده
داليا :- انا عايزه اشغل وقتى شويه يا فاطمه انا بعد ادهم عنى عامل ليا فراغ كبير فى حياتى مبقاش ورايا غير القاعده فى الاوضه والدموع وبس
منتهى :- طيب حاولى توصلى ليه وتفهميه وجهة نظرك فى اللى انتى عملتيه ده
داليا :- رافض يسمعنى يا توته حاولت كتير معاه
فاطمه :- يهدا بس واكرم هيكلمه متقلقيش بس بلاش حكاية الشغل دى يا داليا هتكبر المشاكل صدقينى
داليا :- خلاص يا فاطمه انا قررت ارجع الشغل تانى مش هفضل قاعده وحاطه ايدى على خدى كده
فاطمه :- العند ده هيوقعك فى مشاكل كبيره اوى والله ربنا يهديكى يا داليا
~•~•~•~•~•~•~•~•~•~•~•~•~•
فى المدرسه عند سندس ومؤمن

خرجوا الاتنين من الفصول وقت الاستراحه وكانت سندس مش عارفه حاجه فى المدرسه خالص ووقفت مكانها مش عارفه تتحرك وفى الوقت ده كان واقف مؤمن مع صحبه ومديها ضهره وصحبه قاله

وائل :- بص ولا مؤمن حتة القشطه دى شكلها جديده فى المدرسه هنا
مؤمن :-من غير ما يبص قال بعصبيه احترم نفسك يالا وامشى يلا ناكل قبل ما الوقت يخلص
وائل :- امشى ايه انا مش هتحرك من هنا فيه حد يسيب الوجه الحسن ده ويروح لحسن نفسه عايز تمشى انت امشى
مؤمن :- متستعبطش يا وائل انت عارف ان انا مليش فى الجو ده واحسنلك امشى معايا بلاش اللى انت بتعمله ده
وائل :- طيب بص بصه يا ابنى بلاش الهبل ده والله العظيم انت لو شوفتها هتسيبنى وتجرى عليها
مؤمن :- لاء مش هبص على حد وبراحتك بقى انا ماشى وسابه ومشى
وائل :- شوح بأيده لمؤمن وراح عند سندس وقال القمر منين شكله جديد هنا ومش عارف حاجه عن المكان
سندس :- لو سمحت اتكلم بأدب بدل ما اشتكى للمديره
وائل :- تشتكى ليه أن شاءالله الحق عليا جيت اساعدك بدل ما انتى واقفه كده ومش عارفه تروحى فين ولسه هيمشى
سندس :- ل.ل.لو سمحت ثوانى بس
وائل :- أمر يا قمر
سندس :- بص اولا بلاش كلمة قمر ويا جميل بليز
وائل :- اللى انتى عايزاه عنيا
سندس :- شكرآ بس هو المكان اللى بتشتروا منه اكل فين
وائل :- تعالى معايا اوريكى مكانه
سندس :- بقلق ل.ل.لا قولى فين وانا هروح لوحدى
وائل :- مش هينفع لازم اجى معاكى علشان بيبقى زاحمه ومش هتعرفى تشترى حاجه انا هدخل فى الزحمه دى وهجبلك
سندس :- بقلق م.م.ماشى ومشيت معاه بس كانت حاسه بحاجه غريبه قالت لو سمحت ا.ا انت مطلعنا ف.ف فوق ليه
وائل :- ها ا.ا اصل هو مكانه فوق مش تحت
سندس :- وقفت وقالت بس انا شايفه الناس بتشترى من تحت مش من فوق
وائل :- قرب منها وقال بس انا بقى بشترى من فوق يا قمر
سندس :- ا.ا انت هتعمل ايه ابعد عنى يا حيوان
وائل :- ابعد ايه بس ده انا هدوقك الحلويات وقرب منها اكتر
سندس :- اه يا حيوان يا واطى يا زباله ابعد عنى يا كلب
وائل :- أهدى بقى ده انا هظبطك وربنا بس فى الوقت ده حس بأيد على كتفه وبيسحبه بعيد عن سندس
سندس :- طلعت تجرى وراه مؤمن وقالت الحقنى يا مؤمن
مؤمن :- اتصدم وقال سندس انتى بتعملى ايه هنا
سندس :- بدموع ا.ا انا اتنقلت فى المدرسه دى يا مؤمن
وائل :- ما انت حلو اهو وبتعرف بنات امال عامل علينا مؤدب ليه
مؤمن :- قعد يضرب فيه وقال كنت حاسس انك هتعمل حاجه زباله زيك علشان كده سألت عليك وقالوا انك اخد بنت وطلعت بيها هنا هتعيش وتموت واطى يا وائل وقعد يضرب فيه
سندس :- شدت مؤمن وقالت سيبه يا مؤمن هيموت فى ايديك وتروح فى داهيه
مؤمن :- سيبينى عليه وربنا ما هسيبه غير لما اطلع روحه فى ايديا
سندس :- وحيات اغلى حاجه عندك سيبه يا مؤمن
مؤمن :- حدفه فى الارض وبص لسندس وقال انتى اغلى حاجه عندى يا سندس
سندس :- اتوترت ومشيت وسابته
مؤمن :- بص لوائل ونزل عنده و قال حسك عينك تقرب منها تانى مفهوم ومشى وراه سندس ونزلوا تحت وانتهى الوقت وكل واحد راح المكان المخصص ليه
~•~•~•~•~•~•~•~•~•~•~•~•~•
فى القسم

بدء تامر بالتحرك هو والفريق بتاعه اتجاه العصابه لإلقاء القبض عليهم وهما متلبسين وبدء ينتشروا فى أماكنهم المخصصه ليهم ويراقبوا العصابه واول ما بدء استلام البضاعه اده الاشاره تامر لبدء الهجوم وبدء إطلاق الأعيرة النارية على أفراد العصابه والتبادل ما بينهم فى إطلاق الرصاص وتم القبض على العصابه لكن هرب البوص بتاعهم واتبعه تامر وبدء المطارده بين تامر والبوص ومحاولة الهروب
البوص :- وصل مكان مهجور وهو بينهج وقال يلا بسرعه الشرطه ورايا
إنعام :- قامت وقفت بخوف وقالت ايه اللى انت بتقوله ده
البوص :- انتى لسه هتستغربى خلصى يلا قبل ما يوصل لينا
إنعام :- خرجت تجرى مع البوص بس اتفاجئوا بوجود تامر قصادهم وموجه ليهم المسدس وقال وقعتوا يا حلوين
إنعام :- ا.ا.انا مليش دعوه ه.ه.هو اللى خطفنى يا تامر تصدق أن حماتك تعمل كده برضه انقذنى منه
تامر :- انا عارف قذرتك من زمان اوى بس كنت مستنى اللحظه اللى هوقعك انتى والبوص اللى كان صدمه ليا لما عرفت هو مين منور يا مكرم مكانش حد يصدق أبدآ أن انت البوص
مكرم :- .............

*********************

إلي هنا ينتهي الفصل الرابع و الخمسون من رواية تمرد صحفية بقلم دودو محمد
تابع من هنا: جميع فصول رواية تمرد صحفية بقلم دودو محمد

تابع أيضاً: جميع فصول رواية آدم ولانا بقلم امونه

تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها

اقرأ أيضا: رواية من أجلك فقط بقلم لولو الصياد